Leita
Leita
Skriva út

Løgtingslóg nr. 136 frá 8. september 1992 um meirvirðisgjald

(Meirvirðisgjaldslógin) 39)

§ 1. 1) 4) 15) 20) Sambært hesi lóg skal avgjald rindast til landskassan í øllum liðum av vinnuligari sølu av vørum og tænastum og við innflutning úr útlondum.
2. stk. Avgjaldsøkið fevnir um føroyskt landøki, sjóumveldið og loftrúmið yvir nevndu økjum.

I. Vavið á avgjaldsskylduni

§ 2. 1) 3) 5) 7) 9) 10) 22) 25) Avgjaldskyldan er galdandi fyri allar nýggjar og brúktar vørur. Gass, ravmagn, hiti og vatn eru at roknað sum vørur.
2. stk. Avgjaldsskyldan er galdandi fyri allar tænastur, undantikið tær, sum eru nevndar í 3. stk.
3. stk. Hesar tænastur eru undantiknar avgjaldsskylduni:

a. Viðgerð á sjúkrahúsi, læknavirksemi, tannlækna- og annað dentalvirksemi, kiropraktik, fysioterapi og onnur verulig heilsurøkt.
b. Almanna umsorgan og stuðul, herímillum vøggustovur, barnagarðar, frítíðarheim, vistarheim, umlættingarheim o.t. privatir ella almennir stovnar.
c. Undirvísing í skúla ella á fróðskaparsetri, faklig útbúgving, herímillum endurútbúgving, og onnur frálæra, ið líkist skúla ella fakligari útbúgving. Undirvísing í máli, tónleiki, fimleiki, handarbeiði, tekning, bókhaldi og maskinskriving er at rokna sum sovorðin útbúgving.
d. Mentunarligt virksemi, herímillum bókasøvn og forngripasøvn, o.t. Tó eru útvarps- og sjónvarpssendingar, sýning av sjónleiki og filmi, konsertir o.t. avgjaldsskyldug.
e. Ítróttur og ítróttartiltøk.
f. 53) Fólkaflutningur. Flutningur av akførum við skipum hjá strandferðsluni innanoyggja.
g. Postflutningur, sum er fevndur av løgtingslóg um postvirksemi § 3, stk. 4 og § 4, stk. 2, nr. 1 og 5.
h. Útleiga, uppsiting og umsiting av fastari ogn. Tó er útleiga av kamari á hotelli, gistingarhúsi o.t. avgjaldsskyldugt og útleiga av tjaldingarakfars- og reklamustaði.
i. Tryggingarvirksemi.
j. Banka-, sparikassa-, postgiro- og fíggjarvirksemi og serligar elektroniskar tænastur, ið eru neyðugar fyri hetta virksemið, umframt útleigan av bankaboksum.
k. Eydnuspæl og tílíkt.
l. Rithøvunda- og tónaskaldavirksemi og annað listarligt virksemi.
m. Tænastur beinleiðis í samband við jarðarferðir.
n. 53) Virksemi sum ferðaleiðari, ferðamannastovuvirksemi og ferðamanna leiðbeiningarvirksemi og upplýsingarvirksemi.
o. Kommunal og privat vatnveiting.
p. Endurnýtsluhandil, har avlopið óskert verður nýtt til vælgerandi ella á annan hátt almannagagnlig endamál. Tað er ein fyritreyt, at handilin bert fevnir um brúktar vørur, sum fingnar eru ókeypis. Tað er somuleiðis ein fyritreyt, at tað bert starvast sjálvboðin og ólønt arbeiðsmegi við handlinum.

4. stk. Landsstýrið kann áseta nærri treytir fyri tey undantøk frá avgjaldsskyldu, ið eru nevnd í 3. stk.
5. stk. Landsstýrið kann áseta nærri reglur fyri frítøku frá avgjaldsskylduni í sambandi við tiltøk, hvørs yvirskot óskerd fara til vælgerandi endamál ella endamál, sum á annan hátt eru almannagagnlig.

II. Virki, ið skulu rinda avgjald.

§ 3. 7) 14) 20) 22) Avgjald skal rindast av:

a. Tí, sum rekur sjálvstøðugt vinnuvirki við sølu av vørum og avgjaldsskyldugum tænastum.
b. Lutafeløgum og øðrum feløgum, herímillum Føroya Jarðagrunni, hóast felagið bert selur til limir ella bert selur vørur og tænastur hjá limum.
c. Almennum veitingarvirkjum, sum selja vørur og avgjaldsskyldugar tænastur.
d. Øðrum ríkis-, lands- ella kommunalum stovnum, í tann mun teir selja vørur og avgjaldsskyldugar tænastur í kapping við vinnurekandi virki.
e. Tí, sum skipar fyri uppboðssølum.
f. Søla av rúsandi løgi og søla av medisini, sjálvt um søla av tílíkum vørum ikki verður framd í kapping við privat virki.

2 stk. 29) 42) Í samráð við skatta- og avgjaldskærunevndina, avger landsstýrið, í hvønn mun vinnurekandi virki og feløg skulu rinda avgjald av vørum og avgjaldsskyldugum tænastum, tá tær bert verða framleiddar ella gjørdar til egna nýtslu hjá virkinum ella felagnum, og í hvønn mun kommunur kunnu fáa endurgoldið avgjald sambært hesi lóg av vørum og avgjaldsskyldugum tænastum.
3. stk. Veitingar av gassi, ravmagni, hita og vatni sum liður í útleigu av húsi ella húsarúmi hava ikki við sær skyldu at rinda avgjald.
4. stk. Søla av egnum listaverki av tí slagnum, ið hoyrir undir vøruflokk 9701-9703 í toll- og vøruskránni hevur ikki við sær skyldu at rinda avgjald.
5. stk. Servering og útleiga av kamari á skúlum og skeiðvirksemi í sambandi við egna frálæru hevur ikki við sær skyldu at rinda avgjald.

§ 3a. 30) 34) 36) Felagsskapir, stovnar og grunnar, ið gera íløgur fyri meira enn kr. 1 mió., meirvirðisgjald ikki íroknað, kunnu eftir umsókn fáa endurgoldið inngangandi meirvirðisgjald av samlaða íløgukostnaðinum.
Stk. 2. 55) Fyri at fáa endurgoldið meirvirðisgjaldið sambært stk. 1, skal:
1) talan verða um ikki vinnuligt, almannagagnligt frítíðarvirksemi, har í minsta lagi 33% av samlaða íløgukostnaðinum, meirvirðisgjald ikki íroknað, er fingin til vegar sum gáva ella við óløntum og sjálvbodnum
arbeiði, sjálvbodnari innsavnan, undir hesum vanligum og staðbundnum kirkjuskatti,
2) arbeiðið, sum meirvirðisgjald kann verða endurgoldið fyri, vera byrjað eftir 1. januar 2013 og endað í seinasta lagi 5 ár eftir, at umsókn er góðkend, og
3) umsókn um endurgjald fyri inngangandi meirvirðisgjald vera móttikin av TAKS í seinasta lagi 31. desember 2027.
Stk. 3. Landsstýrismaðurin ásetir í kunngerð nærri treytir og reglur um at fáa endurgoldið inngangandi meirvirðisgjald sambært stk. 1.

§ 3b. 34) 36) Tann, sum byggir/umbyggir bygning til leigubústaðir, fyri meira enn kr. 200.000,-, meirvirðisgjald ikki íroknað, kann eftir umsókn fáa endurgoldið inngangandi meirvirðisgjald av byggikostnaðinum.
Stk. 2. Fyri at fáa endurgoldið meirvirðisgjaldið sambært stk. 1 skal:

  1. í minsta lagi vera talan um 2 leigubústaðir í hvørjari byggiverkætlan, harav í minsta lagi 10%, tó minst ein bústaður, skal verða atkomiligur og kunna nýtast av fólki í koyristóli,
  2. matrikkulnummarið, har leigubústaðirnir verða bygdir/umbygdir, ikki innihalda lán, har rentustuðul verður veittur fyri rentur sbrt. løgtingslóg um stuðul til rentuútreiðslur av lánum,
  3. arbeiðið, sum meirvirðisgjald kann verða endurgoldið fyri, vera byrjað eftir 1. januar 2012 og endað í seinasta lagi 5 ár eftir, at TAKS hevur móttikið umsóknina, og
  4. 49) 50) TAKS hava móttikið umsóknina um endurgjald fyri inngangandi meirvirðisgjald í seinasta lagi 31. desember 2025.

Stk. 3. Um leigubústaðirnir ikki longur verða nýttir sum leigubústaðir, ella um tað vísir seg, at leigubústaðirnir ikki eru bygdir í samsvari við treytirnar og reglurnar fyri at fáa meirvirðisgjaldið endurgoldið, skal endurgoldna meirvirðisgjaldið rindast aftur í landskassan eftir ásetingunum í kapitli 7 í kunngerð um lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum.
Stk. 4. Landskassin fær tinglýst veðskuldarbræv, fyri rokning eigarans, í hvørjari einstakari leigubústaðarverkætlan, samsvarandi við samlaða virðið av endurgoldna meirvirðisgjaldinum fyri viðkomandi byggiverkætlan.
Stk. 5. Landsstýrismaðurin ásetir í kunngerð nærri treytir og reglur fyri at fáa endurgoldið inngangandi meirvirðisgjald.

§ 3c. 39) 50) 54) Tann, sum keypir motorakfar, sum er fevnt av løgtingslóg um avgjøld við skráseting av motorakførum, sum bert nýtir ravmagn ella vetni til framdrátt, kann eftir umsókn fáa part av meirvirðisgjaldinum endurgoldið. 
Stk. 2. 54) Í 2023 og 2024 verða í mesta lagi kr. 70.000 endurgoldnar, í 2025 verða í mesta lagi kr. 52.500 endurgoldnar, í 2026 verða í mesta lagi kr. 35.000 endurgoldnar, og í 2027 vera í mesta lagi kr. 17.500 endurgoldnar eftir hesi grein. Í 2028 og fylgjandi ár verður meirvirðisgjald ikki endurgoldið.
Stk. 3. 54) Fyri plug-in hybridakfør, PHEV verða til 31. august 2023 í mesta lagi kr. 35.000 endurgoldnar. At rokna frá 1. september 2023 verður meirvirðisgjald ikki endurgoldið.
Stk. 4. 43) 54) 55) Fyri at fáa endurgoldið meirvirðisgjald eftir hesi grein skal plug-in hybridakfarið vera skrásett í seinasta lagi 31. august 2023. Ravmagnsakfarið ella vetnisakfarið skal verða skrásett í seinasta lagi 31. desember 2027.

§ 3d. 40) 41) 50) Tey, sum gera íløgur í góðkendar hitapumpuskipanir til upphiting og heitt vatn í sethúsum og bygningum, kunnu eftir umsókn fáa endurgoldið part av meirvirðisgjaldinum av íløgukostnaðinum til hitapumpu, útbúnað og arbeiðsløn. Í 2021, 2022 og 2023 verður alt meirvirðisgjaldið endurgoldið. Í 2024 og 2025 verður helvtin av meirvirðisgjaldinum endurgoldið. Í 2026 og fylgjandi ár verður meirvirðisgjaldið ikki endurgoldið.
Stk. 2. Meirvirðisgjald verður einans endurrindað fyri hitapumpuna og fyri arbeiði og útbúnað, ið skal til fyri at taka orkuna úr umhvørvinum. Meirvirðisgjaldið verður ikki endurrindað fyri útbúnað, ið gongur frá hitapumpuni til hitaskipanina inni í sethúsi ella bygningi.
Stk. 3. Fyri at fáa endurrindað meirvirðisgjaldið sbrt. stk. 1, skal:

1) talan vera um sethús ella bygningar, har hitapumpa letur í minsta lagi 80% av samlaðu nýtsluni til upphiting og heitt vatn, og restin av nýtsluni eisini er grundað á el,
2) umsóknin á serskildum oyðublaði við kvittanum fyri goldnu íløguútreiðslurnar til hitapumpu, útbúna og løn, umframt váttan upp á treytirnar, settar í nr. 1), 5) og stk. 4, verða góðkendar og váttaðar av Umhvørvisstovuni,
3) 46) 50) samlaðu útreiðslurnar verða hildnar í seinasta lagi 31. desember 2025,
4) 46) 50) góðkend umsókn um endurrindan av meirvirðisgjaldi vera TAKS í hendi í seinasta lagi 31. mars 2026 og
5) arbeiðið at installera hitapumpuskipanina vera gjørt av góðkendum installatøri, og um talan er um jarðhitaskipan, skal arbeiðið harumframt vera gjørt av góðkendum brunnborara, sbrt. løgtingslóg um el riknar hitapumpuskipanir.

Stk. 4. Meirvirðisgjald verður bert endurrindað fyri hitapumpur, sum eru góðkendar sbrt. Bygningskunngerðini.

§ 4. 25) 47) Tann, sum hevur eina árliga sølu av vørum og tænastum, ið er minni enn 50.000 kr., skal ikki rinda avgjald sambært § 3.
2. stk. Landsstýrið kann áseta reglur, soleiðis at onnur virki verða frítikin fyri at rinda avgjald sambært § 3.

§ 5. 1) 12) 20) 26) 32) 53) Tann, sum sambært §§ 3-4 skal rinda avgjald, skal fráboða virki sítt til skrásetingar hjá TAKS. Hetta er eisini galdandi fyri útlendsk virki. Hevur eitt virki ikki deild ella tílíkt her á landi, skal tað skrásetast við persóni, ið er búsitandi her á landi, ella við virki, sum hevur sølustað her á landi. Síðsta punktum er ikki galdandi í tann mun annað er ásett í sáttmála frá 31. august 2005 millum stjórn Íslands øðrumegin og stjórn Danmarkar og Føroya Landstýri hinumegin (Hoyvíkssáttmálanum).
2. stk. Hevur viðkomandi fleiri virki, skulu hesi fráboðast til skrásetingar undir einum. Verður roknskapur førdur fyri hvørt virki sær, kunnu virkini kortini eftir áheitan verða skrásett hvørt sær.
3. stk. Skrásetingarskyldug virki, sum ikki hava sama ánara, kunnu eftir áheitan verða skrásett undir einum.
4. stk. Virki, sum verða skrásett undir einum, eru at rokna sum eitt virki.
5. stk. Fráboðan til skrásetingar skal fara fram í seinasta lagi 8 dagar, áðrenn virksemi byrjar, jb. tó § 23 b, stk. 2. Broytingar í ánaraviðurskiftum, leiðsluábyrgd ella staði skulu fráboðast, áðrenn 8 dagar eftir, at broytingin er farin fram.
6. stk. Skrásett virki fáa útflýggjað prógv um skráseting.
7. stk. (Strikað)

§ 6. Landsstýrið kann áseta reglur um skráseting eftir áheitan frá virkum, sum selja aðrar tænastur enn tær, ið sambært § 2 eru avgjaldsskyldugar (sjálvboðin skráseting).
2. stk. Virki, ið eru sjálvboðin skrásett, skulu rinda avgjald av sølu av tænastum, sum eru umfevndar av sjálvbodnu skrásetingini.
3. stk. Sjálvboðin skráseting kann í fyrsta lagi halda uppat 2 ár eftir skrásetingina.

III. Avgjaldsskylduga virðið

§ 7. 6) Við sølu av vørum og avgjaldsskyldugum tænastum er avgjaldsskylduga virðið, samsýningin, ikki íroknað avgjaldið sambært hesi lóg.
2. stk. Við í avgjaldsskylduga virðið skal roknast:

a. Tey avgjøld sambært øðrum avgjaldslógum, sum eru uppkravd í undanfarnum søluliðum, ella sum skulu rindast í sambandi við innflutning úr útlondum, ella sum eitt virki hevur skyldu at gjalda í sambandi við viðkomandi sølu, tó ikki serligt avgjald á brenniolju, sambært løgtingslóg nr. 179 frá 18. desember 1992 um serligt avgjald á brenniolju.
b. Tær útreiðslurnar til pakking, sending, trygging og tílíkt, sum eru við í prísinum, ella sum latarin krevur serstakt gjald fyri frá móttakaranum.
c. Íbindingar- og stovningargjald og aðrar upphæddir, sum latarin krevur frá móttakaranum sum treyt fyri, at vørur og avgjaldsskyldugar tænastur kunnu verða latnar.
d. Umboðsløn o.t. og uppboðssøluløn.
e. Kassaavsláttur og annar avsláttur, ið er treytaður av krøvum, sum ikki eru lokin við latingina (faktureringina).
f. Ískoyti til avgjalding og fígging o.t.

3. stk. Rentur, ið vera roknaðar av tí til eina og hvørja tíð skylduga partinum av keypspeninginum, kunnu haldast uttan fyri avgjaldsskylduga virðið, treytað av at tað er ávíst í keypssáttmálanum ella fylgiskjali viðvíkjandi gjalding, hvussu stórur partur rentan er av hvørjari einstakari gjalding.

§ 8. Fyri vørur og avgjaldsskyldugar tænastur, sum verða brúktar av handhavanum av virkinum, er avgjaldsskylduga virðið keypsprísurin ella framleiðsluprísurin, ikki íroknað avgjaldið sambært hesi lóg, javnber tó 3. stk. Sama er galdandi fyri vørur og avgjaldsskyldugar tænastur, sum verða brúktar til endamál, sum ikki viðvíkja sølu av vørum og avgjaldsskyldugum tænastum hjá virkinum, ella til endamál, sum nevnt í § 16, 3. stk. Við í avgjaldsskylduga virðið skulu roknast avgjøld, sum nevnt í § 7, 2. stk. punkt a. Hevur virki sjálvt innflutt vørurnar frá útlondum, verður eitt sambært reglunum í § 27, 2. stk. ásett virði við møguligum tolli løgdum aftrat, roknað sum keypsprísurin.
2. stk. Fyri vørur og avgjaldsskyldugar tænastur, sum heilt ella fyri ein part verða latnar móti aðrari gjalding enn við peningi (býtishandil), er avgjaldsskylduga virðið vanligi prísurin hjá virkinum við sølu av viðkomandi vøru ella tænastu. Er eingin slíkur vanligur søluprísur, er avgjaldsskylduga virðið ein roknaður søluprísur, sum skal fevna um allar útreiðslur og vinning, sum vanliga verða roknað við í avgjaldsskylduga virðið fyri vørur ella tænastur av viðkomandi slagi.
3. stk. Fyri vørur og avgjaldsskyldugar tænastur, sum eitt virki nýtir við bygging av fastari ogn til nýtslu hjá handhavanum av virkinum, verður avgjaldsskylduga virðið ásett á tann hátt, sum er nevndur í 2. stk. Sama er galdandi fyri vørur og avgjaldsskyldugar tænastur, sum virkið brúkar við bygging av fastari ogn fyri egna rokning, tá ið ognin skal nýtast til endamál, sum ikki viðvíkja keypi og sølu hjá virkinum av vørum og avgjaldsskyldugum tænastum, herímillum til sølu ella útleigu, ella til endamál sum nevnt í § 16, 3. stk.

§ 9. Eru felags áhugamál millum lataran og móttakaran av vørum og avgjaldsskyldugum tænastum, t.d. soleiðis, at annar er búskaparligt áhugaður í virki ella ogn hjá hinum partinum, kann landsstýrið krevja, at avgjaldsskylduga virðið skal ásetast á tann hátt, sum er ásettur í § 8, 2. stk.
2. stk. Fyri bólkar av virkjum kann landsstýrið áseta fyridømispeninganøgd, sum vørur og avgjaldsskyldugar tænastur, ið vera nýttar sum nevnt í § 8, 1. stk., kunnu avgjaldsavgreiðast sambært. Í førum tá ið avgjaldsskylduga virðið verður ásett eftir eini útrokning, kunnu somuleiðis ásetast reglur um avgjaldsavgreiðslu sambært fyridømispeninganøgd.

§ 10. 2) 8) 24) Tá brúktir bátar, persónmotorakfør og vøru- og lastmotorakfør verða seld, kann sølumaðurin – tá avgjaldið ikki er fakturerað sambært hesi lóg við útflýggjan til sølumannin – avgjaldsavgreiða vøruna, grundað á eitt avgjaldskyldugt virði, sum er 80% av muninum millum keypsprísin og søluprísin, avgjaldið íroknað. Fer søluprísurin ikki upp um keypsprísin, verður einki avgjald roknað.
2. stk. 35) 43) 44) 50) Fyri motorakfør, skrásett sum leiguakfør, skal akfarið antin hava havt í minsta lagi 10 ymiskar leigarar, hava koyrt í minsta lagi 8.500 km og hava verið skrásett sum leiguakfar í minsta lagi 6 mánaðir, ella hava verið skrásett sum leiguakfar í minst 3 ár. Við sølu av leiguakfari kann frádrátturin í
mesta lagi vera 60.000 kr. í útgangandi avgjaldinum fyri hvørt leiguakfar. Fyri motorakfør, nýtt til skúlakoyring, kann reglan í stk. 1 verða nýtt um so er, at akfarið hevur verið nýtt til skúlakoyring í minsta lagi 6 mánaðir. 
3. stk. Verður avgjaldið roknað sambært grundarlagnum, í 1. ella 2. stk., má hvørki avgjaldsupphæddin ella nakað annað, sum ger tað møguligt at rokna avgjaldsupphæddina, vera nevnt í fakturanum fyri viðkomandi sølu.
4. stk. Sum brúkt akfør eru at rokna akfør, sum, tá ognað verður, eru ella hava verið skrásett her á landi, javnber ferðslulógina.

IV. Vavið á avgjaldsskyldugari sølu

§ 11. Avgjaldsskyldug søla hjá skrásettum virkjum fevnir um latingar móti gjalding og vørur og avgjaldsskyldugar tænastur, sum eru framleiddar ella umboðaðar á virkinum, og sum verða tiknar í nýtslu av handhavanum á virkinum. Harumframt fevnir avgjaldsskyldug søla um vørur og avgjaldsskyldugar tænastur, ið vera tiknar í nýtslu til endamál, sum ikki viðvíkja sølu av vørum og avgjaldsskyldugum tænastum hjá virkinum, ella til endamál sum nevnd í § 16, 3. stk.
2. stk. Avgjaldsskyldug søla á ríkis-, lands- ella kommunalum stovnum av tí slagnum, sum er nevnt í § 3, 1. stk., punkt d, fevnir einans um latingar móti gjalding til annan enn viðkomandi ríkis-, lands- ella kommunalan stovn, ella tær kommunur, sum eru partaeigarar í stovninum.
3. stk. Við í avgjaldsskylduga sølu skal roknast søla v.m. av vørum, sum virkið hevur móttikið í umboðssølu ella søluumboði.
4. stk. Søla v.m. av maskinum og øðrum rakstarargøgnum hjá virkinum verður roknað við í avgjaldsskylduga sølu. Sama er galdandi fyri vørugoymslu, maskinur og onnur rakstargøgn, tá virkið frámeldar frá skráseting.

§ 12. 1) 6) 7) 9) 10) 13) 14) 17) 19) 28) 33) 37) 38) 42) 45) 52) Avgjaldsskyldug søla fevnir ikki um:

a. Vørur, sum av virkinum verða útfluttar til útlond, og tænastur, sum vera gjørdar í útlondum.
b. Flutning av vørum her á landi, tá flutningurin fer fram beinleiðis til ella frá útlondum.
c. Arbeiðstænastur á vørur, tá tænastan verður gjørd fyri útlendska rokning, og virkið eftir viðgerina útflytir vørurnar til útlond, og konstruktión og skapan av vørum fyri útlendska rokning, tá framleiðslan av vørunum skal fara fram uttanlands.
d. Prosjekteringsarbeiði v.m. viðvíkjandi bygningum og aðrari fastari ogn uttanlands.
e. Neyðuga útgerð, sum verður latin til nýtslu um borð á flogfari og skipi í uttanlandsferðslu (undantikið sportsflogfør og lystfør), og tænastur, sum verða gjørdar fyri slík flogfør og skip.
f. Sølu og útleigu av flogførum og av skipum, sum eru 5 GT og meira, undantikið sportflogfør og lystfør.
g. Umvælingar-, viðlíkahalds- og ísetingararbeiði av fastari útgerð í tey flogfør og skip, sum eru nevnd í punkt f, og tilfar, sum er latið av viðkomandi virki í hesum sambandi.
h. Søla av tíðindabløðum og prenting fyri tíðindabløð.
i. 37) Søla av fiski og skeljadýrum, lindýrum og øðrum ryggleysum vatndýrum (jbr. 3. kap. í Toll- og vøruskránni) og sølu av ídnaðarfiski (sbr. vørunummar 0511.91.10 og vørunummar 0511.91.90 í Toll- og vøruskránni) frá skipi og/ella alibrúki til útflutningsfyritøkur, og útflutningsfyritøkur ímillum. Sum útflutningsfyritøkur er at skilja fyritøkur, hvørs søla beinleiðis ella óbeinleiðis í høvuðsheitum er til útlandið.
j. 52) Útleigan av kamari á hotelli, gistingarhúsi o.tíl. og útleigan av kampingplássi.
k. Fiskireiðskapur til skip sum eru yvir 20 GT, og tey sum eru undir 20 GT, ið hava "Veiðiloyvi A". Fiskireiðskapur, sjóklæði, agn, ísur, olja, proviantur, salt, pakkitilfar, kassaleiga, havnagjøld og uppboðssøluavgjøld til fiskifør, sum reka vinnuligan fiskiskap, harumframt søla av kvotum, fiskidøgum og -loyvum.
l. 28) 37) Kringvarpsgjald.
m. Reseptskyldugan heilivág til fólk.
n. Útleigu av festum og tilhoyrandi ognum hjá Føroya Jarðaráði.
o. Gjald fyri ferðing og flutning gjøgnum tunlar, eftir brúgvum og vegum, sum hava samband við almenna vegakervið.
p. 38) Søla og umvæling av føroyskum træbátum.
q. 42) Pengaseðlar og myntir.
r.  42) Frímerkir
s. 45) Sølu av bókum, ið hoyra undir vørunummur 49011000, 49019100, 49019900 og 49040000 í toll- og vøruskránni.
t. 45) Sølu av ljóðbókum, ið hoyra undir vørunummar 85234919 í toll- og vøruskránni.

