Roknskapur

Ein roknskapur er eitt yvirlit yvir inntøkur og útreiðslur hjá einum virksemi. Hann vísir, hvussu fíggjarliga støðan er, og um virksemið gevur vinning ella tap.

Lata inn roknskap skal tann, sum:

• leigar út við roknskapi, ella sum
• er sjálvstøðugt vinnurekandi

Hoyrir tú ikki til ein av hesum bólkum, skalt tú ikki lata inn sjálvuppgávu.

Soleiðis gert tú

• Rita inn á gluggan
• Vel Sjálvuppgávan > Fyll út sjálvuppgávu > B-inntøkur
• Tasta úrslitið av roknskapinum inn og fyll út viðkomandi roknskaparleist. Leinkið til leistin kemur fram við teigin, har úrslitið av roknskapinum skal skrivast.
• Fyll út sjálvuppgávuna
• Lat inn

Seks roknskaparleistir eru

Fýra eru fyri fyri ávikavist húsaleigu, hýruvogn, landbúnað og útróður og tveir eru fyri aðrar vinnugreinar: annar er uttan løn og avskriving, hin er við løn og/ella avskriving.

Niðanfyri eru video, sum vísa, hvussu tveir av leistunum verða útfyltir. Hinir leistirnir verða útfyltir á sama hátt.

• Video um roknskaparleist fyri húsaleigu
• Video um roknskaparleist uttan løn og avskriving

Ber av serligum  ávum ikki til at nýta leistirnar á Borgaraglugganum, kunnu teir heintast her á síðuni undir oyðubløðum. Fyll út og lat inn á Borgaraglugganum.

• Allar skrásetingar skulu kunna sporast aftur til skattligu uppgerðirnar.
• Tølini í skattauppgerðini skulu kunna loysast upp í tey tøl, tey eru samansett av.
• Nettosølan skal vísast fyri seg og skal gerast upp við atliti at tilgóðahavandi fyri vørusølu og tænastur við ársbyrjan og ársenda.
• Vørunýtsla, lønir, aðrar starvsfólkaútreiðslur og kostnaðir annars skulu upplýsast serstakt eftir slagi.
• Eru útreiðslur nýttar til støðisfæ ella til privata nýtslu, skulu hesar flytingar upplýsast serstakt fyri hvønn kostnað.
• Avskrivingar, sum stava frá staðfestum tapi upp á skuldarar, skulu vísast serstakt.
• Støðisfæ, sum verður avskrivað, skal sundurliðast, so greitt sæst, hvat avskrivingargrundarlagið er.
• Árligar avskrivingar skulu vísast fyri seg í roknskapinum og sundurliðast eftir slagi av støðisfæi.
• Fyri bygningar og annað, sum verður avskrivað, skulu útveganarár og útveganarpeningur upplýsast.
• Ein fíggjarstøða við uppgerð yvir ogn og skuld við ársenda skal vera partur av roknskapinum.

Inntøka av ikki-vinnuligum virksemi verður skattað sum nettoinntøka. Tað merkir, at tú kanst bara draga útreiðslur frá, sum svara til inntøkuna sama ár. Úrslitið verður tí í mesta lagi null í skattligum høpi.

Hevur tú tap, kann tað ikki dragast frá aðrari inntøku, og tað kann heldur ikki flytast fram til komandi ár.

Innlatingarfreistin er 4. mai 2026

Tað kann geva sekt og meirskatt, um tú letur inn ov seint ella ikki tekur alla inntøku við. Hetta er sambært §§ 100 og 139 í skattalógini.

Tú kanst søkja um longda innlatingarfreist

Tað skal vera ein serlig orsøk, eitt nú sjúka, og tú mást ikki skylda aðrar roknskapir. Send eina skrivliga umsókn til TAKS, Postboks 2151, 110 Tórshavn ella til taks@taks.fo.

Freistin er 27. apríl 2026. Tá skal brævið vera framkomið. Sendir tú við vanligum brævi, kunnu fimm dagar ganga, áðrenn tað kemur fram, so send í góðari tíð.

Gev viðkomandi eina fulltrú til at nýta tín Borgaraglugga. Tú kanst geva hana á Borgaraglugganum ella við brævi.

Á Borgaraglugganum

• Rita inn á gluggan
• Vel Grundupplýsingar/fulltrúir > Fulltrúir
• Fyll út og send

Freistin er 4. mai 2026.

Við brævi

• Heinta fulltrúina
• Fyll út og send:
  • við teldubrævi til taks@taks.fo ella
  • við vanligum brævi til TAKS, Postboks 2151, 110 Tórshavn

Freistin er 27. apríl 2026. Tá skal brævið vera framkomið. Sendir tú við vanligum brævi, kunnu fimm dagar ganga, áðrenn tað kemur fram, so send í góðari tíð.

Best er at seta seg í samband við bókhaldara ella grannskoðara um roknskap.

Tú kanst eisini hyggja í vegleiðingina at geva upp skatt

• Heinta vegleiðing

Kundatænasta okkara er eisini ein møguleiki

• Ring 35 26 00 ella kom inn á gólvið á Smyrilsvegi 20 í Havn. Avgreiðslutíðin er mánadag til hósdag millum 10 og 12.

Tú kanst eisini altíð

• skriva til taks@taks.fo,
• bíleggja eitt svar og fáa okkum at ringja teg upp aftur,
• spyrja Eyð Eið, kjattbottin hjá TAKS. Klikk á hana niðast til høgru á síðuni. Gev gætur, at svarini hjá Eyð Eið eru vegleiðandi. Spyr kundatænastuna, um tú ivast.