Leita
Leita
Skriva út

Løgtingslóg nr. 86 frá 1. september 1983 um landsskatt og kommunuskatt (skattalógin)


1. KAPITTUL
Skattskyldan

§ 1. Fulla skattskyldu hevur:

  1. Hvør persónur, ið hevur bústað í Føroyum.
  2. 1) 2) 25) 56) 88) Sendifólk Føroya uttanlands, sum ikki eru fevnd av nr. 1 ella 4, umframt sambúgvandi hjúnafelagar teirra og heimabúgvandi
    børn, sum eru undir 18 ár við inntøkuársins byrjan, tá hesi ikki eru skyldug til at rinda inntøkuskatt til annað land eftir reglunum fyri harbúgvandi persónar.
  3. 3) 25) Lesandi og lærlingar uttanlands, sum áðrenn lestur ella læru hava havt fastan bústað í Føroyum í minst 4 ár. Landsstýrismaðurin í skattamálum fær heimild til við kunngerð at áseta nærri reglur um heitið lesandi, lærlingar, próvførslur o.a. í hesum sambandi.
  4. 4) Hvør persónur, ið uttan at hava bústað her, innan fyri eitt 12 mánaða tíðarskeið dvølur her í minst 180 dagar, annaðhvørt hann hevur verið burtur ímillum ella ikki.
  5. Hvør persónur, sum er við føroyskum skipi, tá hann seinast hevur verið skattskyldugur eftir reglunum í nr. 1-4.
  6. 5) 71) Fulla skattskyldan hjá persóni, sum er settur í skatt eftir reglunum í nr. 5, fellur tó burtur frá tí degi, viðkomandi persónur við sýndum skjølum kann sanna at vera búsitandi uttanlands og at vera settur í inntøkuskatt í øðrum landi, Danmark ella Grønlandi, eftir reglum, ið galda fyri búsett har.
  7. Deyðsbúgv, sum verða tikin til skiftisviðgerð í Føroyum.
  8. 3) Partafeløg og onnur feløg, skrásett í Føroyum, har ikki allir felagsmenn ábyrgjast persónliga fyri skuldbindingar felagsins. Luttakarar í feløgum, sum nú koma undir nevndu reglur og sum eru stovnað fyri 20. apríl 1972, verða framvegis undir higartil galdandi skattareglum viðvíkjandi rakstri av ognum, ið eru útvegaðar fyri 20. apríl 1972 eins og skipsbyggisáttmálum, gjørdum fyri nevnda dag, meðan rakstur av ognum, útvegaðar frá hesum degi koma undir omanfyri nevndu reglur, og skal roknskapurin verða lagdur til rættis eftir hesum.
  9. 15) 20) 23) 29) Tryggingarfeløg, vinnurekandi grunnar sambært lóg nr. 286 frá 6. juni 1984 om erhversmæssige fonde, smb. kongligari fyriskipan nr. 247 frá 3. mai 1993 om ikrafttræden for Færøerne af lov om erhvervsmæssige fonde, Framtaksgrunnur Føroya og Fíggingargrunnurin frá 1992.
  10. Fastognalánsfeløg, útlánsfeløg og onnur veðlánsfeløg eins og sparikassar og lánsgrunnar, har einans stovnarar ella ábyrgdarmenn eiga lut í avlopinum, somuleiðis onnur tílík feløg v.m. í tann mun, tey reka vinnu, ið er uttanfyri samtyktir teirra, haruppií rakstur, burturleigu av ella tað at lata annan hava í hondum fastogn.
  11. Keypssamtøkur, sum hava til endamáls at keypa, útvega ella framleiða limunum vørur og tænastur til eginnýtslu, og sum - burtursæð frá vanligari rentu av innskoti limanna - býta avlopið sundur millum limirnar í mun til, hvussu nógv teir hava keypt av vørum og tænastum.
  12. Framleiðslu- og sølufeløg, sum hava til endamáls at hagreiða, góðska ella selja framleiðslu limanna, og sum - burtursæð frá vanligari rentu av innskoti limanna - býta avlopið sundur millum limirnar í mun til, hvussu nógv teir hava latið felagnum av úrdráttum til hagreiðingar, góðskingar ella sølu.
  13. Keypsfeløg, sum hava til endamáls at keypa, útvega ella framleiða limunum vørur og tænastur, sum bert verða nýttar vinnuliga av limunum, og sum - burtursæð frá vanligari rentu av innskoti limanna - býta avlopið sundur millum limirnar í mun til, hvussu nógv teir hava keypt av vørum og tænastum.
  14. Onnur feløg, felagsskapir, legat og aðrar stovnanir í tann mun, tey hava inntøku av vinnu, har uppií rakstur, burturleigu av ella tað at lata annan hava í hondum fastogn. Avlop, sum hesi feløg, felagsskapir, legat og aðrar stovnanir vinna við at lata vørur, tænastur v. m. til limir, verður ikki mett at vera vinnuligt.
  15. 6) Íløgufeløg, í tann mun tey hava inntøku av vinnu, her uppi í vinning við keyp og sølu av virðisbrøvum, rentutilskriving, v.m.
  16. 7) Sparikasssar, ið hava fast rakstrarstað í Føroyum.
  17. 42) 67) Føroya Realkreditstovnur, Íleggingargrunnurin fyri Føroyar, Húsalánsgrunnurin og Búnaðargrunnurin.

Stk. 2. 56) Feløg og grunnar o.t., fevnd av stk.1, eru fult skattskyldug í Føroyum, hóast tey eru skrásett í Danmark, Grønlandi ella øðrum landi, um veruliga leiðslan hevur sæti í Føroyum.
Stk. 3. 56) Persónar, feløg og grunnar o.t., sum sambært tvískattasáttmála eru heimahoyrandi í Danmark, Grønlandi ella øðrum landi, kunnu bert draga frá útreiðslur, sum viðvíkja inntøkum, sum Føroyar sambært sáttmálanum kunnu skatta.“

§ 2. Avmarkaða skattskyldu hevur hvør persónur, og hvørt felag v.m., sum ikki kemur undir fyrimælini í 1. §, og deyðsbúgv undir skiftisviðgerð uttanlands, í tann mun tey her nevndu:

a) hava inntøku her í landinum av slíkum slag, sum er umrøtt í 60. §, 1. stk. nr. 1, og stavar frá virksemi her á landi,
b) hava inntøku her í landinum, sum sambært 60. §, 1. stk., nr. 2-7 er A-inntøka, ella smb. 60. §, 2. stk. verður at rokna sum A-inntøka,
c) 4) 33) fáa gjald fyri nýtslugjald (royalty) úr Føroyum. Málberingin nýtslugjald merkir í hesi grein gjalding av øllum slag, sum fæst sum samsýning fyri at nýta ella hava rættin til at nýta hvønn ein upphavsrætt til bókmentalig, listarligt ella vísindaligt verk, heruppií spælifilmar, filmar og bond til útvarps- og sjónvarpssendingar, øll einkarrættindi, vørumerki, mynstur ella fyrimyndir, tekningar, loyniligan formála ("formel") ella framleiðsluhátt ella fyri upplýsingar um ídnaðar-, handils- ella vísindaligar royndir.
d) sum eigarar ella sameigarar reka ella taka lut í vinnu, ið hevur fast rakstrarstað í Føroyum, ella sum á annan hátt eiga lut í avlopinum av slíkari vinnu, ella sum samløgumenn ella samútgerðamenn eiga lut í samløgufelag ella samútgerðarfelag, ið er skrásett í Føroyum,
e) sum ánarar, samánarar, nýtarar ella inntøkunjótarar fáa inntøku ella avgjald av fastogn í Føroyum,
f) fáa inntøku við at lata annan hava í hondum virki ella fasta ogn í Føroyum,
g) 5) 56) fáa vinningsbýti úr Føroyum ella fáa avhendingarupphæddir fevndar av § 5 í kapitalvinningsskattalógini.
h) 8) fær inntøkur stavandi frá arbeiði, sum er gjørt her í landinum, sum sambært § 60, 1. stk., nr. 8 skal roknast sum A-inntøka,
i) 4) fær inntøkur, sum ikki eru umfataðar av litra a), b), d) ella h), fyri arbeiði, gjørt í Føroyum fyri vinnuvirki, sum eru umfatað av litra d) og 3. stk.,
j) 9) 33) 56) hava inntøku av slíkum slag, sum í § 60, stk. 1, nr. 1 umrøtt, og sum stavar frá virksemi umborð á skipi, skrásett við heimstaði í Føroyum. Skip, tó ikki fiskiskip, sum eru skrásett við heimstaði í Danmark, Grønlandi ella øðrum landi, verða javnmett við skip, sum eru skrásett við heimstaði í Føroyum, um tey við ongari manning verða leigað av føroyskum reiðaravirki. Skip, skrásett við heimstaði í Føroyum, sum við ongari manning verða leigað til reiðaravirki í Danmark, Grønlandi ella øðrum landi til ferðafólka- og/ella farmaflutning, verður ikki mett sum skip, skrásett við heimstaði í Føroyum. 1. pkt. er ikki galdandi, um talan er um inntøku frá virksemi umborð á fiskiskipi, sum siglir uttan fyri føroysku landleiðirnar, og sum fiskar av kvotum, sum reiðaríið sjálvt hevur útvegað sær.
k) 83) (Sett úr gildi)
l) 35) fáa inntøku fyri arbeiði innt umborð á flogfari, sum er rikið av persóni ella felagi fevndum av § 1.
m) 95) fáa vinning ella tap við sølu ella aðrari avhendan av partabrøvum og øðrum virðisbrøvum fevnd av § 1, nr. 1 í kapitalvinningsskattalógini.

2. stk. 48) Skattskyldan fevnir einans um tílíkar inntøkur, sum nevndar eru í 1. stk., og bert tær útreiðslur, sum standast av at vinna hesar inntøkur, kunnu verða frádrignar.
3. stk. 4) Reglurnar í 1. stk., litra d) eru eisini galdandi fyri byggi-, nýgerðar-, innleggingar ella uppsetingarætlanir, ið vara longur enn 30 dagar. Sama er galdandi fyri virksemi, sum fevna um ráðlegging, eftirlit, ráðgeving ella aðra persónliga hjálp í sambandi við slíkar ætlanir.

§ 3. Undantikin skattskyldu eru

a) kongur og drotning,
b) ættarmenn kongs, sum eru komnir av donskum kongum í fyrsta liði, ella sum sambært 11. § í grundlóg ríkisins fáa árspening eins og hjúnafelagar teirra. Teir skulu tó svara skatt av inntøkum, ið teir hava av vinnu uttan fyri ríkistænastuna, og sum teir sjálvir reka ella taka lut í,
c) danska ríkið, landskassi Føroya eins og tær stovnarnir, har ið inntøkur og útløgur eru fyriskipaðar í fíggjarlógum danska ríkisins ella løgtingsins, og virki og stovnanir, sum eru ogn landsins ella kommununar, og sum verða rikin fyri landskassans ella kommunanna rokning,
d) útlendskir sendikonslar og sendistarvsmenn í konsultænastu, tá teir ikki eru ríkisborgarar. Tó eru hesir skyldugir at gjalda skatt av tílíkari inntøku, sum nevnd er í 2. §,
e) kirkjur, ið eiga sjálvar seg viðvíkjandi kirkjuhúsum við grund og kirkjugarði,
f) tjóðbanki Danmarkar.
g) 55) Íløgufeløg, ið eru skrásett í Føroyum, og sum umsita íløgur fyri íleggjarar. Treytað av, at hesi íløgufeløg eru fevnd av fyriskipanini “Lov om investeringsforeninger og specialforeninger samt andre kollektive investeringsforeninger m.v.”. Landsstýrismaðurin kann við kunngerð seta nærri reglur fyri, hvørji íløgufeløg ikki koma undir skattafrítøkuna.

2. stk. 25) 28) 56) Toll- og Skattaráð Føroya kann gera av, at persónur, sum verður skattaður eftit § 1, fær fult ella partvíst skattafrælsi, um so er, at inntøkan er fingin í sambandi við kirkjulig ella manngóð endamál í øðrum landi. Áður enn avgerð er tikin, fær Toll- og Skattaráð Føroya sær álit í málinum frá viðkomandi bygda(r)ráð.
3. stk. 25) 28) Toll- og Skattaráð Føroya kann gera av, at tey feløg og stovnanir v.m., sum nevnd eru í 1. § 1. stk. nr. 9, 10 og 14, fáa fult ella avmarkað skattafrælsi, um so er, at inntøkan eftir stovnanarskipan, lógum ella samtyktum teirra einans skal verða nýtt til alment góðgerin ella kirkjulig, manngóð, listalig, vísindalig ella tílík endamál. Áður enn avgerð er tikin, fær Toll- og Skattaráð Føroya sær álit í málinum frá bygda(r)ráðnum, sum málið kemur við.
4. stk. 5) 25) Landsstýrismaðurin í skattamálum kann við kunngerð áseta nærri reglur viðvíkjandi veiting av skattafrælsi eftir stk. 2 og 3 í hesi grein.
5. stk. 28) 46) 99) Avgerðir hjá Toll- og Skattaráð Føroya eftir stk. 2 og 3 kunnu kærast til Føroya Kærustovn innan 4 vikur eftir, at kærarin hevur fingið fráboðan um avgerðina. Kæran skal vera skrivlig og grundgivin.

§ 4. 25) 40) 64) 65) Hjúnafelagar verða hvør sær settir sjálvstøðugt í skatt av inntøkum sínum. Um skattskyldug inntøka hjá øðrum hjúnafelagnum er undir skattafría botnfrádráttin í kommunuskattinum og hjá hinum yvir, verður ein javning gjørd, so at tann lægra inntøkan verður hækkað við upp til kr. 30.000, og tann hægra verður lækkað samsvarandi.
Stk. 2. Uppgerðin av skattskyldugu inntøkuni hjá hjúnafeløgum fer fram eftir teimum reglum, sum ásettar eru í hesi lóg fyri uppgerð av skattskyldugu inntøkuni. Reka hjúnafelagar í felag sjálvstøðugt vinnuvirki, skal úrslitið av vinnuvirkinum takast við í uppgerðina í skattskyldugu inntøkuni hjá hjúnunum í mun til luttøku teirra í rakstrinum. Er annar hjúnafelagin í starvi hjá hinum hjúnafelagnum verður frádráttur fyri lønarútreiðslur bert góðkendur í tann mun samsýningin svarar til veruliga arbeiðsavrikið. Um hjúnini hava skattskylduga inntøku, ið stavar frá ognum í hjúnabandinum, skal hvør teirra taka við í skattskyldugu inntøkuuppgerðina ta inntøku, ið stavar frá egnum ognum.
Stk. 3. Í teimum í stk. 2 nevndu førum verður landsstýrismaðurin í skattamálum heimilaður til við kunngerð at fyriskriva neyvari reglur fyri, hvussu uppgerðin av skattskyldugu inntøkuni hjá sambúgvandi hjúnafeløgum, sum báðir eru skattskyldugir eftir § 1, skal verða framd.
Stk. 4. Í samband við sundurlesing ella skilnað millum sambúgvandi hjúnafelagar verður sambúgvið skattliga mett sum uppathildið samstundis sum sundurlesing ella skilnaður fer fram.
Stk. 5. Tá ið hjún slíta sambúð sína uttan at talan er um sundurlesing ella skilnað, verður sambúgvið skattliga mett sum uppathildið við endan á tí inntøkuári, tá ið sambúgvið helt uppat.
Stk. 6. Tá ið hjún eftir at hava slitið sambúgv gerast sambúgvandi aftur, verða tey frá somu stund eisini skattliga mett sum sambúgvandi.
Stk. 7. Um skattskyldan eftir § 1 fellur burtur hjá tí eina ella báðum hjúnafelagunum, verður sambúgvið skattliga mett sum uppathildið, tá ið skattskyldan fellur burtur.

§ 5. 28) 33) Børn verða sett sjálvstøðugt í skatt av allari inntøku síni.
2. stk. Um børn, sum fyrst í inntøkuárinum ikki hava fylt 16 ár, hava vinnu í vinnuvirki foreldranna, stjúk - ella fosturforeldranna, kunnu hesi ikki draga lønina til børnini frá, tá ið tey gera skattskyldugu inntøkuna upp. Lønin skal heldur ikki takast við í skattskyldugu inntøkuni hjá børnunum.
3. stk. Tá inntøkan hjá børnum, ið búgva heima og sjálv eru skattskyldug, verður mett til skatt, verður ikki talt upp í tað, sum tey fáa til uppihald, heilt ella lutvíst frá foreldrunum, uttan so at hetta er viðurlag fyri starv í virki foreldranna ella vinnu, og tað tí er drigið frá skattskyldugu inntøku teirra.
4. stk. Hevur eitt barn fingið eina innløguveiting ella ogn sum gávu frá foreldrum, stjúk- ella fosturforeldrum, verður vinningur av hesi innløguveiting ella vinningurin av ognini tikin við í skattskyldugu inntøkuni hjá gevara, um hann er undir fullari skattskyldu. Hetta er tó bert galdandi til endan á tí álmanakkaári, ið barnið fyllir 18 ár, ella giftist.
5. stk. 6) 11) 37) (Sett úr gildi)

2. KAPITTUL
Nær skattskyldan tekur við og heldur uppat

§ 6. Skattskyldan stendur við í tí tíðarskeiði, har treytirnar í 1. og 2. § eru loknar, tó við teimum undantøkum, ið nevnd verða niðanfyri.
Stk. 2. 25) (Sett úr gildi)

§ 7. Hjá persónum, sum fáa sær bústað í Føroyum uttan at seta búgv her, tekur skattskyldan sambært 1. § nr. 1, tó ikki við fyrr enn teir setast í búgv her.
Stk. 2. 56) (Sett úr gildi)

§ 8. Hjá persónum, sum nevndir eru í 1. § nr. 4, tekur skattskyldan við frá tí degi, sum treytar skattskyldu, tá teir av fyrstan tíð komu higar til lands.

§ 9. 25) (Sett úr gildi)

§ 10. 25) (Sett úr gildi)

§ 11. Doyr skattgjaldari, fellur skattskyldan burtur frá tí degi, hann er deyður.

§ 12. 25) (Sett úr gildi)

§ 13. 25) Doyr giftur persónur, og velur eftirsitandi hjúnafelagin í beinleiðis sambandi við andlátið at sita í óskiftum búgvi við felagsbúnum, verður eftirsitandi hjúnafelagin at seta í skatt av allari inntøku hjúnanna í tí inntøkuári andláti var.
Stk. 2. Gjørd verður ein álíkning av inntøkuni hjá tí deyða og ein av inntøkuni hjá tí eftirsitandi hjúnafelaganum fyri hetta inntøkuár.
Stk. 3. Eftirsitandi hjúnafelagin kemur skattliga fult og heilt í stað hins deyða.

§ 14. Í øllum øðrum førum, enn tá eftirsitandi hjúnafelagin jvb. 13. § velur at sita í óskiftum búgvi, er skatturin hjá tí deyða av inntøkuni í inntøkuárinum, tá andlátið var, endaligur við gjaldingini av tí fyribilsskatti, sum fall til gjaldingar undan andlátinum, ella sum skuldi verið eftirhildin í inntøkum, sum eru vunnar fyri deyðadagin.
2. stk. 25) Búgvið ella líkningarvaldið kunnu tó krevja, at endalig álíkning verður gjørd fyri tíðarskeiðið frá byrjanini av inntøkuárinum til andlátið. Er tann endaligi álíknaði skatturin fyri áðurnevnda tíðarskeið við afturatløgdum írestandi skatti o.ø. sambært 78. § og við frádrátti fyri eitt møguligt skattaendurgjald, sum tilskilað í 79. §, minst 5.000 kr. hægri enn tann inngoldni fyribilsskatturin í sama tíðarskeiði, skal búgvið gjalda henda munin. Er tann inngoldni fyribilsskatturin minst 100 kr. hægri enn tann endaliga álíknaði skatturin fyri sama tíðarskeið við afturatløgdum írestandi skatti o.ø., sambært 78. §, og við frádrátti fyri eitt møguligt skattaendurgjald, sum tilskilað í 79. §, kann búgvið krevja henda mun afturgoldnan.
3. stk. 2) 25) Til tess, at líkningarvaldið kann gera av, um ein endalig álíkning skal fara fram, skal búgvið innan 6 mánaðir eftir andlátið lata líkningarvaldinum eina uppgerð yvir ogn og skuld við andlátið, og eina uppgerð yvir inntøkur hins deyða frá inntøkuársins byrjan til andlátið. Verður seinni enn 4 mánaðir eftir andlátið avgjørt, hvussu búgvið skal viðgerast, skal uppgerðin tó latast líkningarvaldinum innan 2 mánaðir eftir, at avgerðin er tikin.
4. stk. 25) Um búgvið ynskir eina endaliga álíkning, skal tað boða líkningarmyndugleikunum frá hesum, og lata inn vanliga sjálvuppgávu innan ta freist, sum ásett er í 3. stk.
5. stk. 25) Krav líkningarvaldsins um eina endaliga álíkning skal vera reist innan 6 mánaðir eftir andlátið. Er uppgerðin líkningarvaldinum í hendi seinni enn 4 mánaðir eftir andlátið, skal kravið tó verða reist innan 2 mánaðir eftir móttøkuna. Setur líkningarvaldið fram krav um eina endaliga álíkning, skal verða boðað búnum frá hesum innan 2 mánaðir eftir, at tann uppgerð, ið nevnd er í 3. stk. er komin skattavaldinum í hendur.
6. stk. Viðvíkjandi ognum, sum kunnu avskrivast, verður í teirri uppgerð, ið nevnd er í 3. stk. tilskilað tað skattliga virði, sum ognin varð ásett til við endan á seinasta inntøkuári. Harumframt kann roknast lutfalslig avskriving fyri tíðina fram til andlátið, eftir somu reglum, sum hin deyði hevði kunnað nýtt í inntøkuárinum. Fyri maskinur, innbúgv og onnur rakstrargøgn verður saldovirðið, áðrenn avskriving verður gjørd, javnað við útveganar- og søluupphæddunum á ognum, sum eru útvegaðar ella seldar eftir at seinasta inntøkuár er endað.
7. stk. 25) Landsstýrismaðurin í skattamálum setur annars nærri reglur um uppgerðarháttin. Krevjast kann, at búgv, sum verða skift privat, skulu lata uppgerð inn. Hetta fer fram á tann hátt, at áløgd verður daglig sekt, sum skiftirætturin ásetur. Verður uppgerðin ikki latin inn rættstundis, er harnæst heimilað skiftirættinum at gera av, at búgvið skal koma undir almenna skiftisviðgerð. Skiftirætturin skal taka búgvið til almenna skiftisviðgerð, um uppgerðin ikki er latin inn innan 3 mánaðir eftir, at freistin er úti.
8. stk. Reglurnar í 1. stk. eru ikki galdandi, um eftirsitandi hjúnafelagin velur at sita í óskiftum búgvi, samstundis við at serognin hjá tí deyða verður skift. Í tílíkum førum verður inntøkan fyri tíðina innan andlátið í síni heild at skattast eftir 13. §. Búgvið skal tó innan somu tíðarfreistir, sum ásettar eru í 3. stk., lata inn uppgerð yvir ogn og skuld, sum á deyðadegnum eru serogn hjá tí deyða. Viðvíkjandi hesi uppgerð verður víst á 6. stk.
9. stk. Um búgvið hevur so lítið virði, at skifti ikki fer fram, verða tó reglurnar í 1. stk. somuleiðis nýttar.

§ 15. Skattskyldan fyri deyðsbúgv, sum tikin eru til almenna skiftisviðgerð her í landinum, fevnir um inntøkur, sum vunnar eru í tíðini frá andlátinum og til tann dagin, sum í teirri endaligu uppgerðini verður nýttur sum uppgerðar- og skildagur. Skattskyldan fevnir harumframt um inntøku, sum er fingin til vega í sambandi við útlutan av ognum til arvingar ella eftirsitandi hjúnafelaga, bæði undir sjálvari skiftisviðgerðini og á skildegnum fyri uppgerðina.
2. stk. 25) Búgv, ið verða skift í beinleiðis sambandi við andlátið, skulu ikki gjalda inntøkuskatt treytað av, at endalig búsuppgerð verður gjørd og latin líkningarvaldinum innan 15 mánaðir eftir andlátið, og at skattskylduga inntøkan hjá búnum ikki fer upp um 25.000 kr.
3. stk. Skattskyldan hjá búgvum, sum vera skift alment ella vera tikin frá privatari til almenna skiftisviðgerð, og skiftisviðgerðin er endað innan 15 mánaðir eftir andlátið, og sum ikki eftir 2. stk. eru frítikin fyri at gjalda skatt, fevnir um inntøkur frá deyðadegnum til tann dagin, sum nýttur verður sum skildagur í tí endaligu búsuppgerðini. Úttøka frá búnum, sum verður gjørd áðrenn búgvið er endaliga uppgjørt, kann eftirkannast av skattavaldinum, jvb. 16. §.

§ 16. Virðisásetingin í uppgerðini kann vera tað skattliga bókførda virðið ella annað rímiligt mett virði.

§ 17. Fyri búgv, sum verða skift privat, ella búgv, sum frá almennari skiftisviðgerð verða latin til privat skifti, og sum ikki sambært 15. §, 2. stk. eru frítikin fyri at gjalda skatt, eru reglurnar í 15. §, 3. stk. galdandi til 15 mánaðir eftir andlátið.
2. stk. Heldur tað privata skiftið fram eftir ta áður umrøddu tíðarfreist, skal búgvið, áðrenn ein mánaður er liðin, lata inn uppgerð um støðuna hjá búnum, tá freistin var útrunnin. Í hesi uppgerð verður tilskilað, hvørjar ognir eru latnar arvingum, hjúnafelaga ella legatarum, møguliga til fleiri í felag, og hvørjar ognir, ið enn eru til taks í búnum.
3. stk. Samstundis við uppgerðina verður latin inn vanlig sjálvuppgáva viðvíkjandi inntøku hjá búnum frá deyðadegnum til endan á 15 mánaða tíðarskeiðnum.
4. stk. Skattskyldan hjá búnum heldur uppat, tá freistin er útrunnin. Frá hesum tíðarbili og frameftir verða arvingar og hjúnafelagin skattskyldugir í mun til sín part í búnum. Inntøka og tap av ognum, sum enn ikki eru latin arvingunum við endan á ásettu freistini, verða roknað við í inntøkuuppgerðini hjá búnum í sama mun, sum um hesar vóru seldar, tá freistin gekk út til tær upphæddir, sum ásettar eru í teirri uppgerð, sum nevnd er í 2. stk., jvb. tó 16. §. Arvingar og hjúnafelagin skulu hereftir nýta hesar upphæddir sum skattlig útveganarvirði.

§ 18. 25) Í sambandi við uppafturtøku av einum alment skiftum búgvi tekur skattskyldan ikki við, fyrr enn skiftirætturin hevur tikið endaliga avgerð um uppafturtøku. Reglurnar í 15. §, 2. stk., eru ikki galdandi fyri tílík búgv. Annars eru somu reglur galdandi viðvíkjandi uppgerðini av skattskyldugu inntøkuni, sum galdandi eru fyri búgv, sum verða skift beinleiðis í sambandi við andlátið. Landsstýrismaðurin í skattamálum ásetur nærri reglur viðvíkjandi uppgerðarháttinum.
2. stk. Í sambandi við uppafturtøku av einum privat skiftum búgvi, hvílir skattskyldan á teimum, ið eiga lut í búnum.

§ 19. Verður eitt óskift búgv skift, meðan eftirsitandi hjúnafelagin enn er á lívi, verða inntøkur hjá felagsbúnum fluttar til búgvið frá tí degi, tá skiftirætturin hevur játtað áheitanina um skiftið.
2. stk. Innan 2 mánaðir eftir, at áheitanin er játtað, skal búgvið lata inn eina uppgerð yvir ta ogn og skuld, sum er tikin við í skiftinum. Viðvíkjandi hesi uppgerð eru reglurnar í 14. §, 6. stk. galdandi, tá áheitanin er játtað. Er búgvið framvegis til viðgerðar við endan á tí inntøkuári, tá ið áheitanin um skifti varð játtað, hevur búgvið fyri hetta inntøkuár rætt til avskrivingar. Er búgvið skift, hevur tann, ið hevur fingið tillutað ognina, rætt til avskrivingar. Annars eru reglurnar í 15. §, 2. stk., galdandi, roknað frá tí at áheitanin um skifti varð játtað.
3. stk. Um eitt búgv, sum í beinleiðis sambandi við andlátið hevur verið undir almennari skiftisviðgerð, verður latið eftirsitandi hjúnafelaganum til at sita í óskiftum búgvi, so verður inntøkan frá deyðadegnum at skatta hjá tí eftirsitandi hjúnafelaganum. Skattsetingin av inntøkuni í tí ári, tá ið skattgjaldarin doyði, verður gjørd sambært reglunum í 13. §, samstundis sum møgulig skattseting sambært reglunum í 14. § verður strikað.
4. stk. Hesar reglur eru eisini galdandi um eitt búgv, sum í beinleiðis sambandi við andlátið hevur verið skift privat, verður latið til eftirsitandi hjúnafelagin til at sita í óskiftum búgvi.
5. stk. Verður eitt búgv, sum er undir almennari skiftisviðgerð, latið til privat skifti, eftir at 15 mánaðir eru lidnir frá andlátinum, galda reglurnar í 17. §, 2. og 4. stk., við tað at hend yvirtøka kemur í staðin fyri at tann freist upp á 15 mánaðir, ið er ásett í nevndugrein, er útrunnin.
6. stk. Verður eitt búgv, sum skift er privat, tikið til almenna skiftisviðgerð, aftaná at 15 mánaðir eru gingnir frá deyðadegnum, verður búgvið ikki skattskyldugt, men eru arvingar og hjúnafelagin framhaldandi skattskyldugir av teirra lutum í búnum.

§ 20. 25) Landsstýrismaðurin í skattamálum ásetir nærri reglur viðvíkjandi sjálvuppgávuni hjá búnum og endaligar búsuppgerðir, og um frágreiðingar frá skiftirættinum til líkningarvaldið.
2. stk. Áðrenn eitt búgv verður latið til privat skifti, verður álagt arvingunum og hjúnafelaga, ið eigur lut í búnum, at skjóta ein persón upp teirra vegna, sum øll krøv eftir 14. § 2. stk., um endaliga álíkning og regulering av fyribils skattgjalding kunnu beinast til, og annars allar aðrar fráboðanir, um skattligu viðurskifti hjá tí deyða og búnum.

§ 21. 72) Nýstovnað feløg ella aðrir stovnar, sum eiga heimstað her á landi, við roknskaparári, ið endar í seinasta lagi 31. desember, verða sett í skatt av allari inntøkuni í roknskaparskeiðinum, sama hvussu langt tað er, og skal sjálvuppgávan latast inn í seinasta lagi 1. juli. Skatturin fellur til gjaldingar í 3 gjøldum 1. oktober, 1. november og 1. desember. Á samsvarandi hátt verður farið fram, tá feløg v.m., sum ikki hava verið skattskyldug higar til dags, taka upp virki, ið er skattskyldugt. Partafeløg, har helvtin ella meiri av partapeninginum er á somu hondum, skulu hava sama roknskaparár.
2. stk. 12) 25) Tá feløg v.m., ið eiga heimstað her á landi, verða avtikin ella taka upp skattfrælst virki, stendur skattskyldan við, til tað skattaárið er úti, sum felagið var tikið av ella tók upp skattfrælst virksemi. Umframt tað skal slíkt felag v.m. fyri sama skattaár verða sett serstakliga í inntøkuskatt av inntøkuni í tíðini frá útgongd roknskaparársins, ið síðsta vanliga skattseting felagsins er gjørd eftir, og til felagið varð avtikið ella tók upp skattfrælst virki. Avtøkustjóri, ávikavist nevndin, skal í seinasta lagi 4 vikur aftan á avtøku ella upptøku av skattfrælsum virki geva líkningarvaldinum boð um hetta og leggja hjá yvirlit yvir inntøkurnar í nevnda tíðarskeiði; hetta yvirlit verður gjørt eftir reglunum um sjálvuppgávu, um tær annars kunnu nýtast. Verður ikki boðað frá, soleiðis sum her er fyriskipað, verður avtøkustjóra, ávikavist nevndini, áløgd sekt so stór, sum líkningarvaldið leggur á. Avtøkustjóri, ávikavist nevndin, kann eisini verða tvingað til at lata inn áðurnevndu boð og inntøkuuppgerð við at álagdar verða dagbøtur, so stórar sum líkningarvaldið leggur á.
3. stk. 3) Hóast reglurnar í stk. 1 kann fyrsta roknskaparskeið ikki fevna um meira enn 18 mánaðir, kann ikki røkka aftur um 1. januar í tí álmanakkaári, felagið er stovnað, og ikki fevna um meira enn tvey álmanakkaár.
4. stk. 6) Partafelag skal yvirtaka ognir frá verandi virki til handilsvirði. Persónliga rikið vinnuvirki kann tó umskipast til nýstovnað partafelag eftir reglunum ásettar í løgtingslóg um umskipan av persónliga riknum vinnuvirki til partafelag.

§ 22. Persónur, sum sambært 2. § hevur avmarkaða skattskyldu her á landi, verður fyrstu ferð settur í skatt sambært reglunum í 24. §, 2. stk.
2. stk. Feløg v.m., sum sambært 2. § hava avmarkaða skattskyldu her á landi, verða fyrstu ferð sett í skatt sambært reglunum í 21. §, 1. stk.
3. stk. Er inntøkukeldan uppathildin, áðrenn endalig álíkning kann verða gjørd eftir 1. stk., skal líknað verða av allari inntøkuni, sum vunnin er eftir reglum og stigum, sum galdandi eru fyri inntøkuárið, hildið verður uppat í.
4. stk. Heldur inntøkukeldan uppat, stendur skattskyldan við til tað inntøkuárið er úti, ið hildið varð uppat í, og skal tá umframt verða álíknaður skattur við serstakari líkning av inntøkuni í tíðini frá enda roknskaparársins, ið seinasta vanliga endaliga skattseting varð gjørd eftir og til hildið varð uppat, eftir reglum og stigum, sum galdandi eru fyri sama skattaár.

3. KAPITTUL
Hin skattskylduga inntøkan

§ 23. Inntøkuskattur til land og kommunu verður svarðaur árliga av inntøkuni í samsvari við reglurnar, sum eru í hesi lóg.
2. stk. Skattaárið er tað tíðarskeiðið, sum skattaálíkningin er gjørd fyri, og sum skattskyldan er miðað eftir.

§ 24. Í hesi lóg merkir inntøkuárið tað roknskaparskeið, sum hin skattskylduga inntøkan er vunnin í. Skattskylduga inntøkan verður roknað av allari inntøkuni í inntøkuárinum.
2. stk. 4) 12) 15) Inntøkuárið hjá persónliga skattskyldugum er álmanakkaárið fyri ta endaligu álíkningina. Er inntøkuuppgerðin fyri eitt styttri tíðarskeið enn eitt ár, verður útroknaða skattskylduga inntøkan umroknað soleiðis, at hon svarar til eina heilársinntøku. Hvat feløgum v.m. sambært § 1, 1. stk. nr. 8-16 viðvíkur, og sum reka sjálvstøðuga vinnu, verður skattur fyri ávíst skattaár lagdur út á inntøkuna í tí inntøkuári, sum fellur saman við ella endar í álmanakkaárinum frammanundan.
3. stk. 4) 25) Til at hava annað inntøkuár enn tað, ið feløg v.m. higartil hava nýtt til uppgerðar av skattskyldugari inntøku, krevst loyvi frá landsstýrismanninum í skattamálum frammanundan. Deyðsbúgv skulu hava sama inntøkuár sum hin deyði.
4. stk. 25) Landsstýrismaðurin kann heimila líkningarvaldinum at taka avgerð í málum um broytt inntøkuár.

§ 25. Fyri skattskylduga inntøku verður, við teimum avmarkanum og undantøkum, ið sett eru í hesari lóg, roknað alt tað, sum hin skattskyldugi í inntøkuárinum (sbr. 24. §) hevur lagt inn í peningi ella peningsvirði, hetta uttan mun til um inntøkan stavar úr Føroyum ella ikki t.d.

  1. av sigling, fiskiskapi, hvalaveiðu, landbúnaði, fuglaveiði, ídnaði, handli, handverki ella aðrari vinnu ella virki, hvørjum sum er, soleiðis eisini alt, sum fingið er fyri ella er at rokna fyri endurgjald fyri vísindaliga, listaliga ella bókmentaliga starvsemi ella fyri vinnu, almenna ella privata tænastu ella hjálparveiting, hvørja sum er,
  2. burturleiga ella burturfesting av fastari ogn, leysafæ ella rættindum og lunnindum, og eisini av bústaði ella húsarúmd til vinnu í egnum húsum,
  3. 15) 85) 37) renta ella vinningur av lánsbrøvum, partabrøvum og øðrum virðisbrøvum, av útistandandi fíggjarkrøvum og av útlæntum peningi, tó ikki vinningsbýti og rentuinntøkur, sum eru fevndar av lóg um skatt av kapitalvinningi.
  4. 64) av rætti til tíðarviss gjøld, sum t.d. eftirløn, bíðipeningi, uppihaldspeningi, lívrentu, eftirseturentu, arvarentu o.t., sbr. tó § 29, nr. 26 haldi, fólka- og avlamiseftirløn, avgjaldi av ella ókeypis nýtslu av fastogn ella leysafæ o.t.,
  5. av tilfallandi vinnu, sum t.d. starvi sum skiftistjóri, avtøkustjóri o.t., eins og aðrari tilfallandi inntøku, sum t.d. studningum, gávum (sbr. tó 29. § nr. 3), inntøku av happadrátti og øðrum eydnuspæli eins og øðrum inntøkum, sum ikki ber til at telja upp í tær inntøkur, ið nevndar eru frammanfyri í 1-4.
  6. Íløgustudningur, ið veittur verður eftir lóg um "egnsudvikling" ella løgtingslóg um menningargrunn fyri ídnað, handverk og tænastufyritøkur verður tikin við í skattskyldugu inntøkuni yvir eitt 20 ára skeið, ið byrjar við tí inntøkuári, hin skattskyldugi fær studningin. Hin skattskyldugi ger sjálvur av hvussu stórur partur av studninginum verður tikin við í inntøkuna hvørt árið sær í 20 ára skeiðnum.

§ 25a. 25) Fyri skattskylduga inntøku um borð á fiskiskipi/útróðrarbáti verður roknað øll veiðiinntøka løgd inn í peningi ella peningsvirði. Bjargingarløn, løn fyri sleip og annað, sum ognast bátinum á veiðuferð, ella tá farið verður til hjálpar, kemur eisini undir reglurnar í hesi lóg.
Stk. 2. Fyri skattskylduga inntøka umborð á útróðrarbáti verður eisini roknað veiðiinntøka fyri heimaegning, sum verður latin til í mesta lagi tveir av føstu manningini á jøvnum føti við teir, sum eru úti við bátinum. Øll onnur inntøka herundir egning, sum serlig samsýning verður latin fyri, inntøka av at gera nýggja útgerð til bátin, hjálp til at røkja bátin o.a.m., og vinningur av skiparakstri gjørdur upp eftir hesi lóg, verður roknað sum inntøka á landi og ikki sum veiðiinntøka.
Stk. 3. Tá veiðiinntøkan o.a.m. sambært hesi grein, sum skal avroknast manningini eftir hesari lóg, verður gjørd upp, eru hesar treytir galdandi:

  1. Manningin er mynstrað eftir sáttmála millum Føroya Reiðarafelag og viðkomandi yrkisfelag, ella millum Meginfelag Útróðrarmanna og Báta- og Skipaeigarar.
  2. Har eingin sáttmáli er, er treytin, at minstrað verður, ella at hýra verður avtalað, eftir sáttmála millum viðkomandi reiðara ella skipaeigara og viðkomandi persón ella yrkisfelag.

Stk. 4. Tann sáttmáli ella avtala, sum umrødd er undir stk. 3, skal sum minsta mark lúka hesi krøv:

  1. Av bruttoveiðuni gongur beinleiðis søluútreiðsla, agn, heimaegning smb. stk. 2, olja, upp til 1 og 1/4 fiskipart til møguligan kokk og annað, sum kann verða avtalað í sáttmála millum manning og eigara.
  2. Av nettoveiðini uppgjørd sambært 1) fær manningin hægst 45% + frítíðarløn av einum fiskiparti. Umframt fiskipartin kann eigarin sjálvur rinda samanlagt upp til 10% av nettoveiðini til skipara, motorpassara og bestamann.

Stk. 5. 41) Um tann, ið er við føroyskum fiskiskipi, eigur part í skipinum, verður bert tann parturin av inntøkuni, sum er gjørd upp sambært reglurnar í stk. 3 og 4 og sum er sami uppgerðarháttur, sum hjá hinum av manningini, roknað sum veiðiinntøka.
Stk. 6. 41) Hjá fiskimonnum, sum eru skattskyldugir í Føroyum sambært § 1 í hesu lóg, og sum eru mynstraðir við fiskiskipum, sum ikki eru skrásett í Føroyum, og sum har fáa hýru sambært sáttmála, verður hýran lækkað, smb. § 33, nr. 17, áðrenn skattur verður álagdur sambært skattalógini.
Stk. 7. 29) 58) Strikað.

§ 25b. 25) 33) 68) 71) 88) Sum skattskyldug inntøka fyri arbeiði uttanlands verður bert roknað skattskyldug inntøka, sum hin skattskyldugi í inntøkuárinum hevur lagt inn í peningi ella peningsvirði uttanlands ella umborð á útlendskum skipi. 1. pkt. er heldur ikki galdandi fyri sendifólk Føroya uttanlands. 1. pkt. er tó ikki galdandi fyri samsýning fyri arbeiði uttanlands, sum kemur undir grein 15, stk. 4 í norðurlendska tvískattasáttmálanum.
Stk. 2. Manningin á skipum, sum eru skrásett í Føroysku Altjóða Skipaskránni FAS ella í Donsku Altjóða Skipaskránni DIS og í føroysku skipaskrásetingini annars, koma ikki undir reglurnar í stk. 1.

§ 26. Virðið á vørum og framleiðslum, sum skattgjaldarin hevur tikið út úr virki sínum til at nýta ella hava í húshaldi sínum ella til gávu, verður mett eftir keypsvirðinum á hesum vørum og framleiðslum.
2. stk. Nýtir skattgjaldarin fyri seg sjálvan bilar, skip, vognar, ross og tílíkt, sum hoyra til virki hansara, verður virðið á hesum mett til so stóran part av tí árliga kostnaðinum av teim nýttu rakstraramboðum, heruppií avskrivingar av tí, sum svarar til eginnýtsluna. Somuleiðis um vinnufólk í virkinum eisini starva í húshaldi hansara, tá verður virðið á hesum starvi mett til so stóran part av øllum starvsviðurgjaldinum hjá hesum vinnufólki, heruppií vistarhald, at hann svarar til starvið í húshaldinum.
3. stk. 12) 25) 49) Vørur á goymslu, ráevni eins og hálv- og fullvirkaðar vørur, verða taldar upp í inntøkuuppgerðina við tí keypsvirði, ávikavist framleiðsluvirði, sum vørurnar hava, tá inntøkuárið gongur út. Livandi alifiskur, herundir smolt, kemur ikki undir ásetingina í 1. pkt. Har keypsvirðið, ávikavist framleiðsluvirðið, veruliga hevur verið lægri, er loyvt at rokna við tí. Landsstýrismaðurin í skattamálum ásetir nærri reglur fyri uppgerðina.".

§ 27. 4) Ágóði av sølu ella avhending av ognum hjá hinum skattskyldugu verður roknaður fyri skattskylduga inntøku, tá søla av slíkum ognum fellur undir vinnu hansara, ella tá hann hevur keypt ognarlutin fyri at selja hann aftur við ágóða. Selir hin skattskyldugi fasta ogn og hevur hon verið ogn hansara styttri enn 2 ár, má ætlast, at hann hevur ognast hana til tess at selja aftur við ágóða, uttan prógvað verður, at so var ikki.

§ 28. Løn og onnur samsýning samb. starvssáttmála millum arbeiðsgevara og løntakara, sum liður í vanligu arbeiðsgongd arbeiðsgevarans, og sum fellur til gjaldingar aftan á avvarðandi vinnuskeið, er skattskyldug í tí inntøkuári, hon er útgoldin. Er lønin ella samsýningin ikki útgoldin við endan á tí álmanakkaári, sum kemur beint aftaná tað álmanakkaár, har løntakarin hevur vunnið sær endaligan rætt til hana, skal hon tó takast við sum skattskyldug inntøka í hesum seinna álmanakkaárinum.
2. stk. Reglurnar frammanfyri verða at nýta samsvarandi, viðvíkjandi aðrari A-inntøku enn løn.
3. stk. 3) Heldur skattskylda løntakarans uppat, er tann inntøkan, sum nevnd er í 1. og 2. stk. í seinasta lagi skattskyldug, tá skattskyldan heldur uppat. Reglan í 1. punktum er galdandi, sjálvt um løntakarin síðani verður avmarkað skattskyldugur.
4. stk. 25) Landsstýrismaðurin í skattamálum hevur heimild at áseta, at A-inntøka av ávísum slag ikki skal koma undir reglurnar í 1. og 2. stk., soleiðis at hon verður skattskyldug í tí ári, hon er vunnin, smb. 25. §. Serstakar reglur verða at galda fyri frítíðarløn, sum landsstýrismaðurin í skattamálum ásetir við kunngerð.

§ 29. Til skattskylduga inntøku teljast ikki:

  1. 12) vinningur av sølu av ognum hjá hinum skattskylduga í tann mun, hann ikki sambært øðrum reglum í skattalóggávuni skal teljast við í skattskyldugu inntøkuna,
  2. ognarvøkstur, sum stavar av tí, at óseldir ognarlutir hjá hinum skattskylduga hækka í virði - eins og ognarminking av tí, at teir lækka í virði, heldur ikki má verða drigin frá inntøkuni, sbr. tó 26. §, 3. stk.,
  3. 11) 25) 37) gávur, sum hin skattskyldugi hevur fingið frá hjúnafelaga, avkomi, foreldrum (heruppií eisini ættleiðingarforeldrum) ella abba ella ommu, samanber tó § 5, stk. 4 í hesi løgtingslóg, somuleiðis ognarvøkstur, ið stavar frá arvi og greiðslu frammanundan burtur av arvi, falnum ella ófalnum, ella av tí at eftirsitandi hjúnafelagin tekur við felagsbúgvi til at sita í óskiftum búgvi,
  4. ognarvøkstur, ið stavar av giftu,
  5. útgoldin lívstryggingarpeningur og tílíkt, eins og endurgjald sambært vanlukku-, avlamis- og sjúkratrygging, tá endurgjald er ikki latið sum tíðarviss gjøld ella sum endurgjald fyri mista vinnuinnløgu,
  6. útgoldið endurgjald sambært trygging av fastogn ella leysafæ, uttan so at søluvirðið, um hesir ognarlutir høvdu verið seldir, átti at teljast upp í ta skattskyldugu inntøkuna,
  7. 88) gjøld, sum hitt almenna hevur fyriskipað einans til at gjalda kostnað av almennum ella embætisligum starvi, tá tey ikki innihalda nakra samsýning fyri vinnu, og somuleiðis tilsvarandi gjøld, ið loyvishavandi og privat virki rinda. 1. pkt. fevnir eisini um útiviðbót, heimflytingarviðbót og útreiðslur til búseting hjá sendifólki Føroya, umframt aðrar líknandi útreiðslur, sum eru at meta sum fulnaður fyri meirútreiðslur, sum standast av tænastuni uttanlands.
  8. 28) vinningur av burturluting v.m., jvb. løgtingslóg um gjald av vinningi við burturluting v.m.,
  9. tann partur av teirri samsýning fólkatingsmenn eiga, sum eftir ríkislóg er kostnaðarviðbót, og tann kostnaðarviðbót, sum eftir løgtingslóg verður veitt løgtingsmonnum eftir bústaði,
  10. 2) 17) sømdarpeningur goldin sambært lóg nr. 93 frá 20. mars 1940 um "udbetaling af hædersgaver til danske sømænd og fiskere og deres efterladte", sømdarpeningur sambært lóg nr. 383 frá 9. august 1945 um "visse hædersgaver til danske søfarende og fiskere og deres efterladte", og sømdarpeningur goldin sambært §§ 37-43 í lóg nr. 475 frá 1. oktober 1945 um "erstatning til besættelsestidens ofre". Sømdarpeningur eftir hesi áseting umfatar eisini eyka sændarpening sambært lóg nr. 314 frá 17. mai 1995 um "udbetaling af en ekstraordinær hædersgave i anledning af 50-året for Danmarks befrielse",
  11. virði av vistarhaldi hjá sjófólki umborð,
  12. 4) sømdar- og heiðurspeningur, sum veittur verður uttan umsókn, tó undantiknar fastar árligar veitingar. Studningur, sum tað almenna ella góðkendir gávufægrunnar og aðrir grunnar lata lesandi og lærlingum, styrkveiting sambært játtan á løgtingsins fíggjarlóg og styrkveiting úr hjálpargrunninum til óarbeiðsførar fiskimenn,
  13. 5) 28) 31) 33) 35) 39) 46) 70) 73) 79) 81) 82) 90) 97)
    a) Grundupphædd av fólkapensjón eftir § 2, stk. 1, nr. 1, grundupphædd av fyritíðarpensjón eftir § 2, stk. 1, nr. 2-4, avlamisviðbót eftir § 2, stk. 3, eyka viðbót eftir § 2, stk. 4, avlamisveiting eftir § 8 a, barnaviðbót eftir § 10, hjálparviðbót og røktarviðbót eftir § 11, persónlig viðbót eftir § 12 og aldursviðbót eftir § 45 í løgtingslóg um almannapensjónir o.a.
    b) Veitingar eftir løgtingslóg um viðbót til ávísar pensjónistar v.fl.
    c) Veitingar eftir §§ 15-19, § 24 og §§ 26-30 í løgtingslóg um almannatrygd og tænastur.
    d) Veitingar eftir § 7, § 12, stk. 3, 4 og 9 og § 19 í løgtingslóg um arbeiðsfremjandi tiltøk.
    e) Barnagjald, hækkað barnagjald og onnur serlig gjøld eftir lóg um rættarstøðu barnanna uttan mun til, um tey verða goldin av gjaldskylduga ella sambært løgtingslóg um barnagjald
    til einsamallar uppihaldarar o.a.
    f) Veitingar eftir løgtingslóg um familjuískoyti.
  14. tað sum útgoldið verður limunum í teimum í 1. § nr. 11 nevndu keypssamtøkum í mun til tað, teir hava keypt av vørum og tænastum,
  15. 6) 37) (sett úr gildi)
  16. 4) 31) (sett úr gildi)
  17. 2) gávur, ið stava frá innsavningum, treytað av, at gávan er eingangsveiting og verður latin sum hjálp til persónar, ið hava mist forsyrgjara av vanlukkuávum ella líknandi hendingum.
  18. 21) rentustuðul sambært løgtingslóg um stuðul til rentuútreiðslur av lánum.
  19. 24) Stuðul sambært løgtingslóg um stuðul til telefonútreiðslur hjá langfarasjómonnum, løgtingslóg um stuðul til uppihaldspening, løgtingslóg um stuðul til arbeiðsmarknaðargjøld, løgtingslóg um stuðul til dupult húsarhald og løgtingslóg um stuðul til ferðaútreiðslur.
  20. 28) Privata nýtsluvirðið av teldu við útbúnaði, sum arbeiðsgevari hevur latið løntakara at ráða yvir í samband við arbeiði,
  21. 28) Gjøld, sum starvandi umborð á flogfari fáa útgoldið sum endurgjald fyri kostnað av hesum starvi. Landsstýrismaðurin ásetir í kunngerð upphæddirnar á hesum gjøldum,
  22. 28) Virðið á fríari ferð og fríum bústaði hjá persóni, sum ikki hevur bústað í Føroyum, og sum er í bráðfeingis arbeiðsørindum í Føroyum. Við bráðfeingis arbeiðsørindum skilst dvølur innan fyri eitt 12 mánaðar tíðarskeið í styttri enn 180 dagar uttan mun til, um persónurin hevur verið burtur ímillum ella ikki,
  23. 29) innskot, sum fer til grunsfæ ella hækking av grunsfæi í vinnurekandi grunnum sambært lóg nr. 286 frá 6. juni 1984 om erhvervsmæssige fonde, smb. kongligari fyriskipan nr. 247 frá 3. mai 1993 om ikrafttræden for Færøerne af lov om erhvervsmæssige fonde, Framtaksgrunni Føroya og Fíggingargrunninum frá 1992. Til skattskyldugu inntøkuna teljast tó innskot í grunnar, hvørs fæ verða brúkt til útluting, ella um so er, at viðtøkur grunsins áseta, at grunsfæið eftir nærri tilskilaðari tíð skal brúkast til útluting ella innskot í grunnar, hvørs viðtøkur geva limum av einari ávísari ætt ella ávísum ættum framíhjárætt til veitingar úr grunnunum ella framíhjárætt til ávís størv.
  24. 35)
    a) Upphædd, sum "Garantifonden for indskydere og investorer" rindar stovni, nevndum í § 3 í lóg um "garantifond for indskydere og investorer", til heilt ella lutvíst at javna roknskaparligt hall í sambandi við avhendan av aktivum og passivum frá einum stovni til annan. Tann parturin av hallinum, sum stovnurin fær fulnað fyri við útgjaldinum ella ábyrgd frá "Garantifonden for indskydere og ivnestorer", kann tá ikki roknast sum partur av útveganarvirðinum fyri aktivini hjá stovninum, sum yvirtekur hesi aktiv.
    b) Um "Garantifonden for indskydere og investorer" hevur goldið út upphæddir, umrøddar her, ella stilla trygd, sum kann føra til útgjalding av slíkum upphæddum, og stovnurin, sum avhendir aktiv, byrjar nýtt virksemi, kann hall fyri eldri inntøkuár ikki dragast frá í skattskyldugu inntøkuni fyri avvarðandi ella fylgjandi ár. Somuleiðis kann hall fyri avvarðandi ár ikki dragast frá í skattskyldugu inntøkuni fyri seinni ár.
  25. 59) Stuðul sambært løgtingslóg um stuðul til bygging og umvæling av egnum bústaði.
  26. 64) Eftirløn o.t., sum er skattað eftir løgtingslóg um skatt av rentutryggingum v.m. í samband við inngjald.
  27. 66) 68) Virðið av fríari ferð millum bústað í Føroyum og arbeiðsstað uttanlands.
  28. 72) Privata nýtsluvirðið av telefon og telesamskifti, sum arbeiðsgevari hevur latið løntakara at ráða yvir í samband við arbeiði.
  29. 73) 97) Samsýning í reiðum peningi, sum Deildin fyri Arbeiðs- og Almannaheilsu letur børnum í sambandi við heilsukanningar, umframt gjald til vistarhald og klæði til barnið, sbrt. § 1, stk. 2, og lummapeningur til barnið, sbrt. § 1, stk. 3 í kunngerð um samsýning til fosturforeldur.
  30. 78) seyður, sum verður givin sum samsýning fyri fjallgongu og røkt.
  31. 94) inntøka frá heimavirki. Sum heimavirki eftir 1. pkt. er at skilja heimavirkisvirksemi, sum hevur ein árligan umsetning á í mesta lagi kr. 50.000.

§ 29a. 28) 56) Toll- og Skattaráð Føroya kann eftir umsókn loyva, at persónur undir fullari skattskyldu til Føroya verð­ur frítikin fyri inntøkuskatt av løn og aðrari samsýning, vunnin fyri arbeiði, sum stovnur, ið fremur altjóða menningarsamstarv, skipar fyri og fíggjar, um so er, at arbeiðið fyri lønina og samsýningina er gjørt í einum menningarlandi, og persónurin er útsendur av slíkum stovni.
Stk. 2. Persónur, sum verður útsendur og løntur av fyritøku, ið hevur gjørt avtalu við stovn, ið fremur altjóða menningarsamstarv, er eisini fevndur av stk. 1.
Stk. 3. Landsstýrismaðurin kann í kunngerð áseta nærri reglur fyri skattafrítøku eftir hesi grein, og fyri hvørji skjalprógv o.a. skulu viðleggjast umsóknini.
Stk. 4. 46) Avgerðir hjá Toll-og Skattaráð Føroya eftir stk. 1 og stk. 2 kunnu innan 4 vikur kærast til Skatta - og Avgjaldskærunevndina. Kæran skal vera skrivlig og grundgivin. Freistin verður roknað frá tí degi, at kærarin hevur fingið fráboðan um avgerðina.

§ 29 b. 56) 71) 96) Til ta skattskyldugu inntøkuna telist ikki samsýning til dómarar, linjuverjar, umframt til venjarar innan ítróttina, og leiðarar, hjálparar hjá ítróttafeløgum, um samsýningin ikki fer upp um kr. 50.000 um árið.
Stk. 2. Persónar, sum fáa samsýning eftir reglunum í stk. 1, kunnu ikki samstundis fyri sama virksemi fáa skattafríar veitingar eftir § 29, nr. 7 í hesi lóg uttan so, at talan er um ferðing uttanlands í arbeiðsørindum.
Stk. 3. Tann, sum rindar út samsýning eftir reglunum í stk. 1, skal rinda samsýningina um eitt av lands­stýrinum góðkent avrokningarstað eftir reglunum í § 63 í hesi lóg.

§ 30. 5) 26) 28) 30) 37) (sett úr gildi)

§ 30a. 31) (sett úr gildi)

§ 30b. 61) 76) 77) Inntøka frá fiskivinnu verður áløgd ein tilfeingis/loyvisskatt á 7% av skattskyldugari inntøku, hægri enn 1.000.000 kr. Tilfeingis/loyvisskatturin tilfellur landskassanum.
Stk. 2. 77) Skattskyldug, sbrt. stk. 1, hava skyldu at fyribilsskráseta seg við inntøku frá fiskivinnu í seinasta lagi 1. oktober í inntøkuárinum.
Stk. 3. Í skattaroknskapinum hjá teimum, sum hava inntøku eftir stk. 1, skal serstøk uppgerð gerast fyri tilfeingis/loyvisskattin, sbr. tó stk. 4. Landsstýrismaðurin kann í kunngerð áseta nærri reglur hesum viðvíkjandi. Uppgerðin verður latin inn saman við sjálvuppgávuni.
Stk. 4. Hjá teimum, sum hava skattskylduga inntøku eftir stk. 1 á 1.000.000 kr. ella lægri, er ikki neyðugt at gera serstaka uppgerð eftir stk. 3.
Stk. 5. Tilfeingis/loyvisskatturin fellur til gjaldingar í 3 gjøldum, 1. oktober, 1. november og 1. desember í inntøkuárinum við gjaldfreist til 20. í mánaðinum. Verður skatturin eftir stk. 1. og 2. ikki goldin rættstundis, verður renta roknað við 0,7% fyri hvønn byrjaðan mánað frá gjalddegnum.
Stk. 6. Av avlopsskatti, ið stavar frá inngjaldi eftir hesi grein, verður einki endurgjald latið.
Stk. 7. 63) 69) 76) 80) Ásetingarnar í hesi grein hava virknað fyri inntøkuárið 2015.

§ 31. 5) Tá skattskyldug inntøka verður uppgjørd, skal frá inntøkuni verða drigin rakstrarkostnaður, tó ikki rakstrarkostnaður, ið persónar skattskyldugir eftir § 1 í hesi lóg hava, og ið stendst av at vinna A-inntøku og inntøku av persónligum arbeiði í tænastu fyri onnur, jbr. § 57, stk. 2, § 60 og § 62 í hesi lóg. Rakstrarútreiðslur t.e. tær útreiðslur, sum í árinum ganga til at vinna inntøkurnar, tryggja tær og halda teimum við, so sum

a) eftirlønir ella tilskot til eftirløningar teirra, sum starva ella hava starvað í vinnu skattgjaldarans,
b) gjald til yrkisfeløg fyri vinnurekandi,
c) útreiðslur til umvælingar, tryggingar og umsitingar av húsum, skipum, maskinum, innbúgvi og øðrum rakstraramboðum, sum hin skattskyldugi hevur nýtt í virki sínum, tó ikki meira enn nýtt er til at bøta um slit og brek, sum á er komið eftir tað, at hann hevur fingið sær nevndu rakstraramboð,
d) 6) 71) peningur, sum í útgerðarstarvi á sjónum verður lagdur niðurfyri til klassingar og umvælingar av skipi. Hesar avsetingar tilsamans kunnu í mesta lagi verða 10 % av tí fyrstu 1.000.000 kr. av útveganarvirðinum og 5 % av útveganarvirðinum omanfyri 1.000.000 kr. og kunnu bert verða gjørdar undir einum av vinningi í rakstri skipsins áðrenn gjørdar avskrivingar. Avsetingarnar skulu inntøkuførast aftur í seinasta lagi 4. inntøkuár aftaná avsetingarárið ella tað árið, skipið verður latið av hondum. Avsetingarnar skulu inntøkuførast aftur í seinasta lagi 4. inntøkuár aftaná avsetingarárið, ella tað árið, skipið verður latið av hondum ella fer undir tonsaskatt.
e) 12) árlig avskriving skipað við serligari lóg.

2. stk. 12) Um ein persónur, sum er skattskyldugur sambært § 1, hevur gjørt skattligar avskrivingar ella avsetingar í íløgugrunn og skattskylduga inntøkan er lægri enn skattliga uppgerðin av eginnýtsluni smbr. 3. stk., verður skattskylduga inntøkan sett ájavnt skattligu uppgerðina av eginnýtsluni. Hækkingin av skattskyldugu inntøkuni skal tó ongantíð fara upp um samlaðu avskrivingarnar og avsetingina í íløgugrunn.
3. stk. 12) 25) Landsstýrismaðurin í skattamálum ásetur nærri reglur um, hvussu eginnýtslan skal gerast upp.
4. stk. 12) Skattligu avskrivingarnar í 2. stk. fevna ikki um avskrivingar, sum eru bundnar til tað ávísa árið, og sum verða mistar, um tær ikki verða gjørdar í tí árinum.
5. stk. 12) Skattskyldugur persónur, hvørs inntøka er hækkað sambært regluni í 2. stk., missir tó ikki hesar avskrivingar v.m., tí hesar verða mettar, sum ikki gjørdar tað árið, inntøkan verður hækkað.
6. stk. 12) 25) Tá skattliga eginnýtslan hjá hjúnum verður gjørd upp, verður inntøkan hjá hjúnunum fyri alt inntøkuárið og ogn og skuld við árs byrjan og enda tikin við.

§ 32. Annars skulu, tá inntøkan verður uppgjørd, dragast frá útreiðslur til royndar- og granskingarvirksemi, sum hin skattskyldugi hevur havt, áðrenn sjálv vinnan er byrjað. Hesar útreiðslur kunnu dragast frá skattskyldugu inntøkuni tað árið, vinnan er byrjað, og tey næstu 3 inntøkuárini. Hin skattskyldugi ger sjálvur av, hvussu stórur partur av útreiðslunum verður drigin frá inntøkuni hvørt árið sær. Útreiðslur til royndar- og granskingarvirksemi í sambandi við ráevni í undirgrundini koma ikki undir hesar reglur.

§ 33. 5) Annars skal, tá inntøkan verður uppgjørd, dragast frá,

  1. 84) 11) 25) 98) Rentuútreiðslur av íløguskuld og rakstrarskuld í sambandi við vinnuvirki og negativ renta av innistandandi hjá vinnuvirki, útreiðslur til provisión, stovningarprovisión ella premiu í sambandi við lántøku ella ábyrgd til vinnuvirki. Frádráttur fyri rentuútreiðslur er tó treytaður av, at renturnar eru komnar til gjaldingar aftan á 31.12.1994. Rentuútreiðslur, sum eru komnar til gjaldingar í einum inntøkuári, og sum skattgjaldari hevur drigið frá, men ikki hevur goldið við endan av næstkomandi inntøkuári, verða inntøkuførdar fyri tað álmanakkaárið, renturnar eru komnar til gjaldingar. Rentuútreiðslurnar metast at verða goldnar, um so er, at tær av einum peningastovni, eru afturatskrivaðar kassakredittinum ella líknandi leypandi viðurskiftum, uttan at kreditturin hervið fer upp um hámarkið, sum avtalað varð pr. 1. januar í tí álmankkaárinum, ella við byrjan av roknskaparskeiðinum, sum kemur beint aftan á tað álmanakkaár ella roknskaparskeið, um rentan varð tilskrivað. Landsstýrismaðurin í skattamálum kann við kunngerð áseta neyvari reglur fyri, hvat er at skilja við, at rentan er goldin.
  2. 84) 91) tá ið skattgjaldari veitir lán til eitt virki við vinnuligum endamáli ella gevur ábyrgd til banka ella annan áognara fyri vinnuvirki og av hesi orsøk er fyri tapi, er honum loyvt at draga hetta tap frá í skattskyldugu inntøkuni, sbr. § 33 a. Hetta er tó bert galdandi fyri lán og ábyrgd, avtalað áðrenn 3. desember 1994.
  3. 12) 25) útreiðslur til ferðing, umboðan, lýsingar o.t., sum í sambandi við vinnuvirki standast av at selja vørur og tænastur í inntøkuárinum og seinni inntøkuár. Landsstýrismaðurin í skattamálum hevur heimild til at áseta nærri reglur viðvíkjandi krøvum til skjalprógv og útgreinan av nevndu útreiðslum og kann áseta loyvdar upphæddir til vistarhald.
  4. 12) gjald til sjálvbodna dagpeningaskipan fyri skattskyldugar einstaklingar, sum reka sjálvstøðugt vinnuvirki,
  5. 11) 86) 49) 91) Strikað
  6. 21) (Sett úr gildi)
  7. 21) (Sett úr gildi)
  8. Útreiðslur til onnur leypandi gjøld til persónar, ið búgva her á landi, sum t.d. hald og uppihaldspeningur, ið skattgjaldarin hevur bundið seg til at reiða út, tó bert um tey eru at rokna fyri viðurlag fyri fíggjarliga veiting, ið skattgjaldarin hevur fingið, tá skuldbindingin varð stovnað.
  9. 3) 5) 84) 25) 55) Strikað
  10. 13) 25) Persónar, som koma undir regluna í § 2, litra a og b, og sum búgva í Danmark/ Finlandi/ Grønlandi/ Íslandi/ Noregi ella Svøríki og sum undir bráðfengis dvøli í Føroyum arbeiða í Føroyum í mesta lagi 100 dagar í sama álmanakkaári, verða bert skattaðir í Føroyum av tí parti av inntøkuni sum fer uppum eina upphædd, sum sambært galdandi reglum er neyðugt til teirra uppihald, treytað av, at arbeiðið er skipað innan karmarnar hjá norðurlendskum ætlanum um umbýti av praktikk og frítíðararbeiði, og at arbeiðið er skipað gjøgnum Nordjobb. Upphæddir, sum verða hildnar neyðugar til uppihald verða ásettar av landsstýrismanninum í skattamálum fyri eitt ár og verða minkaðar í mun til longdina av dvølinum í Føroyum og alt álmanakkaárið.
  11. 84) 21) (Sett úr gildi)
  12. 1) 84) 25) 68) Partur av meirútreiðslum til kost, húsaleigu, ferðir og flutning, sjúkra- og vanlukkutryggingar, ið skattgjaldari hevur vegna inntøkugevandi arbeiði í útlondum ella umborð á útlendskum skipum, tó ikki inntøkur fevndar av § 25 b, stk. 1.Frádrátturin er treytaður av, at dvølurin uttanlands er vegna arbeiði, og at dvølurin uttanlands innan fyri eitt 12 mánaða tíðarskeið antin er 2 mánaðir uttan slit, ella í minsta lagi 100 samdøgur innan fyri eitt 12 mánaðar tíðarskeið. Landsstýrismaðurin í skattamálum ásetir við kunngerð frádráttarupphæddina og neyvari reglur fyri, hvussu frádrátturin verður veittur. Frádráttirnir eftir hesum reglum kunnu tilsamans ongantíð verða størri enn skattskylduga uttanlandsinntøkan.
  13. 84) 21) 25) 68) 81) 30% av skattskyldugari inntøku, sum er fevnd av § 25b, stk. 1, tó í mesta lagi kr.120.000.
  14. 86) 21) 33) Skattgjaldari, sum arbeiðir hjá føroyskum virki, har meginparturin av arbeiðinum verður gjørt í Føroyum fyri síðani at verða latið og sett upp uttanlands, men har sjálvt arbeiðið uttanlands ikki tekur so langa tíð, at treytirnar í nr. 12 eru loknar, kann eftir umsókn fáa frádrátt fyri part av meirútreiðslum til kost, húsaleigu, ferða- og flutningsútreiðslur, meirútreiðslur til sjúkra- og vanlukkutryggingar í sambandi við tann partin av arbeiðinum, sum verður gjørt uttanlands. Landsstýrismaðurin ásetir frádráttarupphæddina og neyvari reglur fyri, hvussu frádrátturin verður veittur
  15. 15) 21) 32) 35) (sett úr gildi)
  16. 32) 35) (sett úr gildi)
  17. 41) 50) 68) 14% av veiðiinntøkuni og annað mangt, gjørt upp eftir § 25 a, stk. 3-6, tó ikki veiðuinntøka, sum eisini er fevnd av § 25b, stk. 1. Tann parturin av inntøkuni frá fiskiskapi, sum er hægri enn 470.000 kr., verður ikki lækkaður.
  18. 77) Tøkugjald, rindað sbrt. § 2 í løgtingslóg um loyvisgjald á alivinnu.
  19. 92) upp til kr. 50.000 árliga av skattskyldugari inntøku hjá lærlingum. Sum lærlingur er at meta persónur, ið er fevndur av einum galdandi lærusáttmála. Talan skal vera um lærusáttmála, ið er góðkendur av Yrkisdeplinum, ella um lærusáttmála, har úbúgvingin er skipað og lønt sambært sáttmála millum fakfelag og arbeiðsgevara á føroyska arbeiðsmarknaðinum. Persónur, ið er í starvsvenjing sum partur av útbúgving síni, er ikki at meta sum lærlingur. Fevnir lærutíðin einans um ein part av inntøkuárinum, verður frádrátturin fyri inntøkuárið veittur lutfalsliga, har dagatalið sum lærlingur verður sett í mun til dagatalið í árinum. Landsstýrismaðurin kann áseta nærri reglur fyri umsókn, váttan, tíðarfreistir og annað, og í hesum sambandi eisini reglur um, at neyðugar upplýsingar og skjøl skulu latast umvegis talgildu sjálvgreiðslurnar hjá TAKS.

§ 33a. 91) Vísir skattauppgerðin hall, kann hetta verða drigið frá í skattskyldugu inntøkuni fylgjandi árini. Hall kann tó bert flytast fram til frádrátt eitt seinni inntøkuár, í tann mun tað ikki er rúm fyri tí í skattskyldugu inntøkuni eitt fyrri ár.
Stk. 2. Hall hjá einum felag fellur burtur, um ikki minst 50 prosent av partapeninginum o.a. ella atkvøðuvirðinum í felag, fevnt av vinnufelagalógini, eru á somu hondum við byrjan av tí inntøkuári, hallið ætlandi verður flutt til, sum
tey vóru við endan av tí inntøkuári, tá hallið varð staðfest. Hallið í 1. pkt. fellur tó ikki burtur um felagið, tá skiftið í eigaraviðurskiftunum fór fram, hevði vinnuligt virksemi av týdningi við búskaparligum váða.
Stk. 3. Um skuld fellur burtur ella minkar, skal hallið lækkast samsvarandi. Verður skuld umløgd til partapening, verður hallið lækkað við tí upphædd, sum svarar til munin á áljóðandi virði og kursvirði á umløgdu skuldini umbýtisdagin. Lækkingarupphæddin verður minkað við tí inntøkuparti, sum stendst av frígivnu skuldini, og sum er skattskyldugur.

§ 34. 25) Skattligar avskrivingar av ognarlutum, sum verða nýttir í vinnuvirki hjá øðrum hjúnafelaganum, verða gjørdar av hesum, hetta uttan mun til, um hann sjálvur ella hin hjúnafelagin er ánari.
2. stk. Flytur annar hjúnafelagin ognir til hin hjúnafelagan til nýtslu í vinnuvirki hansara, skal vinningur ella hall ikki teljast við í skattskyldugu inntøkuni hjá fyrrnevnda.
3. stk. Aftan á yvirflyting verða ognirnar avskrivingarliga og viðvíkjandi vinningi/halli viðgjørdar, sum um tær vóru útvegaðar av móttakaranum tá og fyri somu peningahædd, sum tær í sínari tíð vórðu útvegaðar fyri og verða fyrr gjørdar avskrivingar mettar, sum gjørdar av honum.
4. stk. Uttan mun til fyriskipanirnar í 2. stk. verða reglurnar í 31. § í avskrivingarlógini galdandi, um ognirnar við yvirflyting til hin hjúnafelagan verða fluttar til aðra nýtslu.

§ 35. 55) Strikað

§ 35a. 6) 56) Tá skattskyldug inntøka verður gjørd upp, verður sølupeningur fyri „goodwill“ og aðrar immateriellar ognir, sum verða nýtt vinnuliga, tikin við sum skattskyldug inntøka søluárið.
Stk. 2. Keypspeningur fyri goodwill og aðrar immateriellar ognir jbr. stk. 1, kann dragast frá í skattskyldugu inntøkuni við eins stórum upphæddum keypsárið og 9 næstkomandi árini. Fevnir ein rættur o.t. um eitt ávíst tíðarskeið, skal keypspeningurin tó verða drigin frá við eins stórum upphæddum yvir alt tíðarskeiðið.
Stk. 3. Keypspeningur fyri goodwill og aðrar immateriellar ognir sambært stk. 1, ið ikki er drigin frá í skattskyldugu inntøkuni, kann dragast frá í sølupeninginum av somu ognum, ella dragast frá tað árið, virkið heldir uppat. Eru ognirnar framhaldandi ogn hjá virkinum, kunnu tær dragast frá yvir 10 ár eftir reglunum í stk. 2.“
Stk. 4. Móttøka og avhending av ognarlutum sum gáva ella arvaforskot verður javnmett við keyp og sølu. Flytur skattgjaldari ognarlut frá vinnuligari nýtslu til eginnýtslu ella frá eginnýtslu til vinnuliga nýtslu, verða slíkir flutningar javnmettir við sølu. Keypspeningurin og sølupeningurin er virðið í vanligum handli um avhendingarmundið.

§ 35b. 38) Sølupeningur fyri øll rættindi eftir lógini um vinnuligan fiskiskap, tó ikki veiðiloyvi, verður inntøkuførdur søluárið.
Stk. 2. Keypspeningurin fyri rættindi, sum eru fevnd av stk. 1, verður útreiðsluførdur keypsárið.
Stk. 3. Fevnir avtalan um rættindi fyri eitt ávíst tíðarskeið, sum er longri enn eitt ár, kann seljarin býta sølupeningin á avvarðandi tíðarskeið. Sama er galdandi fyri keypspeningin hjá keyparanum.

§ 36. Keypssamtøkur, sum eru skattskyldugar sbr. 1. §, nr. 11, kunnu, tá skattskyldug inntøka verður uppgjørd, draga frá afturberingina, sum verður útgoldin limunum í mun til tað, teir hava keypt av vørum og tænastum.

§ 37. Upp í skattskyldugu inntøkuna hjá partafelagi verður ikki taldur vinningur av virðishækking, tá partafelagið gevur út partabrøv ella veksur um partapeningin.
2. stk.48) (Sett úr gildi)

§ 37a. 48) 91) Skattskyldug, sum

  1. útlendskir likamligir ella løgfrøðiligir persónar hava ræði á, ella
  2. hava ræði á løgfrøðiligum persónum, ella
  3. eru í samtaki við løgfrøðiligan persón, ella
  4. hava fastan rakstrarstað uttanlands, ella
  5. eru at rokna sum útlendskur likamligur ella løgfrøðiligur persónur við føstum rakstrarstaði í Føroyum, skulu í sambandi við uppgerð av skattskyldugu inntøkuni nýta teir prísir og tær treytir í handilsligu ella búskaparligu viðurskiftum sínum við áðurnevndu likamligu og løgfrøðiligu persónar og føstu rakstrarstaðir, sum høvdu verið nýttir, um talan var um viðurskifti millum óheftar partar.

2. stk. 91) Stk. 2. Við ræði í stk. 1, nr. 1 er at skilja, at likamligir ella løgfrøðiligir persónar beinleiðis ella óbeinleiðis eiga meira enn 50% av partapeninginum ella innskotspeninginum ella hava ræði á meira enn 50% av atkvøðunum í felagnum. Tá mett verður, um tann skattskyldugi hevur avgerandi ávirkan á ein løgfrøðiligan persón, ella um avgerandi ávirkan verður útint á skattskylduga av einum løgfrøðiligum ella einum likamligum persóni, verða partabrøv og atkvøðurættindi sum samtaksfeløg eiga, persónlig eigarapartabrøv og teirra nærstandandi o.o. roknað uppí. Hetta er eisini galdandi fyri eigarapartar og atkvøðurættindi, sum eru tillutað øðrum eigarum, sum eigarin hevur eina avtalu við um felags avgerandi ávirkan. Stk. 1, nr. 1 fevnir eisini um feløg, har útlendskir likamligir ella løgfrøðiligir persónar í samtaki ella saman við nærstandandi eiga meira enn 50% av partapeninginum ella innskotspeninginum ella hava ræði á meirilutanum av atkvøðunum í felagnum. Við ræði í stk. 1, nr. 2 er at skilja, at skattskyldugi, beinleiðis ella óbeinleiðis ella saman við nærstandandi, eigur meira enn 50% av partapeninginum ella innskotspeninginum ella hevur ræði á meira enn 50% av atkvøðunum í felagnum. Við skattskyldug í samtaki við løgfrøðiligan persón, sbrt. stk. 1, nr. 3, er at skilja, at somu eigarar hava ræði á feløgunum. Ræði í 6. pkt. skal skiljast eins og ræði í 5. pkt. Við nærstandandi hjá tí skattskylduga er at skilja, at hetta umfatar hjúnafelaga, foreldur, ommur og abbar, børn, ommubørn og abbabørn og hjúnafelagar teirra ella deyðsbúgv hjá omanfyrinevndu persónum. Stjúkbarnaviðurskifti og ættleiðingarviðurskifti eru at javnmeta við ættarsambond. 
3. stk. Ein løgfrøðiligur ella likamligur persónur verður mettur at vera útlendskur, um persónurin er heimahoyrandi í Danmørk, Grønlandi ella einum fremmandum landi, herundir eftir ásetingunum í einum tvískattasáttmála.
4. stk. 77) Í sambandi við, at álíkningin av tí skattskyldugu inntøkuni verður broytt, sambært stk. 1, kann skattskyldugi sleppa undan øðrum fylgjubroytingum við at binda seg til gjalding í samsvari við prísir og treytir nevnd í stk. 1. 1. pkt. er tó einans galdandi fyri viðurskifti, fevnd av § 118a, við atliti at føstum rakstrarstøðum, likamligum og løgfrøðiligum persónum, sum eru uttanland, sum viðkomandi útlendski skattamyndugleiki skattar í samsvari við teir prísir og tær treytir, sum eru nýtt við álíkningina av tí skattskyldugu inntøkuni, sambært stk. 1.

§ 37b.48) Um eitt felag,

  1. sum er fevnt av § 1,
  2. 77) hevur skuld til likamligan ella løgfrøðiligan persón, sum er nevndur í § 118a, stk. 1, og
  3. felagsins fremmandakapitalur (skuld) sæð í mun til felagsins eginkapital við inntøkuársins enda er størri enn lutfallið 4:1,

kunnu rentuútreiðslur og kurstap av tí partinum av tí kontrolleraðu skuldini, sum er størri enn lutfallið 4:1, ikki dragast frá skattskyldugu inntøkuni eftir hesi lóg ávikavist kapitalvinningsinntøkuni eftir kapitalvinningsskattalógini. Kurstap kann tó dragast frá í kursvinningi upp á sama lán tey eftirfylgjandi inntøkuárini. Lán frá triðjamanni, sum tann í § 118a, stk.1 nevndi eigaraskari ella feløg í samtaki við hendan beinleiðis ella óbeinleiðis hava veitt trygd fyri, verður mett sum skuld, fevnd av 1. pkt. Frádráttaravmarkingin fellur burtur, um felagið sannar, at líknandi fígging kann fáast til vega millum óheftar partar.
2. stk. Sum skuld verður roknað skuld sambært fíggjarkrøvum, sum eru fevnd av kapitalvinningsskattalógini eins og av umbýtiligum lánsbrøvum. Skuldin verður gjørd upp sum kursvirðið við inntøkuársins enda.
3. stk. Eginkapitalurin verður við inntøkuársins enda gjørdur upp sum virðið á aktivum, uppgjørd til handilsvirði við frádrátti fyri skuld eftir stk. 2. Eginkapitalur, sum er innskotin av likamligum ella løgfrøðiligum persóni, sum er nevndur í § 118 a, stk. 1, verður einans roknaður við í tann mun, hann verður verandi í felagnum í minsta lagi í 2 ár.
4. stk. 77) 91) Eru fleiri feløg í samtaki undir ræði, sbr. stk. 5, verða reglurnar í stk. 1-3 samlað nýttar upp á ogn og skuld í hesum feløgum, og sæð verður burtur frá partabrøvunum hjá feløgum í øðrum feløgum, sum eru partar av samlaðu uppgerðini, eins og sæð verður burtur frá skuld og krøvum millum hesi.
5. stk. Við feløg í samtaki verður skilt:

  1. feløg v.m., har sami eigaraskari beinleiðis ella óbeinleiðis eigur meira enn 50% av partapeninginum í hvørjum felag, tá skuldin verður keypt ella seinni,
  2. feløg v.m., har sami eigaraskari beinleiðis ella óbeinleiðis hevur ræði á meira enn 50% av atkvøðunum í hvørjum felag, tá skuldin verður keypt ella seinni,
  3. ein grunnur ella felag, har grunnurin beinleiðis ella óbeinleiðis eigur meira enn 50% í hvørjum felag, tá skuldin verður keypt ella seinni, ella
  4. ein grunnur ella felag, har grunnurin beinleiðis ella óbeinleiðis hevur ræði á meira enn 50% av atkvøðunum í hvørjum felag, tá skuldin verður keypt ella seinni.

Partabrøv, sum

a) hjúnafelagi,
b) foreldur,
c) omma og abbi,
d) børn,
e) barnabørn,
f) hjúnafelagi hjá børnum ella barnabørnum ella
g) deyðsbúgv eftir teir í litra a-f nevndu persónar

eiga ella hava átt, verða í metingini av eigaraskaranum síðustillað við eigarans partabrøv v.m. Hartil verða partabrøv, sum hoyra til feløg, grunnar v.m., har teir í 1. pkt. nevndu persónar sum partaeigarar ella orsakað av viðtøkureglum, avtalu ella felags leiðslu hava ella hava havt eina avgerandi ávirkan á at síðustilla við partabrøv eigarans. Partabrøv, sum ein fyrrverandi hjúnafelagi hjá teimum í 1. pkt. nevndu persónum hevur, og partabrøv, sum ein núverandi hjúnafelagi hjá teimum í 1. pkt. nevndu persónum hevur avlutað áðrenn giftuna, verða tó ikki tald við. Tá ið atkvøðuparturin verður gjørdur upp, verður sæð burtur frá atkvøðum, sum einans eru fingnar til vega við avhending av atkvøðum í sambandi við, at trygd er vunnin í partabrøvum.
6. stk. Stk. 1-4 eru samsvarandi galdandi fyri partafeløg og onnur feløg, sum hava heimstað uttanlands, í tann mun tey útinna vinnu við føstum rakstrarstaði her á landi. Tá ið skuld og eginkapitalur eftir stk. 2 og 3 verða gjørd upp, inngongur einans virðið á aktivum og skuld, sum hevur samband við fasta rakstrarstaðin.

§ 38. 37) 41) Rentur av útistandandi skatti og ov seint goldnum skatti annars, ið nevndar eru í 78. § og 135. §, kunnu ikki dragast frá tí skattskyldugu inntøkuni. Renta av ov seint goldnum tolli og avgjaldi verður viðgjørd eins og renta av útistandandi og ov seint goldnum skatti

§ 39. 25) Eftirsitandi hjúnafelagi, sum valt hevur at sita í óskiftum búgv, ger í tí inntøkuári, sum andlátið var, upp allar inntøkur hjúnanna, sum ásett í 13. §.

§ 40. Tá endaliga líkningin hjá tí deyða, jvb. 14. §, 2. stk., verður gjørd, skulu verða viðtaldar allar inntøkur, sum hann hevur vunnið fram til deyðadagin. Her íroknaðar eru allar A-inntøkur hansara, jvb. 60. §, eisini tær sum møguliga ikki verða útgoldnar fyrr enn aftan á deyðadagin og allar B-inntøkur fram til deyðadagin.
2. stk. Somuleiðis skal eftirsitandi hjúnafelagi skatta av øllum A-inntøkum sínum í inntøkuárinum og teimum B-inntøkum, sum ikki ganga inn í búgvið.
3. stk. Tá inntøkan hjá deyðsbúgvum, ið nevnd eru í 1. §, nr. 7, verður uppgjørd, skal takast við øll inntøka og allar útreiðslur í tíðini frá deyðadegnum og til tann dagin tann endaliga uppgerðin av búnum verður gjørd. Um so er at hetta tíðarskeið er styttri enn 15 mánaðir, verður tað tá at rokna sum eitt inntøkuskeið.
4. stk. Er búgvið ikki skift innan 15 mánaðir, verður tað at lata inn vanliga sjálvuppgávu yvir inntøkur og útreiðslur í inntøkuárinum, jvb. 24. §, 3. stk., síðsta punktum, soleiðis at fyrsta inntøkuskeið tess verður tíðin frá deyðadegnum og til næsta 31. desember.
5. stk. Inntøkuuppgerðin hjá búnum verður í hesum førum at fylgja somu reglum, sum galda fyri skattskyldugar persónar. Tó kann avseting í íløgugrunn ikki verða gjørd.
6. stk. Allar ognir í búnum verða avskrivingarliga og viðvíkjandi vinningi/halli viðgjørdar, sum um tær vóru útvegaðar av búnum upprunaliga og fyri somu peningshædd, sum tær í sínari tíð vóru útvegaðar fyri og verða fyrrgjørdar avskrivingar mettar sum gjørdar av búnum. Vinningur og hall, sum koma fram við sølu av ognum í búnum, verða tald við í tann mun, vinningurin ella hallið hevði verið talt við í inntøkuuppgerðini hjá tí deyða, um sølan hevði verið gjørd av honum.
7. stk. Tá endaliga uppgerðin hjá búnum smb. galdandi skiftisreglum verður gjørd, skulu tær ognir, sum kunnu avskrivast og ognir, sum koma undir 27. § verða mettar sum tær eru avhendar uppgerðardagin. Avhending verður her mett sum søla fyri virði í vanligum handli. Somuleiðis skulu í hesi uppgerð allar burturleggingar av einum og hvørjum slag verða tiknar til inntøku aftur.

4. KAPITTUL
Skattur til tilhaldskommunu

§ 41. Skyldu at svara skatt til kommununa hava allir persónar og feløg v.m., sum hava skattskyldu til landskassan.
2. stk. 25) Skattskyldugir persónar svara skatt til ta kommunu, har teir hava fast tilhald fyri seg og húski sítt 1. desember í árinum framman undan inntøkuárinum, og feløg v.m. har tey eru skrásett, sbr. tó 48. §. Uppihaldari, sum flytur í aðra kommunu at arbeiða har, er framvegis einans skattskyldugur í heimakommunu síni, so leingi hann heldur hús í henni.
3. stk. Fast tilhald, ið er styttri enn 3 mánaðir, verður ikki í nakrari kommunu roknað fyri at stovna skattskyldu, uttan so at hetta er framhald av føstum tilhaldi á sama stað áður, og skattgjaldarin alt samanlagt hevur hildið til har í 3 mánaðir í minsta lagi. Men hevur persónur ikki í skattaárinum havt 3 mánaða fast tilhald í nakrari kommunu í landinum, tá hava kortini allar kommunur, har hann í skattaárinum hevur fast tilhald, rætt til at skatta hann eftir tí, sum hetta tilhaldið hevur vart, um so er, at tað ikki var styttri enn ein mánað.
4. stk. 25) 51) Teir, ið starva í sigling ella fiskiskapi, verða, um teir hava ikki bústað ella fast tilhald í nakrari kommunu 1. oktober í árinum framman undan inntøkuárinum skattaðir í teirri kommunu, har ið teir vanliga halda til, tá teir eru ikki á sjónum. Ber ikki til at staðfesta tílíkan vanligan tilhaldsstað, skal skatturin verða goldin í teirri kommunu, skipið hevur heimstað, ella, um skipið eigur heima uttanlands, í teirri kommunu, har sum hesir skattgjaldarar seinast hava verið skattskyldugir til tilhaldskommununa. Persónar við avmarkaðari skattskyldu jb. § 2, stk. 1, litra j og persónar við avmarkaðari skattskyldu undir FASskipanini, eru ikki fevndir av hesi grein. Í ivamálum hevur landsstýrismaðurin í skattamálum ta endaligu avgerðina.
5. stk. 25) Persónar, sum í heilum skifta tilhald, gjalda skatt til ta kommunu, sum helst má verða hildin at vera heimakommuna teirra. Í ivamálum hevur landsstýrismaðurin í skattamálum ta endaligu avgerðina.
6. stk. Deyðsbúgv verður skattað í teirri kommunu, har hin deyði seinast hevði skattskyldu til tilhaldskommununa.

§ 42. Hevur persónur tilhald í eini kommunu, av tí at hann er á sjúkrahúsi ella er settur í fangahús ella tílíkt, og uppfyllir hann samstundis tað, sum krevst til at verða settur í tilhaldskommunuskatt í aðrari kommunu í landinum, tá skal hann ikki gjalda tilhaldskommunuskatt í fyrrnevndu kommunu. Hetta sama hevur gildi fyri tann, sum heldur til í eini kommunu, av tí at hann er har í almennum ørindum, og sum samstundis uppfyllir tað, sum krevst til at verða settur í tilhaldskommunuskatt í aðrari kommunu í landinum.

§ 43. 25) Bygda(r)ráðið kann, um tað ikki heldur, at skattakommunan hjá einum skattskyldugum 1. desember er tann rætta jvb. 41. §, 2. - 6. stk., kæra um hetta áðrenn 1. mai árið eftir til ta kommunu, sum hevur fingið skattin. Um hin skattskyldugi er settur í skatt sambært 2. stk. er kærufreistin 5 mánaðir aftan á, at skattskyldan hevur tikið við. Skattaborgarin kann kæra um avgerðina innan 3 mánaðir aftan á, at hann hevur fingið fráboðanina um, til hvørja kommunu hann er tilhaldsskattskyldugur. Um kommunurnar ikki eru samdar um, til hvørja kommunu ein persónur er kommunuskattskyldugur, ella semja ikki kann fáast við ein persón um hetta, kann spurningurin leggjast fyri landsstýrismannin í skattamálum. Tó kann skattaborgarin innan 4 vikur aftan á, at hann hevur fingið boð um úrskurð landsstýrismansins í skattamálum kæra til dómsvaldið.
2. stk. 25) Um skattskyldan tekur við í álmanakkaárinum, verður skatturin latin til ta kommunu, sum hin skattskyldugi má haldast at hava tað tilhald í, sum umrøtt er í 41. §. Um skattskyldan tekur við í tíðarskeiðinum frá 1. desember til 31. desember í eini kommunu, verður skattur fyri komandi álmanakkaárið eisini goldin til hesa kommunu.

§ 44. Flytur skattgjaldarin úr skattakommununi í inntøkuárinum, skal skattakommunan lata ein part av tí kommunuskatti, sum er álíknaður fráflutta skattgjaldaranum til tilflytingarkommununa. Hetta er bert galdandi um fasta tilhaldið í tilflytingarkommununi sambært 41. § varir í minsta lagi 3 mánaðir samfelt.
2. stk. Skatturin verður býttur lutfalsliga í mun til tað tíðarskeið skattgjaldarin hevur búð í tilflytingarkommununi. Hesin lutfalsligi partur verður roknaður frá byrjanini av tí fjórðingsári, sum kemur beint aftan á tilflytingina og til endan av tí fjórðingsári tá ið møgulig fráflyting aftur fer fram, samanber 1. stk. Hendir flyting 1. í einum fjórðingsári, so er hesin dagur at meta sum fráflytingardagur.
3. stk. Flytur skattgjaldari burtur úr Føroyum, skal hann, til skattskyldan heldur uppat, gjalda skattin til ta kommunu, sum hann var skattskyldugur í, tá hann flutti burtur. Men um skattgjaldarin eftir tað, at hann læt bústað sín frá sær, framvegis er skattskyldugur her á landi sambært 1. §, nr. 5, tá verða reglurnar í 41. §, 3. stk. nýttar.

§ 45. 25) Kommuna, sum ikki metir seg at hava fingið sín part av kommunuskattinum sbr. 44. § 2. stk., ella ikki metir býtið av kommunuskattinum hjá einum persóni millum kommunurnar at vera rættan, kann í seinasta lagi 1 ár og 3 mánaðir aftan á tað álmanakkaárið er úti, ið kært verður um, senda kæru um hetta til skattakommununa við upplýsingum um tað tíðarskeiðið, skattaborgarin hevur búð í kommununi. Um kommunur ikki verða samdar um, hvør skal hava skattin ella um býtið av honum, hevur landsstýrismaðurin í skattamálum ta endaligu avgerðina. Landsstýrismaðurin í skattamálum ger nærri reglur fyri, hvussu býti av upphæddini millum kommunurnar verður útroknað.

§ 46. 5) 84) 11) 18) 21) 33) 34) 44) 50) 52) 57) Kommunuskatturin verður álíknaður av somu skattskyldugu inntøku, sum nýtt verður, tá landsskatturin verður álíknaður. Frá 1. januar 2007 til 31. desember 2007 verður eingin kommunuskattur álíknaður skattskyldugu inntøkuni frá 0-28.000 kr., og frá 1. januar 2008 verður eingin kommunuskattur álíknaður skattskyldugu inntøkuni frá 0-30.000 kr.
2. stk. 15) 21) Bygda(r)ráðini kunnu avgera, at í útroknaða kommunuskattinum kann verða játtaður ein barnafrádráttur. Upphæddin skal verða viðtikin av bygda(r)ráðnum fyri 1. desember, sum galdandi fyri komandi inntøkuár sbr. § 2 í ásetingarlógini.

§ 46 a 5) 84) 10) 18) 21) (Sett úr gildi)

§ 46 b 5) 84) 10) (Sett úr gildi)

§ 47. 4) 5) 25) 81) Allar skattskyldugar inntøkur, sum eru funnar eftir reglunum í hesari lóg, undantiknar tær, sum nevndar eru í § 2, 1. stk. a), b), h) og i), verða skattaðar við prosenti (líkningarprosentinum), sum er tað sama fyri allar persónligar skattgjaldarar í kommununi. Áður enn inntøkuskatturin verður roknaður, verður skattskylduga inntøkan hjá øllum skattskyldugum javnað niður til fyrsta krónutal, ið kann býtast við 100. Bygdaráðið ásetur líkningarprosentið fyri kommunuskatt, sum er galdandi fyri álmanakkaárið eftir, í seinasta lagi 1. desember. Líkningarprosentið skal standa á endaligu skattarokningini.
2. stk. 28) Um landsskattafrádrátturin í landsskattinum sambært § 3 í løgtingslóg nr. 87 frá 1. september 1983 um áseting av skatti til landskassan við seinni broytingum ikki verður nýttur til fulnar, skal restin dragast frá í útroknaða kommunuskattinum, tó í mesta lagi ájavnt við álíknaða kommunuskattin.
3. stk. 32) Munurin millum álíknaða kommunuskattin og tað, sum hin skattskyldugi skal gjalda sambært 2. stk., verður goldin kommunukassanum av landskassanum, soleiðis at kommunan fær álíknaða kommunuskattin, tó hægst 11 % av skattskyldugu inntøkuni.

5. KAPITTUL
Skattur til atvinnukommununa

§ 48. Persónar, deyðsbúgv og feløg v.m., sum eftir reglunum í hesi lóg hava skattskyldu til eina kommunu her á landi sum tilhalds- (heima-) kommunu, og sum hava atvinnu smb. 2. stk. í hesi § í aðrari kommunu enn tilhaldskommununi, skulu av teirri inntøku, sum tey hava havt í inntøkuárinum, smb. 24. §, gjalda skatt til atvinnukommununa eftir teimum reglum, sum her fylgja.
2. stk. 12) 15) 27) Atvinnu í eini kommunu hevur tann persónur, tað deyðsbúgv, felag v.m. ella felagsskapur (smb. § 1, nr. 7, 8, 10, 11, 12, 13, 14 og15), ið

  1. sum eigari ella sameigari rekur ella á annan hátt eigur lut í avlopinum av eini vinnu (sum t.d. handverks-, verksmiðju-, handils-, umboðssølu-, vinnutakara-, sakførara-, læknavirki, vinnu sum vertur, vinnu við fólka- ella vøruflutningi ella aðrari vinnu, líkari áðurnevndu), sum hevur samband við kommununa, av tí at har er fastur rakstrarstaður - útibúgv, handilsstova, framleiðslustaður og annað fast arbeiðspláss, umboðsmaður, vørugoymsla, haðan bíleggingar verða avgreiddar regluliga ella tílíkt.
  2. Nýtir, eigur ella hevur gjaldsfría fastogn ella fær avgjald av slíkari.

§ 48a. 27) 29) Peningastovnar, tryggingarfyritøkur, telesamskiftisfyritøkur, oljusølufyritøkur, vinnurekandi grunnar sambært lóg nr. 286 frá 6. juni 1984 om erhvervsmæssige fonde, smb. kongligari fyriskipan nr. 247 frá 3. mai 1993 om ikrafttræden for Færøerne af lov om erhvervsmæssige fonde, Framtaksgrunnur Føroya og Fíggingargrunnurin frá 1992, sum eftir reglunum í hesi lóg bert eru skattskyldug til eina kommunu sum tilhalds-/heimakommunu, eru atvinnuskattskyldug til allar hinar kommunurnar í Føroyum.

§ 49. Byrjar persónur í árinum vinnu av áðurnevnda slag, sum hann gerst skattskyldugur av, tekur skattskyldan til atvinnukommununa við frá tí degi, atvinnan byrjar.
2. stk. Verður atvinna hjá persóni niðurløgd í árinum, heldur skattskyldan til atvinnukommununa uppat frá hesum degi, og verður skatturin javnaður við endaligu álíkningina, sum gjørd verður, tá inntøkuskeiðið er endað.
3. stk. Flytur í árinum persónur, sum bæði hevur fast tilhald í eini kommunu, og sum hevur tað í 48. § 2. stk. nevnda samband við hana, og sum er settur í tilhaldskommunuskatt til hana, úr kommununi, verður hann atvinnuskattskyldugur til hana frá tí degi, tilhaldsskattskyldan helt uppat.
4. stk. Skyldan hjá persóni at gjalda skatt til atvinnukommununa, fellur burtur, tá

  1. persónliga skattskylda hjá viðkomandi annars heldur uppat eftir reglunum í hesi lóg,
  2. frá tí degi, at atvinnuskattskyldugur persónur, sum er fluttur til atvinnukommununa at halda til, verður settur í tilhaldskommunuskatt til hennara.

5. stk. 27) Feløg v.m., burtursæð frá teimum í § 48 a nevndu, verða skattskyldug til eina atvinnukommunu, tá tey har taka upp tað í 48. § 2. stk. nevnda vinnuliga virki, og heldur henda skattskylda uppat, tá nevnda virki verður niðurlagt.
6. stk. 27) Tey í § 48a nevndu feløg v.m. eru skattskyldu til atvinnukommunurnar tá treytinar fyri skattskyldu til tilhalds-/heimakommununa eru loknar.

§ 50. 25) Teir í § 48 nevndu persónar v.m., sum koma undir reglurnar í hesum kapitli, skulu tá fyribilsskattaskráseting og endalig álíkning verða gjørd, lata inn uppgerð til líkningarvaldið í økinum hjá tilhalds-/skrásetingarkommununi yvir allar inntøkur og útreiðslur, uttan mun til um tær stava frá vinnu í atvinnu- ella tilhaldskommunu, og skal uppgerðin verða lagað soleiðis, at skilliga sæst, hvussu inntøkur og útreiðslur eru uppgjørdar, og hvussu tær býta seg millum atvinnu- og tilhaldskommunu.
2. stk. 25) Økisskrivstovan hjá tilhaldskommununi letur beinanveg eitt eintak av uppgerðini, ið viðvíkur atvinnuinntøkuni, saman við møguligum roknskapi og øðrum skjølum, sum hava samband við atvinnuinntøkuna, til líkningarvaldið í tí øki viðkomandi er atvinnuskattskyldugur.
3. stk. Tey í 49. §, 5. stk. nevndu feløg lata inn sjálvuppgávu og roknskap eftir somu reglum, sum galdandi eru fyri persónligar skattgjaldarar smb. 1. stk. í hesi §.

§ 51. 25) Líkningarvaldið hjá atvinnukommununi álíknar atvinnuskattin hjá persónligum skattgjaldara út frá tílíkari inntøku, ið nevnd er í 48. §, 2. stk., og sum vunnin er í atvinnukommununi í inntøkuárinum.
2. stk. Atvinnuskatturin verður álíknaður eftir somu reglum og við somu stigum, sum tilhaldskommunuskatturin er álíknaður eftir.
3. stk. 25) Líkningarvaldið hjá atvinnukommununi sigur líkningarvaldinum hjá tilhaldskommununi frá álíkningini, og verður skatturin av álíkningunum í bæði atvinnu- og tilhaldskommunu útroknaður og fráboðaður skattgjaldaranum undir einum, sbr. 71. og 73. §§.
4. stk. 25) 27) Rættin til at skattleggja tey í § 48 nevndu feløg v.m., eigur økið hjá tilhalds-/skrásetingarkommununi. Av tí kommunuskatti, sum verður álíknaður eftir 1. ptk. av samløgdu inntøkunum hjá feløgum v.m., smb. § 48, stk. 2, nr. 1 eigur atvinnukommunan so stóran part, sum fellur á ta inntøku, sum vunnin er í atvinnukommununi, og verður hann goldin saman við skattinum til heimstaðarkommununa, smb. reglunum í § 21, stk. 1. Av tí kommunuskatti, sum verður álíknaður íheimstaðarkommununi av samanløgdu inntøkunum hjá teimum í § 48a nevndu feløgum v.m., eiga atvinnukommunurnar so stóran part, sum lutfalsliga svarar til fólkatalið í atvinnukommununum við endan av tí roknskaparskeiði, sum liggur til grund fyri álíkningini.
5. stk. Tann skattskyldugi er skyldugur at geva líkningarvaldinum í atvinnukommununi allar tær upplýsingar, ið verða hildnar at vera neyðugar við viðgerðina. Verða tær umbidnu upplýsingar ikki latnar, verða reglurnar í 103. §, 3. stk. nýttar.
6. stk. 46) 99) Skattgjaldarin, tilhaldskommunan og atvinnukommunan hava rætt til at kæra álíkningina til Føroya Kærustovn eftir reglunum í løgtingslóg um toll- og skattafyrisiting

§ 52. Frádráttir í inntøkuni smb. 31. §, sum ikki hava samband við atvinnuinntøkuna, verða, tá skatturin verður býttur millum atvinnu- og tilhaldskommunu, fyrst mótroknaðir í inntøkuni í tilhaldskommununi, og verða bert yvirfluttir til frádrátt í atvinnuinntøkuni í tann mun, teir ikki rúmast innan fyri inntøkuna í tilhaldskommununi.
2. stk. 21) (Sett úr gildi)

§ 53. 25) Heldur líkningarvaldið í atvinnukommununi, at tann skattur, ið eftir reglunum frammanfyri kann verða álíknaður í atvinnukommununi, verður so lítil, at hann lønir ikki ómakin og útreiðslurnar, ið standast av at siga frá skattaálíkningini, er henni loyvt at sleppa hesum kravi.

6. KAPITTUL
Skattaútrokning og - innheinting

§ 54. 26) Reglurnar um, hvussu skatturin til landskassan fyri persónar, skatturin fyri feløg, deyðsbúgv v.m. sum hava fulla ella avmarkaða skattskyldu her á landi, verður útroknaður, verða ásettar við serstakari løgtingslóg. Í hesi lóg skal somuleiðis ásetast, hvørjir frádráttir skulu veitast í tí útroknaða landsskattinum.
2. stk. 1) 15) 21) 60) 71) Um samlaði inntøkuskatturin til land, kommunu og kirkju fer upp um 50% av skattskyldugu inntøkuni, verður tann ov nógv álíknaði inntøkuskatturin lækkaður lutfalsliga til landið, kommununa og kirkjuna.

§ 55. 28) 41) 71) Allir lands-, kommunu- og kirkjuskattir verða innheintaðir av TAKS eftir reglunum í hesum kapitli.

§ 56. 25) Landsstýrismaðurin í skattamálum fyrisetir nærri reglur um innheintingina. Kommunustýrini hava skyldu til uttan tarn at útvega innheintingarvaldinum allar tær upplýsingar, ið tað heldur verða neyðugt fyri innkrevjingina.

§ 57. Skattur sambært 55. § verður goldin hjá skattskyldugum persónum í inntøkuárinum við fyribilsgjøldum, sum antin verða eftirhildin í skattskyldugu inntøkuni eftir reglunum í 63. § ella goldin sambært skattarokning.
2. stk. Fyribilsskattur, ið verður hildin eftir smb. reglurnar í 63. §, verður nevndur "A-skattur". Fyribilsskattur, ið hjá skattskyldugum persónum verður goldin sambært skattarokning, verður nevndur "B-skattur". Skattskylduga inntøkan, sum A-skattur verður eftirhildin í, verður nevnd "A-inntøka". Skattskyldug inntøka, sum A-skattur ikki verður eftirhildin í, verður nevnd "B-inntøka".

§ 58. Samanlagdur fyribilsskattur í einum álmanakkaári skal um gjørligt verða ájavnur við skattin, sum verður álíknaður aftan á at álmanakkaárið er lokið. Hesin skattur verður nevndur "endaligur skattur".

§ 59. 25) Um lands-, kommunu- og kirkjuskattaprosentið fyri eitt inntøkuár ikki er ásett í seinasta lagi 1. desember sum galdandi fyri komandi inntøkuár, kann landsstýrismaðurin í skattamálum gera av, at fyribilsskatturin verður útroknaður eftir teimum seinast ásettu skattaprosentum.

§ 60. Sum A-inntøka verður roknað:

  1. 4) 71) 1) Alt, sum er lagt inn í peningi fyri persónligt arbeiði í tænastu fyri onnur, heruppií løn, frítíðarløn, samsýning, tantiéme, provisjón ella líknandi.
  2. Veitingar, sum koma í staðin fyri tær í 1) nevndu samsýningar v.m., so sum dagpeningur, stuðul undir arbeiðsloysi og sjúku og verkfals- og verkbanssamsýningar og aðrar líkar samsýningar.
  3. 91) Strikað
  4. Pensiónir og bíðipeningur og tílíkar skattskyldugar veitingar, tá tær hava havt samband við arbeiði í tænastu fyri onnur og aðrar skattskyldugar útgjaldingar frá pensiónsskipanum við leypandi útgjaldingum ella frá ratutryggingum, sum teknaðar eru við tí í huga at fáa pensión útgoldna.
  5. Fólka- og avlamispensión og aðrar skattskyldugar almannaveitingar.
  6. Studningar og aðrir skattskyldugir styrkir, veittir av almennum myndugleikum ella stovnum og felagsskapum ella av almennum ella privatum grunnum, gávufægrunnum og tílíkum.
  7. Samsýningar sum limur av ella sum hjálparmaður hjá øllum sløgum av stýrum, nevndum, ráðum og tílíkum.
  8. 8) Samsýning í peningi og í hesum sambandi frítt vistarhald til persón, sum er til taks at gera arbeiði her í landinum, íroknað møgulig samsýning fyri útreiðslur til ferðing, uppihald v.m. Reglurnar eru galdandi uttan mun til, um inntøkan verður goldin triðja manni (møguliga felag).
  9. 25) 41) (Strikað)
  10. 71) Peningagávur frá arbeiðsgevara.

2. stk. 25) Sum A-inntøka, kunnu eftir nærri reglum frá landsstýrimanninum í skattamálum eisini verða roknaðar:

  1. Aðrar skattskyldugar inntøkur, sum fyri tað mesta verða avroknaðar móttakara sum nettoinntøkur.
  2. Peningur, ið verður vunnin við avreiðing í Føroyum av fiski og úrdráttum frá fiskivinnuni v.m.

§ 61. Ein inntøka verður ikki roknað sum A-inntøka, tá hon verður goldin av:

a) Útlendskum sendistarvsstovum og limum teirra og av útlendskum sendikonslum.
b) 56) Persónum, deyðsbúgvum, feløgum, felagsskapum, stovnanum v.m., sum ikki hava heimting her á landi, uttan so at hesi eru skattskyldug eftir § 2, stk. 1, litra d ella stk. 3 í hesi lóg“.

§ 62. 6) 25) Landsstýrismaðurin í skattamálum kann, tá serligar grundir eru til tess, gera av, at ein ávís inntøka ella eitt ávíst slag av inntøkum, sum koma undir 60. §, 1. stk., ikki skulu verða A-inntøkur. Fyri inntøku, sum sambært avgerð landsstýrismansins í skattamálum ikki er A-inntøka, verður upplýsingarskyldan sambært § 118 varðveitt.
Stk. 2. 25) Í øllum ivamálum ger Toll- og Skattaráðið av, um ein inntøka er A-inntøka. Avgerð Toll- og Skattaráðsins kann kærast til landsstýrið.

§ 63. 2) 23) 25) Áðrenn A-inntøka verður goldin skattgjaldara, skal A-skattur avroknast í upphæddini. Tann, hvørs vegna A-inntøka verður útgoldin (hin ávísingarskyldugi), skal gjalda A-inntøkuna inn til eitt av landsstýrinum góðkent avrokningarstað. Avrokningarstaðið avroknar A-skatt, sum eftir hetta verður fluttur til landskassan, meðan restupphæddin verur útgoldin tí ávísingarskylduga. Avrokning av A-inntøku sambært § 60, 1. stk. nr. 8 áliggur tí, sum fær arbeiðið gjørt. Avrokningarstaðið hevur skyldu til mótvegis skattgjaldaranum at gera eina gjølliga sundurgreinan av, hvat verður eftirhildið í hvørjari A-inntøku. Landsstýrismaðurin í skattamálum kann áseta nærri reglur um sundurgreiningina.
Stk. 2. 25) 41) Tá A-inntøka verður inngoldin til avrokningarstaðið, skal tann ávísingarskyldugi geva avrokningarstaðnum upplýsingar um inntøkuupphæddina, tíðarskeiðið, inntøkan er vunnin í, persónnummar, navn og bústað skattgjaldarans. Landsstýrismaðurin í skattamálum kann áseta nærri reglur um, hvussu hesar upplýsingar skulu latast avrokningarstaðnum. Dregur skattgjaldari seg undan at upplýsa persónnummar, navn og bústað, kann skattavaldið veita tí ávísingarskylduga hesar upplýsingar. Landsstýrismaðurin í skattamálum ásetir nærri reglur um avrokningarháttin
Stk. 3. 25) Í staðin fyri at gera eftir reglunum í 2. stk., kann tann ávísingarskyldugi í serstøkum førum lata skattgjaldaranum eina lønarávísan, sum kann loysast út á einum av landsstýrismanninum í skattamálum góðkendum avrokningarstað. Landsstýrismaðurin í skattamálum ásetur nærri reglur hesum viðvíkjandi.
Stk. 4. 2) 25) Persónar, sum ikki eru skrásettir í fólkayvirlitinum, skulu, fyri at A-inntøkur kunnu verða ávístar teimum, skráseta seg hjá fólkayvirlitinum. Í serligum førum kann líkningarvaldið tó geva persónum eftir 1. pkt. fyribils nummarprógv, sum hin ávísingarskyldugi skal nýta í lønarávísingini til viðkomandi. Landsstýrismaðurin í skattamálum kann við kunngerð áseta krøv til skjalprógv, ið kunnu sanna, hvør persónurin er og í hvørjum førum hann kann sleppa undan at skráseta seg sambært 1. pkt
Stk. 5. 25) Líkningarvaldið skal geva teimum í 1. stk. nevndu avrokningarstøðum upplýsingar um, við hvørjari upphædd fyribilsskattur skal verða eftirhildin í hvørjari útgjalding sær.
Stk. 6. Eftirhildin skattur í A-inntøkuni gongur fram um onnur krøv í inntøkuni, heruppií mótkrøv bæði frá ávísingarskylduga og avrokningarstaði.
Stk. 7. 2) 79) Hin ávísingarskyldugi skal í samband við hvørja ávísan av A-inntøku, lata løntakaranum skrivliga fráboðan, ið sigur frá navni, bústaði og arbeiðsgevaratali hjá ávísingarskylduga, og navni og persóntali hjá løntakara, lønarskeiði, A-inntøku, mótkrøvum og ikki skattskyldugum veitingum. Ávísingarskyldugi kann senda fráboðanina talgilt. Løntakari, sum ístaðin vil hava fráboðanina í pappírsformi, kann fáa fráboðanina á hendan hátt, um hann skrivliga boðar ávísingarskylduga frá hesum.

§ 63a. 5) 9) 16) 36) 43) 75) 89) Afturbering til reiðaravirki sambært hesi grein verður veitt av teirri løn, herundir eftirløn, frítíðarløn, samsýning o.ø. sbr. § 60, ið ein persónur ella felag, sum hevur fulla skattskyldu til Føroya, rindar
persónum, skattskyldugum í Føroyum fyri:

  1. tænastu umborð á skipi, skrásett í Føroysku Altjóða Skipaskránni FAS.

Stk. 2. 43) Reglurnar um afturbering eru ikki galdandi fyri:

  1. tænastu útint á skipi, sum eftir § 2, stk. 1, litra j, 3. pkt. ikki verður mett sum skip við heimstaði í Føroyum.
  2. tænastu, útint á boriútbúnaði í føroyskum sjóøki sambært § 1, nr. 1 í kolvetnisskattalógini

Stk. 3. 45) Ein treyt fyri at fáa afturbering er, at lønin skal verða goldin inn til eitt avrokningarstað, ið landsstýrismaðurin í fíggjarmálum hevur góðkent.”
Stk. 4. 45) Reiðaravirkið hevur ikki rætt til afturbering fyri lønir v.m., har avsláttur verður givin í føroyska skattinum.”
Stk. 5. 45) 71) Hevur reiðaravirkið fingið afturbering fyri tær lønir v.m. av órøttum, skal ov nógv móttikin afturbering afturgjaldast til TAKS í seinasta lagi innan 1. í mánaðinum eftir, at kravið er útskrivað. Verður afturberingin ikki goldin rættstundis, verður renta roknað við 0,7% um mánaðin frá 1. degi, og til goldið er.”
Stk. 6. 25) 43) 45) Einaferð um mánaðin ger líkningarvaldið upp útgjaldingarnar hjá tí einstaka reiðaravirkinum, sum tað hevur goldið gjøgnum afturhaldsskipanina farna mánað fyri tænastu umborð á skipi, skrásett í FAS, og sum kemur undir ásetingarnar í stk. 1. Føroya Gjaldstova flytir síðani síðst í mánaðinum tað ásetta prosentið av útgjaldingunum reiðaravirkinum aftur.
Stk. 7. 25) 43) 45) Landsstýrismaðurin í skattamálum ásetur í kunngerð afturberingarprosentið, og kann við kunngerð áseta nærri reglur fyri skip, sum koma undir ta í stk. 1 nevndu skipan.
Stk. 8. 25) 43) 45) Landsstýrismaðurin í skattamálum kann áseta nærri reglur fyri afturberingina sbrt. hesi grein.

§ 64. 2) 15) 21) 60) Eftirhildin fyribilsskattur, smb. 63. §, 5. stk., má ikki vera meira enn 50 % av tí einstøku útgoldnu A-inntøkuni.

§ 65. Um hann, hvørs vegna tann umrødda inntøkan verður útgoldin, ikki hevur heimating í Føroyum, smb. 61. §, b), og útgjalding verður gjørd av fulltrúa hansara, sum hevur heimating her, er hesin skyldugur at ávísa inntøkuna gjøgnum tey í 63. §, 1. stk. nevndu avrokningarstøð.

§ 66. 25) Landsstýrismaðurin í skattamálum kann gera sáttmála við ríkisstýrið um, at í inntøku í tænastu fyri onnur, sum verður útgoldin av persónum, feløgum v.m., heruppií fulltrúum, sum hava heimating í Danmark, til persónar, sum eru undir fullari ella avmarkaðari skattskyldu her á landi, verður skattur hildin eftir, og eisini gera sáttmála um, hvussu hesin skattur skal avroknast við Føroyar.

