Viðgerð av persónsupplýsingum í sambandi við afturrindan av vinningsbýtisskatti

Um tú hevur spurningar um hvussu TAKS viðgerð tínar persónsupplýsingar, ella tú ætlar at brúka tíni rættindi, kann tú seta teg í samband við okkum umvegis:

• Telefon 35 26 00. TAKS svarar mánadag til hósdag frá kl. 10-12.
• Teldupost til taks@taks.fo
• Bræv til TAKS, Smyrilsvegur 20, postboks 2151, 110 Tórshavn

TAKS viðgerð persónsupplýsingar, sum eru neyðugar fyri, at TAKS kann røkja sínar áløgdu uppgávur. 

Í sambandi við viðgerðina av afturrindan av vinningsbýtisskatti, er endamálið at viðgera tína umsókn, og hava eftirlit við, at treytirnar fyri at fáa vinningsbýtisskatt eru loknar.

TAKS viðgerð persónsupplýsingar, sum TAKS metir eru neyðugar fyri at kunna røkja álagdar uppgávur, og sum TAKS hevur eitt lógligt og heimilað endamál at viðgera. 

Í sambandi við afturrindan av vinningsbýtisskatti, so viðgerð TAKS niðanfyri standandi upplýsingar um teg:

• Upplýsingar sum kunnu eyðmerkja teg, so sum navn, adressa, p-tal ella TIN nummar
• Upplýsingar um tíni fíggjar- og vinnuviðurskifti, undir hesum inntøka og ogn

TAKS viðgerð allar tær upplýsingar, sum tú letur TAKS í sambandi við umsóknina.

Heimildin hjá TAKS at viðgerð persónupplýsingar um teg er sambært § 8, nr. 3 og 5 í dátuverndarlógini. 

Heimildin at viðger p-talið er sambært § 16 í dátuverndarlógini.

TAKS letur í nøkrum førum upplýsingar víðari til fylgjandi móttakarar:

• Aðrar almennar myndugleikar, tá upplýsingarnar hava týdning fyri virksemi hjá myndugleikanum, og myndugleikin hevur rætt til at fáa upplýsingarnar ella TAKS hevur skyldu til at lata upplýsingarnar.
• Útlendskar skattamyndugleikar tá biðið verður um tað.
• Politiið.

TAKS nýtir dátuviðgerar til at viðgera persónsupplýsingar um teg. Dátuviðgerðarnir viðgera upplýsingarnar vegna TAKS og eftir okkara boðum.

TAKS hevur skyldu til at goyma upplýsingar um teg so leingi hetta er neyðugt fyri eftirlitið hjá TAKS og í sambandi við skjalfestan av avgerðum, um eitt kærumál ella rættarmál skuldi byrjað. 

TAKS hevur eisini skyldu til at varðveita alt savnindi. Hetta verður gjørt í samstarvi við Landsskjalasavnið. Savnindi fevnir um skrivligt tilfar eins og øll onnur sløg av tilfari, undir hesum talgilt tilfar, sum gevur upplýsing og er vorðið til ella fingið til vega í sambandi við tænastuvirki.

TAKS kann flyta persónsupplýsingar til triðjalond í sambandi við tvískattasáttmálar ella í sambandi við aðrar altjóða sáttmálar. Heimildin fyri flutninginum er § 61, stk. 2, nr. 1 í dátuverndarlógini.

Tá TAKS viðgerð persónsupplýsingar um teg hevur tú millum annað rætt til at:

• fáa skeivar upplýsingar rættaðar
• fáa innlit í upplýsingar um teg, millum annað kopi av teimum

Í nøkrum førum hevur tú eisini rætt til at:

• avmarka viðgerðina hjá TAKS av upplýsingunum
• mótmæla viðgerðina hjá TAKS av upplýsingunum

Um tú vilt nýta tíni rættindi skal tú seta teg í samband við okkum, sí omanfyri hvar tú skal venda tær.

Um tú hevur spurningar til hvussu TAKS yvirskipað viðgerð persónsupplýsingar, kann tú seta teg í samband við okkara dátuverndarfólk. 

Tað ger tú við at senda ein teldupost til dpo@taks.fo.

Tú kann eisini senda bræv: TAKS, Smyrilsvegur 20, postboks 2151, 110 Tórshavn. Viðmerk “Dátuverndarfólkið” á brævbjálvan.

Tú kann klaga til Dátueftirlitið, um tú ert ónøgdur við hvussu vit viðgera persónsupplýsingar um teg. 

Tað kann tú gera við at senda ein teldupost ella bræv til Dátueftirlitið.

Teldupostadressan hjá Dátueftirlitinum er dat@dat.fo

Adressan hjá Dátueftirlitinum er: Dátueftirlitið, Heiðavegur 25, 600 Saltangará

Á heimasíðuni hjá TAKS kann tú lesa nærri um hvussu stovnurin viðgerð persónsupplýsingar. Tú kann lesa meira her: Dátuvernd - TAKS