2. stk. 33) Landsstýrismaðurin kann áseta nærri treytir fyri nýtslu av stk. 1 og gera av, at vørur og tænastur, sum verða gjørdar fyri útlendska rokning, í øðrum førum kunnu haldast uttan fyri avgjaldsskylduga sølu. Landsstýrismaðurin kann eisini gera av, at onnur enn TAKS kunnu fáa loyvi til at avgreiða ferðagóðs til útflutnings, og í hesum sambandi at átekna faktura ella tax-free kekkar.
3. stk. Landsstýrið kann áseta, um og í hvønn mun vistir, sum verða latnir skipum ella flogførum til nýtslu um borð ella til sølu til ferðafólk v.m., kunnu haldast uttan fyri avgjaldsskylduga sølu.
4. stk. Við í avgjaldsskylduga sølu skal ikki roknast søla av vørum, sum burturav eru fingnar ella tiknar í nýtslu til tey endamál, sum eru nevnd í § 16, 3. stk.
5. stk. 53) Avhending av vørugoymslu, maskinum og øðrum rakstargøgnum kann ikki roknast við í avgjaldsskylduga sølu, tá avhendingin fer fram sum liður í eini avhending av virkinum ella einum parti av hesum, og nýggi handhavin rekur skrásett virki. Virkið skal innan 8 dagar eftir avhendingina geva TAKS fráboðan um navn og bústað hjá nýggja handhavanum og um søluprísin á vørugoymslu, maskinum og øðrum rakstrargøgnum, ið verða avhendað.
6. stk. Strikað.

V. Uppgerð av avgjaldsskyldugari sølu

§ 13. 2) 5) 8) Avgjaldsskyldug søla hjá einum virki í einum avgjaldstíðarskeiði verður uppgjørd sum samlaða avgjaldsskylduga virðið á teimum latingum av vørum og avgjaldsskyldugum tænastum, sum eru farnar fram innan tíðarskeiðið.
2. stk. Fylgir fakturi fyri eina lating, er faktureringin at rokna sum lating, í tann mun fakturering fer fram innan ella skjótast aftaná at latingin er endað.
3. stk. Fer gjaldingin heilt ella partvís fram, áðrenn latingin er endað, ella áðrenn fakturin verður givin út, skulu 80,0% av upphæddini roknast við í avgjaldsskylduga sølu fyri tað avgjaldstíðarskeiðið, sum gjaldingin er farin fram í.
4. stk. Vørur, sum verða latnar í umboðssølu ella søluumboði, kunnu annaðhvørt verða roknaðar við í avgjaldsskylduga sølu í tí tíðarskeiði, tá ið útflýggjanin fer fram, ella sølu í tí tíðarskeiði, tá ið avrokningin við umboðssølumannin ella søluumboðsmannin fer fram. Í seinast nevnda føri má fakturi sambært § 17 ikki verða givin út, fyrr enn avrokning fer fram.
5. stk. Við uppgerð av avgjaldsskyldugari sølu kunnu verða frádrigin 80,0% av upphæddum, sum eru endurrindaðar viðskiftafólki fyri vørur, sum virki hevur fingið aftur.
6. stk. Við uppgerð av avgjaldsskyldugari sølu kunnu 80,0% verða frádrigin av staðfestum tapi av krøvum viðvíkjandi latnum vørum og avgjaldsskyldugum tænastum. Verða krøvini seinni heilt ella partvís goldin, skulu 80,0% av móttiknu upphæddunum roknast við í avgjaldsskyldugu søluna, uttan so at gjaldingin fæst sambært § 96 í konkurslógini.
7. stk. Við uppgerð av avgjaldsskyldugari sølu kunnu kassaavsláttur og annar avsláttur, sum er treytaður av krøvum, sum ikki eru lokin við latingina, verða drigin frá, um so er, at avslátturin seinni verður effektivur, og treytað av, at avslátturin er veittur einum skrásettum virki, sum kann rokna avgjaldið við fyri viðkomandi lating við uppgerð av sínum inngangandi avgjaldi, javnber § 15, 3. stk. Frádrátturin er treytaður av, at kreditnota verður útflýggjað fyri veittan avsláttur, har avgjaldið er tilskilað, javnber § 17, 1. og 2. stk.
8. stk. Vørur og avgjaldsskyldugar tænastur, ið verða nýttar av handhavanum á virkinum, verða roknaðar við í avgjaldsskylduga sølu í tí avgjaldstíðarskeiðinum, tá tær eru tiknar í nýtslu. Sama er galdandi fyri vørur og avgjaldsskyldugar tænastur, sum verða nýttar til endamál, sum ikki viðvíkja sølu hjá virkinum av vørum og avgjaldsskyldugum tænastum, ella til endamál, sum nevnt í § 16, 3. stk.
9. stk. Virki, ið keypa mjólk frá bøndum, skulu ikki rokna upphæddir, sum stava frá sølu av mjólk og mjólkavørum til skrásettar smásølur ella til skrásett virki, ið skulu brúka vørurnar til víðari framleiðslu, við í avgjaldsskyldugu søluna.

VI. Avgjaldssatsurin

§ 14. 2) 8) Avgjaldið er 25% av avgjaldsskyldugu søluni.

VII. Avgjaldið

§ 15. Skrásett virki skulu fyri hvørt avgjaldstíðarskeið gjalda landskassanum munin millum útgangandi og inngangandi avgjald, javnber § 20. Er inngangandi avgjaldið fyri eitt avgjaldstíðarskeið størri enn útgangandi avgjaldið fyri sama tíðarskeið, fær virkið munin endurrindaðan sambært reglunum í § 24.
2. stk. Útgangandi avgjaldið í einum avgjaldstíðarskeiði er avgjaldið av avgjaldsskyldugari sølu í tíðarskeiðinum, javnber V. kapittul.
3. stk. Inngangandi avgjaldið er avgjaldið sambært hesi lóg av keypi v.m. hjá einum virki av vørum og avgjaldsskyldugum tænastum til nýtslu hjá virkinum, javnber tó § 16.
4. stk. Inngangandi avgjaldið í einum avgjaldstíðarskeiði er tað avgjaldið, sum í tíðarskeiðinum er fakturerað til eitt virki av latarunum, og tað avgjaldið, sum sambært § 27 er álagt teimum vørum, sum virkið í tíðarskeiðinum hevur innflutt úr útlondum.

§ 16. 1) Við í inngangandi avgjaldi verður bert roknað avgjald av innkeypi v.m., ið burturav viðvíkur sølu av vørum og avgjaldsskyldugum tænastum.
2. stk. Landsstýrið kann áseta reglur, soleiðis at nærri ásettir partar av inngangandi avgjaldi kunnu roknast av keypum v.m., ið ikki burturav viðvíkja sølu av vørum og avgjaldsskyldugum tænastum. Landsstýrið kann harumframt áseta reglur um regulering av frádrátti fyri inngangandi avgjald, tá íløgugøgn, herímillum føst ogn, gerast nýtsla, sum ber eina broyting við sær í rættinum til frádrátt. Regulering kann fara fram upp til 5 ár, fyri fasta ogn upp til 10 ár, eftir at íløgugøgnið er útvegað.
3. stk. Við í inngangandi avgjald kann ikki roknast avgjald av keypi v.m., sum viðvíkur:

a. Mati til handhava og starvsfólkið á virkinum, undantikið vistir til fiskifør yvir 5 GT.
b. Útvegan og rakstur av íbúð fyri handhava og starvsfólk á virkinum.
c. Naturaliusamsýning til starvsfólkið á virkinum.
d. Útvegan og rakstri av vøggustovu, barnagarði, frítíðarheimi, feriuheimi, summarhúsi o.t. fyri starvsfólkið á virkinum.
e. Gávum.

4. stk. Ríkis-, lands- og kommunalir stovnar av tí slagnum, sum eru nevndir í § 3, 1. stk. punkt d, kunnu einans rokna keyp v.m., sum viðvíkur tí partinum av sølu, sum er avgjaldsskyldugur, við í inngangandi avgjaldið. Hevur stovnurin sølu til útlond v.m. javnber § 12, 1-4 stk., kann avgjaldið av keypi viðvíkjandi hesum parti av sølu eisini roknast við í inngangandi avgjaldið.
5. stk. Verða vørur v.m., sum verða nýttar av handhavanum á virkinum, roknaðar við í avgjaldsskylduga sølu hjá virkinum sambært § 11, 1. stk., kann avgjaldið av keypunum roknast við í inngangandi avgjaldið. Sama er galdandi fyri vørur og avgjaldsskyldugar tænastur, ið verða nýttar til endamál, sum ikki viðvíkja sølu hjá virkinum av vørum og avgjaldsskyldugum tænastum, ella til endamál sum nevnt í 3.stk.

VIII. Roknskaparreglur

§ 17. 2) 8) Fyri eina og hvørja lating av vørum ella avgjaldsskyldugum tænastum frá einum skrásettum virki skal fakturi útflýggjast móttakaranum. Verður kravt at ein partur av einari samlaðari lating verður goldin, áðrenn latingin er endað, skal serstakur fakturi útflýggjast fyri henda partin. Fakturin skal innihalda útflýggingardagfesting og upplýsing um navn og bústað hjá lataranum og hjá móttakaranum og slag, rúmd og prís á latingini. Harumframt skal støddin á avgjaldsupphæddini verða tilskilað á fakturanum, ella tað skal vera skilligt, at avgjaldið er 20,0% av samlaða gjaldinum fyri avgjaldsskyldugu latingina. Latarin skal tilskila støddina á avgjaldsupphæddini á fakturanum, um so er, at móttakarin er eitt skrásett virki, ið biður um hetta. Latarin skal umframt hetta eftir áheitan frá einum tílíkum móttakara tilskila prísin, ikki íroknað avgjald, fyri teir einstøku postarnar á fakturanum.
2. stk. Fer aftursending av vørum fram, aftaná at fakturin er útflýggjaður, skal kreditnota útflýggjast. Sama er galdandi, um latarin, aftaná at fakturin er útflýggjaður, veitir frádrátt í prísinum á latingini, og avslátturin ikki er avsláttur sambært § 7, 2. stk., punkt e. Fer eftirgjalding fram, skal ein eftirgjaldsfakturi útflýggjast.
3. stk. Skylda at útflýggja faktura verður mett sum lokin, tá móttakarin av avgjaldsskyldugu latingini gevur lataranum avrokningarskjal, sum lýkur tær treytir, ið eru ásettar í 1. stk. um fakturar.
4. stk. Tá eitt skrásett virki letur vørur ella avgjaldsskyldugar tænastur til eitt annað skrásett virki móti heilari ella partvís gjalding við vørum ella avgjaldsskyldugum tænastum (býtishandil), er tað nóg mikið, um annar av pørtunum útflýggjar faktura, um so er, at hann eisini inniheldur upplýsing um slag, rúmd og prís fyri tað, sum er móttikið í býtinum. Kunnu báðir partar til fulnar rokna avgjaldið av tí, teir hava móttikið, við í inngangandi avgjald, kann avgjaldið roknast grundað á munin millum gjøldini.
5. stk. Tvítøk av fakturum og kreditnotum og móttikin avrokningarskjøl skulu goymast av lataranum.
6. stk. Fevnir ein fakturi (avrokningarskjal) bæði um avgjaldsskyldugar og avgjaldsfríar latingar, skal tað vera skilligt á fakturanum, hvørjar latingar eru avgjaldsskyldugar. Tílíkar latingar skulu tilskilast hvør sær við serstakari samanteljing.
7. stk. Sambært nærri reglum ásettar av landsstýrinum, kunnu frávik gerast í reglunum í 1. stk. um innihald á faktura viðvíkjandi flutningstænastu og sølu frá marknaðarsølu o.t.
8. stk. Við sølu til privatar brúkarar er ikki neyðugt at útflýggja faktura sambært reglunum í 1. stk. Smásølur og onnur virki, hvørs søla einans fer fram til privatar brúkarar, kunnu eisini lata vera við at útflýggja faktura fyri aðra sølu, undantikið tá móttakarin er eitt skrásett virki, ið biður um faktura.
9. stk. Virki, ið ikki er skrásett, mugu ikki tilskila avgjaldsupphæddina á faktura ella á annan hátt tilskila, at avgjald er roknað við í upphæddina á fakturanum. Móttekur eitt ikki skrásett virki eitt avrokningarskjal, har avgjaldsupphædd er tilskilað, ella har tað á annan hátt er tilskilað, at avrokningin er íroknað avgjald, skal virkið boða tí, sum hevur útflýggjað avrokningarskjalið, frá hesum og afturrinda møguliga móttikna avgjaldið.
10. stk. Virki, sum móti 9. stk., 1. punktum, tilskila avgjaldsupphædd á einum faktura ella á annan hátt tilskila, at avgjald er roknað við í upphæddina á fakturanum, skulu gjalda avgjaldsupphæddina til landskassan. Sama er galdandi, um eitt skrásett virki á einum faktura tilskilar avgjald við ov stórari upphædd ella á einum faktura fyri latingar, sum ikki eru avgjaldsskyldugar, tilskilar avgjaldsupphædd ella á annan hátt tilskilar, at avgjald er roknað við í upphæddina á fakturanum. Verður mistakið rættað yvir fyri keyparanum, er inngjalding tó ikki neyðug.
11. stk. Við prístilskilan fyri vørur og avgjaldsskyldugar tænastur skal týðiliga gerast vart við, at avgjald sambært hesi lóg ikki er roknað við í prísin.

§ 18. Skrásett virki skulu føra roknskap yvir keyp og sølu av vørum og avgjaldsskyldugum tænastum, sum kann vera grundarlag fyri uppgerð av avgjaldsskylduni fyri hvørt avgjaldstíðarskeið og fyri eftirlitið við rættari greiðslu av avgjaldinum.
2. stk. Roknskapurin skal innihalda serstøk konti, sum vísa støddina á inngangandi og útgangandi avgjaldinum. Avgjaldskontiini kunnu førast við tíðarposteringum, um avgjaldsupphæddirnar beinleiðis kunnu roknast grundað á roknskapskontiini yvir keyp og sølu av vørum og avgjaldsskyldugum tænastum.
3. stk. 53) Virki, ið ikki føra vanligar handilsbøkur, ella hvørs handilsbøkur ikki verða førdar samsvarandi 1. og 2. stk., skulu føra roknskap í einum serligum roknskaparhefti, sum verður útflýggjað av TAKS.
4. stk. 53) Til skjals fyri inngangandi avgjaldið skulu skrásett virki kunna leggja fram fakturar (avrokningarskjøl), ið lúka tær treytir, ið eru nevndar í § 17, 1. stk. javnber 4. og 7. stk., ella fráboðanir frá TAKS um støddina á tí avgjaldi, ið sambært § 27 er álagt vørum, sum virki hevur innflutt úr útlondum. Fakturar, upp á hægst 200 kr., ið eru útgivnir av smásølum ella øðrum virkjum, hvørs søla einans fer fram til privatar brúkarar, kunnu leggjast fram sum skjalprógv, hóast fakturarnir ikki innihalda upplýsingar um navn og bústað hjá móttakaranum.
5. stk. Landsstýrið ásetir nærri reglur viðvíkjandi roknskaparførslu hjá skrásettum virkjum.

§ 19. Skrásett virki og virki, ið sambært § 4, 1. stk. eru frítikin frá avgjaldsskyldu, skulu goyma roknskapartilfarið, herímillum fakturar, fakturatvítøk og kassastrimlar v.m., viðvíkjandi keypi og sølu av vørum og avgjaldsskyldugum tænastum 5 ár eftir endan á roknskaparárinum.
2. stk. Skrásett virki skulu eina ferð um árið grundað á eina uppteljing av vørugoymsluni hjá virkinum gera uppgerð yvir virðið á goymsluni. Uppgerðin skal goymast 5 ár eftir endan á roknskaparárinum.

IX. Avrokning av avgjaldinum

§ 20. 1) 7) 12) 15) 32) 42) Skrásett virkir skulu seinast 1 mánað og 10 dagar aftaná endan av 1. 3. og 4. avgjaldstíðarskeiði boða TAKS frá støddini á útgangandi og inngangandi avgjaldinum í tíðarskeiðnum og støddina av søluni, sbrt § 12, stk. 1-4 og 6, ið ikki skal roknast við í avgjaldsskyldugu søluna. Freistin fyri 2. avgjaldstíðarskeið er 24. august. Upphæddirnar skulu tilskilast í heilum krónum. Har e-mvg ikki verður nýtt, skal uppgerðin skrivast á serligt oyðublað og vera undirskrivað av ábyrgdarleiðsluni á virkinum. Sama oyðublað skal nýtast, tá avgjaldið verður inngoldið. Landsstýrismaðurin ásetir reglur um, hvørjar upplýsingar skulu vera tilskilaðar á avrokningarskjalið í sambandi við avrokning av avgjaldinum.
2. stk. Avgjaldstíðarskeiðini eru 4 um árið: januar, februar og mars, apríl, mai og juni, juli, august og september og oktober, november og desember.
3. stk. Virki, ið javnan hava negativa avgjaldsupphædd, kunnu fáa loyvi at avrokna eina ferð um mánaðin ella eina ferð um vikuna, jb. tó § 23 b, stk. 2. Avgjaldstíðarskeiðið kann bert broytast soleiðis, at hetta fer fram í byrjanini av avgjaldstíðarskeiðinum sambært 2. stk. Søkjast skal um hetta loyvi ein mánað frammanundan. Verður loyvið játtað virkjum sambært 3. stk., kunnu virkini ikki nýta avgjaldstíðarskeið sambært 2. stk. tey næstu 2 árini frá tí, at loyvið er játtað.

§ 20 a. 48) Freistin at boða TAKS frá støddini á útgangandi og inngangandi avgjaldinum og støddini av søluni, sbrt § 12, stk. 1-4, ið ikki skal roknast við í avgjaldskyldugu søluna fyri 1. ársfjórðing 2020, og freistin fyri avrokning av 1. avgjaldstíðarskeið 2020 er í seinasta lagi 15. november 2020.

§ 21. 32) Um uppgerð fyri eitt avgjaldstíðarskeið ikki verður innlatin til ásetta tíð, verður avgjaldið fyri viðkomandi avgjaldstíðarskeið hækkað við 1%, tó í minsta lagi við 300 kr. og í hægsta lagi við 1.000 kr.
2. stk. 53) TAKS kann fráboða frítøku fyri hækking av avgjaldi sambært 1. stk., tá tað av serligum orsøkum verður hilðið at vera rímiligt.
3. stk. 53) Hevur TAKS aftaná lokna innlatingarfreist ikki móttikið uppgerð fyri eitt avgjaldstíðarskeið, kann TAKS fyribils áseta avgjald hjá virkinum.
4. stk.  33) Um so er, at eitt virki í 4 fylgjandi avgjaldstíðarskeið hevur fingið avgjald ásett sbrt. stk. 3, kann TAKS taka skrásetingina frá virkinum, um so er, at virkið ikki letur inn fullfíggjaðar uppgerðir. Áðrenn skráseting verður tikin frá virkinum, skulu virkið og leiðsla við innskrivaðum brævi hava fráboðan um, at um virkið ikki letur inn manglandi uppgerðir innan 14 dagar, verður skrásetingin tikin frá virkinum. Í fráboðanini skal verða sagt frá, at um virkið rekur meirvirðisgjaldskyldugt virksemi aftaná, at meirvirðisgjaldskrásetingin er tikin frá virkinum, er hetta revsivert sbrt. § 33, stk. 3, og at leiðslan heftir fyri hetta avgjald sbrt. § 23 b, stk. 10.

§ 22. 1) 9) 15) 16) 17) 23) Avgjaldið fyri eitt avgjaldstíðarskeið fellur til gjaldingar og skal gjaldast í seinasta lagi 1 mánaða og 10 dagar aftan á endan á avgjaldstíðarskeiðinum.
2. stk. 27) Er avgjaldið ikki goldið, tá freistin er úti, skulu 0,7% roknast í rentu fyri hvønn byrjaðan mánað frá gjalddegnum at rokna. Renta verður somuleiðis goldin av hækkingini av avgjaldinum sambært § 21, stk. 1 fyri hvønn byrjaðan mánað frá gjalddegnum at rokna.
3. stk. Reglurnar í stk. 2 eru eisini galdandi fyri skuldskrivaða rentu.

§ 23. 12) 53) Viðvíkjandi virkjum, sum bert skulu rekast í styttri tíð, kann TAKS áseta, at avgjaldstíðarskeiðið, er tað tíðarskeiðið, sum virkið skal rekast í. TAKS kann harumframt stytta freistirnar fyri at senda inn uppgerð og gjalda avgjald hjá tílíkum virkjum.

§ 23 a. 12) 15) 20) 32) Skrásett virki við ársfjórðingi sum avgjaldstíðarskeiði skulu hóast ásetingina í § 20 hava álmanakkamánaðin sum avgjaldstíðarskeið og lata inn uppgerð og harumframt rinda avgjaldið seinast 15 dagar aftaná, tá ið

  1. virkið 2 ferð innan fyri teir seinastu 12 mánaðirnar ikki rættstundis hevur rindað avgjald, ella
  2. virkið er í eftirstøðu við avgjaldinum eftir hesi lóg við eini upphædd, ið er meira enn 25.000 kr. tilsamans, og
  3. 53) virki ikki rindar eftirstøðuna viðv. nr.1 ella 2 áðrenn 10 yrkadagar frá móttøkuni av áminningarskrivi frá TAKS, har virkið fær boð um, at um tað framvegis ikki rindar, verður virkinum álagt stytt avgjaldstíðarskeið v.m.

2. stk. Tað stytta avgjaldstíðarskeiðið eftir stk. 1 skal verða galdandi frá tí 1. í tí álmanakkamánaði, har freistin, sum er ásett í stk. 1, nr. 3, er farin. Avgjaldið fyri eitt fyrri avgjaldstíðarskeið, sum ikki er latið inn ella goldið enn, skal latast inn og rindast samstundis við avgjaldinum fyri tað fyrsta stytta avgjaldstíðarskeiðið.
3. stk. 53) TAKS kann frítaka einum virki frá styttum avgjaldstíðarskeiði v.m., um ein gjaldsavtala er gjørd, ið virkið heldur, ella um so er, at tað ikki í aðrar mátar við grundarlagi í viðurskiftunum hjá virkinum verður mett, at tørvur er á at áleggja virkinum stytt avgjaldstíðarskeið v.m.
4. stk. 53) TAKS kann áleggja virkjum, ið verða fráboðað til skrásetingar, at nýta stytt avgjaldstíðarskeið v.m. eftir reglunum í stk. 1. Krav um stytt avgjaldstíðarskeið v.m. kann verða álagt, tá ein eigari av virkinum innanfyri seinastu 5 árini hevur verið eigari av ella limur í nevndini ella stjórnini hjá einum øðrum virki, ið innanfyri hetta tíðarskeið ikki hevur goldið meirvirðisgjald rættstundis ella hevur verið í eftirstøðu. Er tann avgjaldsskyldugi eitt vinnufelag v.m., verður sum eigari eisini roknaður ein persónur, ið eigur slíkar fíggjarpartar í avgjaldsskylduga virkinum, sum verða roknaðir sum partabrøv hjá høvuðspartaeigara smb. § 13, stk. 3 og 4 í kapitalvinningsskattalógini, ella eitt vinnufelag v.m., sum eigur slíkar fíggjarpartar í avgjaldsskylduga virkinum. Stytt avgjaldsskeið v.m. skal tó bert verða nýtt, tá tað eftir ítøkiligari metan verður mett at vera tørvur á hesum fyri at tryggja, at goldið verður samstundis.
5. stk.32) Virkir kunnu í staðin fyri at nýta stytt avgjaldstíðarskeið o.a. sbrt. stk. 1 og 4 velja at seta trygd sbrt. § 23 b, stk. 1 og 2.“
6. stk. Virkir, ið eftir stk. 1 og 4 eru áløgd stytt avgjaldstíðarskeið, kunna nýta vanligt avgjaldstíðarskeið v.m., tá ið virkið í einum 12 mánaða tíðarskeiði hevur goldið avgjald, og virkið ikki er í eftirstøðu av avgjaldi eftir hesi lóg.
7. stk. 32) Virkir, ið seta kravdu trygdina, skulu ikki, hóast stk. 1 og 4, nýta stytt avgjaldstíðarskeið o.a.
8. stk. 32) Strikað
9. stk. 32) Strikað

§ 23 b. 32) TAKS kann áleggja einum virki at seta trygd, tá

  1. virkið ikki heldur krøvini um stytt avgjaldstíðarskeið, ella
  2. virkið 3 ferðir innan fyri teir seinastu 12 mánaðirnar ikki rættstundis hevur rindað avgjald,og
  3. virkið er í eftirstøðu við avgjaldinum eftir hesi løgtingslóg við eini upphædd, ið er meira enn 25.000 kr. tilsamans, og
  4. virkið ikki rindar eftirstøðuna eftir nr. 2 ella 3 áðrenn 10 yrkadagar frá tí, at áminningarskriv frá TAKS er móttikið, har virkið verður kunnað um, at um tað framvegis ikki rindar eftirstøðuna, verður álagt virkinum at seta trygd.

2. stk. TAKS kann harumframt áleggja virkjum, ið verða fráboðað til skrásetingar, og verandi virkjum at seta trygd, tá ið eigari av virkinum innan fyri tey seinastu 5 árini hevur verið eigari av ella limur í nevnd ella stjórn í øðrum skrásettum virki, ið er farið konkurs ella er vorðið insolvent, og har TAKS hevur krøv, ið ikki eru nóg væl tryggjað, ella landskassin hevur havt 50.000 kr. ella meira tilsamans í tapi av avgjaldi eftir hesi løgtingslóg. 1. pkt. er eisini galdandi, tá tann persónur, ið veruliga rekur virkið, hevur tilknýti til eigara, lim í nevndini ávíkavist stjórnini á sama hátt, sum ásett í § 210, stk. 1, 3. pkt. í løgtingslóg um parta- og smápartafeløg.
3. stk. Trygd, sbrt. stk. 2, skal tó bert setast, tá tað eftir eini ítøkiligari metan verður mett at vera stórur váði fyri, at kravið um stytt avgjaldstíðarskeið o.a. eftir § 23 a, stk. 1 ella 4 ikki er nóg mikið til at tryggja, at avgjald eftir hesi løgtingslóg verður goldið rættstundis.
4. stk. Trygd eftir stk. 1 og 2 skal setast fyri eini upphædd, ið samsvarar við eftirstøðuna í avgjaldinum eftir hesi løgtingslóg, umframt væntað meðal avgjald fyri eitt 3 mánaða skeið. Snýr tað seg um virki, ið verður fráboðað til skrásetingar, skal trygd setast fyri eini upphædd, ið eftir meting frá TAKS, samsvarar við tað væntaða miðalavgjaldið í einum 3 mánaða tíðarskeiði.
5. stk. Trygd eftir stk. 1 og 2 skal setast seinast 8 dagar aftaná, at virkið hevur móttikið fráboðan um hetta, tó so at freistin kann leingjast eftir áheitan. Fráboðan um trygd verður send virkinum við innskrivaðum brævi.
6. stk. Í fráboðanini við kravi um trygd til verandi virkir og teirra leiðslu skal verða sagt frá, at um nevnda trygd ikki verður sett, verður skrásetingin strikað, og at framhald av meirvirðisgjaldskylduga virkseminum aftaná, at skrásetingin er strikað, er revsiverd eftir § 33, stk. 3, og at leiðslan heftir persónliga fyri avgjaldinum sbrt. stk. 10.
7. stk. Krav um trygd til virkir og leiðslu, ið verða fráboðað til skrásetingar, skal setast virki og leiðslu seinast 14 dagar aftaná, at TAKS hevur móttikið skrásetingarskjalið. Kravið um trygd skal innihalda upplýsing um:

  1. at verður trygd ikki sett, kann virkið ikki skrásetast,
  2. at framhald av virkinum er revsivert eftir § 33, stk. 3, og
  3. at leiðslan heftir persónliga fyri avgjaldinum sbrt. stk. 10.

