Rinda b-skattin 2023 í januar og spar eykagjaldið á 4%

Hevur tú ikki rindað skatt av b-inntøku frá 2023, so skuldi tú gjørt tað í síðsta lagi mikudagin, 31. januar 2024, tí so sleppur tú frá eykagjaldinum á 4% brutto av teirri inntøkuni, sum skattur ikki er rindaður av.

Rokna tín skatt við skattaroknaranum

Skattaroknaran finnur tú á www.eskatt.fo. Set tølini hjá tær inn í roknaran, og hann sigur tær skattin, tú skalt rinda. TAKS roknar ikki fyri teg, brúka tí skattaroknaran. Seinni senda vit tær so bræv um at lata inn sjálvuppgávu, har tú fráboðar b-inntøku tína 2023. Brævið vegleiðir, hvussu tú gert. Øll, sum hava b-inntøku, fáa hetta bræv.

Flyt skattin á eina av kontunum niðanfyri

Viðmerk p-tal og 2023. Gert tú flytingina úr tínum peningastovni í annan, ger hana so í síðsta lagi dagin fyri freistina, tað er týsdagin, 30. januar 2024. So er skatturin á kontu okkara rættstundis dagin eftir.

Meirles

Skattaroknarin
Sjálvuppgáva