Kringvarpsgjald

Tað gera øll, sum eru 24 ár og eldri og hava fulla skattskyldu í Føroyum. Skyldan at rinda tekur við mánaðin eftir, at man er blivin 24.

Lesandi uttanlands skulu ikki rinda kringvarpsgjald

Tað kann tó henda, at rokning verður send, um man stendur at búgva í Føroyum sambært Landsfólkayvirlitinum.

Í tí føri er at venda sær til Kringvarpið og boða frá, at man er lesandi uttanlands. Kringvarpið tekur síðan støðu til frítøku og boðar TAKS frá.

Kringvarpsgjaldið er mánaðargjald og verður ásett eftir aldri á gjaldaranum:

• 24 ár og eldri rinda 176 krónur um mánaðin.
• Pensjonistar rinda 73 krónur um mánaðin.

Sjálvvirkandi

• Fært tú lestrarstuðul, fer gjaldið sjálvvirkandi av stuðlinum.
• Fært tú løn ella skattafría veiting gjøgnum skattaskipanina, fer gjaldið sjálvvirkandi av lønini/veitingini.

Við rokning

• Fært tú ikki lestrarstuðul ella pening gjøgnum skattaskipanina, t.d. um tú ert heimagangandi ella hevur B-inntøku, fært tú rokning sendandi hvønn mánað.

Er tað um frítøku fyri lesandi uttanlands?

• Ring ella skriva til Kringvarpið. Kontaktupplýsingar og avgreiðslutíðir síggjast á www.kvf.fo/samband.

Er tað um okkurt annað?

• Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.
• Tú kanst eisini bíleggja eitt svar, og vit ringja teg upp aftur, tá tú hevur tíð.