§ 67. 25) Grundarlagið undir fyribils skattgjaldingini er fyribilsskattaskrásetingin, sum verður gjørd eftir reglunum í 67. - 76. §§.
2. stk. 25) Toll- og Skattaráðið skipar fyri stovnseting og umsiting av eini skattgjaldaraskrá, sum myndar grundarlagið undir tí tilfari, ið fyribilsskattaskrásetingin verður gjørd eftir. Í skattgjaldaraskránni verða tær upplýsingar skrásettar, sum fyri hvønn skattgjaldara sær mynda grundarlagið undir fyribils skattgjaldingini.
3.stk. 25) Við skattgjaldaraskránni sum grundarlag verða fyri hvørt inntøkuár sær tey fólk skrivað í manntal, sum væntandi skulu forskotsskrásetast. Landsstýrismaðurin í skattamálum ásetir nærri reglur fyri, í hvørji kommunu persónur skal fyribilsskrásetast.
4. stk. 25) Fyribilsskattaskrásetingin verður gjørd, um ikki reglurnar í 68.og 69. §§ eru galdandi, sambært teimum upplýsingum, líkningarvaldið hevur um inntøkuviðurskiftini hjá tí skattskylduga við seinastu álíkning ella fyribilsskattaskráseting.

§ 68. 25) Um ein persónur ikki áður er álíknaður ella fyribilsskattaskrásettur, skal hann geva frágreiðing um síni væntaðu inntøkuviðurskifti. Síðan verður mett um av líkningarvaldinum, um henda frágreiðing skal verða løgd til grund undir fyribilsskattaskrásetingini. Landsstýrismaðurin í skattamálum ásetir nærri reglur um, hvussu umsóknin skal verða orðað,og ásetir tíðarfreist fyri, nær hon skal verða innlatin.

§ 69. 25) Metir skattskyldugur persónur, at inntøkuviðurskifti hansara í einum inntøkuári koma at víkja munandi frá teirri inntøku, ið seinast varð løgd til grund undir álíkningina ella fyribilsskattaskrásetingina, kann hann søkja um at fáa fyribilsskattaskrásetingina broytta, so hon samsvarar við hansara meting um komandi inntøkuviðurskifti. Líkningarvaldið metir um, í hvønn mun hesar upplýsingar skulu verða lagdar til grund undir komandi fyribilsskattaskrásetingini. Landsstýrismaðurin í skattamálum kann gera nærri reglur um, hvussu umsóknin skal verða orðað og áseta tíðarfreist fyri, nær hon skal verða innlatin.
2. stk. Líkningarvaldið kann eisini seta ein skattgjaldara í fyribilsskatt, tá mett verður, at hansara inntøkuviðurskifti í einum inntøkuári fara at víkja munandi frá teirri inntøku, sum seinasta álíkning ella fyribilsskattaskráseting varð gjørd eftir.
3. stk. Um inntøkuviðurskiftini broytast í inntøkuárinum, kann hin skattskyldugi fáa broytt fyribilsskattaskrásetingina fyri tað, sum eftir er av inntøkuárinum eftir reglunum í 1. stk. Líkningarvaldið kann eisini broyta fyribilsskattaskrásetingina í inntøkuárinum eftir reglunum í 2. stk.
4. stk. Áðrenn líkningarvaldið skal meta um inntøkuviðurskiftini eftir 2. og 3. stk., kann tað krevja, at hin skattskyldugi letur allar neyðugar upplýsingar.

§ 70. 25) Verður mett, at hin skattskyldugi skal gjalda fyribilsskatt av A-inntøkum, og ikki hevur B-inntøku, verður tann A-skattur, sum skal verða eftirhildin í hvørjari útgjalding sær, útroknaður aftaná at inntøkan er minkað við teimum ónýttu frádráttum, sum hin skattskyldugi eigur rætt til fyri farna partin av avvarðandi inntøkuári. Landsstýrismaðurin í skattamálum ger nærri reglur um hetta.

§ 71. Verður mett, at ein persónur skal gjalda fyribilsskatt av B-inntøku, og ikki hevur A-inntøku, verður fyribilsskatturin goldin sambært skattarokning. Hann verður roknaður av einari ætlaðari B-inntøku, sum er lækkað við teimum frádráttum, sum mett verður, at skattgjaldarin hevur rætt til, tá endaliga inntøkuuppgerðin og skattaútrokningin verður gjørd fyri hetta inntøkuárið.

§ 72. 25) Um skattskylduga inntøkan hjá persóni í inntøkuárinum ikki verður mett at verða so stór, at skattur skal gjaldast, kann líkningarvaldið gera av, at skattur ikki skal haldast eftir í A-inntøkuni. Reglan kann tó bert verða nýtt upp til eina ávísa inntøkuupphædd, sum er ájøvn við teir samanløgdu árligu frádráttirnar.
2. stk. Hin skattskyldugi kann eftir áheitan fáa upplýsingar um, hvussu stór inntøka hansara kann verða, áðrenn A-skattur verður eftirhildin.

§ 73. 25) Verður mett, at hin skattskyldugi skal gjalda fyribilsskatt bæði av A-inntøku og B-inntøku, ger landsstýrismaðurin í skattamálum av, í hvønn mun fyribilsskatturin skal verða eftirhildin ella goldin sambært skattarokning.

§ 74. B-skattur fellur til gjaldingar í 12 gjøldum hin 1. í hvørjum mánaði við gjaldfreist til 20. í gjaldmánaðinum. Ber seinasti gjalddagur uppá ein halgidag ella leygardag, verður freistin longd til næsta gerandisdag. Um samanlagda árliga upphæddin, ið skal gjaldast í B-skatti, er minni enn 1.000 kr. fellur B-skatturin til gjaldingar í tveimum líka stórum gjøldum hin 1. juni og hin 1. desember við somu gjaldfreist, sum eftir 1. og 2. punktum.

§ 75. 2) Meta líkningarvaldini, at longu goldin fyribilsskattur er munandi hægri enn endaligi skatturin, og tað tykist at vera órímuligt at bíða eftir tí í § 79 ásettu tíð fyri afturgjalding, verður ein upphædd, sum svarar til tann eftir meti líkningarvaldsins ov nógv goldna skattin afturgoldin skattgjaldaranum eftir umbøn.
2. stk. 12) Endurgjald eftir 79. §, 3. stk. verður ikki góðskrivað tí skatti, sum verður afturgoldin eftir 1. stk.

§ 76. 2) Skattskyldugur kann gjalda meira í fyribilsskatti enn tað, sum kravt er inn við skattarokning ella er eftirhildið. Tílík inngjalding kann eisini verða gjørd aftan á at inntøkuárið er lokið, tó í seinasta lagi 31. januar í tí ári, sum líknað verður í.

§ 77. 2) 28) Í tí endaliga skattinum, sum álíknaður verður tí skattskylduga í einum ári,verða niðanfyri nevndu gjøld viðvíkjandi sama ári mótroknað:

a) Fyribilsskattur av A-inntøku, sum skal verða uppíroknaður, tá ið skattskyldugi verður settur endaliga í skatt.
b) A-skattur, sum hin skattskyldugi er skyldugur at gjalda sambært § 130.
c) Fyribilsskattur, sum sambært skattarokning er goldin.
d) Gjøld, sum skattskyldugi hevur goldið sambært 76. §.

2. stk. Við uppgerð av upphæddini, sum skal verða mótroknað eftir 1. stk., verður skattur, sum er afturgoldin sambært 75. § frádrigin.
3. stk. 87) 25) Avlopsskattur, ið skattgjaldarin fær eftir § 79, verður mótroknaður í írestandi skatti skattgjaldarans hóast írestandi skatturin ikki er fallin til gjaldingar.

§ 78. 2) Skattskyldugur skal gjalda ta upphædd, sum endaligur skattur er hægri enn fyribilsskatturin, sum verður mótroknaður eftir § 77. Hesin verður nevndur "írestandi skattur". Er írestandi skatturin við eykagjaldi eftir stk. 2, 100 kr. ella minni, verður hesin ikki innkravdur.
2. stk. 46) Við gjalding av írestandi skatti skal gjaldast landskassanum eitt eykagjald uppá 4% av írestandi skattinum.
3. stk. Tann írestandi skatturin við eykagjaldi eftir stk. 2 fellur til gjaldingar í trimum javnstórum gjøldum tann 1. mai, 1. juni og 1. juli í álíkningarárinum við gjaldsfreist til 20. í mánaðinum. Hvørt gjald verður bert kravt inn í heilum krónum.
4. stk. Er tann írestandi skatturin við eykagjaldi eftir stk. 2 kr. 1.000 ella minni, fellur tann írestandi skatturin við eykagjaldi til gjaldingar í einum gjaldi tann 1. juni í álíkningarárinum við gjaldsfreist til 20. í mánaðinum.
5. stk. 25) Er endaliga uppgerðin skrivað út 1. mai í álíkningarárinum ella seinri, og er írestandi skatturin við eykagjaldi eftir stk. 2 størri enn 1.000 kr. fellur hesin til gjaldingar í trimum javnstórum gjøldum tann 1. í hvørjum av teimum trimum komandi mánaðunum við gjaldsfreist til tann 20. í mánaðinum. Er upphæddin 1.000 kr. ella minni fellur upphæddin til gjaldingar í einum gjaldi tann 1. í øðrum mánaði eftir endaligu uppgerðina við gjaldsfreist til tann 20. í mánaðinum.
6. stk. Ger eftirsitandi hjúnafelagi av at sita við óskiftum búgvi, ella fellur búgvið eftir 57. §, 1. stk. í skiftilógini uttan skiftisviðgerð til tann, ið situr eftir, verður írestandi skattur v.m. hjá tí deyða, fyri árið frammanundan, innheintaður hjá eftirsitandi hjúnafelaga eftir reglunum í 5. stk.

§ 79. 2) Er endaligi skatturin minni enn fyribilsskatturin, sum verður mótroknaður eftir § 77, verður tað, ið eftir er, nevnt "avlopsskattur".
2. stk. 4) Er avlopsskatturin við endurgjaldi afturatløgdum eftir 3. stk. 25 kr. ella meira, fær skattskyldugi peningin afturgoldnan.
3. stk. 46) Tá ið avlopsskattur verður afturgoldin skattskylduga, verður goldið honum endurgjald svarandi til 4% av avlopsskattinum. Av avlopsskatti, ið stavar frá peningi inngoldnum eftir § 76, verður einki endurgjald latið.
4. stk. 28) 47) Afturgjalding av avlopsskatti við endurgjaldi eftir stk. 3 fer fram áðrenn 1. oktober í álíkningarárinum. Um afturgjaldingin er aftan á 1. oktober, verður renta roknað skattgjaldaranum fyri hvønn byrjaðan mánað frá 1. oktober við 0,7 %. Áðrenn afturgjalding fer fram, verður møgulig eftirstøða av persónligum skatti við tilskrivaðum rentum mótroknað.
5. stk. 87) Allar upphæddir verða bert goldnar aftur í heilum krónum.

§ 80. 2) Um ein broyting verður gjørd aftaná 1. mai í álíkningarárinum í einari endaligari álíkning, og hetta hevur við sær, at írestandi skattur skal gjaldast ella at írestandi skattur verður hækkaður, eru reglurnar í 78. § stk. 5 viðvíkjandi gjalding av upphæddini við eykagjaldi eftir stk. 2 galdandi.
2. stk. Um broytt endalig álíkning, sum er gjørd aftan á 1. mai í álíkningarárinum ávirkar, at avlopsskattur, sum er afturgoldin skattskylduga eftir § 79, verður lækkaður ella fellur burtur, skal viðkomandi gjalda peningin aftur saman við endurgjaldi eftir § 79, stk. 3 og møguligar rentur eftir § 79, stk. 4 samsvarandi reglunum í § 78, stk. 5.
3. stk. 47) Um ein broytt endalig álíkning, sum er gjørd aftan á 1. mai í álíkningarárinum, ger, at írestandi skattur verður lækkaður ella fellur burtur, verður upphæddin, sum írestandi skatturin er lækkaður við og eykagjald eftir § 78, stk. 2 útgoldin skattskylduga innan mánaðurin er úti, sum kemur aftaná útskrivingardagin. Av higartil uppkravda peninginum eigur skattskyldugi 0,7 % í rentu fyri hvønn byrjaðan mánað frá gjalddegi. Áðrenn útgjalding, verða møgulig gjøld av írestandi skatti, sum ikki eru fallin til gjaldingar eftir § 78 og møguligar eftirstøður av persónligum skatti við tilskrivaðum rentum mótroknað.
4. stk. 87) 25) Um ein broytt endalig álíkning, sum er gjørd aftaná 1. mai í líkningarárinum, gevur tað úrslit, at avlopsskattur skal gjaldast tí skattskylduga, ella at meira avlopsskattur enn frammanundan roknað skal afturgjaldast, verður upphæddin endurgoldin við endurgjaldi eftir § 79, stk. 3 og møguligum rentum eftir § 79, stk. 4 innan mánaðurin, sum kemur aftaná útskrivingardagin, er úti. Áðrenn afturgjalding verða møgulig gjøld av írestandi skatti, sum ikki eru fallin til gjaldingar eftir § 78 og møguligar eftirstøður av persónligum skatti og tilskrivaðar rentur mótroknaðar.
5. stk. 87) 25) Skatturin hjá deyðsbúgvum umframt írestandi skattur av einari endaligari álíkning fellur til gjaldingar 3 mánaðir aftan á, at endaliga álíkningin er útskrivað við gjaldfreist til 20. í gjaldmánaðinum. Fellur seinasti gjalddagur á ein halgidag ella leygardag, verður freistin longd til næsta gerandisdag.

§ 81. 12) 23) Skatturin hjá partafeløgum v.m., deyðsbúgvum, feløgum o.l., smb. 1. § nr. 7 - 16, fellur til gjaldingar í 3 gjøldum, 1. oktober, 1. november og 1. desember við gjaldfreist til 20. í mánaðinum.
2. stk. 12) 47) Um broyting verður gjørd, og hetta hevur við sær, at álíknaði skatturin verður hækkaður, fellur hækkingin til gjaldingar tann 1. í mánaðinum aftan á, at skattarokning er útsend, við gjaldfreist til 20. í mánaðinum. Verður skatturin eftir 1. og 2. stk. ikki goldin rættstundis, verður renta roknað við 0,7 % fyri hvønn byrjaðan mánað frá gjalddegnum, sbr. tó ásetingina í 146. §, 1. stk.
3. stk. 47) Um broyting verður gjørd, og hetta hevur við sær, at álíknaði skatturin verður lækkaður, skal ov nógv goldna upphæddin verða afturgoldin innan tann 20. í mánaðinum aftan á, at fráboðanin er útsend. Av tí ov nógv goldna skattinum verður góðskrivað ein renta uppá 0,7 % pr. byrjaðan mánað frá inngjaldingardegnum at rokna.

§ 82. 25) Líkningarvaldið skal, tá skattgjaldari biður um, geva honum fráboðan um A-inntøku og eftirhildnan A-skatt fyri tað tíðarskeið, sum farið er av árinum.

§ 83. Landskassin avroknar hvørjari kommunu tann partin av endaliga skattinum, sum er kommunu- og kirkjuskattur.
2. stk. 4) Landskassin rindar við byrjan av hvørjum mánaði hvørjari kommunu eitt forskot av kommunu- og kirkjuskatti. Mánaðarliga forskotið skal vera ájavnt við kommununnar part av teimum fyribilsskattum, ið inngoldnir eru í mánaðinum frammanundan. 1. november á hvørjum ári ger landskassin eina fullfíggjaða uppgerð til allar kommunur yvir tann samanlagda inngoldna kommunu- og kirkjuskattin og somuleiðis eitt yvirlit yvir eftirstøðurnar smb. endaligu álíkningina fyri seinasta inntøkuár. Harumframt skal henda uppgerð vísa, hvussu nógv er útgoldið kommununi sum forskot í inntøkuárinum. Er munurin millum samanlagda inngoldna kommunu- og kirkjuskattin og ta upphædd, sum kommunan hevur fingið sum forskot, kommununi til góðar, verður hann útgoldin. Er munurin landskassanum til góðar, verður hann eftirhildin í mánaðaruppgerðini ella eftirhildin í fylgjandi mánaðaruppgerð, um hann ikki rúmast í avrokningini.
3. stk. 4) Við byrjan av hvørjum mánaði verður harafturat uppgjørt og avroknað í kommunu- og kirkjuskatti tað, sum er inngingið fyri eldri ár síðani seinastu avrokning, og harumframt upphæddir, sum vegna broyting í álíkning, eftirgeving av skatti, skattur, ið ikki fæst inn, ella av aðrari orsøk er lagdur afturat ella drigin frá síðan seinastu avrokning.
4. stk. 4) Um striking av skatti, eftirgeving ella skattur, sum ikki fæst inn, saman við írestandi skatti v.m. ger, at ógoldin skattur stendur eftir, so bera kommunurnar og landið sín lutfalsliga part av tapinum.
5. stk. 4) Kommununnar partur av inntøkuskattinum av deyðsbúgvum verður avroknaður av landskassanum saman við avrokningini eftir 2. og 3. stk.
6. stk. 4) Kommununnar partur av inngoldna skattinum hjá feløgum, ið nevnd eru í 21. § og 81. §, og sum skulu rinda álíknaða skattin hvønn 1. oktober, 1. november og 1. desember, verður goldin kommununum saman við forskotinum 1. november, 1. desember og 1. januar.

a) Goldnar eftirstøður av skatti smb. hesum stk. verða avroknaðar kommununum smb. reglunum í 3. stk. í hesi grein.
b) 4) Upphæddir, sum vegna broyting í álíkning verða lagdar afturat ella drignar frá skattinum hjá feløgum síðani seinastu avrokning, verða avroknaðar kommununum eftir reglunum í 3. stk.

§ 83a. 9) 39) 43) 51) 59) Afturberingin sambært § 63a verður borin av landskassanum.

7. KAPITTUL
Skipan og starv kommunala líkningarvaldanna

(§§ 84-91 settar úr gildi 25))

8. KAPITTUL
Líkningarráðið

(§§ 92-95 settar úr gildi 25))

9. KAPITTUL
Landsskattanevndin

(§§ 96-99 settar úr gildi 25))

10. KAPITTUL
Sjálvuppgávan og hvat ið stendst av tí, at eingin er

§ 100. 23) Persónar, deyðsbúgv, feløg og felagsskapir v.m., sum koma undir reglurnar í 1. kapitli um inntøkuskattskyldu, skulu sjálv geva upp inntøku sína í samsvari við reglurnar, sum her fylgja eftir.
2. stk. 25) Í seinasta lagi hin 1. januar krevur Toll- og Skattaráðið við serligari kunngerð allar, sum skulu verða settir í skatt, at geva upp skattskyldugu inntøku sína, áðrenn tær freistir, ið eru tilskilaðar í 3. stk., eru úti. Í kunngerðini skal greidliga verða tilskilað, at um skattgjaldarin ikki gevur upp inntøku sína, verður farið fram, sum í 104. § er sagt.
3. stk. 12) 25) 55) 62) 71) Sjálvuppgávan fyri eitt inntøkuár skal latast inn til TAKS í seinasta lagi 1. mai árið eftir, smb. tó § 101 stk. 2. Sjálvuppgávur frá deyðsbúgvum, feløgum, felagsskapum v.m. smb. § 1, stk. 1, nr. 7-16 og § 2 skulu vera innlatnar í seinasta lagi 1. juli. Sjálvuppgávan er roknað fyri at vera innlatin rættstundis, tá ið hon í seinasta lagi nevnda dag er fingin TAKS ella latin í postin.
4. stk. 25) Á sjálvuppgávuni skal vera tilskilað, hvussu stór inntøkan er í teimum ymisku høvuðsinntøkugreinunum, og annars skulu allar sundurliðingar verða gjørdar, sum landsstýrismaðurin í skattamálum fyriskipar eftir samráð við Toll- og Skattaráðið. Eisini inntøkur, sum ikki skulu roknast við í skattskyldugu inntøkuna, kunnu krevjast greiniliga tilskilaðar á sjálvuppgávuni. Skattskyldugir persónar, sum ikki hava skyldu at lata inn roknskap saman við sjálvuppgávuni, skulu í tann mun, Toll- og Skattaráðið heldur tað verða neyðugt, verða skyldugir at siga frá størri útveganum í sambandi við eginnýtsluna, heruppí eisini løn til húshjálp við meira. Landsstýrismaðurin í skattamálum kann eisini í samband við sjálvuppgávuna gera av, at á sjálvuppgávuni skulu vera upplýsingar og sundurliðingar, sum kunnu hava týdning fyri fyribilsskattaskrásetingina fyri komandi ár.
5. stk. 25) Sjálvuppgávan av ognini smb. § 110 skal vera innlatin til TAKS eftir somu reglum og við somu freistum, sum nevndar eru í stk. 3. Á ognaruppgerðini skal, umframt samantaldu eginognina, annaðhvørt ognin er verulig ella skuldhall er, vera tílík sundurliðing av ognum og skuldum, sum landsstýrismaðurin í skattamálum fyriskipar í samráð við Toll- og Skattaráðið.
6. stk. 25) Allir teir, sum sambært 103. § lata inn fíggjarstøðu, og sum eiga ogn - hvør hon so er - sum er ikki tald upp í fíggjarstøðuna, skulu lata líkningarvaldinum yvirlit yvir hesa ogn við somu freistum, sum fyrisettar eru í 5. stk., og uppgjørda eftir teimum reglum, sum fyriskipaðar eru í 110. §.

§ 101. 25) Oyðubløð við navni, bústaði og persónstali v.m. til sjálvuppgávur verða gjørd eftir skipan landsstýrismansins í skattamálum í samráð við Toll- og Skattaráðið, og verða tey í góðari tíð, áðrenn tær í § 100, stk. 3 nevndu innlatingarfreistir, latin øllum, ið eru at rokna fyri skattskyldug. At skattgjaldari ikki fær oyðiblað til sjálvuppgávu sendandi, loysir hann ikki frá skyldu síni at lata inn sjálvuppgávu ella frá teim avleiðingum, ið standast av tí, at persónur letur ikki inn sjálvuppgávu.
2. stk. 25) Skattskyldugur persónur, sum hevur fingið ársuppgerð frá skattavaldinum, áðrenn freistin fyri at lata inn sjálvuppgávu er farin, kann lata verða við at lata inn sjálvuppgávu, um hann er sannførdur um, at teir av skattavaldinum nýttu upplýsingar, ið eru grundarlag undir ársuppgerðini, eru rættir og fullfíggjaðir, sbr. § 139 A

§ 102. 81) Sjálvuppgáva skal verða undirskrivað, sum gjørd eftir bestu sannføring. Sjálvuppgáva, sum er innlatin umvegis eina sjálvavgreiðsluskipan hjá TAKS, verður javnsett
við eina vanliga sjálvuppgávu eisini við atliti at undirskrift.
2. stk. Fyri tey, ið eru yngri enn 16 ár, og tey, ið hava mist fíggjarræði, skrivar verji undir.
3. stk. Skrivar fulltrúi undir sjálvuppgávu fyri hond skattgjaldara, ber hann, ið fulltrú gav, ábyrgdina, sbr. tó 139. §.

§ 103. 5) 25) 74) Øll tey, ið hava skyldu at føra bókhald, eins og deyðsbúgv, feløg, felagsskapir, stovnar v.m.
skulu lata fylgja við sjálvuppgávuni rakstrarroknskap og fíggjarstøðu í byrjan og enda rakstrarársins, sum nærri ásett í § 103 a. Landsstýrismaðurin í skattamálum kann eftir tilmæli frá Toll- og Skattaráðnum við kunngerð áseta nærri krøv til ta skattligu uppgerðina og tað skattliga roknskapargrundarlagið.
2. stk. 25) Landsstýrismaðurin í skattamálum hevur heimild til eftir tilmæli frá Toll- og skattaráðnum at áseta, at tey, ið hava atvinnu, sum lóggávan annars ikki fyriskipar bókhaldsskyldu, skulu hava skyldu at føra bókhald, sum ger teimum krøvum fulnað, ið landsstýrismaðurin í skattamálum setur sum lægsta mark, og at tey, áðrenn sjálvuppgávufreistin er úti, skulu senda líkningarvaldinum rakstrarroknskap og fíggjarstøðu, ið eru gjørd úr hesum tilfari. Roknskapir við tilhoyrandi skjølum skulu goymast í minst 5 ár aftaná at viðkomandi roknskaparár er endað.
3. stk. 12) 25) Um nú skattgjaldari, sum sambært tí, ið frammanfyri er ásett, hevur skyldu at lata inn rakstrarroknskap og fíggjarstøðu, ikki ger hetta, tá verður sjálvuppgáva hansara mett ógild, og hann verður at ganga undir tað, ið av hesum stendst viðvíkjandi skattseting og rætti til kæru. Líkningarvaldið hevur umframt heimild til at seta freist, nær ið roknskapurin og sjálvuppgávan skal verða innsend og heimild at leggja við 100 kr. í dagsekt frá tí degi, at freistin er úti, og til tilfarið kemur inn. Sektin fellur til landskassan, og viðvíkjandi feløgum kann sektin verða løgd á stjórnar- og ella nevndarlimir.

§ 103 a.74) Landsstýrismaðurin kann áseta reglur um, at tær upplýsingar, sum nevndar eru í § 103, skulu fráboðast talgilt, og at dátuflutningur ímillum Hagstovu Føroya og TAKS skal fara fram talgilt. Landsstýrismaðurin kann eisini áseta reglur um talgilda fráboðan og um nýtslu av ávísum ktskipanum, serliga við atliti at talgildum sniði og talgildari undirskrift.”

§ 104. 25) Um fullfíggjað sjálvuppgáva av inntøku ikki er innlatin rættstundis, eins og frammanfyri er ásett, verður skattaskylduga inntøkan sett til eina metta upphædd. Toll- og Skattaráðið verður heimilað at fyriseta neyvari reglur fyri metingum eftir hesi grein.
Stk. 2. 55) 71) Verður fullfíggjað sjálvuppgáva av inntøku ikki latin TAKS rættstundis, ella sjálvuppgávan ikki kemur inn, verður sekt áløgd við í minsta lagi kr. 1.000 og í mesta lagi kr. 5.000. Verður latið inn minni enn 7 dagar ov seint, verður samanlagdi inntøkuskatturin hækkaður við 2%. Verður latið inn 7 dagar ella meira ov seint, verður samanlagdi inntøkuskatturin hækkaður við 5%.
Stk. 3. 55) 71) Avleiðingum, ið nevndar eru í hesi grein og § 119, og sum standast av tí, ikki at lata inn sjálvuppgávu, ella av ikki rættstundis at lata inn sjálvuppgávu, roknskap ella roknskapartilfar, kann TAKS fráboða frítøku, lina um ella heilt lata falla burtur álagda sekt, tá ið tað av serligum orsøkum verður hildið at vera rímiligt. Skattgjaldarin skal søkja um eftirgevingina og skal til undanførslu hava grund, sum TAKS telur fullgóða

§ 105. 25) 62) 93) Landsstýrismaðurin kann í kunngerð áseta reglur um, at løntakarar uttanlands, persónar, feløg og onnur, sum hava roknskaparskyldu, kunnu fáa freistina við at lata inn sjálvuppgávu longda. Henda freist kann tó ongantíð leingjast útum 15. august í álíkningarárinum.
Stk. 2. 25) 93) TAKS er heimilað, tá ið serligar grundir eru til tess, at leingja freistina, sum sambært stk. 1 er sett av landsstýrismanninum. Henda freist kann tó ongantíð leingjast útum 15. august í álíkningarárinum.
3. stk. 25) (Sett úr gildi)

§ 106. 12) 25) (Sett úr gildi)

§ 107. 25) (Sett úr gildi)

§ 108. Børn, sum við byrjan inntøkuársins ikki hava fylt 16 ár, hava ikki skyldu at lata inn sjálvuppgávu, um tey ikki hava inntøkur av slíkum slag, sum umrøddar eru í 5. §, 1. stk.

§ 109. 25) Sambúgvandi hjúnafelagar hava rætt til at gera seg kunnugan við sjálvuppgávuna og ognaruppgerðina hjá hvørjum øðrum, áðrenn tær verða latnar líkningarvaldinum. Eisini hevur líkningarvaldið skyldu til, um biðið verður um tað, at lata hjúnafelaga fáa upplýsingar um inntøkuna og skattaútrokningina hjá hinum hjúnafelagnum.

11. KAPITTUL
Ognaruppgerðin

§ 110. 25) 71) Øll, sum eru undir skattskyldu til inntøkuskatt eftir hesi lóg, hava við teimum undantøkum og avmarkanum, ið sett eru niðanfyri, skyldu til at lata TAKS fullfíggjaða ognaruppgerð, sum er yvirlit yvir allar ognir og øll fíggjarlig rættindi við tilskilan av virðinum. Skattskyldugir persónar, ið ikki hava bókhalds- og roknskaparskyldu, kunnu lata verða við at lata inn ognaruppgerð, um so er, at tað í mun til seinast innlatnu ognaruppgerð ikki eru broytingar í árinum í ognum og rættindum. Landsstýrismaðurin í skattamálum kann í samráð við Toll- og Skattaráðið gera reglur fyri í hvønn mun skattskyldugur hóast broytingar í ognarviðurskiftunum kann lata verða við at lata inn ognaruppgerð. Skattskyldugur, ið eigur ognir uttanlands av slíkum slag, sum umrøddar eru í stk. 3, skal tó altíð lata inn ognaruppgerð.
2. stk. Reglurnar í stk. 1, 2. pkt. eru tó ikki galdandi fyri skattskyldugar persónar, sum á fyrsta sinni skullu lata inn ognaruppgerð.
3. stk. Ognir og rættindi umrødd í stk. 1 eru millum annað:

  1. Fastognir (grundøki við húsum ella uttan, eins og hús á annara manna øki),
  2. motorakfør, bátar, innbúgv og annað leysafæ
  3. vørur, ráevni, maskinur, innbúgv, innistøða og leysafæ, ið nýtt er í vinnu,
  4. peningur og peningagildi, útistandandi skuldir, skuldarbrøv, inniogn í banka, sparikassa ella aðrari peningastovnan, partabrøv, lutaprógv og aðrir partar í feløgum, somuleiðis lista- og frímerkjasøvn eins og skartgripir, tá ið virðið teirra eru meira enn 25.000 kr.

4. stk. Oyðubløð til ta í stk. 1 nevndu ognaruppgerð verða gjørd eftir skipan landsstýrismansins í skattamálum í samráð við Toll- og Skattaráðið.
5. stk. Til ogn í deyðsbúgvi, sum er tikið til almenna skiftisviðgerð her á landi, teljast allar ognir eftir hin deyða, sum verða tiknar til skiftis. Til ognina verða ikki tald tey virðir, sum eru útlutaðið arvingunum frammanundan uppgerðardegnum. Er útlutan av arvaforskoti ella gávum farin fram í deyðaárinum, skal hetta takast við í uppgerðina, men ikki teljast upp í ognina.
6. stk. Letur persónur ikki inn ognaruppgerð yvir ogn síni í rættari tíð, soleiðis sum fyriskipað er í § 100, stk. 5 og § 110, stk. 1, ger tað sjálvuppgávu hansara av inntøkuni til einkis, jbr. tó stk. 1, 2. pkt. Økisskrivstovurnar fremja tá skattseting eftir reglunum í § 104, stk. 1.
7. stk. Í teim førum, ið nevnd eru í stk. 1, 2. pkt., kunnu økisskrivstovurnar áleggja einum skattskyldugum at lata inn fullfíggjaða ognaruppgerð sambært stk. 1, 1. pkt., tá ið hetta verður hildið neyðugt fyri at fáa greiðu á serliga truplum og fløktum málum.
8. stk. Um persónur ikki letur inn ognaruppgerð fyri ogn sína, tá ið hann verður kravdur eftir henni sambært reglunum í stk. 7 ger tað sjálvuppgávu hansara av inntøkuni til einkis. Økisskrivstovurnar kunnu tá fremja skattseting eftir reglunum í § 104, stk. 1

§ 111. 25) Landsstýrismaðurin í skattamálum ásetur við kunngerð, hvørjar reglur, farið skal verða eftir, tá meting av ognum, ið nevndar eru í § 110, stk. 3, nr. 1)-4) verður gjørd.

§ 112. Til ognina verður ikki talt:

  1. rættindi, sum eru treytað av nøkrum, ið er óvist,
  2. ogn, sum er fingin í arv ella til gávu við tilskilan, at annar fær inntøkurnar fyri fyrst, og at hann, ið ognina eigur, ikki hevur ráð yvir ognini, ímeðan hin fær inntøkurnar,
  3. ogn, sum er fingin í arv ella gávu við tilskilan, at inntøkurnar fyri fyrst skulu goymast, og at hann, ið ognina eigur, hvørki skal hava ráð yvir ogn ella inntøkum,
  4. nýtslurættindi ella krøv til tíðarviss gjøld, ið eru veitt skattgjaldaranum alla ævi hansara ella styttri óvissa tíð sum rættur, ið ikki má avhendast, sum t.d. rættur til eftirløn, lívrentu o.t., leiguleysan bústað, hald, leypandi gjøld sambært vanlukkutryggingarsáttmála o.t.

§ 113. Við uppgerð av ogn eru skuldir skattgjaldarans frádrignar.
2. stk. Til skuld verður ikki talt:

a) ábyrgdir, sum enn ikki eru gjaldkomnar,
b) aðrar skuldbindingar, sum eru treytaðar av nøkrum, ið er óvist.

3. stk. Virðið á skuldbindingum skattgjaldarans til at lata tíðarviss gjøld, ið eru persónligur rættur, sum ikki er avhendiligur, og sum eru veitt honum, ið eigur rættin, alla ævi hansara ella styttri óvissa tíð, sum t.d. eftirløn, lívrenta o.t., leiguleysur bústaður, hald o.t., kann ikki verða drigið frá, tá ognin verður gjørd upp. Somuleiðis kann heldur ikki verða drigið frá virðið á tí nýtslurætti av sama slagi, sum nevndur er frammanfyri, ið hvílir á ognini. Hetta er galdandi uttan mun til, um trygd er latin fyri, at skuldbindingin verður hildin.

§ 114. Ogn, sum persónur hevur inntøkurnar av ella nýtir, meðan annar persónur hevur fingið ognarrættin, tó uttan at hava ráð á henni, so leingi hin fyrr nevndi hevur inntøkurnar ella nýtsluna, verður til helvtar tald uppí ogn hansara, ið inntøkuna ella nýtslu hevur.
2. stk. Men hevur hann, ið fær inntøkurnar av ognini ella nýtir hana, sjálvur avkannað sær ognarrættin, tá skal ognin øll verða tald upp í ognaruppgerð hansara.
3. stk. Um maður hevur givið burtur ogn og lagt tað band á, at inntøkurnar fyri fyrst verða lagdar til goymslu, og at tann ella teir, ið gávuna fáa, ikki fyri fyrst fáa ráð á ognini við goymdum inntøkum, tá skal hann framvegis telja ognina við teimum burturgoymdu inntøkunum upp í ognaruppgerð sína.

§ 115. Ognin verður gjørd upp undir einum eftir standinum, tá tað inntøkuárið gongur út, sum inntøkuskatturin er álagdur eftir, um ikki øðrvísi er skipað í hesi lóg.

§ 116. 25) Ogn hjá børnum yngri enn 16 ár verður tald upp í ognaruppgerðina hjá tí av foreldrunum, sum hevur foreldramyndugleikan. Tá talan er um børn í hjúnalagi avgera foreldrini sjálvi hvør av teimum skal rokna ogn barnanna upp í ognaruppgerð sína.
Stk. 2. Sambúgvandi hjún taka hvør sær egnar ognir við á ognaruppgerð sína. Landsstýrismaðurin í skattamálum verður heimilaður við kunngerð at fyriskriva nærri reglur fyri, hvussu skattliga ognarbýti skal verða gjørt hjá sambúgvandi hjúnum.

§ 117. 25) (Sett úr gildi)

12. KAPITTUL
Skylda at geva upplýsingar um lønir o.a.

§ 118. Til eftiransingina við álíkningini skulu á hvørjum ári innan 31. januar, uttan at biðið verður um tað, hesar upplýsingar verða latnar:

a) Øll, hvørs vegna inntøka, sum smb. 60. § er at rokna sum A-inntøka, er útgoldin í inntøkuárinum frammanundan skulu, fyri hvønn løntakara sær, lata upplýsingar um ta samanlagdu inntøkuna, sum gevast skal upp, tá hann skal geva upp til skatt fyri avvarðandi ár, smb. 28. §. Harafturat skal verða upplýst, í hvørjum tíðarskeiði inntøkan er vunnin, navn móttakarans, persónsnummar, bústaður, bústaðarkommuna og møguliga aðrar upplýsingar, ið eru neyðugar til at sanna, hvør móttakarin er.
b) 25) Upplýsingarskyldugi skal, hvat viðvíkur teimum undir a) nevndu løntakarum, smb. reglum frá Toll- og Skattaráðnum, upplýsa um møguligar fríar ágóðar, sum hann hevur latið.
c) Upplýsingarskyldan, sum nevnd er undir a), fevnir eisini um útgoldna ella góðskrivaða samsýning til rithøvund ella tónaskald eins og samsýningar til útinnandi listafólk av einum og hvørjum slag, í tann mun samsýningin er undir reglunum í a). Somuleiðis útgjalding av avgjaldi fyri nýtslu av einkarrætti, fyrimynd, vørumerki o.l., uttan mun til um avgjaldið verður goldið leypandi ella í einum.

2. stk. Upplýsingarskyldugi skal siga frá samanlagdu inntøkuni, sum er nevnd í 1. stk. a) ávikavist 1. stk. c). Upplýsingarskyldugur, sum hevur skyldu at lata inn roknskap saman við sjálvuppgávuni, skal í roknskapinum skila til, hvar tær lønir, samsýningar v.m., sum eru undir upplýsingarskylduni í 1. stk. a) og c) eru bókaðar, soleiðis at víst verður sammeting millum ársroknskapin og tær í 1. punktum nevndu samanlagdu inntøkuupphæddum. Partafeløg, ið ikki hava álmanakkaárið sum roknskaparár, skulu lata inn yvirlit yvir, hvussu tær í roknskapinum bókaðu lønir v.m. eru býttar út á teir partar av álmanakkaárinum, sum er roknskaparskeiðið.
3. stk. Um hann, hvørs vegna avvarðandi inntøka verður útgoldin, ikki hevur heimating í Føroyum, og fulltrúi, sum hevur heimating í Føroyum, stendur fyri útgjaldingunum, hvílir upplýsingarskyldan smb. 1. og 2. stk. á fulltrúanum.
4. stk. Reglurnar í 63. §, 2. stk., verða nýttar á samsvarandi hátt, tá løntakarin skal lata upplýsingarskylduga upplýsingar, ið skulu sanna, hvør hann er.
5. stk. 25) Heldur upplýsingarskyldugi uppat við virki sínum, kann líkningarvaldið krevja, at tær í 1. og 2. stk. nevndu upplýsingar verða innlatnar, áðrenn 10 dagar eru farnir, frá tí at tær verða umbidnar. Heldur skattskylda løntakarans uppat í Føroyum, kann verða kravt, at tær í 1. stk. nevndu upplýsingar verða innlatnar við somu freist.
6. stk. Løntakarin skal hava avrit av teimum upplýsingum, sum smb. hesi grein eru latnar um hann.
7. stk. 25) Tær upplýsingar, sum nevndar eru í 1. og 2. stk., skulu eftir leiðbeining frá Toll- og Skattaráðnum, latast á serstøkum oyðibløðum góðkend av landsstýrismanninum í skattamálum. Landsstýrismaðurin í skattamálum kann eftir tilmæli frá Toll- og Skattaráðnum í hesum sambandi krevja, at upplýsingar eisini skulu latast um serstakar veitingar, sum eru útgoldnar sum partur av inntøkuni smb. 1. stk., ella sum endurgjald fyri goldnar útreiðslur, sum t.d. endurgjald fyri ferðir, flutning ella umboðan.
8. stk. Landsstýrismaðurin í skattamálum kann eftir tilmæli frá Toll- og Skattaráðnum, fyri bólkar av upplýsingarskyldugum ella fyri ávís sløg av inntøkum, lætta um krøvini til upplýsingarnar. Tey í 2. stk. nevndu krøv kunnu tó varðveitast, tá tað snýr seg um inntøkur, ið annars høvdu komið undir 1. stk.
9. stk. 25) Upplýsingarskyldugur, sum frá líkningarvaldinum móttekur yvirlit yvir upplýsingar nevndir í hesi grein, hevur ikki upplýsingarskyldu, um hann er sannførdur um, at teir av líkningarvaldinum nýttu upplýsingar eru rættir og fullgóðir, smb. § 141, stk. 1, nr. 3.

§ 118a. 48) 77) 91) Skattskyldug,

  1. sum likamligir ella løgfrøðiligir persónar hava ræði á ella
  2. sum hava ræði á føroyskum ella útlendskum løgfrøðiligum persónum ella
  3. sum eru í samtaki við føroyskan ella útlendskan løgfrøðiligan persón ella
  4. sum hava fastan rakstrarstað uttanlands
    ella
  5. sum eru at rokna sum útlendskur likamligur ella løgfrøðiligur persónur við føstum rakstrarstaði í Føroyum, skulu á sjálvuppgávuni tilskila slag og vav á handilsligu ella fíggjarligu viðurskiftum sínum við áðurnevndu likamligu og løgfrøðiligu persónar og føstu rakstrarstaðir. § 103, stk. 2 verður samsvarandi nýtt.

2. stk. 91) Við ræði er at skilja ognarviðurskifti ella ræði á atkvøðunum, sum ásett í § 37 a. Við skattskyldug í samtaki við løgfrøðiligan persón, sbr. stk. 1, nr. 3, er at skilja, at somu eigarar hava ræði á feløgunum.
3. stk. Ein løgfrøðiligur ella likamligur persónur verður mettur at vera útlendskur, um persónurin er heimahoyrandi í Danmark, Grønlandi ella einum fremmandum landi, herundir eftir ásetingunum í einum tvískattasáttmála.
4. stk. 91) Tey, sum eru undir skyldu at lata inn sjálvuppgávu, skulu fáa til vega og goyma skrivligt skjalprógv, sum vísir, hvussu áseting av prísum og treytum fyri viðurskifti, sum koma undir stk. 1, er farin fram. Skrivliga skjalprógvið skal eftir áheitan latast TAKS í seinasta lagi 60 dagar eftir áheitanina. Tilfarið skal vera soleiðis háttað, at tað kann vera grundarlag fyri einari meting av, um ásetingin av prísum og treytum er í samsvari við, hvat kundi verið vunnið, um viðurskiftini vóru millum óheftar partar.
5. stk. Um skattskyldugi ikki hevur fingið til vega skjalprógv, sum ásett í stk. 4, verður álíkningin fyri viðurskifti, sum koma undir stk. 1, sett eftir ætli. Í øllum teimum førum, har skattamyndugleikin ynskir at broyta ta skattskyldugu inntøkuna í samsvari við áseting av prísum og treytum í viðurskiftum millum óheftar partar, skal loyvi fáast til vega frá Stýrinum, áðrenn broytingin verður framd.
6. stk. 91) Skattskyldug, ið sjálvstøðugt, ella ísamtaki við onnur, sum í tveimum fylgjandi roknskaparárum, við roknskaparenda ikki fara upp um tvinnar av hesum ásetingum:
1) ein samanlagdan fíggjarjavna upp á 36 mió. kr.,
2) ein nettoumsetning upp á 72 mió. kr. og
3) í mesta lagi 50 fulltíðarsett starvsfólk í meðal í roknskaparárinum, skulu hvørki gera ella goyma slík skjalprógv, sum ásett í stk. 4. Tó kann TAKS í serligum førum áleggja hesum feløgum at gera og goyma slík skjalprógv.

§ 118 b. 91) Í hesi grein, umframt í §§ 118 c-g, verða niðanfyri standandi hugtøk brúkt og skilt á henda hátt:
1) Land fyri land frágreiðing: Ein frágreiðing, sum eitt samtak letur skattamyndugleikunum. Frágreiðingin skal upplýsa skattamyndugleikarnar um alt tað búskaparliga virksemi, sum samtakið hevur í øllum londum í allari verðini.
2) Samtak: Feløg, sum orsakað av eigaraviðurskiftum ella ræði eru sambundnar á tann hátt, at feløgini eftir teimum galdandi reglunum um konsolideraðan samtaksroknskap, sum samtakið er fevnt av, hava roknskaparskyldu ella høvdu havt eina slíka roknskaparskyldu, um eitt ella fleiri feløg vóru børsskrásettar.
3) Fleirtjóðasamtak: Eitt samtak, sum hevur samtaksfeløg í meira enn einum skattarættardømi.
4) Samtaksfelag:

a) Hvørt felag í einum fleirtjóðasamtaki, sum sjálvstøðugt frammgongur í tí konsolideraða samtaksroknskapinum ella hevði frammgingið í hesum, um ein ella fleiri av feløgunum í samtakinum vóru børsskrásett.
b) Hvørt felag, sum ikki er tikið við í tann konsolideraða samtaksroknskapin, einans orsakað av støddini á felagnum ella tí tað ikki er viðkomandi fyri tann konsolideraða samtaksroknskapin.
c) Hvørt fast rakstrarstað hjá einum felagi, sum er fevnd av annaðhvørt litra a ella litra b, um serstakur roknskapur krevst orsakað av ársroknskaparligum- ella skattaroknskaparligum grundum ella við atliti at uttanhýsis eftirliti ella leiðslukunningarligum endamálum innanhýsis í samtakinum.

5) Tað ultimativa móðurfelagið: Eitt samtaksfelag, sum í einum fleirtjóða samtaki lýkur
fylgjandi treytir:

a) Samtaksfelagið hevur beinleiðis ella óbeinleiðis ræði á einum ella fleiri øðrum samtaksfeløgum í fleirtjóða
samtakinum, sum hevur við sær, at felagið er undirlagt roknskapskrøvunum um at gera ein konsolideraðan
samtaksroknskap eftir teimum reglum, sum eru galdandi í tí landinum, har felagið skattliga hoyrir heima, ella
hevði havt eina slíka roknskaparskyldu, um felagið var børsskrásett.
b) Einki annað samtaksfelag í fleirtjóða samtakinum hevur beinleiðis ella óbeinleiðis nóg mikið av ræði á felagnum, sum samtakið, nevnt í litra a hevur.

6) Umsetningur: Øll inntøka, sum felagið umsetur í samband við tann vanliga raksturin, m.a. vørusølu, tænastuveitingar, samsýningar, rentur, vinningsbýti og nýtslugjøld.
7) Umboðsmóðurfelag: Eitt samtaksfelag, sum í samsvari við § 118 d, stk. 2, er valt til at handa tí landinum, har tað skattliga hoyrir heima, eina land fyri land frágreiðing, tá ein ella fleiri treytir í § 118 d, stk. 1, nr. 2, eru loknar.
8) Avtala millum teir málsráðandi myndugleikarnar: Ein altjóða avtala millum teir málsráðandi skattamyndugleikarnar í teimum viðkomandi rættardømunum, sum setur krøv um sjálvvirkandi skifti av land
fyri land frágreiðingum.
9) Altjóða avtala um skifti av skattaviðurskiftum: Ein og hvør dupultskattasáttmáli, annar altjóðasáttmáli ella millumtjóðasáttmáli, ella fyrisitingarlig avtala, gjørd um hjálp í skattarættarmálum, sum hevur við sær, at tað er møguligt hjá Føroyum og øðrum rættardømum at býta um upplýsingar, millum annað sjálvvirkandi umbýting av skattaupplýsingum.
10) Skipanarligur feilur viðvíkjandi einum rættardømi: Tá ein avtala ímillum teir málsráðandi myndugleikarnar í Føroyum og mynduleikarnar í viðkomandi rættardøminum er gjørd, men myndugleikarnir í hinum rættardøminum hava strikað ta sjálvvirkandi skipanina um umbýting av upplýsingum av øðrum orsøkum enn teimum, sum eru fastlagdar í avtaluni ímillum tann málsráðandi myndugleikan í Føroyum og myndugleikan í viðkomandi rættardøminum. Hetta er eisini galdandi, um myndugleikin í viðkomandi rættardøminum ferð eftir ferð letur vera við at býta land fyri land frágreiðingina um við Føroyum í teimum førum, tá eitt fleirtjóðasamtak hevur samtaksfeløg í Føroyum.

§ 118 c. 91) Tað ultimativa móðurfelagið í einum fleirtjóðasamtaki, sum skattliga hoyrir heima í Føroyum sbrt. § 1 í skattalógini ella § 1 í kapitalvinningsskattalógini, skal handa teimum føroysku skattamyndugleikunum eina land fyri
land frágreiðing fyri eitt inntøkuár, um samtakið hevur ein konsolideraðan umsetning fyri minst 5,6 mia. kr. í roknskaparárinum tað inntøkuárið, sum frágreiðingin skal greiða frá.
Stk. 2. Land fyri land frágreiðingin skal í seinasta lagi vera latin inn 12 mánaðir eftir síðsta dag í tí inntøkuári, sum hon skal greiða frá.

§ 118 d. 91) Eitt samtaksfelag, sum ikki er tað ultimativa móðurfelagið, skal lata land fyri land frágreiðingina inn áðrenn freistina, sum er nevnd í § 118 c, stk. 2, sbr. tó § 118 e, um hesar treytir eru loknar:
1) Samtaksfelagið hoyrir skattliga heima í Føroyum sbrt. § 1 í skattalógini, og
2) ein ella fleiri av fylgjandi treytum eru loknar:

a) Tað ultimativa móðurfelagið í samtakinum hevur ikki ábyrgd av at handa eina land fyri land frágreiðing inn í
landinum, har tað hoyrir heima.
b) Sjálvvirkandi umbýting av land fyri land frágreiðingum hendir ikki, orsakað av at eingin avtala er gjørd ímillum
teir føroysku málsráðandi myndugleikarnar og myndugleikarnar í tí viðkomandi rættardøminum, har tað ultimativa móðurfelagið skattliga hoyrir heima, sjálvt um hesi lond hava eina altjóða avtalu um umbýting av skattaupplýsingum.
c) Ein skipanarligur feilur er hendur í tí rættardøminum, har tað ultimativa móðurfelagið skattliga hoyrir heima, og skattamyndugleikarnir hava fráboðað samtaksfelagnum í nr. 1 um hetta.

Stk. 2. Eru ein ella tvær av treytunum, sum eru nevndar í stk. 1, nr. 2 loknar, og er talan um meira enn eitt føroyskt samtaksfelag, sbrt. stk. 1, nr. 1, skulu samtaksfeløgini velja eitt av samtaksfeløgunum til at virka sum umboðsmóðurfelag og skal hetta umboðsmóðurfelagið tryggja sær, at land fyri land frágreiðingin verður handað
skattamyndugleikunum áðrenn freistina, sum er nevnd í § 118 c, stk. 2. Skattamyndugleikarnir skulu fáa boð um valið av umboðsmóðurfelagi, og hetta hevur valda samtakið ábyrgd av at gera.

§ 118 e. 91) Eitt samtaksfelag skal ikki handa skattamyndugleikunum eina land fyri land frágreiðing, um frágreiðingin, vegna fleirtjóða samtakið verður handað av umboðsmóðurfelagnum í tí rættardøminum, har umboðsmóðurfelagið
hoyrir heima, og fylgjandi treytir eru loknar:
1) Í rættardøminum, har umboðsmóðurfelagið skattliga hoyrir heima, er krav um handan av land fyri land frágreiðingini.
2) Rættardømið, har umboðsmóðurfelagið skattliga hoyrir heima, hevur eina altjóða avtalu um umbýting av upplýsingum við Føroyar, og ein sjálvvirkandi skipan ger, at land fyri land frágreiðingar verða umbýttar, í samsvari
við avtalu millum teir málsráðandi myndugleikarnar.
3) Eingin skipanarligur feilur er viðvíkjandi tí rættardøminum, har umboðsmóðurfelagið hoyrir heima, ella skattamyndugleikarnir hava latið vera við at boða samtaksfelagnum frá um skipanarligan feil.
4) Rættardømið, har umboðsmóðurfelagið skattliga hoyrir heima, hevur móttikið eina fráboðan, sbrt. § 118 f, stk. 1, frá einum samtaksfelag, sum skattliga hoyrir heima í sama rætttardømi sum umboðsmóðurfelagið, um, at samtaksfelagið skal virka sum umboðsmóðurfelag.
5) Samtaksfelagið hevur boðað skattamyndugleikunum frá, sbrt. § 118 f, stk. 2.

§ 118 f. 91) Tað ultimativa móðurfelagið, sbrt. § 118 c, stk. 1, ella eitt føroyskt umboðsmóðurfelag, sbrt. §118 d, stk. 2, í einum fleirtjóðasamtaki, skal í seinasta lagi áðrenn inntøkuárið, sum land fyri land frágreiðing umfatar, endar, senda skattamyndugleikunum eina fráboðan um, hvør av teimum hevur ábyrgd av at handa land fyri land frágreiðingina.
Stk. 2. Er samtaksfelagið ikki tað ultimativa móðurfelagið ella umboðsmóðurfelagið, skal samtaksfelagið sjálvt boða skattamynduleikunum frá um, hvat samtaksfelag hevur ábyrgdina av at handa land fyri land frágreiðingina, og fráboða, hvar samtaksfelagið skattliga hoyrir heima.

§ 118 g. 91) Landstýrismaðurin í fíggjarmálum kann áleggja nærri reglugerðir um innhaldskravið í land fyri land frágreiðingum, sum sbrt. §§ 118 b, 118 d og 118 e skulu handast skattamyndugleikunum.

§ 119. 12) 25) Øll, sum reka vinnu, hava, annaðhvørt tey sambært lógina eru skyldug at føra roknskap ella ikki, skyldu til at leggja fyri líkningarvaldini roknskapartilfar sítt við fylgiskjølum, bæði fyri eldri og inniverandi ár, tá hetta verður kravt, og annars øll skjøl, sum kunnu verða til sannan av álíkningini. Sama skylda liggur á feløgum v.m., felagsskapum, stovnum, gávufægrunnum og sjálvsognarstovnum, antin teir reka vinnu ella ikki. Er roknskapartilfarið v.m. hjá triðjamanni, skal hann, sjálvt um hann hevur rætt til at afturhalda tað, lata líkningarvaldinum tað, sum aftan á nýtslu skulu lata triðjamanni tað aftur. Sýtir skattgjaldari at lata líkningarmyndugleikunum roknskapartilfar v.m., kann landsstýrismaðurin í skattamálum eftir tilmæli frá Toll- og Skattaráðnum kunngera reglur um at áleggja dagliga sekt, til tilfarið er útflýggjað.
2. stk. 25) Øll, sum reka vinnu, hava, annaðhvørt tey sambært lógini hava roknskaparskyldu ella ikki, skyldu til at lata líkningarvaldið ella persón, sum líkningarvaldið tilnevnir, sleppa á staðið at eftirkanna roknskapartilfarið og øll skjøl, sum kunnu vera av týdningi fyri rættleikan av álíkningini. Eisini kann líkningarvaldið á staðnum gera kassauppgerð v.m.
3. stk. 25) Eisini hevur líkningarvaldið ella tann persónur, ið líkningarvaldið tilnevnir, rætt til at koma á staðið at gera upp og meta um vørugoymsluna, innistøðu, innbúgv, maskinur og onnur amboð.
4. stk. 25) Persónur ella felag v.m., sum forðar líkningarvaldinum ella tilnevndum persóni at koma á staðið sambært 3. stk., kann revsast við sekt.
5. stk. 25) Líkningarvaldið kann um neyðugt biðja løgregluna hjálpa sær í teimum førum, sum nevnd eru í 1.- 3. stk.

§ 120. 25) Øll almenn vald og stjórnir fyri peningastovnar, feløg, tryggingarvirki, felagsskapir, stovnar, gávufægrunnar og aðrar stovnanir eru skyldug eftir áheitan ókeypis at lata líkningarvaldinum ella tí persóni, sum líkningarvaldið hevur tilnevnt, allar tær upplýsingar, ið kunnu vera til leiðbeiningar í starvi tess - tó einans eftir avgerð landsstýrismansins í skattamálum, tá tað er um fleiri ónevndar skattgjaldarar at røða. Somu skyldu hava sakførarar og grannskoðarar í viðurskiftum sínum við viðskiftafólk.
Stk. 2. 25) Bankar, vekslarar og aðrar peningastovnanir og persónar, ið hava slíkan handil við virðisskjølum, at teir eru skyldugir at halda bøkur eftir lóg, skulu, tá teir verða kravdir, geva líkningarvaldinum tær upplýsingar um keyp og sølu av virðisskjølum, sum kunnu verða til leiðbeiningar tá skattur verður álagdur. Har ið keypari ella seljari er umboðaður av sakførara ella øðrum fulltrúa, hevur hann skyldu at siga frá navni, føðingardegi ella persónsnummari og bústaði hjá klienti sínum.
Stk. 3. 25) Verksmiðjueigarar, heilsølumenn, ídnaðarvirki, fiskavirki og onnur vinnurekandi skulu, tá tey verða kravd, geva líkningarvaldinum upplýsingar um viðurskifti síni við einstakar nevndar viðskiftamenn ella útvegamenn, tó einans viðvíkjandi handli við slíkum vørum, sum keyparin ella útvegamaðurin, ið spurt er um, selur ella framleiðir í vinnu ella virki sínum.
Stk. 4. 14) 25) 37) 55) Nevndir fyri partafeløg, eru skyldugar eftir áheitan ókeypis at lata líkningarvaldinum allar tær upplýsingar, sum hesar hava um navn, føðingardag og bústað hjá persónum, feløgum v.m., sum eru ella innanfyri eitt nærri ávíst tíðarskeið hava verið eigarar av partabrøvunum í felagnum og um støddina av partabrøvunum hjá viðkomandi v.m. ella atkvøðurættindum.
Stk. 5. 14) 37) 55) Strikað
Stk. 6. 14) Partafelagið skal saman við sjálvuppgávuni leggja eitt yvirlit yvir teir persónar og feløg, sum í inntøkuárinum hava verið umfataðir av upplýsingarskylduni eftir 5. stk., við teimum harí nevndu upplýsingum.

§ 120 a. 1) 25) Bankar, sparikassar og onnur, ið taka ímóti peningi og øðrum virðum at umsita, ella sum reka vinnu við at læna út pening, skulu eftir áheitan lata líkningarmyndugleikunum ella tí persóni, sum líkningarmyndugleikin hevur tilnevnt, allar upplýsingar um innistandandi pening, lán, goymslur ella boks hjá navngivnum persónum, tá ið tað er av týdningi fyri skattaálíkningina, at hesar upplýsingar kunnu verða útvegaðar. Soleiðis kann verða kravt, at upplýst verður um lánsupphædd, innistandandi og onnur virði, sum verða umsitin og somuleiðis um tað, sum hetta gevur av sær, um flytingar á ávikavist innláns- ella útlánskonto, eisini um úttiknar og innsettar kekkar, um diskonteraðar vekslar og um trygd fyri lánum og kredittum. Viðvíkajndi ikki navngivnum kunnu eftir avgerð landsstýrismansins í skattamálum upplýsingar krevjast um innistandandi ella virðir, sum verða umsitin, og um tað, sum hetta gevur av sær, við upplýsingum um navn á eigara ella tí, sum møguliga hevur heimild at ráða, bústað, navn á handilsbústað og upplýsingar, sum nevndar eru í § 120 b, stk. 2.
Stk. 2. 25) Við atliti at skattligu eftiransingini við navngivnum og ikki navngivnum persónum, hava líkningarmyndugleikarnir eftir nærri fyriskipan landsstýrismansins í skattamálum rætt til í samstarvi við bankar, sparikassar og vekslarar hjá hesum somu at koma á staðið og ganga ígjøgnum roknskapartilfar, fylgiskjøl og skjøl annars, sum eru nevnd í § 119, 2. stk. Við gjøgnumgongdina kunnu líkningarmyndugleikarnir tryggja sær upplýsingar, sum nevndar eru í 1. stk.

§ 120 b. 1) 25) 55) Bankar, sparikassar, postgirostovan og onnur, sum taka ímóti innláni til renting, skulu í samband við skattaálíkningina á hvørjum ári uttan at biðið verður um tað, lata líkningarmyndugleikunum upplýsingar um upphædd av latnum ella góðskrivaðum rentum og afturhildnum rentuskatti til teir einstøku kontohavararnar í árinum frammanundan og upphædd av tí innistandandi við árslok í árinum fammanundan. Landsstýrismaðurin í skattamálum kann áseta, at samsvarandi upplýsingar skulu latast av øðrum, sum, renta ognir, sum annar persónur eigur.
Stk. 2. Upplýsingar, sum verða latnar eftir stk. 1, skulu innihalda kontoheiti, navnið á honum, sum eigur kontoina, bústað, persóntal ella arbeiðsgevaratal.
Stk. 3. Upplýsingarskyldan eftir stk. 1 og 2 fevnir eisini um konti v.m., sum verða uppsagdar í árinum. Fyri slíkar konti verða upplýsingar um innistandandi, tá ið kontoin verður uppsøgd, latnar.
Stk. 4. 25) Landsstýrismaðurin í skattamálum kann áseta nærri reglur um innlating av upplýsingum eftir stk. 1-3 og áseta freist fyri innlating av nevndu upplýsingum. Tá ið praktisk viðurskifti tala fyri, og upplýsingin hevur minni týdning fyri skattaeftiransingina, kann landsstýrismaðurin í skattamálum frítaka fyri ella slaka upplýsingarskylduna eftir stk. 1-3 fyri einstakar ella bólkar av upplýsingarskyldugum ella fyri ávís kontosløg á sama hátt, sum tað kann áseta eitt minsta mark fyri tær upphæddir, sum skulu fráboðast.
Stk. 5. 25) Tann upplýsingarskyldugi skal geva kontohavaranum boð um stødd á teimum upphæddum, sum skulu fráboðast eftir stk. 1, smb. stk. 4. Landsstýrismaðurin í skattamálum kann áseta, at fráboðanin til kontohavaran eisini skal innihalda upplýsingar, viðvíkjandi serligum eigaraviðurskiftum til kontoina. Fráboðan til kontohavaran skal gerast innan 1. februar í árinum aftaná tað álmanakkaárið, sum upplýsingarnar viðvíkja.
Stk. 6. 25) Landsstýrismaðurin í skattamálum ásetur nærri reglur fyri konti, sum eru nevndar í stk. 1., og sum hoyra til persónar, sum hava bústað ella tilhald uttanlands.

§ 120 c. 1) 25) 77) Tann, sum stovnar konto, avtalu í lívstryggingarfelag, eftirlønargrunni ellasambært § 120 b, stk. 1, skal upplýsa persóntalið hjá kontohavaranum ella arbeiðsgevaratal, somuleiðis eftir landsstýrismansins í skattamálum nærri ásetan geva aðrar upplýsingar, sum eru neyðugar fyri at vita, hvør kontohavarin er. Um kontohavarin hvørki hevur persóntal ella arbeiðsgevaratal, kann landsstýrismaðurin í skattamálum áseta nærri reglur um, hvørjar upplýsingar skulu latast.
Stk. 2. 25) Eftir reglum, sum landsstýrismaðurin í skattamálum ásetir, skal tann, sum stovnar konto sambært stk. 1., prógva sannleikan av teimum givnu upplýsingum.
Stk. 3. Fyri at stovna eina konto sambært § 120 b, stk. 1, krevst, at viðkomandi hevur latið tær upplýsingar og prógv, sum nevnd eru í stk. 1 og 2.
Stk. 4. 25) Verða tær í stk. 1. nevndu upplýsingar broyttar, sum eru neyðugar til at gera av, hvør ið kontohavarin er, skal hesin eftir nærri reglum, ásettar av landsstýrismanninum í skattamálum, geva tí upplýsingarskylduga boð smbr. § 120 b um broytingina.

§ 120 d. 1) 25) Líkningarvaldið kann lata teimum upplýsingarskyldugu neyðugar upplýsingar til tess at tryggja, at fráboðanarskyldan sambært §§ 120 b, 120 h og 120 j kann fremjast.

§ 120 e. 1) 25) Líkningarvaldið kann skráseta tey, sum hava upplýsingarskyldu sambært §§ 120 b, 120 h og 120 j. Landsstýrismaðurin í skattamálum kann áseta nærri reglur um skránna og um skyldu til at lata seg skráseta.
Stk. 2. 25) Toll- og Skattaráðið hevur heimild til at tvinga skráseting við at leggja á dagliga sekt, sum landsstýrismaðurin í skattamálum skal góðkenna.

§ 120 f. 1) 25) Teir, sum hava upplýsingarskyldu eftir §§ 120 b, 120 h og 120 j skulu leggja teirra roknskapir soleiðis til rættis, at tær upplýsingar, sum eru latnar sambært nevndu greinir, kunnu samanberast við roknskapirnar.
Stk. 2. 25) Teir, sum hava upplýsingarskyldu, skulu eftir áheitan senda inn roknskapartilfar ella annað skjalprógv, ið hevur verið nýtt sum grundarlag fyri teimum upplýsingum, sum latnar eru líkningarvøldunum. Líkningarvaldið kann á staðnum kanna nevnda roknskapartilfar og onnur skjalprógv.

§ 120 g. 1) 25) Konti hjá persónum, sum nevndir eru í § 3, stk. 1, litra a, b, c, e og f, eru undantiknar reglunum í §§ 120 b - 120 d, og §§ 120 h - 120 k.
Stk. 2. Eftir reglum, sum verða ásettar av landsstýrismanninum í skattamálum, koma konti hjá útlendskum umboðum, ið koma undir § 3, stk. 1, litra d, í hesi løgtingslóg, ikki undir reglurnar í §§ 120b - 120d, og §§ 120h - 120k.

§ 120 h. 1) 25) Bankar, sparikassar, postgirostovan, Føroya Ídnaðargrunnur, Færøernes Realkreditinstitut, Húsalánsgrunnurin, Jarðargrunnurin, Menningargrunnur Ídnaðarins, P/f Húsalán, tryggingarstovur og onnur, sum sjálvi læna út pening ímóti renting, skulu í sambandi við fyribilsálíkningina og skattaálíkningina 2 ferðir á hvørjum ári, uttan at biðið verður um tað, lata tær í stk. 2 nevndu upplýsingar til líkningarmyndugleikar. Landsstýrismaðurin í skattamálum kann áseta, at gjaldskortútskrivarar og onnur, sum læna pening út á samsvarandi hátt, hava upplýsingarskyldu.
Stk. 2. 25) Fráboðanin skal innihalda upplýsingar til sannan av lántakara og upplýsingar um konto og lánsviðurskifti. Fyri tað einstaka lánið skal upplýsast:

  1. slag av láni,
  2. tilskrivaðar ella falnar rentur,
  3. provisiónir v.m.,
  4. skuld pr. 31. desember,
  5. upplýsingar, sum landsstýrismaðurin í skattamálum sambært 3. stk. krevur, og
  6. mettar rentur í inntøkuárinum.

Stk. 3. 25) Landsstýrismaðurin í skattamálum ásetur nærri reglur fyri tær upplýsingar, sum skulu fráboðast, og um mannagongd og freist v.m. fyri fráboðanini. Tá ið praktisk viðurskifti tala fyri tí, og upplýsingarnar hava minni týdning fyri skattaeftiransingina, kann landsstýrismaðurin í skattamálum frítaka fyri ella slaka upplýsingarskylduna. Landsstýrismaðurin í skattamálum kann áseta serligar reglur um fráboðan um lán til lántakarar, sum hava bústað ella tilhald uttanlands.
Stk. 4. Um gjaldingarnar viðvíkja útlánum, sum verða umsitin av einum, sum hevur upplýsingarskyldu smbr. § 120 j, er fráboðanarskyldan eftir stk. 1 ikki galdandi.
Stk. 5. 25) Tann, sum hevur upplýsingarskyldu, skal innan 1. februar í árinum aftaná álmanakkaárið, sum upplýsingarnar viðvíkja, boða lántakaranum frá, um tær fráboðaðu og innlatnu upplýsingarnar. Landsstýrismaðurin í skattamálum kann áseta, at fráboðanin skal innihalda aðrar upplýsingar um lánið.

§ 120 j. 1) Bankar, sparikassar og onnur, sum taka ímóti pantibrøvum við panti í fastari ogn í varðveitslu til at umsita, skulu í sambandi við skattaálíkningina á hvørjum ári, uttan at biðið verður um tað, lata tær í stk. 2 nevndu upplýsingar til líkningarmyndugleikarnar.
Stk. 2. Fráboðanin skal innihalda upplýsningarnar til sannan av ávikavist lántakara og goymsluhavara og goymsluni umframt upplýsingar um lánið. Fyri tann einstaka lántakara og goymsluhavara skal upplýsast:

  1. tilskrivaðar ella gjaldkomnar rentur,
  2. restskuld pr. 31. desember og
  3. áljóðandi virði av restskuld pr. 31. desember.

Stk. 3. 25) Landsstýrismaðurin í skattamálum ásetur reglur um tær upplýsingar, sum skulu latast, og um mannagongd og freist v.m., fyri fráboðanina. Tá ið viðurskiftini tala fyri, og upplýsingarnar hava minni týdning fyri skattaeftiransingina, kann landsstýrismaðurin í skattamálum slaka ella lata vera at krevja upplýsingar. Landsstýrismaðurin í skattamálum kann áseta nærri reglur um fráboðan fyri lántakara og goymsluhavara, sum hava bústað ella tilhald uttanlands.
Stk. 4. 25) Tann, sum hevur upplýsingarskyldu, skal innan 1. februar í árinum aftaná tað álmanakkaárið upplýsingarnar viðvíkja, fráboða lántakaranum og goymsluhavaranum um latnu upplýsingarnar. Landsstýrismaðurin í skattamálum kann áseta, at fráboðanin skal innihalda aðrar upplýsingar um tey pantibrøv, ið liggja á goymslu.

§ 120 k. 1) 25) Tann, sum er lántakari ella hevur eina goymslu, sum kemur undir § 120 h ella § 120 j, skal lata teimum, sum hava upplýsingarskyldu, tær upplýsingar, herundir persóntal, til sannan av lántakara ella goymsluhavara, sum eru neyðugar til tess at lúka fráboðanarskylduna, umframt at sanna, at tær upplýsingar, ið eru latnar, eru beinar. Landsstýrismaðurin í skattamálum ásetur nærri reglur um hetta.
Stk. 2. Um broytingar fara fram í teimum í stk. 1 nevndu viðurskiftum, skal boðast frá til tann, sum hevur upplýsingarskyldu, um broytingarnar.
Stk. 3. Eitt lán sambært § 120 h, kann bert stovnast um tær í 1. stk. nevndu upplýsingar verða latnar. Yvirtøka av láni verður javnsett við stovnan av láni. Ein goymsla, sum nevnd í § 120 j, kann bert stovnast, um tann, sum stovnar goymsluna, letur tær í stk. 1. nevndu upplýsingar um, hvør goymsluhavarin er.

§ 120 l. 1) 25) Ber nakar seg undan at ganga undir ásetingunum í § 120 b, stk. 1-3 ella § 120 e, § 120 h, stk. 1, § 120 j stk. 1 ger landsstýrismaðurin í skattamálum av, um viðkomandi er skyldugur at gera tað, og kann um neyðugt tvinga hesa skyldu ígjøgnum við at áleggja dagliga sekt.

§ 120 m. 1) 25) Upplýsingar um persóntal, sum ein privatur vinnurekandi v.m. hevur móttikið sambært § 120 c, stk. 1, § 120 d ella § 120 k, mugu ikki gevast víðari til onnur, uttan so at hetta verður mett neyðugt, fyri at tann vinnurekandi kann røkja sínar uppgávur fyri líkningarvaldið. Landsstýrismaðurin í skattamálum kann, eftir at tað hevur biðið skrásetingareftirlitið um ummæli, gera frávik frá 1. punktum.

§ 120 n. 1) 2) 12) 25) 46) 99) Har, sum tað í hesi løgtingslóg er heimilað líkningarmyndugleikunum at krevja upplýsingar í samband við skattaálíkningina, hava kommunalu skattakærunevndirnar og Føroya Kærustovnur sama rætt í kæruviðgerð.

§ 120 o. 55) 71) Tann, ið, sum liður í sínum virksemi, tekur ímóti virðisbrøvum, umfatað av kapitalvinningsskattalógini § 1, í virðisbrævagoymslu, skal á hvørjum ári, uttan at biðið verður um tað, lata TAKS upplýsingar elektroniskt um útlutað vinningsbýti, tilskrivaðar rentur og innloystar rentuseðlar eftir kapitalvinningsskattalógini.
Stk. 2. Feløg og grunnar o.o., sum hava skyldu at afturhalda vinningsbýtisskatt eftir kapitalvinningsskattalógini § 15, skulu á hvørjum ári, uttan at biðið verður um tað, lata TAKS upplýsingar um vinningsbýti, sum er útlutað.
Stk. 3. Upplýsingar, sum verða latnar eftir stk. 1 og 2, skulu innihalda upplýsingar um:

  1. Hvør letur TAKS upplýsingarnar.
  2. Hvør hevur móttikið útlutað vinningsbýti ella rentu, so vítt sum upplýsingarnar eru kendar.
  3. Hvussu nógv er útlutað í vinningsbýti ella tilskrivað av rentu í árinum frammanundan, og hvussu nógv er afturhildið í vinningsbýtisskatti.
  4. Fyri virðisbrøv í goymslu eisini heiti á avvarðandi virðisbrævi og kursvirðið við sama árs enda.

Stk. 4. Tann, sum stovnar kontu í einari virðisbrævagoymslu eftir stk. 1, skal upplýsa tí fráboðanarskylduga navn, bústað, p-tal ella v-tal. Um viðkomandi hvørki hevur p-tal ella v-tal, kann TAKS áseta nærri reglur um, hvørjar upplýsingar skulu latast.
Stk. 5. Tann, sum tekur ímóti vinningsbýti frá felag ella grunni o.a., nevnt í stk. 2, skal upplýsa tí fráboðanarskylduga navn, bústað, p-tal ella vtal.
Stk. 6. Tann upplýsingarskyldugi skal í seinasta lagi 1. februar í árinum aftaná tað álmanakkaárið, sum upplýsingarnar viðvíkja, boða eigaranum av goymsluni frá, hvørjar upplýsingar eru latnar TAKS eftir stk. 1-3.
Stk. 7. TAKS kann áseta nærri reglur um innlating av upplýsingum eftir stk. 1-3 og áseta freist fyri innlating av nevndu upplýsingum. Tá ið praktisk viðurskifti tala fyri tí, og upplýsingarnar hava minni týdning fyri skattaeftiransingina, kann TAKS frítaka ella slaka fyri innlating av upplýsingum.

§ 120 p. 55) 71) 77) Bankar, sparikassar, tryggingarfeløg og onnur, sum tekna eftirlønarskipanir o.t., sambært rentutryggingarlógini og eftirlønarlógini, skulu í sambandi við skattaálíkningina á hvørjum ári, uttan at biðið verður um tað, lata TAKS upplýsingar elektroniskt um teir einstøku kontuhavararnar ella tryggingartakararnar. Upplýsast skal fyri hvørja kontu sær:

  1. Hvørt talan er um lívrentu, kapitalskipan, lutaeftirlønarskipan ella uppsparing.
  2. Samlaðu inngjøldini frá arbeiðsgevara ávikavist eigara og møgulig kapitalinngjøld.
  3. Salda ella virðið á eftirlønarskipanini við ársenda fyri hvørja kontu og eftirlønarskipan sær. Tó ikki fyri lívrentu
  4. Møguligar broytingar í eftirlønarskipanini seinasta árið.
  5. 77) Strikað 

Stk. 2. Upplýsingar, sum verða latnar eftir stk. 1, skulu innihalda navnið á viðkomandi, sum eigur kontuna, tryggingina, bústað og p-tal.
Stk. 3. TAKS kann áseta nærri reglur um innlating av upplýsingum eftir stk. 1 og áseta freist fyri innlating av nevndu upplýsingum. Tá ið praktisk viðurskifti tala fyri tí og upplýsingarnar hava minni týdning fyri skattaansingina, kann TAKS frítaka ella slaka upplýsingarskylduna eftir stk. 1 fyri einstakar ella bólkar av upplýsingarskyldugum ella fyri ávís kontu- og tryggingarsløg á sama hátt, sum TAKS kann áseta minstamark fyri tær upplýsingar, sum skulu fráboðast.
Stk. 4. Upplýsingarskyldugi skal geva kontu og tryggingarhavaranum boð um støddina á teimum upphæddum, sum eru fráboðaðar eftir stk. 1. Fráboðan til kontu- og tryggingarhavaran skal gerast innan 1. februar í árinum aftaná tað álmanakkaárið, sum upplýsingarnar viðvíkja.
Stk. 5. TAKS ásetur nærri reglur fyri kontu og tryggingar, sum eru nevndar í stk. 1, og sum hoyra til persónar, sum hava bústað ella tilhald uttanlands.

§ 120 q. 78) Landsstýrismaðurin kann í kunngerð áseta reglur um, at fíggjarstovnar á hvørjum ári, uttan at biðið verður um tað,
skulu lata líkningarvaldinum hesar upplýsingar um fíggjarkontur:

  1. Navn, bústað, p-tal, v-tal og útlendsk eyðkennisnummur umframt onnur eyðkenni viðvíkjandi kontueigarum og upplýsingar
    um, hvørji lond ella økir hesir knýta seg til. Viðvíkjandi kontueigarum, ið eru løgfrøðiligir persónar, og sum ein ella fleiri
    persónar hava ræði á, kunnu upplýsingarnar eisini fevna um hesar persónar.
  2. Kontunummar, ella um einki kontunummar er, tað sum til praktisk endamál samsvarar við eitt kontunummar.
  3. Navn og eyðkennisnummur á tí fíggjarstovni, undir hesum eyðkennisnummur, sum útlendskir myndugleikar hava givið.
  4. Saldu ella virði á fíggjarkontuni, undir hesum, um talan er um tryggingaravtalu við kontantvirði ella annuitetsavtalu, kontantvirðið ella afturkeypsvirðið við endan á relevanta álmanakkaárinum ella beint undan, at kontan varð stongd, um kontan er stongd í álmanakkaárinum.
  5. Viðvíkjandi fyrisitingarkontum:
    a) Samlaða bruttuupphæddin av rentum, samlaða bruttuupphæddin av vinningsbýti og samlaða bruttuupphæddin av aðrari inntøku fingin frá aktivum, ið finnast á kontuni, tá upphæddirnar eru goldnar ella tilskrivaðar kontuni ella eru goldnar ella tilskrivaðar við atliti at kontuni í álmanakkaárinum.
    b) Samlaða bruttuavlopið frá sølu ella innloysing av virðum, ið eru goldin ella tilskrivað kontuni í álmanakkaárinum, tá viðkomandi fíggjarstovnur hevur virkað sum umboð fyri kontueigaran í sambandi við søluna ella innloysingina.
  6. Viðvíkjandi einhvørjari innlánskontu samlaða bruttuupphæddin av rentum, sum er goldin ella tilskrivað í álmanakkaárinum.
  7. Viðvíkjandi einhvørjari kontu, sum ikki er fevnd av nr. 5 ella 6, samlaða bruttuupphæddin goldin ella tilskrivað kontueigaranum við atliti til kontuna í álmanakkaárinum, har viðkomandi fíggjarstovnur er gjalds- ella tilskrivingarskyldugur, undir hesum samlaða upphæddin av møguligum innloysingarupphæddum, sum eru goldnar kontueigaranum í álmanakkaárinum.

Stk. 2. Landsstýrismaðurin kann áseta reglur um, at fíggjarstovnar harafturat skulu lata líkningarvaldinum nøvnini á teimum fíggjarstovnum, sum teir hava goldið upphæddir til, og samlaðu upphæddina av gjaldingum fyri hvønn fíggjarstovn.
Stk. 3. Landsstýrismaðurin kann áseta reglur um nærlagni hjá fráboðanarskyldugum fíggjarstovnum í sambandi við eyðmerking og fráboðan um fíggjarkontur og gjøld til nærri lýstar fíggjarstovnar, sbr. stk. 2. Undir hesum kann landsstýrismaðurin áseta reglur um, hvussu eginváttanir verða latnar í sambandi við hesar mannagongdir.
Stk. 4. Landsstýrismaðurin kann avmarka reglurnar, sum eru ásettar sambært stk. 1-3, til kontueigarar og løgfrøðiligar persónar, sum eru undir ræði av persónum, ið hava tilknýti til lond ella økir, har tað eftir tvískattasáttmála, aðrari altjóða avtalu ella konventión ella fyrisitingarligari avtalu um hjálp í skattamálum sjálvvirkandi skulu umbýtast tær í stk. 1 og 2 nevndu upplýsingar um fíggjarkontur, ella har tilknýti ikki kann staðfestast. Undir hesum kann landsstýrismaðurin áseta lagaligari reglur enn tær, sum eru nevndar í stk. 1 og 2, og reglurnar kunnu evnast ymiskt alt eftir, hvørji lond ella økir kontueigarnir ellar persónarnir við ræði á kontum hava tilknýti til, ella har einki tilknýti kann staðfestast. Landstýrismaðurin kann harumframt áseta reglur um stigvísa íverksetan av fráboðanarskylduni.
Stk. 5. Fíggjarstovnar kunnu halda aftur útlendskan kelduskatt, tá goldið verður til aðrar fíggjarstovnar fyri at halda eina skyldu í avtalu, sum Føroyar og viðkomandi land ella øki hava gjørt. Landsstýrismaðurin kann áseta reglur um, at fíggjarstovnar, sum eru ella virka sum millumgongumenn fyri útlendskar kelduskattaskyldugar gjaldingar til aðrar fíggjarstovnar, skulu geva víðari tær upplýsingar, sum eru neyðugar fyri, at skattur kann haldast aftur, og upplýsingar kunnu gevast viðvíkjandi tílíkum gjaldingum, til liðið í gjaldsketuni, ið liggur beint frammanfyri.
Stk. 6. Tann, sum stovnar eina fíggjarkontu í einum fíggjarstovni, skal sambært reglum, sum landsstýrismaðurin hevur ásett, upplýsa fyri fíggjarstovninum p-tal, v-tal hjá kontueigaranum og hjá møguligum persónum, sum hava ræði á kontuni, og útlendsk eyðkennisnummur, um tílík eru at finna, umframt aðrar upplýsingar, sum eru neyðugar fyri at kunna eyðmerkja kontueigaran og møguligar persónar, sum hava ræði á kontuni. Landsstýrismaðurin kann áseta reglur um skyldu hjá fíggjarstovnum at savna inn og fyri kontueigara at fráboða fíggjarstovnunum tær í 1. pkt. nevndu upplýsingar.

§ 121. Somu reglur, sum nevndar eru í § 120, 3. stk., galda eisini fyri nevndir fyri feløgum v.m., komanditfeløgum, partsreiðaríum, felagsskapum av einum og hvørjum slag, stovnum, gávufægrunnum og øðrum stovnanum og grunnum, hetta uttan mun til um tey eru skattskyldug ella ikki.

§ 122. 25) Tey í 1. §, nr. 12 og 13 nevndu feløg hava umframt tær í 120. §, 3. stk. nevndu skyldur, eisini skyldu til at upplýsa fyri líkningarmyndugleikunum um viðskifti síni við einstakar nevndar limir. Henda skylda fevnir um øll viðskifti teirra við ávísar limir, tá hon kann verða líkningarmyndugleikunum til leiðbeiningar í starvi teirra, tó einans eftir avgerð landsstýrismansins í skattamálum, tá um fleiri ónevndar limir er at røða.

§ 123. 25) Uttan mun til ásetingarnar í lóg um Postverk Føroya, um tagnarskyldu v.m., so eru somu reglur galdandi fyri Postgirostovuna um upplýsingarskyldu v.m. fyri líkningarvaldinum, sum er álagt øðrum peningastovnum í hesi lóg.

§ 124. 25) Føroya Gjaldstova og Almannastovan hava skyldu til at veita líkningarvaldinum upplýsingar um viðurskifti, sum kunnu hava týdning fyri skattaálíkningina. Landsstýrismaðurin í skattamálum kann gera nærri reglur í hesum sambandi.

§ 125. 25) Fyri hvørja kommunu í landinum verður førd ein skrá yvir allar ávísingarskyldugar eftir reglum, sum landsstýrismaðurin í skattamálum ger í samráð við Toll- og Skattaráðið.
2. stk. 25) Í hesum reglum kann verða álagt teimum ávísingarskyldugu at geva líkningarvaldinum upplýsingar um:

  1. nær ávísingarskyldan er byrjað, og nær hon er endað,
  2. broyting av bústaði hjá einum ávísingarskyldugum.

3. stk. 25) Líkningarvaldið hevur eftirlit við, at teir ávísingarskyldugu halda tær skyldur, sum henda lóg áleggur teimum. Líkningarvaldið kann koma á staðið hjá einum ávísingarskyldugum, uttan mun til um hann førir roknskap ella ikki, og har kanna alt roknskapartilfarið og øll tey skjøl, sum kunnu hava týdning fyri hetta eftirlit. Eisini hava allir ávísingarskyldugir, sum gera roknskap, uttan mun til um teir hava bókhaldsskyldu sambært lóg ella ikki, skyldu til eftir áheitan at senda alt roknskapartilfarið við øllum skjølum til líkningarvaldið.
4. stk. 12) 25) Persónur ella felag v.m., sum ber seg undan at gera eftir krøvunum í 2. og 3. stk., kann revsast við sekt. Eisini kann líkningarvaldið í nevndu førum áleggja dagliga sekt, sum landsstýrismaðurin í skattamálum ásetir eftir tilmæli frá Toll- og Skattaráðnum.
5. stk. 12) 25) Landsstýrismaðurin í skattamálum ger nærri reglur fyri, hvussu ásetingarnar í 3. stk. skulu nýtast. Líkningarvaldinum er heimilt at krevja, at løgreglan hjálpir líkningarvaldinum í sambandi við ásetingarnar í 3. stk.
6. stk. 12) 25) Líkningarvaldið kann eisini í sambandi við nevnda eftirlit krevja upplýsingar frá móttakarum av A-inntøku.

§ 126. 25) Ber nakar seg undan at gera eftir kravi, ið er komið frá líkningarvaldunum sambært reglunum í hesum kapitli, ger landsstýrismaðurin í skattamálum av, um hann er skyldigur til tess, og tað hevur heimild til, um tað gerst neyðugt, at tvinga hann til at útinna hesa skyldu við at leggja á dagliga sekt.
2. stk. 2) (Sett úr gildi).

§ 127. 12) 25) Í alment skiftum búgvum, sum skiftirætturin tekur til viðgerðar, skal skiftistjóri, áðrenn 2 mánaðir eru lidnir frá andláti, ókravdur upplýsa líkningarvaldinum um ognina, ið hin deyði læt eftir seg, tá hon er ikki minni enn 25.000 kr., og skal hann, tá kravt verður, geva tílíkar upplýsingar afturat, sum kunnu fáast til vegar til at fáa greiði á spurninginum, um sjálvuppgávurnar hjá hinum deyða hava verið rangar. Gerst tað neyðugt, hevur líkningarvaldið heimild til at leggja á dagsekt til at tvinga hann at útinna hesa skyldu.
2. stk. 12) 25) Áðrenn 2 mánaðir eru lidnir frá tí, at tær seinast kravdu upplýsingar eru fingnar, skal verða sagt búnum frá, at krav verður gjørt í búnum sambært 137.§. Fyrr enn áðurnevndu freistir eru úti, má búsviðgerðin ikki verða lokin, uttan so at líkningarvaldið hevur váttað, at tílíkt krav ikki verður gjørt. Verður ikki sagt búnum frá í rættari tíð, fellur samábyrgd arvinganna sambært § 147, 6. stk., burtur.
3. stk. 25) Eisini skal skiftirættur greiða líkningarvaldinum frá innihaldinum, bæði í teimum tilsøgnum um búskifti, sum arvingar senda inn, ið skifta sjálvir, og í teimum búsuppgerðum, sum eftirlivandi hjúnafelagi, ið verður sitandi í óskiftum búgvi, skal senda inn sambært regluni í kgl. fyriskipan nr. 468 frá 8. november 1921, 31. §, um so er, at skuldleysar ognir í búnum eru ikki minni enn 25.000 kr. Frágreiðingin, sum hann skal senda líkningarvaldinum innan 2 mánaðir eftir tað, at arvatilsøgnin ella búsuppgerðin er komin skiftirætti í hendur, skal, annaðhvørt sum avskrift av tilsøgnini og uppgerðini ella sum úrdráttur úr teimum, geva upplýsingar um navnið á hinum deyða, starv hansara og bústað, og harumframt greiða frá arvaviðurskiftunum og geva greiniligt yvirlit yvir ognir og skuldir í búnum.

§ 128. 25) 46) 99) Har líkningarvaldini sambært hesi lóg hava fingið rætt til at krevja upplýsingar, sum tey skulu nýta, tá skattur verður lagdur á, eiga kommunalu skattakærunevndirnar og Føroya Kærustovnur sama rætt, tá hon viðger kærur.

13. KAPITTUL
Skuldbindingar- og innheintingarreglur

§ 129. 25) Hann, sum letur vera við at avrokna A-inntøkur gjøgnum tey av landsstýrismanninum í skattamálum góðkendu avrokningarstøð, hevur sjálvur fyri skattavaldinum beinleiðis ábyrgd av, at tann skattaupphædd, sum vantar í, verður goldin, uttan so hann kann prógva, at hann ikki við vansketni hevur latið vera við at gingið undir reglurnar í hesi lóg.
2. stk. 25) Hann, sum hevur avroknað A-inntøku gjøgnum tey av landsstýrismanninum í skattamálum góðkendu avrokningarstøð, hevur loyst seg frá fleiri krøvum frá skattavaldinum um at gjalda meira skatt av tí avroknaðu A-inntøkuni.
3. stk. 25) Um kravið móti ávísingarskylduga ikki kann verða uppgjørt, vegna hansara serligu viðurskifti, kann líkningarvaldið fyribils meta um kravið.

§ 130. 25) Um ongin A-skattur er eftirhildin í A-inntøku, ella ov lítið er eftirhildið, skal móttakarin av hesi inntøku beinanveg gjalda ta írestandi upphæddina til líkningarvaldið.

§ 131. Tann, sum í Føroyum hevur fulltrú fyri teir í 2. § skattskyldugu, tekur ábyrgdina av, at teir skattir, sum verða álagdir hesum skattskyldugu, verða goldnir.

§ 132. 25) (Sett úr gildi).

§ 133. Teir skattir, sum verða álíknaðir einum persóni aftan á at hann er deyður, hevur búgvið ella arvingarnir ábyrgd av verða goldin. Arvingarnir hava samábyrgd, men bert í mun til ta upphædd, teir móttaka ella hava fingið frammanundan av arvi ella arvaforskoti, hjúnafelagin tó eisini við sínum búluti.

§ 134. Um eitt felag ella ein felagsskapur v.m. verður avtikið, og ognin skift sundur millum partaeigararnar ella limir, uttan at nakar peningur verður lagdur burturfrá til at gjalda tann skatt, sum hvílir á felagsskapinum, skulu partaeigarar ella limir saman við avtøkustjóra ella - har slíkur ikki er valdur ella tilnevndur - nevndin vera skyldugir at gjalda skattin og bera samábyrgd av hesum. Av avtøkustjóra/nevndini kann samábyrgd ikki verða kravd fyri meira enn tað samanløgdu upphæddina, sum er skift sundur millum partaeigarar ella limir, og partaeigarar og limir skuldbindast bert í mun til tað, sum er skift sundur millum teirra.

§ 135. 4) 47) 54) Hevur skattgjaldari ikki goldið skattin, herundir fyribilsskattin, tá gjaldsfreistin er úti, skal hann til landskassan gjalda 0,7% í rentu fyri hvønn byrjaðan mánað frá gjalddegnum at rokna av tí skatti, hann skyldar. Renta, sum hin skattskyldugi skyldar, verður gjørd upp eina ferð um mánaðin og kravd saman við írestandi skatti fyri tey ávísu árini.
2. stk. 47) 54) Er skattur, sum ávísingarskyldugur eftir § 129 í hesi løgtingslóg skal gjalda til tað almenna, ikki goldin, tá gjaldsfreistin er úti, skal tann ávísingarskyldugi gjalda rentu, sum fellur til landskassan við 0,7% fyri hvønn byrjaðan mánað frá gjalddegnum at rokna
3. stk. 12) 87) Er upphædd, heruppií sekt, sum eftir hesi lóg skal gjaldast tí almenna, ikki goldin rættstundis, kann upphæddin við afturatkomnum eykagjøldum, rentum o.t., krevjast inn við panting eftir reglunum fyri innkrevjing av skattum og avgjøldum. Tó verður stk. 1 í § 7 í "Lov nr. 85 af 30. marts 1935 for Færøerne om inddrivelse af skatter og afgifter til det offentlige m.m." ikki at gjalda.
4. stk. 25) Er ikki gjørligt at heinta skattin hjá skattskylduga sjálvum, kann innheintingin, um tað gerst neyðugt, verða gjørd í ogn, sum børnini eiga, um vinningur av ognini smb § 5, stk. 4 verður skattaður hjá foreldrunum. Hetta er ikki galdandi við innheinting av skatti, sum ávísingarskyldugur skuldi havt avroknað.

§ 136. Er upphædd, sum skal gjaldast eftir hesi lóg, ikki goldin, tá gjaldfreistin var úti, kann innkrevjingarvaldið síggja til, at upphæddin við afturatkomnum eykagjøldum, rentum o.t. verður eftirhildin í A-inntøku skattgjaldarans. Tá eftirhalding verður sett í verk, skal skattgjaldarin fáa fráboðan um hetta.
2. stk. Eftirhald eftir 1. stk. kann saman við eftirhalding av A-skatti annars í mesta lagi verða 65% av A-inntøkuni.
3. stk. 25) Reglurnar í stk. 1og 2 verða eisini nýttar, tá tað snýr seg um innkrevjing av skattum og avgjøldum frá tí tíðini, áðrenn henda lóg kom í gildi.
4. stk. 25) Reglurnar í 63. §, 6. stk. verða nýttar á sama hátt við eftirhalding eftir 1. - 4. stk.
5. stk. 25) Reglurnar í 125., 129. og 146. §§ verða nýttar á sama hátt, tá hildið verður eftir smb. fyriskipanini í hesi grein.

§ 137. Deyðsbúgv og trotabúgv svara fyri skattaeftirstøðum ávikavist hjá hinum deyða og hjá trotamanninum.

§ 138. 25) Eingin skattgjaldari kann koma sær undan skyldu síni at rinda tann skatt, ið longu er fallin til gjaldingar, hvørki við at kæra um skattsetingina ella, um hann verður pantaður fyri skattin, við at mótmæla hjá pantifútanum, uttan so at vald, ið hevur heimild til tess, fyrst hevur gjørt av, at broyting eigur at verða, ella at skattsetingin er gjørd av órættum ella er ógild.
Stk. 2. Landsstýrismaðurin í skattamálum kann við kunngerð áseta nærri reglur um gjaldfreist í samband við at kært verður um skattsetingina.

14. KAPITTUL
Um revsing fyri at geva rangt upp o.a. og um eftirgjalding av ov lítið goldnum skatti og revsireglur annars

§ 139. 12) Tann persónur, sum við tí í hyggju at sleppa undan at gjalda skatt til tað almenna greiðir rangt frá ella á annan hátt gevur villeiðandi upplýsingar at fara eftir, tá ið avgerast skal, um ein persónur er undir skattskyldu ella at nýta, tá ið skattskyldug inntøka ella skattaútrokning verður ásett, verður revsaður fyri skattasvik við sekt, varðhaldi ella fongsli upp í 2 ár.
2. stk. Er misbrotið framt av stórum gáloysni er revsingin sekt ella, tá ið talan er um skerpandi umstøður, varðhaldi.

§ 139 A. 25) Skattskyldugur, sum ikki hevur latið inn sjálvuppgávu, men hevur fingið ársuppgerð sambært § 101, stk. 2 í hesi lóg, skal, um skattsetingin er ov lágt sett, fráboðað líkningarvaldinum um hesi viðurskifti innan 4 vikur eftir móttøkuna av ársuppgerðini. Freistin verður tó í fyrsta lagi at rokna frá, at freistin at lata inn sjálvuppgávu varð úti.
Stk. 2. Tann, sum við vilja ella av stórum gáloysni fremur brot á stk. 1, verður revsaður við sekt.
Stk. 3. Er brotið framt við tí í hyggju at sleppa undan at gjalda skatt til tað almenna kann revsingin hækkað til varðhald ella fongsul upp til 2 ár.
Stk. 4. 41) (Strikað)

§ 139 B. 25) Tann sum, uttan at tilfeldið er fevnt av ásetingunum í § 139 A, letur vera við at lata inn sjálvuppgávu við tí í hyggju at koma sær undan at gjalda skatt til tað almenna, verður revsaður við sekt, varðhaldi ella fongsli upp til 2 ár.
Stk. 2. 41) Er brotið framt av stórum gáloysni, er revsingin sekt.

§ 139 c. 91) Við bót verður revsaður tann, sum tilvitað ella av grovum ósketni:
1) Letur vera við at veita skattamyndugleikunum land fyri land frágreiðingina, sbrt. §§ 118 c, 118 d og 118 e, til tíðina.
2) Gevur skeivar ella villleiðandi upplýsingar í land fyri land frágreiðingini.
3) Ikki lýkar treytirnar, sum eru ásettar í kunngerð nr. 11 frá 19. februar 2016 um eyðmerking og fráboðan av fíggjarkontum við tilknýti til útheimin.

§ 140. 12) Á sama hátt sum tilskilað í § 139 verður tann persónur revsaður, sum við vilja ella av stórum gáloysni gevur skeivar ella villeiðandi upplýsingar at nýta í samband við eftiransingini av skattaálíkningini og skattaútrokningini.

§ 141. 12) 25) Við sekt verður tann persónur revsaður, sum við vilja ella av stórum gáloysni:

  1. letur vera við at avrokna A-inntøku gjøgnum tey av landsstýrismanninum í skattamálum góðkendu avrokningarstøð, jbr. § 63,
  2. 8) 41) ikki rættstundis heldur eftir og avroknar avgjald av nýtslurætti sambært § 7 í løgtingslóg nr. 87 frá 1. september 1983 um áseting av skatti til landskassan við seinni broytingum,
  3. ikki veitir teir upplýsingar, sum tilskilaðir eru í §§ 118-124.

2. stk. Er misbrotið framt við tí í hyggju at sleppa sær undan at gjalda skatt til tað almenna, ella er talan annars um skerpandi umstøður, kann revsingin hækka til varðhald ella fongsul upp til 2 ár.

§ 142. 12) Á sama hátt sum tilskilað í § 141 verður tann persónur revsaður, sum:

  1. tekur ímóti A-inntøku vitandi um, at A-skattur ikki er eftirhildin sambært ásetingum lógarinnar,
  2. við vilja ella av stórum gáloysni veitir rangar ella villeiðandi upplýsingar, sum nýtast skulu til avgerðir eftir § 62, § 63, 4. stk., § 68, § 69, § 72, 1. stk. og § 73, ella í sambandi við eina í hesum nevndu reglum dylur upplýsingar, sum hava týdning fyri, hvussu málið verður loyst,
  3. við vilja ella av stórum gáloysni veitir rangar ella villeiðandi upplýsingar í sambandi við endaligu uppgerðina av einum deyðsbúgvi sambært § 13, § 14, § 17, § 18, § 19 og § 40, ella dylur upplýsingar, sum hava týdning fyri, hvussu málið verður loyst.

§ 143. 12) Í teimum fyriskipanum, sum verða gjørdar sambært hesi løgtingslóg, kann sekt verða áløgd fyri ikki at halda ásetingarnar í fyriskipanini.

§ 144. 12) Mál viðvíkjandi broti á hesar reglur verða viðgjørd sum politimál. Tey í kapittul 68 (rannsókn) og kapittul 69 (hald) í rættargangslógini nevndu rættarstig verða nýtt í sama mun sum í málum, sum sambært vanligu reglunum áliggja statsadvokatinum at fremja.

§ 145. 12) 25) Metir Toll- og Skattaráðið, at misbrotið ikki kemur undir strangari revsing enn sekt, kann landsstýrismaðurin í skattamálum ella hann, ið landsstýrismaðurin í skattamálum gevur heimild til tess, boða honum, sum hetta viðvíkir, at málið kann verða loyst uttan rættarviðgerð, um so er, at hann viðgongur seg sekan í lógarbrotinum og váttar, at hann innan eina nærri ásetta freist, sum eftir áheitan kann verða longd, vil gjalda eina í fráboðanini tilskilaða sekt.
2. stk. Viðvíkjandi teimum í 1. stk. umrøddu fráboðanum, verða reglurnar í rættargangslógini um innihaldið í ákæruritum í politimálum samsvarandi galdandi.
3. stk. Verður sektarpeningurin goldin rættstundis, ella verður sektin sambært góðkenning innheintað ella verður á annan hátt liðið revsing fyri hana, fellur málið burtur.
4. stk. Dømdur sektarpeningur sambært tí, ið frammanfyri er ásett, verður býttur millum teir kassar, ið hava rætt til skattin eftir tí, ið hvør eigur av skattinum.
5. stk. 25) Landsstýrismaðurin í skattamálum kann heimila Toll- og Skattaráð Føroya at taka avgerðir í málum, sum verða viðgjørd eftir reglunum í hesum kapittli.

§ 146. 12) 23) 25) Hann, sum verður dømdur í sekt sambært § 139, § 139 A, § 139 B, § 140, § 141 og § 142, skal umframt sektina, sum har er ásett, gjalda aftaná tann skatt, sum hann hevur goldið ov lítið. Tey feløg v.m., sum umrødd eru í § 1, nr. 8-16, skulu harafturat gjalda 12 % p.a. í rentu frá tí, at skattaárið, sum kravið er galdandi fyri, gekk út.
2. stk. 25) Somu skyldu til at gjalda aftaná tann ov lítið goldna skattin møguliga við rentu eins og nevnt er í 1. stk., hevur hvør tann, sum upplýst verður um, at hann ikki hevur verið skattaður av allari inntøku síni, uttan at hann tó hevur gjørt nakað til sakar, sum revsing er løgd við. Verður málið ikki við samtykki Toll- og skattaráðsins avgjørt við semju, leggja dómstólarnir á, hvussu stóra skattaupphædd hann skal gjalda aftaná. Tá ið renta av eftirkravinum verður roknað, verður hon bert roknað av sjálvum eftirgjaldinum.
3. stk. Skattaupphæddin eftir hesari grein fellur til gjaldingar tann 1. í mánaðinum aftaná, at rokning er send av gjaldstovuni, og hevur skattgjaldari gjaldsfreist til 20. í mánaðinum, og verður kravt sambært reglunum í § 78, 1. og 2. stk. Skattgjaldið og eykagjaldið ber til at innheinta við panting smb. § 135, 3. stk. og fyri henda skatt gildir sami forgongurættur í deyðs- og trotabúgvum sum fyri annan skatt.

§ 147. 12) Kemur í ljósmála, aftaná at skattgjaldari er deyður, at hann hevur goldið ov lítlan inntøkuskatt, áliggur tað búnum ella arvingunum at gjalda tann írestandi skattin.
2. stk. 25) Hevur tann deyði framt brot á reglurnar í § 139, 139 A ella § 139 B, uttan at revsing er løgd við, áðrenn andlátið, áliggur tað búnum ella arvingunum at gjalda ein eykaskatt svarandi til skattin av tí ikki uppgivnu inntøkuni.
3. stk. Er revsing fyri misbrot, sum nevnt í 2. stk., ikki framd áðrenn andlátið, verður í staðin álagdur ein eykaskattur samsvarandi reglunum í 2. stk. Er einans talan um sekt, kann eykaskatturin tó ikki fara upp um sektarpeningin.
4. stk. Er revsing fyri misbrot, sum tilskilað í 2. stk. partvís framd áðrenn andlátið, verður eykaskatturin minkaður lutfalsliga. Er einans talan um sekt, kann eykaskatturin íroknað goldnan sektarpening ikki fara upp um álíknaða skattin av tí ikki uppgivnu inntøkuni ella álagdari sekt.
5. stk. Um so er, at deyðsbúgvið ella arvingarnir ikki viðurkenna eitt krav um eykaskatt, verður spurningurin avgjørdur undir einum rættarmáli, har framferðarhátturin fyri revsimál í rættargangslógini er galdandi.
6. stk. Eykagjøld og eykaskattur sambært 1. - 3. stk. verður innheintað við panting og koma ikki undir reglurnar fyri eina av búnum fráboðaðari innkalling av ognarum. Arvingarnir hava samábyrgd í tann mun, teir hava tikið við arvi ella fingið arv greiddan frammanundan, eftirlivandi hjúnafelagin harafturat í tann mun, hann hevur fingið búslut. Hann ábyrgist ikki við sínum búsparti ella serogn.

§ 148. 12) 25) Tá ið viðurskiftini í stórum mæla fyri tí, soleiðis tá trongd er, hevur landsstýrismaðurin í skattamálum heimild til at geva upp ella lækka eykaskatt sambært § 147, umframt tær av Toll- og Skattaráð Føroya áløgdu sektir og eykagjøld sambært reglurnar í hesum kapitli. Viðvíkjandi teimum eykagjøldum, sektum og eykagjøldum, sum falla til kommununa, hevur bygdarráðið somu heimild til at geva upp ella lækka.

§ 149. 5) 25) Hann, sum ikki ger eftir fyriskipan, sum er fráboðað av landsstýrismanninum í skattamálum sambært § 103, stk. 1 og stk. 2. um at føra roknskap, ella ger seg sekan í stórari ógreiðslu við at føra slíkan roknskap, ella við at goyma henda við tilhoyrandi skjølum, sum ásett verða í krøvunum, kann verða dømdur í sekt.

§ 150. 12) Er eitt av teimum í hesum kapitli umrøddu lógarbrot gjørt av einum partafelag v.m. ella tílíkum, kann verða álagt felagnum sektarábyrgd. Er lógarbrotið framt av eini kommunu ella kommunalum felagsskapi, kann áleggjast kommununi ella kommunala felagsskapinum sektarábyrgd.

15. KAPITTUL
Ymisk fyrimæli

§ 151. 25) 46) 99) Skattavaldinum, herundir eins væl líkningarvaldini sum limir í kommunalu skattakærunevndunum og Føroya Kærustovni og tey ið innheinta, er bannað, undir ábyrgd í borgarligari revsilóg fyri Føroyar, at siga óviðkomandi frá nøkrum av tí, sum teir fáa at vita um inntøku- og ognarviðurskifti, vinnuviðurskifti ella viðurskifti sum viðkoma heimlívinum hjá skattskyldugum ella ávísingarskyldugum, meðan teir røkja starv sítt sambært hesi lóg. Tað sama hevur gildi fyri tað hjálparfólk, sum starvar hjá skattavaldinum og annars hvønn og ein, sum hevur gjørt avtalu við tað almenna um at átaka sær eitt arbeiði og fær at vita um slík viðurskiftir. Er avtalan gjørd við eitt virki, so fevnir tagnarskyldan um øll tey í virkinum, sum fáa at vita um slík viðurskiftir.
2. stk. Tey, sum koma undir hetta, skulu, tá tey taka við starvi, skrivliga lova at halda hesa tagnarskyldu.
3. stk. 25) Almannakunngerð av tílíkum, sum eftir lóg ikki er loyvt at gera almannakunnugt verður revsað við sektum. Ákæra kann reisast bæði um skattgjaldarin ella um landsstýrismaðurin í skattamálum krevur tað.

§ 152. 25) (Sett úr gildi)

§ 153. 12) 25) Hvørjum tí persóni, sum eftir §§ 21, 2. stk., 103, 3. stk., 104, 1. stk., 119, 1. stk., 125, 4. stk., 126, 1. stk., 127, 1. stk. og 151, 3. stk. verður álagt sekt, er loyvt innan 14 dagar eftir, at hann hevur fingið boð um sektina, at krevja málið avgjørt av rættinum.
2. stk. Sektir eftir hesi lóg falla til landskassan, har ið annað ikki er ásett.

§ 154. 25) Skattur, sum er goldin øðrum ríki av inntøku haðan, har avtala ikki er gjørd, annaðhvørt skatturin er beinleiðis álíknaður ella afturhildin, kann verða drigin frá í tí inntøkuskatti, sum latin skal verða í Føroyum av hesari inntøku. Frádrigin kann tó ikki verða meira enn tann skattur, sum lutfalsliga fellur á ta í Danmark, Grønlandi ella øðrum ríki skattaðu inntøkuni, sum eisini er skattað í Føroyum.
2. Stk. 25) 56) Landsstýrismanninum í skattamálum verður eisini heimilað at seta reglur fyri, í hvønn mun myndugleikar aðrastaðir í kongaríkinum skulu kunna útinna tað eftirlit, ið umrøtt er í kapittli 12.

§ 154 a. 21) (Sett úr gildi)

§ 154 b. 68) Tá tvískatting verður avtikin, verður avgjald, sum goldið til eitt annað land enn Føroyar og sum fevnt av norðurlendsku konventiónini um sosiala trygd, talt við sum ein skattur, goldin í Norðurlondum.

§ 155. 25) (Sett úr gildi)

§ 156. 25) 53) (Sett úr gildi)

§ 157. Bygda(r)ráðunum er einans loyvt at geva eftir persónligan endaliga álíknaðan kommunuskatt v.m. í serstøkum førum, tá inntøka skattgjaldarans av sjúku, andláti, tungum húsi, vinnuloysi ella øðrum tílíkum umstøðum hevur verið stóran mun minni enn inntøkan í tí ári írestandi kommunuskatturin er álíknaður eftir, og tá fíggjarligu kor hansara annars mugu ætlast at vera til hindurs fyri, at hann fær goldið allan tann álíknaða írestandi skattin. Umsókn um at fáa skatt eftirgivnan skal verða send bygda(r)ráðnum skrivliga, í kommunum við fastari sosialnevnd skal umsóknin sendast til hesa, og avgerð um hetta skal - tá neyðturvuligir upplýsingar eru fingnir til vegar - verða tikin á bygda(r)ráðsfundi.

§ 157 A. 25) Landsstýrismaðurin í skattamálum kann geva TAKS ella Toll- og Skattaráð Føroya, sum eru skipað við løgtingslóg um Toll- og Skattafyrisiting, heimild til at taka avgerðir eftir hesi lóg.

16. KAPITTUL
Nær lógin fær gildi. Bráðfengis fyrimæli

§ 158. 25) Landsstýrismaðurin í skattamálum setur nærri reglur fyri, hvussu henda lóg skal verða framd.

§ 159. Øll mál viðvíkjandi skattgjaldi fyri skattaskeiði áðrenn henda lóg kemur í gildi, og sakarábyrgd fyri upplýsingar, sum givnar eru, áður enn henda lóg kemur í gildi, skulu framvegis verða viðgjørd eftir higartil galdandi reglum, um so er, at annað ikki er ásett í løgtingslóg.

§ 160. Nær henda lóg fær gildi, verður ásett við kunngerð frá Føroya Landsstýri.

§ 161. Samstundis fara úr gildi løgtingslóg nr. 50 frá 2. juli 1963 við seinni broytingum um landsskatt og kommunuskatt og 45. § í løgtingslóg nr. 45 frá 29. juni 1972 um føroysku kommunurnar.
2. stk. Tær eftir lógini frá 2. juli 1963 givnu kunngerðir v.m. verða framvegis í gildi, í tann mun tær ikki ganga móti hesi lóg.

