Skattur og húsaleiga

Leigar tú út til eina fyritøku, skalt tú geva leiguna upp við roknskapi. Tað hevur ikki týdning, hvat fyritøkan brúkar leigumálið til. At leigar út umvegis Airbnb er at leiga út til fyritøku.

Tú skalt eisini geva upp við roknskapi, um tú leigar út til privatfólk í styttri tíð enn tríggjar mánaðir, ella um leigarin ikki hevur adressu á staðnum. Tað kann til dømis vera, um bústaðurin verður brúktur sum feriubústaður ella fyribilsbústaður.

Húsaleiga, sum verður givin upp við roknskapi, verður skattað sum vanlig inntøka. Hevur tú aðra inntøku, kann húsaleigan ávirka skattaprosentið á teirri inntøkuni.

Leigar tú bara ein part av húsunum út?

Dømið omanfyri vísir, tá ið heil hús verða útleigað. Leigar tú bara ein part út, skal tað takast við í útrokningina.

Eru húsini 200 fermetrar, og tú leigar 50 fermetrar út í 150 dagar um árið, skulu útreiðslurnar fyrst býtast eftir stødd og síðan eftir, hvussu leingi útleigað verður.

Fyrst roknar tú 50/200 og so 150/365. Síðan kanst tú draga frá tann partin av útreiðslunum, sum hoyrir til útleiguna, til dømis til el, olju, trygging og tílíkt.

Frádráttur fyri viðlíkahald

Tú kanst í summum førum draga viðlíkahaldsútreiðslur frá, áðrenn skatturin verður roknaður.

Hetta snýr seg um slit og brek, sum standast av vanligari nýtslu hjá leigaranum. Tá verður mett um, hvussu leingi luturin vanliga heldur, og frádrátturin verður býttur út yvir hesa tíð.

Ein vaskimaskina hevur til dømis eina metta livitíð á 15 ár. Verður hon umvæld orsakað av sliti, kanst tú draga 1/15 av útreiðsluni frá fyri hvørt ár, hon hevur verið partur av tí útleigaða.

Útreiðslur til at gera hús ella íbúð klár til útleigu kunnu ikki dragast frá sum viðlíkahald. Tær verða roknaðar sum stovningarútreiðslur.

Undir leinkjum finnur tú yvirlit yvir frádráttarmøguleikar og livitíðir í sambandi við húsaleigu.

Avskrivingar av innbúgvi

Í summum førum kanst tú avskriva innbúgv sambært avskrivingarlógini.

Leigar tú heil hús út burturav, kunnu avskrivingar gerast eftir 1. kapitli í avskrivingarlógini. Tá kanst tú avskriva innbúgv, men ikki sjálv húsini.

Í øðrum førum kunnu avskrivingar gerast eftir 2. kapitli í avskrivingarlógini. Tá verður avskrivað eftir, hvussu nógv dagar, útleigað verður.

Við bruttoskatti kanst tú árliga draga eina skattafría upphædd á 100.000 kr. frá leiguinntøkuni. Av tí, sum er eftir, rindar tú 25% í skatti.

Er árliga leiguinntøkan minni enn 100.000 kr., skalt tú ikki rinda skatt.

Tú kanst bara brúka bruttoskatt, um tú leigar beinleiðis út til privatfólk í minst tríggjar mánaðir. Leigarin skal eisini búgva fast á staðnum.

Velur tú bruttoskatt, er valið bindandi í trý fylgjandi inntøkuár. Hesi árini kanst tú ikki skifta yvir til roknskap.

Eigur tú húsini saman við øðrum?

Tá skal tann skattafría upphæddin býtast eftir, hvussu stóran part av húsunum hvør eigur.

Eiga tú og ein annar til dømis helvt um helvt av einum útleigaðum húsum, er tann skattafría upphæddin 50.000 kr. í part.

Eigur tú tríggjar fjórðingar av húsunum, og hin eigur ein fjórðing, verður upphæddin býtt samsvarandi. Tá fært tú 75.000 kr., og hin fær 25.000 kr.

Hetta broytist ikki, um tú gevur upp við bruttoskatti, og hin gevur upp við roknskapi. Tann skattafría upphæddin hjá tær, sum brúkar bruttoskatt, verður altíð ásett eftir tínum ognarluti.

Leigar tú fleiri hús út?

So er tann skattafría upphæddin framvegis 100.000 kr. í alt.

Velur tú at leiga út við bruttoskatti, skalt tú brúka henda háttin fyri samlaðu leiguinntøkurnar frá øllum leigumálunum, sum tú leigar út til bústaðarendamál.

Har skal hon tastast inn og latast inn saman við sjálvuppgávuni.

Við bruttoskatti

• Rita inn á Borgaragluggan
• Vel Sjálvuppgávan > Húsaleiga
• Fyll út og lat inn

Við roknskapi

• Rita inn á Borgaragluggan
• Vel Sjálvuppgávan > Fyll út sjálvuppgávu > B-inntøkur
• Tasta inntøkuna av húsaleiguni í teig 230 og viðfest roknskapin
• Lat inn

Hevur tú ongan bókhaldara at gera roknskapin fyri teg, kanst tú brúka roknskaparleistin hjá TAKS fyri húsaleigu. Leinkið til leistin kemur fram við teigin, har inntøkan av húsaleiguni skal skrivast. Tú kanst eisini heinta leistin undir leinkjum her á síðuni. Fyll út, goym á telduni og viðheft á Borgaraglugganum.

Vita undir leinkjum her á síðuni

Tað kann vera, at svarið liggur har.

Vit vegleiða eisini fegin

• Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.

• Tú kanst eisini bíleggja eitt svar, og vit ringja teg upp aftur, tá tú hevur tíð.