Uttanlandsinntøka er inntøka, sum tú hevur uttanlands, samstundis sum tú hevur fulla skattskyldu í Føroyum.
Hevði tú uttanlandsinntøku í 2025, skalt tú skráseta bæði inntøku og møguligan frádrátt á eitt fylgiskjal til sjálvuppgávuna. Fylgiskjalið skal latast inn saman við sjálvuppgávuni.
Innlatingarfreistin er 4. mai 2026.
Skalt tú lata inn roknskap, mást tú lata inn á Borgaraglugganum.
Í Føroyum fært tú frádrátt fyri henda skatt, í mesta lagi tað, sum fellur á inntøkuna. Tú fært inntøkufrádrátt á 30% av inntøkuni um árið – tó í mesta lagi 120.000 krónur. Av skattskyldiga partinum verða goldin 35% í skatti.
Fiskimenn við norðurlendskum skipum hava ikki nevndu frádráttarmøguleikar. Teir hava ein fiskiveiðufrádrátt á 14% av inntøku upp til kr. 470.000 ella í mesta lagi kr. 65.800. Teir hava eisini rætt til samdøgursfrádrátt á kr. 300 um dagin fyri meirútreiðslur av at arbeiða uttanlands.
Klikk á "Útisiglarar" undir leinkjum her á síðuni og les um skattaviðurskiftini hjá tær.
Norska Folketrygden og aðrar norðurlendskar veitingar, ið koma undir norðurlendska sáttmálan um sosiala trygd, verða viðgjørdar sum skattur. Á sjálvuppgávuni skulu inngjøld til slíkar veitingar gevast upp sum goldin skattur uttanlands. So rindar ein møguliga tað minni í Føroyum.
Til samdøgursfrádráttin skal dagatalið gevast upp. Dagatalið fevnir um dagar í arbeiðsørindum uttanlands og ferðadagar til og frá arbeiðsstaði. Samdøgursfrádráttur er ikki galdandi fyri inntøku, sum hoyrir undir § 25 b, stk. 1, í skattalógini.
Les meira um samdøgursfrádrátt undir leinkjum.
Fríir ágóðar eru ókeypis sersømdir, sum arbeiðsgevari letur starvsfólki í sambandi við arbeiði, t.d. fríur kostur og fríur bústaður.
Hevur tú í sambandi við uttanlandsarbeiði fingið slíkar ágóðar, skulu teir við í sjálvuppgávuna. Hevur arbeiðsgevarin goldið fyri teir, sæst hetta møguliga á lønarseðlunum.
Les meira um fríar ágóðar undir leinkjum. Har sær tú eisini talvu yvir virðini, ið sett eru á ymsar ágóðar. Talvan eitur Árligar virðisásetingar hjá TAKS.
Arbeiðsútleigan til Norðurlond verður skattað sum lønarinntøka. Sum løntakari skalt tú geva hana upp, eins og tú skalt geva upp vistarhald, sum arbeiðsgevarin hevur rindað fyri.
Um leigarin hevur rakstrarstað í arbeiðslandinum, rindar hann lønina og avroknar skatt í landinum, har arbeiðið er gjørt (arbeiðslandinum).
Ert tú sum løntakari útleigaður til Norðurland, og arbeiðsgevarin sendir teg víðari til triðjaland, skalt tú gjalda skatt í Føroyum. Tú fært frádrátt, um tú hevur goldið skatt til triðjalandið.
Hetta er galdandi fyri bæði inntøku, skatt, ágóða, eftirlønargjald o.a.
Á Borgaraglugganum verður miðalkursurin innlisin sjálvvirkandi.
Tað kann geva sekt og meirskatt, um tú letur inn ov seint ella ikki tekur alla inntøku við. Hetta er sambært §§ 100 og 139 í skattalógini.
Tað skal vera ein serlig orsøk, eitt nú sjúka, og tú mást ikki skylda aðrar sjálvuppgávur. Send eina skrivliga umsókn til TAKS, Postboks 2151, 110 Tórshavn ella til taks@taks.fo.
Freistin er 27. apríl 2026. Tá skal brævið vera framkomið. Sendir tú við vanligum brævi, kunnu fimm dagar ganga, áðrenn tað kemur fram, so send í góðari tíð.
Gev viðkomandi eina fulltrú til at nýta tín Borgaraglugga. Tú kanst geva hana á Borgaraglugganum ella við brævi.
Freistin er 4. mai 2026.
Freistin er 27. apríl 2026. Tá skal brævið vera framkomið. Sendir tú við vanligum brævi, kunnu fimm dagar ganga, áðrenn tað kemur fram, so send í góðari tíð.