Lógarbroytingar og ígildiskomur
1) Broytt við ll. nr. 194 frá 10.12.1993, sum í § 2 hevur so ljóðandi áseting: § 2 Henda løgtingslóg fær gildi dagin eftir, at hon er kunngjørd. Stk. 2. Broyting nr. 1 (§ 1, nr. 2) 3 (§ 33 nr. 12) og 4 (§ 54 stk. 2 og § 64) fáa gildi, 1. januar 1994. Broyting nr. 1 er galdandi fyri flytingar frá og við hesum degi. Broytingin í nr. 4 um hækking av skattahámarkinum úr 50% í 57% verður bert galdandi í 1994 og frá, og við 1. januar 1995 verða "50%" broytt til: "55%". Stk. 3. Broyting nr. 5-18 (§§ 120a-120m) fáa gildi fyri rentur av konti í peningastovnum v.m., tilskrivaðar ella góðskrivaðar aftaná 31. desember 1993, somuleiðis innistandandi á somu konti pr. 31. desember 1993 og seinni ár samanber stk. 12, 13 og 14. Stk. 4. Landsstýrið kann áseta serligar avmarkingar í upplýsingarskylduni viðvíkjandi rentum, sum eru tilskrivaðar ella góðskrivaðar í 1994, somuleiðis innistandandi á konti við árslok 1993. Stk. 5. Fyri tær konti, sum vóru, tá henda løgtingslóg kom í gildi, skal í seinasta lagi 1. mars 1994 gerast skráseting av persóntali ella arbeiðsgevaratali v.m., sum nevnt í § 120 c í hesi løgtingslóg Stk. 6. Tá ið tann í stk. 5 nevnda freist er farin, skal ongin flyting fara fram av konti, har skráseting av persóntali ella arbeiðsgevaratali er ikki gjørd. Stk. 7. Fyri konti hjá persónum, sum eru búsitandi ella hava tilhald uttanlands, ásetir landsstýrið nærri reglur. Stk. 8. Landsstýrið kann áseta, at bankar og sparikassar o.a., sum koma undir upplýsingarskylduna smbr. § 120 b í hesi løgtingslóg, skulu senda líkningarráðnum yvirlit yvir innlánskonti, tá ið tann í stk. 4 nevnda freist er farin, og ongin skráseting av persóntali ella arbeiðsgevaratali v.m. er gjørd. Landsstýrið kann áseta nærri reglur um, hvørjar upplýsingar skulu latast í yvirlitinum. Stk. 9. Innistandandi á konti, sum er við á tí í stk. 8 nevnda yvirliti, og sum líkningarmyndugleikarnir hava ikki verið førir fyri at ávíst til teir veruligu eigararnar, kann landskassin leggja hald á. Stk. 10. Skyldan at geva líkningarráðnum upplýsingar um lán og pantibrøv, sum eru sett í goymslu smbr. §§ 120 h og 120 j, er galdandi fyri rentur v.m., sum verða tilskrivaðar ella eru falnar til gjaldingar aftan á 31. desember 1993. Skuld og áljóðandi virði av hesum skal verða upplýst fyrstu ferð fyri saldo pr. 31. desember 1993. Stk. 11. Landsstýrið kann fyri ávís upplýsingarskyldug smbr. §§ 120 h og 120 j áseta, at innlatingarskyldan bert skal galda rentur v.m., sum verða tilskrivaðar ella falla til gjaldingar seinni enn ásett í stk. 10 og at skuld og áljóðandi virði fyrstu ferð skal latast inn seinni enn nevnt í stk. 10. Um serligar umstøður tala fyri tí, kann landsstýrið harumframt áseta, at skyldan at lata inn smbr. § 120 j er ikki galdandi fyri álmanakkaárið 1993. Stk. 12. Reglurnar um upplýsingarskyldu smbr. 120 b í skattalógini fáa fyrstu ferð gildi fyri rentur, sum verða tilskrivaðar ella góðskrivaðar aftaná 31. desember 1993 og fyri seinni ár. Fráboðan um innstandandi skal fyrstu ferð latast um innistandandi við árslok í 1993, og fyri seinni ár verður upplýst eftir reglunum í skattalógini. Stk. 13. Reglurnar um innlatingarskyldu, samanber §§ 120 h og 120 j í skattalógini fyri rentur v.m., sum verða tilskrivaðar ella falla til gjaldingar aftaná 31. desernber 1993 og seinni ár. Fráboðan um skuld og áljóðandi skal fyrstu ferð latast inn pr. 1. mars 1994 og fyri seinni ár verður upplýst eftir reglunum í skattalógini. Stk. 14. Upplýsingar sambært §§ 120 b, 120 h 120 j í skattalógini, samanber eisini stk. 12 og stk. 13, skulu latast líkningarráðnum innan 20. januar. Upplýsingarnar um saldo pr. 31. desember 1993 skulu latast líkningarráðnum fyrstu ferð innan 1. mars 1994, og upplýsingarnar um rentur skulu fyrstu ferð latast líkningarráðnum innan 20. januar 1995.
2) Broytt við ll. nr. 43 frá 15.04.1992
3) Broytt við ll. nr. 33 frá 20.04.1989
4) Broytt við ll. nr. 49 frá 26.05.1988, sum sett er í gildi frá 26.02.1989 at galda við kunngerð nr. 9 frá 16.02.1989.
5) Broytt við ll. nr. 191 frá 28.12.1992
6) Broytt við ll. nr. 75 frá 12.06.1986
7) Broytt við ll. nr. 197 frá 10.12.1993
8) Broytt við ll. nr. 64 frá 09.06.1988
9) Broytt við ll. nr. 77 frá 10.03.1992
10) Broytt við ll. nr. 117 frá 20.12.1991, sum í § 2 hevur soljóðandi áseting: Henda lóg kemur í gildi 1. januar 1992, tó verða pkt. 2) (§ 33, nr. 1a,) 3) (§ 33, nr. 1b,) 4) (§ 33, nr. 1c) og 5) (§ 38, nr. 46a) galdandi frá 18. januar 1991. Samstundis fer úr gildi § 2, stk. 2 í løgtingslóg nr. 23 frá 24. apríl 1991 um broyting í løgtingslóg um landsskatt og kommunuskatt.
11) Broytt við ll. nr. 23 frá 24.04.1991, hvørs § 2 er so ljóðandi: Henda løgtingslóg fær gildi 18. januar 1991. Stk. 2. Renta av innistandandi á bók í føroyskum peningsstovni og postgiro, sum er latin sum handveð áðrenn 18. januar 1991 fyri lán ella ábyrgd sambært § 33, nr. 2 í hesi løgtingslóg skal ikki roknast upp í tær rentuinntøkur, sum nevndar eru í § 5, stk. 5 og stk. 6, § 33, nr. 1 og nr. 1a, § 46 og § 46a í hesi løgtingslóg.
12) Broytt við ll. nr. 54 frá 08.05.1987
13) Broytt við ll. nr. 69 frá 03.07.1989
14) Broytt við ll. nr. 100 frá 21.05.1993
15) Broytt við ll. nr. 170 frá 22.12.1995, sum í § 2 hevur soljóðandi áseting: Henda lóg kemur í gildi 1. januar 1996. Stk. 2. Fyri tryggingarfeløg, ið gerast skattskyldug við broyting nr. 1, fær broytingin fyrstu ferð gildi fyri 1996. Ogn og skuld teirra skal við byrjan inntøkuársins setast til tey virði, ið fastsett eru í avgjaldsuppgerð felagsins pr. 31.12.1995 sambært reglunum í løgtingslóg nr. 24 frá 28.02.1956 um trygging. Stk. 3. Við ígildissetanini av hesi lóg fara samstundis úr gildi § 3 stk. 5 og 6 í løgtingslóg nr. 24 frá 28.02.1956 um trygging og higartil galdandi danski lógarteksturin í løgtingslóg nr. 86 frá 1. september 1983 um landsskatt og kommunuskatt. Stk. 4. Í løgtingslóg nr. 87 frá 05.06.1992 um rentuskatt verða í § 2, stk. 2 orðini "Føroya Lívstrygging, Tryggingarsambandið Føroyar og allar deildir tess" strikaði. Í § 2, stk. 3 verður orðið "tryggingarfeløg" strikað, og í § 3, stk. 1 verður orðið, "tryggingarfeløgum" strikað. Eisini fer samstundis úr gildi higartil galdandi danski lógarteksturin í rentuskattalógini. Stk. 5. Avgjøldini, ið verða kravd eftir lógunum, nevndar í stk. 3 og 4, fyri tíðarskeiðið til og við 31. december 1995, skulu avroknast eftir higartil galdandi reglum um avrokning.
16) Broytt við ll. nr. 62 frá 13.06.1995
17) Broytt við ll. nr. 99 frá 20.06.1995
18) Broytt við ll. nr. 101 frá 20.06.1995
19) Broytt við ll. nr. 16 frá 27.02.1996, smbr. § 2 við gildi frá 1. januar 1995 til og við 31.12.1997.
20) Broytt við ll. nr. 83 frá 28.05.1996við gildi frá 1. januar 1995.
21) Broytt við ll. nr. 147 frá 30.12.1996, sum í § 2, stk. 2. sigur: Skiftisreglur viðvikjandi §§ 46 og 46a: Tann rentufrádráttur, sum ikki er mótroknaður í kommunu-/landsskattinum í 1996 verður eftir umsókn útgoldin eftir skipanini í rentustuðulslógini, tá sjálvuppgávan fyri 1996 er innlatin.
22) Broytt við ll. nr. 61 frá 13.06.1995
23) Broytt við ll. nr. 68 frá 23.05.1997
24) Broytt við ll. nr. 89 frá 06.06.1997
25) Broytt við ll. nr. 168 frá 30.12.1997, har §§ 2 og 3 eru soljóðandi: § 2. Henda lóg kemur í gildi 1. januar 1998. § 3. Tær eftir løgtingslóg nr. 86 frá 1. september 1983 við seinni broytingum av landsstýrinum og líkningarráðnum givnu kunngerðir og reglugerðir v.m. verða framvegis í gildi í tann mun tær ikki ganga ímóti reglunum í hesi lóg. Stk. 2. Í givnum lógum, kunngerðum og reglugerðum verða tær heimildir, ið Líkningarráð Føroya hevur, fluttar til ávikavist landsstýrismannin í skattamálum, tá talan er um heimild til at gera nærri reglur, og Toll- og Skattaráð Føroya, tá talan er um at taka avgerðir í málum. Stk. 3. Galdandi reglur fyri skattainnheinting og álíkning, verða, burtursæð frá reglunum um innlating av sjálvuppgávu og ognaruppgerð, framhaldandi í gildi fyri inntøkuárið 1997 og eldri ár. Stk. 4. Broytingarnar í § 154 og § 155 ávirka ikki galdandi tvískattaavtalur.
26) Broytt við ll. nr. 172 frá 30.12.1997, har § 2 er soljóðandi: Henda lóg kemur í gildi 1. januar 1998 og er galdandi fyri vinningsbýti fyri roknskaparár, sum enda í ella fella saman við 1998.
27) Broytt við ll. nr. 175 frá 30.12.1997, har § 2 er soljóðandi: Henda lóg kemur í gildi dagin eftir, at hon er kunngjørd og er galdandi fyri álíkningina fyri inntøkuárið 1997 og framyvir.
28) Broytt við ll. nr. 101 frá 29.12.1998, har § 2 er soljóðandi: Henda lóg kemur í gildi 1. januar 1999, tó so, at §§ 6, 7, 8, 9, 11 og 15 eru galdandi frá 1. januar 1998.
29) Broytt við ll. nr. 103 frá 29.12.1998, har § 2 er soljóðandi: Henda lóg fær í gildi frá 1. januar 1998. Atvinnuskattskyldan fyri telesamskiftisfyritøkur og oljusølufyritøkur eftir § 1, nr. 4 kemur tó ikki í gildi fyrr enn 1. januar 1999.
30) Broytt við ll. nr. 104 frá 29.12.1998, har § 2 er soljóðandi: Henda lóg kemur í gildi dagin eftir, hon er kunngjørd og er galdandi frá 8. desember 1998.
31) Broytt við ll. nr. 32 frá 23.04.1999, har § 2 er soljóðandi: Henda lóg kemur í gildi 1. januar 1999. § 1, nr. 3 kemur tó í gildi 1. apríl 1999 og fer úr gildi 1. januar 2002. desember 1998
32) Broytt við ll. nr. 40 frá 24.03.2000, har § 2 er so ljóðandi: Henda løgtingslóg kemur í gildi dagin eftir, hon er kunngjørd og hevur virknað frá 1. januar 2000.
33) Broytt við ll. nr. 43 frá 04.04.2000, har § 2 er so ljóðandi: Henda løgtingslóg kemur í gildi dagin eftir, hon er kunngjørd. § 1, nr. 1, nr. 3-7 og nr. 9 fær virknað frá 1. januar 2000.
34) Broytt við ll. nr. 131 frá 22.12.2000, har § 2 er soljóðandi: Henda løgtingslóg kemur í gildi dagin eftir, hon er kunngjørd og er galdandi frá 1. januar 2001.
35) Broytt við ll. nr. 132 frá 22.12.2000, har § 2 er soljóðandi: Henda løgtingslóg kemur í gildi dagin eftir, hon er kunngjørd og er galdandi frá og við inntøkuárinum 2001.
36) Broytt við ll. nr. 59 frá 27.04.2001, har § 2 er soljóðandi: Henda løgtingslóg kemur í gildi dagin eftir, at hon er kunngjørd.
37) Broytt við ll. nr. 169 frá 21.12.2001, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað frá 16. november 2001.
38) Broytt við ll. nr. 173 frá 21.12.2001, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað frá 7. november 2001.
39) Broytt við ll. nr. 15 frá 06.03.2002, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað frá 1. januar 2002
40) Broytt við ll. nr. 47 frá 26.03.2002, har § 2 er soljóðandi: Henda lóg er galdandi frá og við inntøkuárinum 2002.
41) Broytt við ll. nr. 93 frá 05.12.2002, har § 2 er soljóðandi: Henda lóg kemur í gildi dagin eftir, at hon er kunngjørd og er galdandi frá 1. januar 2003.
42) Broytt við ll. nr. 16 frá 20.02.2003, har § 2 og § 3 eru soljóðandi: § 2. Henda lóg fær gildi dagin eftir, at hon er kunngjørd, og er galdandi frá 16. november 2001. § 3. Fyri Føroya Realkreditstovn og Íleggingargrunnin fyri Føroyar, ið nevndir eru í § 1, nr. 17, eru hesar skiftisreglur galdandi: 1) Tað skattaár, sum teir fyrstu ferð verða skattskyldugir eftir reglunum í hesi lóg, verður nevnt skiftisskattaárið. 2) Fyri skiftisskattaárið verða maskinur, innbúgv og líknandi rakstrargøgn, sum teir eiga við byrjan inntøkuársins, settar til saldovirðið, sbr. lóg um skattligar avskrivingar v.m., við tí virðinum, sum tey eru sett til í almenna roknskapinum fyri tað seinasta árið frammanundan skiftisskattaárinum, t.e. roknskapurin, sum fellur saman við ella endar í 2001. Henda upphædd verður hækkað við útveganarupphæddini fyri rakstrargøgn, sum eru útvegað í inntøkuárinum, og lækkað við upphædd, sum í sama tíðarskeiði er vunnið við sølu av rakstrargøgnum, alt sambært reglunum í avskrivingarlógin. 3) Fyri bygningar, sum kunnu verða avskrivaðir sambært avskrivingarlógini, ella innleggingar í hesum bygningum, og sum eru ognaðir ella liðugtbygdir áðrenn byrjanina av tí inntøkuári, sum er grundarlagið fyri skattaásetingini fyri skiftisskattaárið og fylgjandi skattaár, verður avskrivað fyri skiftisskattaárið og fylgjandi skattaár við prosentparti av útveganarvirðinum. Støðið verður tikið í teimum veruligu útveganarárunum. 4) Í sambandi við uppgerð av vinningi ella tapi av teimum í kapitalvinningsskattalógini/ virðisbrævaskattalógini nevndu virðisbrøvum verður útgangsstøðið tikið í kursvirðinum ultimo inntøkuárið 2001. 5) Fyri Føroya Realkreditstovn og Íleggingargrunnin fyri Føroyar fer skatting fram, sum fyriskrivað er í § 5, stk. 3 í løgtingslóg um áseting av skatti til landskassan, við skattagrundarlagi uppgjørt eftir reglunum, sum galdandi eru fyri aðrar skattskyldugar vinnurekandi grunnar og tryggingarfeløg, og við sama prosenti, sum galdandi eru fyri hesi.
43) Broytt við ll. nr. 56 frá 22.04.2003, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað frá 1. januar 2003.
44) Broytt við ll. nr. 70 frá 06.05.2003, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2003.
45) Broytt við ll. nr. 115 frá 01.12.2003, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað frá framløgudegnum 6. november 2003.
46) Broytt við ll. nr. 119 frá 01.12.2003, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2004.
47) Broytt við ll. nr. 121 frá 01.12.2003, har § 9 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2004.
48) Broytt við ll. nr. 7 frá 30.03.2004, har § 2 er soljóðandi: Henda løgtingslóg kemur í gildi dagin eftir, at hon er kunngjørd.
49) Broytt við ll. nr. 23 frá 17.05.2004, har § 4 er soljóðandi: Henda løgtingslóg kemur í gildi dagin eftir, at hon er kunngjørd, tó so at § 1, nr. 2, § 2 og § 3 hava virknað fyri hall, staðfest í 2002 og seinni.
50) Broytt við ll. nr. 88 frá 20.12.2004, har § 2 er soljóðandi: Henda løgtingslóg kemur í gildi 1. januar 2005.
51) Broytt við ll. nr. 136 frá 12.12.2005, har § 3 er soljóðandi: Henda løgtingslóg kemur í gildi 1. januar 2006.
52) Broytt við ll. nr. 142 frá 15.12.2005, har § 3 er soljóðandi: Henda løgtingslóg kemur í gildi 1. januar 2006.
53) Broytt við ll. nr. 29 frá 08.04.2005, har § 10 er soljóðandi: Henda løgtingslóg kemur í gildi dagin eftir, at hon er kunngjørd. Stk. 2. Samstundis, sum henda løgtingslóg fær gildi, fara úr gildi § 156 í løgtingslóg nr. 86 frá 1. september 1983 um landsskatt og kommunuskatt við seinni broytingum og § 13 í løgtingslóg nr. 193 frá 10. desember 1993 um lønhæddaravgjald við seinni broytingum. Stk. 3. Mál um eftirgeving av skattaskuld v.m, ið ikki eru endað, áðrenn henda lóg kemur í gildi, skulu viðgerast eftir hesi lóg.
54) Broytt við ll. nr. 49 frá 16.05.2006, har § 11 er soljóðandi: Henda løgtingslóg kemur í gildi dagin eftir, at hon er kunngjørd.
55) Broytt við ll. nr. 52 frá 16.05.2006, har § 11 er soljóðandi: Stk. 1. Henda løgtingslóg kemur í gildi dagin eftir, hon er kunngjørd,og hevur virknað frá 1. januar 2006. Stk. 2. Tó koma broytingarnar í nr. 1 og 7 í gildi við kunngerð, sum landsstýrismaðurin ger (Útg.: 19.05.2006).
56) Broytt við ll. nr. 108 frá 13.12.2006, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað frá inntøkuárinum 2007.
57) Broytt við ll. nr. 128 frá 28.12.2006, har § 3 er soljóðandi: Henda løgtingslóg kemur í gildi 1. januar 2007.
58) Broytt við ll. nr. 64 frá 10.06.2008, har § 3 er soljóðandi: Henda løgtingslóg kemur í gildi 1. januar 2009. (Útg.: 13.06.2008).
59) Broytt við ll. nr. 80 frá 25.05.2009, har § 6 er soljóðandi: Henda løgtingslóg kemur í gildi dagin eftir, at hon er kunngjørd. §§ 1-3 hava virknað frá 1. juli 2009, § 4 og § 5, nr. 2 hava virknað frá 1. januar 2009, og § 5, nr. 1 hevur virknað frá 1. juli 2007. (Henda broytingin hoyrir undir § 5 í broytingalógini (bústaðarpakkin)). (Útg. 10. juni 2009).
60) Broytt við ll. nr. 167 frá 22.12.2009, har § 2 er soljóðandi: Henda løgtingslóg kemur í gildi 1. januar 2010 og fer úr gildi 1. januar 2012.
61) Broytt við ll. nr. 133 frá 28.12.2010, har § 2 er soljóðandi:Henda løgtingslóg kemur í gildi dagin eftir, at hon er kunngjørd.
62) Broytt við ll. nr. 20 frá 11.03.2011, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað fyri skattaárið 2010 og frameftir.(Útg.:18.03.2011)
63) Broytt við ll. nr. 171 frá 23.12.2011, har § 2 er soljóðandi: Henda løgtingslóg kemur í gildi 1. januar 2012.
64) Broytt við ll. nr. 176 frá 29.12.2011, har § 3 er soljóðandi: Henda løgtingslóg kemur í gildi 1. januar 2012.
65) Broytt við ll. nr. 34 frá 27.04.2012, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útg. 7. mai 2012)
66) Broytt við ll. nr. 82 frá 07.06.2012, har § 2 er soljóðandi: Stk. 1. § 1, nr. 1 kemur í gildi 1. januar 2010 og fer úr gildi 31. desember 2011. Stk. 2. Fyri inntøkuárini 2010 og 2011 verður samdøgursfrádráttur eisini veittur inntøkum, sum eru fevndar av § 25 b.
67) Broytt við ll. nr. 121 frá 07.12.2012, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og er galdandi frá inntøkuárinum 2013.(Útg.: 12.12.2012) 1) Tað skattaár, sum teir fyrstu ferð verða skattskyldugir eftir reglunum í hesi løgtingslóg, verður nevnt skiftisskattaárið. 2) Fyri skiftisskattaárið verða maskinur, innbúgv og líknandi rakstrargøgn, sum teir eiga við byrjan inntøkuársins, settar til salduvirðið, sbrt. løgtingslóg um skattligar avskrivingar v.m., við tí virðinum, sum tey eru sett til í almenna roknskapinum fyri tað seinasta árið frammanundan skiftisskattaárinum, t.e. roknskapurin, sum fellur saman við ella endar í 2012. Henda upphædd verður hækkað við útveganarupphæddini fyri rakstr argøgn, sum eru útvegað í inntøkuárinum, og lækkað við upphædd, sum í sama tíðarskeiði er vunnin við sølu av rakstrargøgnum, alt sambært reglunum í avskrivingarlógini. 3) Fyri bygningar, sum kunnu verða avskrivaðir sambært avskrivingarlógini, ella innleggingar í hesum bygningum, og sum eru ognaðir ella lið ugtbygdir áðrenn byrjanina av tí inntøkuári, sum er grundarlagið fyri skattaásetingini fyri skiftisskattaárið og fylgjandi skattaár, verður av- skrivað fyri skiftisskattaárið og fylgjandi skattaár við prosentparti av útveganarvirðinum. Støðið verður tikið í teimum veruligu útveg an ar árunum. 4) Í sambandi við uppgerð av vinningi ella tapi av teimum í kapitalvinningsskattalógini nevndu virð is brøvum verður útgangsstøðið tikið í kursvirðinum ultimo inntøkuárið 2012. 5) Fyri Húsalánsgrunnin og Búnaðargrunnin fer skatting fram, sum fyriskrivað er í § 5, stk. 3 í løgtingslóg um áseting av skatti til landskassan, við skattagrundarlagi, uppgjørt eftir reglunum, sum galdandi eru fyri aðrar skattskyldugar vinnurekandi grunnar og tryggingarfeløg, og við sama prosenti, sum galdandi eru fyri hesi.
68) Broytt við ll. nr. 141 frá 20.12.2012, har § 2 er soljóðandi: Stk. 1. § 1, nr. 2 og 6 koma í gildi dagin eftir, at hon er kunngjørd og hevur virknað frá 1. januar 2012, meðan § 1, nr. 1, 3, 4 og 5 koma í gildi 1. januar 2013. Stk. 2. Fyri inntøkuárið 2012 verður frádrátturin eftir § 33, nr. 12 í løgtingslóg um landsskatt og kommunuskatt eisini veittur inntøkum, sum eru fevndar av § 25b í løgtingslóg um landsskatt og kommunuskatt. (Útg.: 28.12.2012)
69) Broytt við ll. nr. 143 frá 20.12.2012, har § 2 er soljóðandi: Henda løgtingslóg kemur í gildi 1. januar 2013.(Útg. 28.12.2012)
70) Broytt við ll. nr. 155 frá 27.12.2012, har § 2 er soljóðandi: Henda løgtingslóg kemur í gildi 1. januar 2013. (Útg.: 28.12.2012)
71) Broytt við ll. nr. 47 frá 10.05.2013, har § 2 er soljóðandi: Henda løgtingslóg kemur í gildi dagin eftir, at hon er kunngjørd tó so, at § 1, nr. 2 og 3 hava virknað frá 1. januar 2013.
72) Broytt við ll. nr. 134 frá 11.12.2013, har § 2 er soljóðandi: Henda løgtingslóg kemur í gildi 1. januar 2014 (Útg.: 20.12.2013)
73) Broytt við ll. nr. 135 frá 11.12.2013, har § 2 er soljóðandi: Henda løgtingslóg kemur í gildi 1. januar 2014 (Útg.: 20.12.2013)
74) Broytt við ll. nr. 136 frá 11.12.2013, har § 2 er soljóðandi: Henda løgtingslóg kemur í gildi 1. januar 2014 (Útg.: 20.12.2013)
75) Broytt við ll. nr. 153 frá 20.12.2013, har § 2 er soljóðandi: Henda løgtingslóg kemur í gildi 1. januar 2014 (Útg.: 22.12.2013)
76) Broytt við ll. nr. 159 frá 20.12.2013, har § 2 er soljóðandi: Henda løgtingslóg kemur í gildi 1. januar 2014 (Útg.: 22.12.2013)
77) Broytt við ll. nr. 65 frá 15.05.2014, har § 2 er soljóðandi: Henda løgtingslóg kemur í gildi dagin eftir, at hon er kunngjørd. ( Útgivið 23. mai 2014) Stk. 2. Tó hava § 1, nr. 1 og 2 gildi frá 1. januar 2014. (Fylgibroytingar í sambandi við loyvisgjald á alivinnu o.a.)
78) Broytt við ll. nr. 95 frá 15.09.2014, har § er soljóðandi: Stk. 1. Henda løgtingslóg kemur í gildi dagin eftir, at hon er kunngjørd. Stk. 2. Reglur, sum verða ásettar við heimild í § 120 q, kunnu fáa virknað fyri fráboðanir av upplýsingum viðvíkjandi álmanakkaárinum 2013 og seinni álmanakkaárum. (Útgivið 19.09.2014)
79) Broytt við ll. nr. 116 frá 15.12.2014, har § 2 er soljóðandi: Henda løgtingslóg kemur í gildi 1. januar 2015. (Útgivið 19.12.2015)
80) Broytt við ll. nr. 117 frá 15.12.2014, har § 2 er soljóðandi: Henda løgtingslóg kemur í gildi 1. januar 2015. (Útgivið 19.12.2015)
81) Broytt við ll. nr. 34 frá 15.04.2016, har § 2 er soljóðandi: Henda løgtingslóg kemur í gildi dagin eftir, at hon er kunngjørd. (Útgivið: 22.04.2016)
82) Broytt við ll. nr. 50 frá 06.05.2016, har § 2 er soljóðandi:Henda løgtingslóg kemur í gildi dagin eftir, at hon er kunngjørd.(Útgivið: 10.05.2016)
83) Broytt við ll. nr. 79 frá 25.05.1994
84) Broytt við ll. nr. 4 frá 12.01.1995, sum í § 2 hevur soljóðandi áseting: Henda lóg kemur í gildi 1. januar 1995, tó koma fylgjandi broytingar í gildi soleiðis: 4) (§ 33, nr. 2) fær gildi fyri lán og ábyrgd, sum eru avtalað 3. desember 1994 ella seinni. 8) (§ 33, nr. 11) er bert galdandi fyri 1995. Tó kann loyvast ein frádráttur uppá í mesta lagi 20.000 kr. fyri 1996, treytað av at umbyggingin/umvælingin/liðuggerðin er byrjað 1995. (Broytt við Ll. nr. 168 frá 27.12.1995 soljóðandi: (§ 33, nr. 11) er bert galdandi fyri 1995 og 1996. Fyri arbeiði, ið eru byrjað í 1995, kann herumframt loyvast ein frádráttur upp á í minsta lagi 20.000 kr. fyri 1996. 9) (§ 33, nr. 12) fær gildi frá 1. januar 1994. 18) (§ 46a, 1. stk.) fær gildi fyri lán, ið eru tikin til gjaldingar av ábyrgd sum er avtalað 3. desember 1994 ella seinni.
85) Broytt við ll. nr. 65 frá 10.05.1994, sum sigur, at § 25, nr. 3, litra b hevur gildi fyri rentuinntøku á føroyskum lánsbrøvum, ið er vunnin frá og við 1. apríl 1994.
86) Broytt við ll. nr. 16 frá 01.02.1995
87) Broytt við ll. nr. 63 frá 10.05.1994
88) Broytt við ll. nr. 42 frá 10.04.2017, har § 2 er soljóðandi: Stk. 1. Henda løgtingslóg kemur í gildi dagin eftir, at hon er kunngjørd.(Útgivið: 11.04.2017) Stk. 2. § 1, nr. 3 er tó galdandi frá 1. januar 2013, men bert í tann mun útiviðbótin v.m. er størri enn skattliga virðið av at vera settur í skatt eftir § 25b, sbr. § 33, nr. 13 í skattalógini og § 1, stk. 2 í ásetingarlógini í mun til skattseting eftir reglunum í § 1, stk. 1 í ásetingarlógini og uttan inntøkufrádrátt.
89) Broytt við ll. nr. 122 frá 21.08.2017, har §§ 2 og 3 eru soljóðandi: § 2 Henda løgtingslógin kemur í gildi dagin eftir, at hon er kunngjørd, og hevur virknað frá framløgudegnum. § 3 Stk. 1. Fyri skip, sum framløgudagin eru bare-boat leigað til Føroya, fer skipanin úr gildi 31. desember 2018, sbr. tó stk. 2 og 3. Stk. 2. Fyri skip, sum framløgudagin eru bare-boat leigað til Føroya, fer skipanin tó ikki úr gildi fyrr enn 31. desember 2025 við atliti at skatti av hýrum til persónar, sum eru fult skattskyldugir til Føroya. Stk. 3. Fyri skip, sum framløgudagin eru bare-boat leigað til Føroya og sum lúka allar treytirnar fyri at verða skrásett í FAS, fær broytingin virknað, tá verandi leiguavtalur ganga út. (Framløgudagurin var 1. august 2017)
90) Broytt við ll. nr. 169 frá 20.12.2017, har § 2 er soljóðandi: Henda løgtingslóg kemur í gildi 1. januar 2018. (Útgivið: 22.12.17)
91) Broytt við ll. nr. 191 frá 21.12.2018, har § 2 er soljóðandi: Henda løgtingslóg kemur í gildi 1. januar 2019, tó hava § 1, nr. 1 og 2 virknað frá framløgudegnum. (Útgivið 28.12.2018 og lagt fram 02.11.2018)
92) Broytt við ll. nr. 146 frá 13.12.2019, har § 2 er soljóðandi: Henda løgtingslóg kemur í gildi 1. januar 2020. (Útgivið: 14.12.2019)
93) Broytt við ll. nr. 47 frá 07.04.2020, har § 2 er soljóðandi: Stk. 1. Henda løgtingslóg kemur í gildi dagin eftir, at hon er kunngjørd (Útgivið: 7. apríl 2020).. Stk. 2. Tó koma § 105, stk. 1, 2. pkt. og stk. 2, 2. pkt., sum ásett í § 1, í gildi 1. januar 2021.
94) Broytt við ll. nr. 84 frá 07.06.2020, har § 2 er soljóðandi: Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2020.
95) Broytt við ll. nr. 101 frá 25.06.2020, har § 2 er soljóðandi: Henda løgtingslóg er galdandi frá framløgudegnum 13. mai 2020.
96) Broytt við ll. nr. 150 frá 27.10.2020, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað frá 1. januar 2020. (Útgivið: 27.10.2020)
97) Broytt við ll. nr. 162 frá 10.12.2020, har § 2 er soljóðandi: Henda løgtingslóg kemur í gildi dagin eftir, at hon er kunngjørd og hevur virknað fyri útgjalding av veitingum frá og við januar 2020.
98) Broytt við ll. nr. 173 frá 21.12.2021, har § 4 er soljóðandi: Henda løgtingslóg kemur í gildi dagin eftir, at hon er kunngjørd. (Útgivið: 21.12.2021)
99) Broytt við ll. nr. 159 frá 10.12.2021, har § 43 er soljóðandi: Henda løgtingslóg kemur í gildi 1. januar 2022. (Útgivið: 13.12.2021)
  • Meira
    • Upprunalógir
    • Kunngerðir
    • Rundskriv
    • Vegleiðingar
    • Úrskurðir
    • Altjóða avtalur
    • Viðmerkingar
    Upprunalógir
    Skattalógin
    Kunngerðir
    • Nr. 11/2016 Eyðmerking og fráboðan av fíggjarkontum við tilknýti til útheimin
    • Nr. 147/2015 Krøv til skattligan ársroknskap
    • Nr. 146/2015 Talgildan roknskap
    • Nr. 131/2013 Broyting í kunngerð um áseting av afturberingarprosenti til reiðaravirkir, sum hava skip, ið eru skrásett í Føroysku Altjóða Skipaskránni FAS
    • Nr. 123/2011 Serstaka uppgerð í samband við tilfeingis-/loyvisskatt
    • Nr. 12/2009 Upphædd til uppihald í samband við arbeiði skipað gjøgnum Nordjobb
    • Nr. 10/2007 At partar av løgtingslóg um landsskatt og kommunuskatt fáa gildi
    • Nr. 89/2006 Innlatingarfreistir av sjálvuppgávu fyri roknskaparskyldug
    • Nr. 21/2005 Samdøgurfrádrátt
    • Nr. 35/2004 Avmarking í frádrátti í inntøku frá fiskiskapi
    • 1978 Reglur viðvíkjandi skattligum avskrivingum hjá eigarum av skipa- og bátspørtum.
    • Nr. 97/1983 Skráseting av ávísingarskyldugum/arbeiðsgevarum
    • Nr. 110/1983 At lóg nr. 86 frá 1/9 1983 um landsskatt og kommunuskatt kemur í gildi
    • Nr. 1/1984 Lønarroknskap v.m. eftir løgtingslóg um samtíðarskatt
    • Nr. 109/2001 Lesandi og lærlingar uttanlands
    • Nr. 86/1999 Skattafrælsi í sambandi við vælgerandi arbeiði
    • Nr. 58/1999 Skattafrí endurgjøld til starvandi umborð á flogfari
    • Nr. 57/1999 Serskatting av hjúnum
    • Nr. 48/1985 Ásetan av dagligari sekt sambært samtíðarskattalógini
    • Nr. 98/1987 Uppgerð av skattligu eginnýtsluni
    • Nr. 5/1988 Uppgerð av vørugoymslu
    • Nr. 9/1989 At ymiskar ásetanir í lóg um landsskatt og kommunuskatt koma í gildi
    • Nr. 88/1994 Upplýsingarskyldu samb. skattalógini viðv. rentum v.m.
    • Nr. 17/1998 Um avtøku av kunngerð um at roknað sum A-inntøku, pening, ið verður vunnin við avreiðing í Føroyum av fiski og úrdráttum frá fiskivinnuni v.m. (Kunngerð nr. 102 frá 11.06.1997)
    • Nr. 51/1998 Gjaldfreist í samband við kærur um skattseting
    • Nr. 161/2018 Kunngerð um broyting í kunngerð um eyðmerking og fráboðan av fíggjarkontum við tilknýti til útheimin
    • Nr. 151/2019 Kunngerð um land fyri land fráboðan

    Nr. 11/2016 Eyðmerking og fráboðan av fíggjarkontum við tilknýti til útheimin

    Kunngerð nr. 11 frá 19. januar 2016

    um eyðmerking og fráboðan av fíggjarkontum við tilknýti til útheimin

    Sum broytt við kunngerð nr. 32 frá 28.05.2017, kunngerð nr. 161 frá 06.12.2018, kunngerð nr. 92 frá 01.07.2019, kunngerð nr. 24 frá 24. mars 2021 og kunngerð nr. 93 frá 17. mai 2022.

    3) Við heimild í § 120 q, stk. 1, 3, 5 og 6, og §§ 126 og 143 í løgtingslóg nr. 86 frá 1. september 1983 um landsskatt og kommunuskatt, sum broytt við løgtingslóg nr. 95 frá 15. september 2014, verður ásett:

    Kapittul 1
    Allýsingar

    § 1. Máliskur við stórum byrjunarbókstavi í hesi kunngerð, skulu hava tann týdning, tær hava sambært
    hesum kapitli.
    Stk. 2. 3) Eitt og hvørt hugtak, sum ikki er nágreinað í hesi kunngerð, men sum er nágreinað í standardinum hjá OECD, Standard for Automatic Exchange of Financial Account Information in Tax Matters, sum eisini fevnir um viðmerkingarnar til standardin, skal tulkast og nýtast í samsvari við standardin.

    § 2. 3) Máliskan: Fráboðandi fíggjarligur stovnur, merkir ein Fíggjarligur stovnur í Føroyum, sum ikki er ein ikki-fráboðandi fíggjarligur stovnur.
    Stk. 2. Máliskan: Fíggjarligur stovnur í Føroyum, merkir

    1) ein Fíggjarligur stovnur, sum er heimahoyrandi í Føroyum, tó undantikið deildir uttanlands hjá viðkomandi Fíggjarligum stovni, og
    2) ein deild í Føroyum hjá einum Fíggjarligum stovni uttanlands.

    Stk. 3. 3) Máliskan: Fíggjarligur stovnur í einum luttakandi rættardømi merkir:

    1) ein Fíggjarligur stovnur, sum er heimahoyrandi í einum Luttakandi rættardømi, tó undantikið ein deild hjá einum Fíggjarligum stovni, sum liggur uttan eitt Luttakandi rættardømi, og
    2) ein deild hjá einum Fíggjarligum stovni, sum ikki er heimahoyrandi í einum Luttakandi rættardømi, um deildin liggur í einum Luttakandi rættardømi.

    § 3. Ein Fíggjarligur stovnur er heimahoyrandi í einum Luttakandi rættardømi, herundir Føroyum, um hann er undir lóggávuni í hesum Luttakandi rættardømi, sum merkir, at tað Luttakandi rættardømið kann handhevja fráboðanarskylduna hjá Fíggjarliga stovninum. Vanliga er ein Fíggjarligur stovnur, sum hevur skattligan heimstað í einum Luttakandi rættardømi, fevndur av lóggávuni har, og harvið er talan um ein Fíggjarligan stovn í einum Luttakandi rættardømi.
    Stk. 2. Ein trustur, sum er ein Fíggjarligur stovnur, uttan mun til um hann hevur skattligan heimstað í einum Luttakandi rættardømi, verður mettur at vera fevndur av lóggávuni í einum Luttakandi rættardømi, um ein ella fleiri av hansara umsitarum eru heimahoyrandi í hesum Luttakandi rættardømi, uttan so at trusturin letur allar tær upplýsingar, sum skulu fráboðast sambært kapittul 9, hvat viðvíkur Fráboðanarskyldugum kontum, sum verða bókaðar av trustinum,
    til eitt annað Luttakandi rættardømi, tí hann hevur skattligan heimstað í hesum Luttakandi rættardømi.
    Stk. 3. Um ein Fíggjarligur stovnur, burtursæð frá einum trusti, ikki hevur skattligan heimstað, t.d. tí hann skattliga verður mettur glærur ella liggur í einum rættardømi, sum ikki hevur nakran inntøkuskatt, verður hann mettur at vera fevndur av lóggávuni í einum Luttakandi rættardømi, og hann verður sostatt mettur at vera ein Fíggjarligur stovnur í einum Luttakandi rættardømi, um

    1. hann er skrásettur sambært lóggávuni í tí Luttakandi rættardøminum,
    2. leiðslan, undir hesum tann veruliga leiðslan, hevur heimstað í tí Luttakandi rættardøminum, ella
    3. hann er undir umsjón í einum Luttakndi rættardømi.

    Stk. 4. Tá ein Fíggjarligur stovnur, burtursæð frá einum trusti, er heimahoyrandi í tveimum ella fleiri Luttakandi rættardømum, er tann Fíggjarligi stovnurin fevndur av teimum skyldum um fráboðan og nærlagni, sum eru galdandi í tí Luttakandi rættardømi, har hann bókar Fíggjarligu kontuna ella konturnar.

    § 4. Ein konta verður mett at verða bókað av einum Fíggjarligum stovni á hendan hátt:

    1. Um tann Fíggjarliga kontan er ein Fyrisitingarkonta: av Fíggjarliga stovninum, sum hevur aktivini á kontuni í varðveitslu, undir hesum ein Fíggjarligur stovnur, sum goymir aktivir í navni stovnsins vegna ein Kontueigara í einum slíkum stovni.
    2. Um Fíggjarliga kontan er ein Innskotskonta: av Fíggjarliga stovninum, sum hevur skyldu til at fremja gjaldingar viðvíkjandi kontuni, undantikið ein fulltrúi fyri ein Fíggjarligan stovn,uttan mun til um fulltrúin er ein Fíggjarligur stovnur.
    3. Um Fíggjarliga kontan er partur í eginogn ella skuld í Fíggjarliga stovninum, sum ger ein Fíggjarliga konta: av hesum Fíggjarliga stovni.
    4. Um tann Fíggjarliga kontan er ein Tryggingaravtala við kontantvirði ella ein Annuitetsavtala:av tí Fíggjarliga stovninum, sum er skyldugur at fremja gjaldingar viðvíkjandi avtaluni.

    Stk. 2. Við atliti at virðisbrøvum skrásett í einari danskari virðisbrævaskrásetingarstovu sum skilgreinað í kapittul 21 í anordning om ikrafttræden for Færøerne af lov om værdipapirhandel m.v., sum er ogn hjá einum Fíggjarligur stovni ella umvegis ein ella fleiri aðrar Fíggjarligar stovnar, skulu viðkomandi Fíggjarligu kontur viðgerast sum um tær eru ogn hjá hesum Fíggjarligu stovnum, og hesir Fíggjarligum stovnar ábyrgjast fyri einhvørja frágreiðing, sum er neyðug við atliti at slíkum Fíggjarligum kontum. Hetta forðar tó ikki fyri, at viðkomandi virðisbrævaskrásetingarstova kann lata inn upplýsingar vegna slíkar Fíggjarligar stovnar.
    Stk. 3. Um ein partur í einari Íløguueind er ogn hjá ella umvegis Persónar, sum tað ikki skal gevast frágreiðing um, skal Íløgueindin ikki geva frágreiðing um partin. Er parturin latin í varðveitslu á eini Fyrisitingarkontu í einum Fyrisitingarstovni, skal Fyrisitingarstovnurin viðgera partin sum eina Fíggjarliga ogn við atliti til hesa kunngerð.

    § 5. Máliskan: Fíggjarligur stovnur, merkir

    1. ein Fyrisitingarstovnur,
    2. ein Innskotsstovnur,
    3. ein Íløgueind ella
    4. eitt Specificerað tryggingarfelag.

    § 6. Máliskan: Fyrisitingarstovnur, Custodial Institution, merkir ein Eind, sum í stóran mun hevur Fíggjarligar ognir í varðveitslu upp á rokning hjá øðrum.
    Stk. 2. Ein Eind hevur í stóran mun Fíggjarligar ognir upp á rokning hjá øðrum, tá bruttoinntøkan hjá Eindini, sum kann førast til varðveitslu av Fíggjarligum ognum og hartil hoyrandi fíggjarligar tænastuveitingar, svarar til ella fer uppum 20 prosent av bruttoinnitøkuni hjá Eindini í tí stytsta av fylgjandi tveimum tíðarskeiðum:

    1. tað trý ára tíðarskeiðið, sum endar tann 31.desember, ella síðsta dag í einum roknskaparskeiði, sum ikki fylgjur álmanakkaárinum, frammanundan tí ári, har ásetingin fer fram, ella
    2. tíðarskeiðnum, Eindin hevur verið til.

    § 7. Máliskan: Innskotsstovnur, Depository Institution, merkir ein Eind, sum tekur ímóti innskotum sum ein vanligur liður í bankavirksemi ella líknandi handilsrakstrarvirksemi.

    § 8. Máliskan: Íløgueind, Investment Entity, merkir ein eind,

    1. ið sum liður í handilsrakstrarviðurskiftum í høvuðsheitum fremur eina ella fleiri av fylgjandi virksemum ella tilltøkum fyri ella vegna ein kunda:
      a) handil við pengamarknaðarløgskjølum, t.v.s. kekkum, vekslum, innskotsprógvum, avleiðslum o.ø., gjaldoyraveksling, keypskálaskjølum, rentuskjølum og indeksskjølum, umsetiligum virðisbrøvum ella rávøruterminsavtalum,
      b) einstaklinga og samognar skuldabrævaumsiting,ella
      c) annað slag av íløgu, umsiting ella fyrisiting av Fíggjarligum ognum ella peningi vegna aðrar persónar ella
    2. um bruttoinntøkan í høvuðsheitum kemur frá íløgu, enduríløgu ella handli við Fíggjarligum ognum, um Eindin verður fyrisitin av einari aðrari Eind, sum er ein Innskotsstovnur, ein Fyrisitingarstovnur ella eitt Specificerað tryggingarfelag ella Íløgueind sum lýst í nr. 1.

    Stk. 2. Ein Eind verður mett sum sum liður í handilsrakstrarvirksemi sínum í høvuðsheitum at fremja eina ella fleiri av teimum virksemum, sum eru lýst í stk. 1, nr. 1, ella ein Einds bruttoinntøka kann í høvuðsheitum roknast at koma frá íløgu, enduríløgu ella handli við Fíggjarligum aktivum til tey endamál, sum eru nevnd í stk. 1, nr. 2, tá bruttoinntøkan hjá Eindini, sum kann heimførast til viðkomandi virksemi, svarar til ella fer uppum 50 prosent av bruttoinntøkuni hjá Eindini í tí stytsta av fylgjandi tveimum tíðarskeiðum:

    1. tað tríára tíðarskeið, sum endar tann 31. desember í árinum frammanundan árinum, har ásetingin verður gjørd, ella
    2. Tíðarskeiðið, Eindin hevur verið til.

    Stk. 3. Máliskan: Íløgueind, fevnir ikki um eina Eind, sum er eitt Aktivt NFE, tí viðkomandi Eind lýkur eina ella fleiri av treytunum í § 47, nr. 4-7.
    Stk. 4. Stk. 1-3 skulu tulkast í samsvari við orðaljóðið í allýsingini av Fíggjarligur stovnur í tilráðingini frá Tí Fíggjarligu Atgerðarbólkinum, Financial Action Task Force.

    § 9. Máliskan: Fíggjarlig ogn, fevnir um fylgjandi:

    1. Virðisbrøv, sum t.d. ognarpartar í einum partafelagi, partar ella ognaráhugamál í einum íognarfelagi ella trusti, sum hevur víðkaðan ognarskara ella er børsskrásettur, lánsbrøv, lánsprógv, skuldarbrøv ella líknandi skuldarprógv.
    2. Partar í íognarfelagi, goymslu, swaps, sum t.d. rentuswaps, gjaldoyraswaps, basisswaps, rentuloftum, rentugólvum, rávøruswaps, partabrævaswaps, partabrævaindeksswaps og líknandi avtalur.
    3. Tryggingaravtalur og Annuitetsavtalur.
    4. Partar, herundir ein futuresavtala, ein terminsavtala ella ein optión, í virðisbrøv, íognarfeløg, vørur, swaps, Trygginaravtalur ella Annuitetsavtalur.

    Stk. 2. Máliskan: Fíggjarlig ogn, fevnir ikki um ein ikki-skuldargrundaðan, beinleiðis part í fastari ogn.

    § 10. Máliskan: Specificerað tryggingarfelag, Specified Insurance Company, merkir ein Eind, sum er eitt tryggingarfelag, ella holdingfelag hjá einum tryggingarfelagi, ið gevur út, ella er skyldug til at gjalda við atliti at, einari Tryggingaravtalu við kontantvirði, Cash Value Insurance Contract, ella einari Annuitetsavtalu.

    Ikki-fráboðandi fíggjarligur stovnur

    § 11. Máliskan: Ikki-fráboðandi fíggjarligur stovnur, merkir ein Fíggjarligur stovnur, sum er:

    1. ein Almen eind, ein Altjóða felagsskapur ella ein Meginbanki, undantikið við atliti at gjaldi, sum er avleitt av eini skyldu í sambandi við eitt handilsligt fíggjarligt virksemi av tí slagi, sum verður útint av einum Specificeraðum tryggingarfelagi, einum Fyrisitingarstovni ella einum Innskotsstovni,
    2. ein Eftirlønarkassi við breiðari luttøku, ein Eftirlønarkassi við avmarkaðari luttøku, ein Eftirlønarkassi, sum er ogn hjá einari Almennari eind, einum Altjóða felagsskapi ella einum Meginbanka ella einum Kvalifceraðum kreditkortveitara,
    3. ávísir aðrar eftirlønarkassar o.a.,
    4. 5) ein Frítikin stovnur fyri felags íløgu, ella
    5. ein trustur, í tann mun umsitarin av trustinum er ein Fráboðandi fíggjarligur stovnur og fráboðar allar upplýsingar, sum verða kravdir fráboðaðir sambært kapittul 9 við atliti at øllum trustsins Fráboðanarskyldugum kontum.

    § 12. Máliskan: Almen eind, merkir ein stjórn í einum rættardømi, eitt politiskt sundurbýti av einum rættardømi, sum fevnir um ríki, landspart, øki ella kommunu, ella ein myndugleiki ella annar stovnur, sum eitt rættardømi ella ein ella fleiri av omanfyri nevndu Almennu eindum eigur sum heild. Hesin bólkur er samansettur av óloysandi pørtum, eindir og politiskar sundurbýtingar av einum rættardømi.
    Stk. 2. Ein samansettur partur av einum rættardømi merkir ein persónur, ein fyriskipan, ein myndugleiki, ein skrivstova, ein grunnur, ein stovnur ella ein annar stovnur, uttan mun til heiti, sum er ein stýrandi myndugleiki í einum rættardømi. Nettoinntøkan hjá stýrandi myndugleikanum skal góðskrivast kontu tess ella øðrum kontum, sum hoyra til hetta rættardømið, uttan at nakar partur kemur privatpersóni til góða. Ein samansettur partur fevnir ikki um ein likamligan persón, sum er stjórnarumboð, embætismaður ella umboðsmaður, sum virkar í privatum ella persónligum eginleika.
    Stk. 3. Ein eftirlitsstýrd eind merkir ein Eind, sum í sínum líki er skyld frá einum rættardømi, ella sum á annan hátt er ein serlig løgfrøðilig eind, treytað av:

    1. Eindin í fullan mun er ogn hjá og er undir beinleiðis ræði av einum ella fleiri almennum Eindum ella gjøgnum eina ella fleiri eftirlitsstýrdar eindir,
    2. Eindarinnar nottoinntøka verður góðskrivað tess kontu ella kontum, sum hoyra til eina ella fleiri Almennar eindir, uttan at nakar partur av inntøkuni verður tilroknaður einum privatpersóni, og
    3. Ognirnar hjá Eindini við avtøku fella til eina ella fleiri Almennar eindir.

    Stk. 4. Inntøkan kemur ikki privatpersónum tilgóða, um hesir persónar eru ætlaðu móttakararnir av eini almennari skrá, og aktivitirnir hjá skránni verða gjørdir yvir fyri tí almenna í áhuga hjá almenninginum og víðvíkja fyrisitingini av einum almennum átaki. Uttan mun til áðurnevnda verður inntøka kortini mett at koma privatpersónum til góða, um inntøkan stavar frá nýtsluni av eini Almennari eind til at fremja eitt vinnuligt virksemi, sum t.d. handilsligtbankavirksemi, sum letur fíggjarligar tænastuveitingar til privatpersónar.

    § 13. Máliskan: Altjóða felagsskapur, merkir ein altjóða felagsskapur ella ein myndugleiki ella stovnur, sum fult út er ogn hjá hesum. Hesin bólkur fevnir um einhvønn millumtjóða felagsskap, íroknað ein yvirríkis felagsskapur:

    1. sum í høvuðsheitum er samansettur av stjórnum,
    2. vanliga hevur eina heimstaðsavtalu ella ein samsvarandi avtalu við Føroyar, og
    3. har inntøkan ikki gerst áogn hjá privatpersónum.

    § 14. 1) Máliskan Meginbanki merkir ein stovnur í einum Rættardømi, sum sambært lóg ella almennari góðkenning er evsti myndugleiki eftir sjálva stjórnina, og sum gevur út løgskjøl, sum verða sett í umfar sum gjaldoyra. Hesin bankin kann vera ein stovnur, sum er sundurskildur frá stjórnini, uttan mun til um rættardømið heilt ella lutvíst eigur hann.

    § 15. Máliskan: Eftirlønarkassi við breiðari luttøku, merkir ein grunnur, sum er stovnaður fyri at fáa til vega eftirlønargjøld, avlamisgjøld og útgjaldingar við deyða, ella ein blanding av hesum, til móttakarar, sum eru núverandi ella fyrrverandi arbeiðstakarar, ella persónar, sum eru tilnevndir av slíkum arbeiðstakarum, hjá einum ella fleiri arbeiðsgevarum, sum mótveiting fyri tey latnu gjøldini, treytað av at eftirlønarkassin

    1. ikki hevur nakran móttakara, sum hevur rætt til meira enn 5 prosent av ognunum í eftirlønarkassanum,
    2. er undir almennari umsjón og letur upplýsingar til skattamyndugleikarnar,
    3. lýkur minst eitt av hesum krøvum:
      a) eftirlønarkassin er sum heild frítikin fyri skatt av íløguinntøkum, ella skattingin av hesum er útsett, ella tær verða skattaðar við einum niðursettum satsi grundað á støðuna sum eftirlønarskipan,
      b) eftirlønarkassin móttekur í minsta lagi 50 prosent av sínum samlaðu gjøldum, burtursæð frá flytingum av ognum frá øðrum skipanum sum eru umrøddar í hesi grein og §§ 16 og 17, ella frá eftirlønarkontum sum lýstar í § 33, frá teimum fíggjandi arbeiðsgevarunum,
      c) útlutanir og útgjaldingar frá eftirlønarkassanum er bert loyvd, tá serligar hendingar viðvíkjandi eftirløn, avlamni ella deyða fara fram, undantikið flytingar av útlutanum til aðrar eftirlønarkassar sum lýst í hesi grein og §§ 16 og 17 ella eftirlønarkontum sum lýstar eru í § 33, annars verða útlutanirnar ella útgjaldingarnar raktar av tiltøkum, sum fara fram áðrenn hesar serligu hendingar, ella
      d) arbeiðstakarans gjald, undantikið ávís loyvd ískoytisgjøld, til eftirlønarkassan er avmarkað við atliti at arbeiðstakarans arbeiðsinntøku ella má ikki árliga fara uppum kr. 341.000, við nýtslu av reglunum, sum eru umrøddar í §§ 98-101, um samanlegging av kontum og gjaldoyraumrokning.

    § 16. Máliskan: Eftirlønarkassi við avmarkaðari luttøku, merkir ein grunnur, sum er stovnaður fyri at fáa til vega eftirlønargjøld, avlamisgjøld ella útgjøld við deyða til móttakarar, sum eru núverandi ella fyrrverandi arbeiðstakarar, ella persónar, sum eru útnevndir av sovorðnum arbeiðstakarum hjá einum ella fleiri arbeiðsgevarum, sum viðurlag fyri latnar veitingar, treytað av at

    1. eftirlønarkassin hevur færri enn 50 luttakarar,
    2. eftirlønarkassin verður fíggjaður av einum ella fleiri arbeiðsgevarum, sum ikki eru Íløgueindir ella Passivir NFEarar,
    3. arbeiðstakarans og arbeiðsgevarans gjald til eftirlønarkassan burtursæð frá flytingum av ognum frá eftirlønarkontum sum nevndar í § 33 er avmarkaðar eftir ávikavist arbeiðstakarans arbeiðsinntøku og samsýning,
    4. luttakarar, sum ikki eru heimahoyrandi í tí rættardømi, har eftirlønarkassin er stovnaður, ikki hava rætt til meira enn 20 prosent av ognum eftirlønarkassans, og
    5. eftirlønarkassin er undir almennari umsjón og lata upplýsingar til skattamyndugleikarnar.

    § 17. Máliskan: Eftirlønarkassi, sum hoyrir til eina Almenna eind, Altjóða felagsskap ella Meginbanka, merkir ein grunnur, sum er stovnaður av einari Almennari eind, einum Altjóða felagsskapi ella einum Meginbanka fyri at fáa til vega eftirlønargjøld, avlamisgjøld ella útgjøld við deyða til móttarar ella luttakarar, sum eru núverandi ella fyrrverandi arbeiðstakarar, ella persónar, sum eru tilnevndir av slíkum arbeiðstakarum, ella sum hvørki eru núverandi ella fyrrverandi arbeiðstakarar, um veitingarnar til móttakararnar ella luttakararnar eru fingnar til vega sum viðurlag fyri persónligar tænastuveitingar greiddar úr hondum fyri Almennu eindina, Altjóða fyriskipanina ella Meginbankan.

    § 18. Máliskan: Skikkaður kredittkortútflýggjari, merkir ein Fíggjarligur stovnur, sum lýkur hesi krøv:

    1. Tann Fíggjarligi stovnurin er bara ein Fíggjarligur stovnur, tí hann er ein kredittkortútflýggjari, sum bert góðtekur innskot, tá ein kundi fremur eina gjalding, sum fer uppum eina skuldarsaldo á kortinum, og tað sum fer uppum ikki beinanvegin verður afturgoldið kundanum,og
    2. Fíggjarligi stovnurin fremur í seinasta lagi samstundis sum henda kunngerð kemur í gildi politikkar og arbeiðshættir, sum antin hava til endamáls at forða, at ein kundi rindar meira enn kr. 341.000, ella tryggja, at einhvør rindan frá kundanum, sum fer uppum hesa upphædd, verður afturgoldin kundanum innan 60 dagar, í báðum førum við at nýta reglurnar, sum eru umrøddar í §§ 98-101, um samanlegging av kontum og umrokning av gjaldoyra. Í hesum sambandi vísir yvirgjald kundans ikki til ognarsaldur hvat viðvíkur umstríddum gjøldum, men fevnir um ognarsaldur, sum stava frá vørum, ið eru sendar aftur.

    § 19. 2) Við ávísar aðrar eftirlønarkassar o.a. er at skilja eindir í tann mun tær ikki eru fevndar av §§ 16-18:

    1. Tvørgangandi eftirlønarkassar, sbrt. § 182 í løgtingslóg um tryggingarvirksemi, við sjálvstøðugum vinnurekand limum.
    2. Lívstryggingarfeløg tengd at arbeiðsmarknaðinum, løgtingslóg um trygggingarvirksemi § 189.
    3. Lívstryggingarfeløg, sum uppfylla treytirnar í løgtingslóg um trygggingarvirksemi § 189.
    4. Lívstryggingarfeløg, sum í fullan mun antin beinleiðis ella óbeinleiðis eru ogn hjá fakligu yrkisfelagum tryggingartakaranna saman við tvørgangandi eftirlønarkassum fevndir av § 182 í løgtingslóg um tryggingarvirksemi, og sum bert hevur arbeiðsmarknaðareftirlønarskipanir.

    Stk. 2. 1) Strikað.

    § 20. Máliskan: Frítikin stovnur fyri felags íløgu, merkir ein Íløgueind, sum er skipað sum ein stovnur fyri felags íløgu, treytað av at allir partar í íløgustovninum eru ogn hjá ella umvegis likamligar persónar ella Eindir, sum ikki eru Persónar, sum tað skal gevast fráboðan um, undantikið eitt Passivt NFE við Persónum við ræði, sum eru persónar, sum fráboðan skal gevast um.
    Stk. 2. Ein Íløgueind, sum er skipað sum ein stovnur fyri felag íløgu, lýkur eisini krøvini í stk. 1, sum ein Frítikin stovnur fyri felags íløgu, sjálvt um íløgustovnurin hevur givið út handhavapartabrøv, treytað av at

    1. Íløgustovnurin ikki hevur givið út ella ikki gevur út natúrlig handhavapartabrøv aftaná tann 31. desember 2015,
    2. íløgustovnurin kallar inn øll slík partabrøv við afturkeypi,
    3. íløgustovnurin fremur mannagongdir fyri hóskandi nærlagni, sum eru umrøddar í kapitlunum 3-8, og fráboðar tær upplýsingar, sum skulu fráboðast við atliti at slíkum partabrøvum, tá hesi partabrøv verða víst fram til innloysing ella aðra avrokning, og
    4. íløgustovnurin hevur sett í verk politikkar og arbeiðshættir, sum skulu tryggja, at hesi partabrøv verða loyst út ella gjørd óumsetilig skjótast gjørligt og undir øllum umstøðum áðrenn 1. januar 2018.'

    Fíggjarlig konta

    § 21. Máliskan: Fíggjarlig konta, merkir ein konta, sum verður førd av einum Fíggjarligum stovni, herundir hesar:

    1. Ein Innskotskonta.
    2. Ein Fyrisitingarkonta.
    3. Við atliti at eini Íløgueind, ein og hvør partur av eginogn og skuld í Fíggjarliga stovninum. Uttan mun til áðurnevnda fevnir hugtakið Fíggjarlig konta ikki um nakran lut í eginogn ella skuld í eini Eind, sum er ein Íløgueind, bert orsakað av at hon veitir íløguráðgeving til og handlar vegna, ella umsitur virðisbrævaognir fyri ella handlar vegna ein kunda við atliti at íløgu, umsiting ella umsjón av Fíggjarligum ognum, sum eru sett á goymslu í navni kundans í einum øðrum Fíggjarligum stovni enn hesi Eind.
    4. Við atliti at einum Fíggjarligum stovni, sum ikki er lýstur í nr. 1, ein og hvør partur av eginogn ella skuld í tí Fíggjarliga stovninum, um hetta slag av parti er stovnað fyri at sleppa undan fráboðan í samsvari við kapittul 9.
    5. Ein og hvør Tryggingaravtala við kontantvirði og ein og hvør Annuitetsavtala, sum er givin út ella verður førd av einum Fíggjarligum stovni, undantikið ein ikki-íløgdutengd, óumsetilig beinleiðis lívrenta, sum er givin út til ein likamligan persón og gevur eitt búskaparligt virði til eftirlønar- ella avlamisveitingina, sum verður veitt eini kontu, sum er ein Undantikin konta

    Stk. 2. Máliskan: Fíggjarlig konta, fevnir ikki umeina kontu, sum er ein Undantikin konta.

    § 22. Máliskan: Innskotskonta, fevnir um eina og hvørja handilskontu, lønarkontu, samansparingarkontu, avtalukontu ella eina kontu, sum er skjalprógvað við einum innskotsprógvi, uppsparingsprógvi, íløguprógvi, skuldarprógvi ella øðrum líknandi løgskjali, sum verður ført av einum Fíggjarligum stovni sum ein vanligur liður av bankavirksemi ella samsvarandi handilsvirksemi.
    Stk. 2. Ein Innskotskonta fevnir eisini um eina upphædd, sum er í varðveitslu hjá einum tryggingarfelagi sambært eini tryggjaðum íløgusáttmála ella eini samsvarandi avtalu um at gjalda ella góðskriva rentur av upphæddini.

    § 23. Máliskan: Fyrisitingarkonta, merkir ein konta, burtursæð frá eini Tryggingaravtalu ella Annuitetsavtalu, sum inniheldur eina ella fleiri Fíggjarligar ognir til fyrimun fyri ein annan persón.

    § 24. Máliskan: Partur av eginogn, merkir við atliti at íognarfelagi, sum er ein Fíggjarligur stovnur, antin partin av fæi ella partin av yvirskoti í íognarfelagi.
    Stk. 2. Við atliti at trusti, sum er ein Fíggjarligur stovnur, verður ein Partur av eginognini mett at vera ogn hjá einum persóni sum verður viðgjørdur sum stovnari ella hevur rætt til í øllum ella parti av trustinum, ella annan likamligan persón, sum fremur endaligt og virkið eftirlit við trustinum. Ein Persónur, sum tað skal fráboðast um, verður viðgjørdur sum heimilaður í einum trusti, um ein slíkur Persónur, sum tað skal fráboðast um, hevur rætt til beinleiðis ella óbeinleiðis at taka ímóti, t.d. umvegis ein umsitara, eina skyldubundnari útlutan ella beinleiðis ella óbeinleiðis kann taka ímóti eina útlutan frá trustinum eftir ætli.

    § 25. Máliskan: Tryggingaravtala, merkir ein avtala, burtursæð frá eini Annuitetsavtalu, sum ásetir at váttanargevin góðtekur at gjalda eina upphædd, tá ein nærri ásett hending fer fram, sum fevnir um deyðaváða, sjúkdómsváða, ólukkuváða, ábyrgdarváða ella ognarváða.

    § 26. Máliskan Annuitetsavtala merkir ein avtala, sum ásetir at váttanargevin góðtekur at fremja útgjøld í einum tíðarskeiði, sum heilt ella lutvíst verður grundað á væntaðu livitíðina hjá einum ella fleiri likamligum persónum.
    Stk. 2. Máliskan fevnir eisini um eina avtalu, sum verður mett sum ein Annuitetsavtala sambært lóg, fyriskipan ella venju í tí rættardømi, hvar avtalan er givin út og sum ásetir at váttanargevin góðtekur at fremja útgjøld í eitt áramál.

    § 27. Máliskan: Tryggingaravtala við kontantvirði, merkir ein Tryggingaravtala, burtursæð frá eini endurtryggingaravtalu fyri aftursóknarkrøv millum tvey tryggingarfeløg, sum hava eitt kontantvirði.

    § 28. Máliskan: Kontantvirði, merkir tann størra av fylgjandi tveimum upphæddum:

    1. tann upphædd, sum tryggingartakarin hevur rætt til at móttaka við uppsøgn ella tá avtalan gongur út, ásett uttan niðurskurð fyri eitt møguligt gjald í sambandi við uppsøgn ella tryggingarskjalslán ella
    2. tann upphædd, sum tryggingartakarin kann læna sambært ella orsakað av avtaluni.

    Stk. 2. Uttan mun til áðurnevnda fevnir máliskan Kontantvirði ikki um eina upphædd, sum skal gjaldast sambært eini Tryggingaravtalu

    1. eina orsakað av, at ein persónur, sum er tryggaður sambært eini lívstrygggingaravtalu, er deyður,
    2. við persónskaðaveiting ella sjúkuveiting ella aðra veiting, sum er endurgjald fyri eitt fíggjarligt tap orsakað av eini hending, sum er fevnd av tryggingini,
    3. við afturgjalding av áður goldnum tryggingargjaldi frádrigið útreiðslum til tryggingingarkostnað, uttan mun til um tey eru uppkravd ella ikki, sambært eini Tryggingaravtalu, burtursæð frá einu íløgutengdari lívstryggingaravtalu ella annuitetsavtalu, orsakað av afturtøku ella orsakað av, at avtalan gongur út, lækking av váðalýsing í avtalunnar gildistíð, ella orsakað av at bókingarvillu ella aðrari villu viðvíkjandi avtalunnar tryggingargjaldi,
    4. sum ein útlutan til tryggingartakara, undantikið í sambandi, at avtalan gongur út, um útlutanin viðvíkur eini Tryggingaravtalu, sum ásetir, at veitingar, sum er lýstar í nr. 2, skulu útgjaldast, ella
    5. við afturgjalding av einum frammanundangoldnum gjaldi ella eini gjaldstrygd fyri eina Tryggingaravtalu, har tryggingargjaldið skal rindast minst eina fer árliga, um upphæddin fyri frammanundan goldna tryggingargjaldinum ella tryggingargjaldstrygdina ikki fer uppum næsta árliga tryggingargjaldið, sum skal rindast sambært avtaluni.

    § 29. Máliskan: Konta sum longu er til, merkir

    1. Fíggjarlig konta, sum verður førd av einum Fráboðandi fíggjarligum stovni tann 31.desember 2015.
    2. Ein Fíggjarlig konta, sum hoyrir til ein Kontueigara, uttan mun til nær ein slík Fíggjarlig konta varð stovnað, um
      a) kontueigarin eisini hevur eina Fíggjarliga kontu, sum er ein Konta sum longu er til sambært nr. 1, í tí Fráboðandi fíggjarliga stovninum, ella í eini Tilknýttari eind í Føroyum,
      b) tann Fráboðandi fíggjarligi stovnurin og møguliga tann Tilknýtta eindin í Føroyum viðgera bæði tær omanfyri nevndu Fíggjarligu kontur og Kontueigarans møguligu aðrar Fíggjarligu kontur, sum verða roknast sum Kontur sum longu eru til sambært hesum nummari, sum eina Fíggjarligakontu við atliti at uppfylling av teimum fyrisettu málum fyri krøv til vitan, sum eru nevnd í § 94 og við atliti at útrokning av saldu ella virði av teimum Fíggjarligu kontunum, tá ræðismarkið á kontunum verður nýtt.
      c) tann fráboðandi fíggjarligi stovnurin við atliti at eini Fígggarligari kontu, sum er fevnd av AML/KYC-mannagongdum, hevur rætt til at uppfylla slíkar AML/- KYC-mannagongdir fyri ta fíggjarligu kontuna við at nýta tær AML/KYC mannagongdir, sum eru gjøgnumførdar fyri ta Kontuna sum longu er til lýst í nr.1, og
      d) stovnsetanin av tí Fíggjarligu kontuni ikki krevur, at Kontueigarin leggur fram nýggjar, ískoytandi ella broytandi kundaupplýsingar, undantikið orsakað av hesi fyriskipan.

    § 30. Máliskan: Nýggj konta, merkir ein Fíggjarlig konta, sum verður førd av einum fráboðandi fíggjarligum stovni og er stovnað tann 1. januar 2016 ella seinni, uttan so at hon verður tulkað sum ein Konta sum longu er til sambært § 29, nr. 2.

    § 31. Máliskan: Persónskonta sum longu er til, merkir ein Konta sum longu er til, sum er ogn hjá einum ella fleiri likamligum persónum.
    Stk. 2. Máliskan: Nýggj persónskonta, merkir ein Nýggj konta, sum er ogn hjá einum ella fleiri likamligum persónum.
    Stk. 3. Máliskan: Eindarkonta sum longu er til, merkir ein Konta sum longu er til, sum er ogn hjá einari ella fleiri Eindum.
    Stk. 4. Máliskan: Lágvirðiskonta, merkir ein Persónskonta sum longu er til við eini samlaðari saldu ella virði tann 31. desember 2015, sum ikki fer upp um 6,83 mió. kr.
    Stk. 5. Máliskan: Hávirðiskonta, merkir ein Persónskonta sum longu er til við einari samlaðari saldu ella virði 31. desember 2015 ella 31. desember í einhvørjum ári eftir hetta, sum er omanfyri 6,83 mió. kr.
    Stk. 6. Máliskan: Nýggj eindarkonta, merkir ein Nýggj konta, sum er ogn hjá einum ella fleiri eindum.

    § 32. Máliskan: Konta, sum er undantikin, merkir ein av teimum kontum, sum eru nevndar í §§ 33-39.

    § 33. Ein eftirlønarkonta, sum lýkur fylgjandi krøv, er ein Konta, sum er undantikin:

    1. Kontan er lagað til sum ein persónlig eftirlønarkonta, sum er partur av eini skrásettari ella skipaðari eftirlønarskipan fyri útgjaldan av eftirlønargjøldum, herundir avlamisgjøldum ella gjøldum við deyða.
    2. Kontan hevur skattafyrimunir við sær, sum merkir, at inngjøld á kontuna, sum annars høvdu verið skattskyldug, eru frádráttarbar ella verða frádrigin bruttuinntøku Kontoeigarans ella verða skattað við niðursettum satsi, ella skatting av íløguinntøkuni frá kontuni verður útsett ella verður skattað við niðursettum satsi.
    3. Kontuupplýsingar skulu fráboðast skattamyndugleikunum.
    4. Útgjaldingar eru treytaðar av, at ávísur aldur er rokkin, avlamni ella deyða, í øðrum førum verður útgjøld møtt við revsitiltøkum, sum fara fram áðrenn hesar sermerktu hendingar.
    5. Antin
      a) tey árligu inngjøldini eru avmarkað til kr. 341.000 ella minni, ella
      b) at lívslanga inngjaldið á kontuna er avmarkað til 6,83 mió. kr. ella minni, í báðum førum við nýtslu av teimum reglum, sum eru umrøddar í §§ 98-101, um samanlegging av kontum og gjaldoyraumrokning.

    Stk. 2. Ein Fíggjarlig konta, sum annars lýkur krøvini í stk. 1, nr. 5, lýkur eisini hesi krøv, sjálvt um ein slík Fíggjarlig konta tekur ímóti ognum og fæi, sum eru flutt frá einari ella fleiri Fíggjarligum kontum, sum lúka krøvini í hesi grein ella § 34, ella frá einum ella fleiri eftirlønarkassum, sum lúka eitt av krøvunum í §§ 15-17.

    § 34. Ein konta, sum lýkur fylgjandi krøv, er ein Konta, sum er undantikin:

    1. Kontan er skipað sum eitt íløguløgskjal til onnur endamál enn eftirløn og verða handlaði regluliga á einum viðurkendum virðisbrævamarknaði, ella kontan er skipað sum eitt samansparingarløgskjal til onnur endamál enn eftirløn.
    2. Kontan hevur skattafyrimun, sum merkir, at inngjøld á kontuna, sum annars høvdu verið skattskyldug, eru frádráttarbar ella verða frádrigin bruttuinntøku Kontueigarans ella verða skattað við niðursettum satsi, ella skatting av íløguinntøkuni frá kontuni verður útsett ella skattað við niðursettum satsi.
    3. Útgjaldingar eru treytaðar av, at ávísar umstøður viðvíkjandi endamálinum við íløgukontuni ella samansparingarkontuni verða nádd, sum t.d. útgjalding av útbúgvingarveiting ella sjúkratryggingarveiting, í øðrum førum verður útgjøld møtt við revsitiltøkum, sum fara fram áðrenn hesar sermerktu hendingar, og
    4. Tey árligu inngjøldini eru avmarkaði til kr. 341.000 ella minni við nýtslu av teimum reglum, sum eru umrøddar í §§ 98-101, um samanlegging av kontum og gjaldoyraumrokning.

    Stk. 2. Ein Fíggjarlig konta, sum annars lýkur treytirnar í stk. 1, nr. 4, lýkur eisini krøvini, sjálvt um ein slík Fíggjarlig konta tekur ímóti ognum og fæi, sum eru flutt frá einari ella fleiri Fíggjarligum kontum, sum lúka krøvini í hesi grein ella § 33, ella frá einum ella fleiri eftirlønarkassum, sum lúka eitt av krøvunum í §§ 15-17.

    § 35. Ein lívstryggingaravtala við einari skiftistíð, sum gongur út, áðrenn tann tryggjaði persónurin verður 90 ár, er ein Konta, sum er undantikin, treytað av, at avtalan lýkur fylgjandi krøv:

    1. Stigvís tryggingargjøld, sum ikki minka yvir tíð, verða goldin minst eina ferð um árið í tí tíðarskeiði, avtalan er galdandi, ella til tryggjaði verður 90 ár, alt eftir hvat fyri tíðarskeið er stytst.
    2. Avtalan hevur einki avtaluvirði, sum ein persónur kann fáa atgongd til, við útgjald, lán ella á annan hátt, uttan at avtalan fellur burtur.
    3. Tann upphædd, burtursæð frá útgjaldi við deyða, sum skal gjaldast við afturtøku av avtaluni ella orsakað av, at avtalan gongur út, kann ikki fara uppum tey samlaðu inngjøldini eftir avtaluni, frádrigið tær samlaðuútreiðslurnar í sambandi við deyða ella sjúku, uttan mun til um tær vórðu álagdar ella ikki, fyri ta ella tey tíðarskeið, avtalan hevur verið í gildi, og møguligar upphæddir, sum eru goldin áðrenn afturtøku av avtaluni ella áðrenn avtalan gekk út.
    4. Avtalan ikki er ogn hjá einum ognara móti gjaldi.

    § 36. Ein konta, sum einans er ogn hjá einum búgvi, er ein Konta sum er undantikin, um skjølini fyri eina slíka kontu goymir eitt avrit av testamentinum hjá tí deyða ella deyðsváttan.

    § 37. 5) Ein konta, sum er stovnað í sambandi við eitt av fylgjandi viðurskiftum, er ein Konta sum er undantikin:

    1. Rættarúskuður ella dómur.
    2. Søla, gerðabýti ella leasing av fastari ogn ella persónligari ogn, treytað av at kontan lýkur fylgjandi krøv:
      a) Kontan er einans fíggjað við einum útgjaldi, einum forskoti ella einum depositum við eini hóskandi upphædd fyri at tryggja eina skyldu, sum hevur beinleiðis samband við handilin, ella eina líknandi gjalding ella fíggjað við einari Fíggjarligari ogn, sum er latin í varðveitslu á kontuna í sambandi við sølu, gerðabýti ella leasing av ognini ella ognarlutunum.
      b) Kontan er stovnað og verður einans nýtt til at tryggja skyldur keyparans til at rinda keypsprísin fyri ognina, skyldur seljarans til at rinda allar møguligar skyldur ella leasinggeva ella leasingtakara skyldur til at rinda fyri møguligar skaðar, sum rakar leasaðu ognina ella leasaðu ognarlutirnar sum er avtalað í sambandi við leasingina.
      c) Kontunnar ognir, herundir vinningur hennara, verður útgoldin ella á annan háttbýtt til keypara, seljara, leasinggeva ella leasingtakara, herundir fyri at lúka skyldurnar hjá hesum persóni, tá ognin ella ognarlutirnir verða seldir, gerðabýttir ella avhendaðir, ella leigumálið heldur uppat.
      d) Kontan er ikki ein margenkonta ella líknandi konta stovnað í sambandi við sølu ella umbýti av einari Fíggjarligari ogn.
      e) Kontan ikki er tengd at eini kontu, sum er lýst í § 38.
    3. Skyldurnar hjá einum Fíggjarligum stovni til, tá hann veitur eitt lán við trygd í fastari ogn, at seta av ein part av gjaldinum einans við tí endamáli at gera tað gjørligt at rinda skattir ella tryggingar í sambandi við tað føstu ognina seinni.
    4. Skyldurnar hjá einum Fíggjarligum stovni til einans at lætta um gjaldingarnar av skattum seinni.

    § 38. Innskotskonta, sum lýkur fylgjandi krøv, er ein Konta, sum er undantikin:

    1. Kontan er bert til orsakað av, at ein kundi rindar eitt gjald út yvir eina debitsaldu á einum kredittkorti ella øðrum revolverandi ognarmøguleikum, og yvirgjaldið ikki verður goldið aftur til kundan beinanvegin.
    2. Fíggjarligi stovnurin í seinasta lagi samstundis sum henda kunngerð kemur í gildi setir í verk politikkar og arbeiðshættir, sum antin hava til endamáls at forða fyri, at ein kundi fremur eina yvirrindan, sum fer uppum kr. 341.000, ella at tryggja, at ein og hvør yvirrindan frá kundanum út yvir hesa upphædd verður endurrindað kundanum innanfyri 60 dagar, í báðum førum við nýtslu av teimum reglum, sum eru umrøddar í §§ 98-101, um gjaldoyraumrokning. Í hesum sambandi vísir yvirrindan frá kundanum ikki til áognarsaldur við atliti at umstríddum gjøldum, men fevnir um óognarsaldur, sum stava frá aftursending av vørum.

    § 39. Eftirlønarskipanir fevndar av eftirlønarlógini verður roknaðar sum Kontur, sum eru undantiknar.
    Stk. 2. 1) Strikað

    Fráboðanarskyldug konta

    § 40. Máliskan: Fráboðanarskyldug konta, merkir ein Fíggjarlig konta, sum verður førd av einum Fráboðandi fíggjarligum stovni, og sum er ogn hjá einum ella fleiri Persónum, sum tað skal fráboðast um, ella av einum Passivum NFE við einum ella fleiri Persónum við ræði, sum eru persónar, sum fráboðan skal gevast um treytað av, at hon er blivin eyðmerkt sum slík sambært teimum mannagondum fyri hóskandi nærlagni, sum verða lýstar í kapittul 3-8.
    Stk. 2. Máliskan: Konta við tilknýti til útlandið, Danmark ella Grønland, merkir ein Fíggjarlig konta, sum verður førd av einum Fráboðandi fíggjarligum stovni, og sum er ogn hjá einum ella fleiri Persónum uttanlands, í Danmark ella í Grønlandi, ella av einum Passivum NFE við einum ella fleiri Persónum við ræði, sum eru Persónar uttanlands, í Danmark ella í Grønlandi treytað av, at hon er blivin eyðmerkt sum slík sambært teimum mannagongdum fyri hóskandi nærlagni, sum verða lýstar í kapittul 3-8.

    § 41. Máliskan: Persónur, sum tað skal gevast fráboðan um, merkir ein Persónur í einum Luttakandi rættardømi, sum ikki er:

    1. eitt felag, hvørs partabrøv regluliga verða handlaði á einum ella fleiri viðurkendum virðisbrævmarknaðum,
    2. eitt felag, sum er ein Tilknýtt eind hjá einum felagi, sum er lýst í nr. 1
    3. ein Almen eind,
    4. ein Altjóða felagsskapur,
    5. ein Meginbanki ella
    6. ein Fíggjarligur stovnur.

    § 42. Máliskan: Persónur í einum luttakandi rættardømi, merkir ein likamligur persónur ella ein Eind, sum er heimahoyrandi í einum øðrum Luttakandi rættardømi sambært skattalóggávuni í hesum rættardømi, ella eitt búgv eftir ein deyðan persón, sum var heimahoyrandi í einum øðrum Luttakandi rættardømi.
    Stk. 2. Máliskan: Persónur í útlandinum, Danmark ella Grønlandi, merkir við atliti at hvørjum rættardømi ein likamligur persónur ella ein Eind, sum er heimahoyrandi uttanlands, í Danmark ella Grønlandi sambært skattalóggávuna í viðkomandi rættardømi, ella eitt búgv eftir ein deyðan persón, sum var heimahoyrandi uttanlands, í Danmark ella Grønlandi.
    Stk. 3. Tá stk. 1 og 2 verða nýtt skal ein Eind sum t.d. eitt íognarfelag, eitt samløgufelag ella líknandi løgfrøðilig skipan, sum ikki hevur nakran skattligan heimstað, verða roknað sum heimahoyrandi í tí rættardømi, har leiðslunnar veruliga sæti er.
    Stk. 4. Við nýtslu av stk. 3 verður ein løgfrøðiligur persónur ella ein løgfrøðilig skipan roknað sum ein líknandi løgfrøðilig skipan, um hon ikki verður mett at vera ein skattskyldug Eind í einum Luttakandi rættardømi sambært lóggávuni í viðkomandi rættardømi. Ein trustur, sum er eitt passivt NFE, verður, fyri at umganga tvífalda fráboðan, ikki mettur at vera ein líknandi løgfrøðilig skipan.

    § 43. Máliskan Luttakandi rættardømi merkir eitt rættardømi,

    1. sum hevur gjørt avtalu við Føroyar um, at hetta rættardømið útvegar tær upplýsingar, sum eru nevndar í kapittul 9, og
    2. sum er sett í skjal 1 til hesa kunngerð.

    § 44. 2) 3) Máliskan: Likamligur persónur við ræði, merkir likamligur persónur við ræði á eini Eind.
    Stk. 2. Við atliti at trustum merkir máliskan stovnari ella stovnarar, umsitari ella umsitarar, møguligur verndari ella verndarar, njótingartilskilað ella njótingartilskilaði, ella bólkur ella bólkar av njótingartilskilaðum og ein ella fleiri aðrir likamligir persónar, sum í síðsta enda hava veruligt ræði yvir trustinum, og við atliti at aðrari skipan enn einum trusti merkir máliskan persónar í samsvarandi ella líknandi støðu.
    Stk. 3. 3) Máliskan: Likamligur persónur við ræði, skal tulkast á ein hátt, sum er í samsvari við máliskuna veruligur eigari í § 2, stk. 9 í anordning om ikrafttræden for Færøerne af lov om forebyggende foranstaltninger mod hvidvask af udbytte og finansiering af terrorisme og á ein hátt, sum samsvarar við tilmælini frá Financial Action Task Force.

    § 45. Máliskan: NFE, ikki-fíggjarlig eind, Non Financial Entity, merkir ein Eind, sum ikki er ein Fíggjarligur stovnur.

    § 46. Máliskan: Passivt NFE, merkir

    1. eitt NFE, sum ikki er eitt aktivt NFE, ella
    2. ein Íløgueind lýst í § 8, stk. 1, nr. 2, sum ikki er ein Fíggjarligar stovnur í einum Luttakandi rættardømi.

    § 47. Máliskan: Aktivt NFE, merkir eitt NFE, sum lýkur eina av hesum treytum:

    1) Minni enn 50 prosent av bruttuinntøkuni hjá NFEnum fyri álmanakkaárið frammanundan ella annað viðkomandi fráboðanarskeið er passiv inntøka, og minni enn 50 prosent av aktivunum, sum vóru ogn hjá NFEnum álmanakkaárið frammanundan ella annað viðkomandi fráboðanarskeið, eru aktiv, sum skapar ella er ogn fyri at skapa passiva inntøku.
    2) Aktivini í NFEnum verða regluliga handlaði á einum viðurkendum virðisbrævamarknaði, ella NFEið er Tilknýtt at eini Eind, hvørs aktiv regluliga verða handlaði á einum viðurkendum virðisbrævamarknaði.
    3) NFEið er ein Almenn eind, ein Altjóða felagsskapur, ein Meginbanki ella ein Eind, sum í fullan mun er ogn hjá einum ella fleiri av omanfyri standandi.
    4) So at siga alt virksemið í NFEnum fevnir um at eiga, heilt ella lutvíst, partabrøvini, sum eru givin út í, ella veita fígging ella tænastuveitingar til, eitt ella fleiri dótturfeløg, sum reka annan handil ella handilsvirksemi enn virksemi sum Fíggjarligur stovnur, burtursæð frá, at ein Eind ikki lýkur krøvini til henda status, um Eindin virkar sum ella látast sum ein íløgugrunnur, sum t.d. ein private equity-grunnur, venturekapitalgrunnur, leveraged buyout-grunnur ella eitt íløguløgskjal, sum hevur til endamáls at keypa ella fíggja feløg og síðani eiga partabrævaognir í hesum feløgum sum stovnsogn til íløguendamál.
    5) NFEið rekur ikki enn handilsvirksemi og hevur onga rakstrarsøgu, men setir kapital í ognir við tí endamáli at reka annað handilsvirksemi enn virksemi sum Fíggjarligur stovnur, treytað av at NFEið ikki hevur rætt til hetta undantak eftir dagin, sum liggur 24 mánaðir eftir dagin fyri ta upprunaligu stovnanina av NFEnum.
    6) NFEið ikki hevur verið ein Fíggjarligur stovnur seinastu fimm árini og er í fer við at selja sínar ognir ella er í fer við at umskipa seg við tí endamáli at halda áfram ella taka upp aftur raksturin av øðrum handilsvirksemi enn virksemi sum Fíggjarligur stovnur.
    7) NFEið tekst í høvuðsheitum við fígging av hedginghandilstiltøk við ella fyri Tilknýttar eindir, sum ikki eru Fíggjarligir stovnar, og veitir ikki fígging ella hedgingavrik fyri nakra Eind, sum ikki er ein Tilknýtt eind, treytað av at hesin bólkur av slíkum Tilknýttum eindum í høvuðsheitum rekur annað handilsvirksemi enn virksemi sum Fíggjarligur stovnur.
    8) NFEið lýkur øll hesi krøv:

    a) Tað er stovnað og verður rikið í einum rættardømi, har tað er heimahoyrandi, einans við átrúnaðarligum, vælgerandi, vísindarligum, listarligum, mentanarligum, ítróttarligum ella útbúgvingarligum endamáli, ella tað er stovnað og verður rikið í einum rættardømi, har tað er heimahoyrandi, og er ein faklig fyriskipan, eitt vinnusamtak, eitt handilskamar, eittarbeiðsyrkisfelag, eitt landbúnaðaryrkisfelag ella garðyrkisfelag, eitt brúkarafelag ella eitt felag, sum einans verður rikið til frama fyri sosiala vælferð,
    b) tað er undantikið skattskyldu í tí rættardømi, har tað er heimahoyrandi,
    c) tað hevur ongar partaeigarar ella limir, sum hava ognarrætt ella ein løggildan part av inntøkum ella ogn tess,
    d) galdandi rætt í rættardøminum, har NFEið er heimahoyrandi, ella stovningarskjøl NFEsins ikki loyva, at nakar partur av inntøkum ella ognum hjá NFEnum verða útlutað til, ella nýtt til frama fyri, ein privatpersón ella ikki-vælgerandi Eind, burtursæð frá, hvat stendst av fremjanini av NFEsins vælgerandi tiltøkum, ella sum gjald av einari rímiligari samsýning fyri latnar tænastuveitingar, ella sum gjald, sum er rímiligt marknaðarvirði av ogn ella ognarlutum, sum NFEið hevur keypt, og
    e) galdandi rættur í tí rættardømi, har NFEið er heimahoyrandi, ella stovningarskjøl NFEsins krevja, at allar ognir NFEsins við eindarinnar avtøka ella upploysing skulu útlutast til eina Almenna eind ella annan non-profit felagsskap ella falla til stjórnina í tí rættardømi, har NFEið er heimahoyrandi, ella eina politiska undirdeild hjá henni.

    Stk. 2. 3) Passiv inntøka fevnir um hesar partar av bruttoinntøkuni:
    1) Vinningsbýti.
    2) Rentur.
    3) Inntøkur, sum svara til rentur.
    4) Leiga og nýtslugjald, burtursæð frá leigu og nýtslugjaldi, sum er vunnið sum partur av aktivum rakstri av eini fyritøku, sum í minsta lagi lutvíst verður rikin av starvsfólki í einum NFE.
    5) Javngjaldsveitingar.
    6) Nettovinningur við sølu ella umbýti av fíggjarognum, sum er atvold til ta áðurnevndu passivu inntøkuna.
    7) Netttovinningur frá tiltøkum undir hesum futures, forwarders, optionum og líknandi tiltøkum.
    8) Nettovinningur av valuta.
    9) Nettovinningur av swaps.
    10) Upphæddir frá Tryggingaravtalum við kontantvirði.
    Stk. 3. 3) Tá talan er um eitt NFE, sum regluliga handlar fíggjarognir, fevnir passiv inntøka, uttan mun til stk. 2, ikki um inntøku í vanligum handli í virksemi, har viðkomandi virkar sum seljari.

    Ymiskt

    § 48. Máliskan: Kontueigari, merkir ein persónur, sum tann Fíggjarligi stovnurin, sum bókar kontuna, hevur skrásett ella eyðmerkt sum ognara av eini Fíggjarligari kontu.
    Stk. 2. Ein persónur, sum ikki er ein Fíggjarligur stovnur, og sum eigur eina Fíggjarliga kontu, sum er til fyrimuns fyri ella rokning hjá einum øðrum persóni sum fulltrúi, vørslumaður, umsitari, undirskriftaheimilaður, íløguráðgevi ella millummaður, verður ikki mettur sum eigari av kontuni, og hin persónurin verður mettur sum eigari av kontuni.
    Stk. 3. Vit atliti at eini Tryggingaravtalu við kontantvirði ella eina Annuitetsavtalu er Kontueigarin ein og hvør persónur, sum hevur rætt til at fáa Kontantvirði ella til at broyta njótingarskilaða sambært avtaluni. Um eingin persónur kann fáa Kontantvirði ella kann broyta tann njótingartilskilaða, er Kontueigarin ein og hvør persónur sum er nevndur sum eigari í avtaluni, og ein og hvør persónur við einum persónligum rætt til gjaldingar sambært avtalutreytunum. Tá útgjalding sambært eini Tryggingaravtalu við kontantvirði ella eini Annuitetsavtalu byrjar, skal ein og hvør persónur, sum hevur rætt til gjald sambært avtaluni, roknast sum Kontueigari.

    § 49. Máliskan: AML/KYC-mannagongdir, fevnir um mannagongdirnar hjá einum Fráboðandi fíggjarligum stovni fyri hóskandi umhugsni í mun til kundar sambært anordning om ikrafttræden for Færøerne af lov om forebyggende foranstaltninger mod hvidvask af udbytte og finansiering af terrorisme hvítvaskingslógini ella samsvarandi krøv, sum hesin Fráboðandi fíggjarligi stovnurin er fevndur av.

    § 50. Máliskan: Eind, merkir ein løgfrøðiligur persónur ella ein løgfrøðilig skipan so sum eitt felag, eitt íognarfelag, ein trustur ella ein grunnur.

    § 51. Ein Eind er ein Tilknýtt eind til eina aðra Eind, um

    1. ein av Eindunum hevur ræði á hinari Eindini,
    2. báðar Eindirnar eru undir felags ræði, ella
    3. báðar Eindirnar eru Íløgueindir sum lýst í § 8, stk. 1, nr. 2, eru undir felags umsiting, og henda umsiting lýkur treytinar fyri hóskandi umhugsni fyri slík Íløgufeløg.

    Stk. 2. Tá stk. 1 verður nýtt fevnir ræði um beinleiðis ella óbeinleiðis ognarrætt av meira enn 50 prosentum av atkvøðunum og virðinum í eini Eind.

    § 52. Máliskan: Skattgjaldaranummar, merkir eyðmerkingarnummar ella tað, sum svarar til tað, um Skattgjaldaranum vantar.

    § 53. Máliskan: Próvskjal, fevnir um eitt ella fleiri av hesum:

    1. Ein heimlandsváttan frá einum heimilaðum myndugleika, sum t.d. einum ríkismyndugleika, einum øðrum almennum myndugleika ella eini kommunu, í rættardøminum, gjaldsmóttakarin sigur seg vera heimahoyrandi.
    2. Við atliti at einum likamligum persóni: Eitt og hvørt galdandi skjal frá einum heimilaðum myndugleika, sum t.d. einum ríkismyndugleika, einum øðrum almennum myndugleika ella einari kommunu, sum hevur navnið á persóninum, og sum vanliga verður nýtt til eyðmerkingarendamál.
    3. Við atliti at eini Eind: Eitt og hvørt galdandi skjal frá einum heimilaðum myndugleika, sum t.d. einum ríkismyndugleika, einum øðrum almennum myndugleika ella einari kommunu, hevur navnið á Eindini og antin bústaðin hjá høvuðsskrivstovu hennara í tí rættardømi, har hon sigur seg vera heimahoyrandi, ella tí rættardømi, har Eindin varð skrásett ella stovnað.
    4. Ein grannskoðaður ársroknskapur, ein ognarfrágreiðing frá triðjamanni, ein áheitan um trotabúsviðgerð ella ein frágreiðing frá einum virðisbrævatilsjónsmyndugleika.

    Stk. 2. Bústaðurin hjá Eindarinnar høvuðsskrivstovu er vanliga staðið, har veruliga leiðslan er. Bústaðurin hjá einum Fíggjarligum stovni, har Eindin bókar eina kontu, ein postboks ella ein adressa, sum einans verður nýtt til postsendingar, er ikki bústaðurin hjá Eindarinnar høvuðsskrivstovu, uttan so at slíkur bústaður er tann einasti bústaðurin, sum Eindin nýtir og gongur fram av Eindarinnar stovningarskjølum sum Eindarinnar skrásetti bústaður. Harumframt er ein bústaður, sum er fráboðaður við boðum um at varðveita allan post til viðkomandi bústað, ikki bústaðurin hjá høvuðsskrivstovu Eindarinnar.
    Stk. 3. Við atliti at eini Kontu sum longur er til kann Fráboðandi fíggjarligi stovnurin sum Próvskjal nýta eina og hvørja flokking í skjalagoymsluni hjá tí Fráboðandi fíggjarliga stovninum uppá Kontueigaran, sum er ásett við grundarligi í einari javngjørdari vinnugreinakotuskipan, sum er skrásett av tí Fráboðandi fíggjarliga stovninum í samsvari við tess vanligu handilsvenju við atliti at AML/KYCmannagongdunum og øðrum stýringsendamálum, burtursæð frá skattligum endamálum, og sum eru framd av tí Fráboðandi fíggjarliga stovninum innan tann dag, har tann fíggjarliga kontan er flokkað sum ein Konta sum longu er til, treytað av at tann Fráboðandi fíggjarligi stovnurin ikki veit ella ikki hevur orsøk til at vita, at ein slík flokking er skeiv og óálítandi.
    Stk. 4. Máliskan: Javngjørd vinnugreinakotuskipan, merkir ein kotuskipan, sum verður nýtt til at flokka fyritøkur eftir virkishátti til onnur endamál enn skattlig endamál.

    Kapittul 2
    Skráseting

    § 54. 1) Fráboðandi fíggjarligir stovnar skulu í seinasta lagi 8 dagar eftir at verða blivnir Fráboðandi fíggjarligir stovnar boða TAKS frá hesum, uttan so at tann Fráboðandi fíggjarligi stovnurin:

    1. einans bókar Kontur, sum eru undantiknar,
    2. er eitt dótturfelag, sum ein sovorðin Fráboðandi fíggjarligur stovnur eigur einsamallur, og sum ikki bókar aðrar Fíggjarligar kontur enn ognarlutirnar hjá hesum stovni, ella
    3. er ein Íløgueind, har øll eginogn og skuld er fevnd av § 21, stk. 1, nr. 3, 2. pkt.

    .
    Stk. 2. Fráboðanin kann antin gerast á einum serligum oyðublaði, sum kann umbiðjast hjá TAKS, ella talgilt, sum nærri ásett av TAKS.
    Stk. 3. Ivamál um, hvørt ein fyritøka er fevnd av einum Fráboðandi fíggjarligum stovni, frítekur ikki fyri fráboðan. Fráboðanin skal í hesum førum hjáleggja eina frágreiðing um virksemið hjá fráboðanarskylduga, og síðan tekur TAKS avgerð um skráseting.
    Stk. 4. Við fráboðan skal tann Fráboðandi fíggjarligi stovnurin upplýsa um

    1. Navn, bústað og heimstaðarkommunu,
    2. v-tal, ella um tað ikki hevur eitt v-tal, skrásetingarnummar í vinnuskránni hjá TAKS,
    3. dagfesting fyri nær felagið gjørdist ein Fráboðandi fíggjarligur stovnur og
    4. slag av fráboðanarskyldu.

    Stk. 5. Um tann Fráboðandi fíggjarligi stovnurin hvørki er skrásettur við v-tali ella skrásetingarnummari í vinnuskránni hjá TAKS, verður Fráboðandi fíggjarligi stovnurin skrásettur í einari av hesum skráum.
    Stk. 6. Eftir at skráseting er farin fram sendir TAKS tí Fráboðandi fíggjarliga stovninum eitt skrásetingarprógv við teimum skrásettu upplýsingunum.
    Stk. 7. Fara broytingar fram í fráboðaðu upplýsingunum, eftir at skráseting er farin fram, herundir broyting í støðu sum Fráboðandi fíggjarligur stovnur, ella verða feilir staðfestir í skrásettu upplýsingunum, skal fráboðanarskyldugi skrivliga kunna TAKS um hetta innan 8 dagar eftir, at broytingin er farin fram, ella feilurin er staðfestur. TAKS sendir eftir hetta eitt nýtt skrásetingarprógv, og tá fráboðanarskyldan heldur uppat, verður tað boðað frá, at hetta er skrásett.

    Kapittul 3
    Almenn krøv viðvíkjandi hóskandi umhugsni

    § 55. Ein konta verður viðgjørd sum ein Fráboðanarskyldug konta frá og við tí degi, hon er eyðmerkt sum ein slík sambært mannagongdunum fyri hóskandi umhugsni í kapittul 3-8, og upplýsingar viðvíkjandi einari Fráboðanarskyldugari kontu skulu, um ikki annað er ásett, fráboðast árliga í álmanakkaárinum eftir tað ár, sum uppplýsingarnar viðvíkja.

    § 56. Ein fráboðandi fíggjarligur stovnur, sum sambært mannagongdunum í kapittul 3-8 eyðmerkir eina Kontu sum eina fráboðanarskylduga Kontu við tilknýti til útlandið, Danmark ella Grønland, sum ikki er ein Fráboðanarskyldug konta, tá mannagondirnar verða framdar, kann nýta úrslitini av slíkum mannagongdum við atliti at framtíðar skyldum til at fráboða.

    § 57. Saldan ella virði á eini kontu verður ásett við støði í síðsta degi í álmanakkanum.

    § 58. Tá eitt saldumark ella virðismark skal ásetast tann síðsta dagin í einum álmanakkaári, skal viðkomandi salda ella virði ásetast tann síðsta dagin í tí fráboðanarskeiði, sum gongur út viðkomandi álmanakkaár.

    § 59. 5) Fráboðandi fíggjarligir stovnar kunnu nýta tær mannagongdir fyri hóskandi umhugsni, sum galda fyri Nýggjar kontur, upp á Kontur sum longu eru til, og tær mannagongdir fyri hóskandi umhugsni, sum galda fyri Hávirðiskontur, upp á Lágvirðiskontur. Uttan mun til um ein fíggjarligur stovnur nýtir mannagongdirnar fyri hóskandi umhugsni, sum galda fyri Nýggjar kontur, uppá Kontur sum longu er til, galda tær reglur, sum annars galda fyri Kontur sum longu eru til, framvegis.
    Stk. 2. 3) Fráboðandi fíggjarligir stovnar kunnu velja at gera sáttmála við tænastuveitarar til tess at lúka treytirnar fyri hóskandi umhugsni, sum galda fyri slíkar Fráboðandi fíggjarligar stovnar sambært hesi kunngerð, men hesar skildur verða verandi ábyrgdin hjá teimum Fráboðandi fíggjarligu stovnunum.

    § 60. Ein broyting í umstøðunum fevnir um eina og hvørja broyting, sum ber í sær nýggjar upplýsingar um støðuna hjá einum persóni, ella á annan hátt er í stríð við støðuna hjá persóninum. Ein broyting í umstøðunum fevnir harumframt um eina og hvørja broyting ella ískoyti av upplýsingum til kontu Kontueigarans, eisini ískoyti, útskifting ella aðrar broytingar við atliti at Kontoeigaranum, ella eina og hvørja broyting ella ískoyti av upplýsingum til eina konto við tilknýti til eina slíka kontu við nýtslu av reglunum um kontusamanlegging, sbr. §§ 98-100, um ein slík broyting ella eitt slíkt ískoyti av upplýsingum ávirkar støðu Kontueigarans.
    Stk. 2. Um ein Fráboðandi fíggjarligur stovnur hevur nýtt bústaðaradressutestin, sum lýstur er í § 62, og broyting er farin fram í umstøðunum, sum ber í sær, at tann Fráboðandi fíggjarligi stovnurin fær at vita ella orsøk til at halda, at tað upprunaliga Próvskjalið ella annað líknandi skjalprógv er skeivt ella óálítandi, skal Fráboðandi fíggjarligi stovnurin í seinasta lagi tann síðsta dagin í viðkomandi álmanakkaári ella 90 álmanakkadagar eftir fráboðanina ella uppdagingina av eini slíkari broyting í umstøðunum fáa til vega eina eginváttan og eitt nýtt Próvskjal, sum kann staðfesta Kontoeigarans skattliga heimstað ella heimstaðir.
    Stk. 3. Um tann Fráboðandi fíggjarligi stovnurin ikki kann fáa til vega eginváttanina og tað nýggja Próvskjalið innan ta dagfesting, sum er ásett í stk. 2, skal tann Fráboðandi fíggjarligi stovnurin nýta mannagondina fyri leiting í ravtøkniligum aktivum sum lýst er í §§ 63-67.

    § 60a. 4) Ein Fráboðandi fíggjarligur stovnur skal føra yvirlit yvir:

    1) tey stig, sum eru tikin fyri at halda ásetingarnar í hesi kunngerð, og
    2) tær upplýsingar, sum eru innsavnaðar fyri at kunna eyðmerkja viðurskifti, sum eru nevnd í kapitlunum 3-8.

    Stk. 2. Ein Fráboðandi fíggjarligur stovnur skal varðveita tey yvirlit, sum eru kravd eftir stk. 1 í:

    1) 5 ár við atliti at eini Fráboðanarskyldugari kontu at rokna frá endanum av tí ári, kontan síðstu ferð varð tikin við í eina frágreiðing sambært skattalóggávuni, ella
    2) 5) 5 ár við atliti at eini ikki-fráboðanarskyldugari kontu at rokna frá endanum av árinum eftir hvørt ár, ið tann fráboðandi stovnurin viðger kontuna, sbrt. mannagongdunum um hóskandi nærlagni, sum eina ikki-fráboðanarskylduga kontu.

    Kapittul 4
    Hóskandi umhugsni fyri persónskontur sum longu eru til

    Alment

    § 61. Mannagongdir í hesum kapitli verða nýttar við atliti at Persónskontum sum longu eru til.

    Lágvirðiskontur

    § 62. Um tann Fráboðandi fíggjarligi stovnurin hevur arkivført eina núverandi bústaðaradressu fyri tann einstaka Kontoeigaran orsakað av Próvskjalinum, kann tann Fráboðandi fíggjarligi stovnurin viðgera tann einstaka kontueigaran sum ein persón, sum er skattliga heimahoyrandi í tí rættardømi, har adressan er, fyri at gera av, um ein slíkur einstakur Kontueigari er ein Persónur, sum tað skal fráboðast um.

    § 63. Um tann Fráboðandi fíggjarligi stovnurin ikki grundar seg á núverandi bústaðaradressu fyri tann einstaka Kontoeigaran orsakað av Próvskjali sum ásett í § 62, skal tann Fráboðandi fíggjarligi stovnurin kanna tær raveindar leitiligu dátur, sum eru í varðveitslu hjá tí Fráboðandi fíggjarliga stovninum við atliti at hesum ábendingum við brúk av §§ 64-67:

    1. Eyðmerking av Kontoeigara sum heimahoyrandi í útlandinum, Danmark ella Grønlandi.
    2. Núverandi postadressu ella bústaðaradressa, herundir ein postboksadressa, í útlandinum, Danmark ella Grønlandi.
    3. Eitt ella fleiri telefonnummur í útlandinum, Danmark ella Grønlandi og einki telefonnummar í Føroyum.
    4. Føst boð, undantikið við atliti til eina Innskotskontu, um at flyta pening til eina kontu í útlandinum, Danmark ella Grønlandi.
    5. Galdandi fulltrú ella undirskrivingarrættur latin einum persóni við adressu í útlandinum, Danmark ella Grønlandi.
    6. Eini goymsluboð ella c/o-adressa í útlandinum, Danmark ella Grønlandi, um tann Fráboðandi fíggjarligi stovnurin ikki hevur skrásett nakra aðra adressu hjá Kontueigaranum.

    § 64. Um eingin av teimum ábendingum, sum eru nevndar í § 63, verður funnin við raveindarleiting, er eingin skylda at gera meira, inntil broyting fer fram í umstøðunum, sum ber í sær, at ein ella fleiri ábendingar verða settar í samband við kontuna, ella kontan gerst ein Hávirðiskonta.

    § 65. Um nakrar av teimum ábendingum, sum er nevndar í § 63, nr. 1-5 verða funnar við raveindarleiting, ella tað fer fram ein broyting í umstøðunum, sum ber í sær, at ein ella fleiri ábendingar verða settar í samband við kontuna, skal tann Fráboðandi fíggjarligi stovnurin viðgera Kontueigaran sum skattliga heimahoyrandi í hvørjum av teimum rættardømum í útlandinum, Danmark ella Grønlandi, har ein ábending er eyðmerkt, uttan so at hann velur at nýta § 67, og eitt av undantøkunum í nevnda parti er galdandi fyri kontuna.

    § 66. Um eini goymsluboð ella c/o-adressa verður funnin við raveindarleiting og eingin onnur adressa og eingin onnur ábending, sum er nevnd í § 63, nr. 1-5, er eyðmerkt fyri Kontueigaran, skal Fráboðandi fíggjarligi stovnurin í tí best hóskandi raðfylgju í mun til støðuna

    1. 5) leita í pappírsgoymslum, sum nærri lýst í § 69, stk. 2, og
    2. biðja um eginváttan ella eitt Próvskjal frá Kontueigaranum, sum kann staðfesta tann ella teir skattligu heimstaðirnar fyri hendan Kontueigaran.

    Stk. 2. Um leitingin í pappírsgoymslum ikki gevur eina ábending, ella royndin at biðja um eina eginvátttan ella Próvskjal ikki gevur úrslit, skal tann Fráboðandi fíggjarligi stovnurin boða TAKS frá kontuni sum ein ikki-skjalprógvað konta.

    § 67. 5) Uttan mun til, um ábendingar eftir § 63 verða staðfestar, er ein Fráboðandi fíggjarligur stovnur ikki skyldugur til at viðgera ein Kontueigara sum heimahoyrandi í einum rættardømi í útlandinum, Danmark ella Grønlandi, um:

    1) Kontueigaraupplýsingarnar rúma einari núverandi postadressu ella bústaðaradressu í viðkomandi rættardømi í útlandinum, Danmark ella Grønlandi, eitt ella fleiri telefonnummur í viðkomandi rættardømi í útlandinum, Danmark ella Grønlandi, og einki telefonnummar í Føroyum, ella standandi boð við atliti at  fíggjarligum kontum burtursæð frá Innskotskontum um at flyta pening til eina kontu í einum rættardømi í útlandinum, Danmark ella Grønlandi, og tann Fráboðandi fíggjarligi stovnurin útvegar ella áður hevur kannað og arkivført skjalprógv so sum:

    a) eina eginváttan frá Kontueigaranum um tað ella tey rættardømir í útlandinum, Danmark ella Grønlandi, har Kontueigarin er heimahoyrandi, sum ikki fevnir um viðkomandi rættardømi,og
    b) eitt Próvskjal, sum staðfestir, at Kontueigarin ikki er skattliga heimahoyrandi í viðkomandi rættardømi.

    2) Kontueigaraupplýsingarnar rúma eina galdandi fulltrú ella undirskrivingarrætt, sum er tillutaður einum persóni við eini adressu í hesum rættardømi í útlandinum, Danmark ella Grønlandi, og tann Fráboðandi fíggjarligi stovnurin útvegar ella áður hevur kannað og arkivført próvskjal so sum:

    a) eina eginváttan frá Kontueigaranum um tað ella tey rættardømir í útlandinum, Danmark ella Grønlandi, har Kontueigarin er heimahoyrandi, sum ikki fevnir um viðkomandi rættardømi, ella
    b) eitt Próvskjal, sum staðfestir, at Kontueigarin ikki er skattliga heimahoyrandi í viðkomandi rættardømi.

    Víðkaðar mannagondir fyri kanningar av Hávirðiskontur

    § 68. Tann Fráboðandi fíggjarligi stovnurin skal við atliti at Hávirðiskontum kanna tær raveindar leitiligu dátur undir varðveitslu hjá tí Fráboðandi fíggjarliga stovninum fyri hvørja av teimum ábendingum, sum eru nevndar í § 63.

    § 69. 5) Hevur fráboðandi fíggjarstovnurin elektroniskt leitbarar dátugrunnar, sum innihalda felt fyri og skráseta allar upplýsingar, sum nevndar eru § 70, er tað eingin skylda eisini at leita eftir teimum í pappírarkivunum.
    Stk. 2. Um elektronisk leitbarir dátagrunnarnir ikki lofta øllum hesum upplýsingum, skal tann Fráboðandi fíggjarligi stovnurin við atliti at Hávirðiskontum eisini kanna tey núverandi kundamálsskjøl og, í tann mun tey ikki eru partur av núverandi kundamálsskjølum, hesi skjøl við tilknýti til kontuna, sum tann Fráboðandi fíggjarligi stovnurin hevur innheitað innanfyri tey síðstu fimm árini, fyri hvørja av teimum ábendingum, sum eru nevndar í § 63:
    1) Tað seinasta Próvskjal, sum er innheintað við atliti at kontuni,
    2) tann seinasta kontustovningaravtalan ella kontoskjalið,
    3) tey seinastu próvskjøl, sum eru innheintað av Fráboðandi fíggjarliga stovninum sambært mannagongdunum til AML/KYCmannagongdir ella onnur stýringsendamál,
    4) eina og hvørja galdandi fulltrú og undirskrivingarrætt, og
    5) eini og hvørji galdandi boð, tó ikki við atliti til eina Innskotskontu, um at flyta pening.

    § 70. Ein Fráboðandi fíggjarligur stovnur er ikki skyldugur til at kanna pappírsarkiv, sum nevnt í § 69, stk. 2, í tann mun raveindar leitiligu upplýsingarnar hjá Fráboðandi fíggjarliga stovninum rúma hesum:

    1. Kontueigarans bústaðarstøðu,
    2. Kontueigarans bústaðaradressu og postadressu, sum um tað mundið er skrásett hjá Fráboðandi fíggjarliga stovninum,
    3. møguligt telefonnummar ella telefonnummur hjá kontueigaranum, sum um tað mundið eru skrásett hjá Fráboðandi fíggjarliga stovninum,
    4. við atliti at Fíggjarligum kontum, burtursæð frá Innskotskontum, um tað eru standandi boð um at flyta pening frá kontuni til eina aðra kontu, herundir eina kontu í einari aðrari deild hjá Fráboðandi fíggjarliga stovninum ella einum øðrum Fíggjarligum stovni,
    5. um tað er ein aktuel c/o-adressa ella goymsluboð fyri Kontueigaran, og
    6. um tað er ein fulltrú ella undirskrivingarrættur knýttur at kontuni.

    § 71. 3) Umframt leitingina í raveindararkivum og pappírsarkivum sum nevnt í §§ 68 og 69, skal Fráboðandi fíggjarligi stovnurin viðgera allar Hávirðiskontur tillutaðum einum kundaábyrgdara, herundir eina og hvørja Fíggjarliga kontu sum er løgd saman við hesi Hávirðiskontu, sum eina fráboðanarskylduga kontu, um kundaábyrgdarin veit, at Kontueigarin er ein Persónur, sum tað verður fráboðað um.

    § 72. Um eingin av ábendingum, sum eru nevndar í § 63, eru staðfestar í sambandi við ta víðkaðu kanningina av Hávirðiskontum, sum nevndar eru í §§ 68-71, og kontan ikki er eyðmerkt sum ogn hjá Persóni í útlandinum, Danmark ella Grønlandi, eftir § 71, er eingin skylda til at gera meira, inntil broyting fer fram í umstøðunum, sum ber í sær, at ein ella fleiri ábendingar verða settar í samband við kontuna.
    Stk. 2. Um nøkur ábending, sum er nevnd í § 63, nr. 1-5 verður staðfest í sambandi við ta víðkaðu kanningina av Hávirðiskontum, sum nevnd í §§ 68- 71, ella um umstøðurnar seinni broytast við tí úrsliti, at ein ella fleiri av ábendingunum verða settar í samband við kontuna, skal Fráboðandi fíggjarligi stovnurin viðgera Kontueigaran sum skattliga heimahoyrandi í einum og hvørjum rættardømi í útlandinum,Danmark ella Grønlandi, har ein ábending er staðfest, uttan so at hann velur at nýta § 67, og ein av kanningunum í nevnda parti er galdandi fyri hesa kontu.
    Stk. 3. Um eini goymsluboð ella c/o-adressa verður staðfest í sambandi við víðkaðu kanningina av Hávirðiskontum, sum er nevnd í §§ 68-71, og eingin onnur adressa og eingin av hinum ábendingunum, sum eru nevndar í § 63, nr. 1-5, er staðfest fyri Kontueigaran, skal tann Fráboðandi fíggjarligi stovnurin biðja um eina eginváttan ella eitt Próvskjal fyri henda Kontueigaran, sum kann sanna skattliga ella skattligu heimstaðir Kontueigarans. Um tann Fráboðandi fíggjarligi stovnurin ikki fær hesa eginváttanina ella hetta Próvskjalið, skal hann boða TAKS frá kontuni, sum ein ikkiskjalprógvað konta.

    § 73. Um ein Persónskonta sum longu er til ikki er ein Hávirðiskonta pr. 31. desember 2015, men gerst ein Hávirðiskonta pr. síðsta dag í einum eftirfylgjandi álmanakkaári, skal tann Fráboðandi fíggjarligi stovnurin fremja tær víðkaðu kanningarmannagondir, sum eru nevndar í §§ 68-71 við atliti at eini slíkari kontu álmanakkaárið eftir árið, har kontan gjørdist ein Hávirðiskonta.
    Stk. 2. Um ein slík konta grundað á hesa kanning, verður eyðmerkt sum ein fráboðanarskyldug konta, skal tann Fráboðandi fíggjarligi stovnurin fráboða tær kravdu upplýsingarnar um viðkomandi kontu við atliti at tí ári, har hon varð eyðmerkt sum ein Fráboðanarskyldug konta, og árini eftir hetta árliga, uttan so at Kontueigarin ikki longur er ein Persónur, sum tað skal fráboðast um.

    § 74. Tá ein Fráboðandi fíggjarligur stovnur nýtir tær víðkaðu kanningarmannagondirnar, sum eru nevndar í §§ 68-71, til eina Hávirðiskontu, er tann Fráboðandi fíggjarligi stovnurin ikki skyldugur til at nýta slíkar mannagongdir aftur, burtursæð frá í sambandi við ein fyrispurning til kundaábyrgdarin sum nevnt í § 71 við atliti at tí somu Hávirðiskontu eitt seinni ár , uttan so at kontan er ein ikki-skjalprógvað konta, í hvørjum sambandi tann Fráboðandi fíggjarligi stovnurin aftur eigur at nýta tær árliga, til henda konta ikki longur er ein ikki-skjalprógvað konta.

    § 75. Um broyting fer fram í umstøðunum við atliti til eina Hávirðiskontu, sum ber í sær, at ein ella fleiri ábendingar sum nevndar í § 63 verða settar í samband við kontuna, skal tann Fráboðandi fíggjarligi stovnurin viðgera Kontueigaran sum skattliga heimahoyrandi í einum og hvørjum rættardømi í útlandinum, Danmark ella Grønlandi, har ið ein ábending er eyðmerkt, uttan so at hann velur at nýta § 67, og eitt av undantøkunum, sum eru nevnd í hesum parti, galda fyri hesa kontu.

    § 76. Ein Fráboðandi fíggjarligur stovnur skal seta í verk mannagondir, sum tryggja, at ein kundaábyrgdari eyðmerkir eina og hvørja broyting við atliti at umstøðunum við einari kontu. Um ein kundaábyrgdari til dømis verður kunnaður um, at Kontueigarin hevur eina nýggja postadressu í útlandinum, Danmark ella Grønlandi, er tann Fráboðandi fíggjarligi stovnurin skyldugur til viðgera ta nýggju adressuna sum eina broyting í umstøðunum, og um hann velur at nýta § 67, er hann skyldugur at biðja Kontueigaran um viðkomandi skjalprógv. Felags reglur fyri persónskontur sum longu eru til

    § 77. Kanningin av Hávirðiskontum sum longu eru til skal vera liðug í seinasta lagi 31. desember 2016. Kanningin av Lágvirðiskontum sum longu eru til skal vera liðug í seinasta lagi 31. desember 2017.

    § 78. Ein og hvør Persónskonta sum longu er til, sum er blivin eyðmerkt sum ein Konta við tilknýti til útlandið, Danmark ella Grønland sambært hesi deild, skal viðgerast sum ein Konta við tilknýti til útlandið, Danmark ella Grønland øll eftirfylgjandi ár, uttan so at Kontueigarin ikki longur er ein Persónur í útlandinum, Danmark ella Grønlandi.
    Stk. 2. Er kontan harumframt eyðmerkt sum ein fráboðanarskyldug konta, skal hon viðgerast sum ein Fráboðanarskyldug konta øll eftirfylgjandi ár, uttan so at Kontueigarin ikki longur er ein Persónur, sum tað fráboðast um.

    Kapittul 5
    Hóskandi umhugsni við atliti at nýggjum kontum

    § 79. Við atliti at Nýggjum persónskontum skal Fráboðandi fíggjarligi stovnurin, tá kontan verður stovnað, biðja um eina eginváttan, sum kann vera ein partur av kontustovningarskjalpróvnum, og sum ger tað møguligt hjá tí Fráboðandi fíggjarliga stovninum at staðfesta Kontueigarans skattliga heimstað ella heimstaðir og vátta líkindini av eini slíkari eginváttan grundað á upplýsingar, sum eru innheintaðar av Fráboðandi fíggjarliga stovninum í sambandi við stovnanina av kontuni, herundir møgulig próvskjøl innheintaði sambært AML/KYC-mannagongdir.

    § 80. Um eginváttanin staðfestir, at Kontueigarin er skattliga heimahoyrandi í einum Luttakandi rættardømi, skal tann Fráboðandi fíggjarligi stovnurin viðgera kontuna sum eina Fráboðanarskylduga kontu, og eginváttanin skal eisini fevna um Kontueigarans Skattgjaldaranummar í hesum Luttakandi rættardømi, við fyrivarni av § 104, umframt føðidag.

    § 81. Um broyting fer fram í umstøðunum við atliti at eini Nýggjari persónskontu, sum ber í sær, at tann Fráboðandi fíggjarligi stovnurin fær kunnleika til ella orsøk til at halda, at tann upprunaliga eginváttanin var skeiv ella óálítandi, kann tann Fráboðandi fíggjarligi stovnurin ikki grundað seg á upprunaligu eginváttanina,sum staðfestir Kontueigarans skattliga heimstað ella heimstaðir.

    Kapittul 6
    Hóskandi umhugsni við atliti at eindarkontum sum longu eru til

    § 82. Um Fráboðandi fíggjarligi stovnurin ikki velur annað antin við atliti at Eindarkontum sum longu eru til ella serstakliga við atliti at klárt eyðmerktum bólkum av slíkum kontum, er tað ikki skyldugt at kanna, eyðmerkja ella fráboða eina Eindarkontu sum longu er til við eini samanlaðari kontusaldu ella virði sum tann 31. desember 2015 ikki fer uppum 1,71 mió. kr., sum eina Fráboðanarskylduga kontu, inntil tann samlaða kontusaldan ella virði fer uppum hesa upphædd tann síðsta dag í einum eftirfylgjandi álmanakkaári.

