Skattauppgerð

Ein skattauppgerð er eitt yvirlit yvir upplýsingar, sum TAKS hevur um skattaviðurskifti tíni síðsta ár.

Skattauppgerðin vísir:

• hvør skattskyldiga inntøkan var
• hvønn frádrátt tú hevði
• hvussu nógv tú rindaði í skatti
• um skatturin passaði, ella um tú fært írestandi skatt (skalt rinda meira) ella avlopsskatt (fært skatt afturgoldnan)

Tú fært uppgerðina frá TAKS í mars. Hon kemur í Borgaragluggan, Mínboks ella postkassan.

Fært tú írestandi skatt, skalt tú gjalda hann við rokning, sum TAKS sendir tær. Fært tú avlopsskatt, verður peningurin fluttur á lønarkontu tína mánadagin, 23. mars 2026.

Tú skalt kanna, um uppgerðin er røtt

Ein røtt skattauppgerð vísir alla inntøku og allan frádrátt, sum tú hevði síðsta ár.

• Er hon røtt, skalt tú ikki gera meira, tí so rindar tú rættan skatt
• Er hon skeiv, skalt tú broyta hana og senda hana aftur til TAKS

Tú broytir skattauppgerðina á Borgaraglugganum

• Rita inn á Borgaragluggan
• Vel Sjálvuppgávan > Broyt skattauppgerð
• Fyll út og viðheft viðkomandi skjøl
• Lat inn

Nýggj uppgerð verður send tær, og mannagongdin verður endurtikin, til alt er rætt.

Uppgerðin hjá TAKS er bert ein meting út frá teimum upplýsingum, sum TAKS hevur atgongd til. TAKS hevur fingið upplýsingarnar frá tær ella frá skattaskipanini.

Fært tú ikki eina skattauppgerð, kann tað vera tí, at tú hevur leigað út, verið sjálvstøðugt vinnurekandi ella hevur havt uttanlandsinntøku ella útlendska eftirløn síðsta ár. Tá fært tú í staðin bræv um at lata inn sjálvuppgávu.

• Les um sjálvuppgávu

Ger tað við telduposti ella á Borgaraglugganum.

Við telduposti er freistin 15. mars á midnátt

• Skriva nýggja kontunummarið á eitt skjal og skriva undir
• Skanna ella avmynda skjalið og send til taks@taks.fo

Á Borgaraglugganum er freistin 19. mars klokkan 16

• Rita inn á Borgaragluggan
• Vel Grundupplýsingar/fulltrúir > Kontaktupplýsingar > Broyt peningastovnskontu
• Fyll út og send

Hygg í vegleiðingina at geva upp skatt

• Heinta vegleiðing (PDF)

Spyr kundatænastu okkara

• Ring 35 26 00, skriva til taks@taks.foella kom inn á gólvið á Smyrilsvegi 20 í Havn. Avgreiðslutíðin er mánadag til hósdag millum 10 og 12.

Tú kanst eisini

• bíleggja eitt svar og fáa okkum at ringja teg upp aftur,
• spyrja Eyðei, kjattbottin hjá TAKS. Klikk á hana niðast til høgru á síðuni. Gev gætur, at svarini hjá Eyðei eru vegleiðandi. Spyr kundatænastuna, um tú ivast.