Øll, sum eru fylt 18 ár og sum búgva í Føroyum, skulu rinda til Heilsutrygd.

Frá 1. januar 2021 er gjaldið sett til 175 krónur um mánaðin umframt 0,70 prosent av skattskyldigu inntøkuni.

Gjaldið til Heilstrygd verður kravt inn upp á tveir mátar:

1. Hevur tú A-inntøku, verður gjaldið tikið sjálvvirkandi av løn tíni, áðrenn hon kemur á kontu.
2. Hevur tú ikki A-inntøku, ella er hon minni enn eitt vist, fært tú rokning sendandi frá TAKS annanhvønn mánað.

Hoyrir tú til bólk 2, kanst tú stovna eina gjaldsavtalu. Tað lættir um, tí tá verður títt heilsutrygdargjald flutt sjálvvirkandi av kontu tíni. Klikk á "Vegleiðing at stovna gjaldsavtalur" undir snarslóðum og les meira um hetta.