    § 83. Ein Eindarkonta sum longu er til, sum hevur eina samlaða kontusaldu ella virði, sum tann 31. desember 2015 fer upp um 1,71 mió. kr., og ein Eindarkonta sum longu er til, sum tann 31. desember 2015 ikki fer upp um hesa upphædd, men har tann samlaða kontusaldan ella virði fer upp um hesa upphædd síðsta dagin í einum eftirfylgjandi álmanakkaári, skal kannast eftir mannagongdunum, sum eru umrøddar í §§ 85-87.

    § 84. 3) Við atliti at Eindarkontum sum longu eru til nevndar í § 83, skulu bert kontur, sum eru ogn hjá einari ella fleiri Eindum, sum eru Persónar í útlandinum, Danmark ella Grønlandi ella hjá einum Passivum NFE við einum ella fleiri Persónum við ræði, sum eru persónar í útlandinum, Danmark ella Grønlandi, viðgerast sum Kontur við tilknýti til útlandið, Danmark ella Grønland.
    Stk. 2. Við atliti til Eindarkontur sum longu eru til nevndar í § 83, skulu bert kontur, sum eru ogn hjá einari ella fleiri Eindum, sum eru Persónar, sum tað skal fráboðast um, ella hjá einum NFE við einum ella fleiri Persónum við ræði, sum eru Persónar, sum tað skal fráboðast um, viðgerast sum Fráboðanarskyldugar kontur.

    § 85. Við atliti til Eindarkontur sum longu eru til nevndar í § 83 skal ein Fráboðandi fíggjarligur stovnur nýta tær í §§ 86 og 87 umrøddu kanningarmannagongdir.

    § 86. Tá tað skal avgerast, hvar Eindin skattliga er heimahoyrandi, skulu hesar kanningar gerast:

    1. Kanning av upplýsingum, sum verða varðveittar grundað á stýringsendamál ella kundaendamál, herundir upplýsing, sum verður innheintað í samsvari við AML/KYC-mannagongdir, fyri at kunna gera av, hvar Kontueigarin er heimahoyrandi. Í hesum sambandi skulu upplýsingar, sum geva ábendingar, hvar Kontueigarin er heimahoyrandi fevna um skrásetingarstað ella samskipanarstað ella eina adressu í útlandinum, Danmark ella Grønlandi.
    2. Um upplýsingar benda á, at Kontueigarin er heimahoyrandi í einum Luttakandi rættardømi, skal tann Fráboðandi fíggjarligi stovnurin viðgera kontuna sum eina Fráboðanarskylduga kontu, uttan so at hann innheintar eina eginváttan frá Kontueigaranum, ella tað eru líkindi til at gera av, at Kontueigarin ikki er ein Persónur, sum tað skal fráboðast um, grundað á upplýsingar, hann hevur í varðveitslu, ella sum eru alment atkomiligar.

    § 87. Við atliti til Kontueigara av eini Eindarkontu sum longu er til, herundir eini Eind, sum er ein Persónur, sum tað skal fráboðast um ella ein Persónur í útlandinum, Danmark ella Grønlandi, skal tann Fráboðandi fíggjarligi stovnurin gera av, um kontueigarin er eitt Passivt NFE við einum ella fleiri Persónum við ræði, og gera av hvar slíkir Persónar við ræði eru heimahoyrandi. Um nakar av Persónunum við ræði í einum Passivum NFE er ein Persónur, sum tað skal fráboðast um, skal kontan viðgerast sum ein Fráboðanarskyldug konta.
    Stk. 2. Tá avgerð skal takast eftir stk. 1, skal tann Fráboðandi fíggjarligi stovnurin gera hesar kanningar í tí best hóskandi raðfylgju í mun til støðuna:

    1. Fyri at kunna gera av, um Kontueigarin er eitt Passivt NFE, skal tann Fráboðandi fíggjarligi stovnurin biðja um eina eginváttan frá Kontueigaranum fyri at kunna staðfesta støðu hansara, uttan so at hann hevur upplýsingar, ella alment atkomiligir upplýsingar eru tøkir, sum gera tað sannlíkt, at Kontueigarin er eitt Aktivt NFE ella ein annar Fíggjarligur stovnur enn ein Íløgueind sum nevnd í § 8, stk. 1, nr. 2, sum ikki er ein Fíggjarligur stovnur í einum Luttakandi rættardømi.
    2. Fyri at kunna staðfesta, hvørjir Kontueigarans Persónar við ræði eru, kann ein Fráboðandi fíggjarligur stovnur byggja á upplýsingar, sum eru innsavnaðir og varðveittir sambært AML/KYC-mannagongdunum.
    3. Fyri at kunna gera av, hvar ein Persónur við ræði í einum Passivum NFE er heimahoyrandi, kann ein Fráboðandi fíggjarligur stovnum byggja á:
      a) Upplýsingar, sum eru innsavnaðir og varðveittir sambært AML/KYC-mannagongdum, hvat viðvíkur einari Eindarkontu sum longu er til, sum er ogn hjá einum ella fleiri NFEum við eini samlaðari kontusaldu, sum ikki fer upp um 6,83 mió. kr., ella
      b) Eina eginváttan frá Kontueigaranum ella einum Persóni við ræði um tað rættardømi ella tey rættardømir, Persónurin við ræði er skattliga heimahoyrandi í.

    § 88. Kanning av Eindarkontum sum longu eru til við einari samlaðari kontusaldu ella virði, sum tann 31. desember 2015 fer upp um 1,71 mió. kr., skal vera liðug í seinasta lagi tann 31. desember 2017.

    § 89. Kanning av Eindarkontum sum longu eru til við einari samlaðari kontusaldu ella virði, sum tann 31. desember 2015 ikki fer upp um 1,71 mió. kr., men tann 31. desember í einum eftirfylgjandi ári ferupp um hesa upphædd, skal vera liðug innanfyri álmanakkaárið eftir tað ár, samlaða kontusaldan ella virði fer upp um hesa upphædd.

    § 90. Um broyting fer fram í umstøðunum við atliti at einari Eindarkontu sum longu er til, sum ber í sær, at tann Fráboðandi fíggjarligi stovnurin fær at vita ella orsøk til at halda, at eginváttanin ella annað skjalprógv knýtt at eini kontu er skeivt ella óálítandi, skal Fráboðandi fíggjarligi stovnurin broyta kontunnar støðu sambært mannagongdunum, sum eru umrøddar í §§ 85-87.

    Kapittul 7
    Hóskandi umhugsni fyri nýggjar eindarkontur

    § 91. Við atliti at Nýggjum eindarkontum skal ein Fráboðandi fíggjarligur stovnur nýta kanningarmannagondirnar í §§ 92 og 93.

    § 92. Fyri at kunna gera av, um Eindin er ein Persónur, sum fráboðan skal gevast um, skal Fráboðandi fíggjarligi stovnurin gera hesar kanningar:

    1. Biðja um eina eginváttan, sum kann vera ein partur av kontustovningarskjalpróvnum, og sum ger Fráboðandi fíggjarliga stovnin føran fyri at staðfesta skattliga heimstað ella heimstaðir og vátta líkindini av einari slíkari eginváttan grundað á upplýsingar, sum Fráboðandi fíggjarligi stovnurin hevur biðið um í sambandi við stovnanina av kontuni, herundir møgulig skjalprógv umbiðin sambært AML/KYCmannagongdinum. Um Eindin ber fram, at hon ikki hevur ein skattliga heimstað, kann tann Fráboðandi fíggjarligi stovnurin byggja á adressuna hjá Eindarinnar høvuðsskrivstovu fyri at staðfesta heimstað Kontueigarans.
    2. 4) Um eginváttan gevur ábendingar um, at Kontueigarin er heimahoyrandi í einum Luttakandi rættardømi, skal tann Fráboðandi fíggjarligi stovnurin viðgera kontuna sum eina Fráboðanarskylduga kontu uttan so, at tað eru sannlíkindi fyri, at Kontueigarin ikki er ein Persónur, sum tað skal fráboðast um í mun til hetta Luttakandi rættardømið, grundað á upplýsingar, hann liggur inni við ella sum eru alment atkomiligir.

    § 93. Við atliti til ein eigara av eini nýggjari eindarkontu, herundir ein Eind, sum er ein Persónur, sum tað skal fráboðast um ella ein Persónur í útlandinum, Danmark ella Grønlandi, skal Fráboðandi fíggjarligi stovnurin gera av, um Kontueigarin er eitt Passivt NFE við einum ella fleiri Persónum við ræði, og gera av, hvar hesir Persónar við ræði eru heimahoyrandi. Um nakar av Persónunum við ræði í einum Passivum NFE er ein persónur, sum tað skal fráboðast um, skal kontan viðgerast sum ein Fráboðanarskyldug konta. Tá avgerð verður tikin um hetta, skal tann Fráboðandi fíggjarligi stovnurin gera hesar kanningar í tí best hóskandi raðfylgju í mun til støðuna:

    1. Fyri at kunna staðfesta, um Kontueigarin er eitt Passivt NFE, skal tann Fráboðandi fíggjarligi stovnurin byggja á eina eginváttan frá Kontueigaranum fyri at staðfesta støðu hansara, uttan so hann liggur inni við upplýsingum, ella alment atkomuligur upplýsingar eru tøkir, sum gera tað sannlíkt, at Kontueigarin er eitt Aktivt NFE ella ein annar Fíggjarligur stovnur enn ein Íløgueind sum umrøtt í § 8, stk. 1, nr. 2, sum ikki er ein Fíggjarligur stovnur í einum Luttakandi rættardømi.
    2. Fyri at kunna staðfesta hvørjir Kontueigarans Persónar við ræði eru, kann ein Fráboðandi fíggjarligur stovnur byggja á upplýsingar, sum eru innsavnaðir og varðveittir sambært ALM/KYC-mannagondunum.
    3. Fyri at kunna staðfesta, hvar ein Persónur við ræði í einum Passivum NFE er heimahoyrandi, skal Fráboðandi fíggjarligi stovnurin byggja á eina eginváttan frá Kontueigaranum ella hesum Persóni við ræði.

    Stk. 2. Um nakar av Persónunum við ræði í einum Passivum NFE er ein persónur, sum tað skal fráboðast um, skal kontan viðgerast sum ein Fráboðanarskyldug konta.

    Kapittul 8
    Serligar reglur fyri hóskandi umhugsni

    § 94. Ein Fráboðandi fíggjarligur stovnur kann ikki byggja á eina eginváttan ella annað Próvskjal, um Fráboðandi fíggjarligi stovnurin veit ella hevur orsøk til at halda, at eginváttanin ella Próvskjalið er skeivt ella óálítandi.

    § 95. Ein Fráboðandi fíggjarligur stovnur kann nýta tær alternativu mannagongdirnar í §§ 96 og 97 fyri Fíggjarligar kontur, sum likamligir persónar eiga, sum eru njótunartilskilaðir í einari Tryggingaravtalu við kontantvirði ella einari Annuitetsavtalu, og fyri eina Bólkatryggingaravtalu við kontantvirði ella eina Bólkaannuitetsavtalu.

    § 96. 3) Ein Fráboðandi fíggjarligur stovnur kann ganga út frá, at ein likamligur persónur, burtursæð frá eigaranum, sum er njótunartilskilaður í eini Tryggingaravtalu við kontantvirði ella eini Annuitetsavtalu, og sum fær eitt útgjald við deyða, ikki er ein Persónur, sum tað verður fráboðað um, og kann viðgera eina slíka Fíggjarliga kontu sum eina ikki-fráboðanarskylduga kontu, uttan so at tann Fráboðandi fíggjarligi stovnurin hevur eina aktuella vitan um, ella orsøk til at halda, at tann njótunartilskilaði er ein Persónur, sum tað verður fráboðað um.
    Stk. 2. 3) Ein Fráboðandi fíggjarligur stovnur hevur orsøk til at vita, at ein njótunartilskilaður í eini Tryggingaravtalu við kontantvirði ella eini Annuitetsavtalu er ein Persónur, sum tað verður fráboðað um, um tær upplýsingar, sum eru innsavnaðar av tí Fráboðandi fíggjarliga stovninum og knýttar til tann njótunartilskilaða rúma ábendingum um heimstað í útlandinum, Danmark ella Grønlandi sum nevnt í §§ 62-67.
    Stk. 3. Um ein Fráboðandi fíggjarligur stovnur hevur aktuella vitan um ella orsøk til at halda, at ein njótunartilskilaður er ein Persónur, sum tað skal fráboðast um, skal tann Fráboðandi fíggjarligi stovnurin fylgja mannagongdunum í §§ 62-67.

    § 97. Ein Fráboðandi fíggjarligur stovnur kann viðgera eina Fíggjarliga kontu, sum er limaparturin í eini Samlagstrygging við kontantvirði, ella eini Samlagsannuitetsavtalu, sum eina Fíggjarliga kontu, sum ikki er ein Fráboðanarskyldug konta, til tann dag, ein upphædd skal rindast til arbeiðstakaran, próvánaran ella njótunartilskilaða, um Fíggjarliga kontan, sum er limaparturin í eini Samlagstrygging við kontantvirði ella eini Samlagsannuitetsavtala,
    lýkur hesi krøv:

    1. Samlagstrygging við kontantvirði ella Samlagsannuitetsavtalan er flýggjað út til ein arbeiðsgevara og fevnir um 25 ella fleiri arbeiðstakarar, próvánarar,
    2. Arbeiðstakararnir, próvánararnir hava rætt til at fáa eitt kontraktvirði viðvíkjandi teirra parti og til at velja njótunartilskilaðu til ta veiting, sum skal rindast við deyða arbeiðstakarans.
    3. Tann samlaða upphæddin, sum skal rindast arbeiðstakaranum, próvánaranum ella njótunartilskilaða fer ikki upp um 6,83 mió. kr.

    Stk. 2. Máliskan: Bólkatryggingaravtala við kontantvirði, merkir ein Tryggingaravtala við kontantvirði, sum

    1. rindar dekning til einstaklingar, sum eru knýttir hvør at øðrum umvegis ein arbeiðsgevara, yrkisfelag, fakfelag ella annað samtak ella bólk,og
    2. krevur inn tryggingargjald fyri hvønn lim í bólkinum ella av einum flokki innanfyri bólkin, um er ásett uttan mun til heilsustøðuna hjá hvørjum einstøkum, um sæð verður burtur frá atlitunum til aldur, kyn og roykivanar.

    Stk. 3. Máliskan: Bólkaannuitetsavtala, merkir ein Annuitetsavtala, har kravánararnir eru einstaklingar, sum eru knýttir hvør at øðrum umvegis ein arbeiðsgevara, ykisfelag, fakfelag ella annað samtak ella bólk.

    § 98. 5) Fyri at kunna áseta samlaðu salduna ella virðið av teimum Fíggjarligu kontunum, sum eru ogn hjá einum likamligum persóni, er ein Fráboðandi fíggjarligur stovnur skyldugur til leggja saman allar Fíggjarligar kontur sum verða førdar í tí Fráboðandi fíggjarliga stovninum ella eini Tilknýttari eind, men bert í tann mun KT-skipanirnar í Fráboðandi fíggjarliga stovninum sambinda viðkomandi Fíggjarligu kontur til eina dátukyknu sum t.d. kontunummar ella Skattgjaldaranummar og loyva, at kontusaldur ella kontuvirðir verða løgd saman.
    Stk. 2. Hvørjum ánara av eini Fíggjarligari kontu, sum er felagsogn, skal tillutast alla salduna ella virðið av teirra felags fíggjarligu kontuni, tá sammanleggingarskyldurnar í hesum parti verða nýttar.

    § 99. Fyri at kunna áseta ta samlaðu salduna ella virði av Fíggjarligu kontum, sum eru ogn hjá eini Eind, er ein Fráboðandi fíggjarligur stovnur skyldugur til at taka atlit til allar fíggjarligar kontur, sum verða førdar í tí Fráboðandi fíggjarliga stovninum ella eini Tilknýttari eind, men bert í tann mun KTskipanirnar í Fráboðandi fíggjarliga stovninum sambinda viðkomandi Fíggjarligu kontur til eina dátukyknu sum t.d. kontunummar ella Skattgjaldaranummar og loyva, at kontusaldur ella kontuvirðir verða løgd saman.
    Stk. 2. Hvørjum ánara av eini Fíggjarligari kontu, sum er felagsogn, skal tillutast alla salduna ella virðið av teirra felags fíggjarligu kontuni, tá sammanleggingarskyldurnar í hesum parti verða nýttar.

    § 100. Við atliti at eini Fíggjarligari kontu, sum ein kundaábyrgdari veit ella hevur orsøk til at halda er beinleiðis ella óbeinleiðis ogn, undir ræði av ella stovnað av sama persóni, burtursæð frá, tá hetta er í samband við trúnaðarstarv, er ein Fráboðandi fíggjarligur stovnur eisini skyldugur til leggja saman allar slíkar kontur fyri at kunna áseta samlaðu salduna ella virði á Fíggjarligu kontuni, sum er ogn hjá einum persóni, fyri at kunna gera av, um ein Fíggjarlig konta er ein Hávirðiskonta.

    § 101. Upphæddir fevna eisini um samsvarandi upphæddir í øðrum gjaldoyra. Allar upphæddir í donskum krónum skulu skiljast sum fevnandi um samsvarandi upphæddir í øðrum gjaldoyra við nýtslu av einum almannakunngjørdum spotkursi, sum er ásettur tann síðsta dagin í álmanakkaárinum frammanundan tí ári, Fráboðandi fíggjarligi stovnurin ásetir salduna ella virðið.
    Stk. 2. Sum alternativ til upphæddirnar í donskum krónum kunnu Fíggjarligir stovnar velja at nýta hesar upphæddir í USD, og stk. 1 kann nýtast samsvarandi, tá upphæddir í øðrum gjaldoyra verða umroknaðar til USD:

    1. Ístaðin fyri kr. 341.000 kunnu nýtst 50.000 USD.
    2. Ístaðin fyri 1,71 mió. kr. kunnu nýtast 250.000 USD.
    3. Ístaðin fyri 6,83 mió. kr. kunnu nýtast kunnu nýtast 1 mió. USD.

    Kapittul 9
    Frágreiðing

    § 102. Við fyrivarni fyri §§ 103-105 skal hvør Fráboðandi fíggjarligur stovnur boða TAKS frá hesum upplýsingum við atliti til hvørja einstaka Fráboðanarskylduga kontu í slíkum Fráboðanarskyldugum fíggjarligum stovnum:

    1. Navn, adressu, rættardømi ella rættardømir, har viðkomandi verður mettir at vera heimahoyrandi, føroyskt p-tal ella v-tal og útlendskt Skattgjaldaranummar ella útlendsk Skattgjaldaranummur umframt føðidag og føðistað, við atliti at einum likamligum persóni, fyri hvønn Persón, sum tað skal fráboðast um, og sum er ein Kontueigari, og við atliti at eini Eind, sum er Kontueigari, og sum eftir eygleiðing av mannagongdunum fyri hóskandi umhugsni í samsvari við kapittul 6-8 verður eyðmerkt at hava ein ella fleiri Persónar við ræði, sum eru Persónar, sum tað skal gevast fráboðan um við atliti at navni, adressu, rættardømi ella rættardømum, viðkomandi verður mettir at vera heimahoyrandi í, møguliga annað rættardømi ella onnur rættardømir, hann er heimahoyrandi í, føroyskt p-tal ella v-tal og útlendskt Skattgjaldaranummar ella útlendsk Skattgjaldaranummur fyri Eindina og navn, adressu, rættardømi ella rættardømir, viðkomandi verður mettur at vera heimahoyrandi í, og føroyskt p-tal ella v-tal og útlendskt Skattgjaldaranummar ella útlendsk Skattgjaldaranummur umframt føðidag og føðistað fyri hvønn Persón, sum tað skal fráboðast um.
    2. Kontunummar ella tað sum svarar til tað, tá eitt kontunummar ikki er til.
    3. Navnið hjá Fráboðandi fíggjarliga stovninum og hansara v-tal.
    4. Saldan ella virðið á kontuni, herundir við atliti at Tryggingaravtalu við kontantvirði ella Annuitetsavtalu, Kontantvirðið ella afturkeypsvirðið við ársenda viðkomandi álmanakkaár, ella um kontan er strikað hetta ár, ella einum sovorðnum tíðarskeiði, tá kontan varð strikað.
    5. Við atliti at eini Fyrisitingarkontu:
      a) samlaða bruttuupphæddin av rentum, samlaða bruttuupphæddin av vinningsbýtum og samlaða bruttuupphæddin av aðrari inntøku genererað við atliti til tær ognir, sum standa á kontuni, í hvørjum eistøkum føri goldið til ella afturatskrivað kontuni ella við atliti at kontuni í álmanakkaárinum og
      b) samlaða bruttuavkastið við sølu ella við at loysa út Fíggjarligar ognir, sum eru goldnar til ella afturatskrivaðar kontuni í álmanakkaárinum, har fráboðandi fíggjarligi stovnurin, hevur virkað sum vørslumaður, meklari, umsitari, ella á annan hátt sum fulltrúi fyri Kontueigaran.
    6. Við atliti at eini Innskotskontu, tann samlaða bruttuupphæddin av rentum goldnar til ella afturskrivaðar kontuni í álmanakkaárinum.
    7. Við atliti at eini kontu sum ikki er lýst í nr. 5 ella 6, tann samlaða bruttuupphæddin goldin til ella afturatskrivað Kontueigaranum við atliti til kontuna í álmanakkaárinum ella viðkomandi fráboðanartíðarskeiði, Fráboðandi fíggjarligi stovnurin er gjaldsskyldugur ella góðskrivingarskyldugur, herundir samlaða upphæddin av møguligum útloysingarupphæddum goldnar til Kontueigaran í álmanakkaárinum.

    Stk. 2. 1) Um ein Fráboðandi fíggjarligur stovnur, sum skal skrásetast eftir § 54 í einum álmanakkaári ikki hevur nakra Fráboðanar skylduga kontu, verður hetta fráboðað TAKS.
    Stk. 3. Tær fráboðaðu upplýsingarnar skulu eyðmerkja tað gjaldoyra, sum einstaka upphæddin er í.

    § 103. 4) Uttan mun til § 102, stk. 1, nr. 1 við atliti at eini Fráboðanarskyldugari kontu, sum er ein Konta, sum longu er til, krevst ikki fráboðan um skattgjaldaranummar, skattgjaldaranummur ella føðidag, um skattgjaldaranummarið, skattgjaldaranumrini ella føðidagurin ikki eru í málsskjølunum hjá Fráboðandi fíggjarliga stovninum og annars ikki skulu savnast av slíkum Fráboðandi fíggjarligum stovni sambært føroyskari lóggávu.
    Stk. 2. Ein Fráboðandi fíggjarligur stovnur er kortini skyldugur til at gera eina roynd at innheinta Skattgjaldaranummar ella Skattgjaldaranummur og føðidagin fyri Kontur sum longu eru til við ársenda av øðrum álmanakkaárinum eftir tað ár, tá Konturnar sum longu eru til verða eyðmerktar sum Fráboðanarskyldugar kontur.

    § 104. Uttan mun til § 102, stk. 1, nr. 1, skal Skattgjaldaranummar ikki fráboðast, um viðkomandi Luttakandi rættardømi, har viðkomandi persónur er heimahoyrandi, ikki hevur givið út eitt Skattgjaldaranummar.

    § 105. Uttan mun til § 102, stk. 1, nr. 1, skal føðistað ikki fráboðast, uttan so at

    1. Fráboðandi fíggjarligi stovnurin á øðrum grundarlag er skyldugur til at innheinta og fráboða tað sambært føroyskari lóggávu, og
    2. tað er atkomiligt í raveindar leitiligu dátunum, sum eru í varðveitslu hjá tí Fráboðandi fíggjarliga stovninum.

    § 106. 1) 5) Persónar, sum fráboðast skal um, ella Eindir við Persónum við ræði, sum fráboðast skal um, skulu fyri tí fráboðanarskylduga upplýsa tær í § 102, stk. 1, nr. 1 nevndu upplýsingar, sbr. tó §104.
    Stk. 2. 1) Í fyrsta umfari verður p-talið upplýst. Hevur viðkomandi ikki p-tal, verður v-talið upplýst.
    Stk. 3. 1) Fyri feløg, grunnar, felagsskapir, deyðsbúgv og líknandi, sum hvørki hava p-tal ella v-tal, verður annaðhvørt latið p-talið hjá formanninum ella hjá øðrum persóni, sum hevur rætt at virka vegna Eindina ella Persónin, sum fráboðan skal latast um.
    Stk. 4. 5) Kann tað ikki greiðast, tá ein Fráboðanarskyldug fíggarlig konta verður stovnað, hvønn fráboðanin skal viðvíkja, verða tær í stk. 1-3 nevndu upplýsingar latnar um tann, sum tann fráboðanarskyldugi hevur stovnað rættarviðurskiftini við. Tá tað er greitt, hvønn fráboðanin skal viðvíkja, verða  eyðmerkisupplýsingarnar latnar um hendan.
    Stk. 5. Tann, sum fráboðan skal latast um, skal kunna fráboðanarskylduga um broyting í teimum latnu eyðmerkingsupplýsingunum innan ein mánað eftir, at broytingarnar eru farnar fram.
    Stk. 6. Tá eyðmerkingsupplýsingar verða latnar, skal nøktandi samleikaprógv vísast.

    § 107. Fráboðan skal latast í seinasta lagi tann 1. mai í árinum eftir tað álmanakkaár, sum fráboðanin viðvíkur. Er tann 1. mai ein leygardagur, sunnudagur ella halgidagur, er freist næsti gerandisdagur.

    Kapittul 10
    Uttanumvik
    § 108. Um gerðir ella undanlát verða framd, hvørs endamál einans ella í høvuðsheitum er, at ein konta ikki verður eyðmerkt sum ein Fráboðanarskyldug konta, ella at ikki røtt fráboðan fer fram um eina kontu, herundir at tað ikki fer fram røtt fráboðan viðvíkjandi einum Persóni, sum tað skal fráboðast um, skal tað við nýtslu av mannagongdunum til eyðmerking av Fráboðanarskyldugum kontum og við fráboðan farast fram, sum um hesar gerðir ella undanlát ikki vóru framd.

    Kapittul 10 a 3)
    Tvingsilsbøtur
    § 108 a. Um tað ikki verður fráboðað rættstundis sambært § 54 kann TAKS geva boð um hetta innan eina nærri ásetta freist, umframt at dagligar tvingsilsbøtur skulu rindast frá freistdegnum at rokna og inntil boðini verða fylgd.

    Kapittul 10 b 3)
    Revsireglur
    § 108 b. Við sekt verður revsaður tann fráboðanarskyldugi Fíggjarligi stovnurin, sum tilætlað ella av grovum ósketni ikki rættstundis fremur mannagongdirnar  fyri hóskandi umhugsni sambært § 60, stk. 3, ella kapitlunum 4-8, letur vera við at útinna sína fráboðanarskyldu sambært § 102 ella gevur skeivar, villleiðandi
    ella ófullfíggjaðar upplýsingar.
    Stk. 2. Við sekt verður tann revsaður, sum tilætlað ella av grovum ósketni gevur skeivar, villleiðandi ella ófullfíggjaðar upplýsingar í eini eginváttan, um ikki hægri revsing er uppiborin sambært revsilógini.

    Kapittul 10 c 3)
    Tulking, gildiskoma o.a.
    § 108 c. Henda kunngerð skal tulkast í samsvari við OECD standardin um automatiskt umbýti av upplýsingum um fíggjarkontur í skattaviðurskiftum, Standard for Automatic Exchange of Financial Account Information in Tax Matters, sum eisini fevnir um viðmerkingarnar til standardin.

    § 109. Henda kunngerð kemur í gildi dagin eftir, at hon er kunngjørd.
    Stk. 2. Fráboðan eftir kapittul 9 skal fremjast fyri álmanakkaárið 2016 og seinni álmanakkaár.
    Stk. 3. Fyri fíggjarligar stovnar, sum eru fráboðanarskyldugir viðvíkjandi álmanakkaárinum 2016, vil fráboðan til skrásetingar verða rættstundis uttan mun til § 54, stk. 1, um fráboðanin verður latin í seinasta lagi 31. desember 2016.


    Fíggjarmálaráðið, 19. februar 2016

    Kristina Háfoss (sign.)
    landsstýriskvinna / Bjarni Askham Bjarnason (sign.)

    Útgivið: 19. februar 2016


    Skjal 1 1) 2) 3) 4) 5)

    Hesi lond verða mett sum Luttakandi rættardømir frá 2020 at rokna:

    1. Albania
    2. Andorra
    3. Anguilla
    4. Antigua & Barbuda
    5. Argentina
    6. Aruba
    7. Australia
    8. Azerbaijan
    9. Bahamas
    10. Bahrain
    11. Barbados
    12. Belgia
    13. Belize
    14. Bermuda
    15. Brasilia
    16. Bretland
    17. British Virgin Islands
    18. Brunei Drussalam
    19. Bulgaria
    20. Cayman Islands
    21. Cook Islands
    22. Costa Rica
    23. Curacao
    24. Danmark
    25. Dominica
    26. Ecuador
    27. Estland
    28. Eysturríki
    29. Finnland
    30. Frakland
    31. Ghana
    32. Gibraltar
    33. Grenada
    34. Grikkaland
    35. Grønland
    36. Guernsey
    37. Holland
    38. Hong Kong
    39. India
    40. Indonesia
    41. Italia
    42. Írland
    43. Ísland
    44. Isle of Man
    45. Ísrael
    46. Jamaica
    47. Japan
    48. Jersey
    49. Kanada
    50. Kasakhstan
    51. Kekkia
    52. Kenya
    53. Kili
    54. Kina
    55. Kolumbia
    56. Korea
    57. Kroatia
    58. Kuwait
    59. Kypros
    60. Letland
    61. Libanon
    62. Liberia
    63. Liechtenstein
    64. Litava
    65. Luxembourg
    66. Macau
    67. Malaysia
    68. Maldivoyggjar
    69. Malta
    70. Marokko
    71. Marshall Islands
    72. Mauritius
    73. Mesiko
    74. Moldova
    75. Monaco
    76. Montserrat
    77. Nauru
    78. New Caledonia
    79. New Zealand
    80. Nigeria
    81. Niue
    82. Noreg
    83. Oman
    84. Pakistan
    85. Panama
    86. Peru
    87. Portugal
    88. Póland
    89. Qatar
    90. Rumenia
    91. Russland
    92. Saint Kitts & Nevis
    93. Saint Lucia
    94. Saint Vincent and the Grenadines
    95. Sameindu Arabisku Emiratini
    96. Samoa
    97. San Marino
    98. Saudi Abrabia
    99. Schweiz
    100. Seychelles
    101. Singapore
    102. Sint Maarten
    103. Slovakia
    104. Slovenia
    105. Spania
    106. Suður Afrika
    107. Svøríki
    108. Turkaland
    109. Turk sand Caicos Islands
    110. Týskland
    111. Ungarn
    112. Uruguaq
    113. Vanuatu

    Landsstýrismaðurin kunngerð á hvørjum ári ein dagførdan listan yvir Luttakandi rættardømir.

    Notir

    1) Broytt við kunngerð nr. 32 frá 28. mars 2017, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útg.: 31.03.2017)

    2) Broytt við kunngerð nr. 161 frá 6. desember 2018, har § 2 er soljóðandi: Henda kunngerð kemur í gildi dagin eftir at hon er kunngjørd. (Útg.: 19.12.2018)

    3) Broytt við kunngerð nr. 92 frá 1. juli 2019, har § 2 er soljóðandi: Henda kunngerð kemur í gildi dagin eftir, at hon er kunngjørd, tó so at skjal 1 hevur virknað frá 1. apríl 2019. (Útgivið: 03.07.2019)

    4) Broytt við kunngerð nr. 24 frá 24. mars 2021, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útgivið: 25.03.2021)

    5) Broytt við kunngerð nr. 93 frá 17. mai 2022, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útgivið: 18.05.2022)

    Nr. 147/2015 Krøv til skattligan ársroknskap

    Kunngerð nr. 147 frá 18. desember 2015

    um krøv til skattliga ársroknskapin

    Sum broytt við kunngerð nr. 12 frá 07.02.2018

    1) Við heimild í § 103, stk. 1 og § 149 í løgtingslóg nr. 86 frá 1. september 1983 um landsskatt og kommunuskatt (Skattalógin), sum broytt við løgtingslóg nr. 191 frá 28. desember 1992, løgtingslóg nr. 168 frá 30. desember 1997 og løgtingslóg nr. 136 frá 11. desember 2013 verður ásett:

    § 1. Ásetingarnar í hesi kunngerð eru galdandi fyri skattskyldug, sum hava roknskaparskyldu.
    Stk. 2. TAKS kann sleppa smáum einstaklingavirkjum undan at nýta teir í § 2 nevndu standardroknskapir, tá ið hetta ikki stendur mát við lítla virksemi teirra.

    § 2. Tann ársroknskapur, ið skal latast TAKS, skal vera settur upp sambært teimum standardroknskapnum, sum finnast á heimasíðuni hjá TAKS.
    Stk. 2. Bókhaldið skal leggjast soleiðis til rættis, at allar skrásetingar skulu kunna fylgjast til tær skattligu uppgerðirnar. Tølini í skattauppgerðini skulu kunna loysast upp í tey tøl, tey eru sett saman av.
    Stk. 3. Skattligar broytingar til ársroknskapin skulu gerast soleiðis, at tað er gjørligt at staðfesta sambandið við skattauppgerðina fyri undanfarna ár.

    § 3. Hóast ásetingina í § 2, stk. 1 skulu skattskyldug sambært kolvetnisskattalógini og vinnurekandi deyðsbúgv ikki lata inn sanbært skjølunum í hesi kunngerð.

    § 4. Eftir áheitan skal tann roknskaparskyldugi lata TAKS útgreiningar til einstøku teigarnar í fylgiskjølunum.

    § 5. Fyri inntøkuárið 2015 kunnu løgfrøðiligir persónar, ið við heimild í § 2 í kunngerð um talgildan roknskap hava valt ikki at lata inn í XBRLsniði, síggja burtur frá krøvunum um skattaroknskap sambært hesi kunngerð

    § 5 a. 1) Brot á §§ 2 og 4 verður revsað við sekt.

    § 6. Henda kunngerð kemur í gildi 1. januar 2016.
    Stk. 2. Samstundis fer kunngerð nr. 109 frá 14. desember 2014 úr gildi.

    Notir
    1) Sum broytt við kunngerð nr. 12 frá 7. februar 2018, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útg.: 09.02.2018)

    Fíggjarmálaráðið, 18. desember 2015

    Kristina Háfoss (sign.)
    landsstýriskvinna
    / Bjarni Askham Bjarnason (sign.)

    Útgivið: 23. desember 2015

    Nr. 146/2015 Talgildan roknskap

    Kunngerð nr. 146 frá 18. desember 2015

    um talgildan roknskap

    Sum broytt við kunngerð nr. 99 frá 30.06.2017 og kunngerð nr 136 frá 27.09.2017.

    Við heimild í § 103 a í løgtingslóg nr. 86 frá 1. september 1983 um landsskatt og kommunuskatt, sum broytt við løgtingslóg nr. 136 frá 11. desember 2013, verður ásett:

    § 1. 1) 2) Upplýsingar, sum eru nevndar í § 103 í løgtingslóg um landsskatt og kommunuskatt, skulu fráboðast talgilt í PDF-sniði um eina sjálvavgreiðsluskipan hjá TAKS. Feløg, sum eru fevnd av roknskaparklassa B og C í ársroknskaparlógini, tó ikki íverksetarafeløg, sbrt.
    kapittul 19 a í vinnufelagalógini, skulu harumframt innan 1. januar 2018 lata upplýsingarnar í XBRL-sniði. Likamligir persónar og felagsskapir, sum ikki hava skyldu at gera ársroknskap sambært ársroknskaparlógini, kunnu ístaðin lata tær í 1. pkt. nevndu upplýsingar í EXCEL-sniði.
    Stk. 2. Verða tær í stk. 1 nevndu upplýsingar latnar inn á annan hátt, enn ásett í stk. 1, verða tær mettar sum ikki latnar inn.

    § 2. Fyri inntøkuárið 2015 kunnu løgfrøðiligir persónar, ið hava skyldu at gera ársroknskap sambært ársroknskaparlógini, frávelja at fráboða tær í §103 í løgtingslóum landsskatt og kommunuskatt nevndu upplýsingar í XBRL-sniði.

    § 3. Henda kunngerð kemur í gildi dagin eftir, at hon er kunngjørd og er galdandi fyri inntøkuárið 2016 og eftirfylgjandi inntøkuár, sbr. tó § 2.
    Stk. 2. Samstundis, sum henda kunngerð kemur í gildi, fer úr gildi kunngerð nr. 113 frá 9. oktober 2015.

    Notir
    1) Broytt við kunngerð nr. 99 frá 30.06.2017, har § 2 er soljóðandi: Henda kunngerð kemur í gildi dagin eftir, at hon er kunngjørd og er galdandi fyri inntøkuárið 2016. (Útgivið: 30.06.2017)
    2) Broytt við kunngerð nr. 136 frá 27.09.2017, har § 2 er soljóðandi: Henda kunngerð kemur í gildi dagin eftir, at hon er kunngjørd. (Útg.: 29.09.2017)

    Fíggjarmálaráðið, 18. desember 2015
    Kristina Háfoss (sign.)
    landsstýriskvinna
    / Bjarni Askham Bjarnason (sign.)

    Útgivið: 23. desember 2015

    Nr. 131/2013 Broyting í kunngerð um áseting av afturberingarprosenti til reiðaravirkir, sum hava skip, ið eru skrásett í Føroysku Altjóða Skipaskránni FAS

    Kunngerð nr. 131 frá 10. desember 2013

    um broyting í kunngerð um áseting av afturberingarprosenti til reiðaravirkir, sum hava skip, ið eru skrásett í Føroysku Altjóða Skipaskránni FAS

    § 1. Í kunngerð nr. 120 frá 19. desember 2008 um áseting av afturberingarprosenti til reiðaravirkir, sum hava skip, ið eru skrásett í Føroysku Altjóða Skipaskránni FAS, verður § 1, stk. 1 orðað soleiðis:
    “Reiðaravirkir, sum lúka treytirnar í § 63 a í skattalógini, og sum rinda persónum, skattskyldugum í Føroyum, løn, eftirløn, samsýning o.tíl. fyri tænastu umborð á skipum, ið eru skrásett í FAS, fáa ein part av útgoldnu lønunum, eftirlønunum, samsýningunum o.tíl. afturbornan.”

    § 2. Henda kunngerð kemur í gildi 1. januar 2014.

    Fíggjarmálaráðið, 10. desember 2013
    Jørgen Niclasen (sign.)
    landsstýrismaður
    / Bjarni Askham Bjarnason (sign.)

    Samanskrivað kunngerð nr. 120 frá 19. desember 2008

    Nr. 123/2011 Serstaka uppgerð í samband við tilfeingis-/loyvisskatt

    Kunngerð nr. 123 frá 16. september 2011

    um serstaka uppgerð í samband við tilfeingis-/loyvisskatt

    Við heimild í § 30 b, stk. 3 í løgtingslóg nr. 86 frá 1. september 1983 um landsskatt og kommunuskatt við seinni broytingum verður ásett:

    Fyribilsskráseting

    § 1. Tey, sum hava skattskylduga inntøku eftir skattalógini § 30 b, stk. 1, skulu fyribilsskráseta seg við inntøku frá fiski- og alivinnu í seinasta lagi 1. oktober i inntøkuárinum samsvarandi skattalógini § 30 b, stk. 2.
    Stk. 2. Fyribilsskrásetingin skal gerast á serligum skjali, sum TAKS letur gera.
    Stk. 3. Um skattskyldugi er samskattaður við onnur, verður latin serstøk fyribilsuppgerð fyri tey samskattaðu hvør sær, og ein samantald uppgerð fyri tey samskattaðu.
    Stk. 4. Um ein, sum hevur skyldu at lata inn fyribilsuppgerð, ikki hevur gjørt hetta í seinasta lagi 1. oktober í inntøkuárinum, er hetta tað sama sum at hann hevur latið inn fyribilsuppgerð á 0 kr.

    Serstøk uppgerð fyri tilfeingis-/loyvisskattin

    § 2. Tey, sum hava skattskylduga inntøku eftir skattalógini § 30 b, stk. 1 skulu saman við sjálvuppgávuni lata inn serstaka uppgerð fyri tilfeingis-/loyvisskattin, tó sbt. skattalógin § 30 b, stk. 4.
    Stk. 2. Serstaka uppgerðin skal gerast á serligum skjali, sum TAKS letur gera.
    Stk. 3. Fyri samskattaði verður latin serstøk uppgerð fyri tey samskattaðu hvør sær, og somuleiðis verður latin ein samantalt uppgerð fyri tey samskattaðu.
    Stk. 4. Hjá teimum, sum skulu lata inn serliga uppgerð, skal uppgerðin verða býtt í trý: Eina uppgerð fyri inntøku frá fiski- og alivinnu, eina fyri aðra inntøku, og eina samanteljing.

    Viðgerð av ymsum skattligum viðurskiftum í serstøku uppgerðini

    § 3. Framflutt hall skal vera býtt millum inntøkuna frá fiski- og alivinnu og aðra inntøku í samsvarandi eftir hvørt hallið stavar frá fiski- og alivinnu ella ikki.
    Stk. 2. Útreiðslur til felagsumsiting o.t., ið ikki eintýðugt kunnu markast til antin inntøku frá fiskivinnu- og alivinnu ella øðrum virksemi, verður býtt eftir bruttosølu sambært roknskapinum.

    Gildiskoma

    § 4. Henda kunngerð kemur í gildi dagin eftir, at hon er kunngjørd.

    Fíggjarmálaráðið, 16. september 2011
    Aksel V. Johannesen (sign.)
    landsstýrismaður


    Oyðubløðini eita S45 Fyribilsskráseting av tilfeingis-/loyvisskatti og
    S46 Uppgerð fyri tilfeingis-/loyvisskattin og eru at finna her

    Nr. 12/2009 Upphædd til uppihald í samband við arbeiði skipað gjøgnum Nordjobb

    Kunngerð nr. 12 frá 6. februar 2009

    um upphædd til uppihald í samband við arbeiði skipað gjøgnum Nordjobb

    Við heimild í § 33, nr. 10 í løgtingslóg nr. 86 frá 1. september 1983 um landsskatt og kommuskatt við seinni broytingum verður ásett:

    § 1. Upphæddin, sum verður hildin neyðug til uppihald, er fyri álmanakkaárið 2008 kr. 69.000 og fyri álmanakkaárið 2009 kr. 71.000. Hon verður minkað í mun til longdina á dvølinum í Føroyum og alt álmanakkaárið.

    § 2. Henda kunngerð kemur í gildi dagin eftir, at hon er kunngjørd, men hevur virknað frá ávikavist 1. januar 2008 og 1. januar 2009. Samstundis fer úr gildi kunngerð nr. 26 frá 26. mars 2007 um upphædd til uppihald í samband við arbeiði skipað gjøgnum Nordjobb.

    Fíggjarmálaráðið, 6. februar 2009

    Jóannes Eidesgaard (sign.)
    landsstýrismaður
    / Petur Alberg Lamhauge (sign.)

    Nr. 10/2007 At partar av løgtingslóg um landsskatt og kommunuskatt fáa gildi

    Kunngerð nr. 10 frá 20. februar 2007

    um partar av løgtingslóg um landsskatt og kommunuskatt fáa gildið

    Við heimild í § 2, stk. 2 í løgtingslóg nr. 52 frá 16. mai 2006 um broyting í løgtingslóg um landsskatt og kommunuskatt verður ásett, at reglurnar í § 1, nr. 1 og 7 koma í gildi 1. mars 2007. (útg. 27. februar 2007)

    Fíggjarmálaráðið, 20. februar 2007

    Bárður Nielsen (sign.)
    landsstýrismaður
    / Petur Alberg Lamhauge (sign.)

    Nr. 89/2006 Innlatingarfreistir av sjálvuppgávu fyri roknskaparskyldug

    Kunngerð nr. 89 frá 14. september 2006

    um innlatingarfreistir av sjálvuppgávu fyri roknskaparskyldug

    Sum broytt við kunngerð nr. 54 frá 30 apríl 2020 og kunngerð nr. 93 frá 18. juni 2020.

    Við heimild í § 105, stk. 1 í løgtingslóg nr. 86 frá 1. september 1983 um landsskatt og kommunu­skatt við seinni broytingum verður ásett:

    § 1. 1) Seinasta freist at lata inn sjálvuppgávu við roknskapi er 15. mai. Sama freist er galdandi fyri løntakarar uttanlands.

    § 2. 2) § 2. Seinasta freist at lata inn sjálvuppgávu hjá deyðsbúgvum, feløgum, felagsskapum o.ø., sbr. § 1, stk. 1, nr. 7-17 og § 2 í skattalógini, er 1. juli í álíkningarárinum.

    § 3. Freistirnar sambært §§ 1 og 2 eru eisini galdandi fyri at lata inn ognaruppgerðir fyri avvarðandi inntøkuár.

    § 4. Økisskrivstovunum er tó heimilað, tá ið heilt serligar grundir eru til tess, s.s., deyði og sjúka, at leingja freistirnar sambært §§ 1 og 2, ein mánað í senn, tó ikki út um 15. august í álíkningarárinum.
    Stk. 2. Treytin fyri, at freistin kann verða longd, er, at skrivlig umsókn verður send økis­skriv­stovunum í seinasta lagi 7 dagar, áðrenn freistin er úti, og at sjálvuppgávur, rokn­skapir og ognaruppgerðir fyri eldri ár eru innkomin til Toll- og Skattstovu Føroya.

    § 5. Sjálvuppgávan er roknað fyri at vera innlatin rættstundis, tá ið hon í seinasta lagi síðsta innlatingardag er fingin Toll- og Skattstovu Føroya ella latin í postin. Eisini ber til at senda sjálvuppgávuna við telduposti, sum pdf-fílur. Sama er galdandi viðvíkjandi rokn­skapi og ognaruppgerð.
    Stk. 2. Fellur innlatingardagurin á ein leygardag ella sunnu- ella halgidag, verður innlat­ing­ar­dagurin fyrsti eftirfylgjandi gerandisdagur.

    § 6. Henda kunngerð kemur í gildi 1. januar 2007. Samstundis fer úr gildi kunngerð nr. 92 frá 19. november 1999 um innlatingarfreistir av sjálvuppgávu fyri roknskaparskyldug.

    Notir

    1) Broytt við kunngerð nr. 54 frá 30. apríl 2020, har § 2 er soljóðandi: Henda kunngerð kemur í gildi sama dag, sum hon verður kunngjørd (Útgivið: 30. apríl 2020).

    2) Broytt við kunngerð nr. 93 frá 18. juni 2020, har § 2 er soljóðandi: Stk. 1. § 1, nr. 1 kemur í gildi dagin eftir at hon er kunngjørd (Útgivið: 19. juni 2020).
    Stk. 2. § 1, nr. 2 kemur í gildi 1. januar 2021.

    Fíggjarmálaráðið, 14. september 2006

    Bárður Nielsen (sign.)
    landsstýrismaður
    /Petur Alberg Lamhauge (sign.)

    Nr. 21/2005 Samdøgurfrádrátt

    Kunngerð nr. 21 frá 14. mars 2005

    um samdøgursfrádrátt

    Við heimild í § 33, nr. 12 í løgtingslóg nr. 86 frá 1. september 1983 um landsskatt og kommunuskatt, sum m.a. broytt við løgtingslóg nr. 168 frá 30. desember 1997, verður ásett:

    § 1. Frádrátturin fyri part av meirútreiðslum til kost, húsaleigu, ferðing, flutning ella sjúkra- og vanlukkutrygging, ið skattgjaldari hevur vegna inntøkugevandi arbeiði á landi uttanlands ella umborð á útlendskum skipi, verður veittur sum ein samdøgursfrádráttur.
    Stk. 2. Treytin fyri samdøgursfrádrátti er, at talan er um persón við fullari skattskyldu til Føroya, og at hesin hevur inntøkugevandi arbeiði á landi uttanlands ella umborð á útlendskum skipi antin í 2 mánaðir uttan slit innan fyri eitt 12 mánaða tíðarskeið ella í 100 samdøgur innan fyri eitt 12 mánaða tíðarskeið.
    Stk. 3. Skattgjaldarin hevur skyldu til at rokna ta í útlandinum ella umborð á útlendskum skipi vunnu lønina við í føroysku skattskyldugu inntøkuna, tá ið henda verður gjørd upp og skal við sjálvuppgávuni leggja við skjalprógv fyri dagatalið uttanlands ella umborð á útlendskum skipi, umframt árslønarseðil og viku- ella mánaðaravrokningar.

    § 2. Frádráttur verður roknaður frá tí farið verður úr Føroyum í samband við arbeiði uttanlands. Frádráttur kann bert verða veittur fyri teir dagar, ið hava beinleiðis samband við ferðina og dvølið uttanlands vegna arbeiði í útlandinum ella umborð á útlendskum skipi. Annar, fyri arbeiði annars óviðkomandi, dvølur uttanlands, verður ikki taldur við í frádráttartíðarskeiðnum.

    § 3. Fyri arbeiði umborð á útlendskum skipi og fyri arbeiði í útlondum er samdøgursfrádrátturin kr. 300,-

    § 4. Henda kunngerð kemur í gildi dagin eftir, at hon er kunngjørd og hevur virknað frá 1. januar 2005. Samstundis fer úr gildi kunngerð nr. 39 frá 24. mars 2003 um samdøgursfrádrátt.

    Fíggjarmálaráðið, 14. mars 2005

    Bárður Nielsen (sign.)
    landsstýrismaður
    / Petur Alberg Lamhauge (sign.)

    Nr. 35/2004 Avmarking í frádrátti í inntøku frá fiskiskapi

    Kunngerð nr. 35 frá 1. juni 2004

    um avmarking í frádrátti í inntøku frá fiskiskapi

    Við heimild í § 33, nr. 17 í løgtingslóg nr. 86 frá 1. september 1983 um landsskatt og kommunuskatt við seinni broytingum (skattalógin), verður ásett:

    § 1. Sambært § 33, nr. 17 í skattalógini verður ein frádráttur uppá 15% veittur, tá inntøkan verður gjørd upp eftir § 25a, stk. 3-7.

    § 2. Fyri tær inntøkur, sum eru nevndar í § 1 i hesi kunngerð, verður lækkingin avmarkað til 15% av í mesta lagi kr. 500.000 um árið, ella til í mesta lagi kr. 75.000 um árið.

    § 3. Henda kunngerð kemur í gildi dagin eftir, at hon er kunngjørd. Samstundis fer kunngerð nr 117 frá 14. desember 2000 um avmarking í frádrátti í inntøku frá fiskiskapi úr gildi.

    Fíggjarmálaráðið, 1. juni 2004

    Bárður Nielsen, (sign.)
    landsstýrismaður
    /Petur Alberg Lamhauge, (sign.)

    1978 Reglur viðvíkjandi skattligum avskrivingum hjá eigarum av skipa- og bátspørtum.

    Kunngerð frá 4. desember 1978 frá Líkningarráð Føroya

    Við heimild í § 33 í løgtingslóg nr. 52 frá 29. desember 1971 um skattligar avskrivingar v.m., hevur líkningarráðið fyriskipað niðanfyri standandi

    REGLUR
    viðvíkjandi skattligum avskrivingum hjá eigarum av skipa- og bátspørtum.
    Fyri at eigarar av skipa- og bátspørtum kunnu krevja rætt til avskriving, herundir eisini forskotsavskriving er treytað:

    1. At líkningarráðnum er latið avrit av eigarasáttmála ella har ongin slíkur er, av skjali, undirskrivað av øllum eigarum harav framgongur
      a. navn og bústaður eigaranna
      b. hvussu stóran part, hvør eigur og stendur til svars fyri og
      c. hvør ella hvørji hava rætt til at gera bindandi avtalur fyri allar eigararnar.
    2. At tey undir 1 nevndu skjøl skulu verða gjørd og undirskrivað í seinasta lagi 31. desember og send líkningarráðnum í seinsta lagi 20. januar árið eftir.
    3. At hvør broyting, sum verður gjørd í sáttmálanum og/ella eigaraviðurskiftunum, herundir yvirflyting millum hjúnafelagar sambært § 17 B, 2. stk. í skattalógini, skal skrivliga verða boðað líkningarráðnum frá í seinasta lagi 14 dagar aftaná, at hon er gjørd.
    4. At hvør eigari viðleggur sjálvuppgávu sínari eintak av roknskapinum.

    Henda kunngerð fær gildi frá og við skattaárinum 1979/80 og verður samstundis kunngerð ráðsins frá 27. mars 1974 sett úr gildi.

    Nr. 97/1983 Skráseting av ávísingarskyldugum/arbeiðsgevarum

    Kunngerð nr. 97 frá 4. november 1983

    um skráseting av ávísingarskyldugum/arbeiðsgevarum

    Við heimild í §§ 125 og 126 í løgtingslóg nr. 86 frá 1. september 1983 um landsskatt og kommunuskatt hevur Føroya landsstýri fyrisett:

    § 1. Ein skrá verður gjørd yvir teir persónar, feløg og felagsskapir v.m., sum eru ávísingarskyldugir eftir 6. kapitli í lóg um landsskatt og kommunuskatt. Líkningarráð Føroya stovnar og umsitur skránna, sum verður nevnd arbeiðsgevaraskráin.
    2. stk. Fyri partafeløg er serstakliga galdandi, at hesi uttan mun til ávísingarskyldu annars verða tikin við í arbeiðsgevaraskránni. Tað í § 4 í hesi kunngerð nevnda arbeiðsgevaratal verður samstundis skrásetingartal hjá tí einstaka felagnum í skattaskránni.

    § 2. Øll, sum tann 15. november 1983 lúka treytirnar fyri at vera ávísingarskyldug samb. 6. kapittul í lógini, skulu lata seg skráseta í seinasta lagi hin 1. december 1983. Eru nevndu treytir loknar seinri enn 16. november 1983, skal skrásetingin fremjast í seinasta lagi 8 dagar aftan á, at treytirnar eru loknar. Skrásetingin skal tó í øllum førum verða framd í so góðari tíð, at tað í § 4 í hesi kunngerð nevnda arbeiðsgevaratal kann verða tillutað ávísingarskylduga, áðrenn A-inntøka fyrstu ferð verður ávíst gjøgnum afturhaldsskipanina.

    § 3. Hin ávísingarskyldugi skal, tá ið hann verður skrásettur, siga frá navni virkisins og bústaðnum, haðani virkið verður rikið.
    2. stk. Eisini skal verða sagt frá, um virkið verður rikið sum einstaklingafyritøka, íognarfelag, partafelag, felagsskapur, ella hvør virkishátturin annars er. Vinnugreinin skal somuleiðis tilskilast og navn og bústaður hjá møguligum høvuðsvirki. Verður virkið rikið av einum ella fleiri eigarum, skal føðingardagur (persónstal), navn og bústaður hjá hvørjum sær tilskilast. Er ein ella fleiri av ábyrgdarpersónunum ein juridiskur persónur, skal arbeiðsgevaratalið hjá viðkomandi tilskilast. Partafeløg og felagsskapir v.m. skulu siga frá, hvør heimakommunan er hjá felagnum ella felagsskapinum. Partafeløg skulu harumframt siga frá tí tali, sum tey eru skrásett við í partafelagsyvirlitinum.
    3. stk. Nýtir hin ávísingarskyldugi annað roknskaparár enn álmanakkaárið, skal hetta tilskilast. Nýstovnað partafeløg skulu harumframt tilskila fyrsta roknskaparskeið felagsins.
    4. stk. Fráboðan um broytingar, sum henda aftaná at skrásetingin er send arbeiðsgevaraskránni, og somuleiðis fráboðan um, at ávísingarskyldan heldur uppat, skal sendast líkningarráðnum innan 14 dagar.

    § 4. Tá ið skrásetingin er farin fram, fær hin ávísingarskyldugi eitt arbeiðsgevaratal í arbeiðsgevaraskránni. Ein ávísingarskyldugur kann fáa fleiri arbeiðsgevaratøl, um virkið hevur fleiri deildir við hvørjum sínum serskildum roknskapi. Aftaná at vera skrásettur fær hin ávísingarskyldugi eitt skrásetingarskjal, sum vísir, hvussu hann er skrásettur, og sigur frá tí arbeiðsgevaratali, sum honum er tillutað. Broytingar v.m. samb. § 3, 4. stk. føra við sær, at nýtt skrásetingarskjal verður latið hinum ávísingarskylduga.

    § 5. Landsstýrið kann í samráð við Líkningarráð Føroya áseta aðrar neyðugar reglur í samband við stovnan og umsitan av arbeiðsgevaraskránni.

    § 6. Føroya Landsstýri ásetir støddina á teimum í § 126 í lógini nevndu dagligu sektunum í teimum førum, tá ið ein ávísingarskyldugur ber seg undan at gera eftir teimum reglum, sum nevndar eru frammanfyri.

    § 7. Verða ásetanirnar í §§ 2, 3 og 5 ikki hildnar, kann sekt verða áløgd, um mett verður, at tað er gjørt við vilja ella av stórum gáloysni, jbr. § 148 í lógini.

    Nr. 110/1983 At lóg nr. 86 frá 1/9 1983 um landsskatt og kommunuskatt kemur í gildi

    Kunngerð nr. 110 frá 16. desember 1983

    um at løgtingslóg nr. 86 frá 1. september 1983 um landsskatt og kommunuskatt kemur í gildi

    Við heimild í § 160 í løgtingslóg nr. 86 frá 1. september 1983 um landsskatt og kommunuskatt hevur landsstýrið fyrisett:

    Løgtingslóg nr. 86 frá 1. september 1983 um landsskatt og kommunuskatt (samtíðarskattalógin) kemur í gildi 1. apríl 1984.

    Nr. 1/1984 Lønarroknskap v.m. eftir løgtingslóg um samtíðarskatt

    Kunngerð nr. 1 frá 05.01.1984

    um lønarroknskap v.m. eftir løgtingslóg um samtíðarskatt

    Við heimild í § 125 í løgtingslóg nr. 86 frá 1. september 1983 um landsskatt og kommunuskatt hevur landsstýrið fyrisett:

    § 1. Ávísingarskyldugur sbrt. 6. kapittul í samtíðarskattalógini skal bóka hvørja ávísing av A-inntøku.
    2. Stk. Ávísingarskyldugi skal harumframt bóka tær upphæddir, sum verða útgoldnar, sbrt. § 29, 7. stk. í samtíðarskattalógini og mótkrøv arbeiðsgevarans mótvegis løntakaranum.
    3. Stk. Bókingin skal verða gjørd antin í serstakari roknskaparbók, sum Líkningarráð Føroya hevur gjørt og eftir teimum í hesari bók fyriskrivaðu reglum, ella á serstakar konti í vanliga bókhaldinum hjá ávísingarskylduga eftir reglunum, sum nevndar eru í § § 3 og 6.

    § 2. Verður roknskaparbók nýtt, skal hon saman við skjølum verða goymd í 5 ár frá endanum av tí álmanakkaári, tá ið hin seinasta bókingin er gjørd.
    2. Stk. Um ávísingarskyldugur nýtir roknskaparbók, so skerjir hetta ikki bókhalds- og roknskaparskyldu hansara eftir aðrari lóggávu.

    § 3. Ávísingarskyldugur, ið annars eisini hevur bókhald, kann velja, um hann ger eina serstaka konto fyri A-inntøku í bókhaldinum. Velur hann hetta, verður farið fram á henda hátt:
    Hvør ávísing av A-inntøku eftir § 60 í samtíðarskattalógini verður bókað á serstaka konto nevnd: "Konto fyri A-inntøku".
    2. Stk. Kemur tað fyri, at ikki skattskyldugar veitingar verða latnar samb. § 29, 7. stk. í skattalógini, ella at ávísingarskyldugi mótroknar egin krøv, skal hetta bókast á serstakar konti í bókhaldinum.
    3. Stk. Á teimum í 1. og 2. stk. nevndu konti mugu bert bókast upphæddir av tí slagi, sum har eru nevndar. Møguligar rættingar av fyrr bókaðum upphæddum mugu bert gerast sum mótbókingar ella við at strika út.

    § 4. Ávísingarskyldugir, sum velja at bóka A-inntøku, ikki skattskyldugar veitingar og mótkrøv í teirra vanliga bókhaldi, smbr. § 3. skulu fyri hvønn einstakan løntakara, sum fær A-inntøku, eisini hava eina sundurgreining við upplýsingum um persónsnummar, navn og bústað hjá hvørjum løntakara sær, og harumframt upplýsingar um hvørja ávísan av A-inntøku sær. Sundurgreiningin skal harumframt geva upplýsingar um útgoldnar, ikki skattskyldugar veitingar og um mótkrøv arbeiðsgevarans mótvegis løntakaranum.
    2. Stk. Tær í 1. stk. nevndu sundurgreiningar skulu bókast framhaldandi og soleiðis, at tær bókaðu upphæddirnar altíð kunnu verða taldar saman. Tá ið álmanakkaárið er at enda, verður talt saman og samanløgd A-inntøka, ikki skattskyldugar veitingar og mótkrøv verða skrivað upp.
    3. Stk. Fyri hvørja ávísing sær av A-inntøku skal ávísingarskyldugi skrivliga siga hvørjum løntakara frá:
    Navni, bústaði, arbeiðsgevaratali hjá ávísingarskylduga, navni, bústaði og persónsnummari hjá avvarðandi løntakara, lønarskeiði, brutto A-inntøku, ikki skattskyldugum veitingum og mótkrøvum.

    § 5. Velur ávísingarskyldugi at bóka A-inntøku, ikki skattskyldugar veitingar og mótkrøv í vanliga bókhaldinum eftir frammanfyri nevndu reglum, kann skattavaldið krevja, at bókingin og tær í § 4 nevndu bókingar, eftir nærri tilskilaðari tíðarfreist, sum í minsta lagi er 14 dagar, eru førdar til dags og eftirroknaðar til endan av tí mánaði, sum liggur frammanfyri mánaðin, tá ið kravið varð sett.

    § 6. Ávísingarskyldugur, sum bókar A-inntøku, ikki skattskyldugar veitingar og mótkrøv í sínum vanliga bókhaldi, skal goyma roknskaparbøkur, leysbløð, kontokort e.l. og annars skjølini til bókhaldið í 5 ár aftaná at roknskaparárið er at enda.

    § 7. Líkningarráð Føroya kann í serligum førum víkja frá teimum krøvum, sum í hesari kunngerð eru sett til bókhaldið.

    § 8. Brot á hesa kunngerð verður revsað við bót eftir § 148 í lógini, um so er at brotið eftir lóggávuni annars ikki hevur við sær hægri straff.

    § 9. Henda kunngerð kemur í gildi 1. apríl 1984.

    Nr. 109/2001 Lesandi og lærlingar uttanlands

    Kunngerð nr. 109 frá 5. juli 2001

    um lesandi og lærlingar uttanlands

    Við heimild í § 1, nr. 3 í løgtingslóg nr. 86 frá 1. september 1983 um landsskatt og kommunuskatt, sum m.a. broytt við løgtingslóg nr. 168 frá 30. desember 1997, verður ásett:

    § 1. Lesandi og lærlingar uttanlands, sum áðrenn lestur ella læru hava havt fastan bústað í Føroyum í minst 4 ár, eru sambært § 1, nr. 3 í lógini fult skattskyldug í Føroyum.

    § 2. Við lesandi og lærlingar eftir § 1 er at skilja persónar, sum fara uttanlands í lestrar- ella útbúgvingarørindum við t.d. lærdan háskúla, skúla innan handil og ídnað, sjóvinnu, landbúnað, handverk, flogvinnu, sjúkrarøkt ella tænastuvinnu.

    § 3. Fyri at koma undir hesar reglur, skal viðkomandi persónur lata Toll- og Skattstovu Føroya upplýsingar um útbúgvingina, útbúgvingarstað og ásetta lestrartíð og altíð kunna vátta, at ein framhaldandi er undir útbúgving. Upplýsingar um broytingar í útbúgvingini, t.d. um persónur gevst við útbúgvingini ella skift verður til aðra útbúgving, skulu eisini latast Toll- og Skattstovu Føroya.

    § 4. Henda kunngerð kemur í gildi dagin eftir, at hon er kunngjørd, og hevur virknað frá 1. januar 2001. Samstundis fer kunngerð nr. 15 frá 19. Juli 1989 frá Líkningarráð Føroya um lesandi og lærlingar uttanlands úr gildi.

    Fíggjarmálastýrið, 5. juli 2001

    Karsten Hansen (sign.)
    landsstýrismaður
    / Petur Alberg Lamhauge (sign.)

    Nr. 86/1999 Skattafrælsi í sambandi við vælgerandi arbeiði

    Kunngerð nr. 86 frá 19. oktober 1999

    um skattafrælsi í sambandi við vælgerandi arbeiði

    Við heimild í § 3, stk. 4 í løgtingslóg nr. 86 frá 1. september 1983 um landsskatt og kommunuskatt sum broytt við m.a. løgtingslóg nr. 101 frá 29. desember 1998, verður ásett:

    Persónar

    § 1. Veitt kann verða persóni skattafrælsi, sum hevur inntøku, ið stavar frá kirkjuligum ella manngóðum endamáli, og sum hevur skattskyldu sambært § 1, nr. 2 í skattalógini.
    Stk. 2. Veitast kann skattafrælsi fyri 75% av miðal bruttománaðarlønini seinastu 36 mánaðirnar, tó í minsta lagi 108.000 kr. um árið. Hevur persónurin ikki havt inntøku síðstu 36 mánaðirnar, kann skattafrælsa upphæddin í mesta lagi verða 108.000 kr. árliga.
    Stk. 3. Toll- og Skattaráð Føroya kann í serligum førum gera undantak frá regluni í stk. 2.

    Feløg og stovnanir v.m.

    § 2. Veitast kann feløgum og stovnanum v.m., sum nevnd eru í § 1, nr. 9, 10 og 14 í skattalógini fult ella partvíst skattafrælsi, um so er, at inntøkan eftir viðtøkum teirra einans skal verða nýtt til alment góðgerin ella kirkjulig, manngóð, listarlig, vísindalig ella tílík endamál.
    Stk. 2. Peningur, sum tey í stk. 1 nevndu feløg og stovnanir v. m. seta inn á peningastovnskonto, og sum er ætlaður til at nýta til tey í stk. 1 nevndu endamál, verður roknaður fyri at vera nýttur til hesi endamál í innsetingarárinum.

    Roknskaparhald o.a.

    § 3. Tey í § 2, stk. 1 nevndu feløg og stovnanir v.m., sum hava fingið játtað fult ella partvíst skattafrælsi, skulu á hvørjum ári lata Toll- og Skattstovu Føroya roknskap saman við sjálvuppgávuni, sum vísir, hvussu vinningurin er nýttur í roknskaparárinum. Roknskapurin skal somuleiðis vísa, um útgjaldingar til persónar er løn til starvsfólk, samsýning til nevndarlimir ella løn fyri annað arbeiði.
    Stk. 2. Fyri at avsetingar ella innskot á konto til skattafræls endamál í roknskaparárinum skulu verða góðkendar, verður kravt, at upphæddin, ið er avsett, er skild burtur úr øðrum ognum hjá tí, sum hevur fingið játtað skattafrælsi og sett á serstaka peningastovnskonto.
    Stk. 3. Tey, sum hava fingið játtað skattafrælsi, skulu á hvørjum ári saman við roknskapinum og sjálvuppgávuni vátta, at avsetingar ikki hoyra til tað vinnuliga virksemið, ella hoyra til annað enn til alment góðgerin ella onnur alment gagnlig endamál.

    Umsóknir

    § 4. Umsóknir um skattafrælsi skulu latast Toll- og Skattaráð Føroya.

    § 5. Saman við umsókn frá persóni skulu hesir upplýsingar latast:

    1. Nøvnini á teimum persónum, sum talan verður um at senda út.
    2. Tíðarskeiðið starvsetanin fevnir um.
    3. Váttan um starvsetanina frá tí, sum umsøkjarin hevur gjørt starvsavtalu við.
    4. Mánaðarliga lønin ella samsýningin.

    Stk. 2. Skattafrælsi fyri inntøku hjá persónum er galdandi í 2 ár. Fer umsøkjarin í hesum tíðarskeiði í vælgerandi arbeiði hjá øðrum felag ella stovni v.m., ella verða broytingar gjørdar í verandi starvssáttmála t.d. um lønarviðurskifti, skal hesin søkja Toll- og Skattaráð Føroya av nýggjum um skattafrælsi.

    § 6. Saman við umsókn frá feløgum og stovnanum v.m. skulu hesir upplýsingar latast:

    1. Galdandi viðtøkur.
    2. Ársroknskapurin fyri seinasta roknskaparskeið frammanundan dagfestingini av umsóknini.

    Stk. 2. Í viðtøkunum hjá teimum í stk. 1 nevndu umsøkjarum, skal vera ásett, hvussu farið skal vera fram, um felagsskapurin verður avtikin. Trygd skal vera fyri, at ognirnar tá fara til endamálini nevnd í § 2, stk. 1.
    Stk. 3. Feløg og stovnanir v.m., sum hava fingið játtað skattafrælsi, skulu í játtanartíðarskeiðinum kunna Toll- og Skattaráð Føroya um allar viðtøkubroytingar og um avtøku av felagsskapinum.

    Gildiskoma

    § 7. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 115 frá 23. november 1994 um skattafrælsi í samband við vælgerandi arbeiði.

    Fíggjarmálastýrið, 19. oktober 1999

    Karsten Hansen (sign.)
    landsstýrismaður
    / Petur Alberg Lamhauge (sign.)

    Nr. 58/1999 Skattafrí endurgjøld til starvandi umborð á flogfari

    Kunngerð nr. 58 frá 7. juni 1999

    um skattafrí endurgjøld til starvandi umborð á flogfari

    Við heimild í § 29, nr. 21 í løgtingslóg nr. 86 frá 1. september 1983 um landsskatt og kommunuskatt sum broytt við m. a. løgtingslóg nr. 101 frá 29. desember 1998, verður ásett:

    Innlendis flogferðsla

    § 1. Niðanfyri tilskilaðu endurgjøld, sum starvandi umborð á flogfari ella tyrlu í innlendis ferðslu fáa útgoldið, sum endurgjald fyri kostnað av hesum starvi, eru ikki skattskyldug:

    Tímapeningur 15,00 kr.
    Fullur dagpeningur 250,00 kr.
    Náttarviðbót (hotel) eftir rokning, tó í mesta lagi 500,00 kr.
    Náttarviðbót, ikki skjalprógvað 230,00 kr.

    2. stk. Er ferðin styttri enn 16 tímar, verður tímapeningur góðtikin fyri hvønn tíma. Er ferðin longri, verður í mesta lagi fullur dagpeningur góðtikin.
    3. stk. Náttarviðbót verður veitt fyri at hava ligið nátt burtur. Náttin verður roknað til 8 tímar.

    Millumlanda flogferðsla

    § 2. Niðanfyri tilskilaðu endurgjøld, sum starvandi umborð á flogfari ella tyrlu í millumlanda ferðslu fáa útgoldið, sum endurgjald fyri kostnað av hesum starvi, eru ikki skattskyldug:

    Danmark
    Dagpeningur 360,00 kr., á heimferðardegi tó 200,00 kr., jbr. tó § 3, stk. 2.
    Náttarviðbót (hotel) eftir rokning, tó í mesta lagi 700,00 kr.
    Náttarviðbót, ikki skjalprógvað 250,00 kr.

    Onnur lond
    Náttarviðbót og dagpeningur sambært reglunum hjá uttanríkisráðnum. Er morgunmatur íroknaður náttarviðbótini, verða drigin 15% frá dagpeninginum.

    Gildiskoma og skiftisregla

    § 3. Henda kunngerð kemur í gildi dagin eftir, at hon er kunngjørd, men er galdandi fyri útgjaldingar, sum eru gjørdar fyri ferðir 1. januar 1998 ella seinni.
    2. stk. Frá 1. januar til 31. desember 1998 er ikki skattskyldugi dagpeningurin í Danmark 460,00 kr. og á heimferðardegi úr Danmark kr. 250,00 kr.

    Fíggjarmálastýrið, 7. juni 1999

    Karsten Hansen (sign.)
    landsstýrismður
    / Petur Alberg Lamhauge (sign.)

    Nr. 57/1999 Serskatting av hjúnum

    Kunngerð nr 57 frá 7.juni 1999

    um serskatting av hjúnum

    Við heimild í § 4, stk. 3 og § 116, stk. 2 í løgtingslóg nr. 86 frá 1. september 1983 um landsskatt og kommunuskatt sum broytt við m.a. løgtingslóg nr. 168 frá 30. desember 1997 verður ásett:

    Vinnuvirki rikið í felag

    § 1. Til uppbýtið av skattskyldugu inntøkunum krevst, at sáttmáli er gjørdur millum hjúnafelagarnar við neyvari útgreining av býti og ábyrgd. Galdandi lóggáva um skráseting og útvegan av loyvisbrævi skal verða lokin.
    2. stk. Sáttmálin skal góðkennast av Toll- og Skattstovu Føroya, áðrenn hann fær gildi fyri býti av inntøkuni millum hjúnafelagarnar. Sáttmálin skal galda frá álmanakkaárs byrjan ella frá tí degi felags vinnuvirkið verður byrjað og kann ikki broytast í álmanakkaárinum. Broytingar í sáttmálanum skulu góðkennast av Toll- og Skattstovu Føroya, og kunnu bert fáa gildi frá einum 1. januar.
    3. stk. Treytin fyri býti av skattskyldugu inntøkuni í samband við at hjún reka vinnuvirkið í felag er somuleiðis, at veruligur felags rakstur er til staðar og at báðir hjúnafelagarnir luttaka í rakstrinum av virkinum.
    4. stk. Verða reglurnar í stk. 1 - 3 ikki loknar, kann uppbýtið av inntøkuni av sjálvstøðugum vinnuvirki hjá hjúnum ikki góðkennast í uppgerðini av skattskyldugu inntøkunum, og verður tann av hjúnafeløgunum, sum ber høvuðsábyrgdina av rakstrinum, settur í skatt av samlaðu inntøkuni í virkinum.
    5. stk. Festibøndur kunnu ikki nýta reglurnar í hesi grein.

    Vinnuvirki rikið av øðrum hjúnafelaganum

    § 2. Sjálvstøðugt vinnuvirki verður roknað at verða rikið av øðrum hjúnafelaganum, um hesin stendur fyri meginpartinum av rakstrinum ella við støði í síni útbúgving ella fakliga førleika hevur ábyrgd av virkseminum.
    2. stk. Um hjúnafelagin rekur virksemi saman við øðrum, skulu reglurnar í galdandi lóggávu um skráseting og útvegan av loyvisbrævi verða loknar.

    § 3. Løn til hjúnafelaga skal ásetast í skrivligum sáttmála millum partarnar, har eisini setanartreytir og arbeiðstíð verður nærri tilskilað. Sáttmálin skal galda frá ársbyrjan ella tí degi hjúnafelagin byrjar at arbeiða og kann ikki broytast í álmanakkaárinum. Sáttmálin skal góðkennast av Toll- og Skattstovu Føroya, áðrenn farið verður at arbeiða fyri lønina.
    2. stk. Lønin kann ikki verða hægri enn tað, sum svarar til galdandi kollektiva sáttmála á arbeiðssmarknaðinum. Tá serligar umstøður eru, kann lønin tó verða upp til 15% hægri, enn galdandi er fyri sáttmálaøkið.
    3. stk. Har eingin sáttmáli finnst á arbeiðsmarknaðinum fyri avvarandi arbeiði, kann skattavaldið áseta lønina svarandi til veruliga virðið av arbeiðsavrikinum. Lønin kann tó í mesta lagi verða kr. 150.000 um árið fyri eitt ársverk.
    4. stk. Tá metast skal um virðið av arbeiðinum, verður støðið tikið í útbúgving, fakligum fortreytum og royndum hjá avvarandi persóni umframt ta samsýning, sum viðkomandi kundi fingið fyri samsvarandi arbeiði aðrastaðni, smb. stk. 3.
    5. stk. Um festibóndi, tað er hann sum er festari sambært festibrævið, ynskir at rinda løn til hjúnafelaga, sum arbeiðir á festinum, skulu reglurnar í hesi grein nýtast.

    § 4. Frádráttur fyri løn til hjúnafelaga verður loyvdur frá tí degi, treytirnar í § 3 eru loknar, og starvssáttmáli er undirskrivaður av pørtunum og góðkendur av skattavaldinum.
    2. stk. Lønin til hjúnafelaga er A-inntøka, og skal ávísast um afturhaldsskipanina.

    Inntøka av ogn

    § 5. Inntøka av ogn, sum ikki verður mett sum sjálvstøðugt vinnuvirki, herundir leiga, rentur, vinningsbýti v.m. verður tikin við í uppgerðina av skattskyldugu inntøkuni hjá tí hjúnafelaga, sum er eigari sambært galdandi lóggávu.
    2. stk. Eiga hjúnafelagar slíka ogn í felag er útgangsstøðið javnbýti av skattskyldugu inntøkuni.

    Ognaruppgerð

    § 6. Hjúnafelagar, sum koma undir ásetingarnar í § 1 og § 5, lata inn hvør sína ognaruppgerð við árs enda og taka hvør sær ognir sínar við í ognaruppgerðini.

    Gildiskoma

    § 7. Henda kunngerð kemur í gildi dagin eftir, at hon er kunngjørd. Samstundis fer úr gildi kunngerð nr. 5 frá 13. januar 1999 um serskatting av hjúnum.

    Fíggjarmálastýrið, 7. juni 1999

    Karsten Hansen (sign.)
    landstýrismaður
    / Petur Alberg Lamhauge (sign.)

    Nr. 48/1985 Ásetan av dagligari sekt sambært samtíðarskattalógini

    Kunngerð nr. 48 frá 21. juni 1985

    um ásetan av dagligari sekt samb. samtíðarskattalógini

    Við heimild í kap. 12 í løgtingslóg nr. 86 frá 1. september 1983 um landsskatt og kommunuskatt (samtíðarskattalógin) hevur landsstýrið fyrisett:

    § 1. Samb. § 125, 2. og 3. stk. í samtíðarskattalógini hevur líkningarráðið eftirlit við, at teir ávísingarskyldugu halda tær skyldur, sum lógin áleggur teimum. Hin ávísingarskyldugi hevur í hesum føri skyldu til at geva upplýsingar um, nær ávísingarskyldan byrjar og nær hon heldur uppat, at geva upplýsingar um bústaðarbroytingar, og uttan mun til at hin ávísingarskyldugi er skyldugur at føra roknskap ella ikki, eftir áheitan at lata líkningarráðið kanna alt roknskapartilfar á staðnum, ella at senda tað inn til líkningarráðið til kanningar.
    2. stk. Sambært § 120, 1. stk. í samtíðarskattalógini hava somuleiðis øll almenn vald og stjórnir fyri pengingastovnar, feløg, tryggingarvirkir, felagsskapir, stovnar, gávufægrunnar og aðrar stovnar, skyldu til eftir áheitan at lata líkningarráðnum allar tær upplýsingar, ið kunnu vera til leiðbeining í starvi ráðsins.

    § 2. Ber viðkomandi seg undan at gera eftir krøvunum í § 1 í hesi reglugerð, kann landsstýrið við heimild í § 125, 4. stk. og § 126 í samtíðarskattalógini áleggja dagliga sekt.

    § 3. Landsstýrið ásetir dagligu sektina til 300 kr. at rokna frá degnum aftaná at freistin í áheitanini er gingin út, og tá eingin avtala er gjørd um at leingja hesa. Er ikki gjørt eftir áheitan líkningarráðsins innan 14 dagar eru farnir frá at sektin varð áløgd, hækkar sektin til 500 kr. at rokna frá degnum aftaná at 14 dagar eru farnir síðan sektin av fyrstan tíð varð áløgd. Dagliga sektin heldur fram til umbidna tilfarið er ráðnum í hendi.

    § 4. Tá viðkomandi hevur fingið boð um, at sektin er áløgd samb. § 3 hevur hann skyldu til, fyri hvørjar 14 dagar, farið er út um tann dag, tá sektin varð áløgd at inngjalda til Føroya Gjaldstovu, sektarupphæddina fyri farnu dagarnar. Er sektin ikki goldin rættstundis, verður hon kravd inn við panting samb. § 135, 3. stk. í samtíðarskattalógini.

    § 5. Tá fýra vikur eru farnar frá, at freistin gekk út at gera eftir krøvunum í § 1 í hesi kunngerð, verður farið fram eftir ásetanunum í § 125, 5. stk. í samtíðarskattalógini, har sagt verður, at landsstýrið hevur heimild at krevja, at løgreglan hjálpir skattavaldinum at fáa til vega umbidna tilfarið frá ávísingarskylduga.

    § 6. Landsstýrið heimilar við hesum Líkningarráð Føroya sum heild at nýta ásetanirnar í hesi kunngerð í teimum førum, tá ikki verður gjørt eftir reglunum í § 1.

    § 7. Henda kunngerð kemur í gildi beinanvegin.

    Nr. 98/1987 Uppgerð av skattligu eginnýtsluni

    Kunngerð nr. 98 frá 14. desember 1987

    um uppgerð av skattligu eginnýtsluni

    Við heimild í § 31, 3. stk. í løgtingslóg nr. 86 frá 1. september 1983 um landsskatt og kommunuskatt við seinni broytingum hevur landsstýrið fyrisett:

    § 1. Tann skattliga uppgerðin av eginnýtsluni sambært § 31, 2. stk. verður gjørd óbeinleiðis við støði í inntøku- og ognargongdini í árinum.
    2. stk. Skattliga eginnýtslan kann tó verða uppgjørd beinleiðis, um ársroknskapurin hjá tí skattskylduga fevnir um allar inntøkur og útreiðslur og alla ogn og skuld við byrjan og enda inntøkuársins, og um roknskapurin kann verða lagdur til grund fyri skattaálíkningini.
    3. stk. Tann í 1. stk. umrødda uppgerð verður gjørd sambært hesari meginreglu:

    1. Afturat eginognini við ársbyrjan verður lagt:
      a. skattskylduga inntøkan.
      b. ognarvøkstur, sum ikki er við í skattskyldugu inntøkuni.
      c. upphæddir, sum eru drignar frá, tá ið tann skattskyldugainntøkan verður uppgjørd, men sum ikki hava minkað um ognina, og
      d. ikki skattdskyldugur ognarvøkstur orsakað av virðisbroytingum av ognini.
    2. Frá samlaðu upphæddini undir pkt. 1 verður drigið:
      a. ognarminking, sum ikki er drigin frá, tá ið tann skattskylduga inntøkan verður uppgjørd, men sum ikki kann roknast við í eginnýtsluna.
      b. skattskyldug inntøka, sum ikki hevur økt um ognina.
      c. ognarminking orsakað av virðisbroytingum av ognini, men sum ikki kann dragast frá, tá ið tann skattskylduga inntøkan verður gjørd upp,
      d. eginogn við árs enda.

    § 2. Tá ið skattliga eginnýtslan hjá hjúnum, sum eru samskattað við enda inntøkuársins, verður uppgjørd, verður samlaða inntøka teirra fyri alt inntøkuárið og ogn og skuld við ársbyrjan og enda tikin við. Reglan er eisini galdandi fyri persón, sum í beinleiðis sambandi við at hin hjúnafelagin doyr, velur at sita í óskiftum búgvi.
    2. stk. Við uppgerðini av skattligu eginnýtsluni hjá persóni, har samskattingin við hjúnafelagan er hildin uppat hjá í inntøkuárinum, antin tí hann er sundurlisin, skildur ella felagsbúgvið verður skift í beinleiðis sambandi við andlátið, verður inntøkan hjá hjúnafelagnum ikki tikin við.
    3. stk. Við uppgerðini av skattligu eginnýtsluni, tá endalig álíkning verður gjørd hjá persóni, sum er deyður í inntøkuárinum, samanber § 14 í samtíðarskattalógini, verður inntøkan hjá eftirsitandi hjúnafelaga ikki tikin við.
    4. stk. Um bæði tann skattskyldugi og hjúnafelagin í teimum í 2. og 3. stk. nevndu førum hava gjørt avskrivingar og lagt í íløgugrunn, sum umrøtt er í § 33, 2. stk. í samtíðarskattalógini, kann skattliga eginnýtslan hjá hjúnunum verða uppgjørd undir einum, um tey, ávikavist eftirsitandi hjúnafelagin og búgvið, eru samd um henda uppgerðarháttin.

    § 3. Henda kunngerð fær gildi frá og við inntøkuárinm 1987.

    Nr. 5/1988 Uppgerð av vørugoymslu

    Kunngerð nr. 5 frá 8. januar 1988

    um uppgerð av vørugoymslu

    Við heimild í § 26, 3. stk. í løgtingslóg nr. 86 frá 1. september 1983 um landsskatt og kommunuskatt við seinni broytingum hevur Líkningarráð Føroya fyrisett:

    § 1. Tá ið inntøka verður gjørd upp til skattingar, kunnu persónar, deyðsbúgv, feløg o. fl. sambært § 26, 3. stk. í løgtingslóg nr. 86 frá 1. september 1983 um landsskatt og kommunuskatt velja at virðismeta vørur, eitt nú:

    • lidnar vørur
    • hálvlidnar vørur
    • ráevni
    • pakkitilfar
    • brenniolju/kol
    • smyrjiolju
    • salt
    • lutir til viðlíkahald/nýgerð (um tað, sum liggur á goymslu, er meira enn vanligt er), sum teir hava ognarrætt til og ræði á tann dagin, sum fíggjarstøða verður gjørd, soleiðis:
      • Dagsvirði.
      • Kostvirði.

    § 2. Dagsvirðið á keyptum vørum er keypsvirðið, íroknað farmagjald, toll og koyring v.m., tann dagin, sum fíggjarstøðan verður gjørd upp.

    § 3. Kostvirðið á keyptum vørum er keypsvirðið við farmagjaldi, tolli, koyring v.m. løgdum afturat.

    § 4. Vørur, sum verða framleiddar á egnum virki, skulu virðisásetast til beinleiðis útreiðslur so sum tilfar, herundir eisini pakkitilfar, lønir og orkunýtslu. Herumframt kunnu óbeinleiðis útreiðslur so sum umsiting, húsaleiga, avskrivingar v.m. eisini verða roknaðar uppí. Kunnu óbeinleiðis útreiðslur ikki verða staðfestar í kostnaðarbýtisroknskapi, kunnu tær verða mettar.

    § 5. Vinningur má ongantíð takast við í goymsluvirðið.

    § 6. Tá ið vørur á goymslu verða virðismettar, kann goymslan býtast í vørubólkar, og kann hvør vørubólkurin virðismetast eftir frammanfyristandandi uppgerðarhættum. Sami uppgerðarhátturin skal nýtast fyri hvønn vørubólkin sær.

    § 7. Loyvt er at rokna seg fram til dagsvirðið/kostvirðið við fyrst at gera goymsluna upp til útsøluprís og síðani lækka hetta virðið við útroknaðum bruttovinningi/skiftisavlopi.

    § 8. Vørur á goymslu, ið ikki longur kunnu seljast við vinningi orsakað av nýggjum móta, nýggjum teknikki, broyttum sniði, príslækking, restandi góðsku, skaða, mangul og tað, at vøran verður ikki longur framleidd, verða mettar sum illa seljandi.
    Hesar vørur skulu setast til tað virðið, sum tær ætlandi kunnu seljast fyri tann dagin, fíggjarstøða verður gjørd. Um útreiðslur standast av at selja hesar vørur, skulu hesar beinleiðis søluútreiðslurnar dragast frá í søluuppgerðini.
    Illa seljandi vørur kunnu, um tær liggja longi á goymslu, eisini verða virðismettar til niðanfyri standandi prosentir av tí virði, ið vørurnar vóru virðismettar til við byrjan av roknskaparárinum:
    Útveganarvirðið 100% 1. árið 50% 2. árið 25% 3. árið 0%

    § 9. Goymsluvirðið tann dagin, fíggjarstøða er gjørd, skal verða nýtt við ársbyrjan árið eftir.

    § 10. Sambært § 12, 3. stk. í kunngerð um minstukrøv til roknskap v.m. frá 28. november 1978 skulu vørur á goymslu við roknskaparársins enda verða taldar upp og skrivaðar á uppteljingarlista. Hvør vøra sær skal verða skrivað upp, fyri at tað skal verða lætt at finna hana aftur á listanum , um tað gerst neyðugt. Verður roknskapur førdur yvir vørur á goymslu, so kann vøruteljing fara fram aðra tíð á árinum, enn tá ið roknskaparárið endar.
    Vørur, ið eru illa seljandi (ókurantar), skulu teljast upp og setast á uppteljingarlista fyri seg. Vísast skal á uppteljingar- listanum, hvussu stórt tapið væntandi verður á hvørjari einstakari vøru og orsøkina til væntaða tapið.

    § 11. Henda kunngerð fær gildi fyri roknskaparár, ið enda 1. februar 1988 ella seinni.

    Nr. 9/1989 At ymiskar ásetanir í lóg um landsskatt og kommunuskatt koma í gildi

    Kunngerð nr. 9 frá 16. februar 1989

    um at ymiskar ásetanir í løgtingslóg um broyting í løgtingslóg um landsskatt og kommunuskatt koma í gildi

    Við heimild í § 2, stk. 1, 2. punktum í løgtingslóg nr. 49 frá 26. mai 1988 um broyting í løgtingslóg um landsskatt og kommunuskatt hevur landsstýrið fyrisett:

    § 1. Reglurnar í § 1, pkt. 20 til 31 í løgtingslóg nr. 49 frá 26. mai 1988 verða við hesum settar í gildi.

    § 2. Henda kunngerð kemur í gildi dagin eftir at hon er kunngjørd.

    Nr. 88/1994 Upplýsingarskyldu samb. skattalógini viðv. rentum v.m.

    Kunngerð nr. 88 frá 30. mai 1994

    um upplýsingarskyldu sambært skattalógini viðvíkjandi rentum v.m.

    Við heimild í § 120 b, c, e, h, og j í løgtingslóg nr. 86 frá 1. september 1983 um landsskatt og kommunuskatt við seinni broytingum, hevur landsstýrið fyrisett:

    1. kapittul
    Kontohavari, ið er búsitandi í Føroyum ella hevur verið her longri enn 3 mánaðir.

    § 1. Bankar, sparikassar, postgirostovan og onnur, sum taka móti innláni til renting sambært § 120 b, og sum eru upplýsingarskyldug eftir hesi grein, skulu í samband við skattaálíkningina á hvørjum ári uttan at biðið verður um tað, lata Toll- og skattstovu Føroya upplýsingar um upphædd av latnum ella góðskrivaðum rentum til teir einstøku kontohavararnar í árinum frammanundan og upphædd av tí innistandandi við árslok í árinum frammanundan.
    Stk. 2. Upplýsingar sum verða latnir eftir stk. 1 skulu innihalda hesar upplýsingar:

    1. Kontoheiti, navn á tí, sum eigur kontoina, bústað, persóntal ella arbeiðsgevaratal/virkistal,
    2. upphædd av latnum ella góðskrivaðum rentum í árinum frammanundan av konto undir punkt 1,
    3. upphædd av innistandandi á konto undir punkt 1 við árslok í árinum frammanundan.

    Stk. 3. Um persónur hevur fleiri konti sambært stk. 2, skulu upplýsingar hesum viðvíkjandi verða samantengdar við persóntali ella virkistali.
    Stk. 4. Upplýsingar sambært stk. 2, skulu av tí upplýsingarskylduga latast Toll- og skattstovu Føroya innan 20. januar á hvørjum ári.
    Stk. 5. Tann upplýsingarskyldugi skal geva kontohavaranum boð um stødd á teimum upphæddum, sum skulu fráboðast eftir stk. 2, og skal fráboðan til kontohavaran gerast innan 1. februar í árinum aftaná tað álmanakkaárið, sum upplýsingarnar viðvíkja.

    § 2. Bankar, sparikassar, postgirostovan, Føroya Ídnaðargrunnur, Færøernes Realkreditinstitut, Jarðargrunnurin, Menningargrunnur Ídnaðarins, P/f Húsalán, tryggingarstovur og onnur, sum sjálvi læna út pening í móti renting sambært § 120 h, og sum eru upplýsingarskyldug eftir hesi grein, skulu í samband við fyribilsálíkningina og skattaálíkningina á hvørjum ári, uttan at biðið verður um tað, lata Toll- og skattstovu Føroya upplýsingarnar nevndar í stk. 2.
    Stk. 2. Hin upplýsingarskyldugi eftir stk. 1, skal fyri tað einstaka lánið upplýsa:

    1. navn á lántakara, bústað, persóntal ella arbeiðsgevaratal/virkistal,
    2. slag av láni ella kontoheiti,
    3. tilskrivaðar ella falnar rentur,
    4. provisiónir v.m.
    5. skuld pr. 31. desember,
    6. mettar rentur í inntøkuárinum.

    Stk. 3. Um persónur hevur fleiri konti sambært stk. 2, skulu upplýsingar hesum viðvíkjandi verða samantengdar við persóntali ella virkistali.
    Stk. 4. Upplýsingar sambært stk. 2, skulu av tí upplýsingarskylduga latast Toll- og skattstovu Føroya innan 20. januar á hvørjum ári. Upplýsingar sambært § 2, stk. 2, nr. 6, skulu harumframt av upplýsingarskylduga á hvørjum ári latast Toll- og skattstovu Føroya í seinasta lagi 20. juli fyri inniverandi ár.
    Stk. 5. Tann upplýsingarskyldugi skal innan 1. februar í árinum aftaná álmanakkaárið, sum upplýsingarnar eftir stk. 2 viðvíkja, boða lántakaranum frá um tær til Skattstovuna fráboðaðu og innlatnu upplýsingarnar.

    § 3. Bankar, sparikassar og onnur, sum taka ímóti pantibrøvum við panti í fastari ogn í varðveitslu til at umsita sambært § 120 j, skulu í samband við skattaálíkningina á hvørjum ári, uttan at biðið verður um tað, lata Toll- og skattstovu Føroya upplýsingar til sannan av ávikavist lántakara og goymsluhavara umframt upplýsingar um lánið sum nevnt í stk. 2.
    Stk. 2. Upplýsingar sum verða latnir eftir stk. 1 skal fyri tann einstaka lántakaran og goymsluhavaran upplýsa:

    1. Navn konto- ella goymsluhavarans, bústað, persóntal ella arbeiðsgevaratal/virkistal,
    2. tilskrivaðar ella gjaldkomnar rentur,
    3. restskuld pr. 31. desember og
    4. áljóðandi virði av restskuld pr. 31. desember.

    Stk. 3. Upplýsingar sambært stk. 2, skulu av tí upplýsingarskylduga latast Toll- og skattstovu Føroya innan 20. januar á hvørjum ári.
    Stk. 4. Tann upplýsingarskyldugi skal innan 1. februar í árinum aftaná tað álmanakkaárið, sum upplýsingarnar eftir stk. 2 viðvíkja, fráboða lántakaranum og goymsluhavaranum um teir til Skattstovuna latnu upplýsingarnar.

    § 4. Tann, sum stovnar konto, sbr. § 120 b og § 120 h, ella goymslu ella letur inn pantibrøv við panti í fastari ogn í varðveitslu til at umsita, sbr. § 120 j, skal til tann upplýsingarskylduga upplýsa:

    1. Navn konto- ella goymsluhavarans ella navn á tí, ið eigur pantibrævið,
    2. bústað,
    3. persóntal ella arbeiðsgevaratal/virkistal, ella
    4. aðrar upplýsingar sum eru neyðugar fyri at vita, hvør kontohavarin ella goymsluhavarin er.

    Stk. 2. Upplýsingar sambært stk. 1 um verandi konti, skulu latast upplýsingarskylduga í seinasta lagi 1. mars 1994.
    Stk. 3. Eru fleiri ánarar til eina konto, skal persón- ella arbeiðsgevaratal/virkistal hjá hvørjum einstøkum skrásetast.
    Stk. 4. Feløg ella onnur, sum hvørki hava persón- ella arbeiðsgevaratal, skulu upplýsa persón- ella arbeiðsgevaratal/virkistal hjá formanninum ella øðrum heimilaðum persóni.
    Stk. 5. Kontohavarin skal beinanvegin boða upplýsingarskylduga frá broytingum í navni, bústaði, persóntali ella øðrum sambært stk. 1-4.

    § 5. Tá ið upplýsingar sambært § 4 verða latnar, skal frumrit ella váttað avrit av samleikaprógvi vísast. Góðkend samleikaprógv eru t.d. pass, persóntalkort, sjúkrakassabók ella førarabræv.
    Stk. 2. Verða upplýsingarnar sendar, skal eitt av teimum í stk. 1 góðkendu samleikaprógvum fylgja við.

    § 6. Reglurnar í § 1-5 eru eisini galdandi fyri deyðsbúgv og trotabúgv, viðgjørd í Føroyum.

    2. kapittul
    Kontohavarar, ið búgva ella hava tilhald uttanlands

    § 7. Persónur, ið ikki er búsitandi í Føroyum ella ikki hevur verið her longri enn 3 mánaðir, skal tá ið hann vil stovna konto í peningastovni lata upplýsingar sambært § 4.
    Stk. 2. Reglurnar um samleikaprógv v.m. í § 5 eru samsvarandi galdandi.
    Stk. 3. Um persónur ikki lýkur treytirnar viðvíkjandi persóntali í § 4 fyri at stovna konto, skal hann upplýsa navn, føðingardag og bústað.

    § 8. Stovnar, feløg v.m., ið ikki hava heimstað í Føroyum og sum vilja stovna konto í peningastovni, skulu lata upplýsingar sambært § 4 ella § 7.
    Stk. 2. Reglurnar um samleikaprógv v.m. í § 5 eru samsvarandi galdandi, samanber § 7.
    Stk. 3. Reglurnar í stk. 1 og 2 eru samsvarandi galdandi fyri deyðsbúgv og trotabúgv v.m., ið ikki verða viðgjørd í Føroyum.

    3. kapittul
    Útlendsk umboð v.m.

    § 9. Konti hjá persónum, sum eru nevndir í § 3, stk. 1, litra a), b), c), e) og f) í skattalógini, eru undantiknar reglunum í hesi kunngerð.

    § 10. Brot á hesa kunngerð verða sektað sambært § 120 l í skattalógini.

    § 11. Henda kunngerð fær gildi dagin eftir, at hon er kunngjørd.
    Stk. 2. Reglan í § 1 í hesi kunngerð, sbr. eisini § 120 b í skattalógini, fær gildi fyri rentur av konti í peningastovnum v.m., tilskrivaðar ella góðskrivaðar aftaná 31. desember 1993 og fyri seinni ár, somuleiðis fyri innistandandi á somu konti pr. 31. desember 1993 og seinni ár. Reglan um upplýsingarskyldu fær fyrstu ferð gildi fyri rentur, sum verða tilskrivaðar ella góðskrivaðar aftaná 31. desember 1993, og skal fráboðan um hesar rentur fráboðast Toll- og skattstovu Føroya fyrstu ferð innan 20. januar 1995. Fráboðan um innistandandi pr. 31. desember 1993 skal fyrstu ferð latast Toll- og Skattstovu Føroya í 1994. Fyri seinni ár verður upplýst Skattstovuni eftir reglunum í skattalógini, sbr. § 1, 4. stk., § 2, 4. stk. og § 3, 3. stk. í hesi kunngerð.
    Stk. 3. Skyldan at geva Toll- og skattstovu Føroya upplýsingar um lán og pantibrøv, sum eru sett í goymslu, sbr. §§ 2 og 3 í hesi kunngerð, sbr. eisini §§ 120h og 120j í skattalógini, er galdandi fyri rentur v.m., sum verða tilskrivaðar ella eru falnar til gjaldingar aftaná 31. desember 1993. Skuld og áljóðandi virði av hesum, skal fyrstu ferð verða upplýst fyri saldo pr. 31. desember 1993, og skal fyrstu ferð latast Toll- og Skattstovu Føroya í 1994. Fyri seinni ár verður upplýst Skattstovuni eftir reglunum í skattalógini, sbr. § 1, 4. stk., § 2, 4. stk. og § 3, 3. stk. í hesi kunngerð.

    Nr. 17/1998 Um avtøku av kunngerð um at roknað sum A-inntøku, pening, ið verður vunnin við avreiðing í Føroyum av fiski og úrdráttum frá fiskivinnuni v.m. (Kunngerð nr. 102 frá 11.06.1997)

    Kunngerð nr. 17 frá 13. februar 1998

    um avtøku av kunngerð um at rokna sum A-inntøku, pening, ið verður vunnin við avreiðing í Føroyum av fiski og úrdráttum frá fiskivinnuni v.m.

    § 1. Kunngerð nr. 102 frá 11. juni 1997 um at rokna sum A-inntøku pening, ið verður vunnin við avreiðing í Føroyum av fiski og úrdráttum frá fiskivinnuni v.m. verður sett úr gildi.

    § 2. Henda kunngerð kemur í gildi dagin eftir at hon er kunngjørd.

    Nr. 51/1998 Gjaldfreist í samband við kærur um skattseting

    Kunngerð nr. 51 frá 24. apríl 1998

    um gjaldfreist í samband við kærur um skattseting

    Broytt við kunngerð nr. 102 frá 13. juni 2022.

    1) Við heimild í § 138, stk. 2 og § 157 a í løgtingslóg nr. 86 frá 1. september 1983 um landsskatt og kommunuskatt (Skattalógin), sum broytt við løgtingslóg nr. 168 frá 30. desember 1997 og løgtingslóg nr. 47 frá 10. mai 2013, verður ásett:

    § 1. 1) Skattgjaldari, sum hevur kært skattseting sambært skattalógini ella lagt skattsetingina fyri dómsvaldið, kann skrivliga søkja um at fáa longt gjaldfreistina av tí álíknaða skattakravinum og møguligum morarentum av hesum kravi.

    § 2. Skattakravið eftir § 1 fevnir einans um skyldugan skatt, sum er álíknaður, tá endaliga ársuppgerðin er gjørd, og sum ikki er goldin, tá søkt verður, og sum hevur samband við hækkingina, sum kært verður um og møguligar morarentur.
    Stk. 2. Gjaldfreistin kann einans longjast fyri skattakrøv, sum verða kravd inn serstakt. Írestandi skattur sambært § 78, stk. 1 í skattalógni, sum verður mótroknaður eftir § 77 í skattalógini, er sostatt ikki fevndur av skattakravinum eftir § 1.

    § 3. Skattakrøv, sum fáa longda gjaldfreist, skulu renturoknast sambært vanligu reglunum í skattalóggávuni. Játtanin um gjaldfreist kann verða treytað av, at skattgjaldarin veitir peningatrygd fyri skattakravinum. Játtanin um gjaldfreist verður givin fyri í mesta lagi 4 ár, men kann verða longd við nýggjari umsókn.

    § 4. Avlopsskattur sambært § 79 og útgjøld sambært § 75 í skattalógini og afturgjald av mvg kunnu verða mótroknað í skattakravinum, sum hevur fingið longt gjaldfreistina, um so er, at fyrivarni er tikið um hetta, tá longda gjaldfreistin varð játtað.

    § 5. 1) TAKS tekur støðu til umsóknir um at fáa longt gjaldfreistina av skattakrøvum sambært hesi kunngerð. Avgerðir hjá TAKS kunnu kærast til  landsstýrismannin innan 4 vikur eftir, at skattgjaldarin hevur fingið fráboðan um avgerðina.

    § 6. Henda kunngerð kemur í gildi dagin eftir, at hon er kunngjørd. (Útgivið: 27. apríl 1998)

    Notir

    1) Broytt við kunngerð nr. 102 frá 13. juni 2022, har § 2 er soljóðandi: Henda kunngerð kemur í gildi dagin eftir, at hon er kunngjørd. ( Útgivið: 17. juni 2022)

    Nr. 161/2018 Kunngerð um broyting í kunngerð um eyðmerking og fráboðan av fíggjarkontum við tilknýti til útheimin

    Kunngerð nr. 161 frá 6. desember 2018

    um broyting í kunngerð um eyðmerking og fráboðan av fíggjarkontum við tilknýti til útheimin

    (Dagføring av yvirlitinum yvir luttakandi rættardømir)

    § 1
    Í kunngerð nr. 11 frá 19. februar 2016 um eyðmerking og fráboðan av fíggjarkontum við tilknýti til útheimin, sum broytt við kunngerð nr. 32 frá 28. mars 2017, verða gjørdar hesar broytingar:

    1. Í § 19, nr. 1 og 4 verður “bekendtgørelse af anordning om ikrafttræden for Færøerne af lov om finansiel virksomhed § 304” broytt til: “§ 182 í løgtingslóg um tryggingarvirksemi”.
    2. Í § 19, nr. 2 verður “bekendtgørelse af anordning om ikrafttræden for Færøerne af lov om finansiel virksomhed § 307” broytt til: “løgtingslóg um trygggingarvirksemi § 189”.
    3. Í § 19, nr. 3 verður “bekendtgørelse af anordning om ikrafttræden for Færøerne af lov om finansiel virksomhed § 307, stk. 1, nr. 1 og 2” broytt til: “løgtingslóg um tryggingarvirksemi § 189”.
    4. § 44, stk. 1 verður orðað soleiðis: “Máliskan: Persónar við ræði, merkir persónar sum hava ræði á eini Eind.”
    5. Skjal 1 til kunngerð nr. 11 frá 19. februar 2016 verður orðað sum ásett í skjali 1.

    § 2
    Henda løgtingslóg kemur í gildi dagin eftir, at hon er kunngjørd. (Útg.: 19.12.2018)

    Samanskrivað kunngerð nr. 11 frá 19. februar 2016

    Nr. 151/2019 Kunngerð um land fyri land fráboðan

    Kunngerð nr. 151 frá 19. desember 2019

    um land fyri land fráboðan

    Við heimild í § 118 g í løgtingslóg nr. 86 frá 1. september 1983 um landsskatt og kommunuskatt (Skattalógin), sum broytt við løgtingslóg nr. 191 frá 21. desember 2018, verður ásett:

    Skyldan at lata land fyri land frágreiðing
    § 1. Fráboðan, sum skal latast sambært § 118 f í løgtingslóg um landsskatt og kommunuskatt, skal innihalda hesar upplýsingar:
    1) Um tað ultimativa móðurfelagið er føroyskt: Upplýsing um tað samtaksfelag, sum sendir inn land fyri land frágreiðing við tilskilan av samleikaupplýsingum.
    2) Um tað ultimativa móðurfelagið ikki er heimahoyrandi í Føroyum: Upplýsing um, hvat tað er fyri eitt samtaksfelag, sum er skyldugt at lata inn land fyri land frágreiðing við tilskilan av samleikaupplýsingum, og í hvørjum skattarættardømi felagið er heimahoyrandi.
    Stk. 2. Samleikaupplýsingarnar eftir stk. 1 skulu fevna um fult navn, bústað, skattarættardømi, v-tal ella skrásetingarnummar. Er talan um eitt útlendskt samtaksfelag, skal eitt møguligt skattasamleikanummar TIN-nummar í skattarættardøminum nevnast.
    Stk. 3. Fráboðan eftir § 118 f løgtingslóg um landsskatt og kommunuskatt kann latast á føroyskum, donskum ella enskum.

    § 2. Fráboðan eftir §§ 1 og 3 kann latast talgilt sambært ávísing frá skattamyndugleikanum. Fráboðanin skal latast innan árslok inntøkuárið, sum land fyri land frágreiðingin viðvíkur.
    Stk. 2. Fráboðan eftir §§ 1 og 3 kann eisini latast inn á pappíri.

    § 3. Fráboðan skal latast skattamyndugleikanum, um tað eru umstøður, sum bera í sær, at skyldan at lata land fyri land frágreiðing er hildin uppat.

    Fráboðan av land fyri land frágreiðing
    § 4. Fráboðan av land fyri land frágreiðingini fer fram við handan av teimum upplýsingum, sum eru nevndar í talvu 1-3, sbr. skjal 1.
    Stk. 2. Fylgjandi hugtøk í talvu 1 skulu skiljast soleiðis:
    1) Skattarættardømi: Eitt sjálvstøðugt ella eitt ikki sjálvstøðugt rættardømi við skattasjálvstýri. Sjálvstøðugar linjur verða settar fyri allar samtakseindir, sum eftir fatanini hjá fráboðandi eindini ikki skattliga eru heimahoyrandi í nøkrum skattarættardømi. Um ein samtakseind er heimahoyrandi í meira enn einum skattarættardømi, verða tær vanligu meginreglurnar í galdandi tvískattasáttmála nýttar, sum eru avgerandi fyri, hvat rættardømi eindin skattliga er heimahoyrandi í. Um eingin tvískattasáttmáli er galdandi, verður samtakseindin fráboðað í tí skattarættardømi, har leiðslan hevur sítt veruliga sæti. Sætið hjá veruligu leiðsluna verður avgjørt út frá altjóða samtyktum standardum.
    2) Umsetningur: Samlaði umsetningurin fyri allar samtakseindir í viðkomandi skattarættardømi, sum eru framdar gjøgnum tiltøk við atknýttar fyritøkur, samlaður umsetningur fyri allar samtakseindir í viðkomandi skattarættardømi, sum er framdur umvegis tiltøk við óheftar partar og tann samlaði umsetningurin í alt. Umsetningurin fevnir um inntøkur frá sølu av vørum, aktivum og tænastum, nýtslugjøldum, rentum, tryggingargjøldum og øðrum upphæddum. Umsetningurin fevnir ikki um gjøld frá øðrum samtakseindum, sum verða roknað sum útlutanir í gjaldarans skattarættardømi.
    3) Yvirskot ella undirskot áðrenn skatt: Samlaða yvirskotið ella undirskotið áðrenn felagsskatt hjá øllum samtakseindunum, sum skattliga eru heimahoyrandi í viðkomandi rættardømi. Yvirskot ella undirskot áðrenn felagsskatt fevnir um allar óvanligar inntøkur og útreiðslur.
    4) Goldin inntøkuskattur: Samlaða upphæddin, sum allar viðkomandi samtakseindir, sum skattliga eru heimahoyrandi í viðkomandi skattarættardømi, hava goldið í felagsskatti viðkomandi inntøkuár. Inngoldið skatturin fevnir um tær skattaupphæddir, sum samtakseindin hevur goldið til rættardømið, har hon skattliga er heimahoyrandi, eins og til øll onnur skattarættardømir. Goldin skattur fevnir um kelduskatt, sum aðrar eindir hava goldið, bæði atknýttar og sjálvstøðugar fyritøkur, í sambandi við gjøld til samtakseindina. T.e. at um fyritøka A, sum skattliga er heimahoyrandi í skattarættardømi A, hevur rentuinntøkur í rættardømi B, skal tann goldni kelduskatturin í rættardømi B fráboðast av fyritøku A.
    5) Útroknaður skattur: Tann samlað útroknaði felagsskatturin av tí skattskylduga yvirskotinum ella undirskotinum í fráboðanarárinum fyri allar tær samtakseindir, sum skattliga eru heimahoyrandi í viðkomandi skattarættardømi. Viðkomandi skattaumsetningur endurspeglar einans virksemi í hesum árinum og fevnir ikki um útsettan skatt ella burturleggingar til óvissar skattaskyldur.
    6) Góðtikið fæ: Samlaða góðtikna fæið fyri allar samtakseindir, sum eru skattliga heimahoyrandi í viðkomandi skattarættardømi. Hvat  føstumrakstratstøðum viðvíkur, skal góðtikna fæið fráboðast av løgfrøðiligu eindini, sum hon er fastur rakstrarstaður hjá uttan so, at tað grundað á skipanarendamál er ásett eitt fast krav til fæfeingi í skattarættardøminum.
    7) Samanspardur vinningur: Samlaði samanspardi vinningurin við ársenda hjá øllum samtakseindunum, sum skattliga eru heimahoyrandi í viðkomandi skattarættardømi. Hvat viðvíkur føstum rakstrarstøðum, verður samanspardi vinningurin fráboðaður av tí løgfrøðiligu eindini, sum hon er fastur rakstrarstaður hjá.
    8) Starvsfólkatal: Samlaða talið av starvsfólkum umroknað til fulltíðarstørv hjá samtakseindum, sum skattliga eru heimahoyrandi í viðkomandi skattarættardømi. Talið av starvsfólkum kann antin verða grundað á talið við ársenda, miðaltalið av starvsfólkum gjøgnum árið, ella á ein hvønn annan hátt, sum reglufast verður nýttur ár eftir ár fyri øll skattarættardømir. Í tí sambandi kunnu óheftir undirveitarir, sum luttaka í vanliga rakstrarvirkseminum hjá samtakseindini, fráboðast sum starvsfólk. Talið av starvsfólkum kann rundast, ella talið av starvsfólkum kann verða mett, um hetta ikki viðførir munandi reingjan av tí lutfalsliga býtinum av teimum ymisku skattarættardømunum. Ein reglufastur háttur skal nýtast ár eftir ár fyri allar eindirnar.
    9) Materiell ogn: Tað samlaða bókaða virðið á materiellu ognunum fyri allar samtakseindir, sum skattliga eru heimahoyrandi í viðkomandi skattarættardømi. Hvat føstum rakstrarstøðum viðvíkur, verða ognir fráboðaðar í ti skattarættardømi, har sum fasti rakstrarstaðurin er. Materiellar ognir fevna ikki um tøkan pening ella fíggjarognir.
    Stk. 3. Talva 2 skal hava upplýsing um ta einstøku samtakseindina í fleirtjóða samtakinum, týdningarmesta handilsvirksemið og hvar tað skattliga er heimahoyrandi. Føst rakstrarstøð skulu verða nevnd undir skattarættardøminum, har tað er heimahoyrandi og skal harumframt nevna navnið á felagnum, sum tað er ein partur av.
    Stk. 4. Talva 3 skal hava aðra upplýsing, sum er neyðug ella fremjandi fyri at skilja talvu 1 og 2.
    Stk. 5. Ein samtakseind, sum er skyldug at gera eina land fyri land frágreiðing eftir § 118 d í løgtingslóg um landsskatt og kommunuskatt, skal biðja sítt ultimativa móðurfelag um at lata allar tær upplýsingar, sum eru neyðugar fyri at kunna lyfta skylduna. Um tað ultimativa móðurfelagið ikki vil lata samtakseindini neyðugar upplýsingar at ráða yvir, letur samtakseindin eina land fyri land frágreiðing, sum hevur allar tær upplýsingar, sum hon hevur um hendi, hevur fingið ella hevur savnað, og boðar skattamyndugleikanum frá, at tað ultimativa móðurfelagið hevur avvíst at lata samtakseindini neyðugar upplýsingar at ráða yvir.
    Stk. 6. Land fyri land frágreiðingin kann verða fráboðað talgilt eftir leiðbeining frá skattamyndugleikanum.
    Stk. 7. Land fyri land frágreiðingin kann eisini latast inn á pappíri.
    Stk. 8. Talva 1, 2 og 3 eru tøkar í føroyskum og enskum sniði á heimasíðuni www.taks.fo.

    Gildiskoma
    § 5. Henda kunngerð kemur í gildi dagin eftir, at hon er kunngjørd. (Útgivið: 19. desember 2019)

    Fíggjarmálaráðið, 19. desember 2019
    Jørgen Niclasen (sign.)
    landsstýrismaður
    / Bjarni Askham Bjarnason (sign.)