8. stk. Verður trygd ikki sett rættstundis av verandi virki, verður skrásetingin tikin frá virkinum. Verður trygd ikki sett av virki, ið er fráboðað til skrásetingar, verður virkið ikki skrásett.
9. stk. Fráboðan um, at skráseting er tikin aftur ella noktað sbrt. stk. 8, verður send virki og leiðslu við innskrivaðum brævi, og samstundis verður sagt frá, at framhald av virkinum aftaná, at skráseting er tikin aftur ella noktað, er revsivert sambært ásetingini í § 33, stk. 3, og at leiðslan heftir persónliga fyri avgjaldinum sambært stk.10.
10. stk. Leiðslan í einum virki, sum við vilja ella av grovum ósketni heldur áfram ella byrjar rakstur av einum virki, hóast skrásetingin er tikin aftur ella noktað, sbr. stk. 8, heftir persónliga fyri avgjaldinum, sum stendst av tí ikki skrásetta virkinum. Leiðslan heftir persónliga, óavmarkað og solidariskt.
11. stk. Trygd, ið er sett sbrt. stk. 1 og 2, heldur uppat, tá ið virkið í seinasta 12 mánaða tíðarskeiði hevur goldið avgjald, og virkið ikki longur er í eftirstøðu av avgjaldi eftir hesi løgtingslóg.

§ 24. Er inngangandi avgjaldið hjá einum virki fyri eitt avgjaldstíðarskeið størri enn útgangandi avgjaldið, verður avgjaldsyvirskotið útgoldið virkinum.
2. stk. 53) Er uppgerðin rættstundis móttikin, fer útgjalding sambært 1. stk. fram, í seinasta lagi 3 vikur eftir at avgjaldsuppgerðin fyri viðkomandi tíðarskeið er móttikin. Kann TAKS vegna viðurskiftini hjá virkinum ikki hava eftirlit við uppgerðini, verður útgjaldingarfreistin avbrotin, til viðurskiftini hjá virkinum ikki longur forða eftirliti.
3. stk. Útgjalding fer bert fram, um avgjaldsuppgerð viðvíkjandi undanfarnum avgjaldstíðarskeiðum er móttikin. Krav um avgjald (og møguligar rentur) fyri hesi tíðarskeið verða mótroknað við útgjalding, hóast avgjaldskravið ikki er fallið til gjaldingar.

§ 25. Fyri gjalding av avgjaldi sambært hesi lóg ábyrgdast tann, ið sum ánari, uppsitari ella tílíkt rekur virkið fyri egna rokning. Eru fleiri virki, ið ikki hava sama ánara, skrásett undir einum, sbr. § 5, 3. stk., bera viðkomandi samábyrgd fyri gjalding av avgjaldi viðvíkjandi teimum virkjum, ið eru umfevnd av felagsskrásetingini. Er eitt útlendskt virki skrásett við einum umboði her á landi sambært § 5, 1. stk., 3. pkt., bera hesin og virkið samábyrgd fyri gjalding av avgjaldinum.

§ 26. 7) 15) 32) 42) Gjaldkomið meirvirðisgjald, rentur, sektir og gjøld kunnu innheintast við panting ella við afturhaldi í A-inntøku skuldarans.
Stk. 2. TAKS fremur pantingina ella lønareftirhaldið eftir reglunum í skattalógini.

X. Avgjald av innflutningi úr útlondum

§ 27. 2) 7) 8) 9) 10) 11) 18) 20) 37) Vørur, ið verða innfluttar úr útlondum, eru avgjaldsskyldugar í sambandi við innflutningin. Avgjaldið verður avroknað sambært reglunum í 7. kapitli í løgtingslóg um toll, ið er galdandi samsvarandi sambært hesi lóg.
2. stk. Avgjaldið er 25% av einum virði, ið er ásett samsvarandi reglunum um virðið á virðistollskyldugum vørum, møguliga við tolli og øðrum avgjaldi løgdum aftrat, sum skulu gjaldast í sambandi við innflutning, undantikið avgjaldið smb. hesi lóg.
3. stk. Avgjaldsfrítøka kann játtast við innflutning av vørum í sama mun og undir somu treytum sum ásettar eru um frítøku sambært tollógini §§ 6, 7, 8a og 9.
4. stk. 42) Flogfør og skip upp á 20 GT og meira, undantikið sportsflogfør og lystfør, kunnu innflytast avgjaldsfrítt.
5. stk. Tíðindabløð kunnu innflytast avgjaldsfrítt. Útlendsk tíðarrit, ið koma beinleiðis til haldaran, kunnu eisini innflytast avgjaldsfrítt.
6. stk. Listamenn kunnu avgjaldsfrítt innflyta egin listaverk av tí slagnum, ið hoyrir undir vøruflokk 9701-9703 í toll- og vøruskránni.
7. stk. Í samráð við skatta- og avgjaldsnevndina, kann landsstýrið, undir heilt serligum umstøðum loyva avgjaldsfríum innflutningi av vørum í øðrum førum enn teimum, sum nevnd eru í 3-6 stk.
8. stk. 53) Vørur, ið fyribils verða útfluttar við tí fyri eyga at endurinnflyta tær eftir tilevning, virking, innballing, umvæling ella reingerð, kunnu av TAKS sambært nærri ásettum treytum loyvast at verða avgjaldsavgreiddar við 25% av útreiðslunum, í hesum eru sendingar- og tryggingarútreiðslur v.m., við tilevningina, sum er gjørd uttan fyri landið íroknað møguligan toll og aðrar útreiðslur sum nevnt í 2. stk.
9. stk. Fiskireiðskapur, agn, ísur, olja, proviantur, salt og pakkitilfar til fiskifør, sum reka vinnuligan fiskiskap kunnu innflyta avgjaldsfrítt.
10. stk. Innflutningur av fiski, skeljadýrum, lindýrum og ørðum ryggleysum vatndýrum (jbr. 3. kap. í toll- og vøruskránni) og innflutningur av ídnaðarfiski (sbr. vørunummar 0511.91.10 og vørunummar 0511.91.90 í Toll- og vøruskránni) til útflutningsfyritøkur, hvørs søla beinleiðis ella óbeinleiðis í høvusheitum er til útlond, kann fara fram, uttan at meirvirðisgjald verður at rinda í samband við innflutningin.
11. stk. Vørur kunnu verða innfluttar avgjaldsfrítt, um so er, at samsvarandi latingar her í landinum av tílíkum vørum framdar av avgjaldsskyldugum virkjum høvdu verið frítiknar fyri avgjald.

§ 28. 2) 8) 24) 42) 47) Útlendsk virki, sum selja fyri meir enn 50.000 kr. um árið, og sum selja tænastur, nevndar í stk. 2, nr. 7-13, til virki, stovnar o.t., ella til fólk í Føroyum, skulu meirvirðisgjaldskrásetast jbr. § 5, og uppkrevja 25% í avgjaldi av søluni, tá ið tænastan verður nýtt í Føroyum.
2. stk.Fylgjandi tænastur eru avgjaldskyldugar:

  1. At avhenda heilt ella lutvíst upphavsrættindi, patentrættindi, lisensrættindi, rættindi til vørumerki, felagsmerki og mynstur, og onnur tílík rættindi.
  2. Tænastur viðvíkjandi reklamu.
  3. Tænastur frá ráðgevandi virkjum, verkfrøðingum, byggifrøðingum, advokatum og grannskoðarum og aðrar tílíkar tænastur; dátuviðgerð og fráboðan av upplýsingum.
  4. Tænastur frá vikarstovum.
  5. Skylda til heilt ella lutvíst at lata vera við at fremja vinnuligt virksemi ella gera nýtslu av einum av teimum í hesum stykki nevndu rættindum.
  6. Tænastur, ið verða gjørdar av millummonnum, sum handla í navni hjá øðrum og fyri rokning hjá øðrum.
  7. At leiga út leysafæ.
  8. Tænastur viðvíkjandi fastari ogn her á landi, harímillum tænastur frá ognmeklara, ognarhandlara o.l. og byggifrøðiligar og ráðgevandi tænastur.
  9. Tiltøk v.m. innan ítrótt, undirhald, undirvísing og gransking v.m.
  10. Arbeiði framt á leysafæ her á landi.
  11. Serkøn virðismeting av leysafæi her á landi.
  12. Fjarskiftistænastur.
  13. Útbreiðsla av útvarps- og sjónvarpssendingum.

3. stk. Avgjaldskyldug søla sambært stk. 2, nr. 1-6 og 8-13 viðvíkur ikki sølu til skrásett virkir í Føroyum, sum í síni heild kunnu rokna avgjaldið við í inngangandi avgjaldið.
4. stk. Fólk, almennir stovnar og onnur, ið ikki eru meirvirðisgjaldskrásett, og sum keypa tænastur, nevndar í stk. 2, nr. 1-6, í útlondum, skulu rinda meirvirðisgjald, um so er, at tænastan verður nýtt í Føroyum.
5. stk. 53) Tann, sum skal rinda avgjald sambært stk. 4, skal føra roknskap yvir tær tænastur, ið eru keyptar í útlondum, og sum avgjald skal rindast fyri. Í seinasta lagi 10 dagar eftir, at tænastan er móttikin, skulu tey rinda avgjaldið og upplýsa TAKS støddina á avgjaldsuppæddini. Roknskapartilfar skal goymast í 5 ár.
6. stk. Tænastur kunnu verða innfluttar avgjaldsfrítt, um so er, at samsvarandi latingar her í landinum, framdar av avgjaldskyldugum virkjum, høvdu verið frítiknar fyri avgjald.

XI. Eftirlitsreglur

§ 29. 53) TAKS hevur heimild til at kanna høli, ið verða nýtt í sambandi við raksturin av skrásetingarskyldugum virkjum, og til at kanna vøru á goymslu, handilsbøkur og annað roknskapartilfar og brævaskifti v.m. hjá virkjunum.
2. stk. 53) Handhavin og starvsfólkið á virkinum skulu veita TAKS neyðuga vegleiðing og hjálp, tá kanningar sum nevndar í 1. stk. verða gjørdar.
3. stk. 53) Tilfarið, ið er nevnt í 1. stk., skal eftir áheitan frá TAKS latast ella sendast TAKS.

§ 30. 53) Latarar til skrásetingarskyldug virki skulu eftir áheitan geva TAKS upplýsingar um teirra latingar av vørum og tænastum til hesi virki.
2. stk. 53) Vinnurekandi skulu eftir áheitan geva TAKS upplýsingar um teirra keyp av vørum og tænastum til virkið.
3. stk. 53) Peningastovnar, herímillum postgiroskrivstovan og advokatar og onnur, ið taka ímóti miðlum til umsiting ella sum vinnuliga læna út pening, skulu eftir áheitan geva TAKS eina og hvørja upplýsing um teirra búskaparligu viðurskifti við navnfest skrásetingarskyldug virki.
4. stk. 53) TAKS hevur heimild til at kanna vøru á goymslu v.m. hjá virkjum, ið eru nevnd í 1. og 2. stk. og til at skoða sáttmálar v.m. hjá virkjum, ið fíggja skrásett virki.

§ 31. 53) Almennir myndugleikar skulu eftir áheitan geva TAKS eina og hvørja upplýsing til brúk fyri skráseting av virkjum og til eftirlits við gjalding ella afturgjalding av avgjaldinum.
2. stk. 53) Løgreglan veitir TAKS hjálp sambært reglum, ið verða ásettar eftir samráðing millum landsstýrið og landfútan.

§ 32. 16) 17) 21) 23) Verður staðfest, at eitt virki hevur givið skeiva fráboðan sambært § 20, 1. stk., soleiðis at virkið hevur goldið ov lítið avgjald ella fingið útgoldið ov nógv í endurrindan, verður skylduga upphæddin kravd frá virkinum til gjaldingar í seinasta lagi 14 dagar eftir kravið. Sama er galdandi, tá eitt virki ikki hevur latið uppgerðina inn, og tá fyribils ásetta avgjaldsskyldan sambært § 21, 3. stk., hevur verið ov lítil.
2. stk. 53) Kann støddin á avgjaldsupphæddini, sum virkið skyldar, ikki gerast upp grundað á roknskapin hjá virkinum, kann TAKS gera eina metta áseting av avgjaldinum. Sama er galdandi, um eitt virki hevur fingið ov nógv í avgjaldsendurrindi og støddin av tí upphædd, sum virkið tí skal afturgjalda, ikki kann gerast upp grundað á roknskapin hjá virkinum. Avgerðin skal innihalda upplýsingar um møguleika at klaga sum nevnt í 3. stk.
3. stk. Ein avgerð sambært 2. stk. kann av einum virki leggjast fyri skatta- og avgjaldsnevndina. Áheitan um at leggja fyri nevndina skal vera fráboðað Toll- og Skattstovu Føroya í seinasta lagi 4 vikur aftan á, at virkið er kunnað um ásetingina.
4. stk. 27) 35) Er avgjaldið ikki goldið, tá ið freistin er úti, skulu 0,7% roknast í rentu fyri hvønn byrjaðan mánað frá gjalddegnum at rokna. Við gjalddag skal her skiljast gjalddagurin, sum ásettur er í § 22, stk. 1.

XII. Revsireglur

§ 33. 12) 17) Við bót verður tann revsaður, ið við vilja ella av grovum ósketni:

a. Gevur skeivar ella villeiðandi upplýsingar ella ikki gevur upplýsingar at nýta til avgjaldseftirlitið ella eftirlit við útgjaldingum sambært § 24.
b. Brýtur § 5, 1. stk., 2. stk., 1. punktum, ella 5. stk., § 10, 3. stk., § 12, stk. 5, 2. punktum, § 13, 4. stk., 2. punktum, § 17, 1., 2., 5., 6., 9. ella 11. stk., § 18, 3. stk., § 19, § 20, 1. stk., § 29, 2. og 3. stk., § 30, 1., 2. og 3. stk.
c. Letur vera við at gera sum ásett í § 3, 2. stk., ella § 9, 1. stk.
d. Setir til viks treytir, sum eru ásettar sambært § 2, 4. og 5. stk., § 4, 2. stk. og § 12, 2. stk.

2. stk. Í fyriskipanum sambært hesi lóg kann revsing við bót áleggjast tí, sum við vilja ella av grovum ósketni brýtur reglurnar í fyriskipanunum.
3. stk. 32) Tann, sum fremur eitt av nevndu brotum við vilja ella av grovum ósketni fyri at fáa avgjald útgoldið úr landskassanum sambært § 24 ella fyri sleppa sær undan at rinda avgjald, verður revsaður við bót, hefti ella fongsli upp til 2 ár. Við bót, hefti ella fongsli upp til 2 ár revsast eisini tann, ið við vilja ella av grovum ósketni rekur skrásetingarskyldugt virksemi, hóast virkinum er noktað skráseting, ella skráseting er tikin aftur eftir ásetingunum í §§ 21, stk. 4, og 23 b, stk. 9.
4. stk. Fyri lógarbrot, sum verða framd av partafeløgum, lutafeløgum ella tílíkum, kann sektarábyrgd verða áløgd felagnum sum so.

§ 34. 53) Verður lógarbrot mett ikki at føra strangari revsing við sær enn bót, kann TAKS kunna viðkomandi um, at sakin kann verða avgjørd uttan rættarsókn, um hann viðgongur seg sekan í lógarbrotinum og váttar seg til reiðar innan fyri eina nærri ásetta freist at gjalda eina bót.
2. stk. 56) Viðvíkjandi kunningini, sum er nevnd í 1. stk., koma reglurnar í rættargangslógini um innihald av ákæruriti í nýtslu samsvarandi.
3. stk. Verður bótin goldin rættstundis, ella verður hon sambært avgerð innheintað ella avsitin, fellur víðari rættarsókn burtur.
4. stk. 56) Strikað.

XIII. Aðrar reglur

§ 35. 20) 42) Upplýsingar eftir hesi løgtingslóg skulu fráboðast umvegis talgildu sjálvgreiðslurnar hjá TAKS ella við gs-lykli.
Stk. 2. Í tann mun, at vinnurekandi letur upplýsingarnar á annan hátt, verður gjald álagt. Gjaldið verður ásett, soleiðis at heilfulnaður fæst fyri langtíðarkostnaðin av virkseminum.
Stk. 3. Gjaldið eftir stk. 2 fellur til TAKS.

§ 36. 7) Landsstýrið ásetir reglur um endurrindan av avgjaldi, sum útlendsk virki hava goldið við keyp, tilevning v.m., goymslu ella við flutning av vørum, ið verða útfluttar til útlond.
2. stk. Landsstýrið kann áseta, í hvønn mun endurgjald kann veitast fyri avgjald, sum flutningsfyritøkur hava goldið í sambandi við uttanríkisfólkaflutning ella avgjald, ið er goldið í sambandi við banka., fíggjar- og tryggingarvirksemi í londum uttan fyri Føroyar.
3. stk. 33) Útlendskar sendistovur og útlendskir stjórnarsendimenn kunnu eftir umsókn fáa endurgoldið meirvirðisgjaldið á teimum í kunngerð nærri ásettum vørum og tænastum, keyptar í Føroyum. Landsstýrismaðurin í fíggjarmálum ásetir nærri í kunngerð, hvørjar vørur og tænastur tey í 1. pkt. nevndu kunnu fáa endurgoldið meirvirðisgjaldið fyri.

§ 36a. Landsstýrið ásetur reglur um, at avgjald kann afturrindast avgjaldsskyldugum virkjum, ið ikki hava bústað e.t. her á landi, sum er goldið her fyri vørur og avgjaldsskyldugar tænastur til vinnuliga nýtslu hjá virkjum her á landi.
2. stk. Afturrindan av avgjaldi sambært stk. 1 kann bert verða veitt fyri innkeyp av tí slagnum, sum skrásett virki kunnu rokna við í inngangandi avgjald sambært reglunum í §§ 15 og 16.

§ 36 b. 31) 42) Meirvirðisgjaldsútreiðslurnar hjá sjálvbodnum bjargingarfeløgum, har øll arbeiðsmegin er ólønt, kunnu eftir umsókn verða endurgoldnar. Tað er ein treyt, at bjargingarbátarnir ikki verða brúktir til vinnuligt virksemi.
2. stk. Landsstýrismaðurin í fíggjarmálum kann í kunngerð áseta nærri treytir og reglur um at fáa endurgoldið meirvirðisgjald sbrt. stk. 1.

§ 37. Avgjald sambært hesi lóg fer í landskassan.

§ 38. 20) 53) TAKS, eins væl og Føroya Kærustovni er bannað, undir ábyrgd í borgarligari revsilóg fyri Føroyar, at siga óviðkomandi frá upplýsingum viðvíkjandi privatum, fíggjar og vinnuviðurskiftum, sum teir fáa at vita, meðan teir røkja starv sítt sambært hesi lóg. Tað sama hevur gildið fyri tað hjálparfólk, sum starvar hjá TAKS og annars hvønn og ein, sum hevur gjørt avtalu við tað almenna um at átaka sær eitt arbeiði og fær at vita um slík viðurskifti. Er avtalan gjørd við eitt virki, fevnir tagnarskyldan um øll tey í virkinum sum fáa at vita um slík viðurskifti.
2. stk. Hagstovan verður ikki mett at vera óviðkomandi sambært 1. stk.

XIV. Skiftis- og ígildissetanarreglur

§ 39. Landsstýrið kann áseta neyðugar reglur fyri fremjing av lógini, herímillum skipa fyri neyðugum eftirlitsfyriskipanum.

§ 40. 1) Virki, ið eru skrásetingarskyldug sambært hesi lóg, og sum hava uppgjørt goymsluna pr. 31. desember 1992, og sum hava sent inn uppgerðina fyri 1. juli 1993, fáa 100% av innflutningsgjaldinum sambært løgtingslóg nr. 119 frá 23. desember 1991 um innflutningsgjald, ið er goldið fyri vørur, ið eru innfluttar til víðari sølu, og sum ikki eru seldar fyri 1. januar 1993, endurgoldið í 1993 og 1994.
2. stk. Innflutningsgjaldið sambært hesi grein verður endurgoldið í mun til uppgjørda virðið á vørugoymsluni og verður útgoldið í 4 eins stórum pørtum í samsvari við avrokningartíðarskeiðið sambært § 20, í samband við 2. og 3. avrokningartíðarskeið í 1993, og 1. og 2. avrokningartíðarskeið í 1994.
3. stk. Landsstýrið kann áseta nærri reglur um krøv, ið skulu lúkast, áðrenn afturrindan sambært hesi grein verður framd.
4. stk. 53) Í kunngerð sett sambært 3. stk. kann landsstýrið áseta, at vørugoymslan skal gerast upp sambært skattligu reglunum um uppgerð av vørugoymslu, og at uppgerðin skal váttast av løggildum ella skrásettum grannskoðara ella av persónum, sum verða góðkendir av TAKS.

§ 41. Hóast goldið verður fyri latingar av avgjaldsskyldugum vørum og tænastum áðrenn 1. januar 1993, eru latingar, ið fara fram aftan á 31. desember 1992 avgjaldsskyldugar sambært § 1 í hesi lóg.

§ 42. 1) Henda lóg fær gildi 1. januar 1993. Tó fær § 5 gildi 1. oktober 1992, og § 40 fær gildi 12. desember 1992.
2. stk. Virki, ið eru skrásetingarskyldug sambært § 5, skulu fráboða seg til skrásetingar í seinasta lagi 20. november 1992.

§ 43. Samstundis sum henda lóg kemur í gildi, fer úr gildi løgtingslóg nr. 119 frá 23. desember 1991 um innflutningsgjald og tær kunngerðir, ið eru settar sambært lóg nr. 9 frá 27. februar 1961 við seinni broytingum um serligt innflutningsgjald og lóg nr. 32 frá 19. mai 1979 við seinni broytingum um eykainnflutningsgjøld, og sum ikki fóru úr gildi, tá ið lóg nr. 119 frá 23. desember 1991 um innflutningsgjøld kom í gildi.

