Skriva út

Ársfrásøgn

Ein ársfrásøgn er ein útgreining av ársroknskapinum til at vátta, at hann er rættur og sannur. Umframt roknskapin hevur frásøgnin eisini eina leiðslufrágreiðing og møguliga aðrar supplerandi upplýsingar.

Innlatingarfreistin er seks mánaðir eftir lokið roknskaparár

Hvørji feløg skulu lata inn ársfrásøgn?

Tað skulu vinnurekandi feløg, ið hoyra til roknskaparflokk B ella C sambært ársroknskaparlógini. Dømi um slík feløg eru partafeløg, smápartafeløg, íverksetarafeløg og vinnurekandi grunnar.

Felagsskapir og einstaklingsvirkir lata ikki inn ársfrásøgn.

Ársfrásøgnin skal sendast til Skráseting Føroya via Vinnugluggan

Rita inn á gluggan og vel sjálvuppgáva > ársfrásøgn

Gev gætur, at verður latið inn á annan hátt, telur tað sum óinnlatið.

Brúk fyri hjálp til ársfrásøgnina?

TAKS kann ikki hjálpa við ársfrásøgn, men spyr ein bókhaldara ella grannskoðara, teir vita.

Til ber eisini at spyrja Skráseting Føroya

Kontaktupplýsingar eru á heimasíðu stovnsins, www.skraseting.fo.

Ongan Vinnuglugga?

Send okkum eina umsókn um ein brúkara. Heinta hana undir oyðubløðum her á síðuni. Hon eitur "Umsókn um at gerast brúkari av Vinnuglugganum". Avmynda ella skanna útfylta umsókn og send til taks@taks.fo ella til TAKS, Smyrilsvegur 20, Postboks 2151, 110 Tórshavn.

Nakrir fáir dagar, og tú kanst brúka tænastuna.

Meira at vita?

> Les um Vinnugluggan

Ber av serligum orsøkum ikki til at nýta Vinnugluggan?

Set teg í samband við Skráseting Føroya. Kontaktupplýsingar eru á heimasíðu stovnsins, www.skraseting.fo.