Freistir og mannagongdir

Hevur TAKS sent tær eina skattauppgerð fyri 2025?

• Kanna, um uppgerðin er røtt
• Er hon røtt, skalt tú ikki gera meira, tí so rindar tú rættan skatt
• Er hon skeiv, skalt tú broyta hana og senda hana aftur til TAKS
• Les um skattauppgerð

Hevur TAKS sent tær bræv um, at tú skalt lata inn sjálvuppgávu fyri 2025?

• Freistin er 4. mai 2026
• Sjálvuppgávan skal tastast inn á Borgaraglugganum
• Les um sjálvuppgávu

Hevur TAKS sent tær kapitalvinningsuppgerð fyri 2025?

• Kanna, um uppgerðin er røtt
• Er uppgerðin røtt, skalt tú ikki gera meira, tí so rindar tú rættan skatt
• Er uppgerðin skeiv ella manglar okkurt, skalt tú lata inn kapitalvinningssjálvuppgávu
• Les um kapitalvinningsuppgerð

Hevur TAKS sent tær bræv um, at tú skalt lata inn kapitalvinningssjálvuppgávu fyri 2025?

• Freistin er 4. mai 2026
• Kapitalvinningssjálvuppgávan skal tastast inn á Borgaraglugganum
• Les um kapitalvinningssjálvuppgávu

Ert tú sjálvstøðugt vinnurekandi ella leigar út, skalt tú lata inn roknskap.

• Freistin er 4. mai 2026
• Roknskapurin skal tastast inn á Borgaraglugganum saman við sjálvuppgávuni
• Les um roknskap

Hevur tú roknskaparskyldu, skalt tú lata inn ognaruppgerð.

Hevur tú ikki roknskaparskyldu, skalt tú kortini lata inn ognaruppgerð, um tú hevur ognir og antin ikki hevur latið inn ognaruppgerð áður, ella um broytingar hava verið í ognum tínum síðan seinastu innlatnu uppgerð.

• Freistin er 4. mai 2026
• Uppgerðin skal sendast til taks@taks.fo ella til TAKS, Postboks 2151, 110 Tórshavn
• Les um ognaruppgerð

Gev viðkomandi eina fulltrú at nýta tín Borgaraglugga.

Á Borgaraglugganum

• Rita inn á Borgaragluggan

• Vel Grundupplýsingar/fulltrúir > Fulltrúir

• Fyll út og send

Freistin er 4. mai 2026.

Við brævi

• Heinta fulltrúina
• Fyll út og send:
  • við teldubrævi til taks@taks.fo ella
  • við vanligum brævi til TAKS, Postboks 2151, 110 Tórshavn

Freistin er 27. apríl 2026. Tá skal brævið vera framkomið. Fimm dagar kunnu ganga, áðrenn útborið verður, so send í góðari tíð.