Tollfrítt fyri ferðandi til Føroya

Tú kanst hava allar hesar vørur við tær tollfrítt:

• Sjokulátuvøra: 3 kg
• Sodavatn: 10 litrar
• Parfuma: 50 gramm
• Barberspritt: 25 sentilitrar

Tú kanst keypa meiri sjokulátuvøru og sodavatn við at rinda avgjald

Av tí, sum fer upp um tað tollfría, rindar tú 45 krónur fyri kilo av sjokulátuvøru og 5 krónur fyri liturin av sodavatni.

Tú kanst hava eina av hesum vørum við tær tollfrítt:

• Sigarir: 50 stk.
• Sigarillos: 100 stk.
• Sigarettir: 200 stk.
• Ball: 250 gramm
• Snús: 250 gramm

Tú kanst hava ein av hesum møguleikum við tær tollfrítt.

Brennivín er millum 22,1 og 60 % vol.alk. Heitvín o.a. er í mesta lagi 22 % vol.alk. Cider er í mesta lagi 5,8 % vol.alk.

Tú kanst keypa meiri rúsdrekka við at rinda avgjald*

Av tí, sum fer upp um tað tollfría, rindar tú hesi vegleiðandi gjøld:

*) Mest loyvda nøgd av rúsdrekka

Sum ferðandi kanst tú samanlagt – tað er við tí tollfría og tí, sum fæst afturat við at rinda avgjald – í mesta lagi keypa hesa nøgd av rúsdrekka:

• 3 litrar av brennivíni og
• 9 litrar av heitvíni/borðvíni og
• 10 litrar av øli ella cider

Tað, sum fer upp um hetta, verður tikið av tolleftirlitinum.

Tá tú kemur til Føroya, kanst tú umframt góðgæti, luktilsi, tubbak og rúsdrekka hava aðra vøru við tær tollfrítt fyri upp til 2.500 krónur + mvg.

Er hon meira verd enn tað, skalt tú siga frá í tollinum, tá tú kemur til Føroya. Tað gert tú við at velja reyðu rásina, tá tú kemur til tollin á veg út av flogvøllinum ella farstøðini.

Vøran skal vera til egna nýtslu

Hon skal ikki takast við fyri annan, seljast víðari ella á annan hátt nýtast vinnuliga.

Prísurin á vøruni skal kunna prógvast

Minst tí til kvittanina. Hevur tú ikki kvittan ella annað prógv, kann tolleftirlitið sjálvt áseta prísin.

Vøra, sum hoyrir saman, skal vera saman

Hon kann ikki flytast inn í pørtum fyri at koma undir markið á 2.500 krónur + mvg. Sum dømi kunnu einir oyraringar fyri 3.000 krónur ikki flytast inn hvør sær fyri 1.500 krónur.

Um tú hevur vøru fyri meira enn 2.500 krónur + mvg

• Er talan um einstakan lut, rindar tú fullan toll. Er tað ein lampa fyri 2.800 krónur, rindar tú toll av 2.800 krónum.
• Er talan um sett, rindar tú eisini fullan toll. Er tað ein klædningur fyri 3.000 krónur, rindar tú toll av 3.000 krónum. Sama við skóm og øðrum, sum verður roknað sum sett.
• Eru tað ymsir lutir, rindar tú toll av tí, sum fer uppum. Eru tað einir skógvar fyri 1.000 og ein kjóli fyri 2.000, rindar tú toll av skónum og fær kjólan tollfrítt.

Tað, tú hevði við tær úr Føroyum

Vanligt ferðagóðs, sum tú hevði við tær úr Føroyum, fært tú tollfrítt heim við aftur. Tó skalt tú kunna prógva fyri tolleftirlitinum, at vøran er keypt í Føroyum, til dømis við kvittan. Ofta er talan um teldu, fartelefon og tílík tól, men treytin er galdandi fyri alla vøru.

Tað, tú sendir av aftur landinum

Keypir tú vøru tollfrítt og sendir hana av aftur landinum til umbýtingar ella annað, skalt tú rinda fullan toll, tá ið vøran kemur aftur.

Tá tú kemur til tollin í Føroyum, skalt tú velja ímillum grønu og reyðu tollrásina.

Vel grønu rásina, um tú einki hevur at tolla

Grønt merkir, at tú:

• ikki hevur meira enn tollfría markið av góðgæti, luktilsi, tubbaki ella rúsdrekka
• ikki hevur aðra vøru við tær fyri meira enn 2.500 krónur í alt + mvg

Verður viðførið kannað, og okkurt er at tolla, skalt tú rinda tollin og tað dupulta í bót.

Vel reyðu rásina, um tú hevur okkurt at tolla

Reytt merkir, at tú:

• hevur meira enn tollfría markið av góðgæti, luktilsi, tubbaki ella rúsdrekka
• hevur aðra vøru við tær fyri meira enn 2.500 krónur í alt + mvg

Vel eisini reyðu rásina, um tú ivast, ella um tú vilt spyrja tollararnar um okkurt.

Vita undir leinkjum her á síðuni

Kanska finnur tú svarið har.

Vit vegleiða eisini fegin

Ring til kundatænastu okkara á 35 26 00 mánadag til hósdag millum 10 og 12 ella skriva til taks@taks.fo.