Tollurin á einari vøru er ofta millum 5 og 10 prosent av tí, tað kostar at keypa vøruna og at fáa hana til Føroya. Neyva talið ásetir toll- og vøruskráin, eisini kallað altjóða vøruskráin, sum Føroyar hava gjørt avtalu við onnur lond um at fylgja.

Nei.

• Man rindar ikki toll av vøru, sum kostar 300 kr. ella minni, íroknað frakt og trygging.
• Man rindar ikki toll av vøru, sum er tollfrí sambært Toll- og vøruskránni.
• Man rindar ofta heldur ikki toll av vøru úr landi, sum Føroyar hava handilssáttmála við.

Niðanfyri standa londini, sum Føroyar hava handilssáttmála við. Undir snarslóðum stendur meira um 300 krónu-regluna og um toll og vøru-skránna.

Belgia, Bretland, Bulgaria, Danmark, Estland, Eysturríki, Finnland, Frakland, Grikkaland, Írland, Ísland, Italia, Kekkia, Kroatia, Kypros, Lettland, Litava, Luksemborg, Malta, Niðurlond, Noreg, Pólland, Portugal, Rumenia, Slovakia, Slovenia, Spania, Sveis, Svøríki, Turkaland, Týskland og Ungarn.