|
Missjón/Visjón ;) Missjón Vit tryggja landskassanum skatta- og avgjaldsinntøkur. Eyðkenni okkara skal vera góð tænasta. Visjón Rættartrygd Rættartrygdin hjá tí einstaka er avgerandi í øllum okkara virksemi. Viðskiftafólkini hava ta fatan, at øll verða viðgjørd eins og rættvíst. Virkni Arbeiðsuppgávurnar verða loystar soleiðis, at atlit verður tikið til virkni (effektivitet). Tænasta Vit taka støði í tørvinum hjá okkara viðskiftafólkum. Góðska Okkara arbeiði er gjørt við høgari góðsku. Gjøgnumskygni Okkara virksemi er eyðkent við opinleika, soleiðis at tilber hjá øðrum at síggja og skilja tað, vit gera. Áhugavert starvsstað Við at skapa eitt virkið arbeiðsstað við høgari góðsku og høgum tænastustøði verður arbeiðsumhvørvið fakliga avbjóðandi og úrslitini og trivnaðurin hareftir.
|
      |
