Kapitalvinningsuppgerð

Ein kapitalvinningsuppgerð er eitt yvirlit yvir upplýsingar, sum TAKS hevur um skattaviðurskifti tíni í sambandi við rentuinntøkur, vinningsbýti, virðisbrøv o.a. síðsta ár.

Kapitalvinningsuppgerðin vísir:

• hvør skattskyldiga inntøkan var
• hvønn frádrátt tú hevði
• hvussu nógv tú rindaði í kapitalvinningsskatti
• um skatturin passaði, ella um tú fært írestandi skatt (skalt rinda meira) ella avlopsskatt (fært skatt afturgoldnan)

Tú fært uppgerðina frá TAKS í mars. Hon kemur í Borgaragluggan, Mínboks ella postkassan.

Tú skalt kanna, um uppgerðin er røtt

• Er hon røtt, skalt tú ikki gera meira, tí so rindar tú rættan skatt
• Er hon skeiv, skalt tú broyta hana og senda hana aftur til TAKS

Tú broytir kapitalvinningsuppgerðina á Borgaraglugganum

• Rita inn á Borgaragluggan
• Vel Sjálvuppgávan > Kapitalvinningsuppgerðir > Broyt kapitalvinningsuppgerð
• Fyll út og viðheft viðkomandi skjøl
• Lat inn

Nýggj uppgerð verður send tær, og mannagongdin verður endurtikin, til alt er rætt.

Uppgerðin hjá TAKS er bert ein meting út frá teimum upplýsingum, sum TAKS hevur atgongd til. TAKS kann hava fingið upplýsingarnar frá bankum, sum umsita virðisbrøv, rentur o.a., frá feløgum, sum útgjalda vinningsbýti, ella gjøgnum samskifti við teg.

Fært tú ikki eina kapitalvinningsuppgerð, kann tað vera tí, at tú seldi virðisbrøv síðsta ár. Tá fært tú í staðin bræv um at lata inn kapitalvinningssjálvuppgávu.

• Les um kapitalvinningssjálvuppgávu

Hygg í vegleiðingina at geva upp skatt

• Heinta vegleiðing (PDF)

Spyr kundatænastu okkara

• Ring 35 26 00, skriva til taks@taks.fo ella kom inn á gólvið á Smyrilsvegi 20 í Havn. Avgreiðslutíðin er mánadag til hósdag millum 10 og 12.

Tú kanst eisini

• bíleggja eitt svar og fáa okkum at ringja teg upp aftur,
• spyrja Eyðei, kjattbottin hjá TAKS. Klikk á hana niðast til høgru á síðuni. Gev gætur, at svarini hjá Eyðei eru vegleiðandi. Spyr kundatænastuna, um tú ivast.