    Skjal 1 (Talva 1, 2 og 3)

    Rundskriv
    • Nr. 2/2016 Broyting av roknskaparári hjá feløgum
    • Nr. 1/2016 Gávur frá arbeiðsgevara
    • Nr. 1/2010 At seta rundskriv nr. 3 frá 13. februar 1992 úr gildi
    • Nr. 1/2009 Skattafríar veitingar sambært grein29, nr. 7) í skattalógini
    • Nr. 2/2008 Rundskriv nr. 6 frá 30. desember 2005 um frádrátt sambært § 33, nr. 12 í skattalógini sett úr gildið
    • Nr. 3/2007 Virðisáseting av fiskiførum pr. 31/12-2006
    • Nr. 2/2004 Rundskriv nr. 14 frá 6. apríl 1989 um virðisáseting av alifiski og smolti er sett úr gildi
    • Nr. 1/2004 Tagnarskylda hjá skattaumsitingini eftir at fyrisitingarlógin er sett í gildi
    • Nr. 4/2003 Útleigan av húsum/íbúðum
    • Nr. 3/2003 Rundskriv nr. 16 frá 8. apríl 1989 viðvíkjandi skatting av seyði sett úr gildi
    • Nr. 1/2003 Rundskriv nr. 2 frá 8. februar 1994 um fulla skattskyldu er avtikið
    • Nr. 3/2001 Sjóinntøkur
    • Nr. 2/2001 Fartelefon
    • Nr. 6/2000 Um skattskyldu hjá persónum, som koma fyribils at arbeiða í Føroyum
    • Nr. 5/2000 Skatting av rentuinntøku hjá øðrum felagsskapum enn partafeløgum
    • Viðv. rundskrivi nr. 6/1999 um fyrning
    • Nr. 7/1998 Fyrisitingarligar sektarásetanir fyri brot á § 139 í skattalógini
    • Nr. 4/1997 Um framflyting av halli við skiftandi sløgum av skattskyldu
    • Nr. 3/1997 Um inntøkuføring av arbeiði í gerð hjá sakførarum, grannskoðarum og øðrum í samsvarandi fríari vinnu
    • Nr. 2/1997 Broyting av gjørdum avskrivingum
    • Nr. 1/1997 Um skattliga viðgerð av endurgjøldum fyri ferðaútreiðslur v.m. hjá nevndarlimum o.ø.
    • Nr. 1/1995 Viðv. millumrokningum við partafeløg
    • Nr. 3/1994 Viðv. uppgerð av skattskyldugari inntøku av mjólkineytum
    • Nr. 2/1993 Viðv. ávísum veitingum frá almennum stovnum. (privatnýtsla av stovnsbilum)
    • Nr. 6/1992 Um samsýning til kommunala og privata dagrøkt
    • Nr. 1/1992 Viðv. húsaleigu í samband við arbeiði í setanarviðurskiftum
    • Nr. 1/1991 Skattligu viðurskiftini hjá festibóndum (kongsbóndum)
    • Nr. 10/1988 Viðv. uppgerð av eginnýtslu
    • Nr. 3/1986 Viðv. skattligari viðgerð av endurgjaldsveitingum frá tryggingarstovnum
    • Nr. 6/1998 Fyrisitingarligar sektarásetanir fyri brot á § 141 og § 142 í skattalógini
    • Nr. 4/2016 At seta rundskriv nr. 2 frá 22. desember 2014 úr gildi

    Nr. 2/2016 Broyting av roknskaparári hjá feløgum

    Rundskriv nr. 2/2016

    um broyting av roknskaparári hjá feløgum


    Roknskaparárið hjá persónliga skattskyldugum er álmanakkaárið fyri ta endaligu álíkningina. Persónliga skattskyldug kunnu ikki broyta roknskaparár

    Hjá feløgum v.m., sambært skattalógini § 1, stk. 1, nr. 8-17, sum reka sjálvstøðuga vinnu, verður skattur fyri ávíst skattaár lagdur út á inntøkuna í tí inntøkuári, sum fellur saman við ella endar í álmanakkaárinum frammanundan, sbr. skattalógin § 24, stk. 2

    Partafeløg, har helvtin ella meira av partapeninginum er á somu hondum, skulu hava sama roknskaparár, skattalógin § 21, stk. 1.

    Er felagið liður av einum samtaki , krevur ársroknskaparlógin § 15, stk. 5 sum meginreglu, at felagið hevur sama inntøkuár sum hini feløgini í samtakinum.

    Til at hava annað inntøkuár enn tað, ið feløg v.m. higartil hava nýtt til uppgerð av skattskyldugari inntøku, krevst loyvi frá líkningarvaldinum frammanundan, sambært skattalógini § 24, stk. 4, sbr. stk. 3.

    Umsóknir um at broyta roknskaparár til álmanakkaár verða í høvuðsheitinum altíð gingnar á møti, meðan umsóknir um at broyta roknskaparár frá álmanakkaári til brotið roknskaparár verða gingnar á møtið, í tann mun broytt verður til ein ársfjórðing.

    Um eitt felag søkir um at fáa brotið roknskaparskeið umlagt til annað brotið roknskaparskeið, verður umsóknin eisini gingin á møti, í tann mun broytt verður ein ársfjórðing.

    Hevur TAKS varhugan av, at ein umsókn um broyting av roknskaparári einans hevur til endamáls at fáa eina longri gjaldfreist við skattinum, verður umsóknin ikki gingin á møti.

    Við broyting av inntøkuári má tað tryggjast, at øll roknskaparskeið verða skattað, og tað kann ikki góðtakast, at eitt skattaár dettur burturímillum.

    Dømi:
    Um eitt felag ynskir at broyta roknskaparár frá 1. oktober 2012 – 30. september 2013, ið er skattaárið 2014, til framyvir at umfata 1. apríl – 31. mars kann felagið ikki lata skiftisroknskaparárið verða 1. oktober 2012 -31. mars 2014 (18 mðr.) við tað at hetta inntøkuárið sambært skattalógini § 24, stk 2 er grundarlag undir skattingini í skattaárinum 2015, og skattaárið 2014 harvið hevði dottið burturímillum. Felagið skal tí lata skiftisroknskaparskeiðið verða 1. oktober 2012 – 31. mars 2013, sum er grundarlagið undir skattingini fyri skattaárið 2014.

    Tá eitt roknskaparár verður broytt, skal inntøkan ikki tillagast til eitt 12 mánaðarskeið. Somuleiðis við avskriving sambært avskrivingarlógini, ið bert verður loyvd við teimum í avskrivingarlógini nevndu procentsatsum sum skattaársavskriving uttan mun til longdina á roknskaparskeiðnum. Sjálvt um inntøkuárið soleiðis kann verða býtt upp í tvey roknskaparskeið, verða roknskaparskeiðini at rokna sum eitt inntøkuár.

    Í slíkum førum má sostatt ansast eftir, at tað bert verður avskrivað sambært avskrivingarlógini eina ferð í inntøkuárinum/skattaárinum.

    Tað er ikki neyðugt at søkja TAKS um broyting av roknskaparári, so leingi tann fyrsta sjálvuppgávan hjá felagnum ikki er latin inn ella átti at hava verið latin inn.

    Tað skal gerast vart við, at roknskaparárið sambært vinnufelagslógini er viðtøkubundið, og at umsóknirnar um broyting av roknskaparári tí mugu viðgerast í samsvar við reglurnar hjá skrásetingarmyndugleikanum.

    Tí má tað í skrivinum, tá TAKS loyvir broyting av roknskaparári, gerast vart við, at viðtøkur felagsins mugu broytast, og skrásetingarmyndugleikin skal hava fráboðan um viðtøkubroytingina innan 4 vikur.

    Feløg hava sum so ikki krav uppá at fáa eina umsókn um broyting av roknskaparári játtaða. Tí kann ein avgerð, tá broyting ikki verður loyvd, kærast fyrisitingarliga.

    Viðv. krøvum til umlegging sambært ársroknskaparlógini
    Vísast skal til § 15 í ársroknskaparlógini, ið sigur, at roknskaparárið skal vera 12 mánaðir. Tó kann tað fyrsta roknskaparskeiðið verða longri ella styttri enn 12 mánaðir, tó hægst 18 mánaðir. Seinni broytingar av roknskaparári kunnu bert. fara fram, tá serlig viðurskifti gera seg galdandi. Roknskaparskeiðið skal tá vera styttri enn 12 mánaðir.

    Virkir, sum hoyra til sama samtak, skulu hava sama roknskaparár, um ikki serstøk viðurskifti gera seg galdandi. Um tað við stovnan av einum samtaki, er neyðugt at broyta roknskaparár hjá dótturfelagi ella móðurfelagi, kann roknskaparskeiðið tó verða upp til 18 mánaðir.

    Hetta rundskriv kemur í staðin fyri rundskriv nr. 1 frá 13. januar 1994 um broyting av roknskaparári hjá feløgum.

    TAKS
    Argir, 19. august 2016


    Eyðun Mørkøre, stjóri

    Jákup Eyðfinn Kjærbo, løgfrøðingar

    Nr. 1/2016 Gávur frá arbeiðsgevara

    Rundskriv nr. 1 frá 16. mars 2016

    um gávur frá arbeiðsgevara

    Viðvíkjandi gávum frá arbeiðsgevara til starvsfólk í samband við serstakt høvi hevur Ráðið samtykt fylgjandi reglur:

    1) Gávur í peningi skulu skattast uttan mun til upphæddina.

    2) Aðrar gávur enn tær, sum eru nevndar í nr. 1 og 3, skulu ikki skattast, um keypsprísurin íroknað meirvirðisgjald er 1.500 kr. ella minni.

    Er keypsprísurin íroknað meirvirðisgjald yvir 1.500 kr., skal skattur gjaldast av allari upphæddini.

    3) Gávur í sambandi við 25, 30, 40 og 50 ára starvsdag skulu ikki skattast, um keypsprísurin íroknað meirvirðisgjald er ávikavist kr. 2.000, kr. 3.000, kr. 4.000 og kr. 5.000 ella minni.

    Er keypsprísurin íroknað meirvirðisgjald yvir ávikavist kr. 2.000, kr. 3.000, kr. 4.000 og kr. 5.000., skal skattur gjaldast av allari upphæddini.

    Hetta rundskriv fær gildi frá og við inntøkuárinum 2016, og samstundis fer rundskriv nr. 1 frá 11. apríl 2011 úr gildi.

    TAKS
    Argir, 19. august 2016


    Eyðun Mørkøre, stjóri

    Jákup Eyðfinn Kjærbo, løgfrøðingar

    Nr. 1/2010 At seta rundskriv nr. 3 frá 13. februar 1992 úr gildi

    Rundskriv nr. 1/2010

    um at seta rundskriv nr. 3 frá 13. februar 1992 úr gildi

    TAKS hevur avgjørt at seta úr gildi rundskriv nr. 3 frá 13. februar 1992 um innlating av roknskapum. Tað verður ikki longur hildið at vera neyðugt at lata tvey eintøk av roknskapum inn, tá alt kortini verður skannað.

    Hetta rundskriv er galdandi frá 1. januar 2010.

    TAKS
    Argir, 19. august 2016


    Eyðun Mørkøre, stjóri

    Jákup Eyðfinn Kjærbo, løgfrøðingar

    Nr. 1/2009 Skattafríar veitingar sambært grein29, nr. 7) í skattalógini

    Rundskriv nr. 1 frá 12. august 2009

    um skattafríar veitingar sambært grein 29, nr. 7) í skattalógin

    Sambært § 29, nr. 7) í skattalógini verða ikki tald við í skattskyldugu inntøkuna:

    "Gjøld, sum hitt almenna hevur fyriskipað einans til at gjalda kostnað av almennum ella embætisligum starvi, tá tey ikki innihalda nakra samsýning fyri vinnu, og somuleiðis tilsvarandi gjøld, ið loyvishavandi og privat virki rinda".

    Henda regla er galdandi, tá ið arbeiðsgevari rindar endurgjald til løntakara fyri:

    1) at nýta egnan bil í arbeiðsørindum
    2) vistarhald í samband við ferðing í arbeiðsørindum í Føroyum
    3) vistarhald í samband við ferðing í arbeiðsørindum uttanlands

    Viðvíkjandi 1) At nýta egnan bil í arbeiðsørindum

    Endurgjald, tá ið egin bilur verður nýttur í ørindum fyri arbeiðsgevara. 
    Endurgjaldið er kr. 3,20 fyri kilometurin. Minsta gjaldi fyri ørindi (aftur og fram) er tó 16,00 kr. Endurgjaldið er fyri útreiðslur til brennievni, trygging, skaðar, slit av dekk og annað. Endurgjaldið er ikki skattskyldugt.

    Um arbeiðsgevari letur størri endurgjald fyri hvønn km, enn frammanfyri er nevnt, eru upphæddir omanfyri kr. 3,20 skattskyldugar og skulu tær ávísast um afturhalds-skipanina.

    Arbeiðsgevari hevur skyldu til at ansa eftir, at teir kilometrarnir, sum endurgoldið verður fyri, samsvara við kilometrarnar, ið koyrdir eru í arbeiðsørindum. Roknskapur skal gerast regluliga og í minsta lagi eina ferð um mánaðan fyri, hvussu nógv koyrt er, og skal hann verða skjal í bókhaldi arbeiðsgevarans.

    Um arbeiðsgevari t.d. letur fast gjald um mánaðan sum endurgjald, er gjaldið A-inntøka, sum skal verða ávíst um afturhaldsskipanina.

    Um arbeiðsgevarin rindar løntakara kilometurpening fyri at koma til og frá arbeiðsplássi, er peningurin A-inntøka.

    Viðvíkjandi 2) Vistarhald í sambandi við ferðing í arbeiðsørindum í Føroyum
    Tá ið løntakari ferðast í Føroyum í ørindum fyri arbeiðsgevaran, og hesin rindar endurgjald sambært reglunum hjá tí almenna, er endurgjaldið ikki skattskyldugt.

    Gjøldini fyri ferðing eru í løtuni hesi:

    Tímapeningur
    kr. 15,00

    Fullur dagpeningur
    kr. 250,00

    Harumframt verður veitt náttarviðbót eftir rokning, tó í mesta lagi
    kr. 650,00

    Náttarviðbót, ikki skjalprógvað
    kr. 230,00

    Lækkaður dagpeningur, heruppií náttarviðbót
    kr. 212,00

    Av hesum náttarviðbót
    kr. 106,00

    Treytirnar fyri at gjøldini kunnu veitast skattafrítt eru, at ferðin varar longri enn 4 tímar, og at ferðin er longri burtur enn 4 km frá arbeiðsstaðnum. Vanliga verður ikki latin dag- og tímapeningur innan fyri somu kommunu.

    Arbeiðsstaðið er, um ikki annað er fyrisett, arbeiðsstaðið, ið er ávíst løntakaranum (skrivstova, bygd o.t.) soleiðis, at 4 km markið verður roknað haðani.

    Dagpeningur verður roknaður fyri hvørt samdøgur, sum løntakarin er burturstaddur. Er tænastuferðin styttri enn 16 tímar, verður tímapeningur roknaður fyri hvønn ásettan tíma. Er hon longri, verður dagpeningur latin.

    Náttarviðbót verður veitt fyri at hava ligið nátt burtur frá arbeiðsstaði. Náttin verður roknað til 8 tímar.

    Uppgerð og avrokning skulu gerast fyri hvørja ferð sær, og skal uppgerðin verða skjal í roknskapi arbeiðsgevarans.

    Ferðast løntakarin í ørindum fyri arbeiðsgevara, og fær hann útreiðslurnar endurgoldnar eftir rokning, eru tær ikki skattskyldugar, men er tá møgulig dag- og náttarviðbót harumframt A-inntøka.

    Rindar arbeiðsgevari størri endurgjald, enn her er nevnt, er upphæddin, sum fer upp um tær alment ásettu upphæddirnar, A-inntøka, sum skal verða ávíst um afturhaldsskipanina.

    Viðvíkjandi 3) Vistarhald í sambandi við ferðing í arbeiðsørindum uttanlands

    Tá ið løntakari ferðast uttanlands í ørindum fyri arbeiðsgevara, og arbeiðsgevarin rindar endurgjald sambært reglunum hjá tí almenna, er endurgjaldið ikki skattskyldugt.

    Almennu gjøldini fyri ferðing uttanlands eru í løtuni hesi:

    Danmørk
    Fyri tænastuferðir til Danmarkar er dagpeningurin kr. 360 um dagin, á heimferðardegi kr. 200. Harumframt verður goldið fyri innivist á hotelli eftir rokning, tó í mesta lagi kr. 805 fyri hvørja nátt. Tó verður í høvuðsstaðarumráðnum goldið í mesta lagi kr. 970 fyri hvørja nátt. Um starvsfólk ikki skjalprógvar útreiðslur til hotell, fær tað náttarviðbót kr. 250 fyri hvørja nátt.

    Full viðbót verður veitt upp til 28 dagar. Aftaná 28 dagar verður avtala gjørd um viðbót í hvørjum einstøkum føri. Henda viðbót skal góðkennast av Fíggjarmálaráðnum.

    Onnur lond
    Uttan fyri Danmørk verður endurgoldið fyri hotellrokning. Við hotellrokning verður bert roknað við gisting. Er morgunmatur íroknaður, og tað ikki kann fáast at vita, hvat hann kostar, verða 15% drigin frá dagviðbótini.

    Umframt gjald fyri hotellrokning kann dagpeningur veitast sambært reglunum hjá uttanríkisráðnum.

    Víst verður eisini til vegleiðing hjá lønardeildini:
    Vegleiðing til ferðauppgerð fyri tænastuferð uttanlands. Galdandi frá 1. januar 2018

    Luttekur tann ferðandi í skeiði ella líknandi, har matur er roknaður í skeiðgjaldið (ella í innbjóðing), hevur viðkomandi bert rætt til 1/4 av dagpeninginum. Eru ikki allar máltíðir roknaðar við í gjaldið, verður drigið frá dagpeninginum soleiðis:

    fyri morgunmat 15%
    fyri døgurða 30%
    fyri nátturða 30%

    Verður gist á hotelli í Danmørk, og morgunmaturin er við í hotellprísinum, verða ikki 15% drigin frá í dagpeninginum fyri morgunmat. Er gisting roknað við í gjaldið fyri skeiðið, hevur starvsfólkið ikki rætt til náttarviðbót ella endurgjald fyri hotell.

    Sambært § 3, stk 2. í kunngerð nr. 1 frá 5. januar 1984 um lønarroknskap v.m. skulu veitingar sambært § 29, nr. 7 bókast á serstakar kontur fyri hvønn løntakara sær í roknskapi arbeiðsgevarans.

    Endurgjøld, nevnd í hesum rundskrivi, eru skattafrí, um tey verða veitt ájavnt við tey endurgjøld, sum avtalaði eru til eina og hvørja tíð millum Fíggjarmálaráðið og Tænastumannafelag Landsins.

    Rundskrivið fær gildi frá 12. august 2009. Rundskriv nr. 4 frá 23. mai 2007 fer samstundis úr gildi. 

    TAKS
    Argir, tann 12. august 2009

    Nr. 2/2008 Rundskriv nr. 6 frá 30. desember 2005 um frádrátt sambært § 33, nr. 12 í skattalógini sett úr gildið

    Rundskriv nr 2/2008

    Toll- og Skattaráð Føroya hevur avgjørt at seta úr gildi rundskriv nr. 6 frá 30. desember 2005 um frádrátt sambært § 33, nr. 12 í skattalógini.

    Argir, 31. mars 2008


    TAKS


    Hjørdis Gaard 
    virkandi forstjóri

    / Jákup Eyðfinn Kjærbo
    løgfrøðingur

    Nr. 3/2007 Virðisáseting av fiskiførum pr. 31/12-2006

    Rundskriv nr. 3 frá 23. mai 2007

    um virðisáseting av fiskiførum pr. 31/12-2006

    Hetta rundskriv skal nýtast sum vegleiðing í samband við eina uppgerð av metta handilsvirðinum á fiskiskipum pr. 31/12 – 2006. Ùtgangsstøði er roknskapurin gjørdur upp eftir ársroknskaparlógini fyri eitt virki í gongd (going concern). Grundarlagið verður tí tikið í innara virðinum í felagnum. Pr. 31/12 – 2006. Afturat verður so lagt møguligt goodwill, um hetta ikki er við í roknskapinum.

    Ymiskir postir í roknskapinum verða rættaðir til, um veruliga virði pr. 31/12 – 2006 er annað enn uppgivið í roknskaparvirðisásetingini. Hetta kann eitt nú vera virðið av fiskifari við veiðiloyvi.

    Tá samlaða handilsvirði á fiskifari við veiðiloyvi viðroknað immateriellu “ognini” fiskiloyvi , sum er tillutað felagnum, ið eigur fiskifarið verður gjørt upp, kann atlit takast til viðurskifti nevnd niðanfyri í ársroknskapinum:

    Lóggávan um veiðiloyvi og fiskiloyvi, sum felagið hevur fingið loyvi eftir.
    Støddin á veiðifarinum. 
    Hvat slag av loyvi á landleiðini og leiðum uttan fyri føroysku landleiðina hevur fiskifarið/felagið. 
    Veiðiloyvi og fiskiloyvi á føroysku landleiðini og á leiðum hjá londum, hvar sínámillum fiskivinnuavtala er gjørd við (Íslandsloyvi). 
    Veiðiloyvi bert á leiðum hjá londum, sum vit hava gjørt sínámillum fiskivinnuavtalu við (Barentshavið). 
    Veiðiloyvi, men bert fiskiloyvi frá londum, sum serlig avtala er gjørd við skip fyri skip (keypt kvota/loyvi).
    Annað, sum hevur týdning fyri handildvirðið.
    Omanfyrinevndu loyvir av ymiskum slag, kunnu rímiliga lætt staðfestast, tí tey verða givin av fiskimálaráðnum.

    Harumframt verður atlit tikið til:

    a) Útlitini hjá fyritøkuni frameftir, søla, prísir á framleiddu vøruni og rakstrarútreiðslurnar
    b) Avtala um framtíðar samstarv við aðrar felagsskapir, sum vil ávirka úrslitið í framtíðini.
    c) Er úrslitið hjá felagnum treytað av sínamillum samráðingum við onnur lond um fiskiloyvi, og framtíðarúrslitið her heldur ótrygt. Skal virðið lækkast? Ella møguliga hækkast, tí aðrir faktorar spæla inn?
    d) Stavar vinningurin seinastu tíðina frá serliga stórum eingangsinntøkum?
    e) Hava óvanliga stórar fíggjarligar inntøkur/útreiðslur ávirkað úrslitið seinasta árið/árini?
    f) Hvussu leingi hevur felagið fiskiloyvi? Her má munur gerast á loyvi á føroysku landleiðini ella loyvi frá sínamillum fiskivinnuavtalum
    g) Hvussu trygt er fiskiloyvi (keypt kvota/loyvi) frá øðrum tjóðum. Hvussu stabil eru politisku viðurskiftini.
    h) Vandin fyri at fiskasløg, sum fiskast kann av uttan “avmarkingar”verða kvoteraði.
    i) Roynd eigur at verða gjørd at finna fram til, at endaliga virðisásetingin samsvarar við ein møguligan prís, sum ein triði óheftur persónur vildi givið fyri fiskiloyvi og fiskifar.
    j) Er talan um eitt virki, sum vil halda fram (going concern), ella liggur tað í kortinum, at felagið vil halda uppat, og so selja bæði veiðiloyvi (fiskifarið) og fiskiloyvi? Ella bert fiskiloyvi, og so nýta fiskifarið við veiðiloyvi til aðra veiði, sum felagið hevur rætt til?
    k) Møguligar kendar siðvenjur á økinum, sum kunna hava ávirkan á virðið á fiskifarinum pr. 31/12 - 2006.

    Møguleiki er eisini fyri at fáa eina meting um virðisáseting frá einum skipsmeklara ella øðrum fakfólki.

    Ein frágreiðing skal gerast, sum tilskilar hvat slag av loyvi fiskifarið hevur, og hvørji viðurskifti serliga eru tikin atlit til og lagdur dentur á fyri at koma fram til metta handilsvirðið pr. 31/12 – 2006. Skattliga útveganarvirðið verður ásett til eitt mett handilsvirði, og sett inn í eina skattauppgerð við ásetta handilsvirðinum gjørd upp eftir Kapitalvinningsskattalógini § 28, grannskoðari váttar til sannan.

    Argir, tann 23. mai 2007

    Toll- og skattstova Føroya, Stýrið

    Nr. 2/2004 Rundskriv nr. 14 frá 6. apríl 1989 um virðisáseting av alifiski og smolti er sett úr gildi

    Rundskriv nr. 2/2004

    um virðisáseting av alifiski og smolti er sett úr gildi

    Í sambandi við at reglurnar um uppgerð av vørugoymslu innan alibrúk eru broyttar við løgtingslóg nr. 23 frá 17. mai 2004, er rundskriv nr. 14 frá 6. apríl 1989 í andsøgn við skattalógina.

    Stýrið hevur tí mælt Toll- og Skattaráði Føroya til at seta nevnda rundskriv formliga úr gildi.

    Toll- og Skattaráð Føroya hevur á fundi í dag viðgjørt málið og í hesum sambandi avgjørt at seta rundskriv nr. 14 úr gildi.

    Sagt verður frá hesum.


    Tórshavn, 25. juni 2004

    TOLL- OG SKATTSTOVA FØROYA, STÝRIÐ


    Birta Biskopstø / Óli Heinesen

    Nr. 1/2004 Tagnarskylda hjá skattaumsitingini eftir at fyrisitingarlógin er sett í gildi

    Rundskriv nr. 1/2004

    Tagnarskylda hjá skattaumsitingini eftir at fyrisitingarlógin er sett í gildi


    Yvirlit yvir reglur viðvíkjandi tagnarskyldu

    1. Við løgtingslóg nr. 132 frá 10. juni 1993 um fyrisiting varð rættartrygd borgarans í einum fyrisitingarmáli bøtt munandi á fleiri ymiskum økjum, m.a. tá talan er um tagnarskyldu.

    2. Innan skattaøkið er - umframt ta vanligu tagnarskylduna í § 152 í revsilógini – ein serlig regla um tagnarskyldu galdandi, tí eftir ásetingini í § 151 í skattalógini er skattaumsitingini bannað at siga óviðkomandi frá nøkrum av tí, sum hon fær at vita um inntøku- og ognarviðurskifti, vinnuviðurskifti ella viðurskifti, sum viðkoma heimalívinum hjá skattskyldugum ella ávísingarskyldugum, meðan hon røkir sítt starv eftir síðstnevndi lóg.
    Ásetingin hevur higartil verið tulkað tálmandi. Aðrir myndugleikar hava soleiðis verið mettir at vera ”óviðkomandi” í sambandi við trúnaðarfrámerktar upplýsingar, um myndugleikin ikki hevur kunnað víst á serliga lógarheimild, sum loyvir honum at krevja upplýsingar frá skattaumsitingini.

    3. Kapittul 8 í fyrisitingarlógini inniheldur lutvvíst ásetingina í § 26, sum fyrst og fremst útgreinar innihaldið av tí vanligu tagnarskylduni eftir § 152 í revsilógini, lutvíst ásetingarnar í §§ 27-31 um latan av upplýsingum til annan fyrisitingarmyndugleika.
    Tann serliga reglan um tagnarskyldu í mun til fyrisitingarlógina

    4. § 26 í fyrisitingarlógini uppreksar fleiri dømir um, hvat er fevnt at tí vanligu tagnarskylduni eftir § 152 í revsilógini. § 26, stk. 1, nr. 6 og 7 í fyrisitingarlógini tekur við upplýsingar, sum eisini eru fevndir av tí serligu tagnarskylduni hjá skattaumsitingini. Hetta er galdandi fyri upplýsingar um áhugamál hjá einstaklingum ella privatum feløgum ella felagsskapum, ella innanhýsis, herundir fíggjarlig, viðurskifti, ella upplýsingar um tøkniligar útbúningar ella mannagongdir ella um rakstrar- ella vinnuviðurskifti. § 26 í fyrisitingarlógini treytar tó forboðið móti latan av upplýsingum av, at tað er neyðugt fyri at verja serstøk fyrilit viðvíkjandi privatum áhugamálum.

    Yvir fyri hesum stendur serliga tagnarskyldan hjá skattaumsitingini, sum sigur, at tagnarskyldan er treytaleys fyri upplýsingar, sum eru nevndir í fyrisitingarlógini.

    Tá skattaumsitingin illa kann gera eina slíka meting, vil serliga tagnarskyldan hjá skattaumsitingini verða varðveitt óbroytt í mun til privat og umsitingar, sum ikki eru at rokna sum fyrisitingarmyndugleikar. Hetta fær eisini týdning fyri spurningin um skjalainnlit, tí vanliga atgongdin hjá almenninginum til skjalainnlit er avmarkað av serstøkum ásetingum um tagnarskyldu, men ikki av vanligu tagnarskylduni eftir revsilógini, fyrisitingarlógini ella tænastumannalóggávuni, jbr. § 14 í løgtingslóg um alment innlit í fyrisitingina.
    Latan av upplýsingum til aðrar fyrisitingarmyndugleikar eftir áheitan

    5. Viðvíkjandi latan av loyniligum upplýsingum til aðrar fyrisitingarmyndugleikar eftir áheitan sigur § 27, stk. 1 í fyrisitingarlógini, at upplýsingar um heilt privat viðurskifti ikki kunnu latast øðrum fyrisitingarmyndugleika, um sæð verður burtur frá undantakinum í § 27, stk. 2. Som dømi um heilt privat viðurskifti verða nevndir upplýsingar um ættarslag, trúgv og húðalit, um politisk, felagsskaplig, kynslig og revsiverd viðurskifti eins og upplýsingar um heilsuviðurskifti, stórar almannatrupulleikar og misnýtslu av njótingarevnum. Fíggjarligir og vinnuligir upplýsingar koma ikki í sama bólk sum upplýsingar um heilt privat viðurskifti, men koma harafturímóti undir § 27, stk. 3. Eftir § 27, stk. 3 kunnu aðrir trúðarupplýsingar enn upplýsingar um tey heilt privatu viðurskiftini latast víðari til ein annan fyrisitingarmyndugleika, tá tað má metast, at upplýsingin er av stórum týdningi fyri virksemið hjá myndugleikanum ella fyri eina avgerð, sum myndugleikin skal taka.

    Stýrið fyri Toll- og Skattstovu Føroya metir ikki, at tað longur er neyðugt varðveita ta undir pkt. 2 nevndu tálmandi tulkingina, eftir at fyrisitingarlógin er sett í gildi. Stýrið metir við øðrum orðum, at fyribrigdið ”óviðkomandi” í § 151 í skattalógini um aðrar fyrisitingarmyndugleikar eigur at tulkast í samsvari við eyðkennini í § 27, stk. 3 í fyrisitingarlógini.

    Skipanin verður hereftir, at um økisskrivstova hjá Toll- og Skattstovu Føroya metir, at fyrisitingarmyndugleikin hevur stóran tørv á upplýsingunum, verða upplýsingarnar latnar eftir tí leiðbeining, sum er lýst undir pkt. 7.

    Metir skattaumsitingin ikki, at fyrisitingarmyndugleikin hevur stóran tørv á upplýsingunum, skal fyrisitingarmyndugleikin kunnast um kærumøguleikan eftir pkt. 6.

    Kærumøguleiki

    6. Metir skattaumsitingin ikki, at tær upplýsingar, sum ein fyrisitingarmyndugleiki hevur biðið um, eru av stórum týdningi fyri virksemi hjá myndugleikanum ella fyri eina avgerð, sum myndugleikin skal taka, jbr. § 27, stk. 3 í fyrisitingarlógini, kann myndugleikin kæra avgerðina hjá økisskrivstovuni beinleiðis til Lógardeildina í Stýrinum fyri Toll- og Skattstovu Føroya.

    Framferðarháttur

    7. Um skattaupplýsingar frá sjálvuppgávutilfari skulu latast øðrum fyrisitingarmyndugleika, skulu upplýsingarnar ikki latast við, at originalar sjálvuppgávur ella original fylgjuskjøl verða latin myndugleikanum. Um upplýsingarnar einans eru tøkar sum originalar sjálvuppgávur og/ella original fylgjuskjøl, kann avtala gerast við myndugleikan um, hvussu upplýsingarnar skulu latast, t.d. sum avrit av sjálvuppgávum ella øðrum upplýsingum.

    Sjálvuppgáva og annað tilfar kann innihalda upplýsingar um heilt privat viðurskifti, t.d. uppihaldspening, almannahjálp ella stuðul til trúðarsamfelag, sum ikki mugu latast øðrum myndugleika, jbr. § 27, stk. 1 í fyrisitingarlógini. Sjálvuppgáva v.m. kann harumframt innihalda upplýsingar um triðjamann, sum ikki eru av týdningi fyri annan myndugleika, og sum tí ikki kunnu latast øðrum. Tað kunnu vera upplýsingar um fíggjarlig ella privat viðurskifti hjá ognara, skuldara og luthava. Skattaumsitingin má tí tryggja sær, at tilfar, sum verður útflýggjað, ikki inniheldur slíkar upplýsingar, ella at tað ikki er gjørligt at lesa slíkar upplýsingar.

    Originalar sjálvuppgávur ella original fylgjuskjøl mugu einans latast til øðrum skattamyndugleikum og - í skattamálum – til advokatin, sum umboðar skattamyndugleikan, løgregluna, ákæruvaldið og dómstólarnar.

    8. Rundskrivið kemur í gildi 22. apríl 2004.

    Eldri rundskriv o.líkn., sum umrøða somu spurningar, sum hetta rundskriv umrøður, verða samstundis sett úr gildi.

    Tórshavn, 18. mai 2004
    TOLL- OG SKATTSTOVA FØROYA, STÝRIÐ

    Óli Heinesen / Birta Biskopstø

    Nr. 4/2003 Útleigan av húsum/íbúðum

    Rundskriv nr. 4/2003

    Útleigan av húsum/íbúðum

    Hetta rundskriv viðvíkur reglunum fyri skattligu viðgerðini av inntøkum og útreiðslum í samband við útleigan av húsum, ið burturav verða nýtt til útleigan, herundir íbúðarbygningum, sethúsum, íbúðum og summarhúsum umframt útleigan av húsum, har eigarin nýtir ein part til egnan bústað.

    A) Hús v.m., ið burturav verða nýtt til at leiga út
    Tá skattskylduga inntøkan verður uppgjørd, skal frá inntøkuni verða drigin rakstrarkostnaður, sum í árinum er gingin til at vinna leiguinntøkurnar, tryggja tær og halda teimum við, so sum útreiðslur av at bøta um slit av leigaraávum, brunatrygging umframt hiti og el, tá hetta er íroknað leiguni.

    Um eigarin ikki býr í húsunum ella ikki hevur rúm til taks, kunnu rentur av lánum, ið eru nýtt til útvegan, umbygging v.m. dragast frá í skattskyldugu inntøkuni.

    Skattlig avskriving kann ikki gerast, um húsini verða nýtt til bústaðar ella endamál í sambandi við hetta, jbr. tó § 17, stk. 1 í avskrivingarlógini. Útreiðslur til betran kunnu ikki dragast frá.

    Hall í sambandi við útleigan kann dragast frá í aðrari inntøku, um talan er um vinnuligt virksemi. Tá mett verður, um talan er um vinnuligt virksemi, skulu atlit takast til, hvør orsøkin til hallið er.

    Er orsøkin til hallið, at útreiðslur, ið ikki viðkoma útleiganini av húsunum eru drignar frá, verður frádráttur ikki loyvdur.

    Yvirhøvur kann sigast, at tá talan er um hall, er orsøkin oftast stórar rentuútreiðslur. Hesar eru oftast størstar tey fyrstu árini. Vísir fíggjarætlanin, at rentuútreiðslurnar við tíðini falla, og virksemið fer at geva yvirskot, bendir hetta á, at talan er um vinnu. Tó er tað altíð tey veruligu viðurskiftini, ið eru avgerandi.

    Eru húsini bygd ella keypt til at leiga út, bendir hetta á, at útveganin er farin fram við vinnuligum endamáli fyri eyga.

    Er talan um, at húsini verða útleigað fyribils, t.d. tí eigarin flytir uttanlands, ella tí eigarin ikki hevur ráð til at búgva í húsunum fyrstu árini, so vil hetta benda á, at talan ikki er um vinnuligt virksemi. Sama er galdandi um leigað verður út til undir marknaðarprís.

    Víst verður annars til vegleiðingarskrivið um vinnuligt virksemi.

    B) Útleigan av húsum v.m., har eigarin nýtir ein part til egnan bústað
    Tá skattskylduga inntøkan verður uppgjørd, skal frá inntøkuni verða drigin rakstrarkostnaður, sum í árinum er gingin til at vinna leiguinntøkurnar, tryggja tær og halda teimum við, so sum útreiðslur av at bøta um vanligt slit, brunatrygging og hiti og el, tá hetta er íroknað leiguni.

    Skattlig avskriving kann ikki gerast, um húsini verða nýtt til bústaðar ella endamál í sambandi við hetta, jbr. tó § 17, stk. 1 í avskrivingarlógini. Útreiðslur til betran kunnu ikki dragast frá.

    Rentuútreiðslurnar kunnu ikki dragast frá. Ístaðin verður latin rentustuðul, jbr. § 2a í lóg um rentustuðul.

    Hall kann dragast frá, um talan er um vinnuligt virksemi. Neyv meting eigur at verða gjørd í hvørjum einstøkum føri. Av tí at renturnar ikki verða drignar frá í inntøkuni, átti tað av røttum ikki at verið vanligt, at talan er um hall. Vísir úrslitið hall kortini, vil hetta benda á, at talan ikki er um vinnuligt virksemi. Heilt góðar orsøkir eiga tí at fyriliggja, áðrenn tílíkt hall kann dragast frá.

    Hetta rundskriv kemur í staðin fyri rundskriv nr. 1 frá 15. februar 1996 og verður at nýta í øllum málum framyvir.

    Tórshavn, 22. september 2003

    TOLL- OG SKATTSTOVA FØROYA, STÝRIÐ

    Nr. 3/2003 Rundskriv nr. 16 frá 8. apríl 1989 viðvíkjandi skatting av seyði sett úr gildi

    Rundskriv nr. 3/2003

    Rundskriv nr. 16 frá 8. apríl 1989 viðvíkjandi skatting av seyði sett úr gildi


    Toll- og Skattaráð Føroya hevur avgjørt at seta úr gildi rundskriv nr. 16 frá 8. apríl 1989 viðvíkjandi skatting av seyði.

    Hetta merkir, at tá støða skal takast til, hvørt talan er um vinnuligt virksemi ella sokalla ítriv/hobbyvirksemi, verður ein ítøkilig meting gjørd í hvørjum einstøkum føri.

    Tey atlit, sum skulu takast, tá metingin verður gjørd, eru tey sum rættarpraksis hevur fyrisett, og sum fyri ein part eru endurgivin í Vegleiðingarskrivinum frá 1996 s. 120.

    Tórshavn, 30. juni 2003

    TOLL- OG SKATTSTOVA FØROYA, STÝRIÐ

    Nr. 1/2003 Rundskriv nr. 2 frá 8. februar 1994 um fulla skattskyldu er avtikið

    Rundskriv nr. 1/2003

    Rundskriv nr. 2 frá 8. februar 1994 um fulla skattskyldu er avtikið

    Í samband við at broytingar eru gjørdar í vegleiðingarskrivi ráðsins um fulla skattskyldu, verður rundskriv nr. 2 frá 8. februar 1994 sambært avgerð Toll- og skattaráðsins frá 28. mars 2003 sett úr gildi.

    Tórshavn, 15. april 2003

    TOLL- OG SKATTSTOVA FØROYA, STÝRIÐ

    Nr. 3/2001 Sjóinntøkur

    Rundskriv nr. 3/2001

    um sjóinntøkur

    Sjóinntøkur
    Grein 25A og grein 25B í skattalógini

    Løn frá føroyskum arbeiðsgevara (grein 25A):
    Lønir nevndar í grein 25A mugu bert útgjaldast gjøgnum ávís V-tøl. T.v.s. at lønávísarin, áðrenn lønin verður ávíst, skal venda sær til T&S fyri at verða skrásettur sum ávísari av grein 25A inntøkum.

    Til hesar inntøkur er knýttur ein frádráttur (grein 60, 1. stk. nr. 9).

    Frá og við 2001 er frádrátturin avmarkaður til 15% av 500.000 kr., svarandi til 75.000 kr. Orsakað av, at løntakarin kann arbeiða hjá meiri enn einum arbeiðsgevara, er tað ikki gjørligt hjá tí einstaka arbeiðsgevaranum at vita, nær frádrátturin er komin upp á 75.000 kr. Tí skal arbeiðsgevarin frá og við 2001 ávísa 100% av lønini, á sama hátt sum áðrenn 1998, tá ið frádrátturin kom inn í skattalógina. Frádrátturin verður síðan roknaður av Toll- og Skattstovuni. Lønarlistin skal sostatt fyllast út sum vanligt til allar aðrar lønir. Fyri at Toll- og Skattstovan kann rokna frádráttin, er tað umráðandi, at lønin verður ávíst gjøgnum serligt V-tal, og er hetta tað V-talið, sum higartil hevur verið nýtt til hesar lønirnar.

    Áðrenn løn verður goldin, skal arbeiðsgevari verða skrásettur hjá T&S við serligum sjóinntøku V-tali.

    Løn frá útlendskum arbeiðsgevara (grein 25A)
    Talan er um arbeiðsgevara, sum ikki hevur heimating í Føroyum, og kemur sostatt ikki undir reglurnar í hesum skrivi, uttan so at lønirnar koma undir hugtakið "sjálvboðin lønávísari".

    Hesir persónar rinda prinsipielt B-skatt, av tí at lønin ikki verður ávíst gjøgnum A-skattaskipanina. Persónarnir skulu fyribilsskrásetast á vanligan hátt við serligum frádrátti.

    Fleiri av hesum persónum hava tó í dag eitt serligt V-tal til sjálvboðnir at flyta lønina gjøgnum skattaskipanina, og kunnu teir framvegis nýta hesa mannagongd og bert ávísa ein part av inntøkuni. T.v.s. bruttoløn minus frádráttin á 15% av lønini. Frádrátturin kann tó hægst vera 75.000 kr. um árið.

    Undir øllum umstøðum kann skatturin hjá hesum ikki roknast rætt fyrr enn árið eftir, tá ið sjálvuppgávan er latin inn.

    Persónar sum sigla undir FAS (grein 25A)
    Grein 25A, stk. 7. Lønin hjá hesum skal framvegis ávísast gjøgnum tað FAS V-talið, sum hevur verið brúkt higartil.

    Til hesar inntøkur er knýttur ein frádráttur (grein 60, 1. stk. nr. 9).

    Frá og við 2001 er frádrátturin avmarkaður til 15% av 500.000 kr., svarandi til 75.000 kr. Orsakað av, at løntakarin kann arbeiða hjá meiri enn einum arbeiðsgevara, er tað ikki gjørligt hjá tí einstaka arbeiðsgevara at vita, nær frádrátturin er komin upp á 75.000 kr. Tí skal arbeiðsgevarin frá og við 2001 ávísa 100% av lønini, á sama hátt sum áðrenn 1998, tá ið frádrátturin kom inn í skattalógina. Frádrátturin verður síðan roknaður av Toll- og Skattstovuni. Lønarlistin skal sostatt fyllast út sum vanligt til allar aðrar lønir. Fyri at Toll- og Skattstovan kann rokna frádráttin, er tað umráðandi, at lønin verður ávíst gjøgnum serligt V-tal, og er hetta tað V-talið, sum higartil hevur verið nýtt til hesar lønirnar.

    Skatturin hjá útlendingum umborð á FAS-skipum er framvegis 42%, sum verður roknaður av inntøkuni, aftaná at frádrátturin, sum Toll- og Skattstovan hevur roknað, er frádrigin. Afturat hesum skal leggjast 0,5% sum gjald til arbeiðsmarknaðareftirlønargrunnin.

    Persónar undir fullari skattskyldu verða skattaðir eftir vanligum reglum, t.v.s. av inntøkuni minus tann frádráttin, sum Toll- og Skattstovan hevur roknað.

    Áðrenn løn verður goldin, skal arbeiðsgevari verða skrásettur hjá T&S við serligum FAS V-tali.

    Bare-boat skip, leigað av føroyskum reiðaravirki
    Bare-boat hugtakið er partvíst knýtt at FAS-skipanini á tann hátt, at reiðaríið kann fáa afturborið ein part av lønarútreiðslunum á sama hátt, sum var skipið skrásett í FAS. Eitt bare-boat skip er at sammeta við eitt føroyskt skip, og vil tað siga, at persónar umborð eru skattskyldugir í Føroyum (antin undir fullari ella avmarkaðari skattskyldu). Hetta merkir so eisini, at afturberingin fevnir um lønina hjá øllum persónum umborð. Persónarnir umborð koma undir grein 25A og í praksis er ongin munur á FAS og Bare-boat, tá ið talan er um skatting av persónum og um afturbering.

    Til hesar inntøkur er knýttur ein frádráttur (grein 60, 1. stk. nr. 9).

    Frá og við 2001 er frádrátturin avmarkaður til 15% av 500.000 kr., svarandi til 75.000 kr. Orsakað av, at løntakarin kann arbeiða hjá meiri enn einum arbeiðsgevara, er tað ikki gjørligt hjá tí einstaka arbeiðsgevaranum vita, nær frádrátturin er komin upp á 75.000 kr. Tí skal arbeiðsgevarin frá og við 2001 ávísa 100% av lønini, á sama hátt sum áðrenn 1998, tá ið frádrátturin kom inn í skattalógina. Frádrátturin verður síðan roknaður av Toll- og Skattstovuni. Lønarlistin skal sostatt fyllast út sum vanligt til allar aðrar lønir. Fyri at Toll- og Skattstovan kann rokna frádráttin, er tað umráðandi, at lønin verður ávíst gjøgnum serligt V-tal, og er hetta tað V-talið, sum higartil hevur verið nýtt til hesar lønirnar.

    Áðrenn løn verður goldin, skal arbeiðsgevari verða skrásettur hjá T&S við serligum Bare-boat V-tali.

    Persónar sum sigla við útlendskum farmaskipum (grein 25B)
    Talan er um lønávísara, sum ikki hevur heimating í Føroyum, og kunnu/skulu hesar lønir ikki ávísast gjøgnum skattaskipanina, men kunnu koma undir hugtakið "sjálvboðin lønávísari".

    Hesir persónar rinda prinsipielt B-skatt, og hava teir ein frádrátt í inntøkuni (sí grein 33, litra 13 í skattalógini). Persónarnir skulu fyribilsskrásetast á vanligan hátt við serligum frádrátti. Undir øllum umstøðum kann skatturin hjá hesum ikki útroknast rætt fyrr enn árið eftir, tá ið sjálvuppgávan er latin inn.

    Argir, 12. januar 2001

    Óli Heinesen 
    stjóri

    / Beinta Festirstein
    settur deildarstjóri

    Nr. 2/2001 Fartelefon

    Rundskriv nr. 2/2001

    um fartelefon

    Inngangur
    Sambært § 25, 1. stk. nr. 4) í skattalógini, er ókeypis nýtsla av fastogn ella leysafæ o.t. at rokna sum skattskyldug inntøka.

    VLS I, fríir ágóðar
    Sambært vegleiðingarskrivi I frá Líkningarráð Føroya frá 1996, kap. D.1 og K.2, fevnir lógargreinin um tey fyribrigdi, har arbeiðisgevarin letur starvsfólk nýta t.d. hús, bilar, telefon, sum hann eigur, heilt ella partvíst ókeypis.

    Fartelefonir
    Fartelefon, sum arbeiðsgevari letur starvsfólkum sínum at nýta ókeypis, er sum meginregla at rokna sum frí telefon sambært reglunum um fríar ágóðar.

    Um løntakarin einans nýtir fartelefonina til endamál í samband við arbeiðið, ella fartelefonin er neyðug fyri at kunna útinna arbeiðið, t.d. í samband við tilkalluvaktir, skal løntakarin ikki skattast av fríari telefon.

    Tekur løntakarin hinvegin telefonina við heim til hús, í øðrum førum enn nevnt beint omanfyri, talar alt fyri, at hon eisini verður nýtt privat. Tí má krevjast sum minsta treyt, fyri at løntakarin ikki skal skattast av fríari telefon, at arbeiðsgevarin áleggur løntakaranum ikki at nýta telefonina til annað endamál enn tað, sum hevur samband við arbeiðið, ella tekur onnur stig til at forða fyri hesum, sum t.d. at fáa til vega útgreinaðar rokningar.

    Um løntakarin ber ein part av útreiðslunum av fartelefonini, er talan um telefon, sum eisini verður nýtt privat. Her verður løntakarin skattaður av galdandi virði av fríari telefon, eftir at frádrigin er tann upphædd, sum hann endurrindar arbeiðsgevaranum.

    Virði av fríari telefon, sum starvsfólkið skal skattast av, verður ásett av Toll- og Skattaráð Føroya á hvørjum ári, og verður lýst á vanliga hátt.

    Dømi
    Fyri ár 2000 er virðið av fríari telefon ásett til kr. 4.200,-. Rindar løntakarin arbeiðsgevaranum t.d. kr. 2.000,- fyri árið, skal hann skattast av kr. 2.200,-.

    Hetta rundskriv kemur í gildi tann dag, tað er dagfest, og samstundis fer úr gildi rundskriv nr. 2/1998 frá 21. juli 1998.

    Argir, 12. januar 2001


    Óli Heinesen 
    stjóri

    / Beinta Festirstein
    settur deildarstjóri

    Nr. 6/2000 Um skattskyldu hjá persónum, som koma fyribils at arbeiða í Føroyum

    Rundskriv nr. 6/2000

    um skattskyldu hjá persónum, som koma fyribils at arbeiða í Føroyum og hava inntøku av fríari vinnu ella øðrum sjálvstøðugum yrki 


    Inngangur
    Skattlig viðgerð av inntøku, sum stavar frá fríari vinnu ella øðrum sjálvstøðugum yrki, er treytað av um Føroyar hava tvískattasáttmála við viðkomandi land, sum persónurin er búfastur í, og av hvussu leingi persónurin dvølur í Føroyum.

    Frí vinna
    Sambært norðurlendska tvískattasáttmálanum frá 13. februar 1998 merkir málberingin "frí vinna" serliga sjálvsstøðugt vísinda–, bókmenta–, útbúgvinga– ella undirvísingaligt virksemi sum hjá t.d. lækna, sakførara, verkfrøðingi, arkitekti, tannlækna og grannskoðara.

    Fastan stað
    Sambært tvískattasáttmálunum er skattskyldan m.a. treytað av, um viðkomandi persónur hevur ein fastan stað, ið støðugt er honum til taks til tess at røkja virki sítt. Málberingin "fastur rakstrarstaður" er lýst í sáttmálanum, meðan málberingin "fastur staður" ikki er, men vil hesin vanliga fevna um eina skrivstovu, viðtaluhøli, teknistovu ella líknandi, sum viðskiftafólk kunnu venda sær til.

    Verandi tvískattasáttmálar
    Føroyar hava tvískattasáttmála við norðurlondini, Danmørk, Finnland, Ísland, Noregi og Svøríki (tó ikki Grønland enn), og India og Eysturríki.

    1. Tvískattasáttmálin við norðurlondini:
    Víst verður til grein 14, stk. 1 og 2 í kunngerð nr. 19, dgf. 13. februar 1998 um sáttmála millum tey norðurlendsku londini at sleppa undan tvískatting av inntøku og ogn. Sambært grein 14, stk. 1 og 2 verða norðurlendskir persónar, sum koma til Føroyar at reka fría vinnu ella annað sjálvsstøðugt yrki her, skattliga viðgjørdir soleiðis:

    1.1. Dvølur minni enn 183 dagar og hevur ikki fastan stað – ikki skattskyldugur:

    Fyri at persónurin ikki skal verða skattskyldugur til Føroya av inntøkuni av fríari vinnu ella øðrum sjálvsstøðugum yrki, skal hann ikki hava fastan stað, ið støðugt er honum til taks til tess at at røkja virki sítt; og
    2) dvøla í Føroyum í eitt ella fleiri tíðarskeið, ið tilsamans fevna um minni enn 183 dagar innanfyri eitt 12 mánaða tíðarskeið

    1.2. Hevur fastan stað ella dvølur longri enn 183 dagar – skattskyldug B–inntøka:

    Fyri at persónurin skal verða skattskyldugur til Føroya, hvat viðvíkur inntøku av fríari vinnu ella øðrum sjálvsstøðugum yrki, skal persónurin annaðhvørt dvøla í Føroyum í eitt ella fleiri tíðarskeið, ið tilsamans fevna um meira enn 183 dagar innanfyri eitt 12 mánaða tíðarskeið, ella hava fastan stað, ið støðugt er honum til taks til tess at at røkja virki sítt. 

    Tá pkt. 1) ella 2) eru uppfylt, er persónurin fult skattskyldugur til Føroyar, frá fyrsta degi hann kom til Føroya, hvat viðvíkur inntøkuni frá fríari vinnu ella øðrum sjálvstøðugum yrki.

    2. Tvískattasáttmálin við India
    Føroyar hava sáttmála við India um avtøku av tvískatting. Sáttmálin er danski sáttmálin frá 8. mars 1989 og er lýstur við bek. nr. 118 frá 10. november 1989. Sáttmálin hevur gildi fyri inntøkuár, ið byrja frá og við 1990 og seinni.

    Víst verður til grein 15, stk. 1 og 2 í áður nevnda sáttmála við India, sum snýr seg um fría vinnu. Orðingin í hesari grein er samlík við grein 14, stk. 1 og 2 í norðurlendska tvískattasáttmálanum. Persónar sum koma úr Indiu at reka fría vinnu ella sjálvstøðugt yrki her, verða tískil skattliga viðgjørdir eins og persónar frá Norðurlondunum, sí punkt 1.

    3. Tvískattasáttmálin við Eysturríki
    Millum Føroyar og Eysturríki er galdandi danski sáttmálin um avtøku av tvískatting frá 23. oktober 1961, smb. bek. nr. 17 frá 21. mars 1962. Við bek. nr. 127 frá 28. november 1968 er sáttmálin eisini settur í gildi í Føroyum.

    Innleiðandi skal viðmerkjast, at áður nevndi sáttmáli einans avmarkar skattskylduna til, um viðkomandi persónur hevur fastan stað í Føroyum, ið støðugt er honum til taks til tess at røkja virki sítt, ella ikki. Tvs. ein skal heilt síggja burtur frá tí dagatali sum viðkomandi persónur dvølir í Føroyum, hetta hevur nevniliga onga ávirkan á skattskylduna.

    3.1 Ikki fastan stað – ikki skattskyldug inntøka

    Um persónurin, sum kemur úr Eysturríki, ikki hevur fastan stað í Føroyum, ið støðugt er honum til taks til tess at røkja virki sítt, er hann heldur ikki skattskyldugur til Føroyar.

    3.2. Fastan stað – skattskyldug inntøka

    Um persónurin sum kemur úr Eysturríki hevur ein tílíkan fastan stað í Føroyum, er hann fult skattskyldugur av tí partinum av inntøkuni, sum stavar frá hesum fasta staði.

    4. Onnur lond, sum Føroyar ikki hava tvískattasáttmála við
    Tá ið eingin tvískattasáttmáli fyriliggur við tað land, sum persónurin kemur úr, verða reglurnar í skattalógini nýttar. Víst verður í hesum sambandi til § 1, 1) og 4) og § 2, d) í skattalógini.

    4.1. Dvølur minni enn 180 dagar og uttan bústað og uttan fastan rakstrarstað – ikki skattskyldugur
    Sambært § 1, 1) og 4) og § 2, d) í skattalógini er útlendskur persónur, sum hevur inntøku í Føroyum ikki skattskyldugur av hesari inntøku, um so er, at hann uttan at hava bústað her og uttan at hava fastan rakstrarstað her, innanfyri eitt 12 mánaða tíðarskeið dvølur her í minni enn 180 dagar, annaðhvørt persónurin hevur verið burtur ímillum ella ikki.

    4.2. Dvølur minni enn 180 dagar og uttan bústað, men fastan rakstrarstað – avmarkað skattskyldugur

    Sambært § 1, 1) og 4) og § 2, d) í skattalógini er útlendingur, sum hevur inntøku í Føroyum avmarkað skattskyldugur av hesari inntøku, tá persónurin hevur fastan rakstrarstað her, men ikki bústað her, og innanfyri eitt 12 mánaða tíðarskeið dvølur her í minni enn 180 dagar, annaðhvørt persónurin hevur verið burtur ímillum ella ikki.

    4.3. Dvølur minni enn 180 dagar og bústað – fult skattskyldugur

    Sambært § 1, 1) og 4) og § 2, d) í skattalógini er útlendingur, sum hevur inntøku í Føroyum, fult skattskyldugur av hesari inntøku, um so er, at hann hevur bústað her, uttan mun til, at dvølurin er minni enn 180 dagar.

    4.4. Dvølur meira enn 180 dagar við ella uttan bústað í Føroyum – fult skattskyldugur

    Sambært § 1, 4) í skattalógini er útlendingur, sum hevur inntøku í Føroyum, fult skattskyldugur av hesari inntøku, um so er at hann innan fyri eitt 12 mánaða tíðarskeið dvølur her í meiri enn 180 dagar, annaðhvørt persónurin hevur verið burtur ímillum ella ikki, og uttan mun til um hann hevur fastan bústað í Føroyum ella ikki.

    Fult ella avmarkað skattskyldugur – roknskaparskyldugur
    Tá tann útlendski persónurin er fult ella avmarkað skattskyldugur til Føroya, er hann eisini roknskaparskyldugur, hvat viðvíkur inntøku av fríari vinnu ella sjálvstøðugum yrki, fyri tað tíðarskeið hann hevur verið í Føroyum, og skal tískil rinda skatt eftir galdandi føroyskari skattalóg.


    Tórshavn, 1. august 2000


    Óli Heinesen  
    stjóri

    / Beinta Festirstein
    settur deildarstjóri

    Nr. 5/2000 Skatting av rentuinntøku hjá øðrum felagsskapum enn partafeløgum

    Rundskriv nr. 5/2000

    Skatting av rentuinntøku hjá øðrum felagsskapum enn partafeløgum 

    Tá ið avgerast skal, hvussu felagsskapir skulu skattast av rentuinntøku, er fyrsti spurningur, um felagsskapurin er eitt sjálvstøðugt skattasubjekt.

    Um felagið er eitt sjálvstøðugt skattasubjekt, er tað felagið sjálvt, ið skattliga eigur rentuinntøkuna.

    Um felagið ikki er eitt sjálvstøðugt skattasubjekt, eru tað limirnir í felagnum, ið skattliga eiga rentuinntøkuna, hetta sjálvt um felagið stendur sum eigari av innistandandi.

    Fyrsta treytin, fyri at eitt felag verður hildið at vera sjálvstøðugt skattasubjekt, er, at kapitalurin í felagnum skal verða soleiðis atskiltur frá limunum, at kapitalurin kann sigast at hoyra til felagið.

    Tá ið talan er um ítróttarfeløg, hagapartar, fakfeløg, bindiklubbar v.m. eru hesir felagsskapir, um teir eru sjálvstøðug skattasubjekt, fevndir av § 1, nr. 14 í skattalógini. Hesi feløg eru bert skattskyldug í tann mun, tey hava inntøku av vinnu.

    Hagapartar eru tó sjáldan fevndir av § 1, nr. 14 í skattalógini.

    Umstøður, ið kunnu verða avgerandi fyri um eitt felag er eitt nr. 14 felag:

    • Limir í felagnum ábyrgjast ikki persónliga fyri skuld felagsins.
    • Limir hava ikki krav uppá at fáa lut í ognum felagsins, tá limir fara úr felagnum ella felagið verður tikið av.
    • Nógvir limir eru í felagnum.
    • Limaskarin kann skifta og limir kunnu fara úr felagnum, uttan at hetta í sjálvum sær hevur rættligar avleiðingar fyri felagið.
    • Upptøka av nýggjum limum er knýtt at objektivum krøvum.
    • Felagið verður stýrt av eini leiðslu.
    • Felagsskapurin hevur eitt hægri fyrimyndarligt endamál. Inntøka av vinnu verður eisini nýtt til hetta endamál.

    Rentuskattalógin fevnir bert um likamligir persónar og deyðsbúgv. Felagsskapir, ið eru sjálvstøðug skattasubjekt, kunnu tí ikki skattast eftir rentuskattalógini.

    Hesi feløg eru skattskyldug av rentuinntøkuni eftir skattalógini § 25, og verður rentuinntøkan skattað sum vanlig skattskyldug inntøka, men bert í tann mun rentuinntøkan kann sigast at vera vinnulig, sambært skattalóg § 1, nr. 14.

    Rentur av innistandandi í peningastovnum fyri tílík feløg, eru vanliga ikki "inntøka av vinnu" og á henda hátt ikki skattskyldug inntøka.

    Er ikki talan um eitt felag fevnt av § 1, nr. 14 í skattalógini, er tað tann einstaki limurin í felagnum, ið skattliga eigur rentuinntøkuna. Limirnir skulu tí skattast av rentuinntøkuni eftir rentuskattalógini. Sambært § 3 í rentuskattalógini, verður tilskrivað renta hjá likamligum persónum og deyðsbúgvum skattað við 35 % p.a.

    Soleiðis má í hvørjum einstøkum føri hyggjast eftir, um felagið er eitt sjálvstøðugt skattasubjekt, og harvið um rentuinntøkan er skattskyldug eftir skattalógini ella eftir rentuskattalógini.


    Tórshavn, 14. juli 2000

    TOLL– OG SKATTSTOVA FØROYA, STÝRIÐ


    Óli Heinesen  
    stjóri

    / Anja Hovgaard
    deildarstjóri

    Viðv. rundskrivi nr. 6/1999 um fyrning

    Viðv. rundskrivi nr. 6/1999 um fyrning

    Rundskriv um endurrindan av serligum oljugjaldi er sett úr gildi

    Hjálagt fylgir rundskriv nr. 6/1999 um fyrning. Rundskrivið setur úr gildi rundskriv nr. 4/1999 frá 1. september 1999 um fyrning.

    Í rundskrivinum frá 1. september 1999 stendur í parti nr. VI, sum snýr seg um revsimál, at eingin fyrningarfreist er ásett fyri brot á avgjaldslóggávuna. Hetta er tó ikki eftirfarandi, tí í veruleikanum er fyrningarfreistin, tá tað snýr seg um brot á avgjaldsslóggávuna, fimm ár.

    Orsøkin til hetta mistakið í rundskrivinum er, at feilur var í lógbókini. Lógirnar í bindi 3 standa at vera dagførdar til 18. mars 1995, men ein broyting í § 92 í revsilógini, sum varð sett í gildi við A. nr. 150 frá 21. mars 1988, var ikki komin við.

    Vinarliga


    Óli Heinesen 
    stjóri

    / Eyðfinnur Jacobsen
    deildarstjóri

    Nr. 7/1998 Fyrisitingarligar sektarásetanir fyri brot á § 139 í skattalógini

    Rundskriv nr. 7 frá 10. november 1998

    um fyrisitingarligar sektarásetanir fyri brot á § 139 í Skattalógini

    Eftir heimild frá landsstýrismanninum í skattamálum sambært § 145, stk. 5, jbr. stk.1 í løgtingslóg nr. 86 frá 1. september 1983 um landsskatt og kommunuskatt við seinni broytingum ( hereftir nevnd Skattalógin ) hevur Toll- og Skattaráð Føroya fyrisett hesa mannagongd um fyrisitingarligar sektarásetanir fyri brot á § 139 í Skattalógini.

    A. Almennar reglur
    Brot á § 139 í skattalógini er bert revsivert, um hetta er framt við vilja ella av grovum ósketni. Vanligt ósketni verður ikki revsað.

    Skattavaldið hevur próvbyrðuna fyri, at revsivert brot er framt. Er ivi um hetta, skal ein og hvør heimilaður ivi koma skattgjaldaranum til góðar. Um heimilaður ivi er, eigur sektarkrav ikki at verða reist.

    Er ivi um, um brotið er framt við vilja, ella um tað bert er gjørt av grovum ósketni, skal skattgjaldarin á sama hátt hava fyrimunin av hesum iva, soleiðis at sektarkrav bert verður gjørt eftir reglunum um stórt gáloysni.

    B.Vanligar sektir
    Fyri lógarbrot á § 139 í skattalógini verður gjørt fyrisitingarligt sektaruppskot, undantikið í teimum førum har málið skal latast ákæruvaldinum.

    Øll lógarbrot, sum innibera at upphæddir ikki eru komnar til skattingar sambært § 139, eru fevnd av hesum rundskrivi og verða bólkaði soleiðis:

    Lógarbrot framt við vilja:
    Upphædd til og við kr. 30.0001 x skattin av inntøkuni, sum ikki er komin til skattingar
    Yvir kr. 30.0002 x skattin av inntøkuni, sum ikki er komin til skattingar

    Lógarbrot framt av grovum ósketni:
    Upphædd til og við kr. 30.000½ x skattin av inntøkuni, sum ikki er komin til skattingar
    yvir kr. 30.0001 x skattin av inntøkuni, sum ikki er komin til skattingar


    Er talan um fleiri sløg av inntøkumunum, verður farið fram soleiðis í samband við útrokning av teimum sektargevandi skattunum:

    • fyrst verða teir veruligu inntøkumunirnir, sum ikki grundað ábyrgd, og sum ikki innihalda nakra meting, lagdir afturat,
    • síðani verða teir inntøkumunir, sum gjørdir eru av stórum gáloysni, lagdir afturat, og
    • seinast verða teir inntøkumunir, sum gjørdir eru við vilja, lagdir afturat.

    Víst verður til skjal 1.

    Hækkingar eftir meting, sum ikki grundað ábyrgd, verða hildnar uttanfyri hesa útrokning av skattinum.

    Við inntøkuumskaring (forskydningsdifferencer) verður sektin vanliga helmingurin av frammanfyri nevndu upphæddum.

    Mál verður ikki reist fyri inntøkuumskaring

    • sum ikki er hægri ella hevur verið hægri enn 30.000 kr.,
    • sum ikki hevur munandi týdning í mun til ta ognar/skuldarmongd, munurin viðvíkur. Sum "ikki munandi týdning" er at skilja munur, sum er minni enn 10% av viðkomandi ognar-/skuldarmongd og sum ikki er omanfyri 200.000 kr.

    Er ein høvuðspartaeigari sekur í, at felag, hann stjórnar, sleppur sær undan skatti, verður sektin løgd á hann.

    C. Roynd
    Við roynd verður álagda sektin helmingurin av teimum undir B nevndu upphæddum. Roynd treytar at lógarbrotið er framt við vilja.

    D. Medvirkan
    Fyri medvirkan er sektin helmingurin av teimum undir B nevndu upphæddum.
    Grannskoðarar og aðrir ráðgevarar ("ráðgevarasektir") verða ikki sektaðir við faldingarsektum, men tikið verður eitt ávíst umhugsni til støddina av tí, sum ikki er givið upp til skattingar. Sektin eigur vanliga ikki at vera minni enn 5.000 kr.

    E. Endurtøka
    Verður aftur framt brot á Skattalógina áðrenn 5 ár eru farin, frá tí degi viðkomandi varð revsaður fyri brot á reglurnar í Skattalógini, verður vanlig sekt hækkað við 25%.

    F. Runding av sektum

    Útroknað sektarupphædd í krónum:Rundað niður til tal býtisført við:
    frá 1.000 til 2.999100
    frá 3.000 til 9.999500
    frá 10.000 til 19.999

    1.000

    frá 20.000 til 99.9995.000
    frá 100.000 til 199.99910.000
    frá 200.000 til25.000

    G. Ávaring
    Er brot framt við vilja, men tann samlaði inntøkumunurin, ið grundar ábyrgd er minni enn kr. 5.000, ella talan er um grovt ósketni, men tann samlaði inntøkumunurin, ið grundar ábyrgd er minni enn 10.000 kr., verður málið avgreitt við einari fráboðan til skattgjaldaran um, at komið er framá at lógarbrot er framt, men at eftir umstøðunum verður ikki gjørt meira við málið. Skattgjaldarin skal samstundis gerast varðugur við, at um brot aftur verður framt, verður ábyrgd gjørd galdandi, eftir pkt. E.

    Farið verður fram á sama hátt, um mett verður, at revsiábyrgd annars ikki eigur at verða gjørd galdandi.

    H. Lækking av sektum
    Almenni parturin í revsilógini er galdandi í viðgerðini av fyrisitingarligum sektarmálum eftir skattalógini.

    Tá ið sekt verður at áseta, verða niðanfyri nevndu lækkingartreytir tiknar við í metingina:

    - gjaldsføri skattgjaldarans eftir § 51, 3. stk., smbr. § 80, stk. 1 í revsilógini

    - grovleikin í framda lógarbrotinum, upplýsingar um viðkomandi (hansara vanligu persónligu og sosialu viðurskifti, hartil hansara viðurskifti áðrenn og aftaná framda lógarbrotið) eins og hansara orsøk til at fremja lógarbrotið, § 80, stk. 1 í revsilógini
    Her uppí kemur t.d. ungur aldur, smbr. eisini § 84, stk.1, nr. 2 í revsilógini, og høgur aldur, smbr. eisininiðanfyri undir I. Skattgjaldarans útbúgving, roknskaparliga innlit, eins og hansara sosiala støða kann eisini verða tikin við í metingina

    - at skattgjaldarin hevur framt lógarbrotið í umberandi fákunnu um ella umberandi misskiljing av lógarreglum, sum banna ella áleggja framferðarháttin, § 84, stk. 1, nr. 3, smbr. stk. 2 í revsilógini

    - at skattgjaldarin, eftir at tann revsiverda framferðin er framd, til fulnar hevur endurbøtt tann við lógarbrotinum framda skaða, § 84, stk. 1 nr. 7 í revsilógini
    Ásetingin kann serliga hava týdning viðv. umskaringarmuni, har munurin aftaná er inntøkuførdur

    - at skattgjaldarin annars hevur lagt doyðin á at fyribyrgja, at gerðin verður framd í verki ella at endurbøta tann við lógarbrotinum framda skaða, § 84, stk. 1, nr. 8 í revsilógini
    Henda áseting kann serliga hava týdning viðv. umskaringarmuni, har munurin aftaná lutvíst er inntøkuførdur

    - at skattgjaldarin hevur meldað seg sjálvan og til fulnar hevur játtað (sjálvboðin fráboðari) § 84, stk. 1, nr. 9 í revsilógini
    Tað liggur á skattavaldinum at vísa á, at fráboðan skattgjaldarans ikki er gjørd sjálvboðin. Hjá sjálvbodnum fráboðarum verður sektin lækkað til 1/3 av vanligu sektini.

    Harumframt kann sektin verða lækkað, um so er at:

    - munurin er lættur at staðfesta.
    Sektin kann tá vanliga verða lækkað við 1/3

    - meting er við í uppgerðini av tí muni, sum er ábyrgdargevandi
    Sektin kann tá vanliga verða lækkað við 1/3.

    - tá ið grannskoðari ella annar ráðgevari er samsekur.
    Í málum, har ráðgevaramistøk eru framd, verður ein ítøkilig meting gjørd, hvussu ábyrgdin skal lutast. Hevur ráðgevarin framt mistak í avgerandi mun, er ofta hvørki grundarlag fyri, at staðfesta tilætlað ráð ella stórt gáloysni hjá skattgjaldaranum. Skuldi hetta kortini verið so, verður vanliga sektin lækkað í tann mun, ábyrgdin av mistakinum kann staðfestast hjá ráðgevaranum.

    - tað snýr seg um gomul viðurskifti
    Sektin verður vanliga lækkað niður í helvt, tá ið øll lógarbrotini eru eldri enn 5 ár.

    - skattgjaldarin hevur medvirkað at loysa málið.

    I. Dómstólaviðgerð
    Skattasektarmál kunnu avgerast fyrisitingarliga, uttan so at tann landsskattur, sum skattgjaldarin er sloppin sær undan, er meira enn 500.000 krónur.

    Er lógarbrotið framt við vilja, og tann landsskattaupphædd, sum skattgjaldarin er sloppin sær undan, tilsamans er meira enn 100.000 krónur, kann málið tó ikki verða avgjørt fyrisitingarliga, men skal verða sent ákæruvaldinum til viðgerðar

    Hevur viðkomandi fylt 70 ár, tá ið málið verður avgjørt, ella tað vegna sjúku eftir øllum at døma er líkt til, at ein møgulig avsøgd fonsgulsrevsing ikki kann verða sitin, kann málið tó verða avgjørt fyrisitingarliga við eini sekt svarandi til tvær ferðir tann skatt, sum skattgjaldarin er sloppin sær undan.

    Hetta rundskriv kemur í gildið 4. november 1998 og er galdandi fyri brot framt á § 139 í skattalógini eftir henda dag. Samstundis fer rundskriv nr. 5 frá 4. november 1998 frá Toll- og Skattaráð Føroya úr gildið.

    Skjal 1 (dømi)
    Sjálvuppgivin/ásett inntøka100.000 kr.
    1) Ikki ábyrgdargevandi reguleringar í álíkningini10.000 kr.
    2) Inntøkumunir, sum skyldast stórt gáloysni (§ 139, stk. 2)20.000 kr.
    3) Inntøkumunir, gjørdir við vilja (§ 139, stk. 1)70.000 kr.
    Nýggj inntøka

    Nr. 4/1997 Um framflyting av halli við skiftandi sløgum av skattskyldu

    Rundskriv nr. 4 frá 3. desember 1997

    um framflyting av halli við skiftandi sløgum av skattskyldu

    Innleiðing
    Ásannandi, at skattalógin og Vegleiðingarskriv I frá 1996 ikki í nóg stóran mun upplýsa, hvussu hall í tí skattskyldugu inntøkuni kann flytast fram, tá talan er um skiftandi sløg av skattskyldu, verður við hesum gjørd niðanfyristandandi vegleiðing.

    § 33, nr. 5a) í skattalógini
    Um so er, at skattauppgerðin eitt ár vísir hall, kann hetta verða flutt fram til frádrátt í tí skattskyldugu inntøkuni fyri 5 tey næstu árini sambært reglunum í § 33, nr. 5a) í skattalógini.

    Innan áðurnevnda tíðarskeið kann hallið tó bert flytast fram til eitt seinri inntøkuár, um so er, at ikki er pláss fyri tí í skattskyldugari inntøku í árinum frammanundan. Hallið skal sostatt nýtast skjótast møguligt.

    Um so er, at tann skattskylduga inntøkan vísir hall í fleiri inntøkuárum, skal tað elsta hallið nýtast fyrst.

    Undir hvørjari skattskyldu stavar hallið frá?:
    Fyri at fáa greiðu á, um hallið er eitt hall sum kann flytast fram, er neyðugt, at fáa staðfest, undir hvørjari skattskyldu hallið stavar frá.

    Full- og avmarkað skattskylda
    Um hallið er frá einum inntøkuári har skattgjaldarin er avmarkað ella fult skattskyldigur til Føroya, kann hallið flytast fram til frádrátt í einum inntøkuári, har full skattskylda er og, undir ávísum treytum, har avmarkað skattskylda er.

    Eingin skattskylda
    Um hallið stavar frá einum inntøkuári har skattgjaldarin ikki er skattskyldigur til Føroya, kann hetta hall tó ikki verða flutt fram til frádrátt í skattskyldugari inntøku fyri 5 tey næstu árini.

    Hvussu er skattskyldan fyri 5 tey næstu árini, tá ið hallið kann flytast fram?:

    Full skattskylda
    Tá talan er um inntøkuár, har skattgjaldarin er fult skattskyldigur til Føroya, kann alt hallið flytast fram til frádrátt í tí skattskyldugu inntøkuni fyri avvarðandi inntøkuár.

    Avmarkað skattskylda
    Í inntøkuárum, har skattgjaldarin er avmarkað skattskyldigur til Føroyar, kann hallið í ávísum førum flytast fram til frádrátt í tí avmarkaðaru skattskyldugu inntøkuni. Avgerandi fyri, nær hallið kann flytast fram er, hvat slag av avmarkaðari skattskyldu inntøku talan er um, og um inntøkan stavar frá somu "keldu" sum uppruna hallið stavar frá.

    B-inntøka
    Undir avmarkaðari skattskyldu til Føroya, er loyvt skattgjaldaranum at flyta fram hallið í B-inntøku, sum stavar frá sama virksemi, sum upprunahallið stavar frá. Hinvegin er ikki loyvt at flyta fram hallið í B-inntøku, sum ikki stavar frá sama virksemi, sum upp-runa hallið stavar frá. Hetta er grundað á, at bert tær útreiðslur sum standast av at vinna inntøkuna, kunnu verða frádrignar, sambært § 2, stk. 2 í skattalógini.

    Sama virksemi
    Við sama virksemi er at skilja, t.d. sama vinnuvirksemi ella útleigan av egnum sethúsum.

    A-inntøka
    Undir avmarkaðari skattskyldu til Føroya, er als ikki loyvt skattgjaldaranum at flyta fram hall í A-inntøku. Hetta er grundað á, at skattur teirra, sum eru undir avmarkaðari skattskyldu, og sum í inntøkuárinum bert hava A-inntøku, verður settur til 42% av bruttoinntøkuni, sambært § 8 í ásetingarlógini. Hetta merkir, at als eingin frádráttur er loyvdur í A-inntøkuni, tá skattgjaldarin er undir avmarkaðari skattskyldu til Føroya.

    A- og B-inntøka
    Tá talan er um bæði A- og B-inntøku í tí avmarkaðu skattskylduni, og B-inntøkan stavar frá sama virksemi sum upprunahallið stavar frá, er loyvt at flyta fram hallið í B-inntøkuni, men ikki í A-inntøkuni.

    Skiftandi skattskyldugur í sama inntøkuári
    Um so er, at hall er í einari álíkning sum avmarkað skattskyldigur fyri seinra(fyrra) part av einum inntøkuári, kann hetta hall mótroknast (javnast) í eini positivari álíkning sum fult skattskyldigur fyri fyrra (seinra) part av sama inntøkuári.

    Tá talan er um at gera upp tað skattskyldugu inntøkuna fyri eitt inntøkuár við skiftandi sløgum av skattskyldu, verða inntøkurnar, positivar og negativar, javnaðar. Í hesum sambandi hevur tað ongan týdning, um talan er um A- ella B-inntøku, og hvaðani inntøkan stavar frá.

    Onnur hall
    Hall sum stendst av:

    · tap av lánum og ábyrgdum til vinnuvirki
    · uppathaldandi vinnurekan ella útleigan av virki
    · uppathaldandi útleigan av sethúsum

    kunnu einans dragast frá í inntøkuárum har skattgjaldarin er fult skattskyldigur til Føroya.

    § 33, nr. 5bc) í skattalógini
    Vart skal tó gerast við, at avmarkingar eru í rættinum til at flyta fram hall í samband við neyðskuldarsemju, skuldareftirgeving, ella sjálvbodna skuldarsemju, og í samband við trotabúgv, gjaldsteðg o.t. Í hesum rundskrivi verður ikki komið nærri inn á hesar avmarkingar, men víst verður í staðin til § 33, nr. 5 b) og c) í skattalógini.

    Skema
    Fyri betri at kunna skilja, hvussu hall kann framflytast, alt eftir slag av skattskyldu og slag av inntøku, eru tey ymsu skattligu viðurskiftini sum nevnd eru frammanfyri, sett inn í skema:

    Skema 1: Framflytan av halli í mun til slag av inntøku:

    Skema 1: Framflytan av halli í mun til slag av inntøku
    Full skattsk.Avmarkað skattsk.Eingin skattsk.
    1. Hall kann flytast fram frá inntøkuár viðJaJaNei
    2. Hall kann flytast fram til inntøkuár viðJaJa/Nei *)Nei

    *) Skema 2: Framflytan av halli til inntøkuár við avmarkaðari skattskyldu:

    Framflytan av halli í:Kann hall flytast fram?
    JaNei
    B-inntøku, sum stavar frá sama virksemi, sum upprunahallið stavar frá. (Sí § 2, stk. 2 í skattalógini)X
    B-inntøku, sum ikki stavar frá sama virksemi, sum upprunahallið stavar frá (Sí § 2, stk. 2 í skattalógini.)X
    A-inntøku (Sí § 8 í ávísingarlógini og § 2, stk. 2 í skattalógini)X
    B-inntøku, sum stavar frá sama virksemi sum upprunahallið stavar frá + A-inntøka (Sí § 8 í ásetingarlógini og § 2, stk. 2 í skattalógini)X **)X **)

    **) Sí frágreiðing á síðu 2

    Dømi Niðanfyri verður víst eitt tonkt dømi, har greitt verður frá, hvussu hall frá einum inntøkuári við fullari skattskyldu verður flutt fram til frádrátt í árum við ymsum sløgum av skattskyldu:

    Í Føroyum

    Ár

    Føroysk inntøka

    Útlendsk inntøka

    Framflutt hall

    Skattskyldug inntøka

    Full skattskylda

    19x1

    - 250.000

    0

    0

    - 250.000

    Full skattskylda

    19x2

    150.000

    0

    250.000

    - 100.000

    Full skattskylda hálvt ár

    19x3

    50.000

    Avm. skattskylda hálvt ár

    19x3

    - 20.000

    125.000

    100.000

    - 70.000

    Eingin skattskylda

    19x4

    0

    200.000

    0

    0

    Eingin skattskylda

    19x5

    0

    - 50.000

    0

    0

    Avmarkað skattskylda

    19x6

    50.000

    -100.000

    0

    50.000


    Frágreiðing til dømi:

    19x1
    Skattgjaldarin er fult skattskyldugur til Føroya í 19x1. Í hesum ári hevur hann havt hall av vinnuvirki, og skattskylduga inntøkan gerst negativ við kr. 250.000.

    19x2
    Í 19x2 hevur skattgjaldarin vinning av vinnuvirkinum, og skattskylduga inntøkan gerst positiv við kr. 150.000. Sostatt rúmast kr. 150.000 av hallinum frá árinum frammanundan uppá kr. 250.000 í tí positivu skattskyldugu inntøkuni fyri 19x2. Skattskylduga inntøkan gerst hereftir negativ við kr. 100.000 fyri 19x2.

    19x3
    Í 19x3 er skattgjaldarin fult skattskyldugur til Føroya fyrru helvt av árinum og avmarkað skattskyldigur seinru helvt av árinum.

    Fyrra helvt
    Við ársbyrjan 1993 selur skattgjaldarin vinnuvirkið. Grundað á, at vinnuvirkið verður selt fyri meira enn tað skattliga bókaða virðið, tvs. fyri meira enn útveganarvirðið frádrigið gjørdar skattligar avskrivingar, hevur skattgjaldarin vinning av søluni. Skattskylduga inntøkan fyri áðurnevnda tíðarskeið, verður positiv við kr. 50.000.

    Seinra helvt
    Skattgjaldarin flytur av landinum miðan 19x3 við øllum húskinum, og leigar húsini út. Skattgjaldarin og húskið sanna yvirfyri skattavaldinum, at tey ætla at búseta seg uttanlands fyri eitt longri tíðarskeið. Sostatt gerst skattgjaldarin avmarkað skattskyldugur fyri seinru helvt av 19x3 av teim inntøkum hann hevur frá Føroyum. Fyri seinru helvt av 19x3 hevur skattgjaldarin hall av húsaútleiguni, soleiðis at tann avmarkaða skattskylduga inntøkan frá Føroyum er negativ við kr. 20.000. Útlendska inntøkan er uppá kr. 125.000.

    Javnan av inntøkuni
    Fyrst skulu inntøkurnar fyri árið 1993, sum Føroyar hevur skattingarrættin til, javnast, áðrenn skattgjaldarin kann flyta fram hall frá árum frammanundan. Inntøkurnar sum skulu javnast, eru kr. 50.000 fyri fyrru helvt av 19x3 og kr. - 20.000 fyri seinru helvt av 19x3. Skattskylduga inntøkan fyri 19x3 verður sostatt kr. 30.000. Nú kann restin av hallinum frá 19x1, kr. 100.000 dragast frá í tí skattskyldugu javnaðu inntøkuni. Grundað á, at bert kr. 30.000 rúmast í tí positivu skattskyldugu inntøkuni, gerst skattskylduga inntøkan hereftir negativ við kr. 70.000.

    19x4
    Í 19x4 selur skattgjaldarin sethúsini í Føroyum, og tá húsini hava verið skattgjaldarans ogn í meira enn 2 ár, verður sølan ikki roknað sum skattskyldug inntøka, jbr. § 29, nr. 1) í skattalógini.

    Skattgjaldarin er ikki skattskyldugur til Føroya í 19x4, og fær tískil ikki nýtt tað sum eftir er av hallinum frá 19x1, kr. 70.000 til frádrátt í 19x4.

    19x5
    Skattgjaldarin hevur onga inntøku frá Føroyum í 19x5 og er ikki skattskyldugur til Føroya. Tað sum eftir er av hallinum frá 19x1, kr. 70.000 kann sostatt heldur ikki nýtast til frádrátt í 19x5. Útlendska inntøkan er uppá kr. - 50.000, men hetta hall kann ikki verða flutt fram til frádrátt í møguligari skattskyldugari inntøku til Føroya fyri 5 tey næstu árini.

    19x6
    Í 19x6 er skattgjaldarin í summarfrí í Føroyum, og undir uppihaldinum hevur hann eina A-inntøku frá Føroyum uppá kr. 50.000. Av hesari inntøku, er hann avmarkað skattskyldugur til Føroya.

    19x6 er samstundis seinasta ári, sum skattgjaldarin kann flyta fram hall frá 19x1. Tað sum eftir er av hallinum frá 19x1, kr. 70.000 kann tí ikki dragast frá í tí avmarkaðu skattskyldugu inntøkuni fyri 19x6, tí talan er um A-inntøku (sí § 8 í ásetingarlógini)

    Útlendska inntøkan er uppá kr. - 100.000, men hetta hall kann , sum áður greitt frá, ikki nýtast sum frádráttur, hvørki í fult ella avmarkaðari skattskyldugari inntøku frá Føroyum.

    Samandráttur:
    Høvuðsreglan er, at hall sum er framkomið í tí landi, har skattgjaldarin er skattskyldugur, antin sum fult ella avmarkað skattskyldugur, kann verða flutt fram til frádrátt 5 tey næstu árini, í tí fult skattskyldugu ella undir ávísum treytum í tí avmarkaðu skattskyldugu inntøkuni frá hesum landi.

    Í ávísum førum kann tað vera trupult at avgera, hvat land hevur skattingarrættin til eina inntøku, sum bæði kann vera positiv og negativ. At fáa staðfest, hvat land hevur skattingarrættin, tá talan er um hall, er tískil avgerandi fyri, í hvørjari inntøku, hallið skal flytast fram. Ein tílík avgerð verður millum annað grundað á teir dupultskattasáttmálar sum Føroyar hevur við tað avvarðandi landið, ella eisini verður gjørd semja millum Føroyar og tað avvarðandi landið, um hvør skal hava skattingarrættin.

    Nr. 3/1997 Um inntøkuføring av arbeiði í gerð hjá sakførarum, grannskoðarum og øðrum í samsvarandi fríari vinnu

    Rundskriv nr. 3 frá 1. juli 1997

    um inntøkuføring av arbeiði í gerð hjá sakførarum, grannskoðarum og øðrum í samsvarandi fríari vinnu

    Verandi mannagongd viðvíkjandi inntøkuføring av ómaksløn:

    Innleiðing
    Mannagongdin hevur higartil verið, at sakførarar, grannskoðarar og onnur í samsvarandi fríari vinnu, hava inntøkuført ómaksløn leypandi. T.v.s. at hesi ikki hava tikið hædd fyri virði av arbeiði í gerð.

    Samsvarandi frí vinna
    Dømi uppá vinnugreinir, ið eftir hesum rundskrivi koma undir samsvarandi fría vinnu eru: Lýsingarfyritøkur, ráðgevandi fyritøkur, læknar og tannlæknar.

    VLS I, ómaksløn
    Í vegleiðingarskrivinum I frá Líkningarráð Føroya frá 1996, kap. I.2. verður sagt, at "ómaksløn hjá advokatum og grannskoðarum skal verða tikin við sum inntøka, tá endaligt rættarkrav er. Tað er, tá eitt mál er búgvið at avrokna, t.v.s. er komið so langt, at ómaksløn er roknað ella átti at verði roknað. Hetta er galdandi bæði fyri endaliga avrokning og fyri gjald av parti av avrokning, sum verður avroknað eftir avtalu, ella eftir vanligari mannagongd."

    Útreiðslur
    Verandi mannagongd hevur við sær, at útreiðslur sum hava staðist av málum, sum enn ikki eru inntøkuførd, sum meginregla ikki skulu aktiverast í uppgerðini av skattskyldugu inntøkuni.

    Broytt mannagongd viðvíkjandi inntøkuføring av ómaksløn:

    Tveir valmøguleikar
    Líkningarráð Føroya hevur sambært § 93 stk. 1 í skattalógini samtykt at loyva sakførarum, grannskoðarum og øðrum í samsvarandi fríari vinnu, at velja millum tveir hættir at inntøkuføra ómaksløn.

    Fyrsti hátturin:
    Leypandi inntøkuføring
    Fyrsti hátturin, er tann sum verður nýttur í VLS I, nevniliga leypandi inntøkuføring av ómaksløn, tá endaligt rættarkrav er. Acontogjøld skulu eisini leypandi inntøkuførast, hóast at ikki endaligt rættarkrav er. Hildnar rakstrarútreiðslur skulu dragast frá leypandi smb. § 31 í skattalógini.

    Næsti hátturin:
    Aktivering av útreiðslum
    Næsti hátturin er, at í staðin fyri at inntøkuføra ómakslønina, kann veljast at aktivera tær beinleiðis útreiðslurnar, sum hava samband við arbeiði í gerð.

    Passivering av ómaksløn
    Samsvarandi verður ómakslønin passiverað tá endaligt rættarkrav er. Acontogjøld verða somuleiðis passiverað, til endalig avrokning kann fara fram.

    Liðugt arbeiði
    Totalómakslønin skal inntøkuførast í tí ári, tá ið arbeiðið er liðugt, og endaligt rættarkrav er. Samstundis verður útreiðsluført fyrrverandi aktiverað arbeiði í gerð viðvíkjandi tí avvarðandi uppgávuni.

    Ymsir hættir at virðismeta arbeiði í gerð:

    Minstavirði er kostprís
    Høvuðsreglan er, at arbeiðið í gerð minst verður uppgjørt til kostprís. Við kostprís skal skiljast beinleiðis sakarmálsútreiðslur (beinleiðis lønarútreiðslur og útreiðsla til flutning, úrskriftir o.l.), og samsvarandi útreiðslur til fremmanda hjálp.

    Aðrar virðismetingar
    Felagið kann velja at uppgera arbeiði í gerð til kostprís við einum acontovinningi løgdum afturat. Felagið kann eisini velja at uppgera arbeiðið í gerð til søluvirði og lækka hetta við einum prosentfrádrátti, ella felagið kann velja at uppgera arbeiði í gerð til fult søluvirði.

    Uppgerðarhátturin bindandi
    Tann uppgerðarháttur sum felagið nýtir til at virðismeta arbeiði í gerð, skal hátturin nýtast til øll mál sum eru í gongd á fíggjarstøðudegnum, og tann valdi bindandi uppgerðarhátturin skal nýtast í seinni árum.

    Uppgerðarhátturin fyri árið 1997 er bindandi:

    Ikki loyvt at skifta ímillum
    Tann uppgerðarháttur sum felagið velur at nýta fyri árið 1997, antin leypandi inntøkuføring (fyrsti hátturin) ella aktivering av útreiðslum (næsti hátturin), skal nýtast til øll mál sum eru í gerð á fíggjarstøðudegnum og tann valdi uppgerðarhátturin verður at nýta framyvir.

    Loyvi frá Ráðnum
    Eitt felag kann bert broyta uppgerðarhátt við loyvi frá Líkningarráð Føroya.

    Fleiri eigarar
    Um so er, at tað eru fleiri eigarar í virkinum, skulu allir eigarar nýta sama uppgerðarhátt.

    Arkitektar og ráðgevandi verkfrøðingar:

    Serreglur
    Hetta rundskriv verður eisini at galda fyri arkitektar og ráðgevandi verkfrøðingar, tó við hesum serreglum løgdum afturat:

    Byggiuppgávur
    Tá talan er um byggiuppgávur, hvar ráðgevin virkar við til at fáa ta samlaðu byggiuppgávuna framda, verður uppgávan hjá ráðgevanum mett at verða liðug í tí ári, tá ið endaligur byggiroknskapur fyriliggur. Endalig inntøkuføring skal verða framd í seinasta lagi eitt ár eftir, at byggingin ella útbúnaðurin er tikin í nýtslu.

    Sjálvsstøðug samsýning
    Um so er, at sjálvstøðug samsýning er avtalað fyri hvørt stig í eini ætlan ella byggiuppgávu, verður hvørt stig mett sum ein sjálvstøðug uppgáva.

    Kappingar
    Útreiðslur sum eru goldnar við atliti til at luttaka í kappingum, skulu útreiðsluførast í tí roknskaparári sum tær viðvíkja.

    Ongin samsýning
    Í tann mun, at eitt arbeiði verður gjørt viðvíkjandi eini uppgávu uttan avtalu við byggiharra ella ein avtala við byggiharra ikki gevur rætt til samsýning, kunnu útreiðslurnar heilt ella partvíst útreiðsluførast í tí leypandi ársroknskapinum, og ein kann samsvarandi heilt ella partvíst lata vera við at aktivera útreiðslurnar.

    Samsýning í seinni inntøkuári
    Um so er, at ein tílíkur rættur fæst í einum seinni inntøkuári (t.d. við góðkenning av ætlanini frá einum almennum myndugleika) skulu allar beinleiðis sakarmálsútreiðslur (íroknað áður útreiðsluførdan beinleiðis sakarmálskostnað) viðvíkjandi tí avvarðandi uppgávuni aktiverast í hesum inntøkuári.

    Ígildiskoma:
    Rundskrivið kemur í gildi frá og við inntøkuárinum 1997.

    Nr. 2/1997 Broyting av gjørdum avskrivingum

    Rundskriv nr. 2 frá 22. mai 1997

    um broyting av gjørdum avskrivingum 


    Meginreglan:
    Ongin broyting
    Meginreglan er, at tá ein skattaborgari hevur sent skattavaldinum sjálvuppgávu sína, kann hann ikki krevja gjørdu avskrivingarnar broyttar.

    Eftirfylgjandi broytingar í gjørdum avskrivingum:
    Innleiðing
    Tá freistin at lata inn sjálvuppgávu er útrunnin, kunnu gjørdar avskrivingar bert broytast við loyvi frá Líkningarráð Føroya, smb. § 29, stk. 3 í avskrivingarlógini.

    Vegleiðing
    Við hesum rundskrivi vil Líkningarráð Føroya geva eina nærri vegleiðing um, nær ein kann loyva broytingar í gjørdum avskrivingum, og hvørja heimild teir ymsu myndugleikarnir hjá skattavaldinum hava í hesum sambandi:

    Tá skattavaldið hækkar skattskyldugu inntøkuna:
    Broyting loyvd
    Um so er, at skattavaldið ætlar at hækka skattskyldugu inntøkuna, hevur skattaborgarin loyvi innan lógarinnar karmar, at broyta avskrivingar, í tann mun, ta skattliga úrslitið av gjørdu hækkingini verður javnað heilt ella partvíst.

    Kunning
    Avvarðandi Øki hjá Toll- og Skattstovuni skal kunna skattaborgaran um, at hann hevur møguleika til at fáa broytt gjørdar avskrivingar.

    Kæra
    Um so er, at hækkingin er kærd til kommunala líkningarvaldið/ landsskattanevndina, og kærarin undir viðgerðini av kærumálinum sendir áheitan um, at fáa broytt gjørdar avskrivingar, skal avvarðandi Øki hjá Toll- og Skattstovu Føroya fremja broytingina sum nevnt omanfyri undir "Broyting loyvd". Kommunala líkningarvaldið/ landsskattanevndin skal kunnast um broytingina.

    Tá skattskylduga inntøkan ikki er broytt:
    Umsókn innan 3 mðr. eftir freist
    Skattaborgarin hevur høvi til innan lógarinnar karmar at broyta avskrivingarnar, um umsókn hesum viðvíkjandi verður send avvarðandi Øki eftir freist hjá Toll- og Skattstovu Føroya seinast 3 mánaðir fyri innlatan av sjálvuppgávu fyri avvarðandi inntøkuár.

    Umsókn seinri
    Um so er, at umsóknin verður latin inn seinri, hevur skattaborgarin høvi til at fáa broytt gjørdar avskrivingar, um avvarðandi Øki hjá Toll- og Skattstovu Føroya metir, at talan er um, at rætta uppá skeivleikar ella ávíst sum er gloymt, og sum var eyðsýnt ta tíðina, tá ið sjálvuppgávan var gjørd fyri avvarðandi inntøkuár.

    Eyðsæddir skeivleikar
    Sum útgangsstøði er talan um eyðsæddan skeivleika, um greitt varð tá sjálvuppgávan varð gjørd, at gjørdar avskrivingar vóru uttan skattliga ávirkan, ella tá ikki gjørdar avskrivingar ikki kunnu nýtast í einum seinri tíðarskeiði.

    Nokta broyting
    Umsóknir um broyting av gjørdum avskrivingum kunnu ikki væntast játtaðar, um umsóknin er grundað á:
    * eftirfylgjandi broytingar í skattalógini
    * fyrilit til útgjaldingar frá sosialu myndugleikunum, studningsskyldu o.l.
    * útgjalding av rentuágóða

    Heimild hjá økjunum
    Í samband við nevndu viðurskifti, ið nevnd eru undir "Tá skattskylduga inntøkan ikki er broytt", hevur avvarðandi Øki hjá Toll- og Skattstovu Føroya heimild til at játta/ nokta broytingar í gjørdum avskrivingum.

    Umsóknir til Líkningarráð Føroya:
    Serlig viðurskifti
    Tá talan er um:
    * virki sum er hildið uppat,
    * um revsiverd viðurskifti,
    * avhendaða ogn, og endalig vinningsuppgerð er gjørd, ella
    * umsóknir sum eru sendar 5 ár eftir freist fyri innlatan av sjálvuppgávu fyri avvarðandi inntøkuár

    Heimild hjá Ráðnum
    liggur heimildin til at loyva broytingar í gjørdum avskrivingum hjá Líkningarráð Føroya. Í hesum førum skal umsókn frá skattaborgara sendast til Líkningarráð Føroya, c/o Toll- og Skattstova Føroya.

    Líkningarráð Føroya
    Har Øki hjá Toll- og Skattstovu Føroya ikki fult hevur gingið umsóknini á møti, kann skattaborgarin eftir umbøn fáa lagt málið fyri Líkningarráð Føroya.

    Ígildiskoma:
    Rundskrivið fær gildi fyri umsóknir, sum eru móttiknar frá 1. januar 1997. Samstundis verður rundskrivið frá 1991 sett úr gildi.
    Føroya hevur á fundi 14. september 2004 avgjørt at seta rundskriv nr. 11 frá 5. februar 1988 um endurrindan av serligum oljugjaldi sambært løgtingslóg nr. 99 frá 1. oktober 1986 úr gildi.

    Nr. 1/1997 Um skattliga viðgerð av endurgjøldum fyri ferðaútreiðslur v.m. hjá nevndarlimum o.ø.

    Rundskriv nr. 1 frá 25. mars 1997

    um skattliga viðgerð av endurgjøldum fyri ferðaútreiðslur v.m. hjá nevndarlimum o.ø. 

    Innleiðing
    Ásannandi, at Skattalógin og Vegleiðingarskriv I frá 1996 ikki í nóg stóran mun upplýsa, hvussu endurgjøld fyri ferða- og flutningsútreiðslur hjá føroyskum og útlendskum nevndarlimum skulu skattast, verður við hesum gjørd niðanfyristandandi vegleiðing.

    Skattafrí inntøka
    Sum heild eru endurgjøld sum arbeiðsgevari rindar fyri ferðing og uppihald hjá arbeiðstakara, sum ferðast í ørindum fyri arbeiðsgevaran, ikki skattskyldug inntøka. Í hesum sambandi verður víst til § 29, nr. 7 í skattalógini og kap. D, nr. 4 í Vegleiðingarskrivi I, 1996 frá Líkningarráð Føroya.

    § 29,7 í S. eisini nevndarlimir o.ø.
    Reglurnar í § 29, nr. 7) eru eisini galdandi fyri løntar sum óløntair limir í nevndum, umboðum, ráðum og líknandi, harafturat fyri persónar, sum virka sum hjáhjálp hjá nevndum v.m..

    Ferðast løntakarin í ørindum fyri arbeiðsgevara, er endurgjaldið skattafrítt, um endurgjaldið er eftir:

    Treytir fyri skattafrítt endurgjald
    - rokning, (útreiðslurnar skulu skjalprógvast)
    - teim av Líkningarráðnum ásettu upphæddum (ikki er neyðugt at skjalprógva útreiðslurnar)
    Um so er, at útreiðslurnar ikki kunnu skjalprógvast, so eru tær av Líkningarráðnum ásettu upphæddir galdandi.

    A-inntøka
    Um arbeiðsgevari rindar størri endurgjald, er upphæddin sum fer upp um rokningina, ella tær av Líkningarráðnum ásettu upphæddum, A-inntøka, eftir § 60, 1. stk. nr. 1 og nr. 8 í skattalógini.

    Uppgerð
    Uppgerð og avrokning skulu gerast fyri hvørja ferð sær, og skal uppgerðin verða skjal í roknskapi arbeiðsgevarans.

    Omanfyri nevnda vegleiðing viðv. endurgjøldum fyri ferða- og flutningsútreiðslur hjá nevndarlimum o.ø., verður samstundis sett sum ískoyti til kap. D, nr. 4 í Vegleiðingarskriv frá Líkningarráðnum fyri 1997.

    Nr. 1/1995 Viðv. millumrokningum við partafeløg

    Rundskriv nr. 1 frá 29. juni 1995

    viðv. millumrokningum við partafeløg 

    Toll- og Skattstova Føroya, Stýrið, hevur fingið spurningar í samband við treytir fyri frádrátti fyri tap orsakað av ábyrgdum og lánum til vinnuvirkir.

    Niðanfyri eru spurningarnir endurgivnir saman við støðutakan stovnsins.

    Lán til vinnuvirki:

    sp. 1) Um ein persónur (oftast høvuðspartaeigarin) hevur latið einum partafelagi lán og í tí sambandi missir eina ávísa upphædd, tá felagið fer á húsagang. Hvørji skjøl krevur líkningarvaldið tá verða løgd fram.
    sv. ad. 1) Leggjast skulu fram tey skjøl, sum mynda grundarlagið undir flytingunum av láninum frá lánveitara til lántakara. Tá tað er skattgjaldarin, sum hevur próvbyrðuna fyri frádráttinum, skulu skjalprógv, sum møguliga eru eldri enn 5 ár sambært vanligari fyrning, eisini leggjast fram.
    sp. 2) Um lánið er uppstaðið so við og við, so hvørt sum partafelagið hevur havt brúk fyri peningi, og lánið sum so ikki er formaliserað við nevndarsamtykt, men bert er nakrar peningaflytingar frá høvuðspartaeigara til partafelagið. Kann viðkomandi tá fáa frádrátt fyri tapinum á sjálvuppgávuni, og hvørji skjøl skal hann leggja fram?
    sv. ad. 2) Um "millumrokningin í kredit" er uppstaðin so hvørt, sum høvuðspartaeigari rindar rokningar fyri felagið ella lænir felagnum upphæddir "í smáum", verður kravt tað sama, sum nevnt undir 1), nevniliga, at skjøl skulu vera til staðar, sum prógva, at tað er høvuðspartaeigarin (í hesum føri), sum hevur goldið ávísar rokningar fyri felagið, ella skjøl, sum vísa, at peningur er fluttur frá lángevara til lántakara.

    Í báðum førum verður eisini kravt, í hvussu so er, tá talan er um høvuðspartaeigaraviðurskifti, at "transaktiónirnar" kunnu fylgjast í bókhaldinum og roknskapinum hjá felagnum, og skulu upphæddir, sum eru eldri enn 5 ár eisini kunna skjalprógvast og vísast í bókhaldi og roknskapi felagsins.

    Veðhald fyri lán til vinnuvirki

    sp. 1) Um ein persónur verður fyri tapi, tí eitt veðhald verður gjørt galdandi, hvørji skjøl skal hann tá leggja fram fyri at fáa frádrátt?
    sv. ad. 1) Um eitt veðhald (í innistandandi ella fastari ogn) verður gjørt galdandi, verður kravt sum prógv fyri frádrátti, at skjalprógvast kann, at ognin er sett í veð fyri lánið, sum vinnuvirkið (altíð triðji maður, ongantíð samskattaður hjúnafelagi) hevur tikið, og at peningurin er mistur.
    Snýr tað seg um lán, sum persónurin tekur við veð í innistandandi ella fastari ogn, og síðani lænir aftur til vinnuvirkið, verður víst til viðmerkingarnar til 1) omanfyri (lán til vinnuvirki).
    sp. 2) Um veðhaldið er solidariskt, og bert ein persónur hevur møguleika at gjalda. Hvørji skjøl skal hann leggja fram?
    sv. ad. 2)Um veðhaldið er solidariskt, er meginreglan tann, at borgsmenn fáa frádrátt fyri teirra lutfalsliga part (skjalprógv sum undir 1). Bert um sannast kann, at hin/hinir borgsmaðurin/mennirnir ikki kunnu gjalda (sí niðanfyri), kann tann sum rindar, draga alt frá.

    Samanumtikið skal eisini vísast til reglurnar um kautiónsútreiðslur (E.3 í Vegleiðingarskrivinum frá 1993, p. 90 og frameftir), har skilliga er greitt frá, hvørjar aðrar treytir skulu vera loknar fyri at fáa frádráttin, eitt nú, at ábyrgdin skal verða gjørd galdandi av ognara, at skuldin skal vera goldin, at aftursókn skal vera roynd móti virki og medborgsmonnum o.s.fr.

    Vísast skal til, at í § 33 nr. 2 í skattalógini, soleiðis sum hon er broytt við ll. nr. 4 frá 12. januar 1995, er ásett, at heimildin fyri frádrátti av ábyrgdartapum og tapum av láni til vinnuvirki ikki er galdandi fyri ábyrgdir og lán til vinnuvirki, sum vórðu avtalað 3. desember 1994 ella seinri.

    Nr. 3/1994 Viðv. uppgerð av skattskyldugari inntøku av mjólkineytum

    Rundskriv nr. 3 frá 12. desember 1994

    viðv. uppgerð av skattskyldugari inntøku av mjólkineytum

    Ráðið hevur endurskoðað og viðgjørt málið um ta skattligu viðgerðina av neytahaldi.

    Ráðið hevur soleiðis ásett niðanfyristandandi reglur.

    Tá søla av mjólk fer fram, kemur neytahald undir vanliga bókhalds- og roknskaparskyldu. Er eingin roknskapur latin skattavaldinum, verður inntøkan mett eftir reglunum ásettar í § 104 í skattalógini.

    Undantikið tó, tá talan er um bert eina kúgv. Tá verður skattskylduga inntøkan av kúnni sett til 30% av søluni, tó í mesta lagi kr 7.000,00.

    Reglurnar í hesum rundskrivi fáa gildi frá 1. januar 1995, og koma í staðin fyri tað, sum er sagt í Vegleiðingarskrivi ráðsins fyri 1994 um skatting av nettoinntøku av mjólkneytum.

    Nr. 2/1993 Viðv. ávísum veitingum frá almennum stovnum. (privatnýtsla av stovnsbilum)

    Rundskriv nr. 2 frá 8. mars 1993

    viðv. ávísum veitingum frá almennum stovnum

    Privatnýtsla av stovnsbilum.
    Í § 25, nr. 4 í skattalógini er staðfest, at ókeypis nýtsla av fastogn ella leysafæ o.t., er at rokna sum skattskyldug inntøka.

    Lógargreinin fevnir um tey fyribrigdi, har arbeiðsgevarin letur starvsfólk nýta t.d. bilar, sum hann eigur, heilt ella partvís ókeypis.

    Privatnýtsla av stovnsbilum verður soleiðis eftir nevndu reglu roknað sum vanlig skattskyldug inntøka við upphæddum, ið svara til minstuupphæddir fyri frían bil, ið ásettar eru í Vegleiðingarskrivi ráðsins.

    Hesar upphæddir eru galdandi, sjálvt um útreiðsla arbeiðsgevarans í veruleikanum er minni ella størri.

    Í teimum førum, har starvsfólkið kann prógva, at tað hevur goldið arbeiðsgevaranum fyri at nýta ogn hansara, kann virðið av fría ágóðanum lækkast tilsvarandi, men ikki niðurum 0 kr.

    Virðið av fríum bili er grundað á eina árliga privata koyring uppá 10.000 km árliga. Kann starvsfólkið prógva/sanna, t.d. við koyribók, at privata koyringin er minni enn 10.000 km, kann omanfyrinevnda upphædd lækkast lutfalsliga í mun til privatu nýtsluna.
    Koyring til og frá arbeiðsstaði verður eisini roknað sum privatkoyring.

    Við arbeiðsstað verður at skilja tað staðið har arbeiðið verður gjørt, sum treytar lønina. Verður arbeitt á fleiri plássum sama dag, verður roknað við fjarstøðuni til fyrsta pláss og frá seinasta plássi.

    Er talan um dagliga skiftandi arbeiðsstøð hjá vegaumsjónarmonnum, vegaformonnum, telefonmontørum og linjumonnum, verður privatkoyringin roknað sum koyring millum heimið og vanliga fasta tilhaldið hjá viðkomandi (verkstað, skrivstova, goymsla, manningarrúm o.líkn.). Koyring millum heim og arbeiðspláss verður ikki roknað sum privatkoyring, tá viðkomandi bilur er serútgjørdur til arbeiðið við t.d. amboðum og eykalutum og arbeiðið hvønn dag byrjar hjá einum og endar hjá einum øðrum kunda ella líknandi skiftandi arbeiðsstaði, men treytað av at viðkomandi bilur ikki verður brúktur til privatkoyring annars.

    Hevur ein persónur tilkallivakt, verður arbeiðsstaðið roknað fyri at verða heima við hús fyri tey tíðarskeið, hann hevur tilkallivakt.

    Við tilkallivakt skal skiljast ein arbeiðsskipan ið, fyri samsýning, bindur persónin til at verða tøkan ávís tilskilað tíðarskeið uttan fyri vanliga arbeiðstíð.
    Í ivamálum ger líkningarráðið av, um talan er um tilkallivakt.

    Rundskrivið hevur gildi frá og við álmanakkaárinum 1993, samstundis fer rundskriv nr. 18. frá 11. apríl 1989 úr gildi.

    Nr. 6/1992 Um samsýning til kommunala og privata dagrøkt

    Rundskriv nr. 6 frá 16. juni 1992

    um samsýning til kommunala og privata dagrøkt

    Ráðið hevur samtykt, at 2/3 av samsýningini til dagrøktarar er skattskyldug inntøka, meðan 1/3 av veitingini er at rokna sum útreiðslur, ið standast av røktini.

    Viðv. kommunalari dagrøkt: Kommunurnar skulu sostatt ávísa 2/3 av samsýningini yvir eitt av landsstýrinum góðkent avrokningarstað, meðan 1/3 skal ávísast uttan skattafrárokning.

    Forvunnin upphædd er tann fulla samsýningin, og A-inntøka er 2/3 av samsýningini.
    Tilskilast skal, at hesar reglur einans eru galdandi fyri kommunalar dagrøktarskipanir, sum eru góðkendar av landsstýrinum.

    Ráðið hevur samtykt, at hesir dagrøktarar eisini fáa fullan løntakarafrádrátt umframt 1/3 frádráttin.

    Viðv. privatari dagrøkt: Ráðið hevur við gildi frá 1. januar 1992 samtykt, at veitingin til privata dagrøkt er skattskyldug B-inntøka, men fyri at javnstilla hesar við kommunalar dagrøktarar, kunnu hesir draga frá 1/3 av samsýningini sum endurgjald fyri útreiðslur, ið standast av røktini. Skjalprógv krevst ikki fyri henda frádrátt. Viðmerkjast skal, at privatir dagrøktarar ikki hava rætt til løntakarafrádrátt.

    Rundskriv nr. 6 frá 20. mai 1987 fer samstundis við hesum úr gildi.

    Nr. 1/1992 Viðv. húsaleigu í samband við arbeiði í setanarviðurskiftum

    Rundskriv nr. 1 frá 20. januar 1992

    um húsaleigu í sambandi við arbeiði í setanarviðurskiftum (Tað sama sum rundskriv nr. 1991-2, bert við aðrari dagfesting)

    Leiguinntøkan av húsaleigu er at rokna sum B-inntøka.

    Higartil hevur reglubundin mannagongd í samband við húsaleigu, sum verður útgoldin í samband við arbeiði í setanarviðurskiftum verið, at leiguinntøkan hevur verið viðgjørd sum A-inntøka, og harvið verið ávíst um góðkent avrokningarstað eins og onnur A-lønarinntøka, sum síðani hevur avroknað A-skattin til landskassan.

    Líkningarráð Føroya hevur á fundi 4. desember 1991 viðgjørt hetta mál, og hevur samtykt, at broyta áðurnevndu mannagongd soleiðis, at øll húsaleiga er at rokna sum B-inntøka, og verður hetta galdandi uttan mun til, um talan er um eina húsaleigu, sum hevur samband við arbeiðið hjá viðkomandi persóni í einum setanarviðurskifti ella ikki.

    Frá og við 1. januar 1992, skal sostatt húsaleiga, sum verður útgoldin starvsfólki í samband við arbeiði í einum setanarviðurskifti, ikki ávísast um góðkent avrokningarstað, sum onnur A-lønarinntøka, men harafturímóti skal húsaleigan útgjaldast viðkomandi starvsfólki sum B-inntøka.

    Hetta rundskriv fær gildi frá og við 1. januar 1992.

    Nr. 1/1991 Skattligu viðurskiftini hjá festibóndum (kongsbóndum)

    Rundskriv nr. 1 frá 5. mars 1991

    um skattligu viðurskiftini hjá festibøndum (kongsbóndum)

    Í eini roynd at tillaga roknskapar- og skattaviðurskiftini hjá festibøndum, so tey eru tey somu sum hjá øðrum vinnurekandi, hava umboð fyri skattaumsitingina og fyri vinnuna gjøgnumgingið verandi skipan og gjørt eitt uppskot, hvussu skipanin kann broytast.

    Tær skattligu broytingarnar eru serliga viðvíkjandi avskriv-ingarreglunum og viðvíkjandi ognaruppgerðini. Í fleiri ár hevur tað verið eitt sindur ógreitt, hvat bóndin eigur og hvat festi, tvs. landið, eigur.

    Ein arbeiðsbólkur undir landsstýrinum hevur sitið og arbeitt við ymiskum kunngerðum í samband við, at nýggj jarðarlóg varð viðtikin á tingi í 1989. Hesin arbeiðsbólkurin hevur m.a. arbeitt við ognarviðurskiftunum.

    Hesin parturin er nú avkláraður soleiðis, at bóndin (festarin) eigur bert ta eginíløgu, hann sjálvur hevur lagt í festið.

    Arbeiðsbólkurin hevur valt at definera alt, sum ikki er eginíløga, soleiðis:

    "Íløgur framdar við peningi, fingin til vega á henda hátt, verða ikki roknaðar sum egin íløga:
    a) Lán úr jarðargrunninum,
    b) Íløgur, sum gjørdar eru úr festikonto,
    c) Studningur, sum er latin av tí almenna.

    Egið arbeiði, sum ikki er inntøkuført á ársroknskapi festarans, verður ikki roknað sum eginíløga. Inngoldnar rentur og avdráttir til jarðargrunnin verður ikki roknað sum eginíløga."

    Við lán úr Jarðargrunninum er at skilja lán ið ikki eru tryggjaði við veð í ognini, mótvegis øðrum lánum har Jarðargrunnurin hevur veð í ognum, eitt nú rakstrargøgnum.

    Fyri at fáa loyst trupulleikarnar við skattsetingini hjá festibøndum er neyðugt at taka støði í veruligu støðuni hjá festibøndunum og gera inntøkuuppgerðina út frá hvat veruliga er hent í árinum og á henda hátt koma fram til røttu ognaruppgerðina.

    Tvs. tað er neyðugt at skilja ímillum, hvat er almenn íløga í festinum og hvat er privat íløga og harafturat er neyðugt at fáa røttu myndina av ognini, skuldini og eginognini hjá festibóndanum.

    Á henda hátt verða festibøndur líkastillaðir við aðrar vinnurekandi, tó soleiðis, at festibøndur ikki kunnu umskipa virksemið til partafelag. Innan føroyskan landbúna eru fleiri studningar, sum tað almenna letur.Flestu av hesum studningum umsitir Jarðarráðið. Teir studningar, ið eru, eru hesir

    1. Mjólkarstudningur
    2. Rómastudningur
    3. Kjøtstudningur
    4. Stráfóðurstudningur
    5. Seyða- og neytapremiur
    6. Avloysingarskipanin
    8. Veltistudningur
    9. Íløgustudningar:

    a. Súrhoyggjabrunnar
    b. Køstar og landbrunnar
    c. Vaskibrunnar í rættum

    Studningarnir 1 - 5 eru vanligir rakstrarstudningar, og skulu tí takast við í inntøkuuppgerðina, tað árið teir eru fyri. Nevnast skal, at mjólkarstudningurin verður umsitin á L/F Mjólkarvirki Búnaðarmanna og útgoldin saman við mánaðaravrokningini.

    Avloysingarskipanin verður útgoldin árið eftir, og skal tá takast við í inntøkuuppgerðina.
    Avloysingarskipanin er ein uppsparingarskipan, har bóndin sjálvur skal gjalda 25%, L/F Mjólkarvirki Búnaðarmanna 25% og landið 50%.
    Henda skipanin virkar á sama hátt sum frítíðarskipanin, nevniliga soleiðis, at upphæddin, ið goldin er í einum inntøkuári, verður útgoldin 1. mai árið eftir.

    Veltistudningur verður latin við ávísari upphædd til hvønn fermetur ein bóndi veltir upp úr nýggjum.

    Hjá festibøndum, sum jú ikki eiga jørðina, men bert leiga nýtslurættin, verður veltistudningurin mótroknaður í teimum útreiðslunum, sum ganga til at velta økið. Um veltistudningurin er størri enn kostnaðurin, verður munurin inntøkuførdur. Um kostnaðurin er størri enn veltistudningurin, verður munurin ognarførdur (aktiveraður).

    Veltistudningurin verður vanliga ikki útgoldin fyrr enn veltingin er liðug, ella partvís liðug. Fyri at fíggja arbeiði meðan tað er í gerð, verður uppdyrkingarlán veitt úr Jarðargrunninum. Eina ferð árliga verður mált upp hvussu nógv er velt, og studningurin verður ásettur eftir hesi uppmáting og goldin inn á uppdyrkingarlánið. Allar uppdyrkingarútreiðslurnar goldnar við uppdyrkingarláninum. Tá studningurin verður útgoldin kann hann metast sum ein inntøka, meðan tilsvarandi verður avdrátturin á uppdyrkingarláninum útreiðsluførdur.