Lógarbroytingar og ígildiskomur
1) Broytt við ll. nr. 162 frá 01.12.1992, har § 2 er soljóðandi: Henda lóg fær gildi 1. januar 1993. Tó fáa § 1, pkt. 4, pkt. 12, pkt. 13 og pkt. 14 gildi dagin eftir, at henda lóg er kunngjørd.
2) Broytt við ll. nr. 163 frá 01.12.1992Henda lóg fær gildi 1. januar 1993.
3) Broytt við ll. nr. 173 frá 01.01.1993Henda lóg fær gildi 1. januar 1993.
4) Broytt við ll. nr. 174 frá 18.12.1992Henda lóg kemur í gildi 1. januar 1993.
5) Broytt við ll. nr. 193 frá 30.12.1992Henda lóg fær gildi 1. januar 1993.
6) Broytt við ll. nr. 101 frá 21.05.1993Henda lóg kemur í gildi 1. januar 1993. Broytingin í punkt 2) fær tó gildi 1. juli 1993
7) Broytt við ll. nr. 103 frá 21.05.1993Henda lóg kemur í gildi dagin eftir, at hon er kunngjørd. (útg. 26.05.1993)
8) Broytt við ll. nr. 105 frá 21.05.1993, har § 2 er soljóðandi: Henda 1óg fær gildi 1. juli 1993. Stk. 2. Lógin hevur gildi fyri meirvirðisgjaldsskyldugar latingar av vørum og tænastum, ið verða latnar frá og við 1. juli 1993. Stk. 3. Fyri vørur, ið verða innfluttar, verður hækkaði avgjaldssatsurin at galda fyri vørur, ið av toll-valdinum verða loyvdar útflýggjaðar frá og við 1. juli 1993. Stk. 4. Fer fram aftursending av vørum, ið verða latnar áðrenn 1. juli 1993, verður avgjaldsskyldugi umsetningurin eftir meirvirðisgjaldslógini broyttur, so at avgjald virkisins verður javnað við tí fyrr goldna avgjaldinum av tí upphædd, ið er endurrindað viðskiftafólkunum. Fyri tap uppá krøv viðvíkjandi latnum vørum og avgjaldsskyldugum tænast-um, verður gjørd samsvarandi javnan. Stk. 5. Landsstýrið kann áseta nærri reglur til fremjing av lógini.
9) Broytt við ll. nr. 81 frá 25.05.1994Henda løgtingslóg fær gildi 1. januar 1994.
10) Broytt við ll. nr. 104 frá 16.08.1994Henda lóg fær gildi dagin eftir, at hon er kunnjgørd.
11) Broytt við ll. nr. 125 frá 22.12.1995Henda lóg fær gildi 1. januar 1995.
12) Broytt við ll. nr. 108 frá 29.06.1995Henda lóg fær gildi 1. oktober 1995. Stk. 2. Krav um trygd eftir ásetingunum kunnu gerast galdandi fyri nýggj virki, ið fráboðast til skráseting frá og við 1. oktober 1995.
13) Broytt við ll. nr. 92 frá 06.06.1997Henda lóg kemur í gildi dagin eftir, at hon er kunngjørd.
14) Broytt við ll. nr. 176 frá 30.12.1997Henda lóg kemur í gildi 1. januar 1998.
15) Broytt við ll. nr. 96 frá 29.12.1998Henda løgtingslóg kemur í gildi 1. januar 1999. § 1, nr. 4) fær tó ikki gildi fyrr enn 1. januar 2000 burtursæð frá, at rentusatsurin upp á 1,5% verður broyttur til 1,0% við gildi frá 1. januar 1999.
16) Broytt við ll. nr. 33 frá 23.04.1999Henda lóg kemur í gildi dagin eftir, at hon er kunngjørd. § 1, nr. 2) fær tó gildi 1. januar 1999 og fer úr gildi 31. desember 1999. § 1, nr. 3 fær tó ikki gildi fyrr enn 1. januar 2000 burtursæð frá, at rentusatsurin verður broyttur til 1,0% við gildi frá 1. januar 1999.
17) Broytt við ll. nr. 23 frá 21.02.2000Henda løgtingslóg kemur í gildi dagin eftir, at hon er kunngjørd. § 1, nr. 1-5 hava virknað frá 1. januar 2000.
18) Broytt við ll. nr. 12 frá 25.02.2002Henda løgtingslóg kemur í gildi 1. januar 2002.
19) Broytt við ll. nr. 86 frá 18.11.2002Henda lóg fær gildi dagin eftir, at hon er kunngjørd, og er galdandi frá framløgudegnum.
20) Broytt við ll. nr. 94 frá 05.12.2002Henda lóg fær gildi dagin eftir, at hon er kunngjørd, og er galdandi frá 1. januar 2003.
21) Broytt við ll. nr. 100 frá 20.12.2002og er galdandi fyri álíkning av inntøkuárinum 2003 og eftirfylgjandi árum.
22) Broytt við ll. nr. 116 frá 01.12.2003Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2004.
23) Broytt við ll. nr. 121 frá 01.12.2003Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2004.
24) Broytt við ll. nr. 39 frá 27.04.2005Henda løgtingslóg kemur í gildi dagin eftir, at hon er kunngjørd. Kunngjørd 28.04.2005.
25) Broytt við ll. nr. 149 frá 20.12.2005Henda løgtingslóg kemur í gildi 1. januar 2006. (Útg. 22.12.2005)
26) Broytt við ll. nr. 50 frá 16.05.2006, har § 2 er soljóðandi: Henda løgtingslóg kemur í gildi samstundis, sum sáttmáli frá 31. august 2005 millum stjórn Íslands øðrumegin og stjórn Danmarkar og Føroya Landstýri hinumegin fær gildi (Útg.: 19.05.2006).
27) Broytt við ll. nr. 49 frá 16.05.2006, har § 11 er soljóðandi: Henda løgtingslóg kemur í gildi dagin eftir, at hon er kunngjørd (Útg. 19.05.06).
28) Broytt við ll. nr. 66 frá 07.06.2007, har § 2 er soljóðandi: Henda løgtingslóg kemur í gildi 1. juli 2007. (Útg.: 08.06.07). (Nota til § 12, stk. 1, litra l í meirvirðisgjaldslógini (sum verður strikað): Sí § 6, stk. 2, í løgtingslóg um stuðul til bygging og umvæling av egnum bústaði: “Stk. 2. Sáttmálar, sum eru fráboðaðir Toll og Skattstova Føroya áðrenn 1. juli 2007, verða viðgjørdir eftir higartil galdandi reglum.” )
29) Broytt við ll. nr. 80 frá 25.05.2009, har § 6 er soljóðandi: Henda løgtingslóg kemur í gildi dagin eftir, at hon er kunngjørd. §§ 1-3 hava virknað frá 1. juli 2009, § 4 og § 5, nr. 2 hava virknað frá 1. januar 2009, og § 5, nr. 1 hevur virknað frá 1. juli 2007. (Henda broytingin hoyir undir § 3 í broytingalógini). (Útg. 10. juni 2009)
30) Broytt við ll. nr. 34 frá 30.04.2011, § 2 er soljóðandi: Henda løgtingslóg kemur í gildi dagin eftir, at hon er kunngjørd, og galdandi fyri tíðarskeiðið frá 1. januar 2010 til 31. desember 2012. Stk 2. Samstundis, sum henda lóg kemur í gildi, fer úr gildi løgtingslóg nr. 50 frá 24. mai 1974 um studning til bygging av ungdómshúsum. (Útg. 11. mai 2011)
31) Broytt við ll. nr. 47 frá 08.05.2012, har § 2 er soljóðandi: Henda løgtingslóg kemur í gildi dagin eftir, at hon er kunngjørd ( Útg.: 16. mai 2012)
32) Broytt við ll. nr. 49 frá 08.05.2012, har § 2 er soljóðandi: Henda løgtingslóg kemur í gildi dagin eftir, at hon er kunngjørd ( Útg.: 16. mai 2012)
33) Broytt við ll. nr. 28 frá 24.04.2013, har § 2 er soljóðandi: Henda løgtingslóg kemur í gildi dagin eftir, at hon er kunngjørd ( Útg.: 3. mai 2013)
34) Broytt við ll. nr. 57 frá 17.05.2013, har § 2 er soljóðandi: Henda løgtingslóg kemur í gildi dagin eftir, at hon er kunngjørd. § 1, nr. 1 hevur virknað frá 1. januar 2013. § 1, nr. 2 hevur virknað frá 1. januar 2012.
35) Broytt við ll. nr. 58 frá 18.05.2015, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útg.: 22. mai 2015)
36) Broytt við ll. nr. 155 frá 23.12.2015, har § 2 er soljóðandi: Henda løgtingslóg kemur í gildi 1. januar 2016.
37) Broytt við ll. nr. 161 frá 24.12.2015, har § 2 er soljóðandi: Henda løgtingslóg kemur í gildi 1. januar 2016.
38) Broytt við ll. nr. 75 frá 29.05.2017, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útg.: 29.05.2017)
39) Broytt við ll. nr. 80 frá 29.05.2017, har § 2 er soljóðarndi: Stk. 1. Henda løgtingslóg kemur í gildi 1. januar 2017. Stk. 2. Fyri at fáa meirvirðisgjaldið endurgoldið, skal umsókn verða latin TAKS í seinasta lagi 31. mars 2019. (Útg.: 30.05.2017)
40) Broytt við ll. nr. 92 frá 06.06.2017, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað fyri hitapumpuskipanir, klárar at taka í nýtslu frá 1. januar 2017.
41) Broytt við ll. nr. 132 frá 21.09.2017, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útg.: 22.09.2017) (Broyting í ll. nr. 92 frá 06.06.2017)
42) Broytt við ll. nr. 62 frá 30.04.2018, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útg.: 05.05.2018)
43) Broytt við ll. nr. 190 frá 21.12.2018, har § 2 er soljóðandi: Stk. 1. Henda løgtingslóg kemur í gildi dagin eftir, at hon er kunngjørd og hevur virknað frá framløgudegnum fyri tey í § 1, nr. 3 nevndu akfør skrásett framløgudagin ella seinni. Stk. 2. Tey í § 1, nr. 3 nevndu akfør, sum eru skrásett áðrenn framløgudagin kunnu framvegis avgjaldsgreiðast eftir § 10 stk. 1 í meirvirðisgjaldslógini. Stk. 3. § 1, nr. 2 kemur í gildi 31. mars 2021, sbr. stk. 4. Stk. 4. Fyri at fáa meirvirðisgjald endurgoldið eftir § 1, nr. 1, skal umsókn verða latin TAKS í seinasta lagi 31. mars 2021. (Útgivið 27.12.2018 og lagt fram 28.09.2018)
44) Broytt við ll. nr. 57 frá 07.05.2019, har § 2 er soljóðandi: Henda løgtingslóg kemur í gildi dagin eftir, at hon er kunngjørd (Útg.: 8. mai 2019) og hevur virknað frá framløgudegnum. (Framløgudagur 7. mars 2019)
45) Broytt við ll. nr. 54 frá 07.05.2019, har § 3 er soljóðandi: Henda løgtingslóg kemur í gildi dagin eftir, at hon er kunngjørd. (Útg.: 8. mai 2019)
46) Broytt við ll. nr. 148 frá 13.12.2019, har § 2 er soljóðandi: Henda løgtingslóg kemur í gildi dagin eftir 1. januar 2020.
47) Broytt við ll. nr. 21 frá 12.03.2020, har § 2 er soljóðandi: Henda løgtingslóg kemur í gildi dagin eftir at hon er kunngjørd (Útg. 14. mars 2020), og hevur virknað frá 1. januar 2020.
48) Broytt við ll. nr. 22 frá 18.03.2020, har § 2 er soljóðandi: Henda løgtingslóg kemur í gildi dagin eftir, at hon er kunngjørd (Útg. 18.mars 2020)
49) Broytt við ll. nr. 86 frá 07.06.2020, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útgivið: 09.06.2020)
50) Broytt við ll. nr. 19 frá 24.02.2021, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað frá 1. januar 2021. (Útgivið: 24.02.2021)
51) Broytt við ll. nr. 27 frá 26.03.2021Hetta er ein broyting til ll. nr. 190 frá 21.12.2018, har áseting í § 1, nr. 2 og § 2, stk. 3 verður strikað. § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útgivið: 29. mars 2021)
52) Broytt við ll. nr. 54 frá 04.05.2021, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útgivið: 06.05.2021)
53) Broytt við ll. nr. 59 frá 02.05.2022, har § 2 er soljóðandi: Stk. 1. Henda løgtingslóg kemur í gildi dagin eftir, at hon er kunngjørd. Stk. 2. § 1, nr. 1 kemur í gildi 1. januar 2024.
54) Broytt við ll. nr. 27 frá 27.02.2023, har § 2 er soljóðandi: Stk. 1. § 1, nr. 2-4 koma í gildi dagin eftir, at løgtingslógin er kunngjørd og hava virknað frá 1. januar 2023. Stk. 2. § 1, nr. 1 kemur í gildi 1. september 2023. (Útgivið: 27.02.2023)
55) Broytt við ll. nr. 61 frá 22.05.2023, har § 2 er soljóðandi: Stk. 1. Henda løgtingslóg kemur í gildi dagin eftir, at hon er kunngjørd. Stk. 2. Verkætlanir, ið eru farnar í gongd áðrenn 31. desember 2022 eru eisini fevndar av løgtingslógini
56) Broytt við ll. nr. 91 frá 07.06.2020, har § 79 er soljóðandi: Henda løgtingslóg kemur í gildi 1. januar 2021. (Útgivið: 10.06.2020)
  • Meira
    • Upprunalógir
    • Kunngerðir
    • Rundskriv
    • Vegleiðingar
    • Úrskurðir
    • Viðmerkingar
    Upprunalógir
    Meirvirðisgjaldslógin
    Kunngerðir
    • Nr. 35/2014 Frítøku fyri meirvirðisgjald av vørum, ið verða útfluttar sum ferðagóðs
    • Nr. 102/2013 Sjálvbodna skráseting sambært lóg um meirvirðisgjald fyri útleigu, uppsiting og sølu av fastari ogn
    • Nr. 94/2013 Afturrindan av meirvirðisgjaldi til sendistovur o.o. av vørum og tænastum keyptar í Føroyum
    • Nr. 87/2005 Meirvirðisgjald av tænastum, ið verða seldar til útlond
    • Nr. 85/2005 At seta úr gildi kunngerð um uppgerð og endurrindan av innflutningsgjaldi á vørum á goymslu
    • Nr. 24/2003 Avtøku starvsskipan fyri kærunevndina í meirvirðisgjalds- grunninum (MVG-nevndin)
    • Nr. 22/2003 Meirvirðisgjaldsskylduga sølu av bókum
    • Nr. 35/2000 Lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum
    • Nr. 1/2000 Upplýsingar, ið skulu tilskilast á avrokningarskjal í sambandi við avrokning av meirvirðisgjaldinum
    • Nr. 50/1998 Meirvirðisgjaldsfrítøku fyri sjóklæðir
    • Nr. 169/1992 Mvg av bygging v.m. til sølu, útleigu ella egna nýtslu
    • Nr. 171/1992 Frítøku fyri at rinda avgjald sambært lóg um meirvirðisgjald
    • Nr. 136/1993 Frítøku fyri at rinda avgjald sambært lóg um mvg. fyri vælgerandi tiltøk
    • Nr. 110/1994 Afturrindan av meirvirðisgjaldi til útlendsk virki
    • Nr. 118/1994Proviantering av skipum og flogførum til nýtslu umborð ella til sølu til ferðafólk
    • Nr. 58/2021 um meirvirðisgjald av byggikostnaðinum av leigubústøðum
    • Nr. 10/2021 um meirvirðisgjald fyri ikki vinnuligt og almannagagnligt frítíðarvirksemi
    • Nr. 134/2022 um meirvirðisgjald hjá kommunum

    Nr. 35/2014 Frítøku fyri meirvirðisgjald av vørum, ið verða útfluttar sum ferðagóðs

    Kunngerð nr. 35 frá 5. mai 2014

    um frítøku fyri meirvirðisgjald av vørum, ið verða útfluttar sum ferðagóðs

    Við heimild í § 12, stk. 2 og § 33, stk. 2 í løgtingslóg nr. 136 frá 8. september 1992 um meirvirðisgjald, sum broytt við løgtingslóg nr. 23 frá 21. februar 2000 og løgtingslóg nr. 28 frá 24. apríl 2013, verður ásett:

    § 1. Vørur, sum meirvirðisgjaldsskrásett virkir selja til persónar, ið hava bústað uttanlands, og sum hesir taka við sær uttanlands sum ferðagóðs, kunnu verða frítiknar fyri meirvirðisgjald, um vørurnar blíva tollviðgjørdar í seinasta lagi 3 mánaðir aftan á fakturadagfestingina.

    § 2. Frítøkan er treytað av, at keypt verður fyri meira enn 300,00 kr., meirvirðisgjald íroknað.
    Stk. 2. Keyp, ið eru gjørd sama dag og frá sama seljara, kunnu leggjast saman, tá gjørt verður upp, um keypið er størri enn minstaupphæddin.

    § 3. Keyparin skal yvir fyri meirvirðisgjaldsskrásetta virkinum skjalprógva bústað sín uttanlands við at vísa fram pass ella annað samleikaprógv, har útlendski bústaðurin er áskrivaður.

    § 4. Meirvirðisgjaldsskrásetta virkið skal útflýggja faktura upp á vøruna við dagfesting, navni og bústaði seljarans og keyparans, nøgd og slagi av vøru, søluprísi og meirvirðisgjaldsupphædd.
    Stk. 2. Meirvirðisgjaldsskrásett virki kann ístaðin fyri faktura nýta serliga fráboðan, tax-free kekk, sum skal innihalda somu upplýsingar sum fyri faktura, sbrt. stk. 1.

    § 5. Vørur skulu latast til tollviðgerð í sambandi við fráferð keyparans. Keyparin skal vísa fram vøruna, ferðaseðil ella boardingpass og faktura ella fráboðan, tax-free kekkin. TAKS áteknar síðan fakturan ella fráboðanina, tax-free kekkin, til útflutnings.
    Stk. 2. Fyri at fáa meirvirðsgjaldið afturgoldið, skal keyparin senda áteknaða fakturan til seljaran ella lata tax-free umboðnum áteknaðu fráboðanina, tax-free kekkin.
    Stk. 3. TAKS kann eftir umsókn loyva kunningarstovum, flutningsfeløgum o.tíl. sína vegna at avgreiða vørur til útflutnings og í tí sambandi eisini at átekna faktura ella fráboðan, tax-free kekkin. Tað er ein treyt, at tað antin snýr seg um:

    1. útflutningsavgreiðslu av ferðafólki á flogvøllinum beinleiðis í sambandi við fráferð, ella
    2. flutningsavgreiðslu av ferðafólki við ferðamannaskipi, cruiseskipi, í sambandi við fráferð.

    Stk. 4. Umsókn um loyvi skal fara fram á serligum oyðiblaði frá TAKS.
    Stk. 5. TAKS hevur til eina og hvørja tíð rætt til at gera eftirlit av útflutningsskjølum, boardingpass, fakturum og tax-free kekkum.
    Stk. 6. Loyvishavarin og starvsfólk hansara, skulu verða TAKS til handa og annars geva TAKS allar tær upplýsingar, sum eftirlitið heldur vera neyðugar.
    Stk. 7. TAKS kann til eina og hvørja tíð taka loyvið aftur.

    § 6. Meirvirðisgjaldsskrásetta virkið, ið hevur selt vøruna, skal leggja áteknaða fakturan ella fráboðanina, tax-free kekkin, við í roknskap virkisins sum skjalprógv fyri avgjaldsfrítøkuna. Sølan skal dragast frá avgjaldsskyldugu søluni í tí avgjaldstíðarskeiði, tá skjalprógv er latið fyri útflutningin.

    § 7. Tann, sum við vilja ella av grovum ósketni gevur skeivar ella villleiðandi upplýsingar ella dylur upplýsingar at nýta til eftirlit hjá TAKS, verður revsaður við bót.
    Stk. 2. Brot á § 5, stk. 3 og 6 í hesi kunngerð ella tær í loyvinum ásettu treytir, verða revsað við bót, um lóggávan annars ikki ásetir strangari revsing.

    § 8. Henda kunngerð kemur í gildi dagin eftir, at hon er kunngjørd.
    Stk. 2. Samstundis fer úr gildi kunngerð nr. 130 frá 24. mai 1993 um frítøku fyri meirvirðisgjald av vørum, ið verða útfluttar sum ferðagóðs.

    Útgivið: 9. mars 2014

    Fíggjarmálaráðið, 5.mai 2014
    Jørgen Niclasen (sign.)
    landsstýrismaður
    / Bjarni Askham Bjarnason (sign.)

    Nr. 102/2013 Sjálvbodna skráseting sambært lóg um meirvirðisgjald fyri útleigu, uppsiting og sølu av fastari ogn

    Kunngerð nr. 102 frá 12. juli 2013

    um sjálvbodna skráseting sambært lóg um meirvirðisgjald fyri útleigu, uppsiting og sølu av fastari ogn

    Við heimild í § 6, stk. 1 og § 33, stk. 2 í løgtingslóg nr. 136 frá 8. september 1992 um meirvirðisgjald verður ásett:

    § 1. TAKS kann loyva sjálvbodnari skráseting av vinnuligari útleigu til skrásetingarskyldug virki, herímillum uppsiting av fastari ogn ella pørtum av henni. TAKS kann eisini loyva sjálvbodnari skráseting av útleigu til landsstovnar, sum eru á fíggjarlógini og sum ikki eru meirvirðisgjaldsskrásettir, skráseting av útleigu til kommunur, kommunal virkir og kommunalar stovnar.
    Stk. 2. Sjálvbodna skrásetingin kann einans fevna um fasta ogn, sum verður útleigað ella sum útleigarin roynir at útleiga. Sjálvbodna skrásetingin kann ikki fevna um útleigu til bústaðarendamál. Sjálvbodna skrásetingin kann heldur ikki fevna um áður gjørdar leigusáttmálar uttan so, at leigarin játtar hesum.
    Stk. 3. TAKS kann eisini geva loyvi til sjálvbodna skráseting fyri keyp og bygging v.m. av fastari ogn og byggibúning av grundstykki til sølu til meirvirðisgjaldsskrásett virki, til landsstovnar, sum eru á fíggjarlógini og sum ikki eru meirvirðisgjaldsskrásettir, umframt til kommunur, kommunal virkir og kommunalar stovnar, smbr. § 4.
    Stk. 4. Sjálvboðin skráseting av útleigu av fastari ogn kann í fyrsta lagi strikast 2 ár aftaná skrásetingina. Verður skrásetingin gjørd, áðrenn byggingin er endað, verður 2 ára freistin roknað frá tí degi útleiganin byrjaði.

    § 2. Um útleiguvirksemi er sjálvboðið skrásett, skal útleigarin rinda avgjald av samsýning sambært leigusáttmála.
    Stk. 2. Avgjaldsskylduga virðið verður ásett sambært § 8, stk. 2 í løgtingslóg um meirvirðisgjald, um so er, at samsýningin ikki samsvarar við vanliga leigu í samband við útleigu í samsvarandi hølum og bygningum.
    Stk. 3. Meirvirðisgjaldsskrásettur leigari kann rokna avgjaldið við í inngangandi avgjald eftir vanligu reglunum í løgtingslóg um meirvirðisgjald.

    § 3. Útleigarin kann rokna avgjald av keypi, ið viðvíkur nýbygging, umbygging, nútímansgerð, umvæling, viðlíkahaldi, rakstri og fyrisiting av útleigaðu føstu ognini við í inngangandi avgjald sambært vanligu reglunum í løgtingslóg um meirvirðisgjald.
    Stk. 2. Tá ið farið verður undir at byggja til útleigu, er treytin fyri frádráttarrætti, meðan bygging fer fram, at TAKS góðkennir eina váttan frá útleigaranum, um í hvønn mun leigusáttmálin fyri ognina kann væntast at vera fevndur av skrásetingini.
    Stk. 3. Í seinasta lagi 6 mánaðir aftaná, at bygningurin er liðugur at taka í nýtslu, skal gerast endalig útrokning og javning av tí avgjaldsupphædd, sum útleigarin kann rokna við í inngangandi avgjaldi. Útrokningin skal vera grundað á skjalprógv fyri nýtslu av bygninginum.
    Stk. 4. Einans høli, ið eru útleigað, áðrenn 6 mánaða freistin er farin, verða mett at vera fevnd av skrásetingini. TAKS kann leingja freistina sbrt. stk. 3.

    § 4. Eitt virki, ið er sjálvboðið skrásett, fyri keyp og bygging v.m. av fastari ogn og byggibúning av grundstykki til sølu til meirvirðisskrásett virki, kann fáa tað avgjald, sum er goldið í sambandi við keypið og byggingina v.m. afturgoldið. Sama er galdandi fyri keyp og bygging v.m. av fastari ogn og byggibúning av grundstykki til sølu til landsstovnar, sum eru á fíggjarlógini og sum ikki eru meirvirðisgjaldsskrásettir, umframt til kommunur, kommunal virkir og kommunalar stovnar.
    Stk. 2. Afturgjalding av avgjaldi kann fara fram, tá ið TAKS hevur fingið skjalprógv fyri,

    1. at ognin skal nýtast av einum meirvirðisgjaldsskrásettum virki til meirvirðisgjaldsskyldugt endamál,
    2. at ognin skal nýtast av einum landsstovni, sum er á fíggjarlógini og sum ikki er meirvirðisgjaldsskrásettur, ella
    3. at ognin skal nýtast av kommunu, kommunalum virki ella kommunalum stovni.

    Stk. 3. Er keyparin eitt meirvirðisgjaldsskrásett virki, skal keyparin vátta, at hann átekur sær skylduna
    at javna inngangandi avgjald á føstu ognini, sbrt. kunngerð um lutfalsligan frádráttarrætt fyri meirvirðisgjald og um javnan av inngangandi avgjaldi til íløgugøgn.
    Stk. 4. Er keyparin ein landsstovnur, kommuna, kommunalt virki ella kommunalur stovnur, fellur javningarupphæddin fyri restina av tíðarskeiðinum til gjaldingar hjá keyparanum í samband við keypið.

    § 5. Verður vavið á sjálvbodnu skrásetingini viðvíkjandi útleigu av fastari ogn broytt, av tí at leigumálið ikki longur er fevnt av skrásetingini, skal javning av inngangandi avgjaldi fara fram sbrt. reglunum í kunngerð um lutfalsligan frádráttarrætt fyri mvg og um javnan av inngangandi avgjaldi av íløgugøgnum.
    Stk. 2. Eitt virki, ið er sjálvboðið skrásett fyri útleigu, hevur skyldu at fráboða TAKS broytingar sum føra við sær javning av avgjaldi.

    § 6. Tann, ið við vilja ella av grovum ósketni brýtur §§ 2, stk. 1-2, § 3, stk. 2-4, § 4, stk. 2-3 og § 5 verður revsaður við sekt, uttan so at hann er skyldugur til harðari revsing sbrt. § 33, stk. 1 og 3 í løgtingslóg um meirvirðisgjald. Reglurnar í § 33, stk. 4 og § 34 í løgtingslóg um meirvirðisgjald eru samsvarandi galdandi sambært hesi kunngerð.

    § 7. Henda kunngerð kemur í gildi 1. august 2013. Samstundis fer úr gildi kunngerð nr. 172 frá 15. desember 1992 um sjálvbodna skráseting sambært lóg um meirvirðisgjald fyri útleigu, uppsiting og sølu av fastari ogn.

    Fíggjarmálaráðið, 12. juli 2013

    Jørgen Niclasen (sign.)
    landsstýrismaður
    /Bjarni Askham Bjarnason (sign.)

    Nr. 94/2013 Afturrindan av meirvirðisgjaldi til sendistovur o.o. av vørum og tænastum keyptar í Føroyum

    Kunngerð nr. 94 frá 28. juni 2013

    um afturrindan av meirvirðisgjaldi til sendistovur o.o. av vørum og tænastum keyptar í Føroyum

    Við heimild í § 36, stk. 3 í løgtingslóg nr. 136 frá 8. september 1992 um meirvirðisgjald, sum broytt við løgtingslóg nr. 28 frá 24. apríl 2013, verður ásett:

    § 1. Útlendskar sendistovur kunnu eftir umsókn fáa endurgoldið meirvirðisgjald á vørum og tænastum keyptar í Føroyum, tá keypt verður fyri 750 kr. ella meira, meirvirðisgjald íroknað, og vøran ella tænastan skal nýtast av sendistovuni.
    Stk. 2. Útlendskir stjórnarsendimenn kunnu eftir umsókn fáa endurgoldið meirvirðisgjald á vørum og tænastum keyptar í Føroyum, tá keypt verður fyri 750 kr. ella meira, meirvirðisgjald íroknað, og vøran ella tænastan skal nýtast av stjórnarsendimanninumsjálvum ella familju hansara.
    Stk. 3. Keyp, ið eru gjørd sama dag og frá sama seljara, kunnu leggjast saman, tá gjørt verður upp um keypið er ájavnt ella yvir minstuupphæddina.
    Stk. 4. Minstaupphæddin í stk. 1 og 2 er ikki galdandi fyri meirvirðisgjald á ravmagni, fýringsolju, fjarhita og renovatión.

    § 2. Meirvirðisgjald verður ikki endurgoldið fyri keyp av antikvitetum, brúktum leysafæ, gávukortum, atgongumerkjum til undirhald og heilivági.

    § 3. Henda kunngerð kemur í gildi dagin eftir, at hon er kunngjørd (útg. 05. juli 2013)

    Fíggjarmálaráðið, 28. juni 2013

    Jørgen Niclasen (sign.)
    landsstýrismaður
    / Bjarni Askham Bjarnason (sign.)

