Samleikin er innritanarskipan til tænastur hjá bankum, kommunum og almennum stovnum, eitt nú til Borgaragluggan hjá TAKS. Til at fáa Samleikan, skal man hava fylt 13 og hava føroyskt p-tal.
Meira um Borgaragluggan
Borgaragluggin er TAKS, tá tú hevur tíð. Við honum hevur tú altíð pappírini við hondina og kanst avgreiða flestøll viðurskifti við okkum 24/7.
Ritað verður inn á Borgaragluggan við Samleikanum
Á Borgaraglugganum kanst tú avgreiða nógv
Til dømis:
- sjálvuppgávu
- rentustuðul til lestrarlán
- rentustuðul til bústaðarlán
- stuðul til dupult húsarhald
- kapitalvinningssjálvuppgávu
- broyta skattauppgerðir trý ár aftur í tíð
- broyta kontunummarið til frítíðarløn og avlopsskatt
Tú kanst eisini síggja nógvar av sínum týdningarmiklu upplýsingum, eitt nú:
- eftirløn
- frítíðarløn
- lønaryvirlit
- grundupplýsingar
- eldri skattauppgerðir
- yvirlit yvir ogn og skuld
Borgaragluggin riggar best í Chrome, Edge og Firefox
Vit mæla til at nýta ein av hesum browsarum, tá ið ritað verður inn.
Skal onkur orðna sjálvuppgávuna fyri teg á Borgaraglugganum?
Gev viðkomandi eina fulltrú til at nýta tín Borgaraglugga. Tú kanst geva fulltrúina á Borgaraglugganum og við brævi.
Á Borgaraglugganum
- Rita inn á gluggan
- Vel Grundupplýsingar/fulltrúir > Fulltrúir
- Fyll út og send
Freistin er 4. mai 2026.
Við brævi
- Heinta fulltrúina
- Fyll út og send:
- við teldubrævi til taks@taks.fo ella
- við vanligum brævi til TAKS, Postboks 2151, 110 Tórshavn
Freistin er 24. apríl. 2026. Tá skal brævið vera framkomið. Fimm dagar kunnu ganga, áðrenn útborið verður, so send í góðari tíð.
Tú kanst velja, um fulltrúin skal galda í eitt, tvey ella trý ár
Velur tú fleiri ár, sleppur tú undan at endurnýggja fulltrúina hvørt ár.
Spurningar?
Vit vegleiða fegin
- Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.
Tú kanst eisini bíleggja eitt svar, og vit ringja teg upp aftur, tá tú hevur tíð.