Lurta

Rentustuðul til lestrarlán

Rentustuðul til lestrarlán er stuðul til rentur av lánum, ið verða tikin í sambandi við útbúgving. Her kanst tú lesa um treytir og upphæddir, og hvussu tú søkir.

Soleiðis søkir tú um rentustuðul til lestrarlán

Á Vanganum

  • Rita inn á Vangan
  • Vel Tænastuveitarar > TAKS > Rentustuðul til lestrarlán
  • Fyll út og send

Á pappíri

  • Heinta umsóknina undir oyðubløðum her á síðuni
  • Fyll út og send:
    • við teldubrævi til taks@taks.fo ella
    • við vanligum brævi til TAKS, Postboks 2151, 110 Tórshavn

Er hetta fyrstu ferð, tú søkir um stuðul til lánið?

Viðheft:

  • yvirlit yvir rentuna í útbúgvingarárinum
  • gjaldstalvu frá lánveitara yvir samlaða lánið
Treytir fyri at fáa stuðul

Um lánið er frá føroyskum lánveitara, skalt tú:

  • hava fulla skattskyldu í Føroyum
  • vera farin at gjalda lestrarlánið aftur
  • ikki hava drigið renturnar frá í útbúgvingarlandinum

Um lánið er frá útlendskum lánveitara, skalt tú harumframt:

  • hvønn januar upplýsa TAKS um mettu rentuna fyri komandi árið
  • hvønn desember upplýsa TAKS um faktisku rentuna farna árið

Fær TAKS ikki mettu rentuna at vita, verður stuðulin steðgaður.

Stødd og útgjald
  • Stuðulin er 35% av rentuni
  • Stuðulin verður útgoldin eina ferð um mánaðin
Spurningar?

Vit vegleiða fegin

  • Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.
  • Tú kanst eisini bíleggja eitt svar, og vit ringja teg upp aftur, tá tú hevur tíð.