    Nr. 87/2005 Meirvirðisgjald av tænastum, ið verða seldar til útlond

    Kunngerð nr. 87 frá 30. mai 2005

    um meirvirðisgjald av tænastum, ið verða seldar til útlond

    Við heimild í § 12, stk. 2 og 3 og § 33, stk. 2 í løgtingslóg nr. 136 frá 8. september 1992 um meirvirðisgjald, sum seinast er broytt við løgtingslóg nr. 23 frá 21. februar 2000 verður ásett:

    § 1. Søla av niðanfyri nevndu tænastum til skrásettar keyparar í Føroyum, ið reka virksemi ella hava bústað uttanlands, verða hildnar uttan fyri avgjaldsskylduga sølu, tá tænastan verður gjørd fyri útlendska rokning:

    1. Full ella lutfalslig avhending av upphavsrætti, patentrættindum, lisensrættindum, rætti til vørumerki, felagsmerki og mynstur og av øðrum tílíkum rættindum.
    2. Tænastur viðvíkjandi reklamu.
    3. Tænastur frá ráðgevandi virkjum, verkfrøðingum, byggifrøðingum, advokatum og grannskoðarum og aðrar tílíkar tænastur; dátuviðger› og fráboðan av upplýsingum.
    4. Tænastur frá vikarstovum.
    5. Skylda til heilt ella lutvíst at lata vera við at fremja vinnuligt virksemi ella gera nýtslu av einum av teimum í hesum stykki nevndu rættindum.
    6. Tænastur, ið verða gjørdar av millummonnum, sum handla í navni hjá øðrum og fyri rokning hjá øðrum.
    7. Útleiga leysafæ.
    8. Fjarskiftistænastur.
    9. Útbreiðsla av útvarps- og sjónvarpssendingum.

    § 2. Avgjaldsfrítøkan sambært § 1 er ikki galdandi, um sølan umfatar at lata niðanfyri nevndu tænastur her á landi:

    1. Tænastur viðvíkjandi fastari ogn her á landi, herímillum tænastur frá ognarmeklara, ognarhandlara o.l. og byggifrøðiligar og ráðgevandi tænastur.
    2. Tiltøk v.m. innan ítrótt, undirhald, undirvísing og gransking v.m., um so er, at tiltøkini eru avgjaldsskyldug.
    3. Arbeiði framt á leysafæ her á landi.
    4. Serkøn virðismeting av leysafæi her á landi, um so er, at virðismetingin er avgjaldsskyldug.

    § 3. Søla av slíkum tænastum, ið eru nevndar í § 1 til keyparar, ið reka virksemi ella hava bústað uttanlands, verða hildnar uttan fyri avgjaldsskyldugu søluna:

    1. um tænasturnar burturav verða nýttar uttan fyri Føroyar, ella
    2. um keyparin kann fáa afturrindað meirvirðisgjaldi eftir ásetingunum í kunngerð um afturrindan av meirvirðisgjaldi til útlendsk virki.

    § 4. Við bót verður tann revsaður, ið við vilja ella av grovum ósketni brýtur reglurnar í § 2.

    § 5. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 50 frá 12. juli 2004 um meirvirðisgjald av ávísum tænastum, ið verða seldar til útlond ella keyptar í útlondum.

    Fíggjarmálaráðið, 30. mai 2005

    Bárður Nielsen (sign.)
    landsstýrismaður
    /Petur Alberg Lamhauge (sign.)

    Nr. 85/2005 At seta úr gildi kunngerð um uppgerð og endurrindan av innflutningsgjaldi á vørum á goymslu

    Kunngerð nr. 85 frá 30. mai 2005

    um at seta úr gildi kunngerð um uppgerð og endurrindan av innflutningsgjaldi á vørum á goymslu

    § 1. Kunngerð nr. 164 frá 3. desember 1992 um uppgerð og endurrindan av innflutningsgjaldi á vørum á goymslu verður sett úr gildi.

    § 2. Henda kunngerð kemur í gildi dagin eftir, at hon er kunngjørd.

    Fíggjarmálaráðið, 30. mai 2005

    Bárður Nielsen (sign.)
    landsstýrismaður
    /Petur Alberg Lamhauge (sign.)

    Nr. 24/2003 Avtøku starvsskipan fyri kærunevndina í meirvirðisgjalds- grunninum (MVG-nevndin)

    Kunngerð nr. 24 frá 19. februar 2003

    um avtøku starvsskipan fyri kærunevndina í meirvirðisgjaldsgrunninum (MVG-nevndin)

    § 1. Kunngerð nr. 25 frá 18. desember 1994 frá Føroya Landsstýri um starvsskipan fyri kærunevndina í meirviðisgjaldsgrunninum (MVG-nevndin) verður sett úr gildi.

    § 2. Henda kunngerð verður sett í gildi dagin eftir, at hon er kunngjørd og er galdandi frá 1. januar 2003.

    Fíggjarmálaráðið, 19. februar 2003

    Karsten Hansen, (sign.)
    landsstýrismaður
    /Petur Alberg Lamhauge, (sign.)

    Nr. 22/2003 Meirvirðisgjaldsskylduga sølu av bókum

    Kunngerð nr. 22 frá 19. februar 2003

    um meirvirðisgjaldsskylduga sølu av bókum

    Broytt við kunngerð nr. 14 frá 21. februar 2017.

    Við heimild í § 12, stk. 6 í løgtingslóg nr. 136 frá 8. september 1992 við seinni broytingum verður fyrisett:

    § 1. 1) Meirvirðisgjaldsskyldug søla fevnir ikki um sølu av bókum, ið hoyra undir vøruflokk 4901 ávikavist 4904 í toll- og vøruskránni.

    § 2. 1) Strikað

    § 3. Henda kunngerð kemur í gildi dagin eftir, at hon er kunngjørd og er galdandi frá 1. januar 2003. Samstundis fer úr gildi kunngerð nr. 109 frá 3. oktober 1994 frá Føroya Landsstýri um meirvirðisgjaldsskylduga sølu av bókum.

    Notur

    1) Broytt við kunngerð nr. 14 frá 21. februar 2017, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útg.: 24.02.2017)

    Fíggjarmálaráðið, 19. februar 2003

    Karsten Hansen, (sign.)
    landsstýrismaður
    /Petur Alberg Lamhauge, (sign.)

    Notir
    1) Broytt við ll. nr. 14 frá 21.02.2017kunngerð um broyting í kunngerð um meirvirðisgjaldsskylduga sølu av bókum

    Nr. 35/2000 Lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum

    Kunngerð nr. 35 frá 20. mars 2000

    um lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum

    Við heimild í § 16, stk. 2, og § 33, stk. 2, í løgtingslóg nr. 136 frá 8. september 1992 um meirvirðisgjald við seinni broytingum verður ásett:

    Kapittul 1
    Blandað nýtsla

    § 1. Avgjald av vørum og tænastum, ið virki keypa, ið bæði reka skrásetingarskyldugt og ikki skrásetingarskyldugt virksemi, skal rokast við í inngangandi avgjald sambært reglunum í stk. 2-5. Hetta er tó ikki galdandi fyri keyp av tí slagnum, sum er nevnt í kapitli 2-4.
    Stk. 2. Avgjald av vørum og tænastum, ið verða keyptar til nýtslu burturav í skrásetta partinum av virkinum, skal í síni heild roknast við í inngangandi avgjald.
    Stk. 3. Avgjald av vørum og tænastum, ið verða keyptar til nýtslu bæði í skrásetta og í ikki skrásetta partinum av virkinum (felags nýtslu), skal roknast við í inngangandi avgjald við tí partinurn av avgjaldinum, ið svarar til munin millum søluna (ikki íroknað avgjald) av vørum og avgjaldsskyldugum tænastum og samlaðu søluna hjá virkinum í viðkomandi roknskaparári.
    Stk. 4. Tá ið boðast skal frá avgjaldi fyri tað einstaka avgjaldstíðarskeiðið, kann virkið gera eina fyribils uppgerð av tí partinum av avgjaldi á keypi hjá virkinum, ið kann roknast við í inngangandi avgjald. Henda uppgerð verður grundað á sølu í undanfarna roknskaparári. Eftir roknskaparárslok skal endalig javnan av avgjaldinum gerast. Fyri nýstovnað virki er fyribils uppgerðin grundað á sølu í tí einstaka av gjaldstíðarskeiðinum.
    Stk. 5. Avgjald av vørum og tænastum, ið verða keyptar til nýtslu burturav í ikki skrásetta partinum av virkinum, kann ikki roknast við í inngangandi avgjald.

    Kapittul 2
    Eginnýtsla

    § 2. Avgjald av vørum og tænastum, ið verða keyptar av skrásettum virki til nýtslu bæði í virkinum og til egna nýtslu ella til annað endamál, ið ikki viðvíkur virkinum, skal roknast við í inngangandi avgjald við tí partinum, sum verður mettur at viðvíkja skrásetta virkinum.
    Stk. 2. Tá ið Toll- og Skattstova Føroya ger av, um metta sundurbýtingin av avgjaldi á virkið og á egna nýtslu hjá handhava er gjørd á rættan hátt, er tann sundurbýting, sum er góðkend av Toll- og Skattstovu Føroya, vanliga grundarlagið. Er eingin serstøk sundurbýting gjørd av útreiðslum til umrøddu vørur og tænastur við avgjaldsásetingina, kann ein sundurbýting, sum Toll- og Skattstova Føroya vanliga nýtir, vera grundarlag.

    Kapittul 3
    Føst ogn

    § 3. Avgjald viðvíkjandi gerð av bygningum, her ímillum uppíbygging, sum umframt høli til skrásetta virkið eisini fevnir um onnur høli, kann roknast við í inngangandi avgjald við tí partinum av samlaða av gjaldinum av byggingini, sum byggiútreiðslurnar fyri høli hjá virkinum verða mettar at vera í mun til samlaðu byggiútreiðslurnar. Um so er, at hølini til ta ymisku nýtsluna eru á sama støði (standard), kann sundurbýtingin gerast grundað á lutfallið millum gólvvíddina í hølunum hjá virkjunum og samlaðu gólvvíddina í bygninginum.
    Stk. 2. Hetta verður ikki roknað sum høli hjá virkinum:

    1. høli, ið verða nýtt sum íbúð hjá handhava ella starvsfólki á virkinum, uttan mun til um hølini eisini verða nýtt í vinnu hjá viðkomandi, ella
    2. høli, ið verða leigað út, uttan so at útleigan er fevnd av reglunum um sjálvbodna skráseting, javnber kunngerð um sjálvbodna skráseting, sambært lóg um meirvirðisgjald, fyri útleigu, uppsiting og sølu av fastari ogn.

    Stk. 3. Avgjald viðvíkjandi arbeiði við umbygging, umvæling og viðlíkahaldi av teimum í stk. 1 umrøddu bygningum, kann roknast við í inngangandi avgjald, í tann mun avgjaldið beinleiðis viðvíkur hølunum hjá virkinum. Hetta er treytað av, at latarin í rokningini hevur býtt prísin fyri gjørt arbeiði sundur.
    Stk. 4. Avgjald viðvíkjandi arbeiði við umbygging, umvæling og viðlíkahaldi, sum ikki beinleiðis kann vísast til tey einstøku hølini í bygninginum, t.d. uttanhýsis viðlíkahald ella umvæling av hitaskipan í bygninginum, skal roknast við í inngangandi avgjald grundað á lutfallið millum gólvvíddina í hølunum hjá virkinum og samlaðu gólvvíddina í bygninginum.

    § 4. Avgjald viðvíkjandi umvæling og viðlíkahaldi av aðrari fastari ogn enn bygningum (t.d. grundstykki, havnir v.m.) kann roknast við í inngangandi avgjald við tí partinum, sum verður gjørdur upp sambært meginreglunum í §§ 1 og 2.

    Kapittul 4
    Vøru- og lastvognar

    § 5. Avgjald, ið viðvíkur keypi av persón-, vøru- og lastvognum og avgjald av gjøldum sambært leigu og leasingsáttmálum av somu vognum, tá veruliga totalvektin fer ikki upp um 3500 kg, kann ikki roknast við í inngangandi avgjald, uttan so at akførini burturav verða nýtt í sambandi við sølu av vørum og avgjaldsskyldugum tænastum hjá virkinum. Fyri lastvognar, har veruliga totalvektin er størri enn 3500 kg, og sum verða nýttir bæði í virkinum og til egna nýtslu, ella til annað endamál, ið ikki viðvíkur virkinum eru reglurnar í § 2 galdandi.
    Stk. 2. Avgjald, ið viðvíkur rakstri av teimum í stk. 1, nevndu akførum, kann í síni heild roknast við í inngangandi avgjald, uttan mun til um akførini einans partvís verða nýtt í virkinum. Gjøld sambært leigu- og leasingsáttmálum verða í hesum sambandi ikki roknað sum rakstrarútreiðslur sambært hesum stk. 1
    Stk. 3. Frádráttarrættur sambært stk. 1 og 2 er tó treytaður av, at sølan av vørum og avgjaldsskyldugum tænastum hjá virkinum fer upp um kr. 20.000 árliga.

    Kapittul 5
    Matstovur

    § 6. Við í inngangandi avgjald kann roknast avgjald á keypi av nýttari vøru á matstovuni.
    Stk. 2. Avgjaldsskylduga sølan fevnir um lating móti gjaldi og um vørur, ið verða tiknar í nýtslu av handhavara og starvsfólki.
    Stk. 3. Avgjaldsskylduga virðið er samsýningin fyri latingina, ikki íroknað mvg, og skal hetta í minsta lagi vera eins stórt og kostprísurin av nýttum vørum, íroknað 25% av vørunýtsluni fyri hvørt starvsfólk á matstovuni.
    Stk. 4. Virki og stovnar, ið reka skrásetingarskyldugt virksemi, og sum kunnu rokna avgjald av keypi við í inngangandi avgjald sambært § 1, stk. 2, hava frádráttarrætt fyri inngangandi avgjald av íløgu í sambandi við matstovu.
    Stk. 5. Virki og stovnar, ið bæði reka skrásetingarskyldugt og ikki skrásetingarskyldugt virksemi, og sum kunnu rokna avgjald av keypi við í inngangandi avgjald sambært § 1, stk. 3 hava sama lutfalsliga frádráttarrætt fyri inngangandi avgjald av íløgu í sambandi við matstovu.
    Stk. 6. Virki og stovnar, ið reka ikki skrásetingarskyldugt virksemi, og sum ikki kunnu rokna avgjald av keypi við í inngangandi avgjald, hava ikki frádráttarrætt fyri inngangandi avgjald av íløgu í sambandi við matstovu.
    Stk. 7. Frádráttarrættur sambært hesi grein er tó treytaður av, at sølan av vørum og avgjaldsskyldugum tænastum hjá matstovuni fer upp um 20.000 kr. árliga. Er útrokningin av avgjaldsskyldugu søluni sambært stk. 3 størri enn sambært stk. 2, skal útrokningin sambært stk. 3 nýtast.

    § 7. Um so er, at eitt virki fevnir um fleiri øki (t.d. fleiri virki við sama eigara ella ymiskan rakstur í sama virki), kann Toll- og Skattstova Føroya loyva ella krevja, at roknskapur viðvíkjandi avgjaldi við frádráttarrætti sambært §§ 1-5 verður gjørdur hvør sær fyri eitt ella fleiri av økjunum hjá virkinum. Virkið skal í tílíkum førum føra serstakan roknskap fyri umrøddu øki.

    § 8. Um so er, at broytingar fara fram í grundarlagnum undir einum frádrátti, sum virkið hevur gjørt fyri inngangandi avgjald í sambandi við keyp av íløgugøgnum (rakstrargøgnum, um keypsprísurin, ikki íroknaður meirvirðisgjald, fer upp um 20.000 kr., og føst ogn), skal javnan fara fram av tí frádrigna avgjaldinum í samsvari við reglurnar í kapitli 7.

    Kapittul 6
    Søla

    § 9. Við sølu av vørum, sum í einum skrásettum virki hava verið nýttar til endamál, sum sambært reglunum í hesi kunngerð hava lutfalsligan frádráttarrætt, skal allur søluprísurin roknast við í avgjaldsskyldugu søluna hjá virkinum, javnber tó reglurnar í kapitli 7 um javnan av inngangandi avgjaldi fyri íløgugøgn.
    Stk 2. Við sølu av bygningurn og aðrari fastari ogn verður gjørt sum ásett í kapitli 7 um javnan av inngangandi avgjaldi fyri íløgugøgn.
    Stk. 3. Avgjald skal ikki rindast við sølu av motorakførum, hvørs avgjald av keypi ikki kundi roknast við í inngangandi avgjaldið.

    Kapittul 7
    Íløgugøgn

    § 10. Hetta verður roknað fyri íløgugøgn:

    1. Maskinur, innbúgv og onnur rakstrargøgn, hvørs keypsprísur, ikki íroknaður meirvirðisgjald, fer upp um 20.000 kr., og sum er undir virðisminkan.
    2. Føst ogn.
    3. Uppí- og umbygging ella nútímansgerð og um vælingar og viðlíkahald á fasta ogn við einum samlaðum avgjaldsskyldugum virði, sum er meira enn 50.000 kr. um árið.

    § 11. Hendir ein broyting í frádráttarrættinum hjá einum skrásettum virki, sum virkið fekk við keyp av íløgugøgni, skal javnan av inngangandi avgjaldinum hjá virkinum fara fram, javnber tó § 14, stk. 4.
    Stk. 2. Viðvíkjandi maskinum, innbúgvi og øðrum rakstrargøgnum verður bert gjørd javnan fyri broytingar, sum henda í fyrstu 5 roknskaparárunum, fyri fasta ogn og fyri uppí- og umbygging v.m. á fasta ogn í fyrstu 10 roknskaparárunum, aftaná keypið, íroknað tað roknskaparárið, tá ið íløgugøgnið er keypt.
    Stk. 3. Javnan skal gerast í hesurn førum:

    1. Tá ið íløgugøgn, sum virkið við keypið hevði fullan ella lutfalsligan frádráttarrætt fyri, fer til aðra nýtslu, sum virkið ikki hevur frádráttarrætt fyri.
    2. Tá ið íløgugøgn, sum virkið við keypið hevði fullan frádráttarrætt fyri, fer til aðra nýtslu, sum virkið hevur lutfalsligan frádráttarrætt fyri.
    3. Tá ið grundarlagið fyri lutfalsligum frádráttar rætti, sum virkið hevði við keypið, verður broytt soleiðis, at virkið fær rætt til minni lutfalsligan frádráttarrætt.

    Stk. 4. Samsvarandi kann javnan fara fram, tá ið virkið fær rætt til størri frádrátt, enn tað hevði við keypið. Tó kann javnan ikki fara fram fyri íløgugøgn, sum virkið við keypið ikki hevði frádráttarrætt fyri, ella sum javnan áður er gjørd fyri sambært stk. 3, nr. 1.
    Stk. 5. Frádráttarrætturin hjá einum virki fyri íløgugøgn verður gjørdur upp fyri hvørt roknskaparár, sambært reglunum í § 1.

    § 12. Í hesum førum skal javnan ikki fara fram:

    1. Við sølu av íløgugøgnum, sum virki hevur frádráttarrætt fyri sambært § 11, stk. 4 í lóg um meirvirðisgjald.
    2. Við sølu av íløgugøgnum, ið kann haldast uttan fyri avgjaldsskylduga sølu sambært § 12, stk. 1, í lóg um meirvirðisgjald.
    3. Við sølu av íløgugøgnum á tvingsilssølu.

    § 13. Við avhending av fastari ogn ella avhending av rakstrargøgnum sambært § 12, stk. 6 í lógini í einum javningartíðarskeiði, kann ein keypari, sum í minsta lagi hevur sama frádráttarrætt fyri íløgugøgn, sum seljarin hevði, tá ið keypt varð, yvirtaka alla javningarskylduna fyri restina av javningartíðarskeiðnum. Er frádráttarrætturin hjá keyparanum minni enn hjá seljaranum, kann keyparin yvirtaka tann partin av javningarskylduni hjá seljaranum, ið samsvarar við frádráttarrættin, sum keyparin hevur fyri íløgugagnið. Restin av javningarskylduni skal tá eftirjavnast av seljaranum.
    Stk. 2. Heil ella partvís avhending av javningarskylduni hjá seljara er treytað av, at keyparin váttar at yvirtaka javningarskylduna fyri avgjaldið fyri restina av javningartíðarskeiðnum.
    Stk. 3. Við avhending av fastari ogn ella avhending av rakstrargøgnum sambært § 12, stk. 6 í 1ógini í øðrum førum enn teimum í § 12 og stk. 1 nevndu, skal javning fara fram.

    § 14. Javning í teimum einstøku roknskaparárunum verður gjørd fyri rakstrargøgn við 1/5, fyri fasta ogn og uppí- og umbygging v.m. á fasta ogn, tó 1/10, av tí avgjaldsupphædd, sum er goldin í sambandi við keyp av viðkomandi rakstrargøgnum. Virki, ið skulu gjalda avgjald av prosjektering og bygging sambært reglunum í kunngerð um meirvirðisgjald av bygging v.m. til sølu, útleigu ella egna nýtslu, skulu rokna avgjald av egnum arbeiði hjá virkinum við í javningargrundarlagið.
    Stk. 2. Javning verður gjørd grundað á tær broytingar í frádráttarrættinum, sum fara fram í hvørjum einstøkum roknskaparári í mun til frádráttarrættin í tí roknskaparárinum, tá ið viðkomandi íløgugøgn vórðu keypt. Við javning av teimum í § 11, stk. 3, nr. 1, og § 13, stk. 3 nevndu dømum, skal javning fara fram fyri restina av javningartíðarskeiðnum.
    Stk. 3. Virki, ið sambært § 13 hava yvirtikið eina javningarskyldu, skulu - um so er, at frádráttarrætturin verður minni, ella fellur burtur í tí, sum eftir er av javningartíðarskeiðnum - fremja javning. Samsvarandi kann javning fara fram, tá ið frádráttarrætturin verður størri. Javningin verður gjørd grundað á ta avgjaldsupphædd, sum virkið sambært § 13, stk. 1 hevur yvirtikið javningarskylduna fyri.
    Stk. 4. Javning skal ikki gerast, um so er, at broytingin í frádráttarprosentinum er minni enn 10 í mun til frádráttarprosentið, tá ið keypt varð.

    § 15. Toll- og Skattstova Føroya kann veita loyvi til, at trygd verður sett fyri javningarskyldu, ið liggur á fastari ogn. Hetta er tó treytað av, at trygdin verður verandi óbroytt í javningartíðarskeiðnum, og at javningarupphæddin fyri restina av tíðarskeiðnum fellur til gjaldingar, um fasta ognin av nýggjum verður avhendað, javnber tó § 12, nr. 3.

    § 16. Bókhald v.m. í sambandi við keyp, sølu og javning skal fara fram sambært reglum í kunngerð um minstukrøv til bókhald og roknskap sambært lóg um meirvirðisgjald.
    Stk. 2. Javningarupphæddin skal takast við í uppgerðina av inngangandi avgjaldi hjá virkinum fyri tað avgjaldstíðarskeiðið, tá ið vavið á javningini kann staðfestast, t.d. tá ið íløgugøgn fer yvir til aðra nýtslu, ella tá ið roknskaparárið endar.

    § 17. Tann, ið tilætlað ella av grovum ósketni gevur skeivar ella villleiðandi upplýsingar ella dylur upplýsingar til nýtslu við avgjaldseftirlit í sambandi við broyting av nýtslu av íløgugøgnum, verður revsaður við sekt, uttan so, at hann er skyldugur til strangari revsing sambært § 33, stk. 3 í lóg um meirvirðisgjald. Reglurnar í § 33, stk. 4 og § 34 í lógini eru galdandi.

    Ígildissetan

    § 18. Henda kunngerð kemur í gildi dagin eftir, at hon er kunngjørd, og hevur virknað frá 1. januar 2000. Samstundis fer úr gildi kunngerð nr. 21 frá 27. januar 1993 um lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum.

    Fíggjarmálastýrið, 20. mars 2000

    Karsten Hansen (sign.)
    landsstýrismaður
    / Petur Alberg Lamhauge (sign.)

    Nr. 1/2000 Upplýsingar, ið skulu tilskilast á avrokningarskjal í sambandi við avrokning av meirvirðisgjaldinum

    Kunngerð nr. 1 frá 20. januar 2000

    um upplýsingar, ið skulu tilskilast á avrokningarskjal í sambandi við avrokning av meirvirðisgjaldinum

    Við heimild í § 20, stk. 1 í løgtingslóg nr. 136 frá 8. september 1992 um meirvirðisgjald, sum broytt við m.a. løgtingslóg nr. 96 frá 29. desember 1998, verður ásett:

    § 1. Á avrokningarskjalinum, nevnt uppgerð av MVG-avgjaldinum, skulu allir teigar verða útfyltir fyri viðkomandi avrokningarskeið.

    § 2. Sølu-MVG í teigi 1 í uppgerðini fevnir um mvg av allari sølu av vørum og tænastum, undantikið tær vørur og tænastur, sum eru undantiknar meirvirðisgjaldi sambært § 2 í meirvirðisgjaldslógini og tær vørur og tænastur, har avgjaldið sambært § 12 í meirvirðisgjaldslógini er sett til 0%.

    § 3. Keyps-MVG er býtt upp í 2 teigar:

    1. Rakstur í teigi 2 fevnir um mvg av øllum keypi av meirvirðisgjaldsskyldugum vørum og tænastum, sum eru keyptar fyri at selja aftur.
    2. Íløgur í teigi 3 eru at skilja sum alt tað, ið virkið bókar sum ogn í sínum roknskapi, ella sum:
      a. Maskinur, innbúgv og onnur rakstrargøgn herundir akfør, hvørs keypsprísur, uttan meirvirðisgjald, fer upp um 20.000 kr., og sum eru undir virðisminking.
      b. Útveganar-, sølu- ella projekteringsútreiðslur í samband við fasta ogn, skip ella flogfør.
      c. Uppí- og umbygging, nútímansgerð, umvæling ella viðlíkahald av fastari ogn, skipum ella flogførum.

    Stk. 2. Tað sum ikki er íløgur eftir hesi skilmarking, verður roknað við í teigi 2.

    § 4. MVG-frí søla í teigi 8 er samlaða søluvirði av øllum teimum vørum og tænastum, sum við heimild í § 2 í meirvirðirgjaldslógini kunnu seljast uttan meirvirðisgjald og teimum vørum og tænastum, sum við heimild í § 12 í meirvirðisgjaldslógini kunnu seljast við einum avgjaldi, sum er sett til 0%.