    Hjá ognarbøndum verður veltistudningurin inntøkuførdur og veltikostnaðurin verður ognarførdur (aktiveraður), men er hann ikki avskrivingarbærur.

    Íløgustudningarnir verða mótroknaðir í íløguni.

    Tá selt verður burturav einum festi, eitt nú til veg, lendingar ella grundøkir, verður peningurin settur á festikontoina hjá viðkomandi festi.

    Tað er jarðarráðið, ið umsitur allar festikonti. Í summum førum, nevniliga tá leigað verður burturav festinum til alistøðir, smoltstøðir ella líknandi, ella grót verður selt burturav festinum, verður sum oftast ein partur goldin festaranum, meðan restin fer á festikontoina.

    Í teimum førum tá festarin fær pening útgoldnan skal upphæddin takast við í skattauppgerðini. Festarin skal ikki skattast av tí peningi, ið fer á festikontoina.

    Tá íløgur verða gjørdar í fastogn á festinum, skal fylgjandi dragast frá:

    a. Útgjald av festikontoini
    b. Íløgustudningar
    c. Lán úr Jarðargrunninum

    Tað, sum tá er eftir, eigur bóndin (festarin), og kann hann avskriva tann partin á sama hátt sum onnur vinnurekandi.

    Av tí, at útgoldin lán úr jarðargrunninum verða drigin frá íløguni, verða lánini ikki við í fíggjarstøðuni hjá bóndanum (festaranum), og tað er eisini rætt, tí tað eru íløgur, ið jarðargrunnurin hevur goldið. Men roknskapurin skal hava eina notu ella supplerandi upplýsing, sum sigur frá, hvussu stór byrða liggur á festinum.

    Hesi "lán" skulu gjaldast aftur, bæði "rentur" og "avdráttir", men bóndin (festarin) kemur ongantíð at eiga tær ognir, ið hann á henda hátt skal gjalda.

    Festið fær eitt hægri virði og soleiðis eisini eitt hægri nýtsluvirði.

    Út frá hesum sjónarmiði skulu "lánsgjøldini" síðustillast við leiguútreiðslu. Um hetta sjónarmiðið verður lagt til grund, verður skattaásetingin samsvarandi veruleikanum, og ognaruppgerðini hjá bóndanum (festaranum) vísir ta veruligu fíggjarstøðuna, og kann hon tá eisini liggja til grund fyri einum møguligum festaraskifti.

    Ein slík umlegging viðførir, at neyðugt verður at tryggja, at tey "lán", ið bøndur hava hjá jarðargrunninum verða býtt sundur í "íløgulán til festi", "íløgulán til ogn festarans" og "rakstrarlán", tí tað er bert "rentan og avdrátturin" av "íløgulánum til festi", ið kann metast sum leiguútreiðsla.

    "Rakstrarlánini" eru sjálvsagt fingin til vega fyri at fíggja ein rakstur, ið bóndin (festarin) hevur havt í rakstrinum áður, og tískil skulu teir "avdráttirnir" ikki útreiðsluførast einaferð afturat.

    Tey privatu lánini til sethús, sum jarðargrunnurin gevur í einstøkum førum, mugu sjálvandi sammetast við vanlig privat lán.

    Føroya Jarðarráð, sum umsitur "lánini" úr jarðargrunninum hevur uppbýtt lánini soleiðis, at tað er gjørligt at síggja á kontonummarinum, hvat tað er fyri eitt lán.

    Skipanin er henda:

    xxx xx xx x     Kontonummar
    xxx -- -- -          Persónnummar
    --- xx -- -              Lánislag
    --- -- xx -                  Leypinummar
    --- -- -- x                      Lánistøða

    Í løtuni er uppbýtið soleiðis: 
    xxx 01 xx xFestikonto
    xxx 02 xx xFjós
    xxx 03 xx xSethús
    xxx 04 xx xVakstrarhús
    xxx 05 xx xSeyðahús
    xxx 06 xx xRættir
    xxx 07 xx xHegn
    xxx 08 xx xUppdyrking
    xxx 09 xx xTraktorar
    xxx 10 xx xSláimaskinur
    xxx 11 xx xAðrar maskinur
    xxx 12 xx xMjólkarvirkir
    xxx 13 xx xSláturvirkir
    xxx 14 xx xRakstrarlán
    xxx 15 xx xKreppulán
    xxx 16 xx xEggvirkir
    xxx 17 xx xGrísagarðar
    xxx 18 xx xÚthús
    xxx 19 xx xJørð
    xxx 20 xx xAvloysing í samband við festiskifti
    xxx 21 xx xHagagrevstur
    xxx 30 xx xKommunulán
    xxx 51 xx xFestileiga
    xxx 52 xx xTraðarleiga
    xxx 53 xx xAlistøðir v.m.
    xxx xx 01 xLán nr. 1 láninummar
    xxx xx xx 1Restskuld
    xxx xx xx 2Eftirstøða


    Niðanfyri er ein princippskitsa ið vísir hvussu hugsanin er, at tey ymisku lánini skulu viðgerast skattliga framyvir:

    Lán úr JarðargrunninumLeigaVinnulig rentaPrivat rentaPrivat leiga
    Fjóslán xx
    Sethús, ogn bóndans xx
    Sethús, ogn hjá F.J. xx
    Vakstrarhús xx
    Seyðahús xx
    Rættir xx
    Hegn xx
    Uppdyrking xx
    Maskinlán xx
    Rakstrarlán xx


    Uppdyrkingarlánini hava eina serstøðu sum greitt er frá frammanfyri.

    Fyrstu ferð roknskapur verður settur upp eftir hesum reglum, verður kapitalkontoin regulerað við teimum postum ið tiknir verða úr fíggjarstøðuni, tvs. øll ogn hjá Jarðargrunninum og øll "skuld" til Jarðargrunnin. Tó verður neyðugt, at vísa hesar postarnar í einum fylgiskjali til roknskapin eisini framyvir.

    Viðvíkjandi mjólkneytum verður framferðarhátturin tann sami sum verður nýttur, sbr. "Vegleiðingarskriv til roknskaparskjal fyri landbúnað".

    Nr. 10/1988 Viðv. uppgerð av eginnýtslu

    Rundskriv nr. 10 frá 19. januar 1988

    um uppgerð av eginnýtslu


    § 1. Inngangur
    Reglurnar í § 31, 2. - 6. stk. í skattalógini um avmarkingar av avskrivingum v.m. eru bert galdandi fyri fult skattskyldugar persónar. Persónar, sum hava sett búgv ella tikið bústað í Føroyum, soleiðis at skattskyldan umfatar eitt tíðarskeið, sum er styttri enn eitt ár, koma eisini undir reglurnar í § 31, 2. - 6. stk. í skattalógini og somuleiðis persónar, hvørs skattskylda heldur uppat, tí teir flyta úr Føroyum í árinum. Reglurnar galda ikki fyri partafeløg, felagsskapir v. m., sum verða settir í skatt sambært reglurnar fyri partafeløg. Heldur ikki eru reglurnar galdandi fyri deyðsbúgv.
    2. stk. Bókhaldsskyldugur persónur skal sambært "Kunngerð frá Líkningarráð Føroya um minstukrøv til roknskap, sum skal fylgja við sjálvuppgávuni, og krøv til tað roknskaparliga grundarlagið", § 8, 1. stk. frá 28. november 1978, í samband við fíggjarstøðuna, geva eina frágreiðing um, hvussu eginognin er broytt sambært uppgerðina yvir inntøkur og útreiðslur, útgoldið yvirskot, tað sum eigarin hevur fingið útgoldið av peningi og øðrum til eginnýtslu, ella orsakað av broytingum í ogn og skuld, sum ikki framgongur av uppgerðini yvir inntøkur og útreiðslur. Um slík frágreiðing bert umfatar inntøkur, útreiðslur, ogn og skuld í virkinum hjá einum persóni, sum hevur nýtt reglurnar í avskrivingarlógini, skal hann saman við sjálvuppgávuni lata líkningarvaldinum eina samlaða frágreiðing yvir alla ogn og skuld, sum vísir ta skattligu eginnýtsluna.

    § 2. Eginnýtsla
    Útreiðslur, sum ikki kunnu dragast frá, tá ið skattskyldug inntøka verður gjørd upp, skulu roknast við í eginnýtsluna smb. § 29 í skattalógini. Útreiðslur, sum hava tilknýti til vinnuvirki hjá skattgjaldara, verða ikki mettar sum eginnýtsla, sjálvt um útreiðslurnar kunnu ikki dragast frá ella avskrivast, eitt nú stovningarútreiðslur.
    2. stk. Eginnýtsla fevnir eisini um tær mettu útreiðslurnar, sum skattgjaldari og húski hansara nýta til dagliga tørvin í húsarhaldinum, eitt nú húsarhaldspeningur, húshjálp, klæðir, bústaðarúteiðslur, lummapeningur, ferðir, útbúgving v.m., og útreiðslur til lækna, tannlækna, heilivág og annað í hesum sambandi.
    3. stk. Eginnýtsla fevnir eisini um útreiðslur til frítíðar- ferðir, veitslur og útreiðslur til keyp av innbúgvi, so sum køli- og frystiskáp, vaski- og turkimaskinur, útvarp, sjónvarp og video v.m., listarverk, teppir, antikvitetir og í heila tikið útreiðslur til keyp av privatum ognarlutum og útreiðslur í samband við ítriv, eitt nú hall av ikki vinnuliga riknum bátum og landbúnaði v.m.
    4. stk. Uppihalds- og aðrar stuðulsútreiðslur, sum kunnu ikki dragast frá, verða eisini mettar sum eginnýtsla, um hesar kunnu metast at verða latnar sum liður í einari náttúrligari undirhaldsskyldu yvir fyri familjuni, eitt nú stuðul til børn undir útbúgving. Útreiðslur til vanligar gávur, eitt nú føðingardag v.m. verða mettar sum eginnýtsla (undir 5.000 kr.)
    5. stk. Hevur hin skattskyldugi fingið ymiskar ágóðar í peningsvirði, eitt nú frían bil, - bústað, - seyð, - mjólk og annan landbúnaðarúrdrátt, fiskaúrdrátt og aðrar ágóðar smb. § 26 í skattalógini, so skulu slíkir ágóðar verða roknaðir við sum nýtsla og takast við í uppgerðini av eginnýtsluni við skattskylduga virðinum.
    6. stk. Utreiðslur til umsiting av fastari ogn upp til 15.000 kr. verða eisini roknaðar sum hoyrandi til egninýtsluna í tann mun tær kunnu ikki dragast frá, tá ið skattskyldug inntøka verður gjørd upp.
    7. stk. Útreiðslur til keyp av bilum, campingvognum, motorsúklum o.ø., sum vera nýtt privat, verða tiknar við í eginnýtsluna við einari árligari upphædd, sum svarar til 20% av keypsprísinum. Um akfarið verður nýtt bæði vinnuliga og privat, so verða tey 20% roknað av tí partinum av keypsprísinum, sum skattliga verða mettar at hoyra til tann privata partin.
    8. stk. Inntøkur og útreiðslur frá leysafæ v.m., sum nevnt í § 3, 4. stk., skulu roknast við í eginnýtsluna.

    § 3. Útreiðslur, ið ikki eru eginnýtsla
    Útreiðslur, sum kunnu dragast frá, tá ið skattskyldug inntøka verður gjørd upp, verða ikki roknaðar við í eginnýtsluna. Hetta er galdandi bæði fyri rakstrarútreiðslur og privatar rentuútreiðslur, sum hava ikki tilknýti til vinnuliga virksemið hjá tí skattskylduga, og útreiðslur til eftirlønartryggingar, kapital- lívstryggingar v.m., sum kunnu ikki dragast frá. Uppihaldspeningur útgoldin til børn og fráskildan (sundurlisnan) hjúnafelaga.
    2. stk. Goldin inntøkuskattur, írestandi skattur og arvaavgjald verður ikki roknað við í eginnýtsluna.
    3. stk. Útreiðslur til keyp av fastari ogn v.m., og útreiðslur til ábøtur á fastogn v.m., verða ikki roknaðar sum ein partur av eginnýtsluni (tann parturin, sum er omanfyri 15.000 kr.).
    4. stk. Útreiðslur til keyp og ábøtur av leysafæ, eitt nú bátar, frímerkir og reiðskapur, sum verður nýttur til ítriv og annað, sum ikki hoyrir til vinnuvirki hjá skattskylduga, verða ikki roknaðar við í eginnýtsluna (tann parturin, sum er omanfyri 15.000 kr.).
    5. stk. Tað, sum verður latið sum gáva og arvaforskot, verður ikki mett sum eginnýtsla, uttan so at tað snýr seg um tilburðargávur (føðingardagsgávur o. tl.).

    § 4. Uppgerð av eginnýtsluni
    Eginnýtslan kann verða gjørd upp óbeinleiðis, sum er tann vanligasti hátturin, men undir vissum fyritreytum kann hon eisini gerast beinleiðis upp, sbr. § 7. Óbeinleiðis uppgerð.
    A. Ein óbeinleiðis uppgerð av eginnýtsluni er í høvuðsheitinum í tráð við tey krøv, sum verða sett til eina kapitalfrágreiðing í einum roknskapi sambært § 8 í áðurnevndu kunngerð um minstukrøv til roknskap frá 28. november 1978, sum skal latast inn saman við sjálvuppgávuni. Slík uppgerð snýr seg ikki um at finna fram til eina sundurliðaða eginnýtslu, soleiðis sum ein beinleiðis uppgerð av eginnýtsluni vísir, men um at uppgera samlaðu upphæddina av tøkum peningi og fríum ágóðum, sum hava verið tøkar til eginnýtsluna. Dømi: Ognin er bert inniogn í peningastovnum. Ognaruppgerðin verður nýtt sum grundarlag undir uppgerðini:

    FrágongdTilgongd
    Eginogn við ársbyrjan (inniogn í peningastovni)200.000 kr.
    Skattskyldug inntøka (sambært sjálvuppgávu)150.000 kr.
    350.000 kr
    Goldin skattur60.000 kr.
    Eginogn við ársenda (inniogn í peningastovni)220.000 kr.280.000 kr.
    Eginnýtsla70.000 kr.


    Ein vøkstur í eginognini gjøgnum árið kemur ikki altíð av, at uppsparingin er vaksin, ella umvent kemur ein minking í eginognini ikki altíð av, at ein hevur nýtt ein part av ognini til eginnýtslu.
    Ein vøkstur í ognini kann vera komin av, at virðið av føstum ognum er hækkað. Ofta kemur hetta fyri, tá ið tryggingarvirðið av føstum ognum verður broytt, tí sum oftast er tað tann upphæddin, ognin er tryggjað fyri, sum verður nýtt á ognaruppgerðini.
    Eitt fall í ognini kann eitt nú koma av, at kursvirðið á virðisbrøvum er fallið.

    Dømi:
    Virðið á føstum ognum hækkað við 100.000 kr. Kursvirðið á virðisbrøvum fallið við 20.000 kr.

    ÁrsbyrjanÁrsenda
    Inniogn í peningastovnum200.000 kr.80.000 kr.
    Virðisbrøv120.000 kr.100.000 kr.
    Fastar ognir400.000 kr.500.000 kr.
    720.000 kr.780.000 kr.
    - skuld220.000 kr.180.000 kr.
    Eginogn500.000 kr.600.000 kr.


    Uppgerð av eginnýtsluni:

    FrágongdTilgongd
    Eginogn við ársbyrjan500.000 kr.
    Skattskyldug inntøka150.000 kr.
    Hækking í virðinum á fastari ogn100.000 kr.
    750.000 kr.
    Goldin skattur60.000 kr.
    Kursfall á virðisbrøvum20.000 kr.
    Eginogn við árs enda600.000 kr.680.000 kr.
    Eginnýtsla70.000 kr.


    B. Sum nevnt verður eginnýtslan ofta gjørd upp óbeinleiðis, tí ein partur av teimum upphæddum, sum hava ávirkan á eginnýtsluna er ikki skrásettur í roknskapinum, men í ognaruppgerðini.

    Slík uppgerð kann verða gjørd soleiðis:
    1. Eginogn við ársbyrjan +
    a) skattskyldug inntøka
    b) ognarvøkstur, sum er ikki við í skattskyldugu inntøkuni,
    c) upphæddir, sum eru drignar frá, tá ið skattskyldug inntøka verður uppgjørd, men sum hava ikki minkað um ognina,
    d) ikki skattskyldugur ognarvøkstur, sum kemur fram við virðisbroytingum av ognini.

    2. Frá samlaðu upphæddini undir pkt. 1 verður drigið:
    a) ognarminking, sum er ikki drigin frá, tá ið skattskyldug inntøka verður uppgjørd, men sum kann ikki roknast við í eginnýtsluna,
    b) skattskyldug inntøka, sum hevur ikki økt um ognina,
    c) ognarminking, sum kemur fram við virðisbroytingum av ognini, men sum kann ikki dragast frá, tá ið skattskyldug inntøka verður gjørd upp,
    d) eginogn við árs enda.

    Uppgerðin kann útgreinast nærri, eitt nú soleiðis:
    C. Tilgongd.
    ad 1b)
    1. Tann upphæddin, sum søluprísurin á virðisbrøvum er hægri enn ásetta virðið við ársbyrjan.
    2. Tann upphæddin, sum søluprísurin á fastari ogn er hægri enn ásetta virðið við ársbyrjan.
    3. Tann upphæddin, sum søluprísurin á rakstrargøgnum er hægri enn saldovirðið við ársbyrjan, um virkið heldur uppat.
    4. Upphæddir við sølu av privatum ognarlutum, eitt nú innbúgvi, málningum, skreytlutum v.m.
    5. Útgoldið barnatilskot ella annað alment tilskot.
    6. Útlendskar inntøkur, sum skulu ikki verða við í skattskyldugu inntøkuni.
    7. Útgoldin lívstryggingarupphædd.
    8. Virðið av ognarlutum, sum verða móttiknir sum arvur ella gáva (arvaforskot).
    9. Útgoldin avlopsskattur og endurgjald.
    10. Skattað renta og vinningsbýti úr Føroyum. Samanber annars § 29 í samtíðarskattalógini.

    ad 1c)
    1. Forskotsavskrivingar
    2. Upphæddir lagdar í íløgugrunn
    3. Flutt hall frá árinum frammanundan.
    4. Møguligur løntakarafrádráttur.

    ad 1d)
    1. Kurshækking á virðisbrøvum við árs enda.
    2. Hækking á virðinum á fastari ogn og leysafæ.

    Frágongd:
    ad 2a)
    1. Goldin inntøkuskattur.
    2. Tap, av tí at kursvirðið á virðisbrøvum við ársbyrjan er hægri enn søluprísurin í árinum.
    3. Øking í skattaskuld (gjaldkomin skyldugur inntøkuskattur).
    4. Tap, av tí at saldovirðið á rakstrargøgnum/skipsanpartum er hægri enn søluprísurin í samband við, at virkið heldur uppat.
    5. Útreiðslur til ný-, afturat-, umbygging og ábøtur á fasta ogn, herundir ábøtur á grundøkið annars.
    6. Útreiðslur og kurstap av lántøku.
    7. Gávur og arvaforskot latið sum ein kontantupphædd ella sum aðrir ognarlutir, tó ikki vanligar tilburðargávur og útreiðslur til eina náttúrliga undirhaldsskyldu av familjuni.
    8. Keyp av leigu-, patent-, licens ella vinningsbýtisrættindum.
    9. Nýtsla av íløgugrunnum og forskotsavskrivingum til at minka um útveganarvirðið av avskrivingarbærum ognum.

    ad 2b)
    1. Inntøkuføring av negativari avkskrivingarsaldo frá árinum frammanundan, (jvmt. § 5 í avskrivingarlógini).
    2. Inntøkuføring av gjørdum forskotsavskrivingum, tá ið sáttmáli um bygging av skipi verður sagdur úr gildi (jvmt. § 15 í avskrivingarlógini).
    3. Inntøkuføring av ikki nýttum avsetingum í íløgugrunn (jvmt. § 9 í lóg um íløgugrunnar).

    ad 2c)
    1. Kurstap á virðisbrøvum við árs enda.
    2. Fall í virðinum á fastari ogn og leysafæ.

    § 5. Samskatting hildin uppat í inntøkuárinum.
    Við uppgerðini av eginnýtsluni hjá einum skattaborgara, har samskattingin við hjúnafelagan er hildin uppat hjá í inntøkuárinum, antin tí hann er sundurlisin ella skildur, ella tí búgvið verður skift beint aftaná andlátið hjá hinum hjúnafelaganum, verður byrjað við eginognini við manninum við ársbyrjan. Afturat henni verður lagt:

    1. Skattskylduga inntøkan hjá skattaborgaranum, men ikki hjúnafelagans.
    2. Ognarvøkstur, sum er ikki við í skattskyldugu inntøkuni, tó ikki ognarvøkstur aftaná samskattingin er hildin uppat, sum umfatar inntøkuna hjá fráskilda hjúnafelaga ella deyðsbúgvi, ella sum umfatar ta ogn, sum hjúnafelagin hevur fingið tillutaða við hjúnaskilnaðin ella ta ogn, sum er tikin við í deyðsbúgvið.
    3. Upphæddir, sum eru drignar frá, tá ið skattskyldug inntøka verður gjørd upp, men sum hava ikki minkað um ognina, tó ikki upphæddir, sum viðkoma inntøkuni hjá hjúnafelaga ella deyðsbúgvi.
    4. Ikki skattskyldugur ognarvøkstur, sum kemur fram við virðisbroytingum av ognini, tó ikki ognarvøkstur aftaná at samskatting er hildin uppat viðvíkjandi tí ogn, sum hjúnafelagin hevur fingið tillutað við hjúnaskilnað, ella ta ogn, sum er tikin við í deyðsbúgvið.
    Frá hesum úrsliti verður drigið:

    1. Ognarminking, sum er ikki drigin frá, tá ið skattskyldug inntøka verður gjørd upp, men sum kann ikki roknast við í eginnýtsluna. Sum ognarminking verður eisini roknað virðið av tí ogn, sum hjúnafelagin hevur fingið tillutað við hjúnaskilnaðin, ella sum er tikin við í deyðsbúgvið. Sum ognarminking verður ikki roknað við minking aftaná, at samskatting er hildin uppat, sum umfatar eina útreiðslu fyri fráskilda hjúnafelaga ella deyðsbúgvið, ella sum viðvíkur tí tillutaðu ognini hjá deyðsbúnum.
    2. Skattskyldug inntøka, sum hevur ikki økt um ognina, tó ikki upphæddir, sum viðkemur inntøkuni hjá hjúnafelaga ella deyðsbúgvi.
    3. Ognarminking, sum kemur fram við virðisbroytingum av ognini, men sum kann ikki verða drigin frá, tá ið skattskyldug inntøka verður gjørd upp, tó ikki ognarminking aftaná at samskatting er hildin uppat viðvíkjandi tí ogn, sum hjúnafelagin hevur fingið tillutað við hjúnaskilnað ella er tikin við í deyðsbúgvið.
    4. Eginognin hjá skattskylduga við árs enda.

    2. stk. Um hjúnafelagarnir í tí inntøkuári, sum samskattingin heldur uppat, hvør sær hava gjørt avskrivingar, sum koma undir § 31 í skattalógini, soleiðis at tvær uppgerðir av eginnýtsluni skulu gerast, so kunnu tey fráskildu (sundurlisnu) hjúnini, ávikavist longst livandi og deyðsbúgvið, krevja, at ein felags uppgerð verður gjørd eftir somu mannagongd, sum er galdandi fyri hjún, sum eru samskattað við enda inntøkuársins. Treytin er tó, at partarnir eru samdir um hesa mannagongd.

    § 6. Skattaborgarin deyður í inntøkuárinum
    Tá ið uppgerðin av eginnýtsluni hjá einum ógiftum skattaborgara verður gjørd í samband við endaligu álíkningina fyri tíðarskeiðið frá byrjan inntøkuársins til andlátið, verður tann mannagongd nýtt, sum er umrødd í óbeinleiðis uppgerðini av eginnýtsluni.
    2. stk. Var skattaborgarin giftur og samskattaður við hjúnafelagan, verður eginnýtslan í tíðarskeiðinum frá byrjan inntøkuárins og til andlátið gjørd upp við at nýta eginognina hjá manninum við byrjan inntøkuársins. Afturat henni verður løgd skattskylduga inntøka og onnur tilgongd hjá skattskyld uga í tíðini til andlátið, tó verður sæð burtur frá frádráttum, sum viðkoma inntøkuni hjá tí eftirsitandi. Frá hesi upphædd verður drigin øll frágongd í tíðini til andlátið og byrjunarognin hjá deyðsbúnum, tó verður sæð burtur frá skattskyldugari inntøku, sum viðkemur inntøkuni hjá tí eftirsitandi hjúnafelagnum.
    3. stk. Um bæði hin deyði og eftirsitandi hjúnafelagin hava gjørt avskrivingar, kunnu búgvið og eftirsitandi hjúnafelagin velja at gera eina felags uppgerð.

    § 7. Beinleiðis uppgerð
    Eginnýtslan kann verða gjørd upp beinleiðis við at leggja saman allar bókaðar privatar útreiðslur og tey skattskyldugu virðini av fríum ágóðum. Treytin fyri slíkari uppgerð er, at roknskapurin hjá tí skattskylduga umfatar allar inntøkur og útreiðslur og alla ognina við byrjan og enda roknskapar- ársins. Eisini er treytin, at á kontoini fyri eginnýtslu í roknskapinum verða bókaðar allar upphæddir, sum verða nýttar til eginnýtslu, herundir eisini nýtslu av vørum, privati parturin av útreiðslum til rakstrargøgn, telefon o.a., sum verða nýtt bæði vinnuliga og privat. Um hin skattskyldugi ella hjúnafelagin hava inntøkur, ognarvøkstur ella ognarmink- ing frá øðrum keldum enn frá tí virkinum, sum bókingin snýr seg um, so er treytin fyri beinleiðis uppgerð av eginnýtsluni, at slíkar upphæddir eru bókaðar við í roknskapinum og skrásettar á eginognar- og/ella eginnýtslu kontoini.
    2. stk. Tann soleiðis skrásetta eginnýtslan skal kunna samanberast við ognina við árs enda, um roknskapurin annars kann nýtast sum grundarlag undir skattaálíkningini.
    3. stk. Um hin skattskyldugi ella hjúnafelagin annars hava fingið aðrar skattskyldugar ágóðar (naturalier), sum eru ikki skrásettir í roknskapinum, so skal tann beinleiðis uppgjørda eginnýtslan hækkast við skattskylduga virðinum av slíkum ágóðum. Eisini skal tann beinleiðis uppgjørda eginnýtslan hækkast við tí upphædd av keypsvirðinum av privatum akførum, sum verða ásett av landsstýrinum sambært § 31, 3. stk. í samtíðarskattalógini.

    § 8. Skattskylduga inntøkan, sum skal takast við í uppgerðina.
    Við í uppgerðini er skattskylduga inntøkan hjá tí skattskylduga og samskattaða hjúnafelaga gjørd upp eftir reglunum í skattalógini annars, herundir møguligt hall frá árunum frammanundan.
    2. stk. Um hin skattskyldugi er giftur í inntøkuárinum, skal eginnýtslan gerast upp undir einum hjá hjúnunum fyri alt árið. Slík uppgerð umfatar samlaðu ársinntøku hjúnanna. Eginognin hjá hjúnum við byrjan og enda inntøkuársins skal tá vera grundarlagið fyri uppgerðini av eginnýtsluni fyri inntøkuárið. Sama er galdandi, tá ið annar hjúnafelagin doyr, um eftirsitandi hjúnafelagin í beinleiðis sambandi við andlátið velur at sita í óskiftum búgvi, ella búgvið verður ikki skift sambært § 14, 9. stk. í samtíðarskattalógini.
    3. stk. Tá ið skattskylduga inntøkan hjá einum skattskyldugum persóni, sum er sundurlisin ella skildur í inntøkuárinum, verður gjørd upp, verður bert hansara skattskylduga inntøka tikin við í uppgerðini. Sama er galdandi, um annar hjúnafelagin doyr í inntøkuárinum, og búgvið verður skift beint aftaná andlátið. Eisini tá ið endalig álíkning hjá tí deyða sambært § 40 í samtíðarskattalógini verður gjørd, skal inntøkan hjá eftirsitandi hjúnafelaga ikki verða tikin við, tá ið uppgerðin av eginnýtsluni hjá tí deyða verður gjørd.
    4. stk. Avmarkað skattskyldug uttanlands, sum eru fult skattskyldug í Føroyum, skulu eisini taka avmarkaðu skattskyldugu inntøkuna við í uppgerðini av eginnýtsluni í Føroyum.

    § 9. Avskrivingar
    Meginreglan sambært § 31 í skattalógini er, at um skattskylduga inntøkan er lægri enn skattliga uppgerðin av eginnýtsluni, so kunnu avskrivingar, forskotsavskrivingar og avsetingar í íløgugrunn ikki verða gjørdar. Er skattskylduga inntøkan aftaná slíkar avskrivingar v.m. lægri enn skattliga eginnýtslan, skal skattskylduga inntøkan setast ájavnt við skattligu eginnýtsluna, men tó soleiðis, at hækkingin í skattskyldugu inntøkuni ongantíð má vera meir enn gjørdar avskrivingar og avsetingar í íløgugrunn.
    Samtíðarskattalógin fevnir ikki um avskrivingar, sum eru bundnar til tað ávísa árið eitt nú avskrivingar av goodwill, tí hesar annars verða mistar, um tær verða ikki gjørdar í tí ávísa árinum.
    3. stk. Avskrivingar, sum koma undir avmarkingarnar í lógini, eru:

    1. Avskrivingar sambært kap. 1 í løgtingslóg nr. 52 frá 29. desember 1971 um skattligar avskrivingar v.m., tó ikki frá dráttur eftir § 3, 1. stk. (Rakstrargøgn við virði av 4.000 kr. ella minni).
    2. Avskrivingar sambært kap. 2 í somu lóg av rakstrargøgnum, sum verða nýtt bæði til vinnu og eginnýtslu.
    3. Avskrivingar sambært kap. 3 í avskrivingarlógini av skipum til vinnuliga nýtslu, herundir forskotsavskrivingar av byggisáttmálum uppá skip til vinnuliga nýtslu sambært § 13.
    4. Avskrivingar sambært kap. 4 í somu lóg av bygningum til vinnuliga nýtslu.

    4. stk. Skattskyldugi kann sjálvur velja, hvørji avskrivingarprosent hann nýtir, og hvussu stóra forskotsavskriving hann vil gera innanfyri lógarinnar mark, og uttan at skattskylduga inntøkan av hesum verður minni enn skattliga eginnýtslan.
    5. stk. Sjálvt um ein skattskyldugur persónur í einum inntøkuári, orsakað av reglunum í § 31 í samtíðarskattalógini, hevur ikki forskotsavskrivað ella hevur forskotsavskrivað við lægri prosenti enn hægst loyvda, so longir hetta tó ikki um árini, sum hann kann forskotsavskriva í sambært § 13 í avskrivingarlógini.
    6. stk. Somuleiðis vil tað, ikki at avskriva uppá bygning ella avskriva við lægri prosenti enn hægst loyvda sambært § 20 í avskrivingarlógini, ikki longja um 10 ára skeiðið, sum í § 20 í avskrivingarlógini er sett fyri hægra avskrivingarprosentið.

    § 10. Íløgugrunnar
    Sambært § 31, 1. stk., í samtíðarskattalógini kann ikki verða lagt í íløgugrunn, um skattskylduga inntøkan er lægri enn skattliga eginnýtslan, ella um tað at leggja í íløgugrunn ber í sær, at skattskylduga inntøkan verður lægri enn eginnýtslan.

    § 11. Mannagongdin, tá ið bæði avskrivingar og íløgugrunnar kunnu nýtast
    Um báðir møguleikarnir eru til staðar, og tað ikki beinleiðis er greitt fyri skattaborgaran, um eginnýtslan er minni enn skattskylduga inntøkan, tá ið avskrivingar og íløgugrunnar eftir vanligu reglunum eru drigin frá, kann roknast fram til skattskyldugu inntøkuna soleiðis:

    1. uttan íløgugrunn,
    2. uttan forskotsavskrivingar,
    3. uttan avskrivingar sambært kap. 1, 2, 3 og 4 í avskrivingarlógini.

    2. stk. Um nú skattskylduga inntøkan, sum roknað er fram til, er hægri enn skattliga eginnýtslan, so kann munurin millum inntøkuna og skattligu eginnýtsluna verða nýttur antin til at leggja í íløgugrunn, forskotsavskriva ella til avskrivingar, til inntøkan er ájøvn við eginnýtsluna. Munurin kann eisini verða nýttur til fleiri av umrøddu frádrøgum samstundis.
    3. stk. Er skattskylduga inntøkan gjørd upp eftir 1 - 3 frammanfyri í 1. stk. minni enn eginnýtslan, so skal tann soleiðis uppgjørda skattskylduga inntøkan nýtast, tá ið sjálvuppgávan verður latin inn, tí so verður inntøkan ikki hækkað samb. § 31, 2. stk. í samtíðarskattalógini.
    4. stk. Í teimum førum har skattskylduga inntøkan av líkningarmyndugleikanum verður hækkað upp til eina upphædd svarandi til eginnýtsluna, og hækkingin er minni enn samlaðu avskrivingarnar og tað, sum lagt er í íløgugrunn, sum kunnu lækkast ella heilt strikast, skal tí skattskylduga verða givið 4 vikur til at boða frá, hvørja ella hvørjar av gjørdu avskrivingum v.m., hann ynskir at lækka ella strika heilt.

    § 12. Samskattaðir hjúnafelagar, sum reka hvør sítt sjálvstøðuga virki
    Fyri samskattaðar hjúnafelagar verður eginnýtslan sum fyrr umrøtt gjørd upp undir einum, og skattskylduga inntøkan, sum skal samanhaldast við eginnýtsluna, er skattskyldug inntøka hjá manninum við inntøkuni hjá konuni lagdari afturat.
    2. stk. Um nú bæði kunnu avskriva v.m. í hvør sínum virki, kann ein rokna seg fram til skattskyldugu inntøkuna sum víst undir 1 - 3 í § 11, 1. stk. frammanfyri. Um inntøkurnar, ið eru gjørdar upp á slíkan hátt tilsamans eru hægri enn eginnýtslan, so kunnu hjúnini nýta munin í øðrum av virkjunum ella báðum eftir egnum ynski til antin íløgugrunn, forskotsavskrivingar ella hægri avskrivingar v.m. innanfyri karm lógarinnar.
    3. stk. Eru tær soleiðis uppgjørdu skattskyldugu inntøkurnar tilsamans harafturímóti minni enn samlaða eginnýtsla hjúnanna, so skal henda uppgerð leggjast til grund, tá ið sjálvuppgávan verður latin inn, tí tá kann reglan í § 31, 2. stk. í skattalógini ikki geva grundarlag fyri hækking av inntøkuni.
    4. stk. Um broytingar skulu gerast í avskrivingum v.m., skal verða givin hjúnunum ein freist uppá 4 vikur til at boða frá hvørja ella hvørjar av gjørdu avskrivingum v.m. tey ynskja at lækka ella heilt at strika.

    § 13. Dømi uppá uppgerð av eginnýtsluni
    Dømi 1:

    Sambært ognaruppgerðina er eginognin við ársbyrjan uppgjørd til:
    Húsaogn1.000.000 kr.
    - lániskuld500.000 kr.500.000 kr.
    Kassi + peningastovnar200.000 kr.
    Rakstrargøgn, saldovirði100.000 kr.
    Partabrøv(áljóðandi 100.000 kr. kurs 200)200.000 kr.
    Eginogn pr. 1. januar 19861.000.000 kr.


    Í árinum 1986 er hetta hent:
    Húsini verða seld fyri 1.200.000 kr.
    Virkið heldur uppat og rakstrargøgnini verða seld fyri 80.000 kr. Partabrøvini verða seld til kurs 225. Almannastovan letur 2.000 kr. í barnastudningi. Í P/r Skip verður teknaður ein partur uppá 500.000 kr. í sáttmála í skipi, sum er í gerð. Innskotið verður 50.000 kr. kontant. Ynski verður sett fram um at forskotsavskriva so nógv sum gjørligt. Partabrøv verða keypt fyri áljóðandi 25.000 kr. til kurs 105 (kr. 26.250).
    1. juli verður ein privatbilur keyptur fyri 200.000 kr. Kontanta útgjaldið er 100.000 kr. Restin verður uppá sáttmála. Húsini verða umbygd fyri 50.000 kr. Neyst og bátur verða keypt fyri 200.000 kr. Kontant verður goldið 50.000 kr. Restin 150.000 kr. er lán. Skattskylduga inntøkan hjá manninum er 200.000 kr. Skattskylduga inntøkan hjá konuni er 80.000 kr., men tá er ongin forskotsavskriving gjørd í inntøkunum. Goldin skattur hjá báðum er 100.000 kr.

    Sambært ognaruppgerðina er ognin við árs enda uppgjørd til:

    Kassin + peningastovnar930.750 kr.
    Partabrøv (áljóðandi 25.000 kr.,kurs 110)27.500 kr.
    Privatbilur200.000 kr.
    - skuld100.000 kr.
    15% avskriving av 200.000 kr.30.000 kr. 70.000 kr.
    Innskot í P/r Skip50.000 kr.
    Neyst og bátur200.000 kr.
    - skuld150.000 kr. 50.000 kr.
    Eginogn pr. 31.12.19861.128.250 kr.

    Eginnýtsla verður nú uppgjørd soleiðis:

    FrágongdTilgongd
    Eginogn 1. januar 19861.000.000 kr.
    Skattskyldug inntøka, maður200.000 kr.
    Skattskyldug inntøka, kona80.000 kr.
    Vinningur við sølu av partabrøvum, kurs 22525.000 kr.
    Tilgongd søla av húsum200.000 kr.
    Neyst og bátur (parturin upp til 15.000 kr.)15.000 kr.
    Barnastudningur2.000 kr.
    Kursøking av partabrøvum, kurs 1101.250 kr.
    1.523.250 kr.
    Goldin skattur100.000 kr.
    Tap við sølu av rakstrargøgnum20.000 kr.
    Umbygging av húsum, oman fyri 15.000 kr.35.000 kr.
    Eginogn pr. 31.12.19861.128.250 kr.1.283.250 kr.
    Eginnýtslan (kontant + ágóði í peningsvirði).240.000 kr.


    Samlaða skattskylduga inntøkan er 280.000 kr. Eftir hesum dømi er so møguleiki fyri at forskotsavskriva 40.000 kr. uppá sáttmálan í P/r Skip.

    Sambært avskrivingarlógina er samlaða forskotsavskrivingin 15% av sáttmálavirðinum, tó hægst ájavnt við inngoldna eginpeningin. Avmarkingin í § 31 í samtíðarskattalógini hevur onga ávirkan á forskotsavskrivingina í hesum dømi.

    Vinningur við sølu av partabrøvum er ikki við í skattskyldugu inntøkuni, tá ið tey eru útvegað meira enn 3 ár frammanundan søluni.

    Dømi 2:
    Eginogn við ársbyrjan.
    Kassi + peningastovnar100.000 kr.
    Vørugoymsla100.000 kr.
    Rakstrargøgn100.000 kr.
    300.000 kr.
    Eginogn pr. 1/1 1986
    Eginogn við ársenda:
    Kassin + peningastovnar50.000 kr.
    Vørugoymsla125.000 kr.
    Rakstrargøgn, saldo, avskrivað 30% í 198670.000 kr.
    Eginogn pr. 31/12 1986245.000 kr.


    Eginnýtslan verður uppgjørd soleiðis:

    FrágongdTilgongd
    Eginogn pr. 1/1 1986300.000 kr.
    Skattskyldug inntøka100.000 kr.
    400.000 kr.
    Goldin skattur40.000 kr.
    Eginogn pr. 31/12 1986245.000 kr.285.000 kr.
    Eginnýtsla (kontant + ágóði í peningsvirði115.000 kr.


    Skattskyldug inntøka er 100.000 kr. aftaná eina avskriving uppá 30.000 kr., og tá ið hon er lægri enn skattliga eginnýtslan uppá 115.000 kr. verður skattskylduga inntøkan hækkað til 115.000 kr. samstundis sum avskrivingin verður lækkað við 15.000 kr. og eginognin pr. 31/12 1986 hækkað við 15.000 kr.

    Uppgerð av eginnýtsluni.Tilgongd (Kredit)
    Eginogn við ársbyrjan + -kr.
    Skattafríar inntøkur, herundir eydnuspæl v.m.kr.
    Skattskyldug inntøka sambært sjálvuppgávu, maðurkr.
    Skattskyldug inntøka, samskattað konakr.
    Løntakarafrádráttur, maður + konakr.
    Avlopsskattur + endurgjaldkr.
    Skattað renta og vinningsbýtikr.
    Arvur og gáva, kontant og virði av ognarlutum, tann parturin, sum er omanfyri 5.000 kr.kr.
    Barnastudningur og annar almennur studningurkr.
    Skattafrítt tryggingarútgjaldkr.
    Útgoldið skattafrítt endurgjald annarskr.
    Hall frá árinum frammanundankr.
    Vinningur við sølu av privatum ognarlutum, tann parturin, sum er omanfyri 5.000 kr.kr.
    Kursvinningur við sølu av virðisbrøvumkr.
    Vinningur við sølu av fastari ognkr.
    Vinningur við sølu av rakstrargøgnum tá ið virki heldur uppat, og sum eru ikki við  í skattskyldugu inntøkunikr.
    Íløgugrunnur, sambært lóg um íløgugrunnkr.
    Kurshækking á óseldum virðisbrøvumkr.
    Hækking av virðinum á fastogn og leysafækr.
    Bilur: Skattafríur vinningur við sølu (privat/blandað)kr.
    Klassingargrunnurkr.
    Avskriving av privatum bili 20% (ikki ognaruppgerð)kr.
    Forskotsavskriving, sambært avskrivingarlóginakr.
    kr.
    kr.
    kr.
    Íaltkr.

    Frágongd (Debet)
    Goldin A-skattur, maður + konakr.
    Goldin B-skattur, maður + konakr.
    Goldin írestandi skattur + endurgjald, maður + konakr.
    Privatar renturútreiðslurkr.
    Goldið arvaavgjaldkr.
    Gávur og arvaforskot, kontant, tann parturin, sum er omanfyri 5.000 kr.kr.
    Gávur og arvaforskot, ognarlutir, tann parturin, sum er omanfyri 5.000 krkr.
    Tap við sølu av rakstrargøgnum, tá ið virki heldur uppat, og sum er ikki við í skattskyldugu inntøkunikr.
    Bilur: Tap við sølu, sum kann ikki dragast frákr.
    Gjaldkomin, skyldugur inntøkuskatturkr.
    Sektir, endurgjald, veðhaldstap og tap av privatum lánumkr.
    Ogn hjá børnum/hjúnafelaga, sum er flutt til teirra, tí tey sjálvstøðugt verða sett í skattkr.
    Tap við sølu av fastognkr.
    Útreiðslur til umsiting, ábøtur, ný-, afturat- og umbygging av fastogn, tann parturin,sum er omanfyri 15.000 kr.kr.
    Útreiðslur til keyp, sølu og umfíggjan, herundir kurstap og stovningarútreiðslur av lánum, sum kunnu ikki dragast frákr.
    Tryggingargjøld til vanlukkutryggingar, lívstryggingar v.m., keyp av lívrentu (kapitalinnskot) o.tl. tryggingar, sum kunnu ikki dragast frákr.
    Nýtsla av íløgugrunnum og forskotsavskrivingum til at minka umútveganarvirðið av avskrivingarbærum ognumkr.
    Javnan av negativari avskrivingarsaldo frá árinum frammanundan, avskrivingarlógin § 5, 1. stk.kr.
    Inntøkuføring av ikki nýttum forskotsavskrivingumkr.
    Inntøkuføring av ikki nýttum íløgugrunnumkr.
    Inntøkuføring av klassingargrunnumkr.
    Kurstap við sølu av virðisbrøvumkr.
    Fall í virðinum á fastogn og leysafæ v.m.kr.
    Eginogn við árs enda + -kr.

    Nr. 3/1986 Viðv. skattligari viðgerð av endurgjaldsveitingum frá tryggingarstovnum

    Rundskriv nr. 3 frá 25. sept. 1986

    viðv. skattligari viðgerð av endurgjaldsveitingum frá tryggingarstovnum

    Sum skattskyldugar inntøkur skulu t.d. roknast:

    a) Endurgjøld fyri mistar inntøkur,
    b) endurgjøld fyri varandi mein,
    c) endurgjøld fyri tap av vinnuevni,
    d) endurgjøld fyri tap av forsyrgjara,
    tá ið endurgjøldini, nevnd undir b)-d), verða útgoldin sum tíðarviss gjøld.

    Tá ið tey undir b)-d) nevndu endurgjøld verða útgoldin sum ein kapitalupphædd, skulu tey ikki roknast við í skattskyldugu inntøkurnar.
    Niðanfyri tilskilaðu endurgjøld skulu vanliga ikki roknast við í skattskyldugu inntøkurnar:

    a) Endurgjald fyri ónáðir í starvi og støðu,
    b) endurgjald fyri brotið hjúnabandslyfti,
    c) endurgjald fyri ærumeiðing,
    d) endurgjald fyri sviða og sársaka,
    e) endurgjald fyri lýti og misprýði,
    f) endurgjald fyri útreiðslur í samband við heilsubót, eitt nú flutning til og frá sjúkrahúsi.

    Tilskilast skal, at tær skattskyldugu endurgjaldsveitingarnar eru A-inntøkur, sum skulu ávísast um eitt avrokningarstað.

    Vart verður gjørt við, at tað finnast aðrar enn frammanfyri umrøddu endurgjaldsveitingar.

    Líkningarráðið vegleiðir í ivamálum.

    Nr. 6/1998 Fyrisitingarligar sektarásetanir fyri brot á § 141 og § 142 í skattalógini

    Rundskriv nr. 6 frá 4. november 1998

    um fyrisitingarligar sektarásetanir fyri brot á § 141 og § 142 í Skattalógini.

    Eftir heimild frá landsstýrismanninum í skattamálum sambært § 145, stk. 5, jbr. stk. 1 í løgtingslóg nr. 86 frá 1. september 1983 um landsskatt og kommunuskatt við seinni broytingum (hereftir nevnd Skattalógin) hevur Toll- og Skattaráð Føroya fyrisett hesa mannagongd fyri brot á §§ 141 og 142 í Skattalógini.

    A. Inngangur
    Brot á §§ 141 og 142 í skattalógini er bert revsivert, um brotið er framt við vilja ella av stórum gáloysni. Minni gáloysni verður ikki revsað.

    Sektarmál verða viðgjørd av Toll- og Skattstovu Føroya, men Toll- og Skattarráð Føroya hevur endaligu avgerðina í sektarmálum. Skattalógin áleggur arbeiðsgevarum og løntakarum ávísar skyldur í samband við ávísing av lønum v.m. Samstundis er álagt sektarábyrgd á tey, ið ikki fylgja hesum reglum.

    B. Frágreiðing frá Toll- og Skattstovu Føroya
    (umsitingini)

    Frágreiðingin skal byggja á eina neyva lýsing av teimum veruligu umstøðunum í samband við brotið. Somuleiðis skulu allir aðrir upplýsingar, ið kunnu metast at hava týdning fyri málið - heruppií eisini upplýsingar, ið kunnu vera til fyrimunar fyri viðkomandi, t.d. at viðurskiftini eru komin í rættlag, ella at viðkomandi viðgongur misbrotið - takast við í frágreiðingina. Øll staðfest brot skulu nevnast í frágreiðingini.

    Tann, ið hevur framt brot á §§ 141 ella 142 skal skjótast gjørligt hava boð um misbrotið, og ta av hesum væntaðu avleiðing.

    Umsitingin skal ikki geva tí, ið hevur framt brotið, tað fatan, at sektarábyrgd ikki kann verða reist, sjálvt um viðkomandi fær viðurskiftini í rættlag.

    Er tað eftir umstøðunum greitt, at sektarábyrgd ikki verður áløgd (minni gáloysni), skal tann, ið hevur framt brotið, hava boð um hetta skjótast gjørligt. Samstundis skal viðkomandi kunnast um, at um misbrotið endurtekur seg, verður sektarábyrgd áløgd.

    Samstundis sum sektarmálið verður lagt fyri Toll- og Skattaráð Føroya, skal umsitingin skrivliga boða avvarðandi persónum/feløgum frá hesum. Toll- og Skattaráð Føroya viðger sektarmál sambært §§ 141 og 142 grundað á frágreiðing frá umsitingini.

    C. § 141, stk. 1 í skattalógini

    Nr. 1
    "letur vera við at avrokna A-inntøku gjøgnum tey av landstýrsmanninum í skattamálum góðkendu avrokningarstøð, jbr. § 63".
    Er ivi um, um veitingin er A-inntøka, skal hesin ivi koma ávísingarskylduga til góða. Um heimilaður ivi er, eigur sektarkrav ikki at verða reist.
    Metir umsitingin, at ávísingarskyldugi hevur verið greiður yvir at samsýningin skuldi verið ávíst, skal greiðast nærri frá hesari fatan av umstøðunum. Hetta er eisini galdandi, tá mett verður, at ávísingarskyldugi av stórum gáloysni ikki hevur ávíst samsýningina.
    Frágreiðingin frá umsitingini til nýtslu hjá Toll- og Skattaráðnum - í viðgerð tess av málinum - skal umframt tað undir B nevnda umfata nærri greinan av hesum viðurskiftum:

    1. Tænastuviðurskiftunum. Tann ávísingarskyldugi og lønmótakarin skulu hava høvi til at geva frágreiðing um, hví samsýningin ikki er ávíst.
    2. Um so er, at tey viðkomandi halda fast við, at tey hava mett lønmóttakaran sum sjálvstøðugan vinnurekandi, skal grundgevast fyri hesum.
    3. Týðandi upplýsingar frá sjálvuppgávum lønmóttakarans, fyribilsskattaskrá og endauppgerð, herundir tað ella tey tíðarskeiðini A-inntøka ikki er roknað gjøgnum góðkent avrokningarstað.
    4. Upplýsingar um, at tann manglandi A-skatturin er goldin, hvussu (smb. § 76 ella sum írestandi skattur), og nær.
    5. Sundurgreinað yvirlit yvir útgjaldingarnar, útgjaldingardag og A-skattaútrokning.
    6. Annað skjalatilfar av týdningi fyri málið.

    Ávaring
    Er brot framt við vilja ella er talan um stórt gáloysni, men tann samlaða útgoldna A-inntøkan, ið grundar ábyrgd, er minni enn 10.000 kr, kann málið verða avgreitt við einari fráboðan til tann, ið hevur framt brotið, um, at komið er framá, at lógarbrot er framt, men at eftir umstøðunum verður ikki gjørt meira við málið ("ávaring"). Hetta er tó treytað av, at tað samstundis ikki eru framd onnur brot á skattalógina. Um lógarbrot aftur verður framt, verður ábyrgd gjørd galdandi.
    Er brotið framt við vilja ella av stórum gáloysni, verður sektin sett til 25% av skattinum av tí ikki ávístu A-inntøkuni.

    Útrokning av sektarkravinum
    "ikki rættstundis heldur eftir og avroknar avgjald í vinningsbýti sambært § 30 og ikki rættstundis heldur eftir og avroknar avgjald av nýtslurætti sambært § 7 í løgtingslóg nr. 87 frá 1. september 1983 um áseting av skatti til landskassan við seinni broytingum".

    Nr. 2
    Er brot framt við vilja, ella er talan um stórt gáloysni, men tann samlaða útgoldna upphæddin, ið grundar ábyrgd, er undir 50.000 kr., og tað er staðfest, at farið er meir enn 3 mánaðir út yvir gjaldsdagin av avgjaldinum, ella tann samlaða útgoldna upphæddin, ið grundar ábyrgd er undir 25.000 kr., og tað er staðfest, at farið er meir enn 6 mánaðir út yvir gjaldsdagin av avgjaldinum, kann málið verða avgreitt við einari fráboðan til tann, ið hevur framt brotið, um, at komið er framá, at lógarbrot er framt, men at tað eftir umstøðunum ikki verður gjørt meira við málið ("ávaring"). Hetta er tó treytað av, at tað samstundis ikki eru framd onnur brot á skattalógina. Um lógarbrot aftur verður framt, verður ábyrgd gjørd galdandi.

    Ávaring
    Frágreiðing frá umsitingini til Toll- og Skattaráð Føroya skal sostatt gerast, tá staðfest er:

    1. at farið er meiri enn 3 mánaðir út yvir gjaldsdagin av avgjaldinum, og upphæddin er kr. 50.000 ella omanfyri, ella
    2. at farið er meiri enn 6 mánaðir út yvir gjaldsdagin av avgjaldinum, og upphæddin er kr. 25.000 ella omanfyri.

    Frágreiðing skal tó altíð gevast, tá talan er um skerpandi umstøður.
    Er broti framt við vilja ella av stórum gáloysni, verður sektin sett til 25% av tí ikki avroknaða avgjaldinum.

    Útrokning av sektarkravinum
    "ikki veitir teir upplýsingar, sum tilskiðaðir eru í §§ 118-124".

    Nr. 3
    Frágreiðing skal gevast sambært pkt. B, og skal avrit av sektarútrokningini leggjast við.
    Er brotið framt við vilja ella av stórum gáloysni, verður sektin av Toll- og Skattaráð Føroya ásett til kr. 1.000.

    Útrokning av sektarkravinum:
    "Við sekt verður tann persónur revsaður, sum við vilja ella av stórum gáloysni:"

    D. § 141, stk. 2 í skattalógini
    Er talan um brot á skattalógina 1. ferð, verður málið vanliga ikki viðgjørt smb. § 141, stk. 2. Tó kunnu tað vera umstøður, ið gera, at misbrotið má metast sum framt við tí í hyggju at sleppa sær undan at rinda skatt til tað almenna ella í øllum førum, at talan er um skerpandi umstøður.
    Skerpandi umstøður:

    Sektarútrokning av skerpandi sekt:
    Sektin verður roknað sambært lógarbrotið, og tann útroknaða sektin verður hækkað við 50% aftaná niðurrunding. Í málum, har viðkomandi áður hevur verið dømdur, ella hevur viðtikið sektaruppskot fyri brot á Skattalógina, verður sektin hækkað við 100 % aftaná niðurrunding.

    E. § 142 í skattalógini
    "tekur ímóti A-inntøku vitandi um, at A-skattur ikki er eftirhildin sambært ásetingum lógarinnar"

    Nr. 1
    Frágreiðing frá umsitingini til Toll- og Skattaráð Føroya skal gevast, tá mett verður, at lønmóttakarin hevur verið vitandi um, at skattur ikki er eftirhildin í A-inntøkuni. Frágreiðingin skal umfata tey undir pkt. B og C nevndu punktini.
    Dentur verður lagdur á, um løntakarin visti, um samsýningin var A-inntøka ella ikki. Er ivi um, um veitingin er A-inntøka, skal hesin ivi koma skattgjaldaranum til góða. Um heimilaður ivi er, eigur sektarkrav ikki at verða reist.
    Mál, har mett verður, at skattgjaldarin á útgjaldingartíðspunktinum var í umberandi fákunnleika (uvidenhed) ella umberandi misskiljing av reglunum um A-inntøku, skulu ikki leggjast fyri Toll- og Skattaráðið.
    Sum brot á § 142, stk. 1, nr. 1 kann m.a. nevnast, tá skattgjaldari vanliga hevur fingið samsýningina útgoldna sum A-inntøku, men síðani fær samsýningina sum B-inntøku, við tí grundgeving, at hann nú er sjálvstøðugur vinnurekandi, hetta uttan at viðurskiftini annars eru broytt.
    Er brot framt við vilja, men tann samlaða útgoldna A-inntøkan, ið grundar ábyrgd, er minni enn 10.000 kr, verður málið avgreitt við einari fráboðan til tann, ið hevur framt brotið, um, at komið er fram á, at lógarbrot er framt, men at eftir umstøðunum verður ikki gjørt meira við málið ("ávaring"). Hetta er tó treytað av, at tað samstundis ikki eru framd onnur brot á skattalógina. Um lógarbrot aftur verður framt, verður ábyrgd gjørd galdandi.

    Ávaring
    Er brotið framt við vilja, verður sektin sett til 25% av skattinum av tí ikki ávístu A-inntøkuni.

    Útrokning av sektarkravinum
    Um so er, at skattgjaldarin hevur goldið B-skatt av inntøkuni, og á henda hátt hevur goldið tann skatt, ið fellur á A-inntøkuna, verður sektin í minni grovum lógarbrotum kr. 1.000 ella ein ávaring.
    "við vilja ella av stórum gáloysni veitir rangar ella villleiðandi upplýsingar, sum nýtast skulu til avgerðir eftir §§ 62, 63, stk. 4, 68, 69, 72, stk. 1 og 73 ella í samband við eina í hesum nevndu reglum dylur upplýsingar, sum hava týdning fyri, hvussu málið verður loyst".

    Nr. 2
    Frágreiðing frá umsitingini til Toll- og Skattaráð Føroya skal gevast, tá mett verður, at talan er um stórt gáloysni ella gerð gjørda við vilja. Frágreiðing skal bert gevast í førum, tá talan er um serliga grovt brot, og skal umfata:
    tey viðurskifti/umstøður og tær upphæddir, sum rangir ella villeiðandi upplýsingar eru veittir um,
    hvussu misbrotið er staðfest,
    frásøgn frá fundum við viðkomandi um misbrotið skal verða hjáløgd.
    "við vilja ella av stórum gáloysni veitir rangar ella villleiðandi upplýsingar í samband við endaligu uppgerðina av einum deyðsbúgvi sambært §§ 13, 14, 17, 18, 19 og 40, ella dylur upplýsingar, sum hava týdning fyri, hvussu málið verður loyst.

    Nr. 3
    Frágreiðing frá umsitingini til Toll- og Skattaráð Føroya skal gevast, tá mett verður, at talan er um stórt gáloysni ella gerð gjørda við vilja. Frágreiðing skal bert gevast í førum, tá talan er um serliga grovt brot, og skal umfata:
    tey viðurskifti/umstøður og tær upphæddir, sum rangir ella villeiðandi upplýsingar eru veittir um,
    hvussu misbrotið er staðfest,
    frásøgn frá fundum við viðkomandi um misbrotið skal verða hjáløgd. "Á sama hátt sum tilskilað í § 141 verður tann persónur revsaður, sum:"

    Sekt kann ikki áleggjast skattgjaldara fyri brot á bæði §§ 141 og 142 í sama máli. Her verður t.d. hugsað um høvuðspartaeigara, sum hevur tikið út pening úr felagnum uttan A-skatt. Hesin skal bert viðgerast smb. § 141, 1. stk., nr. 1.

    F. Viðgerð antin eftir § 141 ella § 142

    G. Runding av sektum

    H. Konvertering til A-inntøku frá millumrokningskonto
    Um upphæddir, sum eru tiknar út og bókaðar á millumrokningskonto, seinni verða konverteraðar til A-inntøku (løn, tantieme), er talan um brot á § 141, stk. 1, nr. 1 ella § 142, stk. 1. nr. 1, og verða slíkar upphæddir viðgjørdar sum omanfyri.

    I. Endurtøka
    Verður brot framt á Skattalógina aftur, áðrenn 5 ár eru farin, frá tí at viðkomandi varð revsaður fyri brot á revsireglurnar í Skattalógini, verður vanlig sekt hækkað við 25%.
    Almenni parturin í revsilógini er galdandi í viðgerðini av fyrisitingarligum sektarmálum eftir Skattalógini.

    J. Lækking av sektum
    Tá ið sekt verður ásett, kunnu hesar í revsilógini nevndu lækkingartreytir vera við í metingini:

    • gjaldføri hjá viðkomandi eftir § 51, stk. 3 smb. § 80, stk. 1 í revsilógini.
    • hvussu stórt lógarbrotið er, upplýsingar um viðkomandi, hansara vanligu persónligu og sosialu viðurskifti, hansara viðurskifti fyri og eftir lógarbrotið, eins og hansara orsøk til lógarbrotið, § 80, stk. 1 í revsilógini.
      Heruppí kemur t.d. ungur aldur, smb. eisini § 84, stk. 1, nr. 2, smb. stk. 2, og høgur aldur. Hvørja útbúgving viðkomandi hevur, roknskaparligt innlit, eins og hansara sosiala støða kann eisini verða tikin við í metingina.
    • at viðkomandi hevur framt lógarbrotið í umberandi fákunnu um ella umberandi misskiljing av lógarreglum, sum banna ella áleggja framferðarháttin, § 84, stk. 1, nr. 3, smb. stk. 2 í revsilógini.
    • at viðkomandi, eftir at tann revsiverda framferðin er framd, til fulnar hevur endurbøtt tann við lógarbrotinum framda skaðan, § 84, stk. 1, nr. 7 í revsilógini.
      Ásetingin kann serliga hava týdning viðv. umskaringarmuni, har munurin aftaná er inntøkuførdur.
    • at viðkomandi annars sjálvboðin hevur lagt doyðin á at fyribyrgja fullgerðina ella endurbøta tann við lógarbrotinum framda skaðan, smb. § 84, stk. 1, nr. 8 í revsilógini. Henda áseting kann serliga hava týdning viðv. umskaringarmuni, har munurin aftaná lutvís er inntøkuførdur.
    • at viðkomandi sjálvboðin hevur meldað seg sjálvan og til fulnar játtað (sjálvboðin fráboðari), § 84, stk. 1, nr. 9 í revsilógini.
    • Tað liggur á skattavaldinum at vísa á, at fráboðanin frá viðkomandi ikki er gjørd sjálvboðin. Hjá sjálvboðarum verður sektin lækkað til 1/3 av vanligu sektini.
      Hóast tað, sum er ásett undir M í hesum rundskrivi, kunnu hesi mál uttan mun til støddarmunin avgerast fyrisitingarliga, uttan so at tann landsskattur, sum viðkomandi er sloppin sær undan, er meira enn 500.000 kr.

    Umframt av teimum frammanfyri nevndu orsøkum kann sektin verða lækkað, um so er, at:

    • munurin er lættur at staðfesta.
      sektin kann tá vanliga verða lækkað við 1/3.
      Hevur munurin samband við upphædd, sum sjálvvirkandi verður upplýst skattavaldinum, verður ábyrgdarmál ikki reist.
    • meting er við í uppgerðini av tí muni, sum er ábyrgdarfáandi.
      Sektin kann tá vanliga verða lækkað við 1/3.
    • grannskoðari ella annar ráðgevari er samsekur.
      Í málum, har ráðgevaramistøk eru framd, verður ein ítøkilig meting gjørd, hvussu ábyrgdin skal lutast.
      Hevur ráðgevarin framt mistak í avgerandi mun, er ofta hvørki grundarlag fyri, at staðfesta tilætlað ráð ella stórt gáloysni hjá skattgjaldaranum. Skuldi hetta kortini verið so, verður vanliga sektin lækkað í tann mun, ábyrgdin av mistakinum kann staðfestast hjá ráðgevaranum.
    • tað snýr seg um gomul viðurskifti.
      Sektin verður vanliga lækkað niður í helvt, tá ið øll lógarbrotini eru eldri enn 5 ár.
    • skattgjaldarin hevur medvirkað at loysa málið.
      K. Brot á § 139

    Í samband við viðgerð av sektarmálum, ið eru grundað á lógarbrot á §§ 141 og 142, kann somuleiðis verða talan um brot á § 139.

    Í málum, sum viðvíkja brot á § 141, stk. 1, nr. 1 og § 142, stk. 1, nr. 1 (A-inntøkan ikki ávíst), kannar umsitingin, um talan er um brot á § 139. Hetta kann koma fyri í teimum førum, har inntøkan ikki er givin upp til skattingar. Um so er, at sektarmálið verður viðgjørt smb. § 139, verður brotið á §§ 141 og 142 lýst, men verður sekt ikki roknað smb. hesum greinum.

    Um sektarmálið ikki verður viðgjørt smb. § 139, verður tað viðgjørt eftir §§ 141 og 142.

    Útroknað sektarupphædd í krónumRunda niður til tal býtisført við:
    frá 1.000 til 2.999100
    frá 3.000 til 9.999500
    frá 10.000 til 19.9991.000
    frá 20.000 til 99.9995.000
    frá 100.000 til 199.99910.000
    frá 200.00025.000


    "Er misbrotið fram við tí í hyggju at sleppa sær undan at gjalda skatt til tað almenna, ella er talan annars um skerpandi umstøður, kann revsingin hækka til varðhald ella fongsul upp til 2 ár".

    L. Brot á revsilógina
    Í nøkrum førum kann talan verða um, at brot er framt á revsilógina, umframt brot á § 141, stk. 1, nr. 1 og § 142, stk. 1, nr. 1. Her verður millum annað hugsað um, tá ein persónur brúkar P-talið hjá einum øðrum persóni, t.d. fríkort hjá børnum.

    M. Dómstólsviðgerð
    Er lógarbrotið framt við vilja, og tann landsskattaupphædd ella tað avgjaldið, sum viðkomandi er sloppin sær undan smb. § 141, stk. 1, nr. 1 og 2 og stk. 2 og § 142 tilsamans er meira enn kr. 100.000, kann málið ikki verða avgjørt fyrisitingarliga.

    N. Hvør ábyrgist
    Tað er tí neyðugt í hvørjum einstøkum føri at staðfesta, hvør ábyrgist. Í viðgerðini skal dentur leggjast á, hvør hevur fíggjarligan fyrimun av brotinum, og hvør hevur tikið avgerðina í virkinum.
    Sum meginregla ábyrgist tann, sum er skrásettur sum eigari í arbeiðsgevaraskránni.

    Einstaklingsfyritøka
    Undantøk kunnu verða, t.d. tá konan er skrásett sum eigari av virki mannsins og øvugt. Somuleiðis kann verða talan um, at dóttir/sonur hevur dagligu leiðsluna av virki, ið mamman/pápin eigur, og hesi eru farin frá vegna aldur ella sjúku.
    Ábyrgdin verður løgd á tann, ið veruliga rekur virkið.
    Sum meginregla ábyrgjast íognarar í felag, og verður sektin útroknað sum ein samlað upphædd og býtt millum teir.

    Íognarfelag
    Um so er, at málsviðgerðin kann staðfesta, at onkur av íognarunum hevur víst stórt gáloysni, og aðrir við vilja hava framt lógarbrotið, sendir Toll- og Skattaráðið málið til ákæruvaldið við málskravi um felags sekt, hvørs sundurgreining millum íognararnar rætturin tekur støðu til.
    Sum meginregla ábyrgist felagið, sí § 150 í skattalógini. Hetta, tá tað má metast, at felagið hevur havt fíggjarligan fyrimun av lógarbrotinum.

    P/F og Sp/F
    Felagið sum so kann ikki dømast frælsisrevsing. Um felagið er farið á húsagang, og mett verður, at bert felagið ábyrgist, verður sektarmál ikki reist. Sektir koma í slíkum førum í aftastu røð, og sjálvdan er dividenda til tílík krøv, og er tískil høpisleyst at reisa málið.
    Undantak frá meginregluni um, at felagið ábyrgist, er, um so er, at dagligi leiðarin er høvuðspartaeigari (eigur meira enn 50% av felagnum), og er einsamallur um at taka avgerðir, felagsins vegna.

    Stjóri, dagligur leiðari og høvuðspartaeigari
    Grundað á tætta fíggjarliga sambandið í hjúnarlagnum, verður revsiábyrgdin bert løgd á tann, ið hevur dagligu leiðsluna, um so er, at hjúnini tilsamans eiga meira enn 50% av partapeninginum.

    Tað kann eisini koma fyri, at tað er so tættur fíggjarligur áhugafelagsskapur millum tann dagliga leiðaran og eigarar av partapeninginum, at øll revsiábyrgdin verður løgd á dagliga leiðaran.

    Um so er, at fleiri partaeigarar hava somu ávirkan í felagnum, ábyrgjast teir á sama hátt sum íognarar.
    Ein samanseting av felagsábyrgd og persónsábyrgd kann koma fyri í feløgum við einum stjóra og dagligum leiðara, sum tekur avgerð felagsins vegna, men sum ikki eigur partabrævameiriluta í felagnum. Í tílíkum førum verður roknað ein samlað sekt. Av sektini ábyrgist felagið fyri 80% og dagligi leiðarin fyri 20%. Um tað eru fleiri stjórar og dagligir leiðarar, sum kunnu metast at ábyrgjast, verða tey 20% býtt teirra millum.

    Stjóri og dagligur leiðari
    Persónlig ábyrgd hjá nevndarlimum kemur bert uppá tal, um so er, at nevndin er kunnað um lógarbrotið, men onki hevur gjørt fyri at bøta um hetta. Møgulig ábyrgd móti nevndarlimum verður tá ein 20% sekt ella partar herav.

    Nevndarábyrgd
    Tað kann bert gerast ábyrgd galdandi móti P/F ella Sp/F, um so er, at felagið er skrásett í partafelagsskránni.

    Feløg undir stovnan
    Áðrenn felagið er skrásett, kann bert verða talan um persónliga ábyrgd. Sektarábyrgd verður reist móti tí ella teimum persónum, sum hava tikið avgerð felagsins vegna. Teir persónar talan kann gerast um, eru stovnarar, nevndarlimir, stjórar, álitisfulltrúar, v.m. Fyri at reisa sektarábyrgd móti persóni, kann tað vera nóg mikið, at hann hevur verið vitandi um, at rættshandlar vóru gjørdir felagsins vegna, áðrenn felagið var skrásett.

    Tá felagið er skrásett, ábyrgist felagið eisini fyri brot framd áðrenn skráseting, og verður sektin býtt, sum frammanfyri nevnt.

    Hetta rundskriv kemur í gildið 4. november 1998 og er galdandi fyri brot framt á §§ 141 og 142 í Skattalógini eftir henda dag. Samstundis fer rundskriv nr. 3 frá 12. juli 1996 frá Líkningarráð Føroya úr gildið.Í skattalógini er ikki ásett, hvør ábyrgist í sektarmálum smb. lógini, um so er, at fleiri kunnu ábyrgjast.

    Nr. 4/2016 At seta rundskriv nr. 2 frá 22. desember 2014 úr gildi

    Rundskriv nr. 4/2016

    um at seta rundskriv nr. 2 frá 22. desember 2014 úr gildi


    Toll- og Skattaráð Føroya hevur avgjørt at seta úr gildi rundskriv nr. 2 frá 22. desember 2014 um skatting av fríum summarbýli og stuttleikabáti.

    Grundleggjandi er heimild at skatta eina veruliga nýtslu, og í fall tað ikki ber til at staðfesta hesa, skal ein mett nýtsla skattast. Øll onnur skatting er ein víðari skatting, sum krevur serliga heimild.

    TAKS
    Argir, 5. januar 2017


    Eyðun Mørkøre, stjóri/Birta Biskopstø, deildarleiðari

    Vegleiðingar
    Vegleiðingarskrivið 2015 (VLS 2015)
    Úrskurðir
    • Nr. 11/00226 Sýtt frádrátt fyri hall í skattauppgerðini. Seyðahald ikki vinnuligt virksemi. Staðfest.
    • Nr. 11/00270 Mótrokning av avlopsskatti í írestandi skatti- herundir B-skatti og ómaksgjaldi
    • Nr. 11/00228 Sýtt frádrátt fyri hall í skattauppgerðini. Seyðahald ikki vinnuligt virksemi.
    • Nr. 11/00093 Sýtt rentufrádrátt partvís viðvíkjandi leiguvirksemi. Býtið av leiguinntøkuni millum eigararnar av ognini.
    • Nr. 11/00238 Mótrokning av avlopsskatti fyri 2010 í B-skatti fyri 2006
    • Nr. 11/00087 Mótrokning av írestandi skatti fyri 2009 í avlopsskatti fyri 2010
    • Nr. 10/00205 Spurningurin um inntøka er A-inntøka er lagdur til Toll- og Skattaráð Føroya at taka avgerð um.
    • Nr. 10/00323 Samdøgursfrádráttur
    • Nr. 10/00027 Samdøgursfrádráttur. Ikki mett sum útlendskt skip.
    • Nr. 09-02-23-35 Hækking av skattskyldugu inntøkunum fyri 2006 og 2007
    • Nr. 10/00088 Eftirgeving av sekt
    • Nr. 09-02-24-19 Sýtt at eftirgeva sekt (1)
    • Nr. 08-02-23-29 Hækking av skattskyldugu inntøkuni- freist fyri uppafturtøku
    • Nr. 08-02-22-50 Mótrokning av avlopsskatti í B-skatti
    • Nr. 08-02-22-51 Mótrokning av avlopsskatti í írestandi skatti og morarentu
    • Nr. 08-02-24-18 Eftirgeving av sekt (1)
    • FR dómur frá 4. februar 2013. Vinningsbýti. Feriuíbúð. Ræðisrættur. Brúksrættur. Formodning
    • FR dómur frá 21. oktober 2013. Samskatting. Kapitalvinningur
    Nr. 11/00226 Sýtt frádrátt fyri hall í skattauppgerðini. Seyðahald ikki vinnuligt virksemi. Staðfest.
    Nr. 11/00270 Mótrokning av avlopsskatti í írestandi skatti- herundir B-skatti og ómaksgjaldi
    Nr. 11/00228 Sýtt frádrátt fyri hall í skattauppgerðini. Seyðahald ikki vinnuligt virksemi.
    Nr. 11/00093 Sýtt rentufrádrátt partvís viðvíkjandi leiguvirksemi. Býtið av leiguinntøkuni millum eigararnar av ognini.
    Nr. 11/00238 Mótrokning av avlopsskatti fyri 2010 í B-skatti fyri 2006
    Nr. 11/00087 Mótrokning av írestandi skatti fyri 2009 í avlopsskatti fyri 2010
    Nr. 10/00205 Spurningurin um inntøka er A-inntøka er lagdur til Toll- og Skattaráð Føroya at taka avgerð um.
    Nr. 10/00323 Samdøgursfrádráttur
    Nr. 10/00027 Samdøgursfrádráttur. Ikki mett sum útlendskt skip.
    Nr. 09-02-23-35 Hækking av skattskyldugu inntøkunum fyri 2006 og 2007
    Nr. 10/00088 Eftirgeving av sekt
    Nr. 09-02-24-19 Sýtt at eftirgeva sekt (1)
    Nr. 08-02-23-29 Hækking av skattskyldugu inntøkuni- freist fyri uppafturtøku
    Nr. 08-02-22-50 Mótrokning av avlopsskatti í B-skatti
    Nr. 08-02-22-51 Mótrokning av avlopsskatti í írestandi skatti og morarentu
    Nr. 08-02-24-18 Eftirgeving av sekt (1)

    FR dómur frá 4. februar 2013. Vinningsbýti. Feriuíbúð. Ræðisrættur. Brúksrættur. Formodning

    FR dómur frá 4. februar 2013 (BS 333/2012) Vinningsbýti. Feriuíbúð. Ræðisrættur. Brúksrættur. Formodning

    Evni: Skatta høvuðspartaeigara, feriuíbúð í útlandinum

    Lóg: Kapitalvinningsskattalógin § 1, stk. 2 og skattalógin § 25

    TAKS hevur hækkað kapitalvinningsinntøkuna hjá stevnandi fyri árini 2007, 2008 og 2009 við ávikavist kr. 13.876, kr. 89.455 og kr. 82.017. Grundgevingin fyri hækkingini er, at stevnandi sum høvuðspartaeigari í einum felag, sum átti íbúð í útlandinum, skuldi inntøkuføra upphæddina sum “útlutað vinningsbýti” fevnt av § 1, stk. 2 í kapitalvinningsskattalógini.

    Stevnandi ger galdandi, at viðkomandi sum høvuðspartaeigari í einum SP/F, bert skal skattast av veruligari nýtslu av feriuíbúð, sum felagið eigur.

    TAKS krevur frídøming.

    Føroya Rættur kemur til tað niðurstøðu, at sambært orðaljóðinum í § 25 í skattalógini framgongur, at heimild bert er at skatta veruliga nýtslu av fastogn. Tað er einki ivamál um, at stevnandi hevur ræði á bústaðum 26 vikur í ávikavist 2008 og 2009, og er tað tí eisini ein "formodning" um, at ræðisrætturin er nýttur. Virðið av ræðistíðarskeiðum vil tí verða útgangsstøðið fyri tað skattskyldugu inntøkuna, undantikið um stevnandi prógvar ellar sannlíkar, at tað ikki er talan um nýtslu. Føroya Rættur metir ikki, at stevnandi hevur prógvað, at íbúðin ikki hevur verið nýtt í tíðarskeiðnum.

    Viðvíkjandi uppgerð av virðinum av fríari feriuíbúð, er eingin áseting hesum viðvíkjandi. Mett verður ikki at danskur praksis viðvíkjandi summarhúsum kann brúkast, men at virði av fríum bústaði í Føroyum eigur at vera nýtt í mun til tal av vikum bústaðurin er nýttur, sum í útgangsstøði svarar til ræðistíðarskeiðið.

    FR dómur frá 21. oktober 2013. Samskatting. Kapitalvinningur

    FR dómur frá 21. oktober 2013 (BS 1/2013). Samskatting. Kapitalvinningur

    Evni: Samskatting av kapitalvinningsinntøku.

    Lóg: § 9 í lóg um áseting av skatti, § 54 í skattalógini, § 14 kapitalvinningsskattalógini.

    TAKS hevur tikið avgerð um, at samskatting av feløgum bert er galdandi fyri uppgerð av skattskyldugari inntøku eftir skattalógini, og ikki uppgerð av skattskyldugari kapitalvinningsinntøku.

    Stevnandi ger galdandi, at TAKS skal viðurkenna, at samskatting eisini er galdandi fyri uppgerð av skattskyldugari kapitalvinningsinntøku.

    TAKS krevur frídøming.

    Føroya Rættur kemur til tað niðurstøðu, at tá tað ikki framgongur týðiliga hvørki í lóg ella viðmerkingum, at samskattingarheimildin í ásetingarlógini § 9 skal fevna um inntøku, sum ikki er skattskyldug eftir skattalógini, so er einki grundarlag fyri hesum.

    Altjóða avtalur

    Tvískattasáttmáli Schweiz (Gildiskomudagur: 20.03.1978)

    Løgtingslóg nr. 102 frá 11. november 2010

    um at seta í gildi ásetingarnar í tvískattasáttmála millum Føroyar og Schweiz frá 23. november 1973, sum seinast er broyttur við protokol frá 21. august 2009

    Samsvarandi samtykt Løgtingsins staðfestir og kunnger løgmaður hesa løgtingslóg:

    § 1. Ásetingarnar í hjálagda tvískattasáttmála millum Føroyar og Schweiz frá 23. november 1973, við tilknýttum protokollum, og sum seinast er broyttur við protokol frá 21. august 2009, fáa við hesum løgtingslógargildi.

    § 2. Henda løgtingslóg kemur í gildi 1. januar 2011.

    Skjøl
    Skjal 1Sáttmáli frá 23. november 1973 við Schweiz fyri at sleppa undan tvískatting viðvíkjandi skattum av inntøku og ogn, sum seinast varð broytt við protokoll frá 21. august 2009
    Skjal 2Kunngerð um víðkan til at umfata Føroyar í teimum donsku-schweizisku sáttmálunum til at sleppa undan tvískatting
    Skjal 3Kunngerð av protokoll frá 11. mars 1997 til broyting av tvískattasáttmálanum millum Danmark og Schweiz
    Skjal 4Protokoll millum Kongaríkið Danmark og Schweiziska Samveldið
    Skjal 5Brævaskifti
    Skjal 6Brævaskifti

    Skjal 1

    Sáttmáli frá 23. november 1973 við Schweiz fyri at sleppa undan tvískatting viðvíkjandi skattum av inntøku og ogn, sum seinast varð broytt við protokoll frá 21. august 2009

    Tann 23. novembur 1973 varð hesin sáttmáli undirskrivaður í Bern millum Danmark og Schweiz fyri at sleppa undan tvískatting viðvíkjandi skattum av inntøku og fæi:


    SÁTTMÁLI

    millum Kongaríkið Danmark og Schweiziska Samveldið fyri at sleppa undan tvískatting viðvíkjandi skattum av inntøku og fæi Kongaríkið Danmark og Schweiziska Samveldið, ið ætla at gera ein sáttmála fyri at sleppa undan tvískatting viðvíkjandi skattum av inntøku og ogn, eru komin ásamt um hetta:


    KAPITTUL I
    Nýtsluøkið fyri sáttmálan

    Grein 1
    Teir persónar, sum eru umfataðir av sáttmálanum
    Hesin sáttmálin verður nýttur til persónar, sum hava heimstað í øðrum ella báðum sáttmálastatunum.

    Grein 2
    Teir skattir, sum eru umfataðir av sáttmálanum
    1. Hesin sáttmálin skal verða nýttur til inntøku- og ognarskattir, ið verða útskrivaðir vegna hvønn sátt mála samtykkjandi stat, teirra fyrisitingarligu undirdeildir ella staðbundnu myndugleikar (eisini sum viðbót) uttan mun til, hvussu teir verða innkravdir.

    2. Sum inntøku- og ognarskattir verða roknaðir allir vanligir skattir og eykaskattir, ið verða álíknaðir við grundarlagi í allari inntøkuni, allari ognini, ella pørtum av inntøkuni ella ognini, heruppií skattir av vinningi av avhandan av leysafæi ella fastogn, eins og skattir av fíggjarvøkstri.

    3. Galdandi skattir, sum sáttmálin skal nýtast til, eru serliga:
    a) Í Danmark:
    (i) inntøkuskatturin til statin
    (ii) kommunali inntøkuskatturin
    (iii) amtskommunali inntøkuskatturin
    (iv) skattir samsvarandi kolvetnisskattalógini
    (hereftir umrøddur sum »danskur skattur«)
    b) í Schweiz:
    skattir, sum verða álíknaðir av samveldinum, kantonum og kommunum, av
    (i) inntøku (heildarinntøku, lønarinntøku, inntøku av fæi, vinningi av vinnuvirki, kapitalvinningi og øðrum sløgum av inntøku; og
    (ii) fae (heildarfae, fastogn og leysagóðs, vinnuvirki, inngoldin kapitalur og tiltakspeningur og annað slag av fæi).
    (hereftir umrøddur sum »schweiziskur skattur«).

    4. Sáttmálin skal eisini verða nýttur til allar líkar ella rættiliga líkar skattir, sum eftir at hesin sáttmálin er undirskrivaður, kundu verið álagdir sum ískoyti til ella í staðin fyri galdandi skattir. Málsráðandi myndugleikarnir í sáttmálasamtykkjandi statunum skulu eftir hvørjum farnum ári geva hvør øðrum kunning um týðandi broytingar, sum eru gjørdar í skattalógunum hjá hvørjum stati sær.

    5. Sáttmálin verður ikki nýttur
    a) til tilogning við arvi ella sum legat eins og gávur, ið ikki koma undir inntøkuskatting;
    b) til skattir av happadráttarvinningum, ið verða innkravdir við kelduna.


    KAPITTUL II
    Allýsingar

    Grein 3
    Algongdar allýsingar
    1. Um ikki annað skilst av samanhanginum, skal í hesum sáttmála:
    a) yrkisorðið »Danmark« merkja kongaríkið Danmark, heruppií sjóøkið, sum sambært altjóða rætti hoyrir tí til; yrkisorðið umfatar ikki Føroyar og Grønland og teirra sjóøki;
    b) yrkisorðið „Schweiz“ merkja Schweiziska Samveldið;
    c) yrkisorðini „annar sáttmálasamtykkjandi staturin“ og „hin sáttmálasamtykkjandi staturin“ merkja Danmark ella Schweiz, alt eftir samanhanginum;
    d) yrkisorðið „persónur“ umfata likamligar persónar, feløg og eina og hvørja aðra samtøku av persónum;
    e) yrkisorðið „felag“ merkja løgfrøðiligir persónar ella samtøkur, sum skattliga verða viðgjørdir sum løgfrøðiligir persónar;
    f) yrkisorðini „fyritøka í øðrum sáttmálasamtykkjandi statinum“ og „ fyritøka í hinum sáttmálasamtykkjandi státinum“ merkja ávikavist ein fyritøka, sum verður rikin av einum persóni, sum hevur heimstað í øðrum sáttmálasamtykkjandi statinum, og ein fyritøka, sum verður rikin av einum persóni, sum hevur heimstað í hinum sáttmálasamtykkjandi statinum;
    g) yrkisorðið „altjóða ferðsla“ merkja ein og hvør ferð hjá einum skipi ella einum flogfari, ið verður rikið av einari fyritøku, sum hevur sæti fyri veruligu leiðsluna í øðrum sáttmálasamtykkjandi statinum, tó ikki har ferðin er avmarkað einans til støð í hinum sáttmálasamtykkjandi statinum;
    h) yrkisorðið „málsráðandi myndugleiki“ merkja:
    (1) viðvíkjandi Danmark: fíggjarmálaráðharrin ella hansara heimilaða varafólk við fulltrú,
    og
    (2) viðvíkjandi Schweiz: der Direktor der Eidgenoessischen Steuerverwaltung ella hansara heimilaða varafólk við fulltrú.

    2. Tá hesin sáttmálin verður nýttur í øðrum sáttmálasamtykkjandi statinum skal, uttan so at annað skilst av samanhanginum, eitt og hvørt yrkisorð, sum ikki á annan hátt er allýst, fáa ta merking, sum tað hevur sambært teimum í tí statinum galdandi lógum um teir skattir, sum sáttmálin verður nýttur til.

    Grein 4
    Skattligur heimstaður
    1. Í hesum sáttmála verður yrkisorðið „búsitandi í øðrum sáttmálasamtykkjandi statinum“ nýtt um ein og hvønn persón, sum sambært lóggávuni í hesum statinum er skattskyldugur har orsakað av heimstaði, bústaði, leiðslusæti ella einum øðrum líknandi eyðkenni; tað umfatar harumframt persónlig feløg (Personengesellschaften), sum eru stovnað ella skipað sambært lóggávuni í teimum sáttmálasamtykkjandi statunum.

    2. Tá ein likamligur persónur eftir viðtøkunum í stykki 1 verður hildin at vera búsitandi í báðum sáttmála samtykkjandi statunum, skulu hesar reglur vera galdandi:
    a) hann skal verða hildin at vera búsitandi í tí sáttmálasamtykkjandi statinum, har hann hevur fastan bústað at ráða yvir. Um so er, at hann hevur fastan bústað at ráða yvir í báðum sáttmálasamtykkjandi statunum, skal hann verða roknaður at vera búsitandi í tí sáttmálasamtykkjandi statinum, har hann hevur taettastu persónligu og búskaparligu tilknýti (miðdepil fyri sínum lívsáhugamálum);
    b) kann ikki verða avgjørt, í hvørjum av teimum báðum sáttmálasamtykkjandi statunum hann hevur miðdepil fyri sínum lívsáhugamálum, ella um hann ikki hevur ein fastan bústað at ráða yvir í hvørgum av teimum sáttmálasamtykkjandi statunum, skal hann verða roknaður at vera búsitandi í tí sáttmálasamtykkjandi statinum, har hann vanliga hevur bústað;
    c) hevur hann vanliga bústað í báðum sáttmálasamtykkjandi statunum, ella hevur hann ikki slíkan bústað í hvørgum teirra, skal hann verða roknaður at vera búsitandi í tí sáttmálasamtykkjandi statinum, har hann er statsborgari;
    d) er hann statsborgari í báðum sáttmálasamtykkjandi statunum, ella er hann statsborgari í hvørgum teirra, skulu málsráðandi myndugleikarnir í teimum sáttmálasamtykkjandi statunum avgera spurningin við avtalu sínámillum.

    3. Tá ein ikki-likamligur persónur eftir viðtøkunum í stykki 1 verður hildin at vera búsitandi í báðum sátt málasamtykkjandi statunum, skal hann verða roknaður at vera búsitandi í tí sáttmálasamtykkjandi statinum, har hansara veruliga leiðsla hevur saeti.

    4. Verður ein likamligur persónur sambært hesari grein roknaður bert at vera búsitandi í øðrum sáttmála samtykkjandi statinum ein part av einum ári, men í tíðini, sum eftir er, av sama ári at vera búsitandi í hinum sáttmálasamtykkjandi statinum (búflutningur), kunnu í hvørjum stati sær bert verða innkravdir teir við grundarlagi í fullari skattskyldu útskrivaðu skattir, ið viðvíkja tí tíðarskeiðinum, tá viðkomandi persónur verður roknaður at vera búsitandi í tí statinum.

    Grein 5
    Fast rakstrarstað
    1. Í hesum sáttmálanum merkir yrkisorðið „fast rakstrarstað“ eitt fast vinnurakstrarstað, har alt virksemi hjá vinnuvirkinum verður framt ella partar av tí.

    2. Yrkisorðið „fast rakstrarstað“ skal nevniliga hava hesar fleirmerkingar:
    a) eitt stað, haðani vinnuvirkið verður rikið;
    b) ein úthandil;
    c) ein skrivstova;
    d) ein verksmiðja;
    e) eitt verkstað;
    f) eitt nám, eitt grótbrot ella eitt annað stað, har jarðtilfeingi verður vunnið;
    g) stað hjá einum bygnings-, verksmiðju- ella innleggingararbeiði, ið varir longur enn 24 mánaðir.

    3. Yrkisorðið „fast rakstrarstað“ skal ikki hava hesar fleirmerkingar:
    a) nýtsla av innrættingum einans til goymslu, framsýning ella útflýggjan av vørum hjá vinnuvirkinum;
    b) røkt av einari vørugoymslu hjá vinnuvirkinum einans til goymslu, framsýning ella útflýggjan;
    c) røkt av einari vørugoymslu hjá vinnuvirkinum einans til tilevning ella góðsking hjá einum øðrum vinnuvirki;
    d) røkt av einum føstum handilsstaði einans til at keypa vørur ella til at útvega upplýsingar til vinnuvirkið;
    e) røkt av einum føstum handilsstaði einans til lýsingarendamál, til innsavning av upplýsingum, til vísindaliga gransking ella til útinning av líknandi virksemi, ið er av fyrireikandi ella bøtandi slagi fyri vinnuvirkið.

    4. Ein persónur, sum útinnir virksemi í øðrum sáttmálasamtykkjandi statinum fyri eitt vinnuvirki í hinum sáttmálasamtykkjandi statinum, og sum ikki er eitt tílíkt óheft umboð, sum verður umrøtt í stykki 5, skal verða roknaður at vera fast rakstrarstað í fyrstnevnda statinum, um so er, at hann í hesum stati hevur og vanliga útinnir eina fulltrú til at gera avtalur vegna vinnuvirksemið, uttan so at hansara virksemi er avmarakað til vørukeyp fyri vinnuvirkið.

    5. Eitt vinnuvirki í øðrum sáttmálasamtykkjandi statinum verður ikki hildið at hava fast rakstarstað í hinum sáttmálasamtykkjandi statinum, bert tí at tað rekur handil í hesum statinum gjøgnum ein handilsmillummann, umboðssølumann ella annað óheft umboð, um so er, at hesir persónar handla innan karmarnar á sínum vanliga handilsvirksemi.

    6. Tey viðurskifti, at eitt felag, við heimstaði í øðrum sáttmálasamtykkjandi statinum, stýrir ella verður stýrt av einum felag, sum hevur heimstað í hinum sáttmálasamtykkjandi statinum, ella sum (annaðhvørt gjøgnum eitt fast rakstrarstað ella á annan hátt) útinnir handilsvirksemi í hinum statinum, skulu ikki í sjálvum sær vera atvold til, at annað av teimum báðum feløgunum verður roknað at vera fast rakstrarstað hjá hinum.

    KAPITTUL III
    Skattseting av inntøku

    Grein 6
    Inntøka av fastari ogn
    1. Inntøka av fastari ogn kann verða skattað í tí sáttmálasamtykkjandi statinum, har ognin er.

    2. Yrkisorðið „føst ogn“ skal skiljast sambært lóggávuni í tí sáttmálasamtykkjandi statinum, har ognin er. Yrkis orðið skal undir øllum umstøðum umfata tað, sum hoyrir til fasta ogn, fenað og amboð, ið verða nýtt í landbúnaði og skógarvinnu, rættindi, har vanliga lóggávan um fasta ogn verður nýtt, brúksrættindi til fasta ogn, eins og rættindi til ymiskligar ella fastar samsýningar, ið verða goldnar fyri úrdrátt úr ella rættin til at gera úrdrátt úr mineraltilfeingi, keldum og øðrum jarðtilfeingi; skip og flogfør verða ikki roknað at vera føst ogn.

    3. Viðtøkan í stykki 1 verður nýtt um inntøku, ið stavar frá beinleiðis nýtslu, útleiðing ella burturfesting eins og frá einum og hvørjum øðrum formi fyri nýtslu av fastari ogn.

    4. Viðtøkurnar í stykki 1 og 3 verða eisini nýttar um inntøku av fastari ogn, ið er ogn hjá einum vinnuvirki, og um inntøku av fastari ogn, ið verður nýtt við útinning av fríari vinnu.

    Grein 7
    Vinningur av handilsvirksemi
    1. Vinningur vunnin av einari fyritøku í øðrum sáttmálasamtykkjandi statinum kann bert verða skattaður í hesum statinum, uttan so er, at fyritøkan rekur virksemi í hinum sáttmálasamtykkjandi statinum gjøgnum eitt har verandi fasant rakstarstað. Um so er, at fyritøkan rekur tílíkt virksemi, kann vinningurin hjá tí verða skattaður í hinum statinum, men tó bert viðvíkjandi tí partinum av honum, sum kann førast aftur til fasta rakstrarstaðið.

    2. Tá ið ein fyritøka í øðrum sáttmálasamtykkjandi statinum rekur virksemi í hinum sáttmálasamtykkjandi statinum gjøgnum eitt har verandi fast rakstarstað, skal í hvørjum sáttmálasamtykkjandi statinum førast aftur til hetta fasta rakstrarstaðið tann vinningur, sum hon kundi havt væntað sær at hava vunnið, um hon hevði verið ein óheft fyritøka, sum útinnti tað sama ella líknandi virksemi við somu ella líknandi treytum, og sum undir fullkomuliga fríum viðurskiftum handlaði við ta fyritøkuna, sum hon er fast rakstrarstað hjá.

    3. Tá vinningurin hjá einum føstum rakstrarstaði verður ásettur skal tað vera loyvt at draga útreiðslur frá, sum eru hildnar til at reka tað fasta rakstrarstaðið, heruppií útreiðslur til leiðslu og vanliga fyrisiting annars, annaðhvørt tær verða gjørdar í tí statinum, har viðkomandi fasta rakstrarstað er, ella aðrar staðir.

    4. Í tann mun tað hevur verið siðvenja í øðrum sáttmálasamtykkjandi statinum at útrokna tann vinningin, ið kann førast aftur til eitt fast rakstrarstað, grundað á eitt sundurbýti av øllum vinninginum hjá fyritøkuni millum tær ymisku deildirnar hjá henni, skal einki í stykki 2 forða avvarðandi sáttmálasamtykkjandi statinum í at útrokna skattskylduga vinningin grundaðan á eitt tílíkt sundurbýti eftir vanligari mannagongd. Tann nýtti sundurbýtingarhátturin skal kortini vera av slíkum slagi, at hann førir til úrslit, ið eru samsvarandi við tær meginreglur, ið eru ásettar í hesi grein.

    5. Vinningur frá tryggingarfyritøkum, ið hava føst rakstarstøð í báðum statum, skal eftir frádrátt av einum parti, sum er 10 pct., ið av óbýttum fellur til tann statin, har fyritøkan hevur sæti, býtast eftir lutfallinum millum inntøkurnar av bruttotryggingargjøldunum hjá teimum føstu rakstrarstøðunum og inntøkunum av heildarbruttotryggingargjøldunum hjá fyritøkuni.

    6. Eingin vinningur skal kunna førast aftur til eitt fast rakstarstað, bert tí at tað fasta rakstrarstaðið hevur keypt vørur fyri fyritøkuna.

    7. Tá stykkini, sum standa frammanfyri, verða nýtt, skal tann vinningur, ið skal førast aftur til tað fasta rakstrarstaðið, verða ásettur eftir somu mannagongd ár um ár, uttan so at góðar og tungtvigandi grundir eru fyri

    8. Har ein vinningur hevur inntøkur, sum eru serstakt viðgjørdar í øðrum greinum í hesum sáttmálanum, skulu viðtøkurnar í teimum greinunum ikki verða ávirkaðar av viðtøkunum í hesari greinini.

    9. Hendan greinin skal eisini verða nýtt um inntøkur frá virknari ella óvirknari luttøku í einari fyritøku í felagshøpi (vanligt ábyrgdarligt felag, samognar- ella íognarfelag sambært schweiziskum rætti; áhugafelag ella íognarfelag sambært donskum rætti).

    Grein 8
    Skipa- og loftferðsla
    1. Vinningur við skipa- ella loftferðsluvirksemi í altjóða ferðslu kann bert verða skattaður í tí sáttmálasamtykkjandi statinum, har sum veruliga leiðslan hjá fyritøkuni hevur sæti.

    2. Um so er, at veruliga leiðslan í einari fyritøku, ið rekur skipaferðsluvirksemi, hevur sæti umborð á einum skipi, skal fyritøkan verða roknað at hava sæti í tí sáttmálasamtykkjandi statinum, har viðkomandi skip hevur heimstað, ella um so er at tað ikki finst, í tí sáttmálasamtykkjandi statinum, har tann, sum rekur skipið, hevur heimstað.

    3. Stykki 1 umfatar eisini vinning, sum er vunnin gjøgnum luttøku í einum fyritøkusamtaki ella millumtjóða vørubýtisfelagsskapi (pool), einum felags rakstarstovni ella einum altjóða vinnurakstrarfelag.

    4. Viðvíkjandi vinningi, sum verður vunnin av tí danska, norska og svenska loftferðslusamtakinum Scandinavian Airlines System (SAS), skulu viðtøkurnar í stk. 1 og 3 bert verða nýttar til tann partin av vinninginum, sum svarar til tann partin, sum SAS Danmark A/S, tann danski felagin í Scandinavian Airlines System (SAS), eigur í hesum samtakinum.

    Grein 9
    Sínámillum treytaðar fyritøkur
    Tá tað kemur fyri, at
    a) ein fyritøka í øðrum sáttmálasamtykkjandi statinum beinleiðis ella óbeinleiðis luttekur í leiðsluni, eftirlitinum við ella fíggingini av einari fyritøku í hinum sáttmálasamtykkjandi statinum, ella
    b) somu persónar beinleiðis ella óbeinleiðis luttaka í leiðsluni, eftirlitinum við ella fíggingini eins væl av einari fyritøku í øðrum sáttmálasamtykkjandi statinum sum av einari fyritøku í hinum sáttmálasamtykkjandi statinum, og tá tað í summum føri, sum kemur fyri millum hesar báðar fyritøkurnar, eru avtalaðar ella álagdar treytir viðvíkjandi teirra handilsligu ella fíggjarligu sambondum, sum víkja frá teimum treytum, sum høvdu verið avtalaðar millum óheftar fyritøkur, kann ein og hvør vinningur, sum, um hesar treytir ikki høvdu verið álagdar, hevði komið einari av hesum fyritøkum tilgóðar, verða roknaður upp í vinningin hjá hesari fyritøkuni og skattaður samsvarandi hesum.

    Grein 10
    Vinningsbýti
    1. Vinningsbýti, sum verður útgoldið frá einum felag, sum hevur heimstað í øðrum sáttmálasamtykkjandi statinum, til ein persón, sum hevur heimstað í hinum sáttmálasamtykkjandi statinum, kann verða skattað í tí statinum.

    2. Tílíkt vinningsbýti kann tó eisini verða skattað í tí sáttmálasamtykkjandi statinum, har tað felagið, sum letur vinningsbýtið, hevur heimstað, og sambaert lóggávuni í tí státinum, men um rætti eigarin av vinningsbýtinum hevur heimstað í hinum sáttmálasamtykkjandi statinum, kann tann skatturin, ið verður álíknaður, ikki fara upp um 15 pct. av bruttoupphæddini av vinningsbýtinum.

    3. Uttan mun til viðtøkuna í stk. 2 kann vinningsbýti, ið verður útgoldið av einum felag, sum hevur heimstað í øðrum sáttmálasamtykkjandi statinum, til ein persón, sum hevur heimstað í hinum sáttmálasamtykkjandi statinum, bert verða skattað í hinum statinum, um tann rætti eigarin er
    a) eitt felag (tó ikki eitt áhugafelag), sum beinleiðis eigur minst 10 pct. av kapitalinum í tí felagnum, sum letur vinningsbýtið;ella
    b) ein eftirlønargrunnur ella ein annar líknandi stovnur, sum bjóðar eftirlønarskipanir, har likamligir persónar kunnu taka lut við tí endamáli at vissa sær ellis-, avlamis- ella eftirsituveitingar, tá ið hesin eftirlønargrunnur ella ein annar líknandi stovnur er stovnaður, skattliga góðkendur og eftirkannaður sambært lóggávuni í tí statinum. Málsráðandi myndugleikarnir í teimum sáttmálasamtykkjandi statunum áseta við sínámillum avtalu eftir hvørjari mannagongd hesar avmarkingar skulu setast í verk.Hetta stykki viðvíkur ikki atgongdini til at skatta felagið av tí vinningi, sum vinningsbýtið er útgoldið burturav.

    4. Yrkisorðið „vinningsbýti“ merkir í hesari greinini inntøka av partabrøvum, »jouissance«-partabrøvum ellar »jouissance«-rættindum, stovnspartabrøvum ella øðrum rættindum, ið ikki eru skuldarkrøv, og sum geva rætt til part í vinningi, eins og inntøku av øðrum felagsrættindum, ið koma undir somu skattligu viðgerð sum inntøka av partabrøvum sambært lóggávuni í tí stati, har sum tað felagið, ið fremur útlutanina, hevur heimstað.

    5. Viðtøkurnar í stk. 1, 2 og 3 verða ikki settar í verk, um raetti eigarin av vinningsbýtinum, ið hevur heimstað í øðrum sáttmálasamtykkjandi statinum, er vinnurekandi í hinum sáttmálasamtykkjandi statinum, har tað vinningsbýtisgjaldandi felagið hevur heimstað, gjøgnum eitt har verandi fast rakstrarstað ella fremur fría vinnu í hinum sáttmálasamtykkjandi statinum frá einum har verandi føstum rakstrarstaði, og tann partabraevaognin, sum er grundarlag undir útgjaldingini av vinningsbýtinum, hevur beinleiðis samband við eitt tílíkt fast rakstrarstað ella fast stað. Tá so er, verður ávikavist grein 7 ella grein 14 nýtt.

    6. Um eitt felag, ið hevur heimstað í øðrum sáttmálasamtykkjandi statinum, hevur uppiborið vinning ella inntøku frá hinum sáttmálasamtykkjandi statinum, kann tann staturin ikki álíkna nakran skatt á vinningsbýti, sum verður útgoldið av felagnum, uttan so at vinningsbýtið verður útgoldið til ein persón, ið hevur heimstað í tí sáttmálasamtykkjandi statinum, ella uttan so, at partabrævaognin, sum er grundarlag fyri útgjaldingini av vinningsbýtinum, hevur beinleiðis samband við eitt fast rakstarstað ella eitt fast stað, ið er í tí statinum, ella leggja óútlutaða vinningin hjá felagnum undir ein skatt av óútlutaða vinninginum hjá felagnum hóast útgoldna vinningsbýtið ella tann óútlutaði vinningurin allur ella lutvísur er vinningur ella inntøka, ið stavar frá tí statinum.

    Grein 11
    Rentur
    1. Rentur, ið stava frá øðrum sáttmálasamtykkjandi statinum, og teirra rætti eigari hevur heimstað í hinum sáttmálasamtykkjandi statinum, kunnu bert verða skattaðar í tí statinum.

    2. Yrkisorðið „renta“ merkir í hesari greinini inntøka av ríkisskuldarbrøvum, skuldarbrøvum, annaðhvørt tey eru tryggjað við panti ella ikki, og annaðhvørt tey hava við sær ein rætt til part í vinninigi ella ikki, og eisini krøv av einum og hvørjum slagi, eins væl og ein og hvør onnur inntøku, sum sambært skattalóggávuni í statinum, haðani inntøkan stavar, verður javnsett við inntøku av peningaláni.

    3. Viðtøkurnar í stk. 1 verða ikki nýttar, um rætti eigarin av rentuni, ið hevur heimstað í øðrum sáttmálasamtykkjandi statinum, er vinnurekandi í hinum sáttmálasamtykkjandi statinum, haðani rentan stavar, gjøgnum eitt har verandi fast rakstrarstað ella fremur fría vinnu í tí statinum frá einum har verandi føstum staði, og ta krav, sum er grundarlag fyri ta goldnu rentuna, hevur beinleiðis samband við eitt tílíkt fast rakstarstað ella fast stað. Tá so er, verður ávikavist grein 7 ella grein 14 nýtt.

    4. Rentur skulu verða roknaðar at stava frá øðrum sáttmálasamtykkjandi statinum, um so er, at tær verða goldnar av avvarðandi stati sjálvum, av einari fyrisitingarligari undirdeild í honum, einum staðbundnum myndugleika í honum ella av einum persóni við heimstaði í viðkomandi stati. Um so er, at persónurin, sum letur rentuna, annaðhvørt viðkomandi hevur heimstað í øðrum av sáttmálasamtykkjandi statinum ella ikki, ímeðan hevur eitt fast rakstrarstað í øðrum sáttmálasamtykkjandi statinum, og tann skuldin, sum rentan verður goldin av, er íkomin av tilknýtinum til tað, og rentuútreiðslan verður latin av viðkomandi fasta rakstrarstaði, skal ein tílík renta verða roknað at stava frá tí sáttmálasamtykkjandi statinum, har sum tað fasta rakstrarstaðið er.

    5. Í viðurskiftum, har eitt serstakt samband millum tann, ið letur, og tann, ið móttekur rentuna, ella millum hesar og ein triðja persón, hevur verið atvold til, at tann goldna rentan sæð í mun til tað skuldarkravið, sum hon er goldin fyri, er hægri enn upphaeddin, sum hevði verið avrádd millum partarnar, um so var, at nevnda sambandið ikki hevði verið, skulu viðtøkurnar í hesari greinini einans verða nýttar til síðstnevndu upphaeddina. Í tílíkum føri skal avlopsupphaeddin kunna verða skattað sambaert lóggávuni í hvørjum av teimum báðum sáttmálasamtykkjandi statunum við rímuligum atliti at hinum viðtøkunum í hesum sáttmálanum.

    Grein 12
    Nýtslugjøld (Royalties)
    1. Nýtslugjøld (Royalties), ið stava frá øðrum sáttmálasamtykkjandi statinum, og teirra raetti eigari hevur heimstað í hinum sáttmálasamtykkjandi statinum, kunnu bert verða skattað í tí statinum.

    2. Yrkisorðið „nýtslugjøld“ („royalties“) merkir í hesari greinini gjøld av einum og hvørjum slagi, ið verða móttikin sum samsýning fyri nýtslu av ella rættin til at nýta ein og hvønn upphavsrætt til eitt bókmentaligt, listarligt ella vísindaligt arbeiði, heruppií spælifilm, ein og hvønn einkarrætt, vørumerki, mynstur ella snið (modell), tekning, loyniligan formil ella framleiðsluhátt, ella fyri nýtslu av ella rættin til at nýta ídnaðarliga, handilsliga ella vísindaliga útgerð ella fyri upplýsingar um ídnaðarligar, handilsligar ella vísindaligar royndir.

    3. Viðtøkurnar í stk. 1 verða ikki nýttar, um rætti eigarin av nýtslugjaldsupphæddini, ið hevur heimstað í øðrum sáttmálasamtykkjandi statinum, er vinnurekandi í hinum sáttmálasamtykkjandi statinum, haðani nýtslugjaldsupphæddin stavar, gjøgnum eitt har verandi fast rakstrarstað ella fremur fría vinnu í tí statinum frá einum har verandi føstum staði, og tey rættindi ella tann eyðgóði, sum er grundarlag fyri tey útgoldnu nýtslugjøldini (royaltiini), hevur beinleiðis samband við eitt tílíkt fast rakstrarstað ella fast stað. Tá so er, verður ávikavist grein 7 ella grein 14 nýtt.

    4. Í viðurskiftum, har eitt serstakt samband millum tann, ið letur, og tann, ið móttekur nevndu nýtslugjøld (royalties), ella millum hesar og ein triðja persón, hevur verið atvold til, at tey goldnu nýtslugjøldini (royalties) mett eftir teirri nýtslu, teimum rættindum ella teirri upplýsing, sum tey verða goldin fyri, eru hægri enn upphæddin, sum hevði verið avrádd, um so var, at nevnda sambandið ikki hevði verið, skulu viðtøkurnar í hesari greinini bert verða nýttar til síðstnevndu upphæddina. Í tílíkum føri skal avlopsupphæddin av útgoldnu upphæddini kunna verða skattað sambært lóggávuni í hvørjum av teimum báðum sáttmálasamtykkjandi statunum við rímuligum atliti at hinum viðtøkunum í hesum sáttmálanum.

    Grein 13
    Vinningur av avhending av ognarlutum
    1. Vinningur av avhending av fastari ogn, sum skilgreinað í grein 6, stykki 2, kann verða skattaður í tí sáttmálasamtykkjandi statinum, har sum ognin er.

    2. Vinningur av avhending av ognarvirðum, sum ikki eru føst ogn, og sum útgera ein part av vinnufænum í einum føstum rakstrarstaði, sum ein fyritøka í øðrum sáttmálasamtykkjandi statinum hevur í hinum sáttmálasamtykkjandi statinum, ella við avhending av ognarvirðum, sum ikki eru føst ogn, og sum hoyra til eitt fast stað, sum ein persónur við heimstaði í øðrum sáttmálasamtykkjandi statinum nýtir til at fremja fría vinnu í hinum sáttmálasamtykkjandi statinum, heruppií eisini vinningur við avhending av sjálvum tí fasta rakstrarstaðnum (serskilt ella saman við allari fyritøkuni), ella av einum tílíkum føstum staði, kann verða skattaður í hinum statinum.

    3. Vinnningur av avhending av skipum ella flogførum, ið verða nýtt í altjóða ferðslu, ella av leysum ognarlutum, ið er knýtt at rakstrinum av tílíkum skipum ella flogførum, kann bert verða skattaður í tí sáttmálasamtykkjandi statinum, har veruliga leiðslan í fyritøkuni hevur sæti.

    4. Viðvíkjandi vinningi, sum verður vunnin frá tí danska, norska og svenska flogferðslusamtakinum Scandinavian Airlines System (SAS), skulu viðtøkurnar í stk. 3 bert verða nýttar til tann partin av vinninginum, sum svarar til tann partin, sum SAS Danmark A/S, tann danski felagin í Scandinavian Airlines System (SAS), eigur í hesum samtakinum.

    5. Vinningur av avhending av øllum øðrum ognarvirðum enn teimum, ið nevnd eru í stykkjunum 1-4, kann bert verða skattaður í tí sáttmálasamtykkjandi statinum, har sum avhendarin hevur heimstað.

    Grein 14
    Frí vinna
    1. Inntøka av fríari vinnu ella av øðrum sjálvstøðugum arbeiði av líknandi slagi, sum ein persónur, sum hevur heimstað í øðrum sáttmálasamtykkjandi statinum hevur vunnið sær, kann bert verða skattað í hesum statinum, uttan so at viðkomandi til útinning av sínum virki hevur eitt fast stað, sum støðugt er tøkt hjá honum í hinum sáttmálasamtykkjandi statinum. Um so er, at viðkomandi hevur eitt tílíkt fast stað, kann tann parturin av inntøkuni, ið kann vísast til hetta fasta staðið, verða skattaður í hinum sáttmálasamtykkjandi statinum.

    2. Yrkisorðið „frí vinna“ íroknar serliga sjálvstøðugt vísindaligt, bókmentaligt, listarligt, uppalandi ella frálærandi yrki og haraftrat sjálvstøðugt yrki sum lækni, sakførari, verkfrøðingur, byggifrøðingur, tannlækni og grannskoðari.

    Grein 15
    Persónligar tænastuveitingar
    1. Um so er, at viðtøkurnar í greinunum 16, 18 og 19 ikki kunnu nýtast, kann føst løn, løn og onnur líknandi samsýning fyri persónligt arbeiði, sum ein persónur, sum hevur heimstað í øðrum sáttmálasamtykkjandi statinum hevur vunnið sær, bert verða skattað í hesum statinum, uttan so at arbeiði verður útinnt í hinum sáttmálasamtykkjandi statinum. Verður arbeiðið útinnt har, kann tað uppvunnað viðurlagið fyri tað verða skattað í hinum sáttmálasamtykkjandi statinum.

    2. Uttan mun til stykki 1 kann viðurlag, sum ein persónur, ið hevur heimstað í øðrum sáttmálasamtykkjandi statinum, fær fyri tænastuveitingar, veittar í hinum sáttmálasamtykkjandi statinum, bert verða skattað í fyrstnevnda statinum í førum, har
    a) móttakarin ikki er staddur í hinum statinum í meir enn 183 dagar tilsamans í viðkomandi skattaárinum, og
    b) viðurlagið verður goldið av einum arbeiðsgevara ella fyri ein arbeiðsgevara, ið ikki hevur heimstað í hinum statinum, og
    c) viðurlagið ikki verður avgreitt av einum føstum rakstrarstaði ella einum føstum staði, sum arbeiðsgevarin hevur í hinum statinum.

    3. Uttan mun til tær frammanfyristandandi viðtøkurnanr í hesari greinini kann viðurlag fyri persónligt arbeiði, ið verður útinnt umborð á einum skipi ella einum flogfari í altjóða ferðslu, verða skattað í tí sáttmálasamtykkjandi statinum, har sum veruliga leiðslan av fyritøkuni hevur sæti. Verða tílík viðurløg ikki skattað í tí statinum, kunnu tey verða skattað í hinum sáttmálasamtykkjandi statinum.

    4. Uttan mun til viðtøkurnar frammanfyri í hesari greinini kann viðurlag, ið ein persónur, ið hevur heimstað í Danmark, hevur vunnið sær við persónligum arbeiði útinntum umborð á einum flogfari, ið verður nýtt í altjóða ferðslu av Scandinavian Airlines System (SAS), bert verða skattað í Danmark.

    Grein 16
    Nevndarsamsýningar
    Nevndarsamsýningar og líknandi viðurgjøld, sum ein persónur, ið hevur heimstað í øðrum sáttmálasamtykkjandi statinum hevur vunnið sær, sum nevndarlimur í einum felag, ið hevur heimstað í hinum sáttmálasamtykkjandi statinum, kunnu verða skattað í tí statinum.

    Grein 17
    Listafólk og ítróttafólk
    Uttan mun til viðtøkurnar í greinunum 7, 14 og 15 kann inntøka, sum yrkislistafólk sosum sjónleikara-, films-, útvarps- ella sjónvarpslistafólk og tónleikarar og eisini ítróttafólk vinna sær sum slík fyri teirra persónligt útinnta yrki, verða skattað í tí sáttmálasamtykkkjandi statinum, har sum tey útinna hetta yrkið. Hetta er eisini galdandi fyri inntøku, sum rennur til ella verður latin yvir til ein annan persón fyri yrkið hjá listafólkinum, ítróttafólkinum ella listleikaranum.

    Grein 18
    Eftirlønir
    1. Eftirlønir og onnur líknandi viðurløg, eins væl knýtt at sum óheft av fyrrverandi yrki, sum stava frá øðrum sáttmálasamtykkjandi statinum og verða goldin einum persóni, sum hevur heimstað í hinum sáttmálasamtykkjandi statinum, kunnu verða skattað í fyrstnevnda statinum, um inngjøldini goldin av
    a) tí, sum hevur rætt til eftirlønarskipanina, hava verið drigin frá í skattskyldugu inntøkuni hjá tí, sum hevur rætt til eftirlønarskipanina í fyrstnevnda sáttmálasamtykkjandi statinum sambært lóggávuni hjá hesum statinum;ella
    b) einum arbeiðsgevara ikki vóru skattskyldug inntøka hjá tí, sum hevur rætt til eftirlønarskipanina í fyrstnevnda sáttmálasamtykkjandi statinum sambært lóggávuni hjá hesum statinum;

    2. Tá henda greinin verður nýtt, umfatar yrkisorðið »eftirlønir og onnur líknandi viðurløg« ikki gjøld eftir almannalóggávuni í einum sáttmálasamtykkjandi stati.

    Grein 19
    Almenn størv
    Peningauphæddir, heruppií eftirlønir, ið verða útgoldnar beinleiðis av ella av grunnum stovnsettum av øðrum sáttmálasamtykkjandi statinum, av einari av fyrisitingarligu undirdeildunum í honum ella staðbundnu myndugleikunum ella av einum almannarættarligum løgfrøðiligum persóni í tí sáttmálasamtykkjandi statinum, til ein likamligan persón sum tænastuviðurløg, kunnu bert verða skattaðar í tí statinum. Tó kunnu viðurløg – burtursæð frá eftirlønum – fyri tænastu, ið verður útinnt í hinum sáttmálasamtykkjandi statinum av einum statsborgara í tí statinum, sum ikki eisini er statsborgari í fyrstnevnda statinum, bert verða skattað í hinum statinum.

