Hevur TAKS sent tær eina skattauppgerð fyri 2023?

• Kanna, um uppgerðin er røtt
• Er hon røtt, skalt tú ikki gera meira
• Er hon skeiv, ella manglar okkurt, skalt tú lata inn sjálvuppgávu
• Les meira um skattauppgerð

Hevur TAKS sent tær bræv um, at tú skalt lata inn sjálvuppgávu fyri 2023?

• Freistin er 1. mai 2024
• Sjálvuppgávan skal tastast inn á Borgaraglugganum
• Les meira um sjálvuppgávu

Hevur TAKS sent tær kapitalvinningsskattauppgerð fyri 2023?

• Kanna, um uppgerðin er røtt
• Er hon røtt, skalt tú ikki gera meira
• Er hon skeiv, ella manglar okkurt, skalt tú lata inn kapitalvinningssjálvuppgávu
• Les meira um kapitalvinningsuppgerð

Hevur TAKS sent tær bræv um, at tú skalt lata inn kapitalvinningssjálvuppgávu fyri 2023?

• Freistin er 1. mai 2024
• Kapitalvinningssjálvuppgávan skal tastast inn á Borgaraglugganum
• Les meira um kapitalvinningssjálvuppgávu

Ert tú sjálvstøðugt vinnurekandi ella leigar út, so skalt tú lata inn roknskap.

• Freistin er 1. mai 2024
• Roknskapurin skal tastast inn á Borgaraglugganum saman við sjálvuppgávuni
• Les meira um roknskap

Vóru broytingar í ognum tínum í fjør í mun til fyrraárið, so skalt tú lata inn ognaruppgerð.

• Freistin er 1. mai 2024
• Uppgerðin skal sendast til taks@taks.fo ella til TAKS, Postboks 2151, 110 Tórshavn
• Les meira um ognaruppgerð

Gev viðkomandi eina fulltrú til at nýta tín Borgaraglugga. Tú kanst geva hana á Borgaraglugganum og við brævi.

Á Borgaraglugganum

• Rita inn og gev fulltrúina undir grundupplýsingar/fulltrúir > fulltrúir.
• Freistin er 1. mai.

Við brævi

• Heinta fulltrúina (PDF), fyll út og send.
• Freistin er 19. apríl. Tá skal brævið vera framkomið. Fimm dagar kunnu ganga, áðrenn útborið verður, so send í góðari tíð.