    § 5. MVG-frítt keyp er býtt upp í 2 teigar:

    1. Rakstur í teigi 9 fevnir um alt keyp av vørum og tænastum, keypt uttan meirvirðisgjald fyri at selja aftur.
    2. Íløgur í teigi 10 eru at skilja sum alt tað, ið virki bókar sum ogn í sínum roknskapi, ella sum:
      a. Maskinur, innbúgv og onnur rakstrargøgn herundir akfør, hvørs keypsprísur, uttan meirvirðisgjald, fer upp um 20.000 kr., og sum eru undir virðisminking.
      b. Útveganar-, sølu- ella projekteringsútreiðslur í sambandi við fasta ogn, skip ella flogfør.
      c. Uppí- og umbygging, nútímansgerð, umvæling ella viðlíkahald av fastari ogn, skipum ella flogførum.

    Stk. 2. Tað sum ikki er íløgur eftir hesi skilmarking, verður roknað við í teigi 9.

    § 7. Henda kunngerð kemur í gildi dagin eftir, at hon er kunngjørd, og hevur virknað frá 1. januar 2000.

    Fíggjarmálastýrið, 20. januar 2000

    Karsten Hansen (sign.)
    landsstýrismaður
    / Petur Alberg Lamhauge (sign.)

    Nr. 50/1998 Meirvirðisgjaldsfrítøku fyri sjóklæðir

    Kunngerð nr. 50 frá 17. apríl 1998

    um meirvirðisgjaldsfrítøku fyri sjóklæðir

    Við heimild í § 12, stk. 2, smb. stk. 1 litra k í løgtingslóg nr. 136 frá 8. september 1992 um meirvirðisgjald við seinni broytingum verður fyrisett:

    § 1. Við fiskifør, ið reka vinnuligan fiskiskap, er í hesi kunngerð at skilja tey fiskifør, ið eru meirvirðisgjaldsskrásett.

    § 2. Fyri at kunna selja sjóklæðir meirvirðisgjaldsfrítt, skal seljarin frá keyparanum hava avrit av dagførdum skrásetingarprógvi um, at keyparin er fiskifar sum er meirvirðisgjaldsskrásett.
    Stk. 2. Er keyparin manning av fiskifari, skal viðkomandi lata seljaranum avrit av dagførdum skrásetingarprógvi um, at fiskifarið er meirvirðisgjaldsskrásett, og skal hetta hava áskrift frá reiðarínum ella skiparanum um, at keyparin er manning á fiskifarinum. Á skrásetingarpróvnum skal eisini standa navn, bústaður og føðingardagur keyparans.

    § 3. Fakturaavrit og avrit av skrásetingarprógvi eru skjalprógv hjá seljaranum í samband við uppgerð av meirvirðisgjaldsroknskapinum.

    § 4. Henda kunngerð kemur í gildi dagin eftir, at hon er kunngjørd.

    Nr. 169/1992 Mvg av bygging v.m. til sølu, útleigu ella egna nýtslu

    Kunngerð nr. 169 frá 15. desember 1992

    um meirvirðisgjald av bygging v.m. til sølu, útleigu ella egna nýtslu

    Sambært § 3, stk. 2 í løgtingslóg nr. 136 frá 8. september 1992 um meirvirðisgjald við seinni broytingum verður fylgjandi ásett um meirvirðisgjald av bygging v.m., ið fyri egna rokning verður gjørt við sølu, útleigu ella egnari nýtslu fyri eyga.

    § 1. Tann, sum á egna grund ella leigaða grund ella á grund hjá leigara av bygningum byggir til sølu ella útleigu, skal rinda avgjald av tí arbeiði við verkætlanini og byggingini, sum verður gjørt av viðkomandi sjálvum og starvsfólki hansara, og av tí tilfari, sum verður nýtt til hetta endamál.
    Stk 2. Somuleiðis skal avgjald rindast av tí arbeiði, ið verður gjørt av starvsfólki hjá honum, ið byggir til egna nýtslu ella til nýtslu hjá virkinum.

    § 2. Tann, sum umbyggir ella nútímansger egnar ella leigaðar bygningar við sølu ella útleigu fyri eyga, skal rinda avgjald av tí arbeiði, sum verður gjørt av viðkomandi og starvsfólki hansara, og av tí tilfari, ið verður nýtt til hetta arbeiði.
    Stk. 2. Somuleiðis skal avgjald rindast av arbeiði, sum verður gjørt av starvsfólki hjá honum, ið umbyggir ella nútímansger til egna nýtslu ella til nýtslu hjá virkinum.
    Stk. 3. Umvælingar ella viðlíkahald við einum samlaðum avgjaldsvirði, sum er yvir kr. 50.000 árliga, verða mett sum umbygging ella nútímansgerð.

    § 3. Tann, ið skal rinda avgjald sambært §§ 1 og 2, skal skráseta virki sítt hjá Toll- og Skattastovu Føroya sambært reglunum í § 5, javnber § 4, stk. 1 í lóg um meirvirðisgjald.

    § 4. Avgjaldsskylduga virðið er vanligi prísurin hjá virkinum við sølu av viðkomandi vøru ella tænastu. Er eingin vanligur søluprísur, er avgjaldsskylduga virðið ein roknaður søluprísur, ið skal fevna um allar útreiðslur og vinning, ið vanliga eru partar av avgjaldsskylduga virðinum fyri vørur ella tænastur av viðkomandi slagi.

    § 5. Tann, ið tilætlað ella av grovum ósketni brýtur reglurnar í § 3 ella gevur skeivar ella villleiðandi upplýsingar ella dylur upplýsingar til nýtslu fyri avgjaldseftirlit, verður revsaður við sekt, uttan so at viðkomandi er skyldugur til harðari revsing sambært § 33, stk. 3 í løgtingslóg um meirvirðisgjald. Reglurnar í § 33, stk. 4 og § 34 í løgtingslóg um meirvirðisgjald eru samsvarandi galdandi sambært hesi kunngerð.

    § 7. Henda kunngerð kemur í gildi 1. januar 1993 og er galdandi fyri vørur og avgjaldsskyldugar tænastur, ið verða latnar 1. januar 1993 ella seinni í sambandi við bygging v.m.

    Nr. 171/1992 Frítøku fyri at rinda avgjald sambært lóg um meirvirðisgjald

    Kunngerð nr. 171 frá 15.12.1992

    um frítøku fyri at rinda avgjald sambært lóg um meirvirðisgjald

    Sambært § 4, stk. 2 í løgtingslóg nr. 136 frá 8. september 1992 um meirvirðisgjald við seinni broytingum verður ásett:

    § 1. Tannlæknar og praktiserandi tannteknikarar eru frítiknir fyri at rinda avgjald av sølu av úrtøkuligum og føstum handilstonnum, sum teir sjálvir hava framleitt.

    § 2. Tryggingarfeløg eru frítikin fyri at rinda avgjald av sølu av vørum, sum verða yvirtiknar av tryggingartakarum í sambandi við útgjalding av endurgjaldi.
    Stk. 2. Fíggjarfeløg, bankar og sparikassar eru frítiknir fyri at rinda avgjald av sølu av vørum, sum eru yvirtiknar orsakað av mishaldi av sáttmálum, sum fíggjarfeløgini v.fl. hava fíggjað, ella har teir standa sum panthavarar, sum fulnaður ikki er gjørdur móti.
    Stk. 3. Avgjaldsfrítøka sambært stk. 1 og 2 er treytað av, at sølan burturav fer fram til meirvirðisgjaldsskrásett virki.

    § 3. Býtisringar fyri frímerki eru frítiknir fyri at rinda avgjald, um sølan av frímerkjum burturav fer fram við at býta og ikki er loyvt at rinda við peningi ella øðrum.

    § 4. Felagsskapir eru frítiknir fyri at rinda avgjald av útgávu av felagsbløðum, fakbløðum o.t., tá ið tey ikki innihalda lýsingar og verða seld fyri ein prís, ið ikki fer upp um útreiðslurnar av framleiðingini.

    § 5. Bókasøvn, forngripasøvn v.fl. eru frítikin fyri at rinda avgjald av teirra sølu av lýsingarheftum, ljósritum v.m., um so er, at søluprísurin ikki fer upp um útreiðslurnar av framleiðingini.

    § 6. Eftir umsókn, ið skal sendast Toll- og Skattastovu Føroya, kunnu blind, ið selja vørur og avgjaldsskyldugar tænastur fyri minni enn kr. 100.000,- um árið, sleppa undan at rinda avgjald sambært løgtingslóg um meirvirðisgjald.

    § 7. Virki, ið eru frítikin fyri at rinda avgjald, skulu ikki skrásetast hjá Toll- og Skattastovu Føroya. Tílík virki mugu ikki á faktura, avrokningarskjali v.m. tilskila avgjald ella á annan hátt tilskila, at fakturaupphæddin fevnir um avgjald.

    § 8. Kunngerðin kemur í gildi 1. januar 1993.

    Nr. 136/1993 Frítøku fyri at rinda avgjald sambært lóg um mvg. fyri vælgerandi tiltøk

    Kunngerð nr. 136 frá 17.06.1993

    um frítøku fyri at rinda avgjald sambært løgtingslóg um meirvirðisgjald fyri vælgerandi tiltøk

    Við heimild í § 2, stk. 5 í løgtingslóg nr. 136 frá 8. september 1992 um meirvirðisgjald við seinni broytingum verður ásett:

    § 1. Tiltøk (basarar, konsertir, loppumarknaður v.m.), hvørs yvirskot burturav verður nýtt til vælgerandi ella á annan hátt almannagagnligt endamál, kunnu eftir umsókn verða frítikin fyri at rinda avgjald.
    Stk. 2. Loyvi sambært stk. 1, kann verða givið til hesi tiltøk:

    1. Eitt mánaðarligt tiltak, ið varir upp til 3 dagar.
    2. Eitt árligt tiltak, ið varir upp til 14 dagar, ella 2 tiltøk, ið vara upp til 8 dagar.
    3. Einsháttað, samanhangandi tiltøk, ið verða hildin eina ferð um árið einstakar dagar, fleiri vikur ella mánaðir upp í saman, ið tilsamans vara ikki meira enn 14 dagar.

    Stk. 3. Søla av vørum og tænastum skal fara fram eftir rokning og ábyrgd fyrireikarans, og fyrireikarin má ikki annars reka virksemi við sølu av samsvarandi vørum og tænastum.

    § 2. Innsavnan og søla av brúktum lutum við lítlum virði t.d. fløskur, pappír og metal, ið vera fyriskipað av vælgerandi feløgum v.fl., kunnu eftir umsókn vera frítikin fyri at rinda avgjald.
    Stk. 2. Frítøka sambært stk. 1, er treytað av, at felagið ikki annars rekur skrásetingarskyldugt virksemi, og at sølan burturav fer fram til skrásett virki.

    § 3. Umsókn um frítøku fyri at rinda avgjald skal sendast Toll- og Skattstovu Føroya.
    Stk. 2. Virki, ið verða frítikin fyri at rinda avgjald, skulu ikki skrásetast hjá Toll- og Skattstovu Føroya. Tílík virki skulu ikki tilskila meirvirðisgjaldsupphædd ella á annan hátt tilskila, at fakturaupphæddin er íroknað meirvirðisgjald á fakturair, avrokningarskjøl v.m.
    Stk. 3. Frítøka verður ikki veitt fyri meirvirðisgjald av keypi í samband við fyriskipan av teimum í §§ 1 og 2 umrøddu tiltøkum.

    § 4. Henda kunngerð fær gildi dagin eftir, at hon er kunngjørd. Samstundis fer úr gildi kunngerð nr. 166 frá 3. desember 1992 um frítøku fyri avgjaldsskyldu sambært lóg um meirvirðisgjald fyri vælgerandi tiltøk.

    Nr. 110/1994 Afturrindan av meirvirðisgjaldi til útlendsk virki

    Kunngerð nr. 110 frá 3. oktober 1994

    um afturrindan av meirvirðisgjaldi til útlendsk virki

    Sambært § 36 a í løgtingslóg nr. 136 frá 8. september 1992 um meirvirðisgjald við seinni broytingum hevur landsstýrið fyrisett:

    § 1. Sambært reglunum í hesi kunngerð verður eftir umsókn veitt avgjaldsskyldugum virkjum (persónum), ið hvørki hava handilsstað, bústað e.t. her á landi, afturrindan av meirvirðisgjaldi, ið er goldið her fyri vørur og avgjaldsskyldugar tænastur til vinnuliga nýtslu hjá virkjunum her á landi.
    Stk. 2. Eitthvørt virksemi, sum hevði verið umfatað av reglunum um skráseting sambært §§ 5 og 6 í løgtingslóg um meirvirðisgjald, um tað varð framt her á landi, er eftir stk. 1 at meta sum avgjaldsskyldugt.

    § 2. Virki, ið søkja um afturrindan, mugu - í tí tíðarskeiði umsóknin viðvíkur - ikki hava havt avgjaldsskylduga sølu her á landi, tó er søla, umrødd í § 12, stk. 1, litra b í løgtingslóg um meirvirðisgjald, undantikin (flutningstænastur til ella frá útlondum).

    § 3. Afturrindan av avgjaldi sambært § 1 kann bert verða veitt fyri innkeyp av tí slagnum, sum virki skrásett her á landi kunnu rokna við í inngangandi avgjald sambært reglunum í §§ 15 og 16 í lógini.

    § 4. Umsókn um afturrindan skal fara fram á serligum oyðiblaði, ið fæst á Toll- og Skattstovu Føroya. Í umsóknini skal virkið geva yvirlýsing (erklæring) um nýtslu av teimum keypum, sum søkt verður um afturrindan av avgjaldi fyri, og vátta, at tað ikki hevur rikið skrásetingarskyldugt virksemi her á landi í tí tíðarskeiði, áheitanin viðvíkur.

    § 5. Umsóknin skal fevna um vørur ella tænastur, sum eru faktureraðar, ella um innflutning, ið er farin fram í einum tíðarskeiði, sum er í minsta lagi 3 mánaðir og í mesta lagi eitt álmanakkaár. Tíðarskeiðið kann tó vera styttri, tá ið hetta tíðarskeið er restin av einum álmanakkaári. Tílík umsókn kann harumframt fevna um fakturar, ið ikki eru tiknir við í undanfarnum umsóknum fyri viðkomandi álmanakkaár.
    Stk. 2. Um so er, at umsóknin fevnir um eitt tíðarskeið, ið er í minsta lagi 3 mánaðir, men styttri enn eitt álmanakkaár, skal upphæddin, ið ætlanin er at fáa afturgoldna, í minsta lagi vera 1.500 kr. Í øðrum førum skal upphæddin í minsta lagi vera 200 kr.

    § 6. Umsóknin skal vera Toll- og Skattstovu Føroya í hendi í seinasta lagi 6 mánaðir eftir endan á tí álmanakkaári, sum umsóknin viðvíkur.
    Stk. 2. Upprunaligir fakturar ella innflutningsskjøl við fráboðan av teimum meirvirðisgjaldsupphæddum, sum umsøkjarin hevur goldið, skulu vera hjáløgd umsóknini. Hesi skjøl verða áteknað og aftursend umsøkjaranum innan ein mánað.
    Stk. 3. Haraftrat skal ein váttan frá røttu myndugleikum í heimlandinum hjá virkinum, um at virkið er meirvirðisgjaldsskyldugt har við skrásetingarnummari áteknaðum, vera hjáløgd umsóknini, uttan so at ein tílík váttan er send Toll- og Skattstovu Føroya innan seinasta árið.

    § 7. Viðgerð av rættstundis móttiknum og rætt skjalprógvaðum umsóknum skal vera endað áðrenn 6 mánaðir eftir, at Toll- og Skattstova Føroya hevur móttikið umsóknina.
    Stk. 2. Afturrindan kann eftir áheitan frá umsøkjaranum annaðhvørt fara fram her á landi ella í heimlandi hjá umsøkjaranum. Í seinast nevnda føri hevur umsøkjarin ábyrgdina av útreiðslunum.

    § 8. Tann, ið við vilja ella av grovum ósketni gevur skeivar ella villleiðandi upplýsingar ella dylur upplýsingar til nýtslu fyri avgjaldseftirlitið í samband við umsókn um afturrindan ella í givnum yvirlýsingum v.m. kann verða revsaður við bót. Reglurnar í § 33, stk. 4 og § 34 í lóg um meirvirðisgjald eru galdandi í slíkum førum.

    § 9. Toll- og Skattstova Føroya tekur sær av eftirliti viðvíkjandi teimum í kunngerðini ásettu reglum.

    § 10. Henda kunngerð fær gildi dagin eftir, at hon er kunngjørd, og er galdandi fyri vørur og tænastur, ið eru latnar frá og við 1. januar 1994.

    Nr. 118/1994Proviantering av skipum og flogførum til nýtslu umborð ella til sølu til ferðafólk

    Kunngerð nr. 118 frá 7. desember 1994

    um proviantering av skipum og flogførum til nýtslu umborð ella til sølu til ferðafólk

    Sambært § 12, stk. 3 í løgtingslóg nr. 136 frá 8. september 1992 um meirvirðisgjald við seinni broytingum, og sambært § 28 a í løgtingslóg nr. 121 frá 23. desember 1991 um toll við seinni broytingum verður ásett:

    § 1. Skip og flogfør kunna sambært reglunum í hesi kunngerð provianterast við vørum, ið eru frítiknar fyri toll og avgjøld, og vørur, sum endurgjald av tolli ella avgjøldum verður kravt fyri.

    § 2. Skip kunnu provianterast við toll- og avgjaldsfríum vørum til nýtslu umborð og til sølu til ferðafólk v.m., tá farið verður í fremmanda havn uttan fyri tað føroyska tolløkið.
    Stk. 2. Fiskifør, bæði føroysk og útlendsk, ið fara til fiskiskap á fjarleiðum ella í minsta lagi í 30 samdøgur uttan fyri tað føroyska tolløkið, og útlendsk fiskifør, ið fara til fiskiskap í eitt styttri tíðarskeið, uttan fyri tað føroyska tolløkið, kunnu provianterast við toll- og avgjaldsfríum vørum til nýtslu umborð.
    Stk. 3. Toll- og Skattstova Føroya kann nokta proviantering við toll- og avgjaldsfríum vørum, tá ið høvuðsendamálið við eini rutu ella einum einstøkum túri ikki er at hava ella varðveita ferðasamband í vanligari merking ímillum Føroyar og útlond.

    § 3. Proviantering av skipum kann fara fram við eini hóskandi nøgd - eftir meting Toll- og Skattstovunar - ásettar við atliti til verandi proviantnøgdina umborð, túralongd og hvussu stórt manningar- og ferðafólkatalið er. Proviantering við toll- og avgjaldsfríum rúsdrekka, víni og tubbaksvørum og sigarettpappíri kann, við teimum í stk. 2-4 nevndu serligum avmarkingum, í mesta lagi fara fram við niðanfyri ásettu nøgdum fyri hvønn av manningini ella hvørt ferðafólkið um samdøgrið eftir ætlaðu túralongd: 1/4 litur av rúsdrekka, 1/4 litur av víni og 40 gr. tubbaksvørur og 1 sigarettpappír fyri hvørt gramm av smáttskornum tubbaki.
    Stk. 2. Toll- og Skattstova Føroya kann áseta reglur fyri proviantering til nýtslu umborð og sølu til ferðafólk á ferðamannaskipum og -flogførum í ferðslu ímillum Føroyar og útlond fyri hvørja einstaka rutu.
    Stk. 3. Fiskifør, bæði føroysk og útlendsk, ið fara til fiskiskap á fjarleiðum ella í minsta lagi í 30 samdøgur uttanfyri tað føroyska tolløkið, kunnu í mesta lagi provianterast við niðanfyri ásettu nøgdum av toll- og avgjaldsfríum vørum fyri hvønn av manningini fyri hvørt tíðarskeið á 30 samdøgur: 2 litrar av rúsdrekka, 2 litrar av víni, 600 sigarettir ella samsvarandi nøgd í øðrum tubbaksvørum, og aðrar vørur í hóskandi nøgdum - eftir meting Toll- og Skattstovunnar.
    Stk. 4. Útlendsk fiskifør kunnu í øðrum førum enn teimum, ið eru nevnd í stk. 3, jb. § 2, stk. 2 í mesta lagi provianterast við toll- og avgjaldsfríum vørum við niðanfyri nevndu nøgdum fyri hvønn av manningini: 1 litur av rúsdrekka, 1 litur av víni, 200 sigarettir ella samsvarandi nøgd í øðrum tubbaksvørum, og aðrar vørur í hóskandi nøgdum eftir meting Toll- og Skattstovunnar.
    Stk. 5. Toll- og Skattstovan kann í øðrum serligum føri loyva útlendskum skipum at proviantera við toll- og avgjaldsfríum vørum til nýtslu umborð.

    § 4. Flogfør kunnu provianterast við toll- og avgjaldsfríum vørum til nýtslu umborð og til sølu til ferðafólk, tá flogið verður til fremmanda lendingarbreyt uttan fyri tað føroyska tolløkið.
    Stk. 2. Rutu- og leiguflogfør, sum eru innrættað til flutning av í minsta lagi 5 fólkum, kunnu provianterast við toll- og avgjaldsfríum vørum.

    § 5. Proviantering av flogførum kann fara fram við eini hóskandi nøgd eftir meting Toll- og Skattstovunnar ásett við atliti til verandi proviantnøgdina umborð, túralongd og hvussu stórt manningar- og ferðafólkatalið er.

    § 6. Toll- og Skattstova Føroya ásetir nærri reglur fyri proviantering av skipum og flogførum og kann m.a. avgera, at toll- og avgjaldsfríur proviantur v.m. skal goymast í serligum rúmum ella serligum stongsli, at søla av toll- og avgjaldsfríum vørum til ferðafólk skal fara fram úr til tað innrættaðum sølubúðum, at goymsluroknskapur á nærri ásettan hátt skal verða førdur yvir toll- og avgjaldsfríar vørur, og at eftirlit skal vera við keypi hjá ferðafólki av toll- og avgjaldsfríum vørum.
    Stk. 2. Loyvi til proviantering skal vera fingið, áðrenn farið verður undir at proviantera. Provianteringsloyvi fæst frá Toll- og Skattstovu Føroya annaðhvørt sum standandi loyvi ella í hvørjum einstøkum føri.
    Stk. 3. Toll- og Skattstova Føroya kann nokta ella afturkalla provianteringsloyvi, um so er, at førarin ella eigarin á einum skipi ella flogfari hevur sett til viks ella setur til viks provianteringstreytir.

    § 7. Skiparin á skipinum ella flogfarinum, ella tann, sum hesin hevur givið fulltrú, skal kvitta fyri at hava móttikið proviantin umborð.
    Stk. 2. Proviantur skal fara umborð undir tolleftirliti.

    § 8. Toll- og avgjaldsfríar vørur kunnu krevjast undir tollstongsul, tá ið skip ella flogfør eru í føroyskum tolløki. Kann tollstongsul ikki fáast til høldar á fullgóðan hátt, kann verða skipað so fyri til trygd fyri toll- og avgjaldsfríu vøruni, harímillum at tollvakt verður sett við skipið ella flogfarið fyri egnan kostnað.
    Stk. 2. Skiparin ella ánarin á skipinum ella flogfarinum ábyrgist fyri tolli og avgjøldum á írestandi vøru og provianti, sum avhendast, goymist, brúkast ella útflytist úr tí føroyska tolløkinum, í stríð við reglurnar í hesi kunngerð.

    § 9. Brot á reglurnar í hesi kunngerð og brot á treytir, ið eru settar í samband við provianteringsloyvi, verða revsað sambært kap. 10 í tolllógini, har tað í kapitlinum er álagt revsing fyri brot á reglurnar.
    Stk. 2. Onnur brot á reglurnar í hesi kunngerð verða revsað við bót, um tey eru framd við tilætlan ella av grovum ósketni.

    § 10. Henda kunngerð fær gildi dagin eftir, at hon er kunngjørd.

    Nr. 58/2021 um meirvirðisgjald av byggikostnaðinum av leigubústøðum

    Kunngerð nr. 58 frá 5. mai 2021

    um meirvirðisgjald av byggikostnaðinum av leigubústøðum

    Við heimild í § 3 b, stk. 5 og § 33, stk. 2 í løgtingslóg nr. 136 frá 8. september 1992 um meirvirðisgjald (Meirvirðisgjaldslógin), sum broytt við
    løgtingslóg nr. 86 frá 7. juni 2020 og løgtingslóg nr. 19 frá 24. februar 2021, verður ásett:

    § 1. Henda kunngerð fevnir um meirvirðisgjald av byggikostnaði hjá teimum, sum byggja ella umbyggja bygningar til leigubústaðir.
    Stk. 2. Tey, sum byggja ella umbyggja bygningar til leigubústaðir, skulu rinda meirvirðisgjald í landskassan av byggikostnaðinum samsvarandi galdandi reglum í løgtingslógini.

    § 2. Meirvirðisgjald av byggikostnaðinum kann eftir umsókn verða afturgoldið við 100% av inngangandi meirvirðisgjaldinum.

    § 3. Fíggjarætlanin og kostnaðarætlanin av at byggja ella umbyggja bygningar til leigubústaðir skal vera góðkend av statsautoriseraðum, skrásettum ella løggildum grannskoðara. Grannskoðarin skal í góðkenning sínari av fíggjarætlanini og kostnaðarætlanini staðfesta, hvussu stórur meirvirðisgjaldsparturin er, og at fígging er til alla byggiverkætlanina.

    § 4. Kommunan, har íløgan verður gjørd, skal vátta, at byggiverkætlanin er í samsvari við løgtingslóg um at byggja bygningar o.a., og reglur ásettar við heimild í løgtingslógini, og upplýsa hvussu nógvir leigubústaðir eru atkomiligir og kunnu nýtast av fólki í koyristóli.

    § 5. Meirvirðisgjaldið verður endurrindað eftir umsókn, sum verður send TAKS. Fyri at kunna góðkenna umsóknina skal TAKS, saman við umsóknini, hava góðkenning frá grannskoðara og váttan frá kommununi sbrt. §§ 3 og 4.

    § 6. TAKS fær tinglýst veðskuldarbræv, fyri rokning byggiharrans, í leigubústaðarverkætlanini svarandi til meirvirðisgjaldið sbrt. fíggjarætlanini og kostnaðarætlanini.

    § 7. Tíðarfreist at lata inn uppgerðina er samsvarandi § 20, stk. 1 og 2 í løgtingslógini.