    Grein 20
    Lesandi
    Peningaupphæddir, sum ein lesandi, eitt fólk í starvsvenjing ella ein lærlingur, sum hevur ella fyrr hevði heimstað í øðrum sáttmálasamtykkjandi statinum, fær til uppihald, lestur ella útbúgving, meðan hann einans í lestrar- ella útbúgvingarørindum er staddur í hinum sáttmálasamtykkjandi statinum, verður ikki skattaður í tí statinum, um so er, at tær vella til hansara frá keldum uttan fyri henda statin.

    Grein 21
    Inntøka, ið ikki skilliga er umrødd
    1. Inntøka, sum ein persónur við heimstaði í øðrum sáttmálasamtykkjandi statinum hevur vunnið sær, og sum ikki er skilliga umrødd í greinunum frammanfyri, kann bert verða skattað í hesum statinum.

    2. Viðtøkurnar í stk. 1 kunnu ikki verða nýttar til inntøku, burtursæð frá inntøku av fastari ogn sum skilgreinað í grein 6, stk. 2, um móttakarin av tílíkari inntøku, ið hevur heimstað í øðrum sáttmálasamtykkjandi statinum, er vinnurekandi í hinum sáttmálasamtykkjandi statinum, haðani inntøkan stavar, gjøgnum eitt har verandi fast rakstrarstað ella útinnir fría vinnu í tí statinum frá einum har verandi føstum staði, og tey rættindi ella tann eyðgóði, sum er grundarlag fyri teirri útgoldnu inntøkuni, hevur beinleiðis samband við eitt tílíkt fast rakstrarstað ella fast stað. Tá so er, verður ávikavist grein 7 ella grein 14 nýtt.91


    KAPITTUL IV
    Skatting av fæi

    Grein 22
    Fæ
    1. Fæ, sum er føst ogn sum skilgreinað í grein 6, stykki 2, kann verða skattað í tí sáttmálasamtykkjandi statinum, har sum ognin er.

    2. Fæ, sum er ognarvirðir, ið eru ein partur av vinnufænum í fasta rakstrarstaðnum hjá einari fyritøku ella í ognarvirðum, ið hoyra til eitt fast stað, ið verður nýtt til útinning av fríari vinnu, kann verða skattað í tí sáttmálasamtykkjandi statinum, har sum fasta rakstrarstaðið ella fasta staðið er.

    3. Skip og flogfør, ið verða nýtt í altjóða ferðslu, og ognarvirðir – burtursæð frá fastari ogn – sum verða nýtt í tílíkum skipa- og flogferðsluvirksemi, kunnu bert verða skattað í tí sáttmálasamtykkjandi statinum, har sum veruliga leiðslan í fyritøkuni hevur sæti.

    4. Øll onnur sløg av fæi, ið eru ogn hjá einum persóni, sum hevur heimstað í øðrum sáttmálasamtykkjandi statinum, kunnu bert verða skattað í hesum statinum.


    KAPITTUL V
    Mannagongdir til at sleppa undan tvískatting

    Grein 23
    1. Í Danmark skal sleppast undan tvískatting soleiðis:
    a) Uttan so at viðtøkurnar í litra c) føra annað við sær, skal Danmark, tá tað kemur fyri, at ein persónur, ið hevur heimstað í Danmark, vinnur sær inntøku ella eigur fæ, sum sambært viðtøkunum í hesum sáttmálanum kann verða skattað í Schweiz
    (i) loyva viðkomandi persóni frádrátt í inntøkuskatti sínum við einari peningaupphædd, sum svarar til tann inntøkuskattin, sum er goldin í Schweiz;
    (ii) loyva viðkomandi persóni frádrátt í ognarskatti sínum við einari peningaupphædd, sum svarar til tann ognarskattin, sum er goldin í Schweiz;
    b) frádráttarupphæddin skal tó ikki í nøkrum føri kunna fara upp um tann partin av inntøkuskattinum ella ognarskattinum, útroknaður uttan tílíkan frádrátt, ið kann førast til ta inntøkuna ella til tað fæið, sum kann verða skattað í Schweiz;
    c) tá tað kemur fyri, at ein persónur, sum hevur heimstað í Danmark, vinnur sær inntøku ella eigur fæ, sum sambært viðtøkunum í hesum sáttmála bert kann verða skattað í Schweiz, kann Danmark írokna hesa inntøkuna ella hetta fæið í skattagrundarlagið, men skal í skattinum av inntøkuni ella fænum draga frá tann partin av inntøkuskattinum, ávikavist ognarskattinum, sum kann førast aftur til ta inntøkuna, ið stavar frá Schweiz, ella tað fæið, ið hann eigur í Schweiz.

    2. Í Schweiz skal sleppast undan tvískatting soleiðis:
    a) Tá tað kemur fyri, at ein persónur, ið hevur heimstað í Schweiz, vinnur sær inntøku ella eigur fæ, sum sambært viðtøkunum í hesum sáttmála kann verða skattað í Danmark, skal Schweiz – uttan so at viðtøkurnar í litra b áseta annað – frítaka tílíka inntøku ella tílíkt fæ frá skatting, men kann við skattaútrokningini av hinari inntøkuni ella hinum fænum hjá viðkomandi persóni nýta tann skattasats, sum skuldi verið nýttur, um frítikna inntøkan ella fæið ikki hevði verið frítikið frá skatting.
    b) Tá tað kemur fyri, at ein persónur, ið hevur heimstað í Schweiz, vinnur sær vinningsbýti, sum eftir grein 10 kann verða skattað í Danmark, skal Schweiz eftir áheitan loyva viðkomandi persóni linking. Linkingin kann vera:
    (i) ein frádráttur í schweiziska inntøkuskattinum hjá viðkomandi persóni við einari peningaupphædd, sum svarar til tann skattin, sum er álíknaður í Danmark sambært grein 10; ein tílíkur frádráttur kann tó ikki fara upp um tann partin av schweiziska skattinum útroknaður, áðrenn frádrátturin er givin, sum kann førast aftur til inntøkuna, sum kann verða skattað í Danmark;
    ella
    (ii) ein peningalig lækking í schweiziska skattinum;
    ella
    (iii) ein partvís frítøka av tílíkum vinningsbýti frá schweiziskum skatti, í øllum førum í minsta lagi vera út gjørt av einum frádrátti av skattinum, sum er álíknaður í Danmark, frá bruttoupphæddini av vinningsbýtinum. Schweiz avger, hvør linking skal verða nýtt, og ásetur mannagongdina sambært schweizisku viðtøkunum um íverksetanina av altjóða avtalunum hjá Schweiziska Samveldinum til at sleppa undan tvískatting.
    c) Eitt felag, sum hevur heimstað í Schweiz, og sum vinnur sær vinningsbýti frá einum felag, sum hevur heimstað í Danmark, hevur viðvíkjandi schweisiskum skatti av tílíkum vinningsbýti rætt til somu linkingina, sum hevði verið tillutað felagnum, um so var, at vinningsbýtisgjaldandi felagið hevði havt heimstað í Schweiz.


    KAPITTUL VI
    Serligar viðtøkur

    Grein 24
    Eingin mismunur
    1. Statsborgarar í øðrum sáttmálasamtykkjandi statinum skulu ikki í hinum sáttmálasamtykkjandi statinum kunna koma undir nakra skatting ella at hesum atknýtt krøv, sum eru øðrvísi ella meira tyngjandi enn tann skatting og tey at henni atknýttu krøv, sum statsborgarar í hinum statinum undir somu korum eru ella kundu komið undir.

    2. Yrkisorðið „statsborgari“ merkir:
    a) allir likamligir persónar, ið hava statsborgararaett í øðrum sáttmálasamtykkjandi statinum; b) allir løgfrøðiligir persónar, íognarfeløg og samtøkur, ið eru til sambært galdandi lóggávu í øðrum sáttmálasamtykkjandi statinum.

    3. Skattingin av einum føstum rakstrarstaði, sum ein fyritøka í øðrum sáttmálasamtykkjandi statinum hevur í hinum sáttmálasamtykkjandi statinum, má ikki vera ólagaligari í tí statinum enn skatting av fyritøkum í tí statinum, ið útinna sama virksemi. Henda viðtøka skal ikki kunna tulkast sum skyldubindandi annan sáttmálasamtykkjandi statin til at veita persónum, sum hava heimstað í hinum sáttmálasamtykkjandi statinum, teir persónligu skattligu fyrimunir, link ingar og avsláttir, sum hann veitir teimum persónum, ið eru búsettir innan hansara egna øki orsakað av persónligum starvi ella uppihaldsskyldu av familju.

    4. Fyritøkur í øðrum sáttmálasamtykkjandi statinum, við fæi, sum til fulnar ella partvís er ogn hjá ella undir eftirliti av, beinleiðis ella óbeinleiðis, einum ella fleiri persónum við heimstaði í hinum sáttmálasamtykkjandi statinum, skulu ikki í fyrstnevnda sáttmálasamtykkjandi statinum kunna koma undir nakra skatting ella henni atknýtt krøv, sum eru øðrvísi ella meiri tyngjandi enn tann skattingin og hennara atknýttu krøv, sum aðrar tilsvarandi fyritøkur í fyrstnevnda stati eru komnar ella fara at kunna koma undir.

    5. Yrkisorðið „skatting“ merkir í hesari greinini skattir av einum og hvørjum slagi og eini og hvørjari merking.

    Grein 25
    Mannagongdin tá sínámillum avtalur verða gjørdar
    1. Heldur ein persónur, sum hevur heimstað í øðrum sáttmálasamtykkjandi statinum, at fyriskipanir, sum annar ella báðir sáttmálasamtykkjandi statirnir hava tikið stig til, endar við ella fer at enda við einari skatting av honum, sum ikki er í samsvari við hendan sáttmálan, kann hann, uttan mun til hvørji rættarráð, ið eru til taks sambært tjóðarlóggávuni hjá hesum statum, leggja søk sína fyri málsráðandi myndugleikan í tí sáttmálasamtykkjandi statinum, har sum hann hevur heimstað.

    2. Málsráðandi myndugleikin skal, um mótmælið tykist honum grundað, og um hann ikki sjálvur kann koma til eina hóskandi loysn, leggja seg eftir at loysa málið við sínámillum avtalu við málsráðandi myndugleikan í hinum sáttmálasamtykkjandi statinum við atliti til at sleppa undan einari skatting, ið ikki er í samsvari við sáttmálan.

    3. Málsráðandi myndugleikarnir í teimum sáttmálasamtykkjandi statunum skulu leggja seg eftir við sínámillum avtalu at loysa ein og hvønn trupulleika ella ein og hvønn ivaspurning, ið kundi tikið seg upp viðvíkjandi tulkingini ella nýttu mannagongdini í sáttmálanum. Teir kunnu eisini ráðføra seg hvør hjá øðrum fyri at sleppa undan tvískatting í førum, ið ikki verða umrødd í sáttmálanum.

    4. Málsráðandi myndugleikarnir í teimum sáttmálasamtykkjandi statunum kunnu seta seg beinleiðis í samband hvør við annan við atliti til at gera avtalur sambært stykkjunum frammanfyri. Har tað fyri at fáa semju í lag verður hildið at vera ynskiligt, at eitt munnligt orðaskifti fer fram, kann eitt tílíkt verða hildið í einari nevnd, ið er samansett av umboðum fyri málsráðandi myndugleikarnar í teimum sáttmálasamtykkjandi statunum.

    5. Tá
    a) ein persónur sambært stk.1 hevur lagt eitt mál fyri málsráðandi myndugleikan í øðrum sáttmálasamtykkjandi statinum við teirri grundgeving, at fyriskipanir gjørdar av øðrum ella báðum sáttmálasamtykkjandi statunum hava ført við sær fyri tann persónin eina skatting, sum ikki er í samsvari við viðtøkurnar í hesum sáttmálanum, og
    b) málsráðandi myndugleikarnir ikki eru førir fyri at koma til semju um at loysa málið í samsvari við stk. 2 innan trý ár frá tí, at málið er lagt fram fyri málsráðandi myndugleikan í hinum sáttmálasamtykkjandi statinum, skulu óavgjørdir spurningar, ið kunnu taka seg upp í málinum, verða lagdir fyri ein gerðarrætt, um persónurin biðjur um tað. Hesir óavgjørdu spurningar skulu tó ikki kunna verða lagdir fyri ein gerðarrætt, um ein avgerð um hesar spurningar longu er tikin av einum dómstóli ella einum fyrisitingarligum kærustovni í øðrum statinum.
    Um so er, at ein persónur, ið er beinleiðis ávirkaður av málinum, ikki góðtekur sínámillum avtaluna, sum setur gerðarrættaravgerðina í gildi, ella teir málsráðandi myndugleikarnir og teir persónarnir, ið eru beinleiðis ávirkaðir av málinum, avtala eina aðra loysn innan seks mánaðir eftir, at teir eru vorðnir kunnaðir um avgerðina, er gerðarrættaravgerðin bindandi fyri báðar statirnar og skal gjøgnumførast uttan mun til, hvørjar tíðarfreistir eru ásettar í innlendis lóggávuni hjá hesum statunum. Málsráðandi myndugleikarnir í teimum sáttmálasamtykkjandi statunum skulu við sínámillum semju avgera mannagongdina, hvussu hetta stykkið skal verða nýtt.
    Sáttmálasamtykkjandi statirnir kunnu útflýggja gerðarrættinum, ið er settur eftir viðtøkunum í hesum stykki, tílíkar upplýsingar, sum eru neyðugar til at gjøgnumføra gerðarrættarmálið. Limirnir í gerðarrættinum eru undirlagdir avmarkingarnar viðvíkjandi víðariflutningi, sum er nevnt í grein 27, stk. 2, viðvíkjandi upplýsingum, ið eru útflýggjaðar í hesum sambandi.

    Grein 26
    Afturgjaldingarmannagongd
    1. Verður í øðrum sáttmálasamtykkjandi statinum skattur eftirhildin av vinningsbýti, rentu ella nýtslugjøldum (royalties) (við kelduna), verður rætturin til at eftirhalda skatt ikki ávirkaður av hesum sáttmálanum.

    2. Tann (við kelduna) eftirhildni skatturin skal kortini gjaldast aftur eftir umsókn, í tann mun uppkrevjing av honum er avmarkað av sáttmálanum.

    3. Freistin fyri umsókn um afturgjalding er trý ár roknað frá endanum av tí álmanakkaárinum, har sum vinningsbýtið, rentan ella nýtslugjaldið (royaltyin) er fallið til gjaldingar.

    4. Innlatnar umsóknir skulu altíð hava eina almenna váttan frá tí stati, har sum tann skattskyldugi hevur heimstað, um, at fyritreytirnar fyri fullari skattskyldu í hesum statinum eru til staðar.

    5. Málsráðandi myndugleikarnir gera so sambært grein 25 avtalu um teir nærru smálutirnar viðvíkjandi mannagongdini.

    Grein 27
    Umbýti av upplýsingum
    1. Málsráðandi myndugleikarnir í teimum sáttmálasamtykkjandi statunum skulu útflýggja tílíkar upplýsingar, sum mugu haldast at vera av týdningi fyri fremjan av viðtøkunum í hesum sáttmálanum ella fyri fyrisitingina ella handhevjanina av innlendis lóggávuni hjá teimum sáttmálasamtykkjandi statunum viðvíkjandi skattum umfataðir av sáttmálanum í tann mun, ið henda skatting ikki er í stríð við sáttmálan. Umbýti av upplýsingum er ikki avmarkað av grein 1.

    2. Allar upplýsingar, ið verða móttiknar eftir stk. 1 av einum sáttmálasamtykkjandi stati, skulu viðfarast sum loyniligar á sama hátt sum upplýsingar, ið eru fingnar til vega sambært innlendis lóggávuni hjá hesum stati, og kunnu bert boðast persónum ella myndugleikum (heruppií dómstólum og fyrisitingarmyndugleikum), ið starvast við líkning, uppkrevjing, innheinting, handhevjan ella rættarsókn viðvíkjandi teimum skattum, ella kæruavgerðir í sambandi við teir skattir, ið nevndir eru í stk. 1. Tílíkir persónar ella myndugleikar kunnu bert nýta upplýsingarnar til nevndu endamál. Teir kunnu lata upplýsingarnar í almennum rættarsóknum ella í rættaravgerðum. Uttan mun til tað frammanfyristandandi kunnu upplýsingar, sum annar sáttmálasamtykkjandi staturin hevur móttikið nýtast til onnur endamál, tá ið upplýsingarnar kunnu nýtast til tílík onnur endamál sambært lóggávuni í báðum statunum, og tann málsráðandi myndugleikin í tí statinum, ið hevur latið upplýsingarnar, geva loyvi til tílíka nýtslu.

    3. Viðtøkurnar í stk. 1 og 2 kunnu í ongum føri tulkast soleiðis, at einum sáttmálasamtykkjandi stati verður álagt skyldu til:
    1) at fremja fyrisitingargerðir, ið stríða ímóti lóggávuni og fyrisitngarmannagongdini hjá hesum ella hinum sáttmálasamtykkjandi statinum;
    2) at kunna um upplýsingar, sum ikki kunnu fáast til vega sambært lóggávuni ella vanligu fyri sitingarmannagongdini hjá hesum ella hinum sáttmálasamtykkjandi statinum;
    3) at kunna um upplýsingar, sum kundu avdúkað nakran vinnuligan, starvsligan, ídnaðarligan, handilsligan ella fakligan loynidóm ella virkishátt, ella upplýsingar, har almannagerðin av teimum hevði verið í stríð við alment fyrilit (ordre public).

    4. Um annar sáttmálasamtykkjandi staturin biður um upplýsingar sambrt hesari grein, skal hin sátt málasamtykkjandi staturin seta sína fyrisiting ígongd fyri at innheinta tær upplýsingar, ið biðið verður um, hóast tann staturin ikki skuldi havt brúk fyri hesum upplýsingum til egin skattlig endamál. Skyldan í punktuminum frammanfyri stendur undir avmarkingunum í stk. 3, men í ongum føri gera tílíkar avmarkingar tað møguligt hjá øðrum sáttmálasamtykkjandi statinum at lata vera við at útflýggja upplýsingar einans við teirri grundgeving, at hann ikki hevur nakran skattligan áhuga sjálvur í tílíkum upplýsingum.

    5. Í ongum føri kunnu viðtøkurnar í stk. 3 tulkast soleiðis, at tær gera tað møguligt hjá øðrum sáttmálasamtykkjandi statinum at nokta fyri at lata upplýsingar, einans tí at upplýsingarnar eru í varðveitlsu hjá einum banka, øðrum peningastovni, umboði ella persóni, sum virkar sum fulltrúi ella sum verji, ella tí at upplýsingarnar snúgva seg um ognarviðurskifti í einum persóni. Fyri at útvega tílíkar upplýsingar skulu skattamyndugleikarnir í tí sáttmálasamtykkjandi statinum, ið er biðin um upplýsingarnar, kunna tvinga ígjøgnum, at upplýsingar, sum eru umfataðar av hesum stykki, verða útflýggjaðar, uttan mun til stk. 3 ella møguligar mótstríðandi viðtøkur í sínari innlendis lóggávu.

    Grein 28
    Ymiskar viðtøkur
    1. Eitt óuppgjørt deyðsbúgv verður roknað at hoyra til í tí sáttmálasamtykkjandi statinum, har tann, sum letur arvin eftir seg, hevur havt heimstað sambært grein 4.

    2. Inntøka, ið stavar frá einum deyðsbúgvi, ella fæ, ið er partur av einum tílíkum, kann verða skattað sambært viðtøkunum í hesum sáttmálanum hjá einum arvingi í hinum sáttmálasamtykkjandi statinum í tann mun, at tað óuppgjørda deyðsbúgvið ikki sjálvt kemur undir skatting av hesari inntøkuni og fænum í tí sáttmálasamtykkjandi statinum, har sum tann, sum letur arvin eftir seg hevði sín seinasta bústað. Málsráðandi myndugleikarnir í sáttmálasamtykkjandi statunum fara, um so er, at gera avtalu til at sleppa undan tvískatting í einstøkum førum.

    3. Gjøld í ein eftirlønargrunn ella ein annan líknandi stovn, sum bjóðar eftirlønarskipanir, sum eru stovnaðar og skattliga viðurkendar í øðrum sáttmálasamtykkjandi statinum, ið verða goldin av einum persóni ella vegna ein persón, sum innir persónligt arbeiði í hinum sáttmálasamtykkjandi statinum, skulu, við atliti at ásetingini av skattgjaldinum hjá persóninum og eisini inntøkuni hjá einari fyritøku, sum kann verða skattað í tí statinum, verða viðgjørd í tí statinum á sama hátt og koma undir somu treytir og avmarkingar sum gjøld í eina eftirlønarskipan, sum er skattliga viðurkend í hesum statinum, treytað av, at
    a) persónurin ikki hevði heimstað í hesum statinum og var luttakari í eftirlønarskipanini, beint áðrenn hann fór at inna persónligt arbeiði í hesum statinum, og
    b) eftirlønarskipanin verður viðurkend av málsráðandi myndugleikanum í tí statinum sum verandi yvirskipað í mun til eftirlønarskipanir, ið eru skattliga viðurkendar í hesum statinum.

    Grein 29
    Sendiráðharrar og ráðgevandi tænastumenn
    1. Hesin sáttmálin viðvíkur ikki teimum sendiráðharra- og ráðgevarafyrimunum, sum verða veittir sambært vanligu reglunum í fólkarættinum ella sum fylgja av viðtøkum í serstøkum sáttmálum.

    2. Í tann mun inntøka og fæ, orsakað av teimum sendiráðharra- ella ráðgevarafyrimunum, ið verða veittir einum persóni sambært vanligu reglunum í fólkarættinum ella sum fylgja av serstøkum altjóða avtalum, ikki verða skattað í móttøkustatinum, fær útsendarastaturin rættin at skatta.

    3. Tá hesin sáttmálin verður nýttur skulu persónar, sum eru limir í einari av sendiráðharra ella ráðgevandi sendistovunum hjá øðrum sáttmálasamtykkjandi statinum í hinum sáttmálasamtykkjandi statinum ella í einum triðja stati, og eisini persónar, ið standa hesum naer, verða roknaðir at hava heimstað í útsendingarstatinum, um teir eru statsborgarar í útsendingarstatinum, og um teir har verða skattaðir av inntøku og faei á sama hátt sum persónar, ið hava heimstað í hesum statinum.

    4. Hesin sáttmálin er ikki galdandi fyri altjóða felagsskapir, stovnar ella tænastumenn hjá hesum og heldur ikki fyri limir í ráðharrasendistovu- ella ráðgevaraumboðsstovu hjá einum triðja stati og somuleiðis ikki at hesum tættknýttar persónar, ið eru staddir í øðrum sáttmálasamtykkjandi statinum, men sum í hvørgum sáttmálasamtykkjandi statinum inntøkuliga- ella ognarskattliga verða viðgjørdir sum við heimstaði har.

    Grein 30
    Øking av landaøki
    1. Hesin sáttmálin kann annaðhvørt í síni heild ella við teimum neyðugu broytingunum víðkast til eitt og hvørt øki í Danmark, sum sambært grein 3, stykki 1 a) skilliga er hildið uttan fyri sáttmálan, og sum áleggur skattir av sama ella av rættiliga líkum slagi sum teir skattir, ið sáttmálin verður nýttur til. Ein tílík víðkan skal hava virknað frá teirri løtu og við teimum broytingum og undir teimum treytum, sum kundu verið ásettar og avtalaðar millum sáttmálasamtykkjandi statirnar í boðskrivum, ið skulu sendast ímillum gjøgnum sendiráðharrar.
    2. Uttan so, at annað verður avtalað millum sáttmálasamtykkjandi statirnar, skal uppsøgn av sáttmálanum frá øðrum sáttmálasamtykkjandi statinum sambært grein 32 haraftrat føra við sær, at hildið verður uppat at nýta sáttmálan á einum og hvørjum øki, sum hann er vorðin víðkaður til sambært hesari greinini.


    KAPITTUL VII
    Endaviðtøkur

    Grein 31
    Ígildiskoma
    1. Hesin sáttmáli kemur í gildi, tá ið tað við boðskrivaskifti verður váttað, at hvør av sáttmálasamtykkjandi statunum hevur gjøgnumført tær stjórnmálafyriskipanir, sum verða kravdar fyri ígildiskomu, og sáttmálin skal hereftir verða nýttur
    a) til skattir, ið verða innkravdir við kelduna, av vinningsbýtum og rentum, sum falla til gjaldingar eftir tann 31. desember 1973;
    b) til aðrar danskar skattir av inntøku og fæi, ið verða innkravdir fyri tíðina eftir tann 31. desember 1974;
    c) til aðrar schweiziskar skattir av inntøku og fæi, ið verða innkravdir fyri tíðina eftir tann 31. desember 1974.

    2. Við ígildiskomuni av hesari avtaluni heldur sáttmálin frá 14. januar 1957 millum Kongaríkið Danmark og Schweiziska Samveldið til at sleppa undan tvískatting viðvíkjandi skattum av inntøku og fæi uppat at vera í gildi. Viðtøkurnar í honum kunnu ikki longur verða nýttar til skattir, sum hesin sáttmálin sambært stykki 1 verður nýttur til.

    Grein 32
    Uppsøgn
    Hesin sáttmálin verður verandi í gildi, so leingi hann ikki er uppsagdur av øðrum sáttmálasamtykkjandi statunum. Hvør sáttmálasamtykkjandi statur sær kann siga sáttmálan upp gjøgnum sendiráðharrastovur undir kanning við einari freist uppá minst 6 mánaðir til uppsøgn við endan á einum álmanakkaári. Tá so er, verður sáttmálin seinastu ferð nýttur
    a) til skattir, ið verða innkravdir við kelduna, av vinningsbýtum og rentum, sum falla til gjaldingar í tí álmanakkaári, har uppsøgnin við árslok hevur virknað.
    b) til aðrar danskar skattir av inntøku og fæi, sum verða innkravdir fyri tað álmanakkaárið, har uppsøgnin við árslok hevur virknað;
    c) til aðrar schweiziskar skattir av inntøku og fæi, sum verða innkravdir fyri tað álmanakkaárið, har uppsøgnin við árslok hevur virknað.

    Skrivaður í Bern, tann 23. november 1973 í tveimum eintøkum, á donskum og týskum, soleiðis at báðir tekstir hava sama gildi.


    Vegna Kongaríkið Danmark:
    M. G. J. Melchior

    Vegna Schweiziska Samveldið:
    Pierre Graber

    Fylgiskjal 1. Skjal 6
    Viðmerkingar
    • Broytingar í skattalógini 1984-2009
    • Viðmerkingar til skattalógina (Uppskotið til upprunalógina) Løgtingsmál nr. 88/1982
    Broytingar í skattalógini 1984-2009

    Viðmerkingar til skattalógina (Uppskotið til upprunalógina) Løgtingsmál nr. 88/1982

    Lógaruppskotið, sum nú verður lagt fyri tingið, er úrslit av tí arbeiði, sum tey seinastu árini hevur verið gjørt fyri at gera okkara skattaskipan meira effektiva. Fyri at sleppa undan øllum teimum trupulleikum, sum núverandi skipan hevur, hvat innkrevjing av skatti viðvíkur, verður skotið upp at leggja okkara skattaskipan um til samtíðarskatt, soleiðis at tann persónligi skatturin nú verður goldin so skjótt sum gjørligt, aftaná at skattskylduga inntøkan er vunnin. Við øðum orðum verður í lógaruppskotinum roynt at gera tíðarskeiðið, frá tí inntøkan er vunnin, og til skatturin er útroknaður og goldin, so stutt sum møguligt.

    Hóast hesa roynd sleppa vit ikki undan at gera eina endaliga inntøkuuppgerð, tá inntøkuárið er lokið. Út frá hesi inntøkuuppgerð verður so endaligi skatturin útroknaður. Við tí kumulativu skipan, vit fara at nýta eftir hesum uppskoti, skuldi hjá flestum skattgjaldarum, sum bert hava vanliga lønarinntøku, endaligi skatturin verið goldin, tá inntøkuárið er lokið. Serliga tí skipanin er soleiðis løgd til rættis, at um broytingar henda eitt nú á frádráttarsíðuni hjá einum skattgjaldara í árinum, kann hann fáa tær tiknar við inn í ta leypandi árligu útrokningina av skattinum.

    Sambært núgaldandi skattareglum verður inntøkuskatturin goldin av inntøkuni, sum er vunnin í árinum framman undan skattaárinum. Hesi viðurskifti hava havt við sær fleiri vansar bæði fyri skattaborgaran og tað almenna. Fyri skattaborgaran kemur tað ofta fyri, at inntøkugrundarlagið er munandi lægri í tí skattaári, tá skatturin skal gjaldast, enn tað var í tí ári, sum skatturin er roknaður út eftir.

    Møguleikin hjá skattaborgaranum at gjalda skattin er tá ikki so stórur, sum roknað varð við, tá skatturin varð líknaður. Hetta vísir seg ofta at hava ført skattaborgarar út í fíggjarligar trupulleikar við tí úrsliti, at skattaeftirstøðan er vaksin so nógv, at smáir møguleikar hava verið at fingið skattin inn.

    Fyri tað almenna hevur tað langa tíðarskeiðið, frá tí at inntøkan er vunnin, og til skatturin fellur til gjaldingar, havt við sær, at skattamissurin kann verða rættiliga stórur. Núverandi skipan hevur havt við sær, at um ein persónur flutti av landinum í skattaárinum, fullu eftirverandi gjøld ikki til gjaldingar, og tá hetta ofta hava verið persónar við høgari inntøku, hevur missurin fyri tað almenna verið stórur. Í tíðarskeiðum við fallandi inntøkumøguleikum kann missurin hjá tí almenna koma upp á rættiliga stórar upphæddir. Ein partur av hesum eftirstøðum er tað almenna noytt at krevja inn við panting, sum hevur havt stórar útreiðslur við sær, samstundis sum hesar umstøður hava lagt eykabyrðar á sjálva skattafyrisitingina. Harafturat kemur, at tað almenna má eftirgeva munandi upphæddir orsakað av tíðarmuninum millum, nær inntøkan, sum skatturin verður líknaður av, er vunnin, og nær hann fellur til gjaldingar. Her kann eisini verða nevnt, at gr. 22a í núverandi skattalóg eisini hevur ført til skattamiss fyri tað almenna.

    Tá ábøtur skulu gerast í skattalógini, sum skulu taka hædd fyri teimum vansum í núverandi skattaskipan, sum nevndar eru frammanfyri, má endamálið verða, at skatturin, so langt tað er.gjørligt, verður goldin samstundis, sum skattskylduga inntøkan verður vunnin.


    Yvirlit yvir tær broytingar, sum verða uppskotnar í hesi lóg
    Her skal bert verða gjørdur ein samandráttur av teimum broytingum, sum mælt er til í hesum uppskoti, samanborið við núgaldandi lóg. Nágreinligari viðmerkingar verða seinni gjørdar til hvørt kapittul sær.

    Tann uppkrevjingarskipan, sum her verður skotin upp, er galdandi bæði fyri lands-, kommunu- og kirkjuskatt, har hesir verða álíknaðir. Endamálið við uppskotinum er, at hesir skattir skulu verða uppkravdir so gott sum samstundis, sum skattskylduga inntøkan verður vunnin. Skattir, sum verða goldnir soleiðis, eru í veruleikanum fyribilsskattir og skulu mótroknast í teirri álikning, sum verður gjørd, tá inntøkuárið er lokið. Við tí kumulativu skipan, sum her verður uppskotin, skuldi fyribilsskattur og endaligur álí'knaður skattur samsvarað fyri størsta partin av skattaborgarunum. Tá slik skipan fer at hava við sær, at tá árið er farið, kenna skattamyndugleikarnir í flestum førum bæði inntøkuna og frádráttirnar, so kann ein sjálvuppgáva verða send skattgjaldaranum við hesum upplýsingum á. Samsvara hesar upplýsingar so við tær upplýsingar, sum skattgjaldarin hevur, kann hann bert skriva undir sjálvuppgávuna og senda hana inn aftur til líkningarmyndugleikarnar. Hetta er tó bert galdandi fyri teir, sum hava vanliga lønarinntøku. Fyri aðrar skattaborgarar, sum hava sokallaða B-inntøku, verður skattgjaldingin altíð ein á conto gjalding, sum verður endaliga álíknað, tá inntøkuárið er lokið. Bæði fyri A- og B-skattaborgarar verður ein møguligur írestandi skattur uppkravdur og ein møguligur avlopsskattur afturgoldin, tá endaliga líkningin er gjørd.

    Hann, ið rindar lønir, samsýningar v.m., skal síggja til, at A-skatturin verður goldin tí almenna um ávís avrokningarstøð. Hetta verður gjørt á tann hátt, at hann avroknar alla løn v.m. um tey avrokningarstøð, sum av landsstýrinum verða góðkend til slík endamál. Hesi halda skattinum eftir og gjalda nettolønina út aftur til tann, sum hevur ávíst bruttolønina. Hann, ið rindar lønina, kann so gera avtalu við løntakaran, um hesin vil hava lønina ávísta á konto í peningastovnunum ella útgoldna kontant.

    Tær inntøkur v.m., sum fyribilsskattur skal eftirhaldast í, eru nevndar í 60. gr. í lógaruppskotinum. Í hesum sambandi er tað løn, hýra v.m. og inntøka av slíkum slag, sum kann metast at vera nettoinntøka hjá skattgjaldaranum, tá hon verður útgoldin. Allar hesar inntøkur verða í lógaruppskotinum nevndar A-inntøkur, og fyribilsskatturin, sum eftirhaldast skal í hesum lønum, verður nevndur A-skattur. Aðrar inntøkur, sum fyribilsskattur ikki skal avroknast í, verða í lógaruppskotinum nevndar B-inntøkur. Fyribilsskattin av hesum inntøkum skal skattgjaldarin sjálvur gjalda í árinum við skattarokning. Hesin fyribilsskattur verður í uppskotinum nevndur B-skattur. Størsti parturin av sokallaðu B-inntøkunum kemur frá teimum, sum reka sjálvstøðuga vinnu og byggja sjálvuppgávu sína á roknskap. Her skal tó viðmerkjast, at lønarinntøka vunnin uttanlands av persónum, sum eru undir skattskyldu í Føroyum, eisini verður roknað sum B-inntøka, og koma. slíkir persónar at verða fyribilsskattaskrásettir av eini av teimum mettari inntøku. Her kemur tað stórt sæð at snúgva seg um persónar, sum eru við fremmandum skipum, og sum ikki koma undir donsku sjómansskattaskipanina.

    Inntøka, sum stavar frá vinningsbýti frá feløgum v.m., sum eru skrásett í Føroyum, verður hvørki roknað sum A- ella B-inntøka, tá henni verður álagt eitt fast endaligt avgjald. Sama er galdandi fyri rentur í føroyskum peningastovnum.

    "Ávísingarskyldugur" í uppskotinum er hann, sum skal ávísa lønina til avrokningarstøðini og gjalda skattin til teirra. "Avrokningarstøð", sum skulu góðkennast av landsstýrinum, verða tey nevnd í uppskotinum, sum skulu syrgja fyri, at skatturin verður avroknaður og fluttur til tað almenna. Hesi avrokningarstøð skulu senda tær upplýsingar um lønir hjá hvørjum einstøkum løntakara, sum hin ávísingarskyldugi kemur við til skattaútrokningarstaðið, sum so gevur ávísingarskylduga boð urn, hvussu stór nettolønin er, hann skal útgjalda tí einstaka løntakaranum. Eisini er við í lógaruppskotinum, at ein skattaborgari eftir áheitan kann fáa upplýst fra skattavaidinum, hvussu stór tann upphædd er, ið hann kann vinna, áðrenn skattur verður avroknaður. Ofta fer hetta at verða galdandi fyri børn ella ungfólk, sum í frítíðini vinna eina minni upphædd. Hetta svarar stórt sæð til tað, teir í Danmark, Grønlandi, Noreg og Svøríki kalla "frikort". Slíkt fríkort kemur eftir hesum uppskoti at svara til teir standard frádráttir, sum liggja í skattaútrokningini, og møguligar frádráttir, sum skattgjaldarin sjálvur annars hevur. Fer inntøkan upp um hesa upphædd, verður skattur avroknaður eftir teimum vanligu reglunum.

    Um skattaborgari hevur bæði A-inntøkur og B-inntøkur, verður A-skatturin eftir høvuðsregluni avroknaður í A-inntøkuni og B-skatturin goldin við skattarokning. Um B-inntøkan er av minni týdningi í mun til A-inntøkuna, kann líkningarráðið gera av, um B-skatturin verður avroknaður í A-inntøkuni, soleiðis at frádráttirnir verða minkaðir so mikið, sum svarar til B-skattin. Høvuðsreglan í uppskotinum gongur út uppá, at roknað skal verða við teirri væntaðu inntøkuni hjá einum skattaborgara sum grundarlag undir fyribilsskattinum í einum ári. Hjá B-skattaborgarum verður hetta altíð neyðugt, og her verður mett út frá seinastu endaliga álíknaðu inntøkuni hækkað við einum ávísum prosenttali, tó soleiðis, at har serlig viðurskifti gera seg galdandi, kunnu frávik verða gjørd frá høvuðsregluni. Hjá einum, sum bert hevur A-inntøku, verður ætlað um frádráttirnar í einum ári. Í uppskotinum verður eisini mælt til, at tað metta grundarlagið undir fyribilsskattinum kann verða broyt í árinum, um tað verður mett at verða neyðugt. Í uppskotinum verður eisini mælt til, at hin skattskyldugi kann gjalda inn skatt líka til 31. mars árið eftir uttan at skula gjalda rentu, um hann metir, at hann hevur goldið ov lítlan fyribilsskatt í inntøkuárinum.

    Í tí kumulativu skipanini verður inntøkan hjá einum løntakara roknað upp til ársinntøku við hvørja lønútgjalding, sum kann vera viku fyri viku ella mánað fyri mánað í øllum inntøkuárinum. Allir frádráttir verða roknaðir sum ársfrádráttir, sum verða beinleiðis frádrignir í inntøkuni (t.d. 1øntakara- og koyrifrádráttir), og teir frádráttir, sum skulu dragast frá í skattinum (t.d. privatar rentur o.a.). Hvørja ferð, skattur skal roknast av inntøkuni, verður tann til eina ársinntøku avroknaða inntøkan minkað við teimum árligu frádráttunum. Hetta er tann upproknaða skattskylduga inntøkan fyri alt inntøkuárið, og skatturin av hesi inntøkuni verður so útroknaður. Hesin skatturin verður síðan lutfalsliga niðurroknaður, soleiðis at hann svarar til tað tíðarskeið av árinum, lønin er fyri, og minkaður við tí skattinum, sum er eftirhildin við lønútgjaldingunum frammanundan. Munurin er so tann skattur, sum skal gjaldast við hesi ávísu lønútgjalding. Um tað vísir seg, at áður er ov nógvur skattur eftirhildin, t.d. kunnu sjúka og vinnuloysi gera, at eingin ella munandi minni inntøka kemur at verða restina av árinum, kann í slíkum førum peningurin gjaldast aftur beinanveg, um skattgjaldarin kann vísa skattavaldinum á hesi viðurskifti.


    Hvør kemur undir skipanina
    Eftir uppskotinum koma allir persónligir skattgjaldarar undir hesa skipan við samtíðarskatti; partafeløg og onnur juridisk feløg koma ikki undir skipanina, men fara at gjalda skatt sum nú av inntøkuni frá árinum fyri. Tó skal gjaldingin her falla í trimum gjøldum í oktober, november og desember og sjálvuppgávn latast inn í seinasta lagi 1. juni í skattaárinum. Fyrisitingarliga hevði tað givið nógvar trupulleikar, um t.d. eisini B-skattagjaldarar vóru hildnir uttan fyri samtíðarskattaskipanina, tí fyri tað fyrsta skifta hesir ofta vinnu í árinum, og fyri tað næsta kunnu teir hava bæði A-og B-inntøku í sama ári. Eisini kann ein løntakari í inntøkuárinum stovna sjálvstøðuga vinnu. Hartil kemur, at tað sjónarmið kann førast fram, at allir skattgjaldarar eftir meginreglunum, eiga at verða viðgjørdir eins, so langt hetta letur seg gera.


    Skattafrádráttir og skattaútrokningin
    Í sjálvum lógaruppskotinum eru frádráttirnir, sum loyvt verður at draga frá í inntøkuni, tiknir við. Landsskattastigin, persónsfrádrátturin og barnafrádrátturin í landsskattinum og kommunuskattinum verða ásettir við serstakari løgtingslóg. Harafturímóti verður álagt kommununum at áseta bæði kommunu- og kirkjuskattaprosentið fyri hvørt inntøkuár. Tá inntøkuárið er lokið, skal inntøkan gerast upp sum eftir núverandi skattaskipan, og endaligi skatturin verður so útroknaður. Um ov nógvur skattur tá er goldin, verður hann afturgoldin so skjótt sum gjørligt. Um ov lítil skattur er goldin, skal hann krevjast inn sum írestandi skattur eftir reglum, sum verða umtalaðar í 6. kap. í hesum uppskoti.

    Sum fyrr nevnt ber tann kumulativa skipanin við sær, at ikki er neyðugt at meta um lønarinntøku fyri eitt komandi inntøkuár fyri at rokna út fyribilsskatt. Men tá uppskotið inniheldur nakrar frádráttir, sum eitt met skal gerast um, tá inntøkuárið byrjar (eitt nú frádrátt fyri ferðing), verður tað ofta trupult at gera av støddina á slíkum frádráttum í byrjanini av inntøkuárinum. Hjá løntakara, sum t.d. eisini er partreiðari, verður tað í mongum førum trupult at meta um, annaðhvørt hann skal rokna við vinningi ella halli. Frádráttir fyri privata rentu kunnu møguliga í onkrum føri geva trupulleikar, eitt nú um maður hevur byggilán, sum upphæddin á ikki kann gerast av, fyrr enn inntøkuárið er lokið. Her kundi ein hugsað sær tann møguleika, at t.d. lánistovnamir eina ferð um fjórðings- ella hálvárið eftir serstakari avtalu millum skattgjaldara og skattavald kunnu senda skattavaldinum eitt yvirlit yvir ta rentu, sum tá var fallin til gjaldingar. Hetta hevði ið hvussu er minkað um munin millum fyribils goldna skattin og endaliga skattin, tá endaliga líkningin verður gjørd.


    Uppgáva arbeiðsgevarans
    Eftir núverandi reglum er tað bert í serligum førum, at ein arbeiðsgevari skal krevja inn skatt. Hetta er, tá ein skattgjaldari ikki hevur goldið rættstundis, so kann, áðrenn panting verður gjørd, krav verða lagt til arbeiðsgevaran um at halda eftir í lønini hjá løntakara upp til 50%. Eftir tí uppkrevjingarhátti, sum verður uppskotin í hesi lóg, fær arbeiðsgevarin stórt sæð ikki aðrar uppgávur, enn hann hevur havt, uttan tað, at nú verður álagt honum at gjalda skattin hjá løntakara um eitt av landsstýrinum góðkent avrokningarstað, sum nevnt er frammanundan. Annars verður her víst til viðmerkingarnar í 6. kap. Ein liður í hesi skipan er, at ein skrá yvir øll, sum gjalda út løn v.m., má verða gjørd, og fyri at henda skrá kann verða umsitin, skal arbeiðsgevarin lata upplýsingar um navn, vinnugrein, bústað v.m. 12. kap. í lógini gevur eisini reglur um, at arbeiðsgevarin skal lata inn lønarseðlar yvir útgoldnar og góðskrivaðar lønir, samsýningar v.m. í seinasta lagi 31. januar á hvørjum ári. Her er eingin munandi broyting hend í mun til núverandi lóg. Her kann eisini verða nevnt, at um arbeiðsgevari letur vera við at avrokna A-skatt, ber hann ábyrgdina fyri tí almenna av, at skatturin verður goldin, harafturat kann hann eisini koma undir sekt. Sama ábyrgd er eisini løgd á ein løntakara, um hann tekur ímóti løn v.m., sum hann veit um, at skattur ikki er avroknaður av. Honum verður tá álagt at gjalda skattin til tað almenna beinanveg, og eisini kann hann koma undir sekt.

    Í uppskotinum er eisini mælt til, at eitt eftirlit verður skipað, sum bæði skal ráðgeva arbeiðsgevarum um, hvussu avrokning av A-inntøku fer fram, og hava eftirlit við, at rætt verður atborið, tá løn v.m. skal avroknast av arbeiðsgevara.


    Fyrisitingin av skattaskipanini
    Endaliga álíkningin, tá inntøkuárið er lokið, verður í høvuðsheitunum sum nú, men álíkningin av løntakarum í nýggju skipanini verður rættiliga avmarkað, tá sum fyrr nevnt skattavaldið kennir flestar upplýsingar um persónar, sum bert hava A-inntøku. Atfinningin av teimum, sum hava B-inntøku, verður ikki stórvegis broytt frá teirri skipan, vit kenna í dag.

    Uppkrevjingarskipanin, sum vit hava undir núverandi lóggávu, fær harafturímóti munandi minni arbeiðsuppgávur. T.d. verður nú ikki neyðugt at senda krøv til arbeiðsgevara um at halda eftir skatt í løn v.m. Panting av skatti verður eisini munandi minni, tá stórt sæð bert eftirstøður av B-skatti verða pantaðar. Tann núverandi rættiliga umfatandi praksis um eftirgeving av skatt, og útseting av gjaldingum ella at gera gjaldskipanir við skattgjaldarar verður munandi minni, eins og skattaváttanin fellur burtur.

    Samanumtikið kann verða sagt, at bæði tann broyting, sum fer at henda við sjálvari álíkningini og uppkrevjingini, hevur við sær eina umskipan og í ein vissan mun eina útbygging (flytan av starvsfólki) av teirri núverandi skattafyrisitingini. Hvat kommununum viðvíkur, so eru tað bert tær tvær størstu, sum hava eina skattliga fyrisiting, meðan flestar av hinum, og serliga tær smáu, als eingi fyrisitingarlig hjálparfólk hava, sum kunnu átaka sær tær uppgávur, sum ein slik samtíðarskattaskipan fer at áleggja teimum, um hon skal virka eftir ætlan.

    Her verður tí skotið upp, samsvarandi samtykt gjørdari av løgtinginum, at skipa fyri fyrisitingarligum eindum úti um landið, sum fyri tað fyrsta kunnu taka sær av teimum meira sentralu uppgávunum sum fyribilsskrásetingini av skattaborgarunum og broyting av slíkum gjøgnum árið. Harafturat skal ein slík fyrisiting eisini taka sær av tí fyrr nevnda arbeiðsgevaraeftirliti, bæði sum ráðgevandi og eftiransandi liði. Umframt hesar uppgávur skulu hesar fyrisitingarligu eindirnar verða til hjálpar hjá kommununum við endaligu álíkningini og annars í øllum spurningum, sum hava við skattafyrisitingina at gera. Í uppskotinum verður mælt til, at landskassin skipar fyri fyrisitingini og ber allar útreiðslurnar av henni. Hetta átti ikki at havt við sær, at talið á starvsfólki øktist, tá fleiri av teimum starvsfólkum, sum nú verða loyst frá uppgávum, sum henda broytta skattaskipan ger óneyðugar, serliga í uppkrevjingini, aftan á eina umskúling fáa tilboð um nýggj starvsøki.


    Spurningurin um figgjarætlan hjá løgtinginum og kommununum
    Bæði skattaprosentini fyri lands-, kommunu- og kirkjuskattin skulu vera sett, áðrenn tað tíðarskeiðið byrjar, tá ið fyribilsskattur skal gjaldast. Fyribils B-skattarokningin fyri eitt inntøkuár skal sendast skattgjaldaranum innan 1. januar; tí er í lógaruppskotinum mælt til, at nevndu prosent verða ásett í seinasta lagi 1. oktobir sum galdandi fyri eftrfylgjandi inntøkuár. Av fyrisitingarligum orsøkum skal skattaprosentið verða hitt sama fyri alt inntøkuárið. T.e. um ein persónur flytur millum kommunur í inntøkuárinum, verður kommunuskattaprosentið ikki broytt, men bert avrokningin millum kommunurnar. Fyri B-skattin vildi hetta annars havt við sær, at nýggj skattarokning skuldi verið send út, ella hevði munurin millum fyribils- og endaligan skatt verið ov stórur, um goldið skuldi verið eftir fyrstu skattarokningini, og kommunuskattaprosentini samstundis skuldu verið broytt í árinum.

    Tá fíggjarárið bæði hjá løgtinginum og hjá kommunum er frá 1. apríl til 31. mars, má ein av treytunum fyri einari samtíðarskattaskipan vera, at bæði fíggjarætlanin hjá løgtinginum og ikki minst hjá kommununum verður lagað til nýggju skipanina. Eftir núverandi skipan verða skattaprosentini hjá kommununum ásett umleið 1. apríl, tá ið tær kenna inntøkugrundarlagið rættiliga neyvt. Eftir hesum uppskotinum krevst, at hesi prosent verða ásett í seinasta lagi 1. oktober innan fyribilsskattaárið við tí úrsliti, at fíggjarætlanin hjá kommunum nú verður løgd út frá heilt øðrum grundarlagi enn fyrr. Hetta hevur við sær, at tey skattaprosent, sum nú verða ásett, skulu verða nýtt til eitt inntøkugrundarlag, sum kommunurnar bert kunnu meta um fer at galda í framtíðini. Fyri løgtingsfíggjarlógina er tað sama galdandi. Tað kann tí ikki verða sæð burtur frá, at fleiri kommunur kunnu koma í stórar trupulleikar av ikki at kenna inntøkugrundarlagið, áðrenn skattaprosentið verður ásett.

    Til seinast skal verða nevnt, at um henda lógin verður samtykt at galda frá 1. januar, so skal eisini samtykkjast ein lóg um eina yvirgangsskipan frá núgaldandi til ta, sum her er skotin upp, men sjálvandi kann ein slík lóg um eina møguliga yvirgangsskipan ikki leggjast fyri tingið, fyrr enn løgtingið hevur samtykt tær broytingar, sum eru uppskotnar í hesi lóg.


    Viðmerkingar til tey einstøku kapitlini.

    1. kapittul.
    Í hesum kapitli verða teir persónar,tey feløg v. m. og deyðsbúgv nevnd, sum hava fulla skattskyldu í Føroyum. Persónar, feløg v. m. og deyðsbúgv, sum eru skattskyldug her í landinum, kunnu antin verða fult skattskyldug her, t. e. av allari inntøkuni, annaðhvørt hon hevur sín uppruna í Føroyum ella úr útlondum, ella tey kunnu vera avmarkað skattskyldug, t. e. skattskyldug av inntøkum av serligum slag jvm. 2. gr. í lógaruppskotinum.

    Tá skatturin eftir uppskotinum skal útroknast og krevjast upp samstundis, sum inntøkan verður vunnin, má hetta hava ymiskar broytingar við sær í núverandi reglunum um skattskyldu, serstakliga í reglunum um, nær skattskyldan tekur við og heldur uppat. Eftir núgaldandi reg lum tekur full skattskylda við, tá ein persónur hevur verið her á landi í 90 dagar, og hon heldur ikki uppat fyrr enn ein persónur hevur verið uttanlands í minst 12 mánaðir, og samstundis verið skattskyldugur, sum búsettur har.

    Undir eini skipan við samtíðarskatti eigur tað at vera soleiðis, at beinanveg ein persónur hevur sett búgv í Føroyum, verður samtíðarskattur kravdur frá honum av teirri inntøku, sum hann vinnur frá sama degi, hann kemur. Tí má skattskyldan taka við beinanveg ein persónur setur búgv her,(jvm. 1. gr. nr. 1), og hon má halda uppat samstundis sum ein hending ber við sær, at hon heldur uppat, t. d. at persónurin flytur úr Føroyum. Annars má skattskyldan sum higartil grundast á eitthvørt samband við Føroyar. Fyri fult skattskyldugar persónar má hetta sum higartil verða bústaður her, ella grundast á at hann hevur búð eina ávísa tíð í Føroyum.

    1. gr. nr. 1. Tá avgerast skal, um ein persónur lýkur treytina fyri føstum bústaði í Føroyum, verður dentur lagdur á, um viðkomandi hevur stovnað húski, leigað sær bústað ella á annan hátt hevur víst at tað er hansara ætlan at verða verandi her. Um nú ein persónur, sum hevur búð uttan fyri Føroyar, keypir hús í Føroyum, ella leigar sær íbúð her eina ávísa tíð ella uttan serliga tíðaravmarking, og flytur inn møguliga við húsfólki, samstundis sum tað møguliga verður upplýst, at hann hevur selt hús síni ella sagt upp íbúðina uttan fyri Føroyar, so er eingin ivi um, at fulla skattskyldan tekur við beinanveg hann tekur bústað í Føroyum. Bert tað at keypa ella á annan hátt at útvega sær ein bústað í Føroyum, men ikki sjálvur at seta búgv her, er ikki nóg mikið til at stovna fulla skattskyldu í Føroyum. Treytin er, at viðkomandi eisini setur búgv her.(jvm. 7. gr. 1. stk.).

    1. gr. nr. 2. Í hesi grein snýr spurningurin seg um, nær skattskyldan hjá einum í Føroyum skattskyldugum persóni heldur uppat, tá persónurin setur búgv uttan fyri Føroyar. Hesin spurningur kann í praksis geva fleiri trupulleikar, tí ikki er altíð lætt at finna út av um ein persónur lýkur treytirnar í hesi grein. Í eini samtíðarskattaskipan er tað av týdningi at fáa avgjørt nágreiniliga, nær skattskyldan heldur uppat fyri persó- nar, sum varðveita bústað í Føroyum, men sum seta búgv uttan fyri Føroyar.

    Reglan sigur her, at skattskyldan heldur uppat í Føroyum frá tí degi, at ein persónur sambært sýndum skjølum kann prógva, at hann eigur at svara inntøkuskatt uttan fyri Føroyar sum búsettur har. Um hann ikki kann prógva, at hann er settur í skatt uttan fyri Føroyar, so fellur skattskyldan undir øllum umstøðum burtur í Føroyum, frá tí degi hann hevur verið burtur úr Føroyum í 4 ár, men ikki við afturvirkandi kraft frá tí degi, hann av fyrstan tíð fór heimani frá . Hann, sum metir seg at koma undir hesa reglu, má kunna prógva, at hann lýkur treytirnar, og skattskyldan í Føroyum heldur tá uppat frá tí degi, hann lýkur hesar treytir.

    Váttan frá myndugleikum uttan fyri Føroyar, um at ein persónur er settur í skatt har, kan vanliga metast sum nóg gott prógv fyri at sleppa fullu skattskylduni í Føroyum.

    Upp í umtalaða 4 ára skeiðið kann eisini verða talt stutt tilhald í Føroyum, sum feria o.t., men hevur tilhaldið í Føroyum ikki verið av tílíkum slag, verður mett at búsetingin uttanlands er hildin uppat. Tá so viðkomandi aftur setur búgv uttan fyri Føroyar, byrjar 4 ára skeiðið nú frá hesum degi. Eingin tíðarfreist er sett fyri, hvussu leingi ein feria skal vara. Orsøkin til hetta er, at út um eina vanliga feriutíð kann verða orsøk til at taka hædd fyri, at aðrar óvæntaðar umstøður kunnu gera seg galdandi.

    Ein onnur treyt fyri at nýta hesa reglu er, at bústaðurin frammanundan í Føroyum hevur verið í eitt samanhangandi tíðarskeið upp á 4 ár. (jvm. 7. gr., 2. stk.) Heldur ikki er henda regla galdandi, um skattskyldan her í landinum bert er grundað á, at ein persónur hevur verið búsettur her í stutta tíð (jvm. 1. gr., nr. 4). Um slíkur persónur flytur úr Føroyum, heldur fulla skattskyldan í Føroyum uppat, tann dagin hann flytur. Við øðrum orðum kann 1. gr., nr. 2, ikki nýtast fyri persónum, sum t. d. innan fyri eitt 8 ára tíðarskeið hava verið búsettir her fleiri ferðir, sjálvt um samanlagda tíðarskeiðið er 4 ár ella meira. Treytin er, at tíðarskeiðið beint fyri fráflytingina skal hava verið samanhangandi í minsta lagi í 4 ár.

    Tá fult skattskyldugur persónur í Føroyum hevur sett búgv uttan fyri Føroyar, og kemur undir fulla skattskyldu, sum búsettur har, er tað rímiligt, at fulla skattskyldan í Føroyum heldur uppat frá sama degi, sum hon tekur við uttan fyri Føroyar. Soleiðis sum greinin er orðað, er treytin fyri at skattskyldan heldur uppat í Føroyum, at tað snýr seg um vanligan inntøkuskatt til fremmanda landið, sum fevnir um alla inntøkuna hjá við komandi (globalindkomsten). Avmarkað skattskylda til viðkomandi land, ella at skattaskipanin t. d. er so, at allir íbúgvarnir í viðkomandi landi bert gjalda eitt avgjald um árið uttan mun til inntøkuupphæddina, er ikki nóg mikið til at sleppa fullu skattskylduni í Føroyum. Um skattskyldu hjá persónum, sum útvega sær bústað her uttan at seta búgv her, verður víst til við merkingarnar til 7. gr., 1. stk.

    1. gr., nr. 3. Viðvíkjandi tilhaldi í Grønlandi verður her gjørt undantak frá regluni í nr. 2. Her krevst at tilhaldið skal vera uttan íslit í minst 2 ár, og bert brotið við styttri ferium í Føroyum, fyri at sleppa undan fullari skattskyldu í Føroyum, sjálvt um viðkomandi er komin undir fulla skattskyldu í Grønlandi. Heldur ikki kann ein giftur maður, sum hevur húski sítt eftir í Føroyum, sjálvt um hann hevur verið minst 2 ár í Grønlandi, sleppa undan skattskyldu í Føroyum. Um konan og møguliga børn, aftaná, at hava verið í minsta lagi 2 ár í Grønlandi saman við manninum, flyta aftur til Føroya, so verður maðurin aftur fult skattskyldigur í Føroyum. Við øðrum orðum, so skal ein giftur maður hava alt húski sítt í Grønlandi, eisini aftaná, at tey 2 árini eru farin, fyri at kunna sleppa undan skattskylduni í Føroyum. Innheintingarvaldið kann veita freist við gjaldinigini av skattinum, har tað kann væntast at tilhaldið fer at vara meira enn 2 ár.

    1. gr., nr. 4. Sambært núgaldandi lóg er tann reglan galdandi, at um ein persónur dvølur í bráðfeingi í Føroyum og hetta fer upp um 90 dagar innan fyri eitt 12 mánaða skeið, verður hann fult skattskyldugur frá fyrsta degi, hann kom til Føroya. Í hesum uppskoti verður mælt til, at persónar koma undir fulla skattskyldu, um teir uttan at hava bústað her dvølja her í bráfeingi í minsta lagi 180 dagar í eitt 12 mánaða skeið. Sum tað sæst av 8. gr. og viðmerkingunum til hennara, verður eisini mælt til, at fulla skattskyldan tekur við frá tí degi, hann av fyrstantíð kom til Føroya. Tað verður við øðrum orðum eitt bráfeingis tilhald, sum er dupult so langt sum eftir núverandi skipan, men eftir 2. gr. í uppskotinum eru persónar, sum eru her styttri tíð enn 6 mánaðir avmarkað skattskyldugir av allari lønarinntøku o. t., sum er vunnin í Føroyum. Hartil kemur, at skattskyldan aftan á bráfeingis tilhald í minst 180 dagar eisini kann taka við í árinum og afturvirkandi til fyrsta dagin, viðkomandi kom.

    Her kann eisini vera vert at vísa á, at Danmark, Grønland, Noreg og Svøríki eisini nýta eina bráfeingis dvøl upp á í minsta lagi 180 dagar, áðrenn full skattskylda tekur við.

    Í teimum førum, har tað ikki við byrjan av flytingini til Føroya kann verða avgjørt, um eitt styttri tilhald fer at vara meira enn 180 dagar, verður skattur fyribils eftirhildin hjá slíkum persónum, eftir reglunum fyri avmarkaða skattskyldu. Avmarkað skattskylda av allari A- inntøku tekur við frá fyrsta degi, hon verður útgoldin, og tí skal A-skattur avroknast í allari inntøkuni hjá slíkum persónum. Um nú ein styttri steðgur fer út um 180 dagar, tekur fulla skattskyldan við frá fyrsta degi, viðkomandi kom higar til lands. Avmarkaða skattskyldan verður avloyst av fullari skattskyldu, soleiðis at tann avroknaði skatturin, sum er afturhildin, verður mettur sum fyribilsskattur, sum so seinni verður mótroknaður í tí endaliga skattinum, tá endaliga álíkningin sum fult skattskyldugur verður gjørd.

    1. gr., nr. 5. Eftir hesu grein eru allir persónar umborð á føroyskum skipum skattskyldugir í Føroyum, um teir, áðrenn teir fóru umborð, vóru skattskyldugir eftir reglunum í 1. gr., nr. 1 - 4.

    1. gr., nr. 6. Henda regla líkist teirri regluni, vit hava í nr. 4. Avmarkaða skattskyldan her í 180 dagar verður avloyst av fullari skattskyldu, um uppihaldið umborð fer út um teir 180 dagarnar. Mannagongdin við at avrokna og eftirhalda A-skatt í A-inntøku er tann sama sum fyri persónar, sum koma undir nr. 4. Hesin fyribilsskattur verður so seinni mótroknaður í tí endaliga skattinum, tá endaliga álíkningin sum fult skattskyldugur verður gjørd.

    Í hesi reglu er tó gjørt eitt týðandi undantak um, at tá ein persónur við sýndum skjølum kann prógva, at hann er settur í inntøkuskatt uttan fyri Føroyar eftir reglum, sum galda fyri búsett har, so fellur skattskyldan í Føroyum burtur frá tí degi, hann er settur í inntøkuskatt uttan fyri Føroyar. Hvat spurninginum viðvíkur um at góðtaka skattaskipanina í einum landi ella ikki, verður víst til viðmerkingarnar í nr. 2.

    Arbeiðsgevari ella lønútgjaldari skal tó ávísa lønina gjøgnum eftirhaldsskipanina, so leingi ein persónur ikki kemur við váttan frá føroyskum skattavaldi um, at teir hava góðtikið, at hesin ikki er skattskyldugur í Føroyum. Viðkomandi kann um hann lýkur treytirnar fyri skattskyldu uttan fyri Føroyar, fáa ein møguligan skatt endurgoldnan.

    I slíkum føri verður tó helst heldur torført at nýta eftirhaldsskipanina, tá hugsað verður um, at her er talan um persónar, sum koma umborð á føroysk skip í útlendskari havn og fara av skipinum aftur møguliga uttan nakrantíð at hava sett fótin á land í Føroyum.

    Mælt verður tí til, at landsstýrinum verður heimilað at gera reglur um eina serstaka eftirhaldsskipan, ið skal nýtast í førum sum hesum.

    1. gr., nr. 7. Full skattskylda umfatar eisini deyðsbúgv, sum verða tikin til skiftisviðgerð í Føroyum. Deyðsbúgv gjalda tó ikki fyribilsskat í inntøkuárinum. Annars verður víst til viðmerkingarnar til 11, 13 og 14. gr í lógaruppskotinum.

    1. gr., nr. 8. Avgerandi fyri skattskylduna er her, um partafelagið er skrásett í føroysku partafelagsskrá setingini.

    "Onnur vinnufeløg". Her er skattskyldan treytað av, at ikki allir felagsmenn ábyrgjast persónliga fyri skuldbindingar felagsins, og at avlopið verður býtt í lutfalli við tann pening, sum felagsmenninir hava lagt í felagið.

    Í samløgufeløgum ábyrgist í minsta lagi ein av luttakarunum (komplementaren) persónliga fyri allar skuldbindingar felagsins. Í partreiðaríðum skuldbinda allir felagsmenn seg persónliga fyri skuldir felagsins, tó bert í mun til tað, teir eiga í reiðaríðnum (pro rata). Hesi feløg koma tí ikki undir regluna í nr. 8.

    1. gr., nr. 9. Tryggingarfeløg, sum yvirtaka tryggingar uttan at tryggingartakarin hevur skyldu til at luttaka í sínámillumábyrgd, eru skattskyldug fyri henda partin av virksemi sínum. Sínámillum tryggingarfeløg, sum umframt at hava tryggingarstarvsemi eisini hava inntøku av fastogn o. t., eru skattskyldug av hesum partinum av virksemi sínum.

    Í nr. 10 eru ongar broytingar gjørdar í mun til galdandi lóg.

    1. gr., nr. 11. Í núverandi lóg er eingin regla, sum beinleiðis sigur, at keypsamtøkur eru skattskyldugar. Skotið verður tí upp í hesum uppskoti, at tær nú koma undir skattskyldu. Treytin fyri skattskylduni er, at tað snýr seg um feløg, sum hava sum endamál at keypa , útvega ella framleiða limunum í felag vørur og tænastur til eginnýtslu, og burtursæð frá vanligari rentu av innskotspeningi limanna býta eitt møguligt avlop til limirnar í mun til, hvussu nógv teir hava keypt frá felagnum av vørum og tænastum. Tað er eingin treyt fyri skattskylduni, at býtið av avlopinum verður gjørt í mun til søluna í einum ári. Avgerandi er bert, at býtið av avlopinum verður gjørt í mun til søluna. Um sølan í tí einstaka roknskaparárinum verður løgd til grund undir býtinum, ella býtið verður gjørt við grundarlag í søluni í fleiri roknskaparárum, hevur ongan týdning.

    1. gr., nr. 12. Framleiðslu og sølufeløg eru eisini tikin við undir skattskylduna. Á sama hátt, sum fyri keypsamtøkur, er tað ikki spurningurin um limirnir skuldbinda persónliga fyri skyldur felagsins ella ikki, sum er avgerandi fyri skattskylduna, men harafturímóti er tað avgerandi, at felagið hevur sum endamál at hagreiða, virðisøkja ella selja framleiðslu limanna og burtursæð frá vanligari rentu av innskoti limanna býtir eitt yvirskot í mun til, hvat limirnir hava latið til felagið. Um tað eru viðurskiftini í tí einstaka roknskaparárinum ella ikki, sum verða løgd til grund fyri býtinum, hevur ongan týdning.

    1. gr., nr. 13. Fyri keypfeløg eru somu reglur galdandi, sum fyri keypsamtøkur, men her eru tað feløg, sum keypa rávørur inn til limirnar, sum teir nýta í vinnuvirki sínum. Maskinur og tílík rakstrargøgn koma ikki inn undir heitið rávørur í hesum sambandi.

    1. gr., nr. 14. Skattskyldan er her treytað av, at hesir felagsskapir v. m. hava inntøku av vinnuligum virksemi, og skulu teir bert gjalda skatt av inntøkuni av hesum virksemi. Sum vinnuliga inntøku verður her hugsað um inntøku av øllum slag av vinnuligum virksemi, eitt nú rakstur ella burturleigu av fastogn v. m. Avlop, sum hesi feløg hava av at lata vørur til limir sínar, verður ikki mett sum vinnulig inntøka. Aðrar ikki vinnu- ligar inntøkur, sum kunnu nevnast, er studningur frá almennum myndugleikum, gávur og limagjøld. Harafturímóti má alment atgongugjald o. t. metast sum vinnuligar inntøkur.


    Avmarkað skattskylda.
    2. gr. Henda grein inniheldur reglur um avmarkaða skattskyldu fyri persónar, feløg v. m., sum ikki koma undir reglurnar í 1. gr., og fyri deyðsbúgv, sum verða tikin til skiftisviðgerð uttan fyri Føroyar. Í hesum uppskoti til løgtingslóg eru gjørdar munandi broytingar í teirri avmarkaðu skattskylduni í mun til galdandi reglur, har allari lønarinntøku vunnin undir einum bráfeingis tilhaldi í Føroyum (undir 90 dagar) varð álagt eitt fast avgjald upp á 40 %. Fór bráfeingis tilhaldið upp um 90 dagar, so varð roknað við fullari skattskyldu. Her verður skotið upp, at avmarkað skattskylda kann vara í upp til 180 dagar, jvm. her 1. gr., nr. 4. Harafturat kemur, at nú verður eisini mælt til, at avmarkað skattskyldug verða skattað við somu prosentum, sum eru galdandi fyri fult skattskyldug. Avmarkað skattskylda eftir 2. gr. tekur við sambært 6. gr., l. stk., tá treytin fyri skattskyldu er uppfylt, t. e. frá tí degi viðkomandi fær løn sum stavar frá virksemi her á landi. Í 2. gr. a) verður sligið fast, at allar inntøkur vunnar her í landinum av slíkum slag, sum røtt er um í 60. gr., 1. stk. nr. 1 og sum stavar frá virksemi her á landi, verða gjørdar avmarkað skattskyldugar. Um ein arbeiðsgevari við heimstað í Føroyum letur løn v. m. fyri arbeiði gjørt uttan fyri Føroyar, er móttakarin ikki skattskyldugur av teimum, uttan so at hann er fult skattskyldugur í Føroyum. .sk1 Í 1. stk. b) er galdandi, at um ein hevur inntøkur her í landinum av slíkum slag, sum røtt er um í 60. gr., 1. stk. nr. 2 - 7, og 60. gr., 2. stk., so er hann avmarkað skattskyldugur í Føroyum. T. e., at allar inntøkur av slíkum slag, har skattur skal haldast eftir, og eisini slíkar sum eftir nærri reglum frá líkningarráðnum verða roknaðar sum A-inntøkur, eru skattskyldugar hjá móttakaranum, sjálvt um hann ikki er fult skattskyldugur í Føroyum. Her er einasta treytin fyri avmarkaða skattskyldu, at ein hevur inntøku úr Føroyum. Tað hevur soleiðis ongan týdning um tær í 60. gr., nr. 7 nevndu samsýningar v. m. eru vunnar sum nevndarlimur fyri virksemi uttan fyri Føroyar ella í Føroyum. Heldur ikki fyri tær í 60. gr., nr. 4 nevndu pensiónir v. m. hevur tað nakran týdning um fyrrverandi tænastan er gjørd uttanlands ella her heima.

    Sum nevnt er ein treyt fyri skattskylduni eftir 1. stk. a) og b), at viðkomandi hevur inntøku her í landinum. Hetta má tó skiljast samsvarandi reglunum í 61. gr. 1. stk. b), jvm. 66. gr., soleiðis at skattskyldan ikki er til, tá útgjaldingin av inntøkuni verður gjørd av persónum, deyðsbúgvum, feløgum v. m., sum ikki hava heimating í Føroyum. Heimating í Føroyum hava persónar, sum hava bústað her, og felagsskapir og feløg v. m. tá høvuðsskrivstova v. m. liggur í Føroyum. Partafeløg, sum eru skrásett í Føroyum, hava heimating her. Snýr tað seg um útlendsk partafeløg, so er spurningurin um deildarskrivstovan liggur í Føroyum ella ikki, jvm. her 66. gr.

    Avmarkað skattskylda sambært 1. stk. a) og b) er bert galdandi fyri inntøkuna, men ikki fyri ognina, og útreiðslur kunnu bert dragast frá í tann mun, tær hava samband við hesa inntøku, jvm. 2. stk.

    2. gr., 1. stk. c). Her verður avgjørt at royalties kemur undir avmarkaða skattskyldu í Føroyum. Sum royalty undir hesum stk. kemur royalty yvirhøvur, t.d. av rakstrinum av námi ella øðrum nátúrevni, og skal tað skattast í tí kommunu har tað liggur. Annað royalty kann vera aftur fyri nýtslurættin ella einarættin yvirhøvur av rithøvunda- og forlagsrætti, patent, tekning, loynilig framleiðslulag og recept, vørumerki el. t. Tá størsti parturin av hesum fellur til persónar, sum eru skattskyldugir í Danmark, kemur henda reglan sambært dupultskattaavtaluni við Danmark at hava minni týdning sum skattakelda í Føroyum. Í lógaruppskoti, sum seinni verður framlagt, verður ætlandi eitt endaligt avgjald upp á 25 % roknað av royalty.

    2. gr., 1. stk. d), e) og f) eru ikki broyttar í mun til núverandi lóg, uttan at í f) er forpagtningsavgjald eisini tikið við undir avmarkaða skattskyldu. Heldur ikki er hend nøkur broyting í 2. og 3. stk. í mun til núverandi lóggávu.


    Undantikin skattskyldu
    3. gr. Einasta broyting, ið her er hend í mun til núverandi lóg, er at reglan í 16. gr., 1. stk. g) í lógini frá 1963 ikki er tikin við í hesum uppskoti. Her var talan um at lutafeløg við óavmarkaðari ábyrgd limanna og sum bert skiftu við limir sínar, ikki komu undir skattskyldu. Í hesum uppskoti eru beinleiðis tey lutafeløg tilskilað, sum eru skattskyldug, samstundis sum ikki longur verður kravt, at tey lutafeløg, sum bert handla við limir sínar skulu hava óavmarkaða ábyrgd, jvm. 1. gr., nr. 14. Harafturat kemur, at 2. stk. gevur landsstýrinum rættiligar stórar møguleikar at gera undantøk frá skattskylduni.


    Skatting av hjúnum
    4. gr. Her er ikki gjørd nøkur broyting í teimum núverandi reglunum uttan í 1.stk., har sagt verður, at treytin fyri samskatting av hjúnum er, at bæði eru skatt skyldug í Føroyum eftir 1. gr. Viðmerkingarnar, sum vóru gjørdar, tá hesar reglur vóru samtyktar í løgtinginum í l978, eru tí eisini galdandi her.


    Skatting av børnum
    Sambært 5. gr., 1. stk. eru børn, uttan mun til aldur, altíð sjálvstøðug skattskyldug, og eisini uttan mun til um tey búgva heima ella ikki. Við øðrum orðum, so skal eitt barn, sum er fult ella avmarkað skattskyldugt lata inn sjálvuppgávu, og setast í skatt, sum aðrir skatt gjaldarar. Av praktiskum orsøkum verður tann higartil nýtti praksis varðveittur, at børn, sum ikki hava fylt 16 ár, bert skulu lata inn sjálvuppgávu og takast við í skattsetingini, um tey í inntøkuárinum hava havt inntøku, ella hava ogn, sum gevur teimum skattskyldiga inntøku. Um eitt barn við byrjanina av inntøkuárinum hevur fylt 16 ár, skal tað altíð lata inn sjálvuppgávu.

    Sum nýtt 2. stk. er gjørd ein regla um, at foreldur, stjúk- ella fosturforeldur, sum reka sjálvstøðuga vinnu, ikki kunnu draga útreiðslur til løn til børn undir 16 ár frá í skattskyldugu inntøku síni. Lønin skal heldur ikki takast við í skattskyldugu inntøkuna hjá barninum. Er barnið harafturímóti 16 ár við byrjanini av inntøkuá rinum, so skal lønin takast við í skattskyldugu inntøku ni hjá tí, og kann dragast frá inntøkuni hjá foreldrum v. m.

    5. gr., 1. stk. Her verður sagt, at snýr tað seg um uppihaldspening av ymiskum slag til børn, er hann altíð skattskyldugur hjá børnunum. Verður hesin peningur latin av foreldrum, er treytin, at hann er álagdur av myndug- leikunum. Í sambandi við hjúnabandsslit kann upphæddin verða avgjørd við lóggildari avtalu, sum so má verða nýtt sum grundarlag undir skattingini av bæði børnunum og foreldrunum. Um upphæddin fer upp um upphæddina fyri forsyrgjaraskylduna, so má hon viðgerast sambært 4. stk. ella sum ein gáva, sum ikki kann dragast frá hjá gevara. Sambært 33. gr., nr. 9, kunnu vanliga slíkar upphæddir dragast frá hjá tí, sum letur tær. Treytin fyri frádrátti er tó, at barnið ikki býr saman við tí, sum letur slíka upphædd. Frádrátturin er bert loyvdur, til barnið hevur fylt 18 ár, men tó kann í serligum umstøðum ein upphædd verða áløgd uppihaldsskyldiga aftan á, at barnið hevur fylt 18 ár, t. d. til útbúgving v. m. Í slíkum førum skal barnið ikki taka upphæddina við sum skattskylduga inntøku, tá hetta ikki kann dragast frá hjá uppihaldsskylduga.

    Fyri børn, sum eru í pleygu, og sum støðugt gjald verður latið fyri, er tann reglan galdandi, at upphæddin ikki skal takast við í inntøkuni hjá barninum, men skal rok- nast við í inntøkuni hjá pleyguforeldrunum, sum so kunnu draga frá útreiðslurnar fyri at hava barnið í pleygu, tó ongantíð meira enn tann upphæddin, sum fingin er fyri tað. Fáa pleyguforeldrini harafturímóti eisini uppi haldspening fyri barnið, skal henda upphædd takast við í skattskyldugu inntøkuni hjá barninum.

    5. gr., 3. stk. Her verður viðgjørt tað uppihald, sum børn fáa frá foreldrum heima, og sum ikki er løn fyri nakað arbeiði. Slíkt uppihald er ikki skattskyldugt, og kann heldur ikki dragast frá hjá foreldrunum.

    5. gr., 4. stk. Her snýr spurningurin seg um, at eitt barn hevur fingið eina innløguveiting ella ogn sum gávu frá foreldrum, stjúk- ella fosturforeldrum. Herundir kemur eisini forskot upp á arv. Inntøka, sum slík innlø guveiting, ella inntøka, sum slík ogn gevur av sær, verður tikin við í skattskyldugu inntøkuna hjá gevara, og ikki hjá barninum. Treytin er tó, at gevarin er fult ndinum, og um hetta ikki er so, skal barnið taka inntøkuna við í sína skattskyldugu inn tøku, um tað er skattskyldugt her. Hetta er tó bert gal dandi til endan av tí álmanakkaári, ið barnið fyllir 18 ár, ella giftist. Inntøkuárið eftir at barnið hevur fylt 18 ár, verður inntøkan av hesum tikin við í skattskyldugu inntøku tess ella hjá møguligum hjúnafelaga, sum tað er samskattað við.

    Um gávan verður givin soleiðis, at foreldrini geva barninum aðra ogn, t. d. eitt virðisbræv, skulu foreldrini inntil barnið er 18 ár ella giftist taka inntøkuna av hesum við í skattskyldugu inntøku sína. Um gávan verður givin soleiðis, at foreldrini átaka sær skyldu til at rinda eitt leypandi gjald, sum ikki er uppihaldspeningur, ella átaka sær eina skuldbinding fyri barninum, so kunnu foreldrini v. m. ikki draga leypandi gjaldið ella rentuna frá síni skattskyldugu inntøku. Reglan sambært hesum stk. er galdandi bæði um barnið býr heima hjá gevara, ella tað býr aðrastaðni. Eisini er reglan galdandi sjálvt um innløguveitingin ella ognin er latin barninum, áðrenn henda lóg kom í gildi, og tí frammanundan hevur verið skattað hjá barninum.

    Nær skattskyldan tekur við og heldur uppat.

    2. kapittul.
    Reglurnar í hesum kapitli hava neyvt samband við reglurnr í 1. kap. Viðmerkingarnir her koma tí ofta at vísa aftur til tær viðmerkingar, sum eru gjørdar til serliga 1. og 2. gr. í 1. kapitli..sk 0 Í 2. kap. eru reglur um, hvussu umfatandi tann skattskylda, ið nevnd er í 1. kap., er, og nær hon tekur við og heldur uppat, t. e. tað tíðarskeið, ið skattskyldan umfatar, og tí eisini hvønn dag hon tekur við og hvønn dag hon heldur uppat. Tá ein lýkur treytirnar fyri skattskyldu sambært l. kap., hevur hetta við sær, at frá sama degi skal skattur gjaldast av teirri inntøku, sum verður vunnin frá hesum degi og líka til tann dag, treytirnar tirnar fyri skattskyldu falla burtur.

    Í 6. gr. verður bert sligið fast, at ein verður settur í inntøkuskatt, so leingi ein lýkur treytirnar fyri skatt- skyldu sambært 1. og 2. gr. í hesum uppskoti, og at hjún verða samskattað av allari inntøku síni sambært 4. gr. 1. stk., so leingi tey lúka treytirnar fyri samskatting.


    Flyting til Føroya og úr Føroyum
    Sambært 6. gr. 1. stk, jvmt. 1. gr. 1. stk, verður persónur, ið fær sær bústað her og samstundis setur búgv her, fult skattskyldugur frá tí degi, hann fær sær bústað her.

    At ein persónur fær sær bústað her á landi hevur sum oftast við sær, at hann eisini setur búgv her. Um hann ikki setur búgv her eisini, hevur reglan í 1. gr. nr. 2 við sær, at hann sum oftast heldur ikki verður fult skattskyldugur her á landi, tí hann antin enn hevur fulla skattskyldu uttan fyri Føroyar ella, at hann hevur havt búgv har tey seinastu 4 arini.

    Persónar, sum ikki hava fingið sær bústað her á landi, men hava hildið til her í minsta lagi 180 dagar í eitt 12 mánaða tíðarskeið, verða sambært 8. gr. fult skattskyldugir her á landi frá tí, at teir av fyrstan tíð fingu sær tilhald her.

    Sama skattatalva verður nýtt til at rokna skattin út eftir, um inntøkan er vunnin teir fyrstu 180 dagarnar ella seinni, tá viðkomandi kemur undir fulla skattskyldu.

    Flestir persónar, hetta kemur at snúgva seg um, verða helst vanligir løntakarar. Verða teir í staðin fyri avmarkað skattskyldugir teir fyrstu 180 dagarnar, og so fult skattskyldugir frá 181. degi, hevði hetta havt við sær, at teir ongan persónsfrádrátt fingu fyri teir 180 dagarnar. Hetta hevði helst verið trupult at skilt hjá teimum flestu, at slíkur munur skuldi verið á skattsetingini fyri hesi bæði tíðarskeiðini, serliga um hugsað verður um ein persón, sum aftan á at hava verið her í 190 dagar ger av at verða verandi her í eitt longri tíðarskeið. Grundgevingarnar, fyri at geva persónsfrádrátt aftan á 180 daga tilhald her á landi, vilja í flestum førum eisini tala fyri at geva persónsfrádrátt í fyrra tíðarskeiðinum, kanska serliga tí, at um full skattskylda ikki tók við her fyrr enn 180 dagar vóru gingnir, so høvdu óivað fleiri, sum bert høvdu ætlan um at vera her eitt stutt skifti, sagt at ætlan teirra var at vera longur enn 180 dagar, bert fyri at fáa lut í persónsfrádráttinum beinanveg við skattaútrokningina.

    Ein onnur avleiðing av, at skattskyldan tekur við longu frá byrjanini av tilhaldinum verður, at øll inntøkan frá 1. tilflytingardegi verður skattskyldug her á landi, uttan mun til um hon stavar úr Føroyum ella ikki (globalinntøkugrundreglan). Annars verður her víst til viðmerkingarnar til 1. gr. nr. 4.

    Eisini skal verða nevnt, at persónar, sum bert eru avmarkað skattskyldugir sambært 2. gr, koma undir avmar- kaða skattskyldu beinanvegin, teir hava inntøku av tí slag, sum umrøtt er í 2. gr. 1. stk. a) - g). Henda avmarkaða skattskyldan fellur burtur beinanvegin somu inntøkur falla burtur.


    Skattseting aftan á hjúnaband og tá tað verður slitið
    Núgaldandi reglur siga, at kvinna, sum giftist í skattaárinum, er skattskyldug skattaárið út. Eisini eru reglur í núgaldandi skattalóg um, hvussu gift kvinna skal skattast, um vinnan heldur uppat stutt eftir hjúnabandið.

    Í hesum uppskoti verður í staðin skotið upp, at kvinna, sum giftist í inntøkuárinum, verður skattað saman við manninum frá byrjanini av tí inntøkuári, tey giftust í, og eisini av teimum inntøkum hon hevur havt frá byrjan inntøkuársins og til tey giftust, og av møguligum inntø- kum, eftir at tey eru gift, tó so, at hon verður sett í skatt fyri seg av teimum inntøkum, ið nevndar eru í 4. gr. 2. stk., fyri alt inntøkuárið. Hetta fer at hava við sær, at tá endaligi skatturin skal álíknast í tí árinum, tey giftust, fær maðurin hennara fulla persónsfrádrátt, sum tó fyrst verður roknaður í hennara inntøkum, sambært 4. gr. 2. stk. Inntøka av møguligari ogn, sum konan átti, áðrenn tey giftust, verður nú tikin við í skattskyldugu inntøkuni hjá manni hennara fyri alt inntøkuárið. Eisini fer hetta at hava við sær, at um konan áðrenn hon giftist rak sjálvstøðuga vinnu, sum hon nú gevst við og letur mannin taka sær av, verður maður hennara nara nú settur í skatt av allari inntøkuni av hesum virki í inntøkuárinum.

    Eftir núverandi lóggávu verða hjún, sum verða sundurlisin ella skild, sett í skatt hvørt sær frá byrjanini av tí skattahálvári, ið kemur aftan á, at dómur varð uppsagdur ella skilnaðarloyvi givið. Hjún, sum slíta sambúð sína, uttan at verða sundurlisin ella skild, verða sett í inntøkuskatt hvørt sær frá og við tí degi skattaár byrjar, um sannað verður, at treytirnar fyri, at tey mega roknast fyri at liva skild, eru fyri hendi, nú árið byrjar.

    Í hesum uppskoti verður bert tann broyting gjørd, at nú verða hjún, ið eru sundurlisin ella skild, sett í inntøkuskatt hvørt sær, frá tí at dómur varð uppsagdur ella skilnaðarloyvi givið.

    Til tær einstøku greinirnar í hesum kapitli kunnu annars verða gjørdar hesar viðmerkingar.

    6. gr. Í hesi grein hava vit høvuðsregluna í eini skipan har skattur verður goldin samstundis, sum inntøkan verður vunnin. Henda grundregla sigur, at skattskyldan og somuleiðis samskatting av hjúnum her á landi stendur við, so leingi ein lýkur treytirnar fyri skattskyldu, ávikavist treytirnar fyri samskatting her á landi.

    Næsta høvuðsreglan, sum eisini skal verða nevnd her, sigur, at tað er inntøkan í tí tíðarskeiði, skattskyldan her á landi stendur við í, sum kemur undir skatting her á landi. Hesa reglu hava vit í 24. gr. í lógaruppskotinum Har skattskyldan ikki varir alt árið, tí hon tekur við ella heldur uppat, møguliga bæði tekur við ella heldur uppat í árinum, er tað bert inntøkan í tí partinum av árinum, skattskyldan hevur staðið við, sum kemur undir skatting,(jvmt. 24. gr. 2. stk.). Inntøkan aftan á frádráttir verður upproknað, so hon svarar til inntøkuna í 12 mánaðir, og skatturin fyri hesar 12 mánaðirnar verður útroknaður, og skatturin, sum nú skal gjaldast, skal svara til tann partin av árinum, ein hevur verið skattskyldugur í.

    Serskatting av giftari kvinnu av teimum inntøkum, sum nevndar eru í 4. gr. 2. stk. verður eisini bert fyri tað tíðarskeiðið, hjúnini eru samskattað.

    Við øðrum orðum, so hevur henda reglan í hesi grein við sær, at skattskyldan her á landi varir so leingi ein persónur hevur bústað her, og hon heldur ikki uppat, bert tí viðkomandi hevur ella fær sær bústað uttan fyri Føroyar, og eisini har kemur undir fulla skattskyldu. Sáttmálar við onnur lond um at sleppa undan tvinnanda skatting av inntøkum kunnu hava við sær, at sjálv skattsetingin heilt ella lutvís heldur uppat. Um skattskyldan her í landinum stendur við, og ein persónur flytur til eitt land, vit ikki hava slíkan sáttmála við, kemur hann ofta undir tvinnanda skatting, men hesin skattur verður strikaður sambært kreditregluni í 154. gr. 2. stk., tó bert skattur av inntøkum, sum stava frá keldum uttan fyri Føroyar, og sum hann er settur í skatt av her á landi.

    Í hesum sambandi stingur spurningurin seg upp, nær metast kann, at ein persónur er fluttur úr Føroyum, soleiðis at vit eiga at sleppa skattskylduni her. Bert tað, at ein persónur skattskyldugur í Føroyum hevur hús standandi eftir her aftan á, at hann er fluttur av landinum, kann ikki altíð í sjálvum sær føra til, at vit halda fast við skattskylduna her á landi. Ofta kunnu vit tó sum meginreglu siga, at slíkur persónur ikki hevur slept bústaðnum her,men um nú húsið er útleigað til annan fremmandan persón, so kann tað ofta benda á, at slíkur persónur hevur latið bústaðin her á landi frá sær,soleiðis at hann ikki longur hevur slíkt samband við Føroyar, sum ger, at vit kunnu halda fast við, at hann hevur fastan bústað her.

    Um nú tey, sum hava leigað húsið, kunnu sigast upp við stuttari freist (1 mánað), so hevur hetta við sær, at vit ikki meta, at hann hevur slept bústaðnum her á landi, soleiðis at skattskyldan heldur uppat. Er harafturímóti slíkt leigumál gjørt fyri longri tíð,so kunnu vit ikki siga, at húsið er tøkt sum bústaður hjá skattskylduga, og hann má tí metast at hava slept bústaðnum her við teirri avleiðing, at skattskyldan heldur uppat, um aðrar treytir annars eru uppfyltar eftir hesi lóg, jvmt. 1. gr. nr. 2.

    Um ein persónur flytur úr Føroyum uttan at verða sundurlisin lisin ella aðra ósemju við hjúnafelagan og letur húsfólk sítt verða eftir her, kunnu vit í høvuðsheitunum ikki rokna við, at bústaðurin her á landi er sleptur, og verður tí slíkur persónur fult skattskyldugur her á landi.

    7. gr. Um ein persónur fær sær hús (íbúð) her á landi og bert nýtir tey til styttri feriutilhald uttan sjálvur at seta búgv her, so sigur 1. stk., at hann ikki verður skattskyldugur her á landi sambært 1. gr. nr. 1. Spurningurin, sum her skal takast støða til, er, nær eitt tilhald er so stutt, møguliga eitt tilhald innan fyri eitt ávíst tíðarskeið, at tað ikki hevur skattskyldu her á landi við sær. Eitt samanhangandi tilhald her upp á minst 3 mánaðir, ella eitt samanlagt tilhald her upp á meira enn 180 dagar innan fyri eitt ár, kann ikki verða mett, sum eitt styttri tilhald her, so sum feria o. t.

    Reglan í 1. gr. nr. 2, um at persónar, sum tey seinastu 4 árini hava havt bústað her, varðveita skattskylduna her, vil sambært 2. stk. ikki kunna nýtast fyri skattskyldugum, sum bert í stutta tíð hava sett búgv her á landi. Hon er bert galdandi fyri flyting úr Føroyum, tá hin skattskyldugi frammanundan hevur búð í Føroyum í eitt samfelt tíðarskeið upp á minst 4 ár. Hetta vil siga, at 1. gr. nr. 2 ikki kann verða nýtt, um t. d. ein persónur innan fyri eitt 8 ára tíðarskeið hevur havt bústað her á landi fleiri ferðir, sjálvt um samanlagda tíðarskeiðið er 4 ár ella meira. Treytin er, at tíðarskeiðið beint fyri fráflytingina skal hava verið minst 4 ár.

    Dømi: Ein persónur flytur úr Føroyum og verður fult skattskyldugur uttan fyri Føroyar. Skattskyldan í Føroyum fellur burtur frá tí, hann tekur bústað uttanlands, og verður settur í skatt har eftir teimum reglum, sum galda fyri aðrar skattskyldugar persónar í tilflytingarlandinum. Eitt ár seinni flytur hann til annað land, har hann ikki kemur undir fulla skattskyldu. Hann verður nú aftur fult skattskyldugur til Føroya, og stendur henda nú við, til persónurin møguliga aftur verður skattskyldugur til eitt fremmant land, ella 4 ára skeiðið er runnið.

    Við øðrum orðum. Skattskyldan í Føroyum stendur við, so leingi ein persónur hevur bústað her, og hon kann standa við í eina ávísa tíð, sjálvt um persónurin hevur slept bústaðnum her á landi.

    8. gr. Spurningurin í hesi grein, sum er umrøddur fyrr, snýr seg um, nær ein persónur, sum ikki hevur tikið bústað her á landi, men bert hevur tikið tilhald her fyri eina styttri tíð, verður skattskyldugur her. Í teimum førum, har tað ikki longu við byrjanina av tilflytingini er greitt, at hon fer at vara longur enn 180 dagar, verður fyribilsskattingin gjørd eftir reglunum um avmarkaða skattskyldu, sum so verður avloyst av fullari skattskyldu frá fyrsta degi tilflytarin kom higar til lands, um hann verður her meira enn 180 dagar í eitt 12 mánaða tíðarskeið. Annars verður víst til viðmerkingarnar frammanfyri og serliga til 1. gr. nr. 4.

    9. gr. Her verður tann broyting gjørd frá galdandi reglum, at ein kvinna sum giftist í inntøkuárinum, verður samskattað við manninum frá byrjanini av sama inntøkuári. Tó soleiðis, at hon verður sett í skatt fyri seg av teimum í 4. gr. 2. stk. nevndu inntøkum, viðroknað bæði inntøkur hon hevur havt í inntøkuárinum, áðrenn hon giftist, og tær inntøkur hon hevur havt í sama inntøkuári, aftan á at hon giftist.

    10. gr. Eftir hesum uppskoti, jvmt. her 6. gr. 2. stk, heldur samskattingin av hjúnum uppat frá tí, at dómur varð uppsagdur ella skilnaðarloyvi givið. Samstundis heldur serskatting av konuni sambært 4. gr. 2. stk. uppat. Konan verður nú sett sjálvstøðugt til skatt av egnu inntøkum sínum, og hjá møguligum børnum, sum hon hevur heima hjá sær,jvmt. tó 5. gr. Inntøkur, sum konan hevur havt sambært 4. gr. 2. stk. fyri skilnaðin, verða eisini skattaðar hjá henni, somuleiðis eisini inntøkur av serogn, og inntøkur í inntøkuárinum av tí parti av felagsbúnum, sum verður skiftur henni. Maðurin verður skattaður av øllum eftirverandi inntøkum. Bæði fáa fullan persónsfrádrátt fyri alt inntøkuárið.

    Í 2. stk. hava vit ikki sama greiða rættargrundarlag at ganga út frá, sum í 1. stk. Ofta er tað soleiðis, at vit fyrst aftan á at ein tíð er gingin kunnu gera av, um nú hjún hava slitið sambúð sína, og tala er um eitt veruligt sambúðarslit. Tað hevði havt nógvar trupulleikar við sær hjá skattavaldinum, um slík hjún skuldu verið sett í skatt fyri seg, tá tey søgdu seg hava slitið sambúð sína, tí ofta skuldi verið kannað eftir, um og nær tey nú høvdu slitið sambúð sína. Tí er reglan í galdandi lóg ikki broytt í hesum uppskoti, sum sigur, at slík hjún verða sett í inntøkuskatt hvørt sær frá og við tí degi, nýtt inntøkuár byrjar, um sannað verður, at treytirnar fyri, at tey mega roknast fyri at liva alsamt skild, eru til staðar, men flyta tey saman aftur, áðrenn fyrsta inntøkuárið, ið tey eru sett í skatt hvørt sær, er at enda komið, falla hesar skattsetingar burtur.


    Deyðsbúgv
    Eftir galdandi reglum, fellur skattskyldan burtur,tá persónur doyr, tá ið mánaðurin, hann er deyður, gongur út. Situr einkja eftir, skal hon verða sett í skatt frá tí degi, næsti mánaður byrjar.

    Tá vit nú hava skotið upp, at skatturin skal verða goldin av inntøkuni, so hvørt hon verður vunnin, so má henda skipan virka soleiðis, at ein persónur skal gjalda skatt av inntøkuni til hann doyr, og má skattskyldan tá halda uppat frá sami degi hann er deyður. Inntøkur, sum eru vunnar aftan á deyðsdagin, koma tá arvingunum til góðar, og eiga hesir tí sum meginreglu beinanveg at verða skattskyldugir av hesum inntøkum, men um ein almenn skiftisviðgerð skal verða gjørd eftir hin deyða, fáa vit her eitt sjálvstøðugt rættarsubjekt, sum fær allar inntøkurnar meðan hetta skifti fer fram. Sum meginreglu eigur eitt slíkt búgv, sum er tikið til almenna skiftisviðgerð, at vera skattskyldugt av øllum inntøkunum frá deyðsdegnum, og til skiftisviðgerðin er enda. Skattskyldan hjá arvingunum av inntøkunum av teimum ognum, teir fáa úr búnum, tekur so ikki við, fyrr enn búgvið er skift.

    Herafturat kemur, at vit eisini mega hava reglur, sum tryggja, at tær ognir, sum skulu takast við í slíka inntøkuuppgerð, verða virðismettar soleiðis, at skattsetingin verður framhaldandi (kontinuerlig).

    1. gr. nr. 7 slær fast, at slík deyðsbúgv, sum eru tikin til skiftisviðgerð her á landi, eru skattskyldug her. Hetta er galdandi bæði fyri búgv, sum eru tikin til almenna og privata skiftisviðgerð.

    Í 6. gr. 1. stk. verður sagt at slík búgv, sum her eru nevnd, verða skattskyldug, so leingi treytirnar fyri skattskyldu eru uppfyltar sambært 1. gr. og 2. gr. Hetta hevur her at siga, at búgvið sjálvt er skattskyldugt til skiftisviðgerðin er lokin, og tekur henda skattskylda við frá deyðadegi, og heldur uppat tann dagin skiftisviðgerðin endar jvmt. 15. gr.

    11. gr. Her verður sligið fast, at skattskyldan heldur uppat á deyðadegnum, samstundis tekur skattskyldan hjá búnum eftir hin deyða við sambært l. gr. nr. 7.

    Hetta hevur at siga, at allir fyribilsskattir líka til deyðadagin skulu gjaldast. Viðvíkjandi A-skatti, fer hetta ikki at geva nakrar trupulleikar, men fyri B-skattin má tað avgerandi fyri, um eitt gjald skal gjaldast vera, um hetta er fallið til gjaldingar fyri deyðadagin ella ikki. Tá hesir skattir eru fyribilsskattir, sum eru á conto gjøld av einum endaligum skatti, sum fyrst kann roknast út við endaligari álíkning, stingur tann spurningur seg upp, um ov nógv ella ov lítið er goldið í tvey tíðarskeið.

    Í fyrra lagi í inntøkuárinum fyri andlátið, og í øðrum lagi í inntøkuárinum, sum andlátið var.

    Um sjálvuppgáva fyri tað fyrra tíðarskeiðið ikki er latin inn fyri andlátið, skal búgvið lata inn sjálvuppgávu, og er hetta galdandi fyri bæði alment og privat skift búgv. Har hjúnafelagi situr eftir við óskiftum búgvi, er tað hesin, sum skal lata inn sjálvuppgávuna. Treytirnar fyri skatting eftir hesi sjálvuppgávu eru tær, sum eru galdandi, um tað var hin deyði, ið sjálvur læt hana inn.

    12. gr. Henda regla verður nýtt, tá skattskyldan hjá manninum fellur burtur, tí hann doyr ella tí hann fær sær bústað ella setur búgv uttan fyri Føroyar undir slíkum viðurskiftum, at tað er greitt at felagsbúgv er slitið. Konan verður nú sett í skatt fyri seg, tó er tað ein treyt, at hon lýkur tær vanligu treytirnar í l. gr. og 2. gr. um skattskyldu her í landinum.

    Hjá børnum er tó treytin, fyri sjálvstøðugari skattskyldu, at tey ikki aftan á at samskatting við tann flutta persónin er hildin uppat, skulu samskattast við annan persón (í flestum førum mammuna), sum tey búgva hjá. Í øllum øðrum førum verða tey eisini fult skattskyldug, um tey lúka treytirnar í 1. gr. og 2. gr. frá tí degi, tann persónur, tey vórðu samskattað við, er fluttur.

    13. gr. Henda grein fevnir um seinna tíðarskeiðið av teimum báðum, sum eru nevnd í viðmerkingunum til 11. gr., og tí tíðini, sum eftirsitandi hjúnafelagin situr í óskiftum búgvi. Um hann tekur yvir felagsbúgvið og situr í óskiftum búgvi so yvirtekur hann heilt skattskylduna hjá tí deyða, sum um tað var hansara egna, soleiðis at eftirsitandi hjúnafelagin verður skattskyldugur av øllum inntøkunum hjá tí deyða í inntøkuárinum til deyðadagin, og verða eisini teir fyribilsskattir, sum eru goldnir, góðskrivaðir eftirsitandi hjúnafelaga.

    Skattingin fevnir um allar leypandi inntøkur, somuleiðis inntøkur av teimum ognum, sum hin deyði hevur átt, og sum annars eftir skattalógini eiga at verða tiknar við í skattleggjandi inntøkuna, tá tær verða seldar. Allar leypandi inntøkur verða skattaðar, samstundis sum tær verða vunnar, eftir teimum vanligu reglunum í skattalógini meðan skatting av vinningi við sølu av ognum ikki , fyrr enn búgvið selur tær til triðjamann, ella tá eftirsitandi hjúnafelagi, sum situr við óskiftum búgvi, selur til triðjamann.

    Tá ið eftirsitandi hjúnafelagi situr við óskiftum búgv, verður sagt, at búgvið og eftirsitandi hjúnafelagin "succederer" - kemur í staðin fyri hin deyða. Hetta hevur í fyrra lagi at siga, at vinningur/hall skal gerast upp á sama hátt, sum hetta vildi verið gjørt, sum tað var hin deyði, sum seldi ognirnar. Í øðrum lagi hevur hetta at siga, at búgvið ella eftirsitandi hjúnafelagin skal taka yvir gjørdar avskrivngar hjá tí deyða upp á ognirnar, sum verða yvirtiknar, soleiðis, at avskrivingargrundarlagið ikki broytist orsakað av andlátinum.

    Hesar reglur eru eisini galdandi, tá eitt búgv uttan skiftisviðgerð eftir skiftilógini verður lagt út til eftirsitandi hjúnafelaga.

    Tað, at inntøkurnar verða samanlagdar, fer við einum progressivum skattastiga at geva eftirsitandi ein ov høgan skatt, enn um bæði vóru sett í skatt fyri seg. Tí verður tann reglan galdandi her, at um ein kona hevur verið skattað fyri seg sambært 4. gr. 2. stk., fyri andlátið skulu tvær skattsetingar verða gjørdar. - Ein skattseting, sum fevnir um inntøkuna, sum serskattað kona hevur havt, uttan mun til, hvørt av hjúnunum er deytt, og ein sum fevnir um hinar inntøkurnar fyri alt inntøkuárið. Skatturin verður útroknaður av hvørjari inntøku sær, og tann skatturin skal so gjaldast av tí eftirsitandi, sum so fær góðskrivað allan goldna fyribilsskattin hjá hjúnunum. Tá slík uppgerð er fyri eitt styttri tíðarskeið enn 12 mánaðir, skal altíð verða roknað við eini inntøku, sum er umroknað til 12 mánaðir, og skal so skatturin gjaldast fyri tað tíðarskeið av árinum, hin deyði hevur verið á lívi. Har konan ikki hevur verið sett í skatt fyri seg í tíðini fyri andlátið, verður bert ein samanløgd skattseting gjørd.

    14. gr. Skattskyldan hjá tí deyða varir, sum fyrr nevnt, til deyðadagin, t. e. at ein skattseting skal gerast fyri tíðarskeiðið frá ársbyrjan og til deyðada- gin, og skal hon, um biðið verður um tað, latast inn til skattavaldið sambært teim tíðarfreistum, sum nevndar eru í 3. stk. Nettoinntøkan skal so roknast upp til 12 mánaðir og skatturin roknast út av hesum tali. Tann skattur, sum skal gjaldast, skal svara til tíðarskeiðið frá ársbyrjan til deyðadagin. Fyribils goldin A- og B-skattur í sama tíðarskeiði skal dragast frá hesum tali.

    Um henda uppgerð vísir ein írestandi skatt, sum er meira enn 5.000 kr., skal búgvið gjalda hann, jvmt. 2. stk.

    Um uppgerðin vísir ein avlopsskatt, sum er meira enn 100 kr., kann búgvið krevja hann útgoldnan, jvmt. 2. stk.

    Av praktiskum orsøkum verður tó í 1. stk. sagt, at ein slík uppgerð sum nevnd frammanfyri, ikki skal gerast, tá fyribilsskatturin av inntøkunum verður mettur at svara til endaliga skattin. Bert um skattavaldið ella búgvið krevja, at ein endalig líkning skal gerast, skal hon verða gjørd, og skulu krøvini í 2. stk., sum nevnt frammanfyri, tá verða lokin. Sambært 3. stk. so skal ein uppgerð latast líkningarvaldinum, um biðið verður um tað.

    Krøvini til slíka uppgerð verða sett í 3. stk. og 6. stk., og samstundis verður avskriving loyvd eftir vanligu reglunum í avskrivingarlógini fyri tíðarskeiðið frá ársbyrjan til andlátið, tó so at tær verða roknaðar lutfalsliga fyri sama tíðarskeið, sum skattskyldan er fyri. Samstundis verður í 5. stk. kravt, at skattavaldið skal hava reist krav móti búnum, áðrenn 2 mánaðir eru lidnir frá tí, at ein uppgerð sambært 3. stk. er latin tí.

    7. stk. áleggur líkningarráðnum at gera nærri reglur fyri slíkari endaligari uppgerð frá ársbyrjan og til deyðadagin. Hesar reglur eru eisini galdandi fyri búgv, sum verða tikin til privata skiftisviðgerð, um ein slík uppgerð ikki er latin inn, aftan á at 3 mánaðir eru gingnir frá tí, at biðið varð um hana.

    Í 8. stk. verður sagt, at reglan í 1. stk. ikki er galdandi, um serognin hjá tí deyða verður skift, og hitt verður yvirtikið av tí óskifta búnum. Her verður farið fram eftir reglunum í 13. gr., og skal búgvið lata inn eina uppgerð yvir serognina hjá tí deyða á deyðadegnum.

    15. gr. Bæði búgv, sum eru tikin til almenna og privata skiftisviðgerð eru í princippinum skattskyldug frá andlátinum og til tann dag, búgvið endaliga verður uppgjørt. Av praktiskum grundum verður tó tann avmarking gjørd í 2. stk., at um inntøkan hjá búnum ikki er yvir 25.000 kr., og endaliga skiftið av búnum er lokið og latið skattavaldinum innan 15 mánaðir, skal skattur ikki verða goldin. Um endaliga uppgerðin av búnum verður gjørd og latin inn, aftan á at 15 mánaðir eru gingnir frá deyðadegnum, skal skattur gjaldast uttan mun til inntøkuna.

    3. stk. ásetur, at búgv, sum verða skift alment ella latin frá privatari til almenna skiftisviðgerð, áðrenn 15 mánaðir eru lidnir frá deyðadegnum, og sum ikki sambært 2. stk. eru frítikin fyri at gjalda skatt, skulu rokna við inntøkuni frá deyðadegnum og til endaliga uppgerðin av búnum verður gjørd.

    16.gr. Her verður ásett, hvussu farast skal fram, um skattavaldið ikki góðtekur virðismetingina av ogn og skuld, tá búgvið verður endaliga uppgjørt, ella uppgerð verður gjørd sambært 14. gr.

    6. stk. Útreiðslurnar til slíka virðismeting skulu gjaldast av búnum, um metingin er minst 10 % hægri enn uppgjørt av búnum. Tá skattskyldan hjá búnum heldur uppat, verða arvingarnir og eftirsitandi hjúnafelagin skattskyldug av tá møguligum inntøkum. Um partar verða tiknir úr búnum, so verður skattskyldan flutt til tann, sum hevur fingið part í búnum, og frá tí degi hesin partur er tikin út, t. e. frá tí degi, tá inntøkur og útreiðslur av teimum úttiknu ognunum ikki longur falla til búgvið.

    17.gr. Búgv, sum verða tikin til privata skiftisviðgerð, koma eisini undir reglurnar í 15. gr., 1. og 2. stk.

    Er privata skiftisviðgerðin ikki liðug, tá 15 mánaðir eru lidnir, skal áðrenn ein mánaður er farin, ein uppgerð latast skattavaldinum yvir støðuna hjá búnum við endan á teimum 15 mánaðunum. Her skal verða greitt frá, hvat er lagt út til arvingarnar, og hvat enn er eftir í búnum. Tað, sum eftir er í búnum, skal verða uppgjørt til virðið í vanligum handli. Samstundis verður sjáluppgáva latin inn yvir inntøkuna frá deyðadegnum og til endan á teimum 15 mánaðunum.

    Í 4. stk. verður ásett, at skattskyldan hjá búnum endar, tá 15 mánaðir eru lidnir. Tá verður skattskyldan yvirtikin av arvingunum í mun til teirra lut í búnum. Bæði vinningur og tap av teimum ognum, sum tá tíðarfreistin er úti, ikki eru útlutað úr búnum, verða tikin við í skattskyldugu inntøkuna hjá búnum, sum um hesar ognir vóru seldar,tá tíðarfreistin gekk út. Arvingar og eftirsitandi hjúnafelagin skulu tá rokna við hesum virðum sum teirra skattligu útveganarvirðum.

    18.gr. Um eitt alment skift búgv verður tikið uppaftur til skiftisviðgerðar, er tað fyrst skattskyldugt frá tí degi, skiftirætturin hevur góðtikið at taka tað upp aftur til viðgerðar. Reglan í 15. gr., 1. stk. fevnir ikki um slík búgv. Tey verða viðgjørd eftir somu reglum, sum galda fyri búgv, sum verða skift stutt eftir deyðadagin.

    Um privat skift búgv verða tikin aftur til skiftisviðgerðar, verður skattskyldan verandi hjá parthavarunum í búnum.

    19.gr. Her verður tann spurningurin viðgjørdur, at eitt óskift búgv verður tikið til skiftisviðgerðar, meðan eftirsitandi hjúnafelagin er á lívi. Skattskyldan verður her flutt til búgvið, tá skiftirætturin hevur góðtikið umbønina um skiftið. Annars eru somu reglur galdandi her viðvíkjandi uppgerðini av inntøkum, ognum og skuld, sum eru nevndar frammanfyri. Í 3. stk. verður ásett, at um eitt búgv, sum hevur verið tikið til almenna skiftisviðgerð, verður latið av skiftirættinum til at sita í óskiftum búgvi, so verður farið fram eftir 13. gr., og møgulig skatting eftir 14. gr. verður tikin aftur. Sambært 4. stk., er henda regla eisini galdandi fyri privat skift búgv.

    Í 5. stk. verður ásett, at eitt búgv, sum hevur verið undir almennari skiftisviðgerð og verður latið til privata skiftisviðgerð aftan á at 15 mánaðir eru lidnir, verða viðgjørd eftir 17. gr., 2. og 4. stk., tá tað, at búgvið er latið til privata skiftisviðgerð, kemur í staðin fyri at freistin upp á 15 mánaðir er úti.

    Í 6. stk. verður ásett, at um eitt búgv, sum hevur verið til privata skiftisviðgerð aftan á 15 mánaðir verður latið til almenna skiftisviðgerð, verður tað ikki aftur skattskyldugt, men eru arvingarnir og eftirsitandi hjúnafelagi støðugt skattskyldugir av sínum parti í búnum.

    20. gr. ásetur, at landsstýrið ger nærri reglur um sjálvuppgávuna, endaligu búsuppgerðina, og hvussu upplýsningarnar frá skiftirættinum skulu latast skattavaldinum. Í búgvum, sum verða tikin til privata skiftisviðgerð, skulu arvingarnir altíð velja ein felags umboðsmann fyri seg, sum skattamyndugleikarnir kunnu snúgva sær til.

    21. gr. Tá partafeløg og onnur feløg ikki koma undir lógina um samtíðarskatt, eru reglurnar fyri, nær sjálvuppgávan skal verða innlatin, broyttar. Her hava vit reglur fyri, at nýstovnað feløg v. m., hvørs roknskaparár endar fyri 31. december, verða sett í skatt av allari inntøkuni í roknskaparárinum, sama hvussu langt tað er. Í 3. stk. er tó ein nýggj regla innsett, sum sigur, at hóast reglurnar í 1. stk., kann 1. roknskaparskeiðið ikki fevna um meira enn tvey álmanakkaár.

    22. gr. Her eru ongar broytingar gjørdar frá teimum núverandi reglunum. Reglan sigur okkum, hvussu persónar, sum hava avmarkaða skattskyldu her á landi, skulu verða settir í skatt fyrstu ferð, og eisini hvussu skal farast fram, tá inntøkukeldan verður uppgivin her.


    Viðmerkingar til 3. kappitul
    Í 3. kapittli verður ásett, hvussu skattskylduga inntøkan verður uppgjørd. T. e., bæði hvussu sjálv inntøkuuppgerðin skal gerast, og hvussu langt tað skattskylduga tíðarskeiðið er, hon skal gerast upp fyri.

    Í 23. gr. 2. stk. verður sagt, at skattaárið er tað tíðarskeið, sum skattaálíkningin er gjørd fyri, og sum skattskyldan er miðað eftir. Í gomlu lógini stóð beinleiðis, at hetta var tíðarskeiðið frá 1. apríl á hvørjum ári til 31. mars árið eftir. Skatturin varð tá álíknaður eftir inntøkuni í álmanakkaárinum frammanundan, men varð álíkningin gjørd fyri skattaárið, sum byrjaði 1. apríl, aftan á at tað inntøkuár, sum inntøkan varð vunnin í, var gingið út. Tann álíknaði skatturin fell til gjaldingar leypandi í skattaárinum, og sjálv skattgjaldingin var soleiðis treytað av, at viðkomandi var skattskyldugur í hesum tíðarskeiði. Fell skattskyldan av einhvørji orsøk burtur, fell skyldan at gjalda tann álíknaða, men ikki gjaldkomna skattin, burtur frá sama degi.

    Í hesum lógaruppskoti um samtíðarskatt fellur tíðarbilið, millum nær inntøka verður forvunnin, og nær skattur av henni fellur til gjaldingar, burtur fyri persónar, tá lógin miðar ímóti, at skatturin fellur til gjaldingar so hvørt, sum inntøkan verður vunnin.

    Í 24. gr. verður sagt, at inntøkuárið hjá persónum er álmanakkaárið, sum endar fyri ta endaligu álíkningina, og tað hjá feløgum er tað roknskaparskeið, sum fellur saman við ella endar í álmanakkaárinum frammanundan.

    Er skattskyldan fyri eitt styttri tíðarskeið t.d. tá ein persónur við flyting til Føroya kemur undir skattskyldu mitt í álmanakkaárinum, verða allir loyvdir dir frádráttir roknaðir lutfalsliga. Hetta merkir, at tá inntøkan bert er fyri ein part av árinum, verða allir frádráttirnir eisini bert roknaðir fyri henda partin av inntøkuárinum. Áðrenn sjálv skattaútrokningin verður gjørd, verður inntøkan umroknað til heilársinntøku. Tann útroknaði skatturin verður síðani ni lækkaður aftur svarandi til tað tíðarskeið, skattskyldan varir. Soleiðis fær hann, sum hevur verið undir fullari skattskyldu í bert 3 mánaðir av árinum, ein frádrátt svarandi til 1/4 av teimum føstu ársfrádráttunum.

    Inntøkan, sum hann vinnur aftan á ársskiftið, verður tá ein partur av næsta inntøkuári, og um hann verður verandi í Føroyum, verður næsta árs skattseting sum hjá øllum øðrum uppgjørd, tá hetta álmanakkaárið er at enda, men fer hann avstað aftur áðrenn, verður aftur gjørd ein lík skattseting við umrokning til heilársinntøku eftir tí dagatali, hann hevur verið í Føroyum frá ársskiftinum at rokna.

    Í hesum dømi er gingið út frá, at maðurin er komin undir fulla skattskyldu í Føroyum. Kemur hann bara undir avmarkaða skattskyldu, verður roknistykkið fyri alt tað hitt sama, bert hevur hann tá ikki rætt til somu frádráttir, tá bert teir, ið beinleiðis hava samband við at vinna inntøkurnar, verður loyvt at draga frá her. Eittnú verður eingin rentu- ella persónsfrádráttur givin persónum undir avmarkaðari skattskyldu.

    Í 25., 26. og 27 grein verður ásett, hvørjar veitingar verða roknaðar uppí, tá skattskylduga inntøkan verður uppgjørd. Her verður sligið fast, at tær fevna um alla inntøku, uttan mun til um hon stavar úr Føroyum ella ikki. Hetta er sjálvandi bert galdandi, tá ein er undir fullari skattskyldu (sí kap 1).

    Í mun til núverandi lóggávu eru ongar broytingar gjørdar, uttan í 26. gr., har virðið av vørum og framleiðslum, sum hin skattskyldugi hevur tikið úr virki sínum til egna nýtslu, nú skal metast eftir keypsvirðinum í staðin fyri sum í núverandi lóg eftir smásøluvirðinum.

