Lesandi, ið hava aðra inntøku enn lestrarstuðul í Føroyum, skulu eisini rinda til eftirløn.
Lesandi, sum hava inntøku umframt lestrarstuðul, skulu rinda til eftirløn av hesi inntøku. Lestrarstuðulin sjálvur er ikki fevndur av kravinum um eftirløn.
Inntøkurnar umframt lestrarstuðulinum eru vanliga smáar. Tí er ásett, at er eftirlønarupphæddin fyri eina lønarflyting minni enn 30 krónur, skal einki rindast til eftirløn ta flytingina.
Lesandi uttanlands, sum hava varðveitt fulla skattskyldu í Føroyum, skulu ikki rinda eftirløn av inntøku, sum tey vinna uttanlands. Tó, arbeiða tey í Føroyum – eitt nú í summar- ella jólafrítíðini – skal eftirløn rindast av inntøkuni, sum er forvunnin her. Tá er eisini krav at stovna eftirlønarkontu í Føroyum.
Eisini her er galdandi, at er eftirlønarupphæddin fyri eina lønarflyting minni enn 30 krónur, skal einki rindast til eftirløn ta flytingina.