    § 8. Samlaða endurgjaldið kann ikki verða hægri enn meirvirðisgjaldið í fíggjarætlanini og kostnaðarætlanini, sum er góðkend av grannskoðara, sbrt. § 3.

    § 9. Útleigari hevur skyldu at boða TAKS frá broytingum, sum føra við sær javning av avgjaldi, sbrt. § 3 b, stk. 3 í løgtingslógini, so sum at leigubústaðir ikki longur verða nýttir til leigubústað, og at leigubústaðir ikki eru bygdir í samsvari við treytirnar og reglurnar fyri at fáa meirvirðisgjaldið endurgoldið.

    § 10. Tann, ið við vilja ella av grovum ósketni brýtur §§ 3, 4 og 9, verður revsaður við bót, uttan so at hann er skyldugur til strangari revsing sbrt. § 33, stk. 1 og 3 í løgtingslógini. Reglurnar í § 33, stk. 4 og § 34 í løgtingslógini eru eisini galdandi fyri brot á hesa kunngerð.

    § 11. Henda kunngerð kemur í gildi dagin eftir, at hon er kunngjørd og hevur virknað frá 1. januar 2021 og fer úr gildi 1. januar 2026.


    Fíggjarmálaráðið, 5. mai 2021
    Jørgen Niclasen (sign.)
    landsstýrismaður
    / Bjarni Askham Bjarnason (sign.)

    Nr. 10/2021 um meirvirðisgjald fyri ikki vinnuligt og almannagagnligt frítíðarvirksemi

    Kunngerð nr. 10 frá 27. januar 2021 um meirvirðisgjald fyri ikki vinnuligt og almannagagnligt frítíðarvirksemi

    Broytt við kunngerð nr. 104 frá 13. juni 2022 og kunngerð nr. 96 frá 14. august 2023.

    Við heimild í § 3 a, stk. 3 í løgtingslóg nr. 136 frá 8. september 1992 um meirvirðisgjald (Meirvirðisgjaldslógin), sum broytt við løgtingslóg nr. 34 frá 30. apríl 2011, løgtingslóg nr. 57 frá 17. mai 2013, løgtingslóg nr. 155 frá 23. desember 2015 og løgtingslóg nr. 86 frá 7. juni 2020, verður ásett:

    § 1. Henda kunngerð fevnir um íløgur, sum felagsskapir, stovnar og grunnar gera í ikki vinnuligt, almannagagnligt frítíðarvirksemi.
    Stk. 2. Felagsskapir, stovnar og grunnar, sum gera íløgur í ikki vinnuligt, almannagagnligt frítíðarvirksemi skulu rinda meirvirðisgjald í landskassan av íløgum sínum samsvarandi galdandi reglum í løgtingslógini.

    § 2. Meirvirðisgjald av íløgum í ikki vinnuligt, almannagagnligt frítíðarvirksemi verður afturgoldið til felagsskapir, stovnar og grunnar við 100% av inngangandi meirvirðisgjaldinum.

    § 3. 2) Fíggjarætlanin og kostnaðarætlanin av íløguni í ikki vinnuligt, almannagagnligt frítíðarvirksemi skal vera góðkend av statsautoriseraðum, skrásettum ella løggildum grannskoðara. Grannskoðarin skal í góðkenning sínari av fíggjarætlanini og kostnaðarætlanini staðfesta, at íløgan er omanfyri 1 mió. kr. og at í minsta lagi 33% av samlaða íløgukostnaðinum, uttan meirvirðisgjald, er fingin til vega:
    1) sum gáva,
    2) kemur frá óløntum og sjálvbodnum arbeiði,
    3) stavar frá innsavnan, undir hesum
    vanligum og staðbundnum kirkjuskatti, og
    4) at fígging er til alla íløguverkætlanina.

    § 4. Viðkomandi kommuna, har íløgan verður gjørd, hevur ábyrgdina av og skal góðkenna øll neyðug byggiteknisk myndugleikakrøv og myndugleikaloyvi til íløguverkætlanina.

    § 5. Meirvirðisgjaldið verður endurrindað eftir umsókn, sum verður send TAKS. Fyri at kunna góðkenna umsóknina, skal TAKS, saman við umsóknini, hava góðkenningar frá grannskoðara og kommunu, sbrt. §§ 3 og 4.

    § 6. Tíðarfreist at lata inn uppgerðina er samsvarandi § 20, stk. 1 og 2 í løgtingslógini.

    § 7. Samlaða endurgjaldið kann ikki verða hægri enn meirvirðisgjaldið í fíggjarætlanini og kostnaðarætlanini, sum er góðkend av grannskoðara, sbrt. § 3.

    § 8. Endurgoldið meirvirðisgjald skal rindast aftur í landskassan eftir ásetingunum í kapittul 7 í kunngerð um lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum, um íløgan verður seld ella ikki longur verður nýtt til ætlaða virksemið og til almannagagnligt frítíðarvirksemi.

    § 9. 1) Avgerðir hjá TAKS kunnu kærast til Føroya Kærustovn. Kæran skal vera skrivlig og grundgivin. Saman við kæruni skal fylgja við avrit av kærdu avgerðini umframt avrit av teimum skjølum, sum kærarin metir vera av týdningi fyri avgerðina. Freistin at kæra er 4 vikur eftir, at kærarin hevur fingið fráboðan um avgerðina.

    § 10. 2) Henda kunngerð kemur í gildi dagin eftir, at hon er kunngjørd, og er galdandi fyri umsóknir um endurgjald fyri inngangandi meirvirðisgjald, sum TAKS hevur móttikið í seinasta lagi 31. desember 2027.
    Stk. 2. Samstundis sum kunngerðin fær gildi, fer kunngerð nr. 11 frá 7. februar 2018 um meirvirðisgjald fyri ikki vinnuligt og almannagagnligt frítíðarvirksemi úr gildi.

    Notir

    1) Broytt við kunngerð nr. 104 frá 13. juni 2022, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útgivið:17. juni 2022)

    2) Broytt við kunngerð nr. 96 frá 14. august 2023, har § 2 er soljóðandi: Henda kunngerð kemur í gildi dagin eftir, at hon er kunngjørd.(Útgivið: 18. august 2023)

    Fíggjarmálaráðið, 27. januar 2021
    Jørgen Niclasen (sign.)
    landsstýrismaður
    / Bjarni Askham Bjarnason (sign.)

    Nr. 134/2022 um meirvirðisgjald hjá kommunum

    Kunngerð nr. 134 frá 11. oktober 2022

    um meirvirðisgjald hjá kommunum

    Við heimild í § 3, stk. 2 í løgtingslóg nr. 136 frá 8. september 1992 um meirivirðisgjald (Meirvirðisgjaldslógin), sum broytt við løgtingslóg nr. 94 frá 5. desember 2002, løgtingslóg nr. 80 frá 25. mai 2009, løgtingslóg nr. 62 frá 30. apríl 2018 og løgtingslóg nr. 159 frá 10. desember 2021, verður ásett:

    § 1. Henda kunngerð fevnir um kommunur, kommunal virkir og stovnar.
    Stk. 2. Kommunur, kommunal virkir og stovnar skulu rinda meirvirðisgjald til landskassan av virksemi sínum samsvarandi galdandi reglum í løgtingslógini.

    § 2. Meirvirðisgjald verður endurrindað til kommunur, kommunal virkir og stovnar við 75% av inngangandi meirvirðisgjaldi teirra.

    § 3. Bókhaldið hjá kommunum skal lúka krøvini í kapitli 8 í løgtingslógini, umframt krøvini í kunngerð um roknskaparverk kommunanna o.tíl.

    § 4. Meirvirðisgjaldið verður endurrindað yvir kommunalu millumrokningina hjá landinum grundað á innrapporteraðan mánaðarroknskap sbrt. § 10, stk. 2 í kunngerð um roknskaparverk kommunanna o.tíl.

    § 5. Endurrindanin av meirvirðisgjaldi fer fram, tá ið kommunan hevur innrapporterað tíðarskeiðsroknskapin til Gjaldstovuna sbrt. § 10, stk. 2 í kunngerð um roknskaparverk kommunanna o.tíl.
    Stk. 2. Endurrindanin av meirvirðisgjaldi fyri tíðarskeiðsroknskapir sbrt. § 10, stk. 2 í kunngerð um roknskaparverk kommununanna o.tíl., sum eru innrapporteraðir eftir 7. í mánaðinum bíða til næstu mánaðaravrokning.
    Stk. 3. Innrapporteringin av meirvirðisgjaldinum fer fram sbrt. § 10, stk. 2 í kunngerð um roknskaparverk kommunanna o.tíl.
    Stk. 4. Er uppgerðargrundarlagið ikki nøktandi, kann Gjaldstovan steðga endurrindanini av meirvirðisgjaldinum, til roknskaparviðurskiftini eru komin upp á pláss.

    § 6. Endurrindanin kann ikki vera hægri enn 75% av tí goldna meirvirðisgjaldinum. Er ivi um støddina á upphæddini ella um, hvussu komið er fram til upphæddina, sum skal endurrindast, kann TAKS gera eina metta áseting av upphæddini.
    Stk. 2. Avgerðin hjá TAKS kann kærast til Føroya Kærustovn.

    § 7. Henda kunngerð kemur í gildi dagin eftir, at hon er kunngjørd.(Útgivið: 14.10.2022)
    Samstundis fer kunngerð nr. 110 frá 31. august 2009 um meirvirðisgjald hjá kommunum v.m. úr gildi.


    Fíggjarmálaráðið, 11. oktober 2022
    Uni Rasmussen (sign.)
    landsstýrismaður
    / Bjarni Askham Bjarnason (sign.)

    Rundskriv
    • Nr. 7/2000 Um meirvirðisgjald av fólkaflutningi
    • Nr. 1/1999 Fyrisitingarligar sektarásetanir fyri brot á meirvirðisgjaldslógina
    • Fylgiskjal til rundskriv nr. 1/1999 Revsireglur í mvg-málum
    • Nr. 2/2005 Rundskriv um meirvirðisgjald hjá kommununum
    • Nr. 1/ 2023 um tollavgreiðslu av stuttleikaførum og -bátum

    Nr. 7/2000 Um meirvirðisgjald av fólkaflutningi

    Rundskriv nr. 7/2000

    um meirvirðisgjald av fólkaflutningi


    Broyting av siðvenju í samband við fólkaflutning, ið ikki hevur heimild í meirvirðisgjaldslógini

    Sambært § 2, stk. 3, litra f í meirvirðisgjaldslógini eru tænastur í samband við fólkaflutning og flutning av akførum við skipum hjá Strandferðsluni innanoyggja, undantiknar meirvirðisgjaldi.

    Sambært viðmerkingunum til meirvirðisgjaldslógina merkir hetta, at allur fólkaflutningur – við bussi, ferju, hýruvogni o.t. – verður hildin uttan fyri avgjaldsskyldu. Hetta skal skiljast á tann hátt, at tað bert er flutningurin av ávíkavist fólki og akførum, sum er undantikin sambært § 2, stk. 3, litra f í meirvirðisgjaldslógini.

    Henda reglan hevur, síðani meirvirðisgjaldslógin kom í gildi, verið tulkað og umsitin á tann hátt, at allur flutningur hevur verið meirvirðisgjaldsfríður. Munur hevur sostatt ikki verið gjørdur á, um tann, ið flytur fólkini, sjálvur rekur ferðafólkaflutning, ella um viðkomandi sjálvur útleigar bus við førara sum eina umbidna tænastu fyri tann, ið veruliga rekur ferðafólkaflutning.

    Siðvenja av hesari tulking hevur sostatt ført við sær, at virkir, ið útleiga bussar til ferðafólka–flutning, eisini hava verið undantikin meirvirðisgjaldi av útleiguni av bussunum. Henda siðvenja hevur ikki verið heimilað í lógini, og tað er einki í viðmerkingunum til lógina, ið heimilar ella sum stuðlar, at reglan skal verða tulkað so víðkandi, at útleigan av ávíkavist bussum og øðrum tílíkum tænastum, sum hava samband við fólkaflutning, skulu koma undir frítøkuna.

    Siðvenja verður tí broytt soleiðis, at hon samsvarar við orðingina og viðmerkingarnar í § 2, stk. 3, litra f í meirvirðisgjaldslógini.

    Hetta rundskriv kemur í gildi frá 1. januar 2001.

    Rundskrivið førir við sær, at flestu privatu busseigarar skulu meirvirðisgjaldsskrásetast frá 1. januar 2001.

    Argir, 25. september 2000


    Óli Heinesen
    stjóri

    / Beinta Festirstein
    deildarleiðari

    Nr. 1/1999 Fyrisitingarligar sektarásetanir fyri brot á meirvirðisgjaldslógina

    Rundskriv nr. 1/1999

    Fyrisitingarligar sektarásetanir fyri brot á

    meirvirðisgjaldslógina 

    Við heimild í § 34 í løgtingslóg nr. 136 frá 8. september 1992 um meirvirðisgjald við seinni broytingum (hereftir nevnd Meirvirðisgjaldslógin) hevur Toll– og Skattstsova Føroya ásett hesar reglur um fyrisitingarligar sektarásetanir fyri brot á meirvirðisgjaldslógina, § 33.

    A. Alment

    Brot á reglur í meirvirðisgjaldslógini er revsivert eftir § 33, um hetta er framt við vilja ella av stórum ósketni. Minni ósketni verður ikki revsað.

    Toll– og Skattstova Føroya hevur próvbyrðuna fyri, at revsivert brot er framt. Ein og hvør grundaður ivi skal koma hinum avgjaldsskylduga til góðar. Er grundaður ivi, um brot er framt, eigur sektarkrav ikki at verða sett fram.

    Er ivi, um brotið er gjørt við vilja ella gjørt av stórum ósketni, skal avgjaldsskyldugi á sama hátt hava fyrimun av hesum iva, soleiðis at sektarkrav bert verður gjørt galdandi eftir reglunum um stórt ósketnið.

    B. Vanligar sektir

    Fyri lógarbrot á Meirvirðisgjaldslógina verður gjørt fyrisitingarligt sektaruppskot, undantikið í teimum førum tá málið skal latast ákæruvaldinum.

    Øll lógarbrot, ið hava við sær, at avgjaldsskyldugi hevur sloppið sær undan at gjalda meirvirðisgjald sambært lógini, eru fevnd av hesum rundskrivi og verða bólkað soleiðis:

    Lógarbrot framt við vilja

    Avgjald til og við kr. 30.000: 1 x avgjaldsmunin

    Avgjald kr. 30.000 – 100.000: 30.000 + (2 x avgjaldsmunin omanfyri 30.000)

    Avgjald yvir kr. 100.000: málið verður latið ákæruvaldinum

    Lógarbrot framt av stórum ósketni

    Avgjald til og við kr. 30.000: ½ x avgjaldsmunin

    Avgjald yvir kr. 30.000: (½ x 30.000) + (1 x avgjaldsmunin omanfyri 30.000)

    (Allar upphæddir eru í krónum.
    Desimalar verða altíð niðurrundaðir til heilar krónur)

    C. Roynd at sleppa sær undan

    Við roynd verður sektin helmingurin av teimum undir B nevndu upphæddunum fyri lógarbrot. Roynd treytar, at lógarbrotið er framt við vilja.

    Roynd kemur sjáldan fyri í brotum á meirvirðisgjaldslógina, av tí at lógarbrotið vanliga longu er framt (t.d. at uppgerðin er innlatin). Eitt dømi um roynd er, at søla við vilja ikki er bókað (inntøkuførd) fyri avgjaldstíðarskeiðið, áðrenn freistin fyri innlatan av uppgerðini er farin.

    D. Medvirkan í lógarbroti

    Fyri medvirkan verður sektin helmingurin av teimum upphæddum, ið eru nevndar undir B fyri lógarbrot.

    Grannskoðarar og aðrir ráðgevarar ("ráðgevarasektir") verða ikki sektaðir við faldingarsektum, tó verður hædd tikin fyri støddini á tí upphædd, ið avgjaldsskyldugi hevur sloppið sær undan at gjalda ella ikki hevur givið upp til avrokningar v.m. Álagda sektin eigur vanliga ikki at vera minni enn kr. 5.000.

    E. Endurtøka

    Verður aftur framt brot á Meirvirðisgjaldslógina, áðrenn 5 ár eru farin, frá tí degi viðkomandi varð revsaður fyri brot á reglurnar í Meirvirðisgjaldslógini, verður vanlig sekt hækkað við 25%.

    F. Runding av sektum

    Rundað niður til

    Støddin á sektini í kr.:tal býtisført við:
    frá 1.000 til 2.999100
    frá 3.000 til 9.999500
    frá 10.000 til 19.9991.000
    frá 20.000 til 99.9995.000
    frá 100.000 til 199.99910.000
    frá 200.00025.000


    G. Ávaring

    Er brot framt við vilja, og samlaði avgjaldsmunurin er minni enn kr. 5.000, ella í teimum førum har talan er um stórt ósketnið, og samlaði avgjaldsmunurin er minni enn kr. 10.000, verður málið avgreitt við einari fráboðan til tann avgjaldsskylduga um, at komið er fram á lógarbrot, men at eftir umstøðunum verður ikki gjørt meira við málið. Verður lógarbrot aftur framt, kann tann avgjaldsskyldugi eisini ábyrgjast fyri áður framt lógarbrot, ið bert ávaring varð givin fyri.

    Farið verður fram á sama hátt, um mett verður, at revsiábyrgd annars ikki eigur at verða gjørd galdandi.

    H. Eykabót

    Í teimum málum har fongsulsrevsing verður væntað, verður ákæruvaldið, sum høvuðsregla, biðið um at krevja eykabót sambært § 50, stk. 2 í revsilógini. Bótin verður 0,5 x avgjaldsupphæddina, ið avgjaldsskyldugi við vilja hevur sloppið sær undan. Tó bert 0,25 x avgjaldsupphæddina við roynd, tað merkir, tá ið roynt er at sleppa sær undan avgjaldi eftir Meirvirðisgjaldslógini.

    Í teimum førum fongsulsrevsing ikki verður væntað, men nýtsla er gjørd av følskum skjølum í sambandi við lógarbrotið, ella í teimum førum, talan er um onnur brot á revsilógina, verða nevndu satsir fyri eykabót nýttir í teimum førum, ákæruvaldið setur fram krav um treytaleysa fongsulsrevsing.

    Setur ákæruvaldið krav fram um treytaða fongsulsrevsing, skal eykabótin ásetast til 1 x avgjaldsupphæddina, ið avgjaldsskyldugi hevur sloppið sær undan.

    I. Lækking og hækking av sektum

    Almenni parturin í revsilógini er galdandi í viðgerðini av fyrisitingarligum sektarmálum eftir meirvirðisgjaldslógini.

    Tá ið sekt verður at áseta, verða niðanfyri nevndu lækkingar– og hækkingartreytir tiknar við í metingina:

    –gjaldsevnið hjá avgjaldsskylduga eftir § 51, stk. 3, jbr. § 80, stk. 1 í revsilógini

    –grovleikin í framda lógarbroti, upplýsingar um viðkomandi (hansara vanligu persónligu og sosialu viðurskifti, hartil hansara viðurskifti áðrenn og aftan á framda lógarbrotið) eins og hansara orsøk til at fremja lógarbrotið, § 80, stk. 1 í revsilógini.

    Heruppí kemur t.d. ungur aldur, § 84, stk. 1, nr. 2, jbr. stk. 2 í revsilógini, og høgur aldur, sbr. eisini niðanfyri undir J. Fyri viðkomandi kann útbúgving, roknskaparligt innlit, eins og hansara sosiala støða eisini verða tikin við í metingina.

    –at avgjaldsskyldugi hevur framt lógarbrotið í umberandi fákunnu um ella umberandi misskiljing av lógarreglum, sum banna ella áleggja framferðarháttin, § 84, stk. 1, nr. 3, jbr. stk. 2 í revsilógini.

    –at avgjaldsskyldugi, eftir at tann revsiverda framferðin er framd, til fulnar hevur endurbøtt tann við lógarbrotinum framda skaða, § 84, stk. 1, nr. 7 í revsilógini.

    Ásetingin kann serliga hava týdning viðvíkjandi umskaringarmuni, har munurin aftaná er inntøkuførdur.

    –at tann avgjaldsskyldugi annars sjálvboðin hevur lagt doyðin á at fyribyrgja, at gerðin verður framd í verki, ella at endurbøta tann við lógarbrotinum framda skaða, § 84, stk. 1, nr. 8 í revsilógini.

    Henda áseting kann serliga hava týdning viðvíkjandi umskaringarmuni, tá munurin aftaná lutvíst er inntøkuførdur.

    –at tann avgjaldsskyldugi hevur meldað seg sjálvan og til fulnar hevur játtað (sjálvboðin fráboðan), § 84, stk. 1, nr. 9 í revsilógini.

    Umframt av frammanfyri nevndu orsøkum kann sektin verða lækkað, um so er at:

    –munurin er lættur at staðfesta.

    Sektin kann vanliga lækkað við 1/3

    –talan er um gomul viðurskifti.

    Sektin verður vanliga lækkað niður í helvt, tá ið øll lógarbrotini eru eldri enn 5 ár.

    –tann avgjaldsskyldugi hevur virkað fyri at fáa málið loyst.

    Linnandi umstøður annars

    Ráðgevara/grannskoðaramistøk

    Í málum har mistøk eru framd av ráðgevara, verður eftir ítøkiligari meting mett um, hvussu ábyrgdin skal lutast millum avgjaldsskylduga og ráðgevan.

    Hevur ráðgevin framt mistøk í avgerandi mun, er ofta hvørki grundarlag fyri at staðfesta tilætlað ráð ella stórt ósketni hjá avgjaldsskylduga. Skuldi hetta kortini verið so, verður tann vanliga sektin lækkað í tann mun, ábyrgdin av mistakinum kann staðfestast hjá ráðgevanum. Sektin kann tá býtast í 1/2, 1/3 ella 1/4 av vanligu sektini.

    Einstøk dømi við skeivari negativari avrokning

    Í tí føri tá avgjaldsskyldugi fyri eitt avrokningartíðarskeið hevur latið inn skeiva negativa uppgerð, og feilurin verður mettur sum stórt ósketni, verður álagda sektin ásett til helvtina av vanligari sekt, treytað av at talan er um lutfalsliga lítla upphædd.

    Einstøk dømi við avgjaldsmuni

    Hugsað verður bæði um viðurskifti, ið fevna um roknskap og fatan av viðurskiftunum, har álagda sektin kann verða lækkað til helvtina av vanligari sekt eftir viðurskiftunum, treytað av at talan er um lutfalsliga lítla upphædd.

    Feilir til fyrimunar fyri tann avgjaldsskylduga

    Í málum viðvíkjandi avgjaldsmunum kann verða komið fram á feilir, ið eru til fyrimunar fyri avjgaldsskylduga (t.d. keypsfakturar ikki tiknir við í inngangandi meirvirðisgjaldið) skal sektin roknast sambært niðanfyri nevndu reglum:

    1.Brot framt av stórum ósketni.

    Sektin verður roknað av saldo, tað merkir, at inngangandi meirvirðisgjald verður mótroknað av avgjaldsmuninum, áðrenn sektin verður roknað.

    2.Brot framt við vilja.

    Inngangandi meirvirðisgjald verður ikki mótroknað í avgjaldsmuninum, tá ið sektin verður roknað.

    Kredit av órøttum

    Her verður hugsað um, at tá virki broyta sín uppgerðarhátt, t.d. frá fakturering til gjalding og aftur til fakturering.

    Er lógarbrotið framt av grovum ósketni, verður sektin hækkað til 1/10 av avgjaldsmuninum, ið ikki er uppgivin í tí løtu, eftirlit fer fram. Við vilja verður sektin 1/5 av avgjaldsmuninum.

    Skerpandi umstøður annars

    Eingin avrokning (mett áseting), eingin roknskapur

    Innleiðandi verður at staðfesta, at í teimum førum talan er um manglandi uppgerð og fyribils ásetingar, verður slíkt ikki at skilja sum mál, ið hevur við sær, at viðkomandi sleppur sær undan avgjaldi, hetta hóast skeiva mannagongdin hjá avgjaldsskylduga skal steðgast, t.d. við at nýta stytt avgjaldstíðarskeið ella við at krevja veitan av trygd.

    Um so er, at fyribils ásetingar vísa seg at vera munandi lægri enn tað veruliga avgjaldið, og tað kann staðfestast, at tað er við vilja, kann verða talan um harðari revsing sambært § 33, stk. 3 í Meirvirðisgjaldslógini.

    Serliga stórur munur millum avroknað avgjald og veruligt avgjald

    Um so er, at talan er um serliga stóran mun millum avroknaða avgjaldið og tað veruliga avgjaldið, soleiðis at avroknaða avgjaldið er munandi minni, kunnu umstøðurnar benda á, at brotið skal lýsast sum brot framt við vilja.

    Stórt óskil í roknskapinum

    Er talan, umframt brot á Meirvirðisgjaldslógina, um stórt óskil í roknskapinum, tvs. førdi roknskapurin er rættiliga ófullfíggjaður samstundis, sum skjøl í minni mun eru goymd, mangla o.s.fr., kann málið eftir einari heildarmeting viðgerast sum stórt ósketnið.

    Tvørrandi vilji at rætta seg eftir reglum og leiðbeiningum

    Her verður hugsað um, at virki áður hevur fingið sekt, og talan er um sama brot, somuleiðis um so er, at virkið áður hevur fingið vegleiðing og boð um at fáa í rættlag ymisk viðurskifti, uttan at fylgja boðum ella lógarreglum, v.m. Málið kann í slíkum føri eftir umstøðunum viðgerast sum stórt ósketnið.

    Vantandi skráseting av sølu v.m.

    Niðanfyri nevndu dømi verða vanliga viðgjørd sum stórt ósketnið:

    –Smáar upphæddir ikki tiknar við í útgangandi meirvirðisgjald
    –Privatar útreiðslur eru í minni mun tiknar við í inngangandi meirvirðisgjald
    –Kreditnotur frá leverandørum eru ikki bókaðar
    –Ikki loyvdur frádráttur tikin við í inngangandi meirvirðisgjald

    Um so er, at hesi viðurskifti kunnu staðfestast at vera framd við vilja, og upphæddirnar eru smáar, verður málið altíð viðgjørt, eins og um talan var um stórt ósketnið.

    J. Dómstólaviðgerð

    Er lógarbrotið framt við vilja, og tann avgjaldsupphædd, sum avgjaldsskyldugi hevur sloppið sær undan, tilsamans er meira enn kr. 100.000, kann málið ikki verða avgjørt fyrisitingarliga, men skal latast ákæruvaldinum til viðgerðar.

