Tú rindar fyrsta gjaldið mánaðin eftir, at tú hevur fylt.
Tú skalt hava fulla skattskyldu í Føroyum. Hevur tú ikki tað, skalt tú ikki rinda kringvarpsgjald.
Kringvarpsgjald
Nær byrjar tú at rinda kringvarpsgjald, hvussu stórt er gjaldið, og hvussu verður tað goldið? Her fært tú svar upp á tínar spurningar.
Tú byrjar at rinda kringvarpsgjald, tá tú ert 24 ár
Gjaldið er 170 krónur um mánaðin
Hetta rinda tey, sum eru vorðin 24 ár, men sum ikki hava fingið fólkapensjónsaldur. Tá tú fært fólkapensjónsaldur, verður gjaldið 70 krónur um mánaðin.
Fólkapensjónsaldurin er:
- 67 ár fyri tey, sum eru fødd fyri 1. juli 1957,
- 67½ ár fyri tey, sum eru fødd millum 1. juli 1957 og 31. desember 1962,
- 68 ár fyri tey, sum eru fødd eftir 31. desember 1962.
Gjaldið verður goldið sjálvvirkandi ella við rokning
Sjálvvirkandi
- Fært tú løn, lestrarstuðul ella skattafría veiting gjøgnum skattaskipanina, verður gjaldið trekt sjálvvirkandi av inntøkuni, áðrenn hon kemur á kontu.
Við rokning
- Fært tú ikki lestrarstuðul ella pening gjøgnum skattaskipanina, t.d. um tú ert heimagangandi ella hevur B-inntøku, fært tú rokning eina ferð um mánaðin.
Lesandi uttanlands rinda ikki kringvarpsgjald
Tað kann kortini henda, at tú fært rokning, um tú sambært Landsfólkayvirlitinum stendur at búgva í Føroyum.
Tá skalt tú venda tær til Kringvarpið og boða frá, at tú eigur ikki at rinda rokningina. Kringvarpið tekur síðan støðu til, um tú kanst fáa frítøku, og sigur TAKS frá.
Spurningar?
Er tað um frítøku fyri lesandi uttanlands?
- Set teg í samband við Kringvarpið. Kontaktupplýsingar finnur tú á www.kvf.fo/samband.
Er tað um okkurt annað?
- Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.
- Tú kanst eisini bíleggja eitt svar, og vit ringja teg upp aftur, tá tú hevur tíð.