Tað er tríggir mátar at leita uppá í toll- og vøruskránni: skrolling, nummarleiting og navnaleiting.
Skrolling
Skrollast kann á startsíðuni. Man skrollar, sum vant, og trýstir á kapittlar fyri at síggja vørurnar, sum hoyra til. Fyri at síggja tollin á vøru, trýstir man á nummarið út fyri henni.
Kemur man burtur frá startsíðuni, kann man velja "Yvirlit" á menuini.
Nummarleiting
Vørur í toll- og vøruskránni hava hvør sítt nummar við átta tølum. Fyrstu tvey eru nummarið á kapittli og høvuðsbólki, hini greina í undirbólkar. Kapittul 64 er til dømis skógvar, og ein undirbólkur, sandalur, hevur soleiðis nummar 64032000. Skrivar man tað í leitigluggan og trýstir á enter, fær man tollin á sandalum. Man kann eisini bara skriva 64 og síggja allar skógvar.
Fyri at nummarleita, vel "Leita" í menuini og síðan "Leita í Vørunr. og tekst".
Navnaleiting
Upp á nøvn verður leitað við at skriva navnið á vøruni, man vil kunna seg um. Leitar man eftir sandalum, kann man skriva sand, sandal ella sandalur, trýsta á enter og síggja tollin. Stjørnutekn, gásareygu og onnur slík tekn kunnu ikki nýtast, einans bókstavir.
Fyri at navnaleita, vel "Leita" í menuini og síðan "Leita í Leitiorð".
Brúkar tú telefon?
Trýst á burgaramenuina fyri at lata menuina í skránni upp.