    Er viðkomandi fyltur 70 ár, tá avgerð verður tikin í málinum, ella tað vegna sjúku eftir øllum at døma er líkt til, at ein møgulig fongsulsrevsing ikki kann verða sitin, kann málið tó verða avgjørt fyrisitingarliga við eini sekt svarandi til tvær ferðir tað avgjald, sum avgjaldsskyldugi hevur sloppið sær undan.

    Hetta rundskriv kemur í gildi tann dag, tað er dagfest, og samstundis fer úr gildi rundskriv nr. 4/1998 frá 20. oktober 1998 um fyrisitingarligar sektarásetanir fyri brot á meirvirðisgjaldslógina.

    Tórshavn, 12. mars 1999

    TOLL– OG SKATTSTOVA FØROYA, STÝRIÐ

    Óli Heinesen / Eyðfinnur Jacobsen

    stjóri / deildarstjóri

    Fylgiskjal til rundskriv nr. 1/1999 Revsireglur í mvg-málum

    Fylgiskriv til rundskriv nr. 1/1999

    Revsireglur í mvg–málum

    1. Generelt
    Tað er revsivert við vilja ella av stórum ósketni at bróta mvg–lógina og kunngerðirnar, ið hava heimild í mvg–lógini.

    Tann, ið fremur slíkt brot, kann revsast við bót. Um brotið er framt við tí fyri eyga at sleppa sær undan at gjalda meirvirðisgjald til landskassan, kann revsingin hækka til hefti ella fongsul upp til 2 ár.

    Um lógarbrotið er framt av partafeløgum, lutafeløgum ella tílíkum, kann sektarábyrgd verða áløgd felagnum.

    2. Tær materiellu revsireglurnar
    Tær materiellu revsireglurnar í meirvirðisgjaldslógini eru fyri ein part orðaðar generelt í § 33, stk. 1. litra a, og stk. 2, sum verður brúkt, tá ið tað innan fyri ásetingarnar í lógini verða givnar skeivar ella villleiðandi upplýsingar, ella upplýsingar ikki verða givnar. Undir hesa áseting kemur m.a. undandráttur frá at gjalda meirvirðisgjald sum fylgja av skeivum mvg–uppgerðum.

    Fyri ein part eru revsireglurnar tó orðaðar soleiðis, at tað heilt neyvt er ásett, hvørji onnur brot eru revsiverdug, jbr. § 33, stk. 1, litra b, c og d, sum nevnt niðanfyri.

    2.1. § 33, stk. 1, litra b

    mark 5, stk. 1

    Skylda at fráboða virki sítt til skrásetingar hjá Toll– og Skattstovu Føroya.

    mark 5, stk. 2, 1. punktum

    Um viðkomandi hevur fleiri virki, hevur hann skyldu at skráseta tey undir einum, uttan so at roknskapur verður førdur fyri hvørt virki sær.

    mark 5, stk. 5

    Skylda at fráboða virki til skrásetingar í seinasta lagi 8 dagar, áðrenn virksemi byrjar. Skylda at fráboða broytingar í ánaraviðurskiftum, leiðsluábyrgd ella staði, áðrenn 8 dagar eftir at broytingin er farin fram.

    mark 10, stk. 3

    Ikki er loyvt at nevna avgjaldsupphædd ella nakað annað í sambandi við sølu av brúktum persónmotorakførum, tá ið avgjaldið verður roknað sambært § 10, stk. 1 ella § 10, stk. 2.

    mark 12, stk. 6, 2. punktum

    Virki skal innan 8 dagar eftir avhending geva Toll– og Skattstova Føroya fráboðan um navn og bústað hjá nýggja handhavanum og um søluprísin á vørugoymslu, maskinum og øðrum raksrargøgnum, ið verða avhendað.

    mark 13, stk. 4, 2. punktum

    Skyldu at skriva faktura í sambandi við útflýggjan av vørum í umboðssølu ella søluumboði.

    mark 17, stk. 1

    Krøv um innihald á faktura í sambandi við sølu av vørum og tænastum.

    mark 17, stk. 2

    Skyldu at útflýggja kreditnotu í sambandi við m.a. aftursending av vørum.

    mark 17, stk. 5

    Tvítøk av fakturum og kreditnotum og móttikin avrokningarskjøl skulu goymast av lataranum.

    mark 17, stk. 6

    Fevnir ein fakturi (avrokningarskjal) bæði um avgjaldsskyldugar og avgjaldsfríar latingar, skal tað vera skilligt á fakturanum, hvørjar latingar eru avgjaldsskyldugar. Tílíkar latingar skulu tilskilast hvør sær við serstakari samanteljing.

    mark 17, stk. 9

    Virki, ið ikki eru skrásett, mugu ikki tilskila avgjaldsupphæddina á faktura ella á annan hátt tilskila, at avgjald er roknað við í upphæddina á fakturanum. Um hetta verður gjørt, skal móttikna avgjaldið afturrindast.

    mark 17, stk. 11

    Við prístilskilan fyri vørur og avgjaldsskyldugar tænastur skal týðiliga gerast var við, at avgjald sambært hesi lóg ikki er roknað við í prísin.

    mark 18, stk. 3

    Skylda at føra mvg–roknskap í einum serligum roknskaparhefti, sum verður útflýggjað av Toll– og Skattstova Føroya, um virki ikki førir vanligar handilsbøkur sambært § 18, stk. 1 og 2.

    mark 19

    Skylda at goyma roknskapartilfarið í 5 ár eftir endan á roknskaparárinum. Og skylda til eina ferð um árið eat gera uppgerð yvir viðrið á goymsluni.

    mark 20, stk. 1

    Skrásett virki skulu seinast 1 mánaða og 10 dagar aftaná endan á hvørjum avgjaldstíðarskeiði boða Toll– og Skattstova Føroya frá støddini á útgangandi og inngangandi avgjaldinum.

    mark 29, stk. 2

    Skylda at veita Toll– og Skattstova Føroya neyðuga vegleiðing og hjálp í sambandi við eftirlit.

    mark 29, stk. 3

    Skylda at lata ella senda roknskapartilfar o.a. til Toll– og Skattstovu Føroya.

    mark 30, stk. 1

    Skylda til, eftir áheitan, at geva Toll– og Skattstova Føroya upplýsingar um latingar til skrásetingarskyldug virki.

    mark 30, stk. 2

    Skylda at geva Toll– og Skattstova Føroya upplýsingar um keyp av vørum og tænastum til virki.

    mark 30, stk. 3

    Peningastovnar, herímillum postgivostovan og advokatar og onnur, ið taka ímóti miðlum til umsiting ella sum vinnuliga læna pening, skulu eftir áheitan geva Toll– og Skattstova Føroya eina og hvørja upplýsing um teirra buskaparligu viðurskifti við navnfest skrásetingarskyldugt virki.

    2.2. § 33, stk. 1, litra c

    Letur vera við at gera sum ásett í hesum reglum:

    mark 3, stk. 2

    um avgjaldsskyldu fyri vørur og avgjaldsskyldugar tænastur, sum eru framleiddar ella gjørdar til egna nýtslu. Letur vera við at gera sum ásett í § 9, stk. 1 um ásetan av einum roknaðum søluprísi, tá ið tað eru felags áhugamál millum lataran og móttakaran av vørum og tænastum.

    mark 33, stk. 1 litra d

    Ikki fylgir treytunum sambært § 2, stk. 4 og 5 fyri undantøku av avgjaldskylduni, og treytirnar fyri játttan av meirvirðisgjaldsfrítøku fyri tænastur, sum verða gjørdar fyri útlendska rokning.

    mark 33, stk. 2

    Í fyriskipanum (kunngerðum) sambært hesi lóg kann revsing við b´9t áleggjast tí, sum við vilja ella av grovum ósketni brýtur reglurnar í kunngerðunum. Talan er um m.a. hesar kunngerðir:

    1. Nr. 172 frá 15.12.1992 um sjálvbodna skráseting sambært lóg um meirvriðisgjald fyri útleigu, uppsiting og sølu av fastari ogn.
    2. Nr. 21 frá 27.01.1993 um lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum.
    3. Nr. 169 frá 15.12.1992 um meirvirðisgjald av bygging v.m. til sølu, útleigu ella egnu nýtslu.
    4. Nr. 22 frá 27.01.1993 um minstøkrøv til bókhald og roknskap.
    5. Nr. 110 frá 03.10.1994 um afturrindan av meirvirðisgjaldi til útlendsk virki.

    Tann, sum fremur eitt av nevndu brotum við vilja, hetta fyri at fáa utgoldið úr landskassanum sambært § 24, verður revsaður við bót, hefti ella fongsul upp til 2 ár.

    Í serliga grovum brotum á meirvriðisgjaldslógina kann talan harumframt verða um, at ákæra verður reist eftir § 279 í revsilógini (fíggjarsvik).

    Fyri lógarbrot, sum verða framd av partafeløgum, lutafeløgum ella tílíkum, kann sektarábyrgd verða áløgd felagnum sum so.


    Dagfest mars 1999

    Lógardeildin

    Nr. 2/2005 Rundskriv um meirvirðisgjald hjá kommununum

    Rundskriv nr. 2/2005

    um meirvirðisgjald hjá kommununumum

    Við heimild í § 3, stk. 2 í løgtingslóg nr. 136 frá 8. september 1992 um meirvirðisgjald við seinni broytingum hevur landsstýrismaðurin í fíggjarmálum við kunngerð nr. 25 frá 19. februar 2003 ásett, hvussu meirvirðisgjald hjá kommunum skal fyrisitast.
    Kunngerðin fevnir um kommunur, kommunal virki og stovnar.
    Somu meginreglur eru galdandi fyri umsiting av hesi kunngerð, sum fyri umsiting av allari mvg-skipanini. Hetta skal alla tíðina havast fyri eyga. Hetta førir so við sær, at kommunal virki og stovnar kunnu sundurgreinast í 3 bólkar:

    1. Kommunalt virksemi
    2. Blandað virksemi
    3. Vinnuligt virksemi

    1. Kommunalt virksemi
    Her er talan um tað virksemi hjá kommununi, sum ikki hevur nakað vinnuligt endamál, og er soleiðis háttað, at tað reelt ikki er í kapping við onnur.
    Hetta virksemi er aloftast nevnt í § 2, 3. stk. í mvg-lógini, sum m.a. umfatar:

    • heilsurøkt
    • almanna umsorgan
    • undirvísing í skúla og aðra undirvísing
    • mentunarligt og listarligt virksemi
    • ítrótt
    • fólkaflutning
    • ferðamannastovuvirksemi

    T.d. eru kommunalir skúlatannlæknar í hesum bólkinum. Virksemið hjá teimum hevur ikki vinnuligt endamál, men viðvíkur bert tí almennu heilsurøktini. Hetta er ein útreiðsla hjá kommununi, og eingin fíggjarligur vinningur stendst av hesum.

    2. Blandað virksemi
    Her er talan um stovnar hjá kommununi, sum bæði reka vinnuligt og kommunalt virksemi. Hesum viðvíkjandi er reglugerð um blandaða nýtslu í kunngerð nr. 35 frá 20. mars 2000 um lutfalsligan frádráttarrætt fyri meirvirðisgjald og um javnan av inngangandi avgjaldi av íløgugøgnum. Sum dømi kann nevnast, framleiðing av asfalti og skervi, har ein partur av framleiddu vøruni verður brúktur av kommununi sjálvari, og ein partur verður seldur til onnur.

    3. Vinnuligt virksemi
    Her verður hugsað um virksemi, sum er 100% vinnuligt, og hetta virksemi hevur ongan fyrimun av at koma undir omanfyri nevndu skipan. Umframt hetta eru virkir skrásetingarskyldug, sambært § 5 í lógini um meirvirðisgjald, um tey hav eina árliga sølu av vørum og tænastum, ið er 20.000 kr. ella meira.

    Ymiskt annað
    Toll- og Skattstova Føroya hevði kunnandi fund við kommunufelagið hin 20. mai 1993, viðvíkjandi omanfyri nevndu mannagongd.
    Ymiskir spurningar vóru viðgjørdir, og her eru so teir mest umráðandi.

    1. Spurt var, um teir ymsu stovnarnir í kommunum hvør í sinum lagi skuldu senda umsókn um endurgjald av tí goldna meirvirðisgjaldinum.
      T&S heitti á kommunurnar bert at senda eina umsókn pr. kommunu við sundurgreining av teimum ymsu stovnunum (rakstrarstøð).
    2. Spurt varð, um kommunurnar kundu søkja eina ferð um árið.
      T&S svaraði, at umsóknirnar skulu sendast inn hvønn ársfjórðing. Tó kunnu kommunur, sum ikki hava ajourført roknskapin fyri fyrsta ársfjórðing 1993, regulera (javna) hann yvir næsta ársfjórðing.
    3. Ein kommuna nevndi, at teir brúka tann framgangsháttin, at teir draga 75% frá meirvirðisgjaldinum úr teimum ymsu rakstrarkontunum, soleiðis at tey 25%, sum ikki verða endurgoldin, standa eftir á rakstrarstaðnum. Hetta gevur bókhaldinum hjá kommununi eina rættari mynd yvir, hvussu støðan er í roknskapinum. Tey 75% upproknast so til 100%, áðrenn tey verða skrivað á umsóknarblaðið.
      Hesin framgangsháttur er í lagi.
    4. Spurningur um streym frá einum felagsmálara, sum stendur á kaiini.
      Streymurin verður brúktur til vinnuligt (meirvirðisgjaldsskyldugt) endamál, nevniliga útleigu av havnarøki. Harumframt verður streymur frá sama málara brúktur til vanligt gøtuljós.
      Her skal gerast ein lutfalslig uppbýting, soleiðis at tann streymur, sum verður brúktur til mvg-skyldugan rakstur, verður frádrigin í mvg-roknskapinum hjá kommununi. Síðani fær kommunan 75% av restini av upphæddini endurrindaði.
      Sama ger seg galdandi í sambandi við skúlar, ítróttahallir o.a. Her skal altíð býtast lutfalsliga upp millum mvg-skyldugan og mvg-frían rakstur.
    5. Spurt varð, hvørji krøv vóru sett til faktura, um nóg gott skjalprógv skuldi vera.
      Krøvini til faktura í hesum sambandi eru nevnd í § 11 í kunngerð nr. 22. frá 27. januar 1993 um minstukrøv til bókhald og roknskap.

    Hetta rundskriv kemur í gildi tann dag, tað er dagfest, og samstundis fer úr gildi rundskriv nr. 13/1994 um meirvirðisgjald hjá kommunum.

    27. mai 2005

    TOLL- OG SKATTSTOVA FØROYA, STÝRIÐ

    Óli Heinesen / Birta Biskopstø

    Nr. 1/ 2023 um tollavgreiðslu av stuttleikaførum og -bátum

    Rundskriv 1/2023

    um tollavgreiðslu av stuttleikaførum og -bátum

    Avgjald á innflutningi jbr. § 27 stk. 4 í mvg-lógini

    Undir 20 GT
    Stuttleikafør og aðrir bátar, sum eru undir 20 GT, skulu gjalda 25% í innflutnings-mvg.

    20 GT og meira
    Stuttleikafør, sum eru 20 GT ella meira, skulu gjalda innflutnings-mvg.
    Skip og bátar, sum ikki eru stuttleikafør, kunnu innflytast uttan at skula gjalda innflutnings-mvg.
    Fyri at kunna skilja ímillum, um ein bátur er stuttleikafar, fiskibátur ella annað, verður skrásetingarskjalið frá Skipaskránni (Føroya Skipaskráseting) brúkt at styðja seg til. Í skjalinum er ásett, um báturin er stuttleikafar ella t.d. fiskibátur. Er hann skrásettur sum stuttleikafar, skal hann gjalda innflutnings-mvg. Er hann skrásettur sum t.d. fiskifar, skal hann ikki gjalda innflutnings-mvg, um hann verður vinnuliga rikin.

    Altjóða málibræv
    Í málibrævinum fyri farið er ásett, um tað er undir ella yvir 20 GT. Uppmátingin av farinum skal verða gjørd á føroyskum ella donskum málibrævi ella tjóðskaparbrævi.

    Tollavgjald
    Tollurin á bátum er 0%.

    Manglandi skjøl ella upplýsingar
    Hevur innflytarin ikki skjøl, sum vísa støddina á farinum, og hvussu tað er skrásett, skal innflytarin gjalda innflutnings-mvg. Sama ger seg galdandi, um innflytarin ikki kann prógva ella á annan hátt sanna, at farið verður vinnuliga rikið.

    Rundskrivið kemur í gildi 12. apríl 2023 og samstundis fer rundskriv nr. 1 frá 13. februar 2013 úr gildi.

    TAKS

    Tórshavn, 12. apríl 2023

    Eyðun Mørkøre, stjóri

    Birta Biskopstø, deildarstjóri

    Vegleiðingar

    Vegleiðing um nær útlendsk virkir skulu MVG-skrásetast (§5 í MVG-lógini) (04.05.2006)

    Vegleiðing til § 5 í MVG-lógini

    nær útlendsk virkir skulu MVG-skrásetast

    Útlendsk virkir kunnu einans vera skrásett fyri mvg-skyldu í Føroyum, um tey lúka treytirnar fyri skráseting í § 5 ella § 28 í mvg-lógini. Útlendsk virkir skulu ikki uttan víðari skrásetast frá fyrsta degi í Føroyum.

    § 5, krevur skráseting av útlendskum virkjum um tey lúka treytirnar í mvg-lógini § 3 og 4.

    Tískil skal ein málsviðgerð av virkinum fara fram eftir hesum greinum. Serliga er tað § 3, stk. 1, litra a, ið ger, at útlendsk virkir IKKI kunnu skrásetast í Føroyum. Kravið í § 3, stk. 1, litra a, er, at útlendsk virkir hava fastan rakstrarstað í Føroyum, tvs., reka sjálvstøðugt vinnuvirki í Føroyum. Sum dømi kann nevnast, at ein donsk byggifyritøka, ið kemur til Føroya at byggja (undirentreprenør), IKKI skal skrásetast fyri mvg-skyldu, UM virksemið hjá fyritøkuni verður skipað í Danmark, t.e. leiðsla, stjórn, skrivstova o.s.fr. Um tað er virksemið í Danmark, sum bindur fyritøkuna til eina avtalu hevur fyritøkan ikki sjálvstøðugt vinnuvirki í Føroyum. Í hesum førinum, kunnu Føroyar ikki krevja skráseting eftir § 5 (umboð), tí virkið ikki hevur fastan rakstrarstað í Føroyum.

    Fast rakstrarstað er oftani tað staðið, ið seljarin fysiskt hevur sítt virksemi, t.e., handil, kontór, filial, fabrik, verkstað ella onnur søla, har fyritøkan heilt ella partvíst rekur sítt virksemi. Ein postadressa er ikki nóg mikið til at staðfesta fastan rakstrarstað. Tað er út frá eini samlaðari meting, at fastur rakstrarstaður kann staðfestast, og vera somu atlit, sum vera nýtt í skattarættinum, nýtt til at staðfesta fastan rakstarstað eftir § 3, stk. 1, litra a.

    Øvugt kann nevnast, at ein persónur, sum býr uttanlands og sum hevur handil her á landi, ikki nýtist at skrásetast við umboði her á landi, tí bara tað, at handilin verður rikin her á landi, er nóg mikið til staðfesta fastan rakstarstað her á landi. Tað merkir, at handilin skal mvg-skrásetast frá fyrsta degi.

    Avgerð tikin av Skatta- og avgjaldskærunevndini 1. desember 2004, sum staðfestir, at kravið í § 3, stk. 1, litra a, skal vera lokið, fyri at kunna skráseta útlendsk virki. Nevniliga, at Toll- og Skattstova Føroya ikki kann krevja mvg-skráseting við umboði eftir § 5, um útlendska virkið ikki rekur sjálvstøðugt vinnuvirki í Føroyum.

    Ein avleiðing av hesið avgerð er nýggja orðingin í § 28 í mvg-lógini.


    § 28, er undantak til kravið um fastan rakstrarstað í § 5 og § 3, stk. 1, litra a.

    § 28, inniber, at útlendsk virkir, ið veita tænasturnar, ið standa í § 28, stk. 2, nr. 1-13 skulu sum meginregla skrásetast í Føroyum, um tey lúka treytirnar í § 28, stk. 1, sí vegleiðing til § 28.

    Tað er einans tær tænasturnar, ið nevndar eru í nr. 1-13, sum útlendsk virkir kunnu vera skrásett fyri í Føroyum. Alt, sum ikki er ein vøra, verður rokna, sum ein tænasta, t.m., at hugtakið tænasta skal fortolkast sera breitt.

    Undantakið til skráseting eftir § 28, er, um tænastan verður veitt til skrásett virkir í Føroyum. Sum dømi kann nevnast, at um høvuðsentreprenørur er føroyskt virki, sum er skrásett og hetta virkið ger avtalu við danskt felag í Danmark, um at veita eina tænastu í Føroyum, eitt nú umvæling av fastari ogn, so skal hetta danska felagið ikki mvg-skrásetast í Føroyum, sí § 28, stk. 3 og § 28, stk. 2, nr. 8.

    Úrskurðir
    • Nr. 11/00156 Mvg-skyldan. Listarligt virksemi. Mentanarligt virksemi.
    • Nr. 11/00117 Rindan av mvg í sambandi við keyp av báti. Avgerð annullerað.
    • Nr. 11/00083 Mvg-skyldan í sambandi við veitingar viðvíkjandi skipum. Ráðgevandi virksemi.
    • Nr. 11/00089 Sýtt mvg-skrásetan. Vinnuligt virksemi. Bókaútgáva.
    • Nr. 11/00010 Strikan úr mvg-skránni og sýtt kæraranum útgjald av negativum mvg.
    • Nr. 11/00003 Sýtt skráseting í mvg-skránna. Vinnuligt virksemi.
    • Nr. 10/00245 Sýtt afturrindan av mvg av maskinum og amboðum
    • Nr. 10/00336 Sýtt frádrátt fyri íløgumvg. Søla av virksemi
    • Nr. 10-03-31-77 Endurrindan av íløgu-mvg viðvíkjandi bili
    • Nr. 10/00062 Rindan av mvg til TAKS- sum privatpersónur hevur uppkravt við sølu av bili
    • Nr. 10/00021 Javnan av íløgu-mvg
    • Nr. 10-03-31-75 Strikan úr mvg-skránni og javnan av íløgu-mvg. Ikki vinnuligt virksemi.
    • Nr. 09-03-31-72 Sýtt útgjald av íløgu-mvg. Søla av virksemi.
    • Nr. 10/00006 Meirvirðisgjald í sambandi við innflyting av báti. Ikki grundarlag at broyta avgerð um mvg-frítøku.
    • Nr. 09-02-21-66 Striking úr mvg-skránni og javnan av íløgu-mvg
    • Nr. 09-03-31-62 Frádráttur fyri íløgumvg. Vinnuligt virksemi.
    • Nr. 09-03-31-70 Striking av mvg-skyldu. Javing av íløgumvg. Heimvíst.
    • Nr. 09-03-31-67 Endurrindan av sølumvg. Vinnuligt virksemi. Heimvíst.
    • Nr. 09-03-31-61 Uppkrevjing av gjøldum
    • Nr. 08-03-33-27 Afturrindan av mvg av skrásetingargjaldi og uppafturtøka
    • Nr. 08-03-33-115 Afturrindan av mvg av skrásetingargjaldi
    • Nr. 09-03-31-63 Mvg-skráseting - vinnuligt virksemi
    • Nr. 08-03-33-120 Frádráttur fyri íløgu-mvg av bili
    • Nr. 08-03-33-83 Uppafturtøka av máli um endurrindan av mvg av skrásetingargjaldi
    Nr. 11/00156 Mvg-skyldan. Listarligt virksemi. Mentanarligt virksemi.
    Nr. 11/00117 Rindan av mvg í sambandi við keyp av báti. Avgerð annullerað.
    Nr. 11/00083 Mvg-skyldan í sambandi við veitingar viðvíkjandi skipum. Ráðgevandi virksemi.
    Nr. 11/00089 Sýtt mvg-skrásetan. Vinnuligt virksemi. Bókaútgáva.
    Nr. 11/00010 Strikan úr mvg-skránni og sýtt kæraranum útgjald av negativum mvg.
    Nr. 11/00003 Sýtt skráseting í mvg-skránna. Vinnuligt virksemi.
    Nr. 10/00245 Sýtt afturrindan av mvg av maskinum og amboðum
    Nr. 10/00336 Sýtt frádrátt fyri íløgumvg. Søla av virksemi
    Nr. 10-03-31-77 Endurrindan av íløgu-mvg viðvíkjandi bili
    Nr. 10/00062 Rindan av mvg til TAKS- sum privatpersónur hevur uppkravt við sølu av bili
    Nr. 10/00021 Javnan av íløgu-mvg
    Nr. 10-03-31-75 Strikan úr mvg-skránni og javnan av íløgu-mvg. Ikki vinnuligt virksemi.
    Nr. 09-03-31-72 Sýtt útgjald av íløgu-mvg. Søla av virksemi.
    Nr. 10/00006 Meirvirðisgjald í sambandi við innflyting av báti. Ikki grundarlag at broyta avgerð um mvg-frítøku.
    Nr. 09-02-21-66 Striking úr mvg-skránni og javnan av íløgu-mvg
    Nr. 09-03-31-62 Frádráttur fyri íløgumvg. Vinnuligt virksemi.
    Nr. 09-03-31-70 Striking av mvg-skyldu. Javing av íløgumvg. Heimvíst.
    Nr. 09-03-31-67 Endurrindan av sølumvg. Vinnuligt virksemi. Heimvíst.
    Nr. 09-03-31-61 Uppkrevjing av gjøldum
    Nr. 08-03-33-27 Afturrindan av mvg av skrásetingargjaldi og uppafturtøka
    Nr. 08-03-33-115 Afturrindan av mvg av skrásetingargjaldi
    Nr. 09-03-31-63 Mvg-skráseting - vinnuligt virksemi
    Nr. 08-03-33-120 Frádráttur fyri íløgu-mvg av bili
    Nr. 08-03-33-83 Uppafturtøka av máli um endurrindan av mvg av skrásetingargjaldi
    Viðmerkingar
    Viðmerkingar til upprunalóg um meirvirðisgjald Løgtingsmál nr. 177/1991


    Sí skjøl, sum eru knýtt at lógini
    Sí lógina, sum skjølini eru knýtt at