    Til 28. gr. Reglurnar í hesi grein eru nýggjar í mun til núverandi lóg, og eru tær ein beinleiðis avleiðing av at farið verður yvir til samtíðarskatt.

    Sum nærri frágreitt í 6. kapitli, verður skattur eftirhildin, tá lønin verður útgoldin, og er øll samtíðarskattaskipanin bygd á ta meginreglu , at skatturin fellur til gjaldingar, samstundis sum inntøkan verður útgoldin tí skattskylduga.

    Í núverandi lóg er meginreglan tann, at inntøkan verður skattskyldug, tá rættur til hana er vunnin, og skal hon takast til inntøku í tí inntøkuárinum, hon er vunnin, uttan mun til, um hon er útgoldin ella ikki.

    Henda meginregla er fyri alt tað varðveitt í hesi lóg, men við samtíðarskattaskipanini, har miðað verður ímóti, at fyribilsskattsetingin skal verða so endalig sum gjørligt, so seinni broytingar ikki vera ov nógvar, verða allar A-inntøkur skattskyldugar, tá tær verða útgoldnar. Verður ein lønarinntøka, sum vunnin er í desember í einum ári, ikki útgoldin fyrr enn árið eftir, verður hon í útrokningarskipanini roknað uppí A-inntøkuna í tí ári, hon verður útgoldin.

    Til 29. gr. Í høvuðsheitunum er einki broytt í mun til núverandi lóg. Tó skal viðmerkjast, at í 9. stk. er tikið við í lógina, at kostnaðarviðbót hjá løgtingsmonnum eins og fólkatingsmonnum er ikki skattskyldug. Hetta var frammanundan ásett í serstakari lóg.

    Eisini er í 14. petti ásett, at afturberingin, sum útgoldin verður limunum í keypsamtøkum í mun til tað, teir hava keypt, ikki verður at rokna sum skattskyldug inntøka, sjálvt um hon smb. 36. gr. kann dragast frá í skattskyldugu inntøkuni hjá keypsamtøkuni. Hetta er ásett av praktiskum orsøkum, tá eftirlitið við inntøkuføringini av hesum upphæddum mundi verið alt ov arbeiðskrevjandi í mun til tær einstøku upphæddirnar.

    Til 30. gr. Her er tann broyting gjørd, at um tað ásetta 20% avgjaldið av vinningsbýti ikki verður goldið Føroya Gjaldstovu ásettu tíðina, verður roknað 1% í rentu um mánaðin frá 1. í mánaðinum eftir at goldið skuldi verið. Henda renta kann ikki dragast frá í skattauppgerðini. Somuleiðis verður nú heimild til at panta fyri hetta avgjald.

    Til 32. gr. 32. grein er nýggj í mun til núverandi lóg og gevur heimild til at draga frá í skattauppgerðini útreiðslur til royndar- og granskingarvirksemi, sum hin skattskyldugi hevur havt, áðrenn ein verulig vinna er byrjað.

    Tað kann vera kostnaðarmikið at gera royndir á nýggjum økjum. Núverandi skattalóg hevur í princippinum ikki loyvt frádrátt fyri slíkar útreiðslur, tá kravt hevur verið, at ein vinnulig inntøka skal vera, áðrenn talað kann verða um frádráttir. Nú kunnu hesar útreiðslur goymast saman og dragast frá, tá ein verulig vinna er komin í gongd. 1. árið og 3 tey næstu árini alt eftir, sum hin skattskyldugi heldur vera best.

    Sjálvandi má takast hædd fyri, at tá útreiðslur av slíkum slag skulu dragast frá, so má ein verulig vinna vera komin í gongd. Smærri inntøkur við sølu av royndarframleiðslu kann ikki metast sum um virkið var farið í gongd. Tó kunnu útreiðslur dragast frá ájavnt við inntøkurnar av virkseminum hesa tíðina.

    Royndar- og granskingarvirksemi í sambandi við ráevni í undirgrundini koma ikki undir hesa reglu.

    Til 33.gr. Her er komin við í lógina galdandi praksis um frárátt fyri útreiðslur til ferðing, reklamu o. t. í sambandi við virksemi hjá vinnuvirkjum. Viðvíkjandi reklamu, kann ofta vera drúgt, áðrenn tær ávirka søluna, og tí kunnur reklamur, sum gjørdar eru í einum inntøkuári ikki gera nyttu fyrr enn í seinni árum. Tí verður nú loyvt at draga slíkar útreiðslur frá í tí inntøkuári, tær koma fyri, tó at inntøkan ikki kemur fyrr enn í seinni árum.

    Útreiðslur til provisión, stovningarprovisión í sambandi við lántøku eru nú nevndar í lógaruppskotinum sum loyvdur frádráttur. Tó ikki gjald fyri tinglestur. Hall í skattauppgerðini eitt ár kann dragast frá 4 tey næstu árini. Hetta er ein víðkan í mun til núverandi lóg, ið heimilar frádrátt gjøgnum 3 ár. Samstundis verður eisini fastsligið, at hall í sambandi við trotabúgv o. l. bert verður loyvt skattliga frádrigið í tann mun, tað verður goldið. Ofta verður ein størri ella minni partur av tí skuldini, ið stendur eftir, tá vinnuvirki heldur uppat, verður avtikið o.l., strikað av ognarunum, ella ein avtala verður gjørd um akkord, har ein ávísur partur verður eftirgivin, meðan hitt skal gjaldast. Skuldarin kann í hesum førum bert draga frá tann partin, sum goldin verður, og verður frádráttur í hesum førum ikki givin fyrr enn goldið er.

    Til gr. 35. Henda grein er nýggj í mun til núverandi lóggávu, soleiðis at skilja, at eingin beinleiðis lógargrein var um hesi viðurskifti. Tó hevur verið galdandi ein praksis eftir teimum reglum, sum nú verða lagdar inn í hesa lógargrein.

    Høvuðsreglan í skattalóg okkara er, at ognarminking ikki er skattskyldugur frádráttur, eins og ognarvøkstur ikki er skattskyldug inntøka, jvf. 29.gr.

    Tó hevur frádráttur fyri kurstap verið loyvdur eftir hesum reglum:

    1. Kursvinningur/tap hjá vinnuvírki, sum keypir vørur í fremmandum gjaldoyra, og kursurin á tí broytist frá keypsdegnum til gjaldsdagin, har verður hesin kursvinningur/tap at rokna sum skattlig inntøka/ útreiðsla og verður at bóka um rakstur.

    2. Hjá vinnuvirki, sum til nýtslu í virki sínum keypir rakstrargøgn, sum eru undir avskrivingarlógini, t.d. skip ella skipspartar, verður keypspeningurin í fremmandum gjaldoyra gjørdur upp við kursinum yvirtøkudagin sum grundarlag, og verður hetta sostatt partur av útveganarvirðinum og verður avskrivað saman við tí.

    Kursvinningur/tap, sum kemur fram í samband við avdrátt av lánum í fremmandum gjaldoyra, verður at rokna sum skattlig inntøka/útreiðsla og verður bókað um rakstur. Sum dømi kann nevnast skip, sum fíggjað er við lánum í útlendskum gjaldoyra; her verður tað goldna (realiseraða) kurstapið at føra um rakstur, meðan tann enn ikki goldni parturin, t. e. tað roknaða kurstapið, sum kemur fram, um restlánað á hvørjum ári tann 31. 12. verður umroknað til dagsins kurs, ikki kann útreiðsluførast. Á henda hátt verður frádráttur givin, so hvørt sum kurstapið verður goldið, t. e. so hvørt sum lánið verður afturgoldið, og fyri tann kurs, sum er galdandi, tá tey einstøku rentu- og avdráttargjøldini verða goldin.

    Til 36 gr. Tann afturberingin, sum útgoldin verður limunum hjá keypsamtøkum í mun til tað, teir hava keypt fyri í árinum, og sum smb. 29. gr., l4. petti ikki er skattskyldig inntøka hjá móttakaranum, verður í hesi grein loyvt at draga frá í inntøkuuppgerðini hjá keypsamtøkuni.

    Til 38. grein Renta, sum hin skattskyldugi má gjalda fyri ov seint goldnan skatt, kann ikki dragast frá í skattauppgerðini. Somuleiðis skal renta, sum hin skattskyldugi vinnur av ov nógv goldnum skatti, ikki teljast við í skattskyldugu inntøkuna.

    Til 39. og 40. gr. Reglurnar viðv. endaligu skattauppgerðini hjá tí deyða, og reglurnar um skatting av deyðsbúgvum eru gjørdar so einfaldar sum gjørligt.


    Óskift búgv:
    Eftirsitandi hjúnafelagi, sum situr í óskiftum búgv, verður settur í skatt av allari inntøku hjúnanna í inntøkuárinum, tó soleiðis, at tá ið konan hevur havt inntøku, sum hon er vorðin serskattað av, skal henda inntøka gerast upp fyri seg fram til deyðadagin, men øll onnur inntøka hjúnanna skal ganga inn í eina høvuðsuppgerð. Tann fyribils inngoldni skatturin bæði hjá henni og manninum verður tá mótroknaður í hesum báðum uppgerðunum.

    Hevur kona, sum situr í óskiftum búgv, onga inntøku havt, hevur hesin skattsetingarháttur tað við sær, at hon verður sett í skatt av hansara inntøku, sum var hetta inntøka vunnin í øllum árinum, og hevur hetta vanliga við sær, at tann skatturin, sum fyribils er goldin, er ov høgur, og fær hon tá munin afturgoldnan.

    Eftirsitandi hjúnafelagi, sum situr í óskiftum búgv , og hevur yvirtikið búgvið skattliga, hevur somu rættindi og somu skyldur, sum tann deyði hevði. Hetta týðir, at um talað er um vinnuligan rakstur av einhvørjum slag, skal eftirsitandi hjúnafelagi gera upp á sama hátt, sum hin deyði hevði gjørt, og verða allar ognir avskrivaðir við teimum saldovirðum, sum tær høvdu frammanundan, og allar avsetanir og avskrivingar verða roknaðar sum gjørdar av tí eftirsitandi.


    Skift búgv:
    Eftirsitandi hjúnafelagi verður í førum, tá skift verður, settur í skatt av egnu arbeiðsinntøku síni í øllum inntøkuárinum. Í tann mun hann í skattseting síni hevur havt inntøkur, ið ikki er A-inntøka og frádráttir, sum ikki hava samband við A-inntøku, t.d. B-inntøka stavandi frá sjálvstøðugum vinnuvirki, privatur rentufrádráttur, sum býttur hevur verið millum hjúnafelagar, frádráttur fyri hall og avskriving av skipsparti, v.m., má henda inntøka og hesin frádráttur verða uppgjørd á deyðadegnum, og verður tá bert tann parturin, sum fellur fyri deyðadagin, skattaður saman við A-inntøkuni sum vanligt, men tann írestandi parturin fer inn í búgvið saman við teirri tilhoyrandi ognini og skuldini.

    Uppí endaligu inntøkuuppgerðina hjá tí deyða smb. 40. gr. 1. stk. kemur øll arbeiðsinntøka hjá honum, eisini um hon ikki er útgoldin fyrr enn eftir deyðadagin. Hevur tann deyði umframt inntøku av egnum arbeiði, eisini havt inntøku av einhvørjum øðrum slag, t.d. inntøku av vinnuvirki, rentuinntøku, inntøku av útleigu v.m., skal henda inntøka teljast við í endaligu inntøkuuppgerðina við tí lutfalsliga partinum, sum svarar til tíðina frá tí at inntøkuárið byrjaði og til deyðadagin.

    Í hesi inntøkuuppgerð verða nýttar somu reglur sum tann deyði sjálvur hevði kunnað nýtt. Allar vanligar avskrivingar, burturleggingar v.m. fyri tann lutfalsliga partin av árinum, kunnu sostatt gerast. Tó verður avseting í íløgugrunn ikki loyvd.

    Henda samanlagda inntøkan fram til deyðadagin uppgjørd eftir omanfyristandi reglum verður nú skattað eftir somu reglum, sum umrøddar eru frammanfyri hjá tí, sum skattskyldan hjá, heldur uppat mitt í árinum, t. e. inntøkan til deyðadagin verður upproknað til heilársinntøku, skattur verður útroknaður og verður síðan lækkaður aftur í mun til skattskylduga tíðarskeiðið.

    Tann írestandi parturin av B-inntøkum frá tíðini eftir deyðadagin og ónýttur frádráttur, so sum rentu frádráttur, hall av vinnuvirki o.a. verður, eins og gjørt varð hesum viðvíkjandi hjá eftirverandi hjúnafelaga, tá fluttur inn í búgvið og verður at draga frá í inntøkuuppgerð tess.

    Uppgerð av skattskyldugu inntøkuni hjá búnum:

    Sum tað skilst av tí, omanfyri er sagt, fevnir skattskylduga inntøkan í búnum í fyrstu syftu um allar tær inntøkur og útreiðslur, sum fluttar verða bæði frá inntøkuuppgerðini hjá tí deyða og frá inntøkuuppgerðini hjá eftirverandi hjúnafelaganum fyri tíðarskeiðið eftir andlátið. Harumframt kemur inntøka av einum og hvørjum slag, jvf. tær vanligu reglurnar um, hvat skattskyldugt er.

    Verður búgvið ikki skift stutt eftir andlátið, og tann endaliga inntøkuuppgerðin smb. skiftisviðgerðini tí ikki kann gerast, verður búgvið sett í skatt eftir vanligum reglum av inntøkum og útreiðslum. Tað týðir við øðrum orðum, at búgvið kann avskriva, leggja burtur, v.m., og verða nýtt tey saldovirðir, sum komu fram í seinastu inntøkuuppgerð, áðrenn virðini gingiu inn í búgvið. Inntøkuár tess er álmanakkaárið, soleiðis at tað fyrsta inntøkuskeiðið verður tíðin frá tí degnum, búgvið varð tikið undir skiftisviðverð (sum vanliga vil vera deyðadagurin) og til næsta 31. desember. Inntøkan í hesum tíðarskeiðið verður í skattaútrokningin upproknað til heilársinntøku, og útroknaði skatturin verður síðan lækkaður lutfalsliga, á sama hátt sum frágreitt er omanfyri.

    Verður búgvið skift innan 15 mánaðir eftir andlátið, verður loyvt, at hetta verður roknað sum eitt samanhangandi inntøkuskeið uttan umrokning til heilsársinntøku.

    Tá eitt búgv verður skift, skulu í tí endaligu uppgerð tess smb. 7. stk. takast til inntøku aftur allar burturleggingar av einum og hvørjum slag, eisini tær sum gjørdar eru, áðrenn virðini er komin inn í búgvið. Allar ognir, sum avskrivaðar eru, skulu sostatt metast sum seldar í seinasta lagi uppgerðardagin, og skal ein vinningur, sum tá kemur fram, teljast við í skattskyldugu inntøkuna eins og eitt hall verður frádrigið. Somuleiðis skal mettur vinningur ella hall við sølu av ognum, sum keyptar eru við tí í hyggju at verða seldar aftur við vinningi, verða tikin við í uppgerðini. Virðini skulu ásetast eftir virðinum í vanligum handli, og kann líkningarráðið krevja, at tey verða mett av serkønum monnum.

    Eftir uppgerðardagin fara ognirnar til arvingarnar, og skal møgulig inntøka tá skattast hjá teimum. Arvingarnir hefta fyri møguligan ógoldnan skatt hjá búnum í tann mun, teir hava fingið útlagt arv úr búnum. Verður eitt búgv uppgjørt við halli, verður ikki loyvt, at flyta hetta hall til inntøkuuppgerðina hjá arvingunum.


    Viðmerkingar til 4. kapittul
    Reglurnar, til hvørja kommunu skattskyldugur skal svara skatt, eru at siga tær somu sum í núgaldandi lóg. Tó er ein týðandi broyting gjørd.

    Í 41. gr., 2. stk. er soleiðis ásett, at persónar verða settir í skatt til ta kommunu, har teir hava fast tilhald fyri seg (og húskið sítt) tann 1. oktober í árinum innan inntøkuárið.

    Hetta týðir, at tað er bústaðurin 1. oktober, sum er avgerandi fyri, í hvørjari kommunu persónur verður settur í skatt næsta ár.

    Henda broyting er ein avleiðing av samtíðarskattaskipanini, sum miðar ímóti, at skattsetingin skal vera so endalig sum gjørligt.

    Smb. ásetanum aðrastaðni í hesi lóg skal innan 1. oktober á hvørjum ári gerast ein fyribilsskattaskráseting fyri næsta inntøkuár, og skulu í henni vera allir persónar, ið tá eru búsettir í kommununi.

    Flytur persónur eftir henda dagin úr kommununi, verður tann gjørda skattaskráseting hansara fyri næsta inntøkuár galdandi hetta árið út. Hann fær sostatt onga broyting, sum stavar frá, at hann er fluttur.

    Tað verður soleiðis ikki fyrr enn við næstu fyribilsskattaskráseting fyrstkomandi 1. oktober, at hann verður settur í skatt beinleiðis til tilflytingarkommuna eftir teimum reglum, sum eru galdandi í henni.

    Viðv. feløgum v.m. verður í hesi grein ásett, at tey eru skyldug at rinda skatt til ta kommunu, har tey eru skrásett, sí tó 48. gr.

    Eins og í núverandi lóg, verður tann regla galdandi, at uppihaldari, sum flytur í aðra kommunu í Føroyum at arbeiða har, varðveitir kommunuskattaskylduna til heimakommununa, soleingi hann hevur húshald sítt har.

    Í 3.stk. í hesi grein verður ásett, at treytin fyri at koma undir skattskyldu til eina kommunu er, at viðkomandi hevur havt fast tilhald har í minsta lagi í 3 mánaðir, samfelt ella við millumbilum. Tó verður sagt, at um persónur flytur millum kommunur og ikki hevur havt tilhald í nakrari av teimum í 3 mánaðir, eiga allar kommunur, har hann hevur hildið til í minsta lagi ein mánað, rætt til sín lutfalsliga part av kommunuskattinum.

    Í 4.stk. verður ásett, at persónar, sum vinna inntøku sína á sjónum, og sum ikki tann 1. oktober hava fast tilhald í nakrari kommunu í Føroyum, eru skattskyldugir til ta kommunu, har teir vanliga halda til, tá teir eru í landi, og ber ikki til at siga, hvar hetta er, verður skattskyldan til ta kommunu, har skipið er heimahoyrandi.

    Er hann í tílíkum føri við útlendskum skipi, verður hann at rokna sum skattskyldugur til ta kommunu, har hann seinast varð settur í skatt. Landsstýrið tekur avgerð í ivamálum.

    Í 5. stk. verður ásett, at persónar, sum í heilum skifta tilhald, verða settir í skatt til ta kommunu, sum má roknast at vera heimakommuna teirra. Eisini her tekur landsstýrið í ivamálum endaligu avgerðina.

    Í 42. gr. verður viðgjørd skattskyldan hjá persónum, sum hava tilhald í einari kommunu, tí teir eru á sjúkrahúsi, fangahúsi o.l. og hjá teimum, sum í almennum ørindum eru í aðrari kommunu enn í vanligu tilhaldskommunu síni. Teir verða eins og í núgaldandi lóg settir í skatt í heimakommunu síni, um teir annars lúka vanligu treytirnar fyri skattskyldu til hennara.

    Í 43. gr. verður ásett, at um kommunala líkningarvaldið metir, at tann kommunan, sum ein persónur er fyribilsskrásettur í 1. oktober, ikki er tann rætta, hevur hon rætt til at kæra um hesa skráseting til 5 mánaðir aftaná, at skattskyldan hjá hesum persóni tók við. Skattgjaldarin sjálvur hevur eisini rætt til at kæra um hetta, og skal kæran vera send avvarðandi kommunala líkningarvaldi innan 3 mánaðir, aftan á at hann hevur fingið boð um, hvar hann er skattskyldugur.

    Í teimum førum, kommunur og/ella persónurin sjálvur ikki eru á einum máli um, hvar hann skal vera skattskyldigur, kann málið verða lagt fyri landsstýrið til avgerðar. Skattgjaldarin kann tó í slíkum førum innan 4 vikur eftir, at hann hevur fingið boð um avgerð landsstýrisins, kæra hesa avgerð til dómsvaldið.

    Um persónur flytur til Føroya úr útlondum ella kemur undan sjómansskattaskipanini, verður hann settur í skatt til ta kommunu, sum má metast at verða tilhaldsskommuna hansara smb. 41. gr. Tekur henda skattskylda við í oktober ársfjórðingi, stendur henda skattskylda við eisini næsta inntøkuár.

    Í 44. gr. verður ásett, at tilflytingarkommunan tó hevur krav um skatt frá teimum persónum, sum flyta til kommununa aftan á, at teir eru fyribilsskrásettir í aðrari kommunu, og verður her ásett, at skatturin skal býtast lutfalsliga millum kommunurnar í mun til tað tíðarskeið, skattgjaldarin hevur búð í hvørjari teirra, og verður lutfallið roknað frá byrjanini av tí fjórðingsári, sum kemur aftan á flytingina.

    Tilflytingarkommunan fær sostatt flutt tann skattin, sum hevði verið goldin til fráflytingarkommununa við teimum kommunuskattastigum, sum galda í henni.

    Í 45. gr. verður ásett, at um ein kommuna ikki hevur fingið tann partin av kommunuskattinum, sum hon heldur seg eiga rætt til smb. 44. gr. 2. stk., ella heldur, at býtið av skattinum millum kommunurnar ikki er rætt, hevur hon rætt til at kæra um hetta til hina kommununa, innan 1 ár og 3 mánaðir frá tí, at álmanakkaárið, ið kært verður um, er úti. Kunnu kommunurnar ikki semjast um býtið, hevur líkningarráðið avgerðarrættin. Reglurnar um, hvussu býtið av kommunuskattinum í slíkum førum verður útroknað, verða gjørdar av líkningarráðnum.

    Ásetingarnar í 46. gr. eru óbroyttar í mun til núverandi lóggávu, men í 47. gr. verður sum nakað nýtt ásett, at kommunu- og kirkjuskattaprosentið fyri næsta inntøkuár skal ásetast í kommununi longu í seinnu helvt av september mánaði í árinum framman undan inntøkuárinum.

    Henda lóg hevur ta broyting við sær, at tann endaliga álíkningin, sum verður gjørd aftan á, at inntøkuárið er gingið út, ikki sum áður kann nýtast sum grundarlag undir fíggjarætlanini fyri komandi fíggjarár. Tann endaliga álíkningin verður tá ein uppgerð um tann skattin, sum álíknaður er fyri farna álmanakkaár samanhildin við tær skattaupphæddirnar, sum eru fyribils inngoldnar.

    Tá fíggjarætlanin skal leggjast, má hon tí grundast á eina metta inntøku fyri komandi inntøkuár, og verða kommunuskattaprosentini fyri komandi inntøkuár at seta út frá hesum, sí í hesum sambandi eisini gr. 59 í 6. kapitli, har landsstýrinum er heimilað at áseta tey, um tey ikki eru ásett av kommunustýrunum innan 1. oktober. Skattaprosentini, sum tá verða ásett, verða endalig og kunnu hvørki broytast í inntøkuárinum ella seinni, t.d. undir álíkningini, um hon vísir, at ov lítið er innkomið í mun til tað, kommununi ella landinum tørvar.


    Viðmerkingar til 5. kapittul
    Reglurnar um skattskyldu til tilhalds- og atvinnukommunu eru í høvuðsheitinum tær somu sum eftir núgaldandi lóg, og snúgva tær broytingarnar, ið her verða skotnar upp, seg fyrst og fremst um reglurnar fyri innsending av sjálvuppgávu og um útrokning og innheinting av skattinum.

    Sum nú er, letur hin skattskyldugi inn sjálvuppgávu bæði til atvinnuog tilhaldskommunu, og fær hann eina skattarokning frá hvørjari. Tá landsskatturin av atvinnuinntøkuni ikki verður roknaður í atvinnukommununi, men skal roknast av samanløgdu inntøkum skattgjaldarans undir einum, eigur atvinnuinntøkan eisini at verða uppgivin í tilhaldskommununi, og skal samanlagda skattarokningin í henni tí lækkast við kommunuskattinum, sum fellur á atvinnuinntøkuna og longu er álíknaður í atvinnukommununi.

    At halda skil á hesum og ansa eftir, at skattgjaldaranum ikki verður álíknaður dupultur kommunuskattur ella møguliga als ikki verður álíknaður nakar landsskattur av atvinnuinntøkuni yvirhøvur, hevur roynst ógvuliga tíðarkrevjandi, og eru tær mongu broytingarnar ringar at skilja hjá skattgjaldaranum.

    Við teimum broytingum, sum her verða skotnar upp, verður miðað móti at gera reglurnar munandi einfaldari at umsita hjá skattavaldinum og eisini nógv lættari hjá skattgjaldaranum at skilja.

    Í 48. gr. verður greitt frá, undir hvørjum umstøðum persónur ella felag skal rinda kommunuskatt til eina ella fleiri atvinnukommunur umframt møguliga til tilhaldskommununa.

    Reglurnar eru her, at tá persónur ella felag, sum hevur fulla skattskyldu til eina kommunu í Føroyum, samstundis hevur inntøku av virki í aðrari kommunu enn tilhaldskommununi, so sum handils-, handsverks-, verksmiðju- ella annað virki, tá verður hann atvinnuskattskyldugur til tað kommunu, har virkið er.

    Í 49. gr. verður ásett, at um persónur í árinum tekur upp ella heldur uppat við sovorðnari vinnu, sum ger hann atvinnuskattskyldugan, tekur atvinnuskattskyldan við / ávikavist heldur uppat, tann dagin byrjað verður við virkinum/virkið heldur uppat.

    Skatturin verður javnaður, tá endaliga skattaálíkningin fyri avvarðandi inntøkuskeið verður gjørd.

    Eisini verður her ásett, at um ein persónur, sum hevur sjálvsytøðugt virki í tilhaldskommununi, flytur úr henni í aðra kommunu, uttan at virkið flytur við, verður hann atvinnuskattskyldugur til fráflytingarkommununa av inntøkuni av vinnuvirkinum frá tí degi, tilhaldsskattskyldan heldur uppat, og er tað smb. 44. gr. frá byrjanini av fjórðingsárinum aftan á fráflytingina, eins og hann verður tilhaldsskattskyldugur til tilflytingarkommununa frá sama degi.

    Somuleiðis verður ásett, at tá persónur, sum hevur verið atvinnuskattskyldugur av sjálvstøðugum virki í einari kommunu, flytur í hana at búgva, heldur atvinnuskattskylda hansara uppat frá tí degi, hann verður settur í tilhaldskommunuskatt til hennara.

    Í 5. stk í hesi grein verður ásett, at skattskyldan til atvinnukommununa hjá feløgum tekur við, tá felagið tekur upp skattskyldugt virksemi í atvinnukommununi og heldur uppat, tá virksemið heldur uppat. Tá feløgini smb. hesa lóg ikki koma undir samtíðarskattaskipanina, men framvegis verða at skatta afturút av inntøkuni í inntøkuskeiðinum framman undan skattaárinum, vil tað siga, at skatturin av atvinnuinntøkuni í tí fyrsta inntøkuskeiðinum verður álíknaður og fellur til gjaldingar saman við skattinum til heimstaðarkommununa fyri avvarðandi inntøkuskeið í skattaárinum aftan á útgongu roknskaparskeiðsins.

    Skatturin av atvinnuinntøkuni í inntøkuskeiðinum frá seinastu skattseting, og fram til virksemið í atvinnukommununi verður niðurlagt, skal somuleiðis álíknast og gjaldast samstundis við skattinum, sum álíknaður verður í heimstaðarkommununi fyri avvarðandi inntøkuskeið. Reglan í núverandi lóg, sum ásetur, at tá virksemið heldur uppat í atvinnukommununi, skal gerast ein serstak líkning fyri inntøkuna í atvinnukommununi fyri hetta seinasta inntøkuskeiðið, verður sostatt avtikin. Felagið er støðugt skattskyldugt til heimstaðarkommununa, og verður hetta seinasta inntøkuskeiðið í atvinnukommununi álíknað á vanligan hátt, og skatturin fluttur til hennara sum vanligt í skattaárinum aftaná.

    Tað er sostatt bert, tá ið virksemið hjá felagnum sum heild verður niðurlagt, at tað verður gjørd ein serstøk líkning beinanvegin, avtøkan er gjørd, ella felagið hevur tikið upp skattfrælst virki.

    Í 50. gr. verður nú ásett, at skattgjaldari bert skal senda inn sjálvuppgávu til tilhaldskommunu sína, eins og fyribilsskattaskráseting hjá persónum bert skal gerast í tilhaldskommununi. Sjálvuppgávan og fyribilsskattaskrásetingin skal fevna um allar inntøkur skattgjaldarans, bæði tær úr atvinnukommununi og tær úr tilhaldskommununi.

    Atvinnukommunan hevur rætt til kommunuskattin av teimum inntøkum, sum stava frá atvinnuni, og smb. 51. gr. skal hon eisini hjá persónum álíkna hesa inntøku. Atvinnukommunan hevur tí krav upp á at fáa sendandi alt tilfar, sum snýr seg um atvinnuinntøkuna, frá tilhaldskommununi. Tilfarið skal kannast og inntøkan álíknast í atvinnukommununi, eins og inntøkan verður tikin við á skattalistan har, men eingin uppgerð skal sendast skattgjaldaranum úr atvinnukommununi. Verður broyting gjørd í atvinnuinntøkuni, skal atvinnukommunan boða tilhaldskommununi frá hesum, og verður broytingin síðan innroknað í samanlagdu skattaupphædd skattgjaldarans.

    Hjá feløgum eru somu reglur galdandi fyri innsending av sjálvuppgávu, men her skal eins og eftir núgaldandi lóg heimstaðarkommunan standa fyri allari álíkningini, og fær atvinnukommunan síðan kommunuskattin av tí inntøkuni, sum er vunnin í kommununi.


    Í 52. gr. verður síðan ásett, at persónligar frádráttir, sum ikki hava samband við atvinnuinntøkuna, sum t. d. hall og avskriving av skipspørtum v. m., og sum eftir núverandi lóg bert kunnu verða frádrignir í tilhaldskommununi, verða nú eisini loyvdir at flyta til frádrátt í atvinnukommununi, men tó bert í tann mun, teir ikki rúmast í inntøkuni í tilhaldskommununi. Frádrátturin verður sostatt fyrst og fremst givin í tilhaldskommununi, men um henda inntøka vísir hall, verður nú loyvt at flyta hallið til atvinnukommununa. 2. stk. í 52. gr. er óbroytt frá galdandi lóg, og verða her viðgjørd tey føri, har frádrátturin fyri rentu av eginskuld ikki rúmast í kommunuskattinum í tilhaldskommununi. Hetta kemur fyri, tá mest sum øll inntøkan er atvinnuinntøka, og kommununskatturin tí er fluttur til atvinnukommununa. Nú ber til at flyta rentufrádráttin til atvinnukommununa í tann mun, hann ikki rúmast innan fyri kommunuskattin til tilhaldskommununa.

    Smb. 53. gr. er atvinnukommununi heimilað at sleppa kravinum um atvinnuskatt, um hon metir, at tann kommunuskattur, ið verður roknaður av atvinnuinntøkuni er so lítil, at tað ikki er ómakin vert at krevja hann inn.


    Viðmerkingar til 6. kapittul
    Í hesum kapitli verða nærri reglur ásettar um, hvussu skatturin til kommunurnar og landskassan skal krevjast inn. Tó verður avgjaldið av vinningsbýti kravt inn eftir reglunum í 30.gr. Her skal annars verða víst til tær meira almennu viðmerkingarnar í byrjanini, har sum greitt varð frá muninum millum núverandi innkrevjingarskipan og ta skipan, sum verður skotin upp í hesum lógaruppskoti.

    Til tær einstøku greinirnar kunnu annars verða gjørdar hesar viðmerkingar:

    54.gr. Í galdandi skattalóg eru reglurnar um, hvussu skatturin til landskassan fyri persónar, feløg, deyðsbúgv v. m., sum hava fulla ella avmarkaða skattskyldu her á landi,tiknar við í einum kapitli fyri seg. Nú verður í staðin skotið upp, at reglurnar um skattaútrokning og hvørjir frádráttir, sum skulu veitast í tí útroknaða skattinum, verða ásettar í serstakari løgtingslóg.

    55. gr. Tær nýggju innkrevjingarreglurnar verða nýttar til uppkrevjing av bæði lands-, kommunu- og kirkjuskatti, og verða tær nýttar bæði, tá tað snýr seg um skattskyldugar persónar og skattskyldug deyðsbúgv.

    56. gr. Her verður álagt landsstýrinum at gera nærri reglur um, hvussu sjálv innheintingin av skattinum skal verða løgd til rættis, samstundis sum álagt verður kommununum at útvega innheintingarvaldinum allar teir upplýsingar, sum tað heldur verða neyðugt fyri at skatturin kann verða kravdur inn eftir reglunum í hesi lóg.

    57. gr. Inntøkuskatturin skal, alt eftir hvørjum slag av inntøkum hann verður roknaður av, antin verða eftirhildin í inntøkuni við fyribilsgjøldum við hvørja útgjalding sær, ella verða goldin sum fyribilsgjøld sambært skattarokning. Fyribilsskattur, sum verður hildin eftir í inntøkuni sambært 63. gr. verður nevndur A-skattur, og fyribilsskattur, sum verður goldin sambært skattarokning, verður nevndur B-skattur í hesum lógaruppskoti.

    58. gr. Henda regla ásetur, at í princippinum skal fyribilsskatturin, sum verður kravdur í inntøkuárinum, svara til tann endaliga skattin, sum verður álíknaður aftan á, at álmanakkaárið er lokið. Hetta er galdandi eins væl fyri A- sum B-skatt. Til tess at henda regla kann verða hildin so langt tað er gjørligt, verður eisini skotið upp, at tá fyribilsskattur verður útroknaður og innkravdur, verður roknað við somu frádráttum, sum hin skattskyldugi kann ætlast at hava í øllum inntøkuárinum t. e. tá endaliga álíkningin verður gjørd, eins og roynt verður at meta um inntøkuna hjá einum B-skattaborgara so neyvt sum gjørligt soleiðis, at hon kemur at svara til hansara samanløgdu ársinntøku. Í hesum sambandi kann verða víst til 76. gr., sum gevur einum skattaborgara møguleika til at gjalda inn fyribilsskatt aftur at tí hann hevur goldið í árinum, og til 75. gr., sum gevur skattamyndugleikunum heimild til at gjalda einum skattaborgara pening aftur, um mett verður, at hann hevur goldið ov nógvan fyribilsskatt, eins og møguleiki er fyri at lata vera við at halda aftur skatt í A-inntøkuni, um mett verður at inntøkan ikki fer upp um eina ávísa upphædd jvmt. 72. gr.

    59. gr. Her kunnu verða gjørdar tær viðmerkingar, at ein treyt fyri, at kommunurnar kunnu áseta skattaprosentið innan 1. oktober, er, at tær longu í september mánaði hava samtykt eina fíggjarætlan, sum skal galda frá 1. apríl árið eftir. Samstundis sum hetta skattaprosent eisini skal verða galdandi fyri seinasta ársfjórðing av galdandi fíggjarári. Sí í hesum sambandi viðmerkingarnar til 4. kap. um áseting av kommunuskattaprosentinum.

    60. gr. Tá ið støða skal takast til, hvørjum slag av inntøkum fyribilsskattur skal verða hildin eftir í við hvørja útgjalding sær, og hvørjar inntøkur skattur skal verða kravdur í sambært rokning,eigur at verða hugsað um, at tað skynsamsta er at krevja skattin inn sum A-skatt, so hvørt inntøkan verður útgoldin, tí tá kann fyribilsskatturin altíð verða javnaður soleiðis, at hann kemur at svara til endaligu ársinntøkuna. Verður skatturin harafturímóti kravdur inn sambært rokning, og broytist inntøkan sum er løgd til grund, so hevði tað verið neyðugt at broytt fyribilsskattin gjøgnum árið, um vit í øllum førum skuldu kravt at fyribils goldin skattur skuldi svarað til endaliga álíknaða skattin. Hetta letur seg tó ikki gera í royndum.

    Tá hugsað verður um hetta, eiga reglurnar at verða soleiðis, at fyribilsskattur verður eftirhildin í inntøkuni, har tað gerst uttan óneyðugan ampa fyri skattaborgaran og skattamyndigleikarnar. Tær inntøkur, sum tí skulu roknast sum A-inntøkur, eiga tí at vera slíkar, sum fyri tað mesta verða avroknaðar móttakara sum nettoinntøkur. Teir frádráttir, sum undir slíkum umstøðum verða loyvdir í inntøkuuppgerðini og skattaútrokningini, verða tí vanliga slíkir, sum ikki broytast ár um ár (oftast standardfrádráttir) soleiðis, at lagt kann verða upp fyri teir, tá skatturin skal roknast av tí einstøku útgjaldingini.

    Henda áskoðan er løgd til grund fyri reglunum í 1. stk. nr. 1 - 7, tá avgjørt skal verða um ein inntøka skal roknast sum A-inntøka ella ikki. Reglan skal skiljast soleiðis, at bert tær inntøkur, ið nevdar eru í 1. stk. nr. 1 - 7 og tær inntøkur tøkur sum sambært 2. stk. eftir nærri reglum frá líkningarráðnum num skulu verða roknaðar sum A-inntøkur koma undir regluna um, at skattur skal eftirhaldast, tá tær verða útgoldnar, meðan allar aðrar inntøkur verða roknaðar sum B-inntøkur. Onnur treyt er eisini, at inntøkan sambært vanligu reglunum í skattalógini kann roknast sum skattskyldug inntøka hjá móttakara, og at móttakarin lýkur treytirnar fyri at verða skattskyldugur her á landi.

    nr. 1. reglurnar í nr. 1 eru fyri allar vanligar A-inntøkur, sum ru agdar inn í peningi fyri "persónligt arbeiði í tænastu fyri onnur". Eingin munur er á, um arbeiðið verður gjørt í almennari tænastu ella fyri privatan arbeiðsgevara, eins og eingin munur er á, um arbeiðið verður gjørt í vinnuvirki arbeiðsgevara ella við hús hjá honum.

    Inntøkur, sum verða vunnar í sjálvstøðugum vinnuvirki, koma ikki undir hesa reglu. Tílíkar inntøkur hóska ikki til, at skattur verður hildin eftir í teimum, av tí at tær vanliga ikki eru nettoinntøkur hjá móttakara. Av hesari orsøk er tað veruliga ógjørligt at afturhalda í tílíkari inntøku. Inntøka av sjálvstøðugum vinnuvirki verður tí fyribilsskattað og kravd upp við skattarokning.

    Vanliga kunnu vit eisini ganga út frá, at ein inntøka sum gevur rætt til lønatakarafrádrátt ella koyrifrádrátt sambært 33. gr. 7) og 8), eisini skal verða roknað sum A-inntøka, og eisini umvent har vit ikki geva loyvi til løntakarafrádrátt, kunnu vit heldur ikki vanliga rokna inntøkuna til A-inntøku.

    Í flestum førum verður tað neyvan trupult at gera av, um tað er "persónligt arbeiði í tænastu fyri onnur", sum eftir hesum reglum treytar, at ein inntøka verður roknað sum A-inntøka,um hin skattskyldugi ger arbeiði, sum arbeiðsgevarin áleggur honum og fyri arbeiðsgevarans rokning. Øvugt ber oftast til at gera av, nær eitt arbeiði fellur uttan fyri hesar reglur, tí tá snýr tað seg oftast um sjálvstøðugt vinnuvirki. Men uttan iva fer tað í mongum førum at koma fyri, at tað verður trupult at gera av, um ein inntøka er vunnin í "persónligum arbeiði í tænastu fyri onnur" ella ikki. Eitt sum í hesum viðfangi kann fáa týdning, er t. d., at sum inntøka av sjálvstøðugum vinnuvirki kann verða roknað inntøka, sum sjálvstøðugur vinnurekandi hevur av, at hann hevur sett seg niður í egnum høli, t. d. í handli, verkstaði, skrivstovu, heilsubótarstovu, teknistovu v. m., og arbeiðið heilt ella lutvíst verður gjørt í hesum hølum.

    Eisini kann verða lagt sum grund fyri avgerðini, um tað snýr seg um ein sjálvstøðugan vinnurekandi, um hann við lýsing, skelti, e. l. týðiliga vísir, at hann/hon er yrkisfólk á ávísum øki, sum tekur á seg arbeiði av ávísum slag. Onnur dømi kunnu verða nevnd her, sum kunnu tala fyri, at tað snýr seg um ein sjálvstøðugan vinnurekandi t. d. um hann:

    hevur rætt til at taka persónar í læru, ella yvirhøvur tekur sær hjálparfólk,
    leggur til rættis, býtir sundur og hevur eftirlit við arbeiðinum num uttan aðra leiðbeining frá arbeiðsgevara enn møguliga at hava fingið eina tekning v. m. yvir, hvussu arbeiðið skal gerast,
    heilt ella lutvíst letur tilfarið til arbeiðið,
    hevur fíggjarligu ábyrgdina av, at arbeiðið verður gjørt,
    hevur avmarkaða ábyrgd til umbidna arbeiðið,
    hóast umbidna arbeiðið ikki er frágjørdur frá at taka á seg annað arbeiði,
    fær samsýning útgoldna eftir rokning, og at alt ikki verður goldið fyrr enn arbeiðið er gjørt sum avtalað, og møgulig brek rættað, krevur serstaka góðkenning, loyvi o. l., og at hann hevur hesi loyvi.

    Harafturímóti verður sum stuðul fyri, nær tað snýr seg um "persónligt arbeiði í tænastu fyri onnur" t.d. nýtt, at inntøkumóttakarin bert hevur ein og sama arbeiðsgevara,.sk 0 at hann hevur gjørt avtalu um framhaldandi arbeiði,.sk 0 at inntøkumóttakari verður at rokna sum løntakari, ið hevur rætt til frítíðarløn eftir frítíðarlógini,

    at hann er settur í starv eftir starvsmannalógini ella kemur undir lógina um arbeiðaravernd,
    at inntøkan er nettoinntøka hjá honum,
    at inntøkan er roknað sum løn fyri vanliga tænastu, t. d. sum tímaløn, vikuløn, mánaðarløn, ómaksløn, akkordløn v. m.

    Ein onnur treyt fyri at nýta hesar reglur er, at samsýningin verður latin í peningi. Samsýning sum fríur ágóði kemur ikki undir A-inntøku. Men harafturímóti hevur tað ongan týdning, í hvørjum líki lønin verður latin, tí upp í A-inntøku verður roknað samsýning í peningi, ið verður latin fyri "persónligt arbeiði í tænastu fyri onnur" uttan mun til, um hon er føst løn, tímaløn, akkordløn, tantieme, ómaksløn ella gjald. Heldur ikki hevur tað týdning, um tað snýr seg um ein høvuðspartaeigara í einum felag, ella tað snýr seg um ein stjóra ella annan persón, sum hevur oddastarv í eini fyritøku, og tí hevur fólk undir sær, eins og tað heldur ongan týdning hevur, um talan er um høvuðsvinnu ella hjávinnu.

    Verður lønin goldin sum fríur ágóði, t. d. sum frítt uppihald ella sum fríur kostur o. t., so verður hetta roknað sum B-inntøka. Hevur hin skattskyldugi eisini A-inntøku, so kann peningsvirðið av slíkum fríum ágóðum mótroknast í møguligum frádráttum, og soleiðis verða tikin við sum A-skattur beinanveg. Upphæddir, sum verða útgoldnar sum endurgjald fyri ferðing, og annars til meirútreiðslur í hesum sambandi av einum arbeiðsgevara til ein løntakara, verða hvørki roknaðar sum A- ella B-inntøkur.

    Reglurnar í 1. stk. nr. 2 - 7 fevna um veitingar, sum eins og lønarinntøka fyri tað mesta er nettoinntøka hjá móttakara ella inntøkusløg, sum eyðkenniliga hava samband við fyrrverandi tænastuviðurskiftini hjá persóninum. Her verður hugsað um inntøkur, eitt nú sum samsýning sum limur av ella sum hjálp hjá stjórn, nevnd, umboð, ráð o. ø. eins og pensjón, bíðipeningur, arbeiðsloysisstudningur v. m.

    Í 2. stk. verður ásett, at inntøkur, sum vanliga ikki verða oknaðar at verða A-inntøkur eftir l. stk., eftir fyriskipan líkningarráðsins kunnu roknast sum A-inntøkur. Her verður hugsað um t. d. søluprovisiónir og samsýningar, sum útgoldnar verða fyri sjálvstøðugt arbeiði, og har lønin er nettoinntøka hjá móttakara t. d. hjá sýns- og metingarmonnum og fyri líknandi andi arbeiði.

    Víðari verður í 2. petti í 2. stk. ásett, at líkningarráðið kann gera av, at eisini avreiðing av fiski v. m. verður at rokna sum A-inntøka. Her verður í fyrsta lagi hugsað um bátar, sum trupult kann verða at fáa skattin inn frá, og sum avreiða til flakavirki og aðrar fiskakeyparar.

    Flakavirkið ávísir tá bruttoupphæddina gjøgnum afturhaldsskipanina, og í henni kann so ein minni upphædd verða eftirhildin, sum svarar til skattin hjá bátseigaranum. Eisini kann hugsast, at bátseigarin ikki avroknar manningarpartarnar gjøgnum afturhaldsskipanina, og tí gerst neyðugt at krevja skattin inn hjá manningini eisini við at lata flakavirkini ávísa alla bruttoupphæddina gjøgnum afturhaldsskipanina. A-skattur hjá manningini verður tá afturhildin, men bátsparturin kann møguliga óskerdur verða útgoldin eigaranum/bátsformanninum. Útgjaldingar frá Lønjavningargrunninum verða tá viðgjørdar á sama hátt.

    Nærri fyriskipanir um hetta kunnu verða gjørdar av líkningarráðnum við kunngerð.

    61.gr. Her verður hugsað um lønarinntøkur frá útlendskum arbeiðsgevarum, sum ikki eru ávísingarskyldugir í Føroyum, eitt nú hýra við útlendskum bátum og inntøka í Grønlandi, sum verður skattað í Føroyum. Hesar inntøkur verða útgoldnar sum higartil uttan at skattur verður eftirhildin. Móttakarin av hesi inntøku verður sostatt roknaður sum B-skattaborgari, og verður hann forskotsskrásettur við einum mettum fyribilstali, sum hann rindar skatt av smb. rokning, sí gr. 71.

    Her skal tó nevnast, at um tann útlendski arbeiðsgevarin hevur fulltrúa fyri seg, sum hevur heimating her á landi, verður hesin seinni skyldugur at ávísa inntøkurnar gjøgnum afturhaldsskipanina, sí her gr. 63, 1. stk.

    62. gr. Í hesi grein verður ásett, at líkningarráðið kann gera av, at inntøka, sum vanliga hevði verið at roknað sum A-inntøka eftir 60. gr., ikki skal vera tað. Líkningarráðið fær her heimild at gera av, at inntøka, sum vanliga hevði verið A-inntøka, og sum tískil skuldi verið útgoldin gjøgnum afturhaldsskipanina, í førum har hetta vil vera óvanliga trupult, ístaðin verður at rokna sum B-inntøka, sum útgoldin kann vera, uttan at eftirhildið verður. Líkningarráðið ger nágreiniliga reglugerð hesum viðvíkjandi.

    Í 2. stk. verður ásett, at líkningarráðið í ivamálum ger av, um inntøka er A- ella B-inntøka. Um hesa avgerð kann kærast til Føroya Landsstýri.

    63. gr. Í hesi grein verða ásettar reglurnar fyri afturhaldsskipanini, og virkar hon í høvuðsheitunum soleiðis, at arbeiðsgevari, sum skal útgjalda løn, letur avrokningarstaðnum lista yvir teir persónar, ið løn skulu hava, við upplýsingum um persónsnummar, navn, bruttoupphædd hjá hvørjum lønmóttakara sær og møguliga kontonummar hansara, umframt egið navn og arbeiðsgevaranummar. Samstundis rindar hann avrokningarstaðnum upphædd svarandi til samanløgdu lønarupphæddina. Avrokningarstaðið gevur dátu-skránni hjá skattavaldinum hesar upplýsingar á on-line skermi, tape, diskettu e. l.

    Dátu-skráin viðger hesar upplýsingar í egnari dátukoyring, sum er stongd fyri avrokningarstaðnum, har fyribilsskattur fyri hvønn løntakara sær verður útroknaður. Í hesi dátu-viðgerð verður samanlagda skattaupphæddin ávíst til konto landskassans. Tær einstøku nettolønirnar eru nú greiðar til útgjaldingar á tann hátt, sum arbeiðsgevarin hevur ávíst, antin á konto hjá løntakaranum, ella aftur til arbeiðsgevara, sum so rindar løntakaranum peningin í hondina.

    Tá lønarupphæddirnar verða ávístar til kontonummarið hjá hvørjum løntakara sær, verður á hesa konto bókað bruttoløn og skattur í tveimum upphædddum, so móttakarin á kontoavriti/bankabók kann fylgja hvørji lønarútgjalding og tí eftirhildna skattinum.

    Um øll tann samanlagda nettolønin skal ávísast aftur til arbeiðsgevaran/konto hansara, má dátu- skipanin harumframt skriva ein lista út til arbeiðsgevaran við upplýsingum um bruttoløn, hvussu nógv er eftirhildið, og hvussu nógv skal gjaldast hvørjum løntakara sær. Eisini skal skipanin skriva eitt eintak til løntakaran við somu upplýsingum.

    Soleiðis sum skipanin er uppbygd, verða lønarupphæddir, sum ávístar eru til gjaldingar ein dag, í fyrsta lagi greiðar til útgjaldingar næsta dag, og er í sáttmálanum við peningarstovnarnar ásett, at hetta millumbil í mesta lagi kann vera 2 arbeiðsdagar.

    Um løntakari ynskir løn sína útgoldna beinanvegin, kann tað tó verða gjørt við, at arbeiðsgevarin letur honum ein "lønarkekk", sum kann verða útloystur beinanvegin í øllum peningastovnum, men verður tá eftirhildið við tí hægstloyvda %-tali í lógini.

    Sum høvuðslykil til skattaskránna verður nýtt tað persónsnummarið, sum øll, ið búgva í Føroyum, fáa. Teir persónar, sum dvølja her stutta tíð, og tískil ikki verða skrásettir í fólkayvirlitinum, fáa einki persónsnummar. Um teir fáa inntøku av einhvørjum slag, kunnu teir ikki fáa hana útgoldna gjøgnum afturhaldsskipanina, uttan at teir fyrst hava vent sær til skattavaldið á staðnum, ið letur teimum eitt serstakt nummarprógv, sum arbeiðsgevarin skal nýta í lønarávísing síni.

    Í lógini er her ásett, at mótkrav ikki kann gerast í tí eftirhildna skattinum, hvørki av arbeiðsgevara ella peningastovni. Harumframt verður í sáttmálanum millum Føroya landsstýri og peningastovnarnar avtalað, at peningastovnarnir heldur ikki kunnu seta mótkrøv í nettolønini.

    64. gr. Í hesi grein verður ásett, at vanliga má ikki eftirhaldast meir enn 50 % av eini A-inntøku, sum útgoldin verður gjøgnum skipanina. Tó verður henda %-upphædd hækkað til 55, tá skattgjaldarin hevur fingið írestandi skatt fluttan frá seinastu astu álíkning til innkrevjingar saman við tí nýggja skattinum. Eisini verður her víst til 136. gr., 2. stk., har hægst loyvda % er ásett til 65, tá skattgjaldarin er í eftirstøðu við skatti, sum stavar frá tíðini áðrenn henda lóg verður sett í gildi.

    65. gr. Her verður víst til viðmerkingarnar til 61. gr., síðsta punktum.

    66. gr. Henda grein gevur landsstýrinum heimild til at samráðast við ríkisstjórnina um, at lønarupphæddir, sum verða útgoldnar persónum, sum eru undir fullari ella avmarkaðari skattskyldu í Føroyum, av arbeiðsgevara, sum hevur heimating í Danmark, og sum sostatt smb. 61. gr. b) ikki verða roknaðar sum A-inntøkur, kortini skulu koma undir eina afturhaldsskipan, og at hesin afturhildni peningurin skal avroknast við Føroyar.

    67. gr.- 76. gr. Smb. hesum greinum verður stovnað ein skattaskrá, sum verður grundarlag undir allari álíkning. Í fyrstu syftu verða í fyribilsskattaskrásetingini allir teir persónar, sum eru skattskyldugir í hvørji kommunu sær, skrásettir, og verða allar tær upplýsingar skrásettar, sum hava týdning, tá skatturin verður útroknaður, so sum rentufrádráttur, barnatal, hjúnabandsstøða, o.a.

    Tær upplýsingar, sum skrásettar eru í fyribilsskattaskrásetingini kunnu tó verða broyttar í inntøkuárinum, um so er, at inntøka ella frádráttir broytast munandi, bæði tá skattgjaldarin ynskir tað, og tá skattavaldið metir hetta at vera neyðugt.

    Fyriskipanin í 72. gr. kann sammetast við fríkortskipanina í donsku og norsku skattaskipanini, og sum dømi kann nevnast skúlaungdómur, sum í frítíðini vinnur sær nakað av peningi, men sum ársupphæddin hjá er minni enn allur skattligi frádrátturin. Hesi kunnu við at lata inn spurnablað fáa upplýst, hvussu nógv tey kunnu vinna árliga uttan at rinda skatt.

    Fyribils B-skatturin verður at gjalda smb. rokning í l2 gjøldum, sum falla til gjaldingar hvønn tann 1. við vanligari gjaldsfreist.

    Skattavaldinum er heimilað at gjalda út av fyribils inngoldnum upphæddum, um mett verður, at endaligi ársskatturin verður munandi lægri enn tað, ið longu er inngoldið.

    Um skattgjaldari í inntøkuárinum varnast, at hann hevur goldið ov lítlan skatt eftir fyribilsskrásetingini í mun til tað, hann metir endaliga skattin at verða, er møguligt hjá honum at gjalda inn eyka fyribilsskatt. Varnast hann hetta, tá inntøkuárið er at enda, hevur hann møguleika fram til 31. mars, at inngjalda ein møguligan írestandi skatt og soleiðis sleppa undan tí eykagjaldi upp á 12 %, ið ásett er í 78. gr., 2. stk.

    77. gr. Í hesi grein verður ásett, hvussu endaligi skatturin verður mótroknaður teimum fyribils inngoldnu upphæddunum. Tá inntøkuárið er at enda, verður innlatin sjálvuppgáva av øllum inntøkum og útreiðslum, og verður tá ein endaligur skattur útroknaður. Her verða mótroknaðar tær upphæddir, sum inngoldnar eru sum fyribilsskattur bæði gjøgnum afturhaldsskipanina og smb. útskrivaðari skattarokning. Harumframt verða mótroknaðar tær upphæddir, sum av eintingum eru inngoldnar smb. 76. gr., eins og tær upphædddir, sum goldnar eru smb. 130. gr., meðan tað, sum útgoldið er smb. 75. gr. Verður lagt afturat.

    78. gr. Um tann endaligi skatturin er hægri enn tær fyribils inngoldnu upphæddirnar smb. uppgerðina í 77. gr., verður hesin munur nevndur "írestandi skattur", og afturat hesum verður goldið eitt eykagjald uppá 12 %.

    Í hesi grein verða ásettar reglurnar fyri gjalding av írestandi skatti.

    1. Er írestandi skatturin íroknað eykagjald v. m. minni enn 5000 kr., og er endaliga álíkningin útskrivað innan 1. oktober í álíkningarárinum, verður hann at gjalda saman við næsta árs A- og B-skatti; hjá A-skattgjaldaranum við at leggja eitt eykaprosent í afturhaldskipanina, og hjá B-skattaborgaranum við at tann írestandi skatturin verður roknaður upp í næsta árs fyribilsskatt og verður útskrivaður saman við hesum skattarokningunum.

    2. Allur annar írestandi skattur, enn tann sum nevndur er undir 1, verður uppkravdur við rokning á henda hátt:

    a) Írestandi skattur við íroknaðum eykagjaldi v.m. størri enn 5ooo kr. og útskrivaður fyri 1. oktober eins og allur írestandi skattur útskrivaður millum 1. oktober og 1. januar, verður býttur í 3 gjøld, og falla tey til gjaldingar 1. januar, 1. februar og 1. mars, við somu gjaldsfreistum sum fyribils B-skatturin í inntøkuárinum.

    b) Allur írestandi skattur, tá endaliga álíkningin er útskrivað eftir 1. januar, verður býttur í 3 gjøld eins og undir a) og falla tey til gjaldingar hvønn tann 1. í teimum 3 eftirfylgjandi mánaðunum.

    Harumframt verður í hesi grein ásett, á hvønn hátt írestandi skattur v. m. verður uppkravdur hjá persónum, sum skattskyldan er burturfallin hjá, tá næsta inntøkuárið byrjar, antin vegna burturflyting ella andlát.

    Hjá persóni, har inntøkan við byrjan av næsta inntøkuári er burturfallin, verður tann írestandi skatturin kravdur inn smb. omanfyristandandi reglum fyri innkrevjing av írestandi skatti, sum útskrivaður er aftan á 1. oktober.

    Viðv. innkrevjing av eftirstøðum verður víst til 136. gr.

    79. gr. Um tann endaligi skatturin er lægri enn tær fyribils inngoldnu upphæddirnar smb. uppgerðini í 77. gr., verður hesin munur nevndur "avlopsskattur", og verður hann, um hann er størri enn 25 kr., afturgoldin skattgjaldaranum við einum eykagjaldi upp á 12% afturatløgdum.

    Um avlopsskatturin stavar frá teírri sjálvbodnu inngjalding, sum nevnd er í 76. gr., verður ikki latið eykagjald av hesum upphæddum, eins og eykagjald heldur ikki verður latið av upphæddum oman fyri 100.000 kr.

    Afturgjaldingin fer fram í tíðini frá 1. oktober til 1. desember í álíkningarárinum. Verður avlopsskatturin ikki útgoldin fyrr enn aftan á 1. desember, ber hann rentu við 1% fyri hvønn mánað frá nevnda 1. desember.

    80. gr. Um endaliga álíkningin fyri ávíst inntøkuár seinni verður broytt, og longu útroknaður írestandi skattur ella avlopsskattur sostatt verður broyttur, verður hesin munur, við teimum ískoytum og rentum, ið ásett eru í hesi grein, afturatløgdum ella frádrignum, javnaður eftir somu reglum sum fyri írestandi skatt og avlopsskatt, og er harafturat ásett, at afturgjalding smb. hesi grein skal verða gjørd innan mánaðurin, sum kemur aftan á broytingardagin, er úti.

    81. gr. Í hesi grein verður ásett, at partafeløg og tey feløg v. m., sum nevnd eru í 1. gr. nr. 7 - 14, skulu rinda skattin fyri tað inntøkuár, sum fellur saman við ella endar í álmannakkaárinum undan álíkningarárinum, í álíkningarárinum í trimum gjøldum, tann 1. oktober, 1. november og 1. desember við vanligari gjaldsfreist til 20. í gjaldsmánaðinum.

    Um hesin skattur, orsakað av eini broyting í álíkningini, verður hækkaður, fellur hækkingin til gjaldingar tann 1. í mánaðinum, aftan á at rokning er útsend við vanligari gjaldsfreist. Verður gjaldsfreistin ikki hildin, verður renta roknað við 1 % fyri hvønn byrjaðan mánað frá gjalddegnum. Í hesum sambandi verður eisini víst til 142. gr., 1. stk. Um broytingin í álíkningini hevur við sær, at skatturin verður lækkaður, skal ov nógv inngoldni skatturin gjaldast aftur innan 20. í mánaðinum, aftan á at broytingin er útsend. Ov nógv goldni skatturin ber rentu við 1 % fyri hvønn byrjaðan mánað frá inngjaldingardegnum at rokna.

    82. gr. Í hesi grein verður ásett, at skattgjaldari altíð kann biðja um eitt avrit, sum fyri farna part av árinum vísir, hvussu stór tann inntøka er, sum goldin er honum um afturhaldsskipanina, og hvussu nógv er eftirhildið i henni.

    83. gr. Í hesi grein verður greitt frá, hvussu inngoldin kommunu- og kirkjuskattur verður avroknaður hvørji kommunu sær.

    Allur lands-, kommunu- og kirkjuskattur verður inngoldin á konto landskassans. Landskassin rindar innan tann 20. í hvørjum mánaði hvørji kommunu sær eina upphædd, sum svarar til hennara part av teimum inngoldnu fyribilsskattunum í mánaðinum frammanundan. Hetta verður gjørt fyri hvønn mánað í árinum. Seinasta fyribilsavrokning fyri eitt ávíst inntøkuár verður sostatt goldin kommununi stutt eftir árslok, innan 20 januar. Tann næsta avrokningin til kommununa verður tá fyri næsta inntøkuár.

    Dømi: Inntøkuárið 1986.- Fyribilsskattaskrásetingin í kommununi vísir ein samanlagdan fyribils álíknaðan skatt upp á 3.000.000 kr., og verður hetta tal nýtt, tá kommunan ger fíggjarætlan sína og ásetur kommunuskattaprosentið.


    Avrokningin til kommununa kann koma at síggja soleiðis út:

    Avrokningkrónur
    Januar215.000
    Februar205.000
    Mars200.000
    Apríl180.000
    Mai250.000
    Juni280.000
    Juli300.000
    August290.000
    September300.000
    Oktober250.000
    November250.000
    Desember260.000
    Útgoldið tilsamans2.980.000


    Fyribils avrokningarnar til kommununa fyri inntøkuárið l986 halda nú uppat, og í staðin fær kommunan avroknað fyribilsskatt fyri inntøkuárið l987 á sama hátt sum fyri l986.

    Upphæddir fyri inntøkuárið l986, sum vegna ov seint inngoldnan B-skatt, írestandi skatt v.m., eru inngoldnar aftan á 1. januar l987 verða goymdar og avroknaðar kommununi beint aftan á endaligu álíkningina.

    Endaliga álíkningin fyri inntøkuárið l986 verður gjørd 1. oktober l987.

    Endaliga álíkningin í kommununi í frammanfyri nevnda dømi verður t. d. henda:

    • Samanlagdur kommunu- og kirkjuskattur: 3.250.000 kr.
    • Inngoldið pr. 1. oktober l987: 3.100.000 kr.
    • Eftirstøða: 150.000 kr.


    Um hesa endaligu álíkning fær kommunan fráboðan beint aftan á 1. november l987.

    Samstundis fær kommunan eina uppgerð, sum vísir hvussu nógv er avroknað kommununi higartil, og um hon eigur nakað til góðar ella hevur fingið ov nógv útgoldið, t. d. soleiðis:

    Inngoldið tilsamans 3.100.000 kr.
    Fyribils avroknað kommununi tilsamans 2.980.000 kr.
    Ágóði kommununnar 120.000 kr.


    Hesin ágóði er ikki størri enn 5% av allari fyribilsupphæddini, 2.980.000 kr., sum kommunan hevur fingið útgoldna í inntøkuárinum l986, og verður hann tí útgoldin kommununi í einum beinanvegin eftir 1. november 1987.

    Um tann samanlagda avroknaða fyribilsupphæddin í staðin hevði verið 2.750.000 kr., og hini tølini annars høvdu verið tey somu, hevði uppgerðin sæð soleiðis út:

    Inngoldið tilsamans 3.100.000 kr.
    Fyribils avroknað kommununi tilsamans 2.750.000 "
    Ágóði komununnar 350.000 "

    Hesin ágóði er størri enn 5% av samanløgdu fyribilsupphæddini, 2.750.000 kr., og verður tí í november útgoldið 5% av 2.750.0000 kr. = 137.500 kr., meðan tað sum eftir er við einum ískoyti upp á 8% verður goldið kommununi saman við teimum mánaðarligu fyribilsupphæddunum í 12 líka stórum gjøldum.

    Um nú tann samanlagda avroknaða fyribilsupphæddin í staðin hevði verið 3.300.000 kr., og hini tølini annars vóru tey somu, hevði uppgerðin sæð soleiðis út:

    Inngoldið tilsamans frá skattaborgarunum 3.100.000 kr.
    Fyribils avroknað kommununi tilsamans 3.300.000 "
    Ágóði landskassans 200.000 "

    Henda upphædd uttan ískoyti verður mótroknað í teimum mánaðarligu ligu fyribilsupphæddunum í 12 líka stórum gjøldum.

    Árið eftir í oktober 1988 verður endaliga álíkningin fyri inntøkuárið l987 gjørd. Harumframt verður uppgerð gjørd yvir tær broytingar, sum gjørdar eru í álíkningini fyri l986, yvirlit yvir tær upphæddir, sum inngoldnar eru av eftirstøðum frá hesum ári, og yvir upphæddir, sum vegna hækkan og lækkan í skattskyldugu inntøkuni eru inn- og útgoldnar. Uppgerðin kann tá koma at síggja soleiðis út:

    Endalig álíkning 1987 3.650.000 kr.
    Inngoldið frá skattaborgarunum - 3.200.000 kr. + 3.200.000 kr.
    Útistandandi inntøkuárið 1987 450.000 kr.

    Endalig álíkning 1986 3.250.000 "
    Broytingar síðan síðstu uppgerð + 350.000 "
    Nýggj endalig álíkning 1986 3.600.000 "
    Inngoldið frá skattaborgarunum 3.400.000 " + 3.400.000 kr.
    Útistandandi inntøkuárið 1986 200.000 "

    Samanlagt útistandandi 650.000 "

    Fyribils avroknað 1987-álíkning - 3.400.000 kr.
    Fyribils avroknað 1986-álíkning - 3.100.000 kr.
    At gjalda kommununi í einum 1. nov. 1988 100.000 kr.

    Samanumtikið kann sigast, at hesin avrokningarháttur hevur til endamáls at avrokna tær inngoldnu skattaupphæddirnar leypandi í inntøkuárinum, meðan tær upphæddirnar, sum inngoldnar verða aftaná, at inntøkuárið er farið, ikki verða avroknaðar kommununi fyrr enn aftan á at endaliga líkningin er gjørd í oktober mánaði.

    Í mun til núverandi skattaskipan má havast í huga, at tær skattaupphæddirnar, sum inngoldnar verða í inntøkuárinum, eru fyribilsupphæddir. Tann endaligi skatturin kann bæði gerast størri og minni, t.e. at skattaborgararnir antin fáa írestandi ann írestandi skatturin verður innkravdur sum frágreitt varð í 78. gr., og verður hann tí í fyrsta lagi inngoldin til landskassan árið eftir álíkningarárið, meðan avlopsskatturin, sum frágreitt í 79. gr. skal afturgjaldast skattaborgarunum at siga beinanvegin.

    Við ta endaligu álíkningina kemur landskassin tískil í ta støðu, at hann skal gjalda aftur upphæddir til teir skattaborgarar, sum hava fingið avlopsskatt, og kann hetta samanlagt verða stórar upphæddir, tá allar kelduskattaskipanir leggja seg eftir, at tann inngoldni fyribilsskatturin er í hægra lagi.

    Landskassin má tí skipa so fyri, at tann peningur, sum skal afturrindast borgarunum er tøkur, tá tann endaliga álíkningin er liðug. Hetta snýr seg tá um bæði lands-, kommunu- og kirkjuskatt. Um landskassin avroknar allar inngoldnar upphæddir beinanvegin, kunnu tær upphæddir, sum kommunan verður kravd at gjalda aftur til landskassan vegna henda avlopsskattin, og sum tískil, sum ásett í 83. gr. skulu mótroknast í teimum mánaðarligu fyribilsupphæddunum, gerast so stórar, at kommununar koma í fíggjarligar trupulleikar.

    Í hesi lóg er tí skipað soleiðis fyri, at bert tær upphæddir, sum inngoldnar verða leypandi í inntøkuárinum av fyribilsskatti, verða avroknaðar beinanvegin, meðan allar seinni inngjaldingar vegna ov seint goldnan skatt, írestandi skatt, hækkanir o. s. fr. verða samansavnaðar í landskassanum og uppgjørdar hvønn 1. oktober. Tann útgoldni avlopsskatturin verður mótroknaður í hesi uppgerð, og avlopið verður síðani avroknað ella mótroknað kommununum eftir reglunum í 83. gr.

    Í teimum førum tá landskassin hevur ligið inni við peningi, sum kommunan eigur, verður góðskrivað henni ein renta upp á 8 %, meðan kommunan ikki verður kravd eftir rentu, tá hon hevur fingið ov nÓgv útgoldið smb. nevndu uppgerð.

    Viðmerkingar til 7. kapittul
    Sambært løgtingslóg nr 45 frá 29. juni 1972 um føroysku kommunurnar verður ásett í 45. gr., at bygda(r)ráðið velur eina líkningarnevnd, sum sjálvstøðugt tekur sær av álíkningini. Talið á nevndarlimum verður ásett í teirri reglugerð, sum henda lóg áleggur kommunum at gera, og skal hetta tal verða stakt.

    84. gr. Í hesi grein verður álagt bygda(r)ráðnum at skipa fyri skattaálíkningi í kommununi. Til hetta kunnu tær velja eina líkningarnevnd, sum sjálvstøðugt skal taka sær av skattingini í kommununi. Talið á nevndarlimum skal vera stakt. Minst 3 og hægst 5 kunnu veljast, og fyri hvønn av hesum verða eisini valdir tiltakslimir, sum kunnu innkallast, um tí fasta liminum berst frá.

    Henda grein hevur við sær, at neyðugt er at strika 45. gr. í kommunulógini, tá annars bæði kommunulógin og skattalógin høvdu havt reglur um val av líkningarnevndum.

    84. gr. sigur annars bert, at líkningarnevndir kunnu veljast. Landsstýrið kemur í kunngerð at áseta, hvussu nógvar íbúgvar ein kommuna skal hava, tá álagt skal verða henni at velja eina líkningarnevnd. Hugsað kundi verið um, at álagt verður sum higartil øllum kommunum við meira enn 1.000 íbúgvum at velja líkningarnevnd, soleiðis at skilja, at tær kommunur, sum hava færri íbúgvar sjálvar kunnu gera av, um tær velja eina líkningarnevnd til at taka sær av álíkningini, ella at bygda(r)- ráðið sjálvt velur at taka sær av henni.

    2. stk. fyriskipar, at har líkningarnevnd verður vald, skal hon veljast fyri alt valskeiðið. Hetta forðar tó ikki eini kommunu við færri enn 1.000 íbúgvum mitt í einum valskeiði at viðtaka at velja eina líkningarnevnd, sum skal sita tað sum eftir er av valskeiðnum hjá bygda(r)ráðnum. Henda nevnd skipar seg tá eftir reglunum í hesi lóg.

    Nývalda líkningarnevndin heldur so skjótt sum gjørligt, aftan á at hon er vald, sín fyrsta fund. Tann limur, sum hevur verið longst limur í nevndini, ella um fleiri hava verið líka leingi, so tann elsti, kallar inn til fyrsta fundin. Á hesum fundi velur nevndin formann og næstformann fyri alt valskeiðið. Valið fer fram eftir teirri starvsskipan, sum landsstýrið ger sambært 10. stk. í hesi grein.

    Í 3. stk. verður álagt bygda(r)ráðnum at velja nýggjan lim, um ein limur sigur seg úr nevndini. Tiltakslimur hansara kann ikki verða innkallaður uttan so, at hann av bygda(r)ráðnum verður valdur til fastan lim, og skal tá ein nýggjur tiltakslimur limur veljast. Tiltakslimur kann bert verða innkallaður um fasta liminum berst frá at møta.

    Í tí starvsskipan, sum landsstýrið ger sambært 10. stk., verða fastar reglur gjørdar fyri, nær tiltakslimur kann verða innkallaður. Í slíkari starvsskipan eigur at standa, at um tann fasti limurin krevur tað, so skal tiltakslimurin innkallast, og skal hann innkallast, um fasti limurin verður burtur í minsta lagi 1 mánað.

    Sambært 4. stk. er nevndin viðtøkufør tá minst helmingurin av limunum eru á fundi, og skal ein avgerð fyri at hava gildi viðtakast av minst helminginum av teimum, ið eru á fundi. Formaðurin ella í hansara stað næstformaðurin skulu luttaka í øllum avgerðum. Um tað stendur á jøvnum millum atkvøðurnar um eitt uppskot, er atkvøða formansins, ella í hansara stað næstformansins, avgerandi.

    6. og 7. stk. seta reglur fyri, nær ein limur ikki kann taka lut í eini avgerð á líkningarnevndarfundi. Somu reglur galda eisini fyri onnur vald í hesi lóg, sum t.d. líkningarráðið og landsskattanevndina. Ein limur skal sjálvur siga frá, um hann er í iva, um hann kann luttaka í eini avgerð. Líkningarnevndin tekur tá avgerð, um hann hevur slíkan áhuga í málinum, sum er til viðgerar, at hann kann metast ikki at vera luttøkuførur sambært 6. stk. í hesi grein. Um so er, skal hann bæði við viðgerðina og atkvøðuna um málið fara av fundinum, harafturímóti kann hann luttaka í bæði viðgerðini og atkvøðugreiðsluni í nevndini, tá spurningurin verður viðgjørdur, um hann skal fara av fundinum ella ikki, velur hann ikki at fara sjálvur.

    Í 8. og 9. stk. verður møguleiki givin fyri, at bygda(r)ráðið við loyvi landsstýrisins kann veita formanninum og limunum samsýning.

    10. stk. áleggur landsstýrinum at gera eina starvsskipan sum líkningarnevndirnar skulu arbeiða eftir. Slík starvskipan má verða soleiðis háttað, at hon eisini kann nýtast í sambandi við tær deildarskrivstovur, sum umrøddar eru í 85. gr.


    85. gr. Samsvarandi samtykt Føroya løgtings í løgtingsmáli nr. 42/1982 er her skotið upp, at fyrisitingarskrivstovur fyri størri øki verða settar á stovn til m.a. tað endamál, sum nevnt er í hesi grein, nevniliga at taka sær av sjálvari fyrisitingini í sambandi við líkningina, sum bygda(r)ráð og líkningarnevndir, eins og undir núgaldandi skattaskipan, skulu hava um hendur.

    Fyrisitingarskrivstovurnar skulu mannast við fólki frá Líkningarráðnum, soleiðis at tær formliga verða deildarskrivstovur hjá hesum stovni.

    Landsstýrið skal fyriskipa nærri reglur fyri arbeiðsgongd og starvsskipan í sambandi við virksemi hjá deildarskrivstovunum og samstarvið við kommunulíkningarvaldini.

    86. gr. og 87. gr. Her snýr tað seg um, hvussu farið skal verða fram, tá líkningarvaldið á staðnum ikki hevur farið eftir sjálvuppgávuni hjá skattgjaldara, og um møguleikarnir hjá hesum at kæra um eina avgerð, sum er tikin av skattavaldinum. Ongar munandi broytingar eru gjørdar í hesum reglum frá galdandi lóg. Einasta broyting av týdningi er, at í 86. gr. 2. stk. verður loyvt líkningarvaldinum á staðnum at lata kommunuskattafyrisitingina gera álíkningar teirra vegna, og kunnu slíkar avgerðir tiknar av fyrisitingini av einum skattaborgara verða kærdar til líkningarnevndina. Sambært gr. 84, 10. stk. ger landsstýrið nærri reglur fyri, hvussu ein slík starvskipan roynist í verki. Eisini skal verða nevnt, at tá skattaborgari hevur latið inn sjálvuppgávu rættstundis, skal líkningarvaldið, um tað ikki kann góðtaka sjálvuppgávuna, antin biðja hann koma á fund við seg, ella geva honum møguleika til skrivliga at veita greiniligar upplýsingar ella sannanir. Líkningarvaldið skal annars altíð skrivliga gera ein skattaborgara kunnugan við eina broyting í sjálvuppgivnu inntøku hansara, orsøkina til broytingina og møguleikan hjá honum at kæra um broytingina. Slík kæra frá einum skattaborgara skal vera skrivlig, og skal grundgeving fyri kæruni verða við, bæði um hann kærir til kommunulíkningarvaldið ella um hann kærir til landsskattanevndina. Kæra skal verða móttikin av líkningarvaldinum áðrenn 4 vikur eru farnar frá, at skattgjaldarin hevur fingið boð um álíkningina. Avgerðin hjá kommunulíkningarvaldinum kann kærast til landsskattanevndina, og skal slík kæra verða latin inn í seinasta lagi 4 vikur aftan á, at skattgjaldarin hevur fingið boð um avgerðina.

    88. gr. áleggur felags skattaskrásetingini at senda kommununum ein lista fyri l5. januar yvir allar persónar, feløg o. s. fr., sum skulu setast í skatt til kommununa tað árið. Hesin listin skal eisini hava nøvnini á teimum, sum eru avmarkað skattskyldug sambært 2. gr.

    89. gr. Sambært galdandi lóg skal skattalistin leggjast alment fram beint aftan á, at álíkningin í kommununum er liðug, og hevur hetta vanliga verið í mai/juni. Eftir hesum uppskoti verður nú skotið upp, at skattalistin verður framlagdur til alment eftirlit beint aftan á l. oktober. Tá skuldu flestu sjálvuppgávurnar verið endaliga viðgjørdar, soleiðis at endaliga inntøkan kemur at standa á honum, í mun til í dag, tá íð fleiri skattaborgarar ikki eru endaliga álíknaðir, og tí standa á listanum við fyribilstølum. Listin, sum eftir hesum uppskoti verður framlagdur, skuldi tí í allarflestum førum víst ta veruligu skattskyldugu inntøkuna hjá einum skattaborgara. Annars verður her ásett, hvussu fram skal farast, um ein skattaborgari ikki er komin við á listan til álíkningina, og nær listin og annað tilfar, sum álíkningin er gjørd eftir, skal sendast líkningarráðnum.

    90. gr. Her verður bert ásett, hvussu líkningarvaldið skal fara fram, um ein persónur, sum ikki stendur á listanum, av hægri valdi verður skrivaður á listan, samstundis sum freistin hjá slíkum persóni til at senda líkningarvaldinum kæru í er avmarkað til í seinasta lagi 14 dagar frá tí, hann hevur fingið boð um álíkningina.

    91. gr. ásetur, at hvørki skattalistin ella skattaútrokningin ella partur av listanum mega verða almannakunngjørd á annan hátt enn tann, sum er vanligur í kommununi. Hetta vil siga, at t. d. partur av listanum ikki kann verða almannakunngjørdur í dagella vikubløðnum, og at hann, ið almannakunnger listan ella partar av honum á nevnda hátt, ger seg sekan í lógarbroti.


    Viðmerkingar til 8. kapittul.
    Reglurnar um skipan og starv líkningarráðsins eru í síni heild varðveittar óbroyttar í hesi lóggávu.

    Tó eru í 92. gr. 5. stk. og 95. gr. gjørdar broytingar, ið skulu geva ráðnum tær neyðugu lógarheimildirnar til ávísar fyrisitingarligar broytingar, herundir, at ráðið fær nýggjar arbeiðsuppgávur í sambandi við umskipanina av skattaskipanini til samtíðarskatt.

    Her er einamest hugsað um tær fyrisitingareindirnar við starvsfólki settum av líkningarráðnum, sum sambært løgtingssamtykt í løgtingsmáli nr. 42/1982 er samtykt at seta á stovn fyri størri øki. Arbeiðið hjá hesum fyrisitingareindunum fer fyrst og fremst at hava samband við fyribilsskattaskrásetingina, álíkningina og við fyrisitingina av einum arbeiðsgevaraeftirliti.

    Til tess at lýsa hesa skipan nærri kann verða tikið burtur úr teim viðmerkingum, sum vóru til pkt. 6 í uppskotinum til fyrr nevndu løgtingssamtykt.

    Hvat fyribilskattaskrásetingingi viðvíkur, kemur starvsfólkið á fyrisitingareindunum at hava dagligu avgreiðsluna av øllum spurningum fyribilsskattaskrásetingini viðvíkjandi. Sambært viðmerkingunum til løgtingssamtyktina, er her "einamest hugsað um tað arbeiði, sum leypandi fer fram í árinum við at skráseta tilflytarar, broyta samb. fráflytingum, broytingar í samband við giftu, deyða og minkandi inntøkum vegna sjúku ella aldur, broyting av útreiðsluupphæddum vegna lántøku o.t."

    Hvat líkningini viðvíkur, varð hugsanin um at skipa líkningarnevndir fyri størri øki slept í álitinum frá meirilutanum, og líknað skal eins og higartil verða í hvørjari kommunu sær, av tí einstaka bygda(r)ráð ella líkningarnevnd. Fyrisitingarskrivstovurnar fyri størri øki, t. e. umfatandi fleiri kommunur, skulu tó framvegis avgreiða tann fyrisitingarliga partin av hesi uppgávu.

    Hvat endaliga tí sokallaða arbeiðsgevaraeftirlitinum viðvíkur, so stóð í umrøddu viðmerkingum: "Til at standa fyri eftirlitinum við arbeiðsgevarum verður skipað eitt arbeiðsgevaraeftirlit, ið verður stýrt frá líkningarráðnum. Ráðið setir serútbúgvið fólk, ið hevur ábyrgdina av arbeiðsgevaraeftirlitinum."

    Tó verður lagt afturat í viðmerkingini, at dagligi fyristøðumaðurin á fyrisitingareindunum fer "at taka sær av tí regluliga samstarvinum við arbeiðsgevararnar, t. e. hann hjálpir arbeiðsgevarunum í økinum at fáa skipanina at virka og er leiðbeinandi og upplýsandi stovnur í økinum."

    tur her verða víst á, at landsstýrið eftir 85. gr. skal fyriskipa nærri reglur fyri arbeiðsgongd og starvsskipan hjá fyrisitingareindunum ella deildarskrivstovunum og samstarvið hjá hesum skrivstovum við kommunulíkningarvaldini.


    Viðmerkingar til 9. kapittul.
    Smb. galdandi skattalóg skulu kærur verða sendar landsskattanevndini innan juni mánaður er úti, ella áðrenn 4 vikur eru lidnar frá tí, at skattgjaldarin fekk at vita skatt sín.

    Í hesi lóg verða hesar freistir broyttar soleiðis, at kæran einans skal verða latin landsskattanevndini innan 4 vikur eftir, at skattgjaldarin fekk at vita skatt sín, tó soleiðis, at tá, smb. 98. gr. 3. stk., kært verður um, at inntøkan hjá øðrum skattgjaldara helst er ov lág, skal kært verða innan 4 vikur eftir, at skattalistin hevur ligið frammi til alment eftirlit.

    Í 99. gr. 4. stk. er skoytt uppí, at landsskattanevndin, tá hon ger úrskurð um innkomnar kærur, skal grundgeva fyri støðutakan síni.


    Viðmerkingar til 10. kapittul
    Greinirnar við reglum um innlating av sjálvuppgávuni og um avleiðingarnar av ikki at lata hana inn rættstundis eru í støðum nakað broyttar.

    Í 100. gr. 2.stk. er ásett, at nú verður tað líkningarráðið, afturímóti fyrr kommunulíkningarvaldið, sum við serligari kunngerð krevur, at tey sum skulu verða sett í skatt, geva upp skattskyldugu inntøku sína. Í 4. stk. í somu grein eru víðkaðar reglur um, hvørjar upplýsingar líkningarráðið kann áseta, og sum skulu setast á sjálvuppgávuna. M. a. kann verða ásett, at inntøkur, sum ikki skulu roknast upp í skattskyldugu inntøkuna, skulu tilskilast greiniliga. Her verður hugsað um t. d. endurgjald fyri at nýta egnan bil í tænastu arbeiðsgevarans, skattafrían studning, skattafríar viðbøtur til pensiónir, skattafría kostnaðarviðbótin hjá løgtingsmonnum o. l. Orsøkin til at hesar inntøkur kunnu krevjast tilskilaðar er tann, at tær kunnu fáa týdning, tá óbeinleiðis uppgerðir skulu gerast fyri at meta um samsvar er millum møguliga uppsparing og vunnan pening.

    Eisini kann líkningarráðið, í sambandi við møguliga uppgerð av eginnýtslu, krevja, at á sjálvuppgávuni verður tilskilað, um skattgjaldari, sum ikki hevur roknskaparskyldu, hevur havt útreiðslur av størri útveganum í árinum eins og útreiðslur til húshjálp v. m. Somuleiðis kann verða kravt, at upplýsingar, ið kunnu hava týdning fyri fyribilsskattaskrásetingina, verða tilskilaðir á sjálvuppgávuni, so sum nýtikin byggilán o. l. Í 5. stk. í hesi grein er tað petti í galdandi skattalóg tikið burtur, sum sigur, at ikki kann verða kravt, at sundurliðanir verða gjørdar av ogn og skuld í ognaruppgerðini, tá tær frammanundan eru sundurliðaðar í fíggjarstøðuni. Henda fyriskipan er óneyðug, nú kunngerð um minstukrøv til roknskap er lýst at galda.

    Í 101. gr. er tikin burturúr tann regla, ið sigur, at sjálvuppgáva skal sendast teimum, sum í skattaárinum verða skattskyldug, t. d. tilflytarum úr útlondum. Henda regla er uttan týdning í hesi lóg, tá reglurnar í 68. gr. greiniliga siga, hvussu farast skal fram viðv. persónum, ið ikki fyrr eru álíknaðir ella fyribilsskattaskrásettir.

    Galdandi skattalóg talar um teir, ið eru skyldugir at føra góðkendar handilsbøkur, men er henda orðing í hesi lóg broytt til teir, ið skyldugir eru at føra roknskap. Henda broyting er gjørd orsakað av, at nútímans roknskaparførsla ikki longur verður gjørd í løggildum roknskaparbókum, men á leysbløð ella við edv.

    Í 103. gr., 3. stk. er dagbótin, sum kommunulíkningarvaldið og líkningarráðið kunnu døma skattgjaldara at rinda vegna ikki innsendan roknskap, broytt frá 10 kr til 100 kr.

    Reglurnar í 105. gr. um hvør, ið hevur heimild at leingja tær freistir, ið ásettar eru í hesi lóg, fyri innsending av sjálvuppgávu eru broyttar frá núgaldandi skattalóg.

    Smb. galdandi skattalóg hevur kommunulíkningarvaldið heimild at leingja innsendingarfreistina við upp til einum mánaði. Aftan á henda dag hevur bert líkningarráðið heimild at leingja freistina.

    Í hesi lóg verður nú sagt, at líkningarráðið kann gera reglur um, at freistirnar kunnu leingjast, og at kommunulíkningarvaldini bert í serstøkum førum hava heimild at leingja tær freistir, ið ráðið hevur sett.

    Ætlanin við hesi broyting í orðingini er at áseta freistirnar hjá teimum, sum hava roknskaparskyldu soleiðis, at øll ið hava føðingardag í ávísum mánaði, skulu senda inn í seinasta lagi ein ávísan dag, t. d., soleiðis:

    føðingardagur seinasti innsendingardagur

    1/01-31/03 15/2
    1/04-30/06 15/3
    1/07-30/09 15/4
    1/10-31/12 15/5

    Henda mannagongd hevur eisini við sær, at alt tað stóra arbeiði, ið liggur í at geva loyvi til at leingja freistirnar, verður spart. Persónar, sum bert hava lønarinntøku, koma ikki undir hesa reglu, men skulu lata sjálvuppgávuna inn innan 15. februar. Persónar, sum ikki hava havt inntøku í inntøkuárinum, kunnu smb. reglum, ið líkningarráðið ásetur eftir 107. gr., bert senda inn til kommunulíkningarvaldið eina undirskrivaða váttan um hetta, ístaðin fyri at senda eina sjálvuppgávu. Líkningarráðnum er latið upp í hendur at gera slíkar váttanir, ið skulu verða innlatnar við somu freistum sum sjálvuppgávan.

    Í 108. gr. verður sagt, at børn, sum eru undir 16 ár, tá inntøkuárið byrjar, bert skulu lata inn sjálvuppgávu, um tey hava inntøkur, sum nevndar eru í 5. gr. 1. stk.

    Síðan verður sagt í 109. gr., at um gift kvinna hevur havt inntøku av tí slagnum, sum nevnd er í 4. gr. 2. stk., skal hon sjálv lata inn sjálvuppgávu av hesa inntøku.

    Í hesum sambandi er í hesi grein sum nakað nýtt ásett, at hjúnafelagar, ið búgva saman, hava rætt til at gera seg kunnugar við sjálvuppgávurnar hvørt hjá øðrum, áðrenn tær verða innsendar, eins og líkningarvaldið hevur skyldu at lata einum hjúnafelaga upplýsingar um inntøku og skattarokning hjá hinum hjúnafelagnum. Somuleiðis kann ein hjúnafelagi kæra eftir vanligum reglum um skattsetingina hjá hinum hjúnafelagnum.


    Viðmerkingar til 11. kapittul.
    11. kapittul ásetur reglurnar fyri ognaruppgerðina. Her er eingin broyting gjørd frá verandi lóg.


    Viðmerkingar til 12. kapittul.
    Í hesum kapitli er ásett í hvønn mun persónar, feløg, stovnar og onnur hava skyldu at geva skattavaldinum upplýsingar um viðskifti síni við navngivnar persónar, feløg v. m., heruppií eisini upplýsingar um útgoldnar og góðskrivaðar lønir v.m.

    Hesar reglur eru í høvuðsheitunum óbroyttar í mun til verandi lóggávu. Onkur ískoytí og onkrar broytingar eru tó gjørdar.

    Í 119. gr. verður soleiðis skyldan at lata líkningarvaldinum alt roknskapartilfar víðkað til eisini at galda triðjamann, um hann hevur roknskapartilfarið um hendur. Tað vil siga, at eingin kann bera seg undan at lata inn nevnda tilfar við at vísa til, at tilfarið er hjá grannskoðara, bókhaldsstovu v. m., tá hesi nú hava somu skyldu at flýggja út tilfarið sum viðkomandi sjálvur. Tó verður ásett, at skjøl, sum verða latin líkningarvaldinum av nevnda triðjamanni, skulu latast aftur til hansara og ikki til viðkomandi, sum skjølini viðvíkja.

    121. gr. Í hesi grein verður skyldan hjá vinnurekandi til at geva upplýsingar um viðskifti síni við einstakar viðskiftamenn, víðkað til eisini at galda fyri nevndir í feløgum, samløgufeløgum, partsreiðaríum, stovnanum v. m., uttan mun til um tey eru skattskyldug ella ikki.

    122. gr. Í hesi grein verður upplýsingarskyldan hjá keyps- og sølufeløgum smb. 1. gr. nr. 12 og 13 víðkað til at galda øll viðurskifti teirra við einstakar navngivnar limir, t. e. eisini slík, sum ikki hava við vinnu limanna at gera.

    Í 123. og 124. gr. verður eisini tann núverandi upplýsningsskyldan hjá peningastovnum, tryggingarfeløgum v. m. víðkað til eisini at galda Postverk Føroya og tollvaldið, Føroya Gjaldstova.

    Nýskapanin í hesum kapitli í mun til núverandi lóg eru reglurnar í 125. gr., har landsstýrinum saman við líkningarráðnum verður heimilað at gera reglur fyri upprættan og viðlíkahald av eini skrá yvir allar teir, sum smb. reglunum í hesi lóg verða ávísingarskyldugir, t. e. eina arbeiðsgevaraskrá. Smb. hesa lóg verða allir, sum gjalda út A-inntøkur, t. e. eisini allir almennir og privatir stovnar og allar stovnanir, uttan mun til, um teir sjálvir eru skattskyldugir ella ikki, skyldugir at lata seg skráseta í arbeiðsgevaraskránni og at geva líkningarmyndugleikunum teir upplýsningar, ið kravdir verða smb. reglugerð.

    Arbeiðsgevarin fær við tilmeldingina eitt "arbeiðsgevanummar", sum hann skal nýta, tá hann rindar út lønir gjøgnum afturhaldsskipanina.

    Arbeiðsgevarar kunnu eftir hesi lóg ikki gjalda út løn beinleiðis til løntakarar, men skulu avrokna lønina gjøgnum ein av teimun peningastovnunum v.m., sum góðtiknir eru sum avrokningarstøð.

    Reglugerðir og vegleiðingarskriv til arbeiðsgevarar um hvussu lønarútgjaldingarnar skulu fara fram, eins og eftirlit við at ásetingarnar verða fylgdar, verða gjørd av líkningarráðnum, og verður til hetta "arbeiðsgevaraeftirlit" sett fólk, sum fær serútbúgving innan hetta økið.

    Arbeiðsgevaraeftirlitið skal fáa í lag neyvt samstarv við allar arbeiðsgevarar í landinum, og fáa ta skipan í lag, at teir vitja allar regluliga og virka sum leiðbeinandi stovnur hjá arbeiðsgevarunum. Eisini hevur ráðið heimild til at fara ígjøgnum alt roknskapartilfar arbeiðsgevarans, antin á staðnum ella við at innkalla alt tilfarið, fyrst og fremst við tí í hyggju at ansa eftir, at øll lønarútgjalding verður gjørd so sum fyriskipað í lógini.

    Samanborið við tær kelduskattaskipanir, vit kenna aðra staðni frá, verður í hesi lóg ikki álagt arbeiðsgevarunum stórvegis arbeiði við útrokning, eftirhalding og inngjalding av skatti, og verður arbeiðsøki hjá arbeiðsgevaraeftirlitinum tí ikki so umfatandi sum aðrastaðni. Arbeiðið verður tó av alstórum týdningi, tá ein av høvuðstreytunum fyri, at samtíðarskattaskipanin fer at virka eftir ætlan, er at øll lønarútgjalding verður gjørd sum ásett í lógini.


    Viðmerkingar til 13. kapittul
    Í sambandi við tær skuldbindingar- og innheintingarreglur ið ásettar eru í hesum kapitli, verður her nærri fyriskipað, hvussu farast skal fram, um teir ávísingarskyldugu og skattskyldugu, ið nevndir eru í lógini, á ein ella annan hátt ikki halda skyldur sínar mótvegis tí almenna.

    Serstakliga verður lagt áherðsla á, at hin ávísingarskyldugi altíð eigur og skal avrokna alla A-inntøku gjøgnum tey avrokningarstøð, ið landsstýrið góðkennir. Ger hann ikki skyldu sína hesum viðvíkjandi, ber hann sjálvur beinleiðis alla ábyrgd av, at tann skattur, ið møguliga vantar í, verður goldin.

    Viðvíkjandi sjálvari innheintingini av skattinum er ásett, at tað undir ávísum umstøðum er loyvt skattavaldinum at innheinta ella panta skatt, sum ikki verður goldin av persónligum skattgjaldara, einum búgvi ella felag, sum verður avtikið og skift millum limirnar, hjá ávikavist hinum hjúnafelagnum, hjá arvingunum ella hjá limunum í felagnum.

    Síðani verður sagt, at um skattur, sum eftir lógini skal gjaldast, ikki er goldin rættstundis, er skattavaldinum heimilð at halda eftir upp til 65 % av inntøkuni. Viðmerkjast skal, at hesi 65 % eru eitt avgjørt hægstamark, soleiðis hevur skattgjaldarin altíð eitt rímuligt krav um at fáa útgoldið tað, sum eina og hvørja tíð er ásett sum eitt avgjørt lágmark fyri, hvat ið krevst til lívsins uppihald.

    Seinast í kapitlinum er nevnd tann vanliga fyrisitingarregla, at skattgjaldari ikki kann koma sær undan at gjalda skatt við at kæra ella mótmæla um skattsetingina ella tann framferðarhátt, ið nýttur er í samband við skattainnheintingina.

    129. gr. Í hesi grein verður ásett, at tann arbeiðsgevari, virki v. m., sum letur vera við at avrokna A-inntøkur gjøgnum avrokningarstøð, ið landsstýrið góðkennir, - bankar - spari- kassar - posthús v. m., sjálvur ber ábyrgdina av, at tann skattur verður goldin, ið møguliga ikki verður latin tí almenna av honum, ið hevur tikið móti peninginum.

    2. stk. Undir hesum stykki verður undirstrikað, at tann, sum hevur avroknað A-inntøku gjøgnum tey avrokningarstøð, ið landsstýrið góðkennir, er endaliga leysur og frítikin fyri eitt og hvørt krav frá skattavaldinum um skatt hesi somu A-inntøku viðvíkjandi, t. e. at í slíkum førum er tað avrokningarstaðið, sum ber ábyrgdina av, at tann neyðugi skatturin verður goldin.

    130. gr. Um so skuldi borið á, at t. d. avrokningarstaðið av misgávum ikki hevur eftirhildið A-skatt av A-inntøku, t. e. løntakarin hevur fingið alla sína løn útgoldna uttan frádrátt fyri skatt, so er í hesi grein tilskilað tann natúrliga regla, at tá so er, skal skattgjaldarin sjálvandi gjalda ta írestandi upphæddina beinanvegin til skattamyndugleikarnar.

    131. gr. Í hesi grein verður greitt frá, at í førum har ein persónur, felag v. m. hevur fulltrú vegna teir í gr. 2 avmarkaðu skattskyldugu, ber hann sjálvur ábyrgdina av, at teir skattir, ið verða álagdir hesum avmarkaðu skattskyldugu, verða goldnir.

    132. gr. Her verður sagt, at um tað av einihvørjari orsøk ikki er gjørligt at innheinta skattin hjá skattgjaldaranum sjálvum, so er skattavaldinum heimilað at panta fyri tann skylduga skattin hjá hjúnafelagnum.

    Hetta er tó treytað av, at tann ógoldni skatturin hevur sín uppruna í einum tíðarskeiði, tá hjúnini hava verið skattað saman, sbr. gr. 4. T. e. stavar skatturin frá einum tíðarskeiði, tá hjúnini hava verið skattað hvørt sær, ber hin hjúnafelagin onga ábyrgd av tí ógoldna skattinum.

    133. gr. Í teimum førum ið skattur verður álíknaður einum persóni aftan á, at hann er deyður, hevur antin búgvið ella arvingarnir ábyrgdina av, at hann verður goldin. Arvingarnir hava samábyrgd av, at skatturin verður goldin, tó er ábyrgdin avmarkað til ta upphædd, teir hava móttikið ella fingið frammanundan. Síðan verður sagt, at skuldbinding ikki verður ávirkað av, at innkallað er við proklama, t. e. her kann altíð roknast við eini 5 ára fyrningarfreist, frá tí at skattavaldið hevur havt møguleika fyri at gera kravið galdandi.

    134. gr. Í hesi grein verður somuleiðis fasthildið, at eigarnir, avtøkustjóri, ella møguliga nevndin, bera samábyrgd av ógoldnum skatti hjá felagi, sum er avtikið og síðani skift sundur millum eigararnar.

    Til tess at avmarka omanfyri nevndu ábyrgd er síðani ásett, at móti nevndini/avtøkustjóra kann samábyrgd ikki verða kravd fyri meir enn ta samanløgdu upphæddina, sum er skift sundur millum parteigarar ella limir. Parteigarar og limir verða harafturímóti skuldbundnir í mun til tað, sum skift er sundur millum teir, t. e. teir ábyrgjast pro rata og uttan mark uppeftir.

    135. gr. Her verður ein renta upp á 1 % um mánaðin ásett fyri ikki rættstundis goldnan skatt. Hon verður roknað fyri hvønn byrjaðan mánað frá gjaldsdegi. Innkrevjingin av teimum samanløgdu rentuupphæddunum fer fram á tann hátt, at kravt verður bert eina ferð um árið samstundis við tí írestandi skattinum.

    Fyri ávísingarskyldugar er ein nakað hægri renta ásett. Teir skulu sambært 2. stk. gjalda eina rentu upp á 1.5 % fyri hvønn byrjaðan mánað, um skatturin ikki er inngoldin rættstundis.

    Síðan verður í hesi grein nevnt, at um upphædd, sum eftir skattalógini skal gjaldast tí almenna, ikki er goldin rættstundis, so kann henda upphædd við afturatkomnum rentum v. m. nær sum helst krevjast inn við panting.

    4. stk. vísir á, at um neyðugt kann ógoldin skattur hjá foreldrunum innheintast hjá børnunum. Vísandi til 5. gr. 4. stk. er tilskilað, at tílík innheinting bara kann verða gjørd í nevndu gávum frá foreldrum til børn.

    136. gr. Um skattur og onnur gjøld samb. lógini ikki verða goldin rættstundis, gevur henda grein skattavaldinum heimild til at innheinta skattin á annan hátt enn við teirri áðurnevndu ofta truplu og kostnaðarmiklu pantingini. Skattavaldið kann nevniliga í staðin fyri eftirhalda í A-inntøku skattgjaldarans. Markið fyri hvussu nógv kann eftirhaldast er tó sett til hægst 65 % av A-inntøkuni. Síðani verður sagt, at áðurnevnda afturhaldan eisini kann vera gjørd í inntøku hjúnafelagans, um hjúnini kunnu roknast við at hava verið samskattað í tíðini, tá skuldin hevur sín uppruna.

    4. stk. slær fast, at reglurnar fyri afturhaldan eisini galda fyri skuld, sum stavar frá tíðini, áðrenn tann nýggja lógin kom í gildi.

    Annars verður vísandi til 63. gr. 6. stk. ásett, at reglurnar um afturhaldan í 1 - 4. stk. ganga fram um onnur krøv í inntøkuni, heruppií bæði mótkrøv frá ávísingarskylduga og avroknningarstaði.

    At enda í hesi grein er nevnt, at viðvíkjandi eftirhaldan verða greinirnar 125, 129 og 146 somuleiðis nýttar, t. e. her er ein sokallað upplýsingarskylda galdandi, umframt at viðkomandi, sum skal eftirhalda, sjálvur ber ábyrgdina av, at peningurin verður goldin tí almenna, og harafturat kann koma undir revsing, um hann ikki ger tað, sum lógin býður honum.

    137. gr. Her verða deyðsbúgv og trotabúgv sett at svara fyri skattaeftirstøður hjá ávikavist hinum deyða og trotamanninum. Skuldbindingin verður í hesum føri heldur ikki skerd av innkallan við proklama, t. e. roknast skal við eini 5 ára fyrningarfreist.

    138. gr. Her er nevnd tann regla, at skattgjaldari ikki sleppur undan at gjalda skatt við at kæra ella mótmæla um skattsetingina, t. e. tann upphæddd, sum áløgd er av skattavaldinum, eigur í øllum førum at verða goldin.


    Viðmerkingar til 14. kapittul.
    Í hesum kapitli er ásett í hvønn mun tann, ið av svikalistum ella av stórum gáloysni greiðir skattamyndugleikunum rangt frá í samband við skattsetingina, verður revsaður.

    Tann vanligi skattaborgarin kemur í flestum førum undir fyri,mælini í grein 139, um so er at hann ikki hevur hildið sína skyldu hesum viðvíkjandi. Harafturímóti er fyri tann, sum í starvi sínum greiðir rangt frá, t. e. hetta er ein partur av vinnu hansara, ásettar strangari revsingarreglur. Hann kann nevniliga vænta at koma undir varðhald um ikki nøkur avsakan er.

    Er viðkomandi er deyður, áðrenn áløgd sekt er goldin, ella hann hevur virkað vegna felag v. m. og misbrotið er framt í hesum sambandi, so kann sekt vera áløgd ávikavist deyðsbúnum og felagnum.

    Ábyrgd arvinganna er tá avmarkað á tann hátt, at teir einans ábyrgjast, um so er, at teir hava tikið við arvi ella hava fingið arv greiddan frammanundan. Teir bera samábyrgd av, at kravið verður goldið, men ábyrgdin er skerd soleiðis, at teir hefta pro rata, og hægst við teirri upphædd, teir hava fingið útgoldna úr búnum.

    Síðani kann eftir hesum kapitli verða álagt teimum sekt, sum t. d. ikki avrokna A-inntøku gjøgnum tey avrokningarstøð, sum landsstýrið góðkennir, teimum feløgum sum lata vera við, ella geva rangar og villleiðandi upplýsingar viðvíkjandi eftirhaldi í sambandi við útlutan av vinningsbýti, og annars teimum sum hava upplýsingarskyldu í sambandi við lønútgjalding.

    At enda skal verða nevnt, at landsstýrið í slíkum førum, har sektir og eykagjøld eru áløgd eftir hesum kapitli, hevur heimild at geva upp ella lækka hesi gjøld um viðurskiftini í stórum tala fyri tí.

    139. gr. Í hesi grein er fyriskipað, at um ein persónur av svikalistum greiðir rangt frá ella gevur villleiðandi upplýsingar í sambandi við skattauppgerðina, verður hann revsaður við upp til 5 ferðir teirri peningahædd, ið kundi havt, ella hevur staðist av svikum hansara.

    Her verður sostatt roknað við eini upphædd, sum skattavaldið antin hevur mist ella kundi havt mist í sambandi við tað svik, sum er framt. Henda upphædd verður síðan faldað við 5 ella um so er at svikið einans er gjørt av stórum gáloysni, við 3. Landsstýrið dømir áðurnevndu sekt, og sektarpeningurin verður býttur millum teir kassar, ið hava rætt til skattin. Býtislutfallið verður sett í mun til tað, ið hvør eigur av skattinum. Hevur viðkomandi, ið dømdur er í sekt, virkað vegna felag, ella er deyður áðrenn sektin er inngoldin, kunnu ávikavist felagið ella deyðsbúgvið verða kravd eftir sektini.

    140. gr. Í hesi grein eru ásettar serligar reglur fyri teir, sum vinnuliga veita skattgjaldara hjálp og vegleiðing við sjálvuppgávuni. Revsingin fyri at sleppa ella royna at sleppa sær undan skatti, er fyri hesar persónar sett til varðhald, (t. e. frá 7 døgum til 6 mánaðir sbr. 44. gr. í revsilógini), ella um nøkur avsakan er til sekt.

    141. gr. Her verður landsstýrinum heimilað at krevja hjálp frá løgregluni til tess at fremja álagda sekt ella revsing sambært 139. og 140. gr.

    142. gr. Nevnt verður, at tann, sum er dømdur sekur í misbroti eftir 139. gr., skal umframt sektina sjálva, harafturat altíð gjalda tann skatt, ið hann hevur goldið ov lítið. Hetta er eisini galdandi um so er at tað kemur í ljósmála at skattgjaldari hevur goldið ov lítið í skatt, uttan at hann tó hevur gjørt nakað til sakar, sum revsing er løgd við.

    143. gr. Um so er at skattgjaldari er deyður, og tað kemur í ljósmála, at hann hevur goldið ov lítlan inntøkuskatt, so skal gjaldast tvíføld tann peningahædd sum í vantar. Hesa ábyrgd, ið nevnd er, bera búgvið ella arvingarnir. Arvingarnir tó einans í tann mun teir hava tikið við arvi (viðgingið arv og skuld) ella fingið arv greiddan frammanundan. Arvingarnir ábyrgjast pro rata, men hægst svarandi til ta upphædd, teir hava fingið útgoldna úr búnum. Í teimum førum, hjúnafelagin livir eftir hin deyða, og ognirnar hjá hesum ikki verða tiknar upp í viðgerðina av búnum, kann tó verða pantað fyri eftirskattin hjá hesum, treytað av, at eftirkravið hevur sín uppruna í einum tíðarskeiði, tá hjúnini hava verið skattað saman. Kravið, ið omanfyri er nevnt, verður ikki skert av innkallan við proklama, t. e. her verður eisini ein 5 ára fyrningarfreist galdandi.

    Í slíkum førum sum omanfyri nevnt kann málið við samtykki landsstýrisins verða avgjørt við sátt og semju. Verður eingin semja gjørd, verður málið endaliga avgjørt av rættinum.

    144. gr. Sambært hesi grein hevur landsstýrið, tá viðurskiftini í stórum mæla fyri tí, heimild til at geva upp ella lækka eftirkrav, sektir og gjøld sum áløgd eru eftir hesum kapitli. Talað kann verða um fíggjarliga trongstøðu av einumhvørjum slag sum stendst av sjúku, óhappi v. m.

    145. gr. Viðvíkjandi roknskapi er í hesi grein ásett, at tann, ið ikki lýkur tær treytir, ið álagdar eru sambært 103. gr. 3. stk., og sostatt verður sektaður, má ganga undir tær vanligu reglurnar um panting. Annars kann hann verða álagdur sekt, um so er, at hann ikki ger skyldur sínar viðvíkjandi teirri roknskaparskyldu, ið ásett er í skattalógini.

    146. gr. Tann, sum ikki heldur skyldur sínar viðvíkjandi avrokning av A-inntøku gjøgnum tey avrokningarstøð, ið landsstýrið góðkennir, tað felag, sum ikki gevur neyðugar upplýsingar í sambandi við eftirhaldan av vinningsbýti, ella tann, ið ikki gevur neyðugar upplýsingar í sambandi við lønútgjalding, verður sambært hesi grein revsaður. Ein revsing upp til 5.000 kr. fyri ikki at halda fyriskipaninar í 118. gr. kann áleggjast av líkningarráðnum.

    147. gr. Sambært hesi grein verður somuleiðis tann sektaður, sum tekur ímóti A-inntøku og veit av, at A-skattur ikki er goldin, og annars gevur villleiðandi ella rangar upplýsingar um tey viðurskifti sum røtt er um í 60. gr. 3. og 4. stk., 63. gr. 4. stk. 68. gr., 80. gr. ella 82. gr.

    148. gr. Viðvíkjandi teimum fyriskipanum, sum sambært heimild í hesi lóg eru gjørdar, kunnu í hesum fyriskipanum verða ásettar reglur sum áleggja sekt, um fyriskiparnirnar ikki verða hildnar.

    149. gr. Feløgum, felagskapum v. m. kann verða áløgd sektarábyrgd, um tey ikki halda fyriskipanirnar, ið nevndar eru í l46. og l48. gr.

    150. gr. Henda grein ásetur, at um eitt lógarbrot verður mett ikki at føra við sær onnur revsitiltøk enn sekt, kann landsstýrið heimila, at málið verður avgjørt uttan rættarviðgerð, treytað av at viðkomandi viðgongur seg sekan í lógarbrotinum.


    Viðmerkingar til 15. kapittul
    Í hesum kapitli er í fyrstu atløgu álagt øllum teimum tagnarskyldu, ið hava starv, ið á einhvønn hátt nemur við skattlig viðurskifti. Víst verður her til borgarliga revsilóg fyri Føroyar, t. e. 152. gr. í revsilógini. Sambært hesi grein verður tann, sum avdúkar viðurskifti, ið skulu haldast loynilig, ella á annan hátt misnýtir slíkan kunnleika, revsaður við sekt, varðhaldi ella undir skerpandi umstøðum við fongsli upp í l ár. Er lógarbrotið framt við vinningi í hyggju, kann revsingin hækkast við upp til 3 ára fongsli.

    Viðvíkjandi kommunulíkningarvaldunum er heimilt landsstýrinum at áleggja hvørjum einstøkum limi dagsekt, um teir ikki innan tær tíðarfreistir, íð eru ásettar í skattalógini, gera sína skyldu og greiða tað úr hondum, sum henda lóg ásetur.

    Til tess at sleppast kann undan tvinnanda skatting, er í lógini heimilað landsstýrinum at gera sáttmála við fremmand lond um møguligar broytingar og játtanir skattskylduni viðvíkjandi, treytað av at samsvarandi játtanir kunnu fáast aftur í móti.

    Somuleiðis kann sáttmáli gerast við annað land viðvíkjandi sínámillum fráboðanum um upplýsingar til nýtslu hjá avvarðandi fremmandu skattavaldum, um sínámillum innheintingar og pantingar fyri skatt í útlondum, og annars eisini viðvíkjandi eftirhalding í løn fyri ógoldnan skatt í avvarðandi fremmanda landi.

    Annars er landsstýrinum og kommunustýrunum heimilað, tá umstøðurnar almikið tala fyri tí, so sum tá t. d. sjúka, andlát, vinnuloysi ella tílíkt hevur rakt viðkomandi serliga hart, at geva eftir, ella lækka ávikavist lands- og kommunuskatt.

    151. gr. Í hesi grein verður sambært 152. grein í borgarligu revsilóg ásett, at skattavaldi, líkningarvaldi, limum í landsskattanevndini, teimum ið innheinta, eins og hjálparfólki yvirhøvur er bannað at siga óviðkomandi frá tí, ið tey í starvi sínum hava fingið at vita um inntøku-, vinnu- og ognarviðurskifti v. m. hjá skattskyldugum og ávísingarskyldugum.

    Tey, ið taka við starvi hjá skattavaldinum, skulu sum ein fylgja av tí ið omanfyri er nevnt, skrivliga lova at halda hesa tagnarskyldu.

    Annars er teimum, sum á einhvønn hátt fremja brot móti teirri reglu, sum ásett er í 91. gr. í skattalógini um, at hvørki skattalisti ella skattaútrokning skal almannakunngerast, einans álagt sekt, t. e. tey koma ikki undir tær omanfyri nevndu reglur í borgarligari revsilóg um tagnskyldu.

    152. gr. Viðvíkjandi kommunulíkingarvaldunum, er í hesi grein ásett, at um tey ikki innan tær í lógini ásettu freistir hava avrikað tað ið lógin býður teimum, so kann hvørjum einstøkum limi verða áløgd dagsekt, sum ikki hevur fullgóða avsakan. Einans landsstýrið kann áleggja hesa sekt.

    153. gr. Her verður bert tann vanliga regla nevnd, at tað stendur einum og hvørjum í boði, ið hevur fingið sekt av skattavaldinum, at krevja málið fyri dómsvaldið.

    Tað er bert tann avmarking gjørd í hesum møguleika, at stig skulu verða gjørd til at fáa málið avgreitt við rættin innan 14 dagar eftir fráboðanina um sektina.

    154. gr. Sambært hesi grein er heimilað landsstýrinum at gera sáttmála við útlond til tess at sleppast kann undan einari møguleigari tvinnanda skatting hjá persónum, sum t. d. hava havt inntøku her á landi, meðan teir eru búsitandi í øðrum landi, ella kanska øvugt.

    Skattur, sum í slíkum førum er álíknaður ella goldin í øðrum landi, kann vera drigin frá í tí inntøkuskatti, ið latin skal verða í Føroyum. Frádrigið kann tó ikki verða meira enn tað, ið lutfalsliga fellur á ta inntøku, ið er skattað bæði í útlondum og Føroyum.

    155. gr. Landsstýrið kann sambært hesi grein gera ein alment galdandi sáttmála við útlond viðvíkjandi øllum teimum persónum sum hava eitt ávíst samband við bæði londini, soleiðis at sleppast kann undan tvífaldari skattaálíkning. Nevndi sáttmáli er tó altíð treytaður av, at samsvarandi játtanir fáast afturímóti. Eisini kann gerast sáttmáli við útlond viðvíkjandi sínámillum fráboðanum um upplýsingar, sum nýtast skulu hjá skattamynduleikunum í avvarðandi landi. Reglur viðvíkjandi innheinting og panting kunnu eisini gerast í einum tílíkum sínámillum sáttmála, sum nevndur er omanfyri. Hetta ber í roynd í sær, at skattur sum fallin er til gjaldingar í einum landi, kann vera innheintaður ella pantaður í øðrum landi, t. e. tvingað gjøgnum á sama hátt sum galdandi er fyri krøv, sum antin vera innheintað ella pantað í landinum sjálvum. Somuleiðis kann sambært hesa grein gerast sáttmáli um eftirhalding í løn fyri skyldugan skatt í øðrum landi. Viðvíkjandi skatti sum goldin er í Grønlandi, kann hann vera drigin frá tí inntøkuskatti, ið latin skal verða í Føroyum. Tó kann ikki verða meira drigið frá enn tað, ið lutfalsliga fellur á ta inntøku, ið er skattað í Grønlandi.

    gr. 156. Landsstýrið kann tá ið umstøðurnar almikið tala fyri tí geva upp ella lækka landsskatt, sum er endaliga álíknaður sum írestandi skattur eftir lógini. T. e. landsstýrinum er einans heimilað at geva upp ella lækka landsskatt, og ikki kommunuskatt. Harnæst er landsstýrinum bert heimilað at lækka írestandi skatt og ikki áður inngoldnan skatt.

    gr. 157. Bygdarráðnum er sambært hesi grein somuleiðis heimilað at geva eftir endaligan álíknaðan skatt, tá umstøðurnar almikið tala fyri tí. Eins og í áðurnevndu grein er her eisini bert talan um írestandi skatt. Inngoldin skattur kann hvørki lækkast ella eftirgevast.


    Viðmerkingar til 16. kapittul.
    Nær, ið lógin verður sett í gildi, verður ásett við kunngerð frá Føroya landsstýri. Samstundis ásetur landsstýrið nærri reglur fyri, hvussu henda nýggja lógin skal verða framd. Um ikki annað verður ásett við løgtingslóg, verða øll mál viðvíkjandi skattgjaldi fyri skattaskeið, áðrenn henda lóg kemur í gildi, viðgjørd eftir higartil galdandi reglum. Um somu tíð, sum henda nýggja lógin kemur í gildi, fara úr gildi løgtingslóg nr. 50 frá 2. juli 1963 við seinni broytingum, og 45. gr. í løgtingslóg nr. 45 frá 29. juni l972 um føroyskar kommunur.

    Annars verða tær eftir lógini frá 2. juli l963 givnu kunngerðir framvegis í gildi, í tann mun tær ikki stríða beinleiðis móti teirri nýggju lógini.



    Sí skjøl, sum eru knýtt at lógini
    Sí lógina, sum skjølini eru knýtt at