Sum sjálvstøðugt vinnurekandi skalt tú tekna trygging fyri at fáa barsilspengar. Hevur tú fólk í arbeiði, kanst tú fáa endurgjald fyri ein part av lønini, sum tú rindar teimum, meðan tey eru í barsilsfarloyvi.
Við trygging hevur tú rætt til barsilspengar undir egnum barsilsfarloyvi. Tryggingin kostar 3.000 krónur um árið og skal hava verið í gildi samanhangandi í eitt ár, áðrenn tú kanst fáa útgjald.
Fyri at tekna tryggingina skalt tú senda Barsilsskipanini eina umsókn.
Heinta umsóknina og les meira um tryggingina á heimasíðuni hjá Barsilsskipanini á www.barsil.fo > trygging til sjálvstøðugt vinnurekandi.
Fyri at fáa endurgjald fyri løn, sum tú rindar starvsfólki í barsilsfarloyvi, skalt tú senda Barsilsskipanini eina umsókn. Støddin á endurgjaldinum veldst um lønina hjá starvsfólkinum. Mesta endurgjald er tó 31.923 krónur um mánaðin.
Heinta umsóknina og les meira um endurgjaldið á heimasíðuni hjá Barsilsskipanini á www.barsil.fo > arbeiðsgevarar > treytirnar fyri at fáa barsilspening.
Verður umsóknin send eftir hesa freist, fæst einki endurgjald.