Skriva út

Samdøgursfrádráttur

Samdøgursfrádráttur er ein kompensatión, ið verður latin aftur fyri meirútreiðslur, sum standast av at skula arbeiða uttanlands, t.d. útreiðslur til kost, húsaleigu, ferðing, flutning og sjúkra- og vanlukkutrygging. Samdøgursfrádrátturin er 300 kr. um samdøgrið og verður drigin frá inntøkuni.

Hvør hevur rætt til samdøgursfrádrátt?

Persónar, ið arbeiða á norðurlendskum fiskiskipi ella ferðafólkaflogfari, og persónar, sum hava inntøku undir DIS, hava rætt til samdøgursfrádrátt. Treytin fyri at fáa samdøgursfrádrátt er, at arbeiðið er í 2 mánaðir uttan slit ella 100 samdøgur í einum 12 mánaða tíðarskeiði.