Leita
Skriva út

Hvat er tollur?

Tollur er gjald, sum Løgtingið kann leggja á innflutta vøru fyri at fáa inntøku til landskassan, summpart eisini fyri at verja framleiðsluna av vøru í Føroyum.

Hvussu nógvan toll rinda vit?

Tollurin á einari vøru er ofta millum 5 og 10 prosent av tí, tað kostar at keypa vøruna og at fáa hana til Føroya. Neyva talið ásetir toll- og vøruskráin, eisini kallað altjóða vøruskráin, sum Føroyar hava gjørt avtalu við onnur lond um at fylgja.

Rinda vit altíð toll?

Nei.

  • Vit rinda ikki toll av vøru, sum kostar 300 kr. ella minni, íroknað frakt og trygging.
  • Vit rinda ikki toll av vøru, sum er tollfrí sambært Toll- og vøruskránni.
  • Vit rinda ofta heldur ikki toll av vøru úr landi, sum Føroyar hava handilssáttmála við.

Niðanfyri standa londini, sum Føroyar hava handilssáttmála við. Undir snarslóðum stendur meira um 300 krónu-regluna og um toll og vøru-skránna.

Hvørji lond hava Føroyar handilssáttmála við?

Belgia, Bretland, Bulgaria, Danmark, Estland, Eysturríki, Finnland, Frakland, Grikkaland, Írland, Ísland, Italia, Kekkia, Kroatia, Kypros, Lettland, Litava, Luksemborg, Malta, Niðurlond, Noreg, Pólland, Portugal, Rumenia, Slovakia, Slovenia, Spania, Sveis, Svøríki, Turkaland, Týskland og Ungarn.

Snarslóðir