Ognaruppgerð

Ein ognaruppgerð er eitt yvirlit yvir ognir tínar, og hvat tær eru verdar. Til dømis hús, virðisbrøv, akfør og virðismikil listarverk.

Lata inn ognaruppgerð skal tann, sum:

• hevur roknskaparskyldu
• hevur ognir, og ikki hevur latið inn ognaruppgerð áður
• hevur havt broytingar í ognum sínum í mun til seinast innlatnu uppgerð

Hesar ognir skulu við í uppgerðina:

• sethús, summarhús, grundstykkir o.a.
• motorakfør, bátar, innbúgv og annað leysafæ
• reiðupeningur, innistandandi, virðisbrøv, kryptovaluta o.a.
• vørur, ráevni, maskinur, innbúgv, innistandandi og leysafæ til vinnuligt endamál
• listaverk, frímerkjasøvn, smúkkur o.tíl, sum hevur eitt virði á meira enn 25.000 kr.
• ogn hjá børnum undir 16 ár:
  • hjá børnum í parlagi skal ognin við í uppgerðina hjá tí, sum hevur foreldramyndugleikan
  • hjá børnum í hjúnalagi skal ognin takast við í uppgerðina hjá tí, sum foreldrini semjast um

Hesar ognir skulu ikki við í uppgerðina:

• arvur ella gáva, har tilskilað er, at annar persónur fyrst skal hava inntøkuna, og at tú ikki hevur ræði á ognini hesa tíðina
• arvur ella gáva, har tilskilað er, at inntøkan fyrst skal goymast, og at tú ikki hevur ræði á ognini ella inntøkuni hesa tíðina
• nýtslurættindi til tíðarásett gjøld ella ágóðar, til dømis rættindi til eftirløn, lívrentu og leigufrían bústað

Lat rætt og rættstundis inn

Tað kann geva sekt og meirskatt, um tú letur inn ov seint ella ikki tekur alla inntøku við. Hetta er sambært §§ 100 og 139 í skattalógini.

Tú kanst søkja um longda innlatingarfreist

Tað skal vera ein serlig orsøk, eitt nú sjúka, og tú mást ikki skylda aðrar roknskapir. Send eina skrivliga umsókn til TAKS, Postboks 2151, 110 Tórshavn ella til taks@taks.fo.

Freistin er 27. apríl 2026. Tá skal brævið vera framkomið. Sendir tú við vanligum brævi, kunnu fimm dagar ganga, áðrenn tað kemur fram, so send í góðari tíð.

Tú letur ognaruppgerðina inn við brævi, teldubrævi ella við at koma inn á gólvið hjá okkum við henni.

Við brævi

Send uppgerðina til TAKS, Postboks 2151, 110 Tórshavn

Við teldubrævi

Send uppgerðina til taks@taks.fo

Við at koma inn á gólvið

Kom inn til okkara við uppgerðini á Smyrilsvegi 20 í Havn mánadag til hósdag millum klokkan 10 og 12.

Vend tær til kundatænastu okkara

• Ring 35 26 00, skriva til taks@taks.fo ella kom inn á gólvið á Smyrilsvegi 20 í Havn. Avgreiðslutíðin er mánadag til hósdag millum 10 og 12.

Hygg í vegleiðingina at geva upp skatt

• Heinta vegleiðing (PDF)

Spyr kundatænastu okkara

• Ring 35 26 00, skriva til taks@taks.fo ella kom inn á gólvið á Smyrilsvegi 20 í Havn. Avgreiðslutíðin er mánadag til hósdag millum 10 og 12.

Tú kanst eisini

• bíleggja eitt svar og fáa okkum at ringja teg upp aftur,
• spyrja Eyðei, kjattbottin hjá TAKS. Klikk á hana niðast til høgru á síðuni. Gev gætur, at svarini hjá Eyðei eru vegleiðandi. Spyr kundatænastuna, um tú ivast.