Mvg-endurgjald fyri hitapumpur

Fyri at fáa endurgjald skulu hesar treytir vera loknar:

• Samlaðu útreiðslurnar skulu vera goldnar í seinasta lagi 31. desember 2027.
• Øll upphiting av rúmum og heitum vatni skal koma frá elorku. Hitapumpuskipanin skal veita í minsta lagi 80% av orkuni.
• Hitapumpuskipanin skal vera installerað av góðkendum installatøri. Er tað jarðhiti, skal arbeiðið av boringini vera gjørt av góðkendum brunnborara.
• Hevur áður verið hitað við oljufýrskipan, skal hon latast inn á brennistøð til burturbeiningar. Váttan frá brennistøð um innlating skal leggjast við umsóknini.

• Endurgjaldið er bert galdandi fyri útbúnað og arbeiði, ið skal til fyri at taka orkuna úr umhvørvinum, ikki fyri tilknýting til verandi hitaskipan.

Endurgjaldið er ein prosentpartur av meirvirðisgjaldinum, minkandi frá 2024, tá skipanin byrjaði, til 2028, tá hon steðgar.

• 2024: 100%
• 2025: 75%
• 2026: 50%
• 2027: 25%
• 2028 og seinni: 0%

Fyri at fáa prosentpartin fyri eitt ár, skal arbeiðið vera gjørt og goldið tað árið. Verður farið um ársskifti, er prosentparturin fyri seinna árið galdandi.

Umsóknir um mvg-endurgjald fyri hitapumpur verða umsitnar av Umhvørvisstovuni.

Søkt verður á síðuni hjá Umhvørvisstovuni á Vanganum.

Tá Umhvørvisstovan hevur góðkent umsóknina, flytur TAKS peningin á kontu tína.

Síðsta freist at søkja er 31. mars 2028.

Vit vegleiða fegin

Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.

Tú kanst eisini bíleggja eitt svar, og vit ringja teg upp aftur, tá tú hevur tíð.