Skriva út

300 krónu-reglan

Vøra, sum kostar 300 krónur ella minni at keypa á netinum úr útlondum, íroknað frakt og møguliga trygging, er frítikin fyri øll onnur gjøld. Tú fært hana fyri tað, sum tú keypir hana fyri frá handlinum, pluss frakt og møguliga trygging.

Undir snarslóðum kanst tú lesa meira um at keypa á netinum.

Undantøk

300 krónu-reglan er ikki galdandi fyri góðgæti, bakstur, mjólkarúrdrátt, leskidrykk, olju og sigarettpappír.

Serligar innflutningsreglur

Tá ið tú keypir á netinum, hav í huga, at serligar innflutningsreglur eru galdandi fyri fleiri vørur, t.d. hesar:

  • Heilivágur til menniskju og djór
  • Kjøtvørur
  • Vápn
  • Fýrverk

Forboð er fyri at innflyta nakrar av hesum vørum, og aðrar vørur eru treytaðar av serligum innflutningsloyvi. Tolleftirlitið kann upplýsa, um serligar reglur eru galdandi fyri eina vøru, ætlanin er at hava við sær til Føroya.