Missión, visjón og virðir

Ein visjón er ein málsetningur – eitt framtíðarmál, sum gevur arbeiðsgleði og setir futt í fólk.

Visjónin hjá TAKS er at vera Føroya besti stovnur. Tí stoltleikin um tað flytur okkum sum starvsfólk og skapar framburð fyri samfelagið.

Flytur okkum, tí hann krevur av okkum, at vit fara eftir greiðum og góðum úrslitum, og at vit eru sjónlig, opin og luttakandi. Nærlagni, dugnasemi og tænastusinni skulu síggjast aftur í  okkum sum starvsfólkum og í øllum, vit gera.

Skapar framburð, tí at borgarar og myndugleikar fáa gagn av, at tey hava ein nútíðarbæran, tænastusinnaðan og fakliga dugnaligan stovn, sum er fyrimyndarliga væl rikin.

Fyri at røkka visjónini um at vera Føroya besti stovnur, byggja vit á nøkur virðir, sum vit royna at liva upp til í okkara dagliga arbeiði.

Virðini eru hesi:

• Vit virðismeta virkisfýsni
• Menning og vitan eru avgerandi fyri okkum
• Trúvirði er ein fyritreyt fyri okkara arbeiði
• Vit eru einstaklingar, men partar av eini heild
• Vit eru tænastusinnað
• Okkara úrslit eru best